မုံရွာ၊ မေ ၁၁

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် စုပေါင်းရဟန်းခံရှင်ပြု အလှူတော် ရေစက်ချမင်္ဂလာ အခမ်းအနားကို မေလ ၁၁ ရက်၊ နံနက်ပိုင်းက မုံရွာမြို့၊ မြို့သစ်ရပ်ကွက်ရှိ တော်ဝင်ဘုံစံကျောင်းတိုက်ကြီးတွင် ကျင်းပပြုလုပ်ရာ အခမ်းအနားသို့ ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီးအစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် မိသားစုဝင်များ တက်ရောက်ကြသည်။

ဦးစွာ “နမောတဿ” သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့် လှစ်ကြပြီး မုံရွာမြို့၊ မဟာဇေတိကာရာမကျောင်းတိုက်၊ တိုင်းဒေသကြီး သံဃနာယက အဖွဲ့ ဉက္ကဌဆရာတော် ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလ ခံယူဆောက်တည်ကြသည်။

ဆက်လက်၍ ဆရာတော်၊ အရှင်သူမြတ်များထံတော်မှ တိုင်းဒေသကြီး ဝန်ကြီးချုပ် နှင့်ဧည့်ပရိသတ်များက မေတ္တာသုတ် ပရိတ်တရားတော်များနာယူကြည်ညိုပြီး ဆရာ တော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ် နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက လှူဖွယ်ဝထ္တုပစ္စည်းများ ဆက် ကပ်လှူဒါန်းကြသည်။

ထို့နောက် မုံရွာမြို့၊ မဟာဝိဇ္ဇာသိပ္ပံကျောင်းတိုက်၊ မြို့နယ်သံဃနာယကအဖွဲ့ ဉက္ကဌဆရာတော် ဘဒ္ဒန္တဉာဏဝံသ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်များက အနုမောဒနာတရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓသာ သနံ စိရံတိဌတု ” သုံးကြိမ်ရွတ်ဆို ဆုတောင်းကာ ရွှေမိုးငွေမိုးများ ရွာသွန်းဖြိုးပြီး အခမ်းအနားကို ရုပ်သိမ်းခဲ့ကြသည်။

ဆက်လက်ပြီး ပင့်သံဃာဆရာတော်ကြီးများနှင့် ဆရာတော်၊ သံဃာတော်များအား တိုင်းဒေသ ကြီးဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများက နေ့ဆွမ်း များဆက်ကပ်လှူဒါန်းကြသည်။

ထို့နောက် ရဟန်း(၅၉)ပါးတို့အား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသ ကြီးတရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသ ကြီးအဆင့် ဌာနဆိုင်ရာများနှင့် မိသားစုဝင်များမှ သိမ်ဆင်း ဆွမ်းဆန်စိမ်းများနှင့် ဝတ္ထု ငွေများ လောင်းလှူခဲ့ကြောင်း သိရသည်။

မုံရွာ၊ မေ ၁၁

၁၃၈၇-ခုနှစ်၊ ကဆုန်လပြည့်ဗုဒ္ဓနေ့ ညောင်ရေသွန်းလောင်းပူဇော်ပွဲ အခမ်းအနား ကို မေလ ၁၁ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ အရှေ့ဘက်ကန် သာယာကန်တွင် ကျင်းပပြုလုပ်ရာ ညောင်ရေသွန်းလောင်းပွဲသို့ တိုင်းဒေသကြီး ဝန်ကြီး ချုပ်ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုး ရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့နေပြည် သူများ တက်ရောက်ကြသည်။

ဦးစွာ “ မဟာ ဗောဓိဒုမေ နာယော “ စသည့် ဂါထာတော်အားရွတ်ဆို၍ အခမ်း အနားအားဖွင့်လှစ်ကာ ကဆုန်လပြည့်ဗုဒ္ဓနေ့အကြောင်းစာတမ်းအား မြို့ရာပြည့်စေတီ တော်ကြီး၏ ဂေါပကအဖွဲ့ ဥက္ကဌက ဖတ်ကြားသည်။

ဆက်လက်၍ အရှေ့အရပ်တွင်နေရာယူသော တိုင်းဒေသကြီး ဝန်ကြီးချုပ်နှင့်ဇနီး၊ အရပ်လေးမျက်နှာတို့တွင် နေရာယူကြသည့် တိုင်းဒေသကြီး အစိုးရ အဖွဲ့ဝင်များနှင့်ဇနီး များက “ဇယောဟိ” စသည့် ဂါထာတော်အားရွတ်ဆို၍ ညောင်ရေသွန်းလောင်းကြပြီး အရပ်လေးမျက်နှာရှိ နတ်မင်းကြီးများနှင့်ဝတ်ရွတ်အသင်းများမှ သက်ဆိုင်ရာကဗျာအား ရွတ်ဆိုကာ ညောင်ရေသွန်းလောင်းကြပြီး နတ်မင်းကြီးများ၊ ဝတ်ရွတ်အသင်းများနှင့် ဧည့်ပရိတ်များက “ဇယန္တော” စသော “ ဇယမင်္ဂလာ ” (၅)ဂါထာတော်တို့အားရွတ်ဆို၍ ဆုတောင်းပတ္ထနာပြုခြင်းနှင့် ဝတ်ရွတ်အမျိုးသမီးအဖွဲ့ ၉၆ ဦးမှ “ သွန်းကြသွန်းကြ ” ကဗျာအားရွတ်ဆို၍ ဆုတောင်းပတ္တနာပြုကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများ၊ ဝတ်ရွတ်အသင်းများနှင့် ဧည့်ပရိတ်သတ်များက “ ဗုဒ္ဓသာသနံ စိရံ တိဌတု ” သုံးကြိမ် ရွတ်ဆိုဆုတောင်း၍ ကြေးစည်၊ ကြေးမောင်း၊ စည်များထိုး၍ ညောင်ရေသွန်းလောင်းပွဲ အခမ်းအနားအား ရုပ်သိမ်းခဲ့ကြောင်း သိရသည်။

မုံရွာ၊ မေ ၁၁

စစ်ကိုင်းတိုင်းဒေသကြီး၊ မုံရွာမြို့၊ အရှေ့ဘက်ကန်သာယာကန်ရှိ ရာပြည့်ကပ် ကျော်စေတီတော်ကြီးအတွင်းရှိ ဗုဒ္ဓရုပ်ပွားတော်မြတ်များအား ဗုဒ္ဒါဘိသေကအနေကဇာ တင်ခြင်း အခမ်းအနားကို မေလ ၁၁ ရက်၊ နံနက်ပိုင်းက အဆိုပါစေတီတော်ကြီး၌ကျင်းပ ရာ အခမ်းအနားသို့ တိုင်းဒေသကြီး ဝန်ကြီးချုပ် ဉီးမြတ်ကျော်နှင့်ဇနီး၊ တိုင်းဒေသကြီးတရားသူကြီး ချုပ် နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသ ကြီး/ခရိုင်/မြို့နယ်အဆင့်ဌာနဆိုင်ရာများ၊ ဂေါပကအဖွဲ့ဉက္ကဌနှင့် အဖွဲ့ဝင်များ တက် ရောက်ကြသည်။

ဦးစွာ ပင့်သံဃာဆရာတော်၊ သံဃာတော်များက ရာပြည်ကပ်ကျော်စေတီတော် မြတ်ကြီးအား ဗုဒ္ဒါဘိသေက အနေကဇာတင်ခြင်းနှင့် ရတနသုတ်၊ ဝဋ္ဋသုတ်၊ မေတ္တာသုတ် အန္တရာယ်ကင်း ပရိတ်တရားတော်များ ရွတ်ပွားသရဇ္ဈာယ် ချီးမြှင့်တော်မူကြသည်။

ယင်းနောက် အခမ်းအနားအား “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့်လှစ်ကြပြီး မုံရွာမြို့၊ သာစံကျောင်းတိုက်၊ ပဓာနနာယက သက်တော်ရှည်ဆရာတော်က ကြီး ဘဒ္ဒန္တတေဇဝန္တ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလ ခံယူဆောက်တည်ကြသည်။

ဆက်လက်၍ ဆရာတော်၊ အရှင်သူမြတ်များထံတော်မှ တိုင်းဒေသကြီး ဝန်ကြီးချုပ် နှင့်ဧည့်ပရိသတ်များက မေတ္တာသုတ် ပရိတ်တရားတော်များနာယူကြည်ညိုပြီး ဆရာ တော်ကြီးများထံ လှူဖွယ်ဝထ္တုပစ္စည်းများ ဆက်ကပ်လှူဒါန်းကြသည်။

ထို့နောက် မုံရွာမြို့၊ မဟာဇောတိကာရာမကျောင်းတိုက်၊ ပဓာနနာယက၊ အဂ္ဂမဟာ ပဏ္ဍိတ၊ ဘဒ္ဒန္တ ဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ် များက အနုမောဒနာတရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓသာသနံ စိရံတိဌတု ” သုံးကြိမ်ရွတ်ဆို ဆုတောင်းပြီး ဗုဒ္ဒါဘိသေက အနေကဇာတင်ခြင်း အခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး အစိုးရအဖွဲ့ရှိ ဝန်ကြီးဌာနများ၊ တိုင်းဒေသကြီး/ခရိုင် /မြို့နယ်အဆင့် ဌာနဆိုင်ရာများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များနှင့် မြို့မိ မြို့ဖ အလှူရှင်များက ပင့်သံဃာဆရာတော်ကြီးများအား ဆွမ်းဆန်စိမ်းများနှင့် ဝတ္ထုငွေ များလောင်းလှူခဲ့ကြောင်း သိရသည်။

မုံရွာ၊ မေ ၁၀

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် စုပေါင်းရဟန်းခံရှင်ပြု အလှူတော်မင်္ဂလာ အခမ်းအနားကို မေလ ၁၀ ရက်၊ မွန်းလွဲပိုင်းက မုံရွာမြို့၊ ချင်းတွင်း ခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော် နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဖနီးများ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ ဒုလ္လဘရဟန်းခံနှင့် မောင်ရင်လောင်းများ၏ မိသားစုဝင်များ တက်ရောက်ကြသည်။

ဦးစွာ ဒုလ္လဘရဟန်းခံမည့်ပုဂ္ဂိုလ်(၅၉)ဦး၊ မောင်ရင်လောင်း(၄၉)ဦး စုစုပေါင်း ၁၀၈ ဦးတို့အား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ မိဘဆွေမျိုးများမှ ဆံချခြင်းမင်္ဂလာ ပြု လုပ်ပေးခဲ့ကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆံချခြင်းမင်္ဂလာပြု လုပ်ပေးနေမှုများအား ကြည့်ရှုခဲ့ကြသည်။

ဆက်လက်၍ အဆိုပါခန်းမအတွင်း ဒုလ္လဘရဟန်းခံမည့်ပုဂ္ဂိုလ်(၅၉)ဦး၊ မောင်ရင် လောင်း(၄၉)ဦး စုစုပေါင်း (၁၀၈)ဦးတို့အား ရှင်သာမဏေပြုခြင်း အခမ်းအနားကို ကျင်းပ ရာအခမ်းအနားသို့ တက်ရောက်လာသူများက “နမောတဿ”သုံးကြိမ်ရွတ်ဆို ဘုရားကန် တော့၍ အခမ်းအနားအား ဖွင့်လှစ်ကြသည်။

ယင်းနောက် မုံရွာမြို့၊ တော်ဝင်ဘုံစံကျောင်းတိုက် ပဓာနနာယကဆရာတော် ဘဒ္ဒန္တနန္ဒိယ ဆရာတော်ထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီခလခံယူဆောက်တည်ကြပြီး ရှင်သာမဏေပြုခြင်းကိစ္စရပ်များ ဆက်လက်‌ ဆောင်ရွက်နိုင်ပါရန် အခမ်းအနားမှူးမှ တော်ဝင်ဘုံစံကျောင်းတိုက် ဆရာတော်ထံ လျှောက်ထားလွှဲပြောင်းသည်။

ထို့နောက် ဆရာတော်နှင့် ပင့်သံဃာဆရာတော်များ၊ တိုင်းဒေသကြီး ဝန်ကြီးချုပ် နှင့်ဧည့်ပရိသတ်များက အခမ်းအနားအား “ဗုဒ္ဓ သာသနံ စိရံ တိဌတု”သုံးကြိမ်ရွတ်ဆို ဆုတောင်းကာ အခမ်းအနားကို ရုပ်သိမ်းကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါ စုပေါင်း ရဟန်းခံရှင်ပြု မင်္ဂလာအခမ်းအနား၌ တိုင်းဒေသကြီး/ခရိုင်/မြို့နယ် အထွေထွေုပ်ချုပ်ရေး ဦးစီးဌာနနှင့် လုံခြုံရေးတပ်ဖွဲ့ဝင်များ၏ မိသားစုဝင်များအား တိုင်းဒေသကြီး အစိုးရအဖွဲ့မှ မြေပဲဆီသန့် ၅၀ ကျပ်သားစီအား အခမဲ့ ပေးအပ်ခဲ့ကြောင်း သိရသည်။

မုံရွာ၊ မေ ၁၀

စစ်ကိုင်းတိုင်းဒေသကြီး၊ မုံရွာမြို့ရှိ ရွှေစည်းခုံစေတီတော်မြတ်ကြီးသို့ လာရောက် ဖူးမျှော်ကြမည့် ဘုရားဖူးပြည်သူများ စိတ်အေး ချမ်းသာစွာဖြင့် တရားဘာဝနာပွားများနိုင် စေရန်အတွက် မေလ ၁၀ ရက်၊ နံနက်ပိုင်းတွင် အဆိုပါစေတီတော်ကြီး ရင်ပြင်နှင့်ပတ် ဝန်းကျင်အား အ ထွေ ထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင် များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာဝန်ထမ်းများ၊ ဂေါပကအဖွဲ့ ဝင်များစု ပေါင်း၍သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသ ကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များမှ သွားရောက်ကြည့်ရှု အားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများနှင့် ဌာနဆိုင် ရာဝန်ထမ်းများအား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံး ဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ကြသူများအား နံနက်စာဖြင့် ကျွေးမွေး ဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ဦး ကျော်ဖြင့် ဘုရားစေတီပုထိုးများအား စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ ကြောင်း သိရသည်။

မုံရွာ၊ မေ ၈

၂၀၂၅-ခုနှစ်၊ တက္ကသိုလ်စာမေးပွဲကြီးအား စစ်ကိုင်း တိုင်းဒေသကြီးအတွင်းရှိ မြို့ နယ် ၂၁ မြို့နယ်ဖြေဆိုခဲ့ရာ ၂၈-၃-၂၀၂၅ ရက်နေ့တွင်ဖြစ်ပွားခဲ့သည့် အင်အားအလွန် ပြင်းထန် သည့်မန္တလေးငလျင်ကြီးကြောင့် မန္တလေးတက္ကသိုလ်၌ အဖြေလွှာများအား စာစစ်လုပ်ငန်း များဆောင်ရွက်နေစဉ် မီးလောင်မှုဖြစ်ပွားခဲ့ရာ အဆိုပါ မီးလောင်မှု ဖြစ်စဉ်ကြောင့် စစ်ကိုင်းတိုင်းဒေသကြီးအတွင်းရှိ မြို့နယ်(၁၃) မြို့နယ် စာစစ်ဌာန ၂၅ ခုမှ ဘာသာစုံဖြေဆိုသူ ကျောင်းသား၊ကျောင်းသူ ၈၂၀၂ ဦး၏ တက္ကသိုလ်ဝင်တန်း အဖြေ လွှာများ မီးလောင်ဆုံးရှုံးခဲ့သည်။

အဆိုပါ ဖြစ်စဉ်ကြောင့် ၂၀၂၅-ခုနှစ်၊ တက္ကသိုလ်ဝင်စာမေးပွဲအား ဖြေဆိုကြမည့် ဟုမ္မလင်းမြို့နယ်မှ ကျောင်းသား၊ကျောင်းသူ ၁၃၇၃ ဦးကျော်အား ဟုမ္မလင်းမြို့၊ အမှတ် (၁)အခြေခံပညာအထက်တန်း ကျောင်း၌ စခန်းသွင်းသင်ကြားပေးလျက်ရှိရာ တိုင်းဒေသ ကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက မေလ ၇ ရက်၊ နံနက်ပိုင်းတွင် အဆိုပါကျောင်းရှိ ဘိုးရာဇာခန်းမတွင် ဆရာ/ဆရာမများ၊ ကျောင်သား၊ကျောင်းသူများနှင့် တွေ့ဆုံပွဲသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ တက္ကသိုလ်ဝင်စာ မေးပွဲ ပြန်လည်ဖြေဆိုရခြင်းနှင့် နိုင်ငံတော်နှင့် မိမိတို့တိုင်းဒေသကြီး အစိုးရအဖွဲ့အနေဖြင့် စခန်းသွင်းသင်ကြားနေစဉ်အတွင်း ဆရာ/ဆရာမများနှင့် ကျောင်းသား/ကျောင်းသူများ အတွက် ထောက်ပံ့ပေးအပ်မှု အခြေအနေအား ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်က ကျောင်းအုပ်ဆရာမကြီးနှင့် တာဝန်ရှိ သူများထံ စခန်းသွင်းသင်ကြားနေစဉ် ကာလအတွင်း စားသောက်စရိတ် ငွေကျပ်သိန်း- ၅၀၀ ကျပ်နှင့် ကျောင်းသုံးပုံနှိပ်စာအုပ်များ၊ စာရေးကိရိယာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ပညာရေးမှူးက ၂၀၂၅-ခုနှစ်၊ တက္ကသိုလ်ဝင်စာမေးပွဲတွင် ဘာသာရပ်အလိုက် သင်ကြားရေးလုပ်ငန်းများ ဆောင်ရွက်နေမှုများအား ရှင်းလင်း ပြောကြား သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ အမှတ်(၂)အခြေခံပညာအထက်တန်းကျောင်းရှိ သတ်မှတ်ကျောင်းဆောင် စာသင်ခန်း များတွင် ၂၀၂၅-ခုနှစ်၊ တက္ကသိုလ်ဝင်စာမေးပွဲ ပြန်လည်ဖြေဆိုကြမည့် ‌ကျောင်းသား၊ ကျောင်သူများ စိတ်အေးချမ်းသာစွာ ပညာသင်ကြားနေမှုများအား သွားရောက်ကြည့်ရှုခဲ့ ကြပြီး ကျောင်းအုပ်ဆရာမကြီးနှင့် ကျောင်းသား၊ကျောင်းသူများထံ စခန်းသွင်းသင်ကြား နေစဉ်ကာလအတွင်း စားသောက်စရိတ် ငွေကျပ်သိန်း- ၃၀၀ ကျပ်နှင့် ကျောင်းသုံး ပုံနှိပ်စာအုပ်များ၊ စာရေးကိရိယာများ ပေးအပ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့ နယ်၊ ခေါင်ခမ်းကျေးရွာ၊ ချင်းတွင်းမြစ်ကမ်းပြိုကာကွယ်ရေး သံခြင်းအခြေပြုကျောက်စီ မြေထိန်းတမံ အလျား - ၃၀၀ ပေ ဆောင်ရွက်နေမှု လုပ်ငန်းခွင်သို့ ရောက်ရှိရာ တည် ဆောက်ရေးတာဝန်ခံမှ လုပ်ငန်းများဆောင်ရွက်နေမှု အခြေအနေများအား ရှင်းလင်းတင် ပြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့်ဖြည့် ဆည်းပေါင်းစပ် ဆောင်ရွက်ပေးပြီး တည်ဆောက်ရေးလုပ်ငန်းများ စံချိန်စံညွှန်းမီအရည် အသွေးကောင်းမွန်စွာဖြင့် တည်ဆောက်ပြီးစီးရေးနှင့် မြစ်ကမ်းဘေးနေပြည်သူများ အနေဖြင့် ချင်းတွင်းမြစ်အတွင်း ပလပ်စတစ်အမှိုက်များ စည်ကမ်းမဲ့မစွန့်ပစ်ကြရန် တာဝန်ရှိသူများအား မှာကြားကာ သံခြင်းအခြေပြု ကျောက်စီမြေထိန်းတမံ တည် ဆောက်နေမှုများအား ကြည့်ရှုစစ်ဆေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ ခေါင်ခမ်းကျေးရွာရှိ နိုင်ငံစီးပွားမြှင့်တင်ရေးရန်ပုံငွေဖြင့် ဆောင်ရွက်နေသည့် ရွှေတောင် တန်း လက်ဖက်စို၊ လက်ဖက် ခြောက်လုပ်ငန်းသို့ ရောက်ရှိရာ မြို့နယ်စိုက်ပျိုးရေးဦးစီးဌာ န၊မြို့နယ်ဦးစီးမှူးနှင့်လုပ်ငန်းရှင်မှ လက်ဖက်စို၊ လက်ဖက်ခြောက် ထုတ်လုပ်မှုလုပ်ငန်း အဆင့်ဆင့် ရှင်းလင်းပြသကြသည်။

ယင်းနောက် တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ် သည်များကို တာဝန်ရှိသူများနှင့်ဖြည့်ဆည်းပေါင်းစပ်ဆောင်ရွက်ပေးပြီး တာဝန်ရှိသူများ နှင့်အတူ လက်ဖက်စိုက် ခင်း သုံး စက်ကိရိယာများအား ပေးအပ်ခဲ့ကြောင်း သိရသည်။