မုံရွာ ၊ အောက်တိုဘာ ၂၇

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအစိုးရ အဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများ၊ ခရိုင်/မြို့နယ်စီမံအုပ်ချုပ် ရေးအဖွဲ့ဥက္ကဋ္ဌ များနှင့် တာဝန်ရှိသူများလိုက်ပါလျက် အောက်တိုဘာလ ၂၇ ရက်နေ့၊ နံနက်ပိုင်းတွင် စစ်ကိုင်းမြို့၊ အပြည်ပြည်ဆိုင်ရာဗုဒ္ဓဘာသာပညာရေးစင်တာတွင် ကျင်းပပြုလုပ်သော ဆွမ်းဆန်တော် ဆက် ကပ်လှူဒါန်းပွဲအခမ်းအနားသို့ တက်ရောက်ကြသည်။

ရှေးဦးစွာ နမောတဿ (၃)ကြိမ်ရွတ်ဆို ဘုရားကန်တော့၍ အခမ်းအနားအား ဖွင့်လှစ်ခဲ့ ကြပြီး စစ်ကိုင်းမြို့၊ အပြည်ပြည်ဆိုင်ရာဗုဒ္ဓဘာသာပညာရေးစင်တာ ပဓာန နာယကဆရာတော် အဂ္ဂမဟာသဒ္ဓမ္မ ဇောတိကဓဇ ဒေါက်တာအရှင်သောဘိတ ဆရာတော်ကြီးထံတော်မှ တိုင်းဒေ သကြီး ဝန်ကြီးချုပ်နှင့် တာဝန်ရှိသူများက ငါးပါးသီလ ခံယူဆောက်တည်ကြသည်။

ဆက်လက်ပြီး ဆရာတော်၊ သံဃာတော်ကြီးများထံမှ မေတ္တာသုတ်ပရိတ် တရားတော် အား နာယူကြည်ညိုပြီး တိုင်းဒေသကြီး ဝန်ကြီးချုပ်မှ သာသနာရေးဆိုင်ရာများ လျှောက်ထားခဲ့သည်။

ထို့နောက် ဆရာတော်၊ သံဃာတော်ကြီးများထံ တိုင်းဒေသကြီး ဝန်ကြီးချုပ်နှင့် တာဝန်ရှိ သူများမှ လှူဖွယ်ပစ္စည်းများနှင့် ဆွမ်းဆန်တော်မျာအား ဆက်ကပ်လှူဒါန်းခဲ့ ကြပြီး စစ်ကိုင်းမြို့၊ အပြည်ပြည်ဆိုင်ရာဗုဒ္ဓဘာသာပညာရေးစင်တာ ပဓာနနာယက ဆရာတော် အဂ္ဂမဟာသဒ္ဓမ္မ ဇောတိကဓဇ ဒေါက်တာအရှင်သောဘိတ ဆရာတော် ကြီးထံတော်မှ တိုင်းဒေသကြီး ဝန်ကြီးချုပ် နှင့် တာဝန်ရှိသူများက လှူဒါန်းမှုအစုစုတို့အတွက် ရေစက်သွန်းချအမျှပေးဝေကာ ဗုဒ္ဓသာသနံ စိရံ တိဌတု သုံးကြိမ်ရွတ်ဆို ဆုတောင်းကာ အခမ်းအနားကို ရုပ်သိမ်းခဲ့ကြသည်။

အဆိုပါ စစ်ကိုင်းမြို့၊ အပြည်ပြည်ဆိုင်ရာဗုဒ္ဓဘာသာပညာရေးစင်တာသို့ တိုင်းဒေသကြီး အစိုးရအဖွဲ့မှ ဆွမ်းဆန်တော်အိတ် ၅၀ အား ဆက်ကပ်လှူဒါန်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းတောင်ရိုး နှင့်မင်းဝံတောင်ရိုးရှိ ဘုန်းတော်ကြီးကျောင်း၊ သီလရှင်ကျောင်းနှင့် ပြည်သူများအတွက် သောက် သုံးရေပေးဝေလျက်ရှိသည့် သီတဂူရေအလှူတော် အမှတ် ၁ ရေတင်စက်ရုံသို့ ရောက်ရှိရာ ဧရာဝတီမြစ်မှ ရေတင်စက်ကြီးများဖြင့် ရေတင်နေမှုအား ကြည့်ရှူစစ်ဆေးပြီး သောက်သုံးရေ လုံလောက်စွာပေးဝေရေး၊ သန့်ရှင်းပြီးကျန်းမာရေး ကန့်သက်ချက်များနှင့် ကိုက်ညီသည့်သောက် သုံးရေရရှိစေရေးတို့အတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ရှင်ပင်နံကိုင်း တောင်ပေါ်ရှိ ရေဂါလံ ၁၅၀၀၀၀ (တစ်သိန်းခွဲ)နှင့် ရေဂါလံ ၅၀၀၀၀ (ငါးသောင်း)ဆံ့ သီတဂူရေ အလှူတော် အမှတ် ၄ ရေ ကန်တို့အား သွားရောက်ကြည့်ရှု စစ်ဆေး ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မင်းကွန်းတောင်ရိုး တိပိဋက ဓမ္မနာဒ ရေအလှူတော် သံဃသုခဒါယီ ပင်မရေကန်တော်ကြီး ၃၅ ပေ ပတ်လည် အနက် - ၁၅ ပေ၊ ရေဂါလံ - ၁၂၀၀၀၀ (တစ်သိန်းနှစ်သောင်း)ဆံ့ ရေကန်ကြီး ရေရှည်တည်တံ့ရေး ထိန်းသိမ်းပြု ပြင်သွားရန် ဆောင်ရွက်ရမည့် လုပ်ငန်းများအား လိုက်လံကြည့်ရှုစစ်ဆေးခဲ့ကြပြီး ရှေးဟောင်း သမိုင်းဝင် သုံးလူ့ကေသီ စေတီတော်ကြီးအနီး မြေပြိုကျမှုများအား ကြည့်ရှုစစ် ဆေးကာ မြေထိန်းနံရံတည်ဆောက်မည့်လုပ်ငန်းများနှင့် ပတ်သက်၍ လိုအပ်သည်များကို ဖြည့် ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မင်းကွန်းတောင်ရိုး၊ သမိုင်းဝင်လေးဌာန ထိန်းသိမ်းစောင့်ရှောက်ရေးဂေါပကအဖွဲ့ရုံးသို့ ရောက်ရှိရာ ရှေးဟောင်း သမိုင်းဝင် မြသိန်းတန်စေတီတော်မြတ်ကြီး လေးဌာနအကျိုးတော်ဆောင် ဆရာတော်များထံ အလှူငွေများ ဆက်ကပ်လှူဒါန်းပြီး တိုင်းဒေသကြီး ဝန်ကြီးချုပ်က ရှေးဟောင်းသမိုင်းဝင် မြသိန်းတန်စေတီတော်မြတ်ကြီး မဟာရံအုတ်တံ တိုင်း၊ သီတာ ၇ တန်၊ ဒုတိယရင်ပြင်နှင့် သီတာ ၇ တန်လိူင်းကြားများ ဘက်စုံမွမ်းမံပြုပြင် လှူဒါန်းထားရှိမှုများနှင့်စပ်လျဉ်း၍ ရှင်းလင်းလျှောက် ထားခဲ့ပြီး စေတီတော်ကြီး ပတ်ဝန်းကျင်သန့်ရှင်းသပ်ရပ်ရေးတို့အား ကြည့်ရှုစစ်ဆေးခဲ့သည်။

.

.

.

မုံရွာ အောက်တိုဘာ ၂၆

စစ်ကိုင်းတိုင်းဒေသကြီး၊ စစ်ကိုင်းမြို့၊ မင်္ဂလာစစ်ကိုင်း ကျောက်မျက်ရတနာဈေး ဖွင့်ပွဲ အခမ်းအနားကို အောက်တိုဘာလ ၂၆ ရက်နေ့၊ နံနက်ပိုင်းတွင် အဆိုပါဈေးကြီးတွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကျောက်မျက်ရတနာ လုပ်ငန်းရှင် များနှင့် ဖိတ်ကြားထားသူများ တက်ရောက်ကြ သည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ မြန်မာ့ကျောက်မျက် ရောင်းဝယ်ရေး လုပ်ငန်း အထွေထွေမန်နေဂျာ ဦးထွန်းဝေ၊ တိုင်းဒေသကြီး စည်ပင်သာယာရေးအဖွဲ့ ညွှန်ကြား ရေးမှူး ဦးသစ်ထူးမြင့်၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးခင်မောင်ဆင့်နှင့် Triple Circle Co.Ltd မှ MD ဒေါ်မော်မော်သိန်းတို့က မင်္ဂလာစစ်ကိုင်း ကျောက်မျက်ရတနာဈေးကြီးအား ဖဲကြိုးဖြတ် ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းမြို့တွင် ယခုဖွင့်လှစ် သည့် မင်္ဂလာစစ်ကိုင်းကျောက်မျက်ရတနာဈေးသည် ကျေက်မျက်ရောင်းဝယ်သူများအတွက် စနစ်တကျအဆင်ပြေစွာဖြင့် လုပ်ငန်းများဆောင်ရွက်နိုင်ပြီး ခမ်းနားထည်ဝါသော ဈေးကြီးတစ်ခု ဖြစ်ပါကြောင်း၊ ကျောက်မျက်ရတနာ ရောင်းဝယ်ကြသူများအနေဖြင့် သယံဇာတနှင့် ပတ်ဝန်း ကျင်ထိန်းသိမ်းရေးဝန်ကြီးဌာနမှ ထုတ်ပြန်ထားသည့် မြန်မာ့ကျောက်မျက်ရတနာ ဥပဒေများကို လည်း တိကျစွာလိုက်နာသွားကြရန် လိုအပ်ပါကြောင်း၊ ယခုကျောက်မျက်ရတနာဈေးတွင် လာ ရောက်ပြီးရောင်းဝယ်ကြ မည့်ပုဂ္ဂိုလ်များအနေဖြင့် ဥပဒေနှင့်အညီ နိုင်ငံတော်သို့ ပေးသွင်းရမည့် အခွန်အခများအား ကျေပွန်စွာထမ်းဆောင်ပေးကြရန် လိုအပ်ပါကြောင်း၊ ကျောက်မျက်ရတနာ ဈေးဖွင့်လှစ်နိုင်ခြင်းသည် ဒေသဖွံ့ဖြိုးတိုးတက်ရေးအား တစ်ဖက် တစ်လမ်းမှ အထောက်အကူဖြစ်ခြင်း၊ ဒေသတွင်းအလုပ် အကိုင်အခွင့်အလမ်း များတိုးတက် စေခြင်း၊ ဒေသခံပြည်သူများ စီးပွားရေးဖွံ့ဖြိုးတိုးတက်မှုအတွက် အထောက်အကူဖြစ်စေပြီး ကျောက်အချောထည် ပုတီးလုပ်ငန်းနှင့် လက်ဝတ်ရတနာ လုပ်ငန်းများအား ဥပဒေနှင့်အညီ ဆောင်ရွက်နိုင်မည်ဖြစ်သဖြင့် MSME လုပ်ငန်းများကိုလည်း တစ်ဖက်တစ်လမ်းမှ ဖွံ့ဖြိုးတိုး တက်လာစေမှာ ဖြစ်ပါကြောင်း၊ ယနေ့ဖွင့်လှစ်သည့် မင်္ဂလာစစ်ကိုင်းကျောက်မျက်ရတနာ ဈေးအား လာရောက်ရောင်းဝယ်ကြမည့် လုပ်ငန်းရှင်များနှင့် တာဝန်ရှိသူများအနေဖြင့် စည်းကမ်းရှိပြီး သန့်ရှင်းသက်ရပ်မှုရှိအောင် ဝိုင်းဝန်းကြိုးပမ်းထိန်းသိမ်းသွားကြရန် တိုက်တွန်း ပြောကြားခဲ့သည်။

ဆက်လက်ပြီး စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌ ဦးခင်မောင်ဆင့်က မင်္ဂလာ စစ်ကိုင်း ကျောက်မျက်ရတနာဈေး စည်းကမ်းထိန်းသိမ်းရေးဆိုင်ရာများအား လည်းကောင်း၊ Triple Circle Co.Ltd မှ MD ဒေါ်မော်မော်သိန်းက ဈေးသစ်ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားကြပြီး ကျောက်မျက်ရတနာလုပ်ငန်းရှင်တစ်ဦးက ကျေးဇူးတင်စကား ပြန် လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက မင်္ဂလာစစ်ကိုင်း ကျောက် မျက်ရတနာဈေးကြီးအတွင်းရှိ ဆိုင်ခန်းများအား လိုက်လံကြည့်ရှုစစ်ဆေးခဲ့ကြပြီး လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
အဆိုပါ စစ်ကိုင်းမြို့၊ ပတ္တမြားရပ်ကွက်ရှိ၊ မင်္ဂလာစစ်ကိုင်း ကျောက်မျက်ရတနာဈေးသည် ဧရိယာစတုရန်းပေ - ၂၄၆၀၀ အကျယ်တွင် ဆိုင်ခန်းပေါင်း - ၃၀၀ ကျော်ဖြင့် ရောင်းချလျှက်ရှိ ကြောင်း သိရသည်။

မုံရွာ အောက်တိုဘာ ၂၅

တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်သော တိုင်းဒေသ ကြီး ဝန်ကြီးချုပ်ဖလား ခရိုင်ပေါင်းစုံ အမျိုးသမီး ကိုယ်ကာယကြံ့ခိုင်မှု လေ့ကျင့်ခန်း (အေရိုးဗစ်)နှင့် Physical Fitness Dance ပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက (အေရိုးဗစ်)နှင့် Physical Fitness Dance ပြိုင်ပွဲများတွင် ဆုရရှိသော ပြိုင်ပွဲအသင်းများ၏ ကပြဖျော်ဖြေမှုများအား ကြည့်ရှုအားပေးခဲ့ကြသည်။

ယင်းနောက်  တိုင်းဒေသကြီး အစိုးရအဖွဲ့ အတွင်းရေးမှူး ဦးခင်မောင်ဆန်းမှ Physical Fitness Dance ပြိုင်ပွဲတွင် တတိယဆုရရှိသော  ကလေးခရိုင်အသင်းနှင့် ဒုတိယဆုရရှိသော ယင်းမာပင်ခရိုင်အသင်းတို့အား တစ်ဦးချင်းဆုတံဆိပ်နှင့် ငွေသားဆုအား လည်းကောင်း၊ တိုင်းဒေသကြီး ဥပဒေချုပ် ဒေါ်လှလှဝင်းမှ Physicanl Fitness Dence ပြိုင်ပွဲတွင် ပထမဆုရရှိသော မုံရွာခရိုင်အသင်းအား တစ်ဦးချင်းဆုတံဆိပ်နှင့် ငွေသားဆုအားလည်းကောင်း၊ တိုင်းဒေသကြီး တိုင်းရင်းသားရေးရာဝန်ကြီး ဦးစိုင်းနိုင်နိုင်ကျော်က ၁ ယောက်ချင်းပြိုင်ပွဲတွင် ဆုရရှိကြသူများအား ဆုတံဆိပ်နှင့် ငွေသားဆုအားလည်းကောင်း၊ တိုင်းဒေသကြီး လမ်းပန်း ဆက်သွယ်ရေးဝန်ကြီး ရဲမှူးကြီး အောင်မြင့်နိုင်က ၃ ယောက်တွဲပြိုင်ပွဲတွင်  တတိယဆုရရှိသော စစ်ကိုင်းခရိုင်အသင်းအား တစ်ဦးချင်းဆုတံ ဆိပ်နှင့် ငွေသားဆုအား လည်းကောင်း၊ တိုင်းဒေသကြီး လူမှုရေးရာဝန်ကြီး ဦးဝင်းမြတ်စိုး က ၃ ယောက်တွဲပြိုင်ပွဲတွင်  ဒုတိယဆုရရှိ သော ယင်းမာပင်ခရိုင် အသင်းအား တစ်ဦးချင်း ဆုတံဆိပ်နှင့် ငွေသားဆုအား လည်းကောင်း၊ တိုင်းဒေသကြီး  စီးပွားရေးရာဝန်ကြီး ဒေါ်ရီရီသန်းက ၃ ယောက်တွဲပြိုင်ပွဲတွင် ပထမဆုရရှိသော ကလေးခရိုင်အသင်းအား တစ်ဦးချင်းဆုတံဆိပ်နှင့် ငွေသားဆုအား လည်းကောင်း၊ တိုင်းဒေသ ကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက ၉ ယောက်တွဲပြိုင်ပွဲတွင် တတိယဆု ရရှိသော စစ်ကိုင်းခရိုင်အသင်းအား တစ်ဦးချင်းဆုတံဆိပ်နှင့် ငွေသားဆုအား လည်း ကောင်း၊ တိုင်းဒေသကြီး တရားသူကြီးချုပ် ဦးဇော်ထူးမှ ၉ ယောက်တွဲပြိုင်ပွဲတွင် ဒုတိယ ဆုရရှိသာ ယင်းမာပင်ခရိုင်အသင်းအား တစ်ဦးချင်းဆုတံဆိပ်နှင့် ငွေသားဆုအား လည်း ကောင်း ဆုများအသီးသီး ပေးအပ်ချီးမြှင့်ခဲ့ကြသည်။   

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်က အေရိုးဗစ် ၉ ယောက်တွဲ ပြိုင်ပွဲတွင် ပထမဆုနှင့် တံခွန်စိုက်ဆုရရှိသော ကလေးခရိုင်အသင်းအား တစ်ဦးချင်းဆု တံဆိပ်၊ ငွေသားဆုနှင့် တံခွန်စိုက်ဒိုင်းဆုအား ပေးအပ်ချီးမြှင့်ခဲ့ပြီး ပြိုင်ပွဲဝင်အသင်းများ အားရင်းရင်းနှီးနှီး လိုက်လံနှုတ်ဆက် အားပေးခဲ့ပြီး ဆုချီးမြှင့်ပွဲအခမ်းအနားကို ရုပ်သိမ်းခဲ့သည်။

            အဆိုပါ တိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အမျိုးသမီး ကိုယ်ကာယ ကြံ့ခိုင်မှုလေ့ကျင့်ခန်း (အေရိုးဗစ်)နှင့် Physicanl Fitness Dance ပြိုင်ပွဲသို့ တိုင်းဒေသ ကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသနှင့် ခရိုင် ၁၃ ခရိုင်မှ ပြိုင်ပွဲဝင်အင်အား ၁၅၀ ဦး ပါဝင်ယှဉ်ပြိုင်ခဲ့ကြောင်း သိရသည်။

-

မုံရွာ အောက်တိုဘာ ၂၅

စစ်ကိုင်းတိုင်းဒေသကြီး၊ မုံရွာသူနာပြုသားဖွားသင်တန်းကျောင်း သတ္တမအကြိမ်မြောက် သူနာပြုနှင့်သားဖွားဒီပလိုမာ အောင်လက်မှတ်အပ်နှင်းပွဲ အခမ်းအနားကို အောက်တိုဘာလ ၂၄ ရက်နေ့၊ နံနက်ပိုင်းတွင် မုံရွာသူနာပြုသားဖွားသင်တန်းကျောင်းတွင် ကျင်းပရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကျောင်းအုပ်ဆရာ မကြီး၊ သူနာပြုဆရာမကြီးများနှင့် သင်တန်းသား၊ သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတိုင်းဒေသကြီးအတွင်း ပြည်သူလူထု ကျန်းမာရေးစောင့်ရှောက်မှုများအား အရည်အသွေးပြည့်မီစွာ စောင့်ရှောက်နိုင် သည့် သူနာပြုဆရာ/ဆရာမများဖြစ်စေရန်နှင့် သင်တန်းကျောင်း၏ ရည်ရွယ်ချက်၊ ရည်မှန်းချက် များ ပြည့်မှီစေရေးအတွက် လိုအပ်သည့်သင်ကြား/သင်ယူမှု ပတ်ဝန်းကျင် ကောင်းဖြစ်စေရန် မိမိတို့တိုင်းဒေသကြီးအစိုးရအဖွဲ့မှလည်း အစဉ်အမြဲလမ်းညွှန်မှုပေးခြင်း ကူညီထောက်ပံ့ပေးခြင်း ညှိနှိုင်းဆောင်ရွက်ပေးခြင်းဖြင့် အနီးကပ်စောင့်ရှောက် လျှက်ရှိပါကြောင်း၊ ကျန်းမာရေးစောင့် ရှောက်မှုလုပ်ငန်းများ ဆောင်ရွက်ရာတွင် အဓိကကျသော အင်အားစုကြီး(၃)ရပ်ဖြစ်သည့် ဆရာ ဝန်များ၊ သူနာပြုများနှင့် အခြေခံကျန်းမာရေးဝန်ထမ်းများအနက် သူနာပြုဆရာ/ဆရာမများ သည်အရေးကြီးသော အင်အားစုကြီးတစ်ခုဖြစ်သောကြောင့် ပြည်သူလူထု၏ ကျန်းမာရေးစောင့် ရှောက်မှုပေးရာတွင် သူနာပြု ဆရာ/ ဆရာမများ၏ အရည်အသွေးမြင့်မားရေး၊ ကျင့်ဝတ်နှင့်အညီ ပြုစုစောင့်ရှောက်မှု ပေးနိုင် ရေးကိုလည်း  အလေးထားဆောင်ရွက်ကြရန် လိုအပ်ပါကြောင်း၊

လူနာများအား ကျန်းမာရေးဝန်ဆောင်မှုပေးရာတွင် အခြားသောကျန်းမာရေးစောင့် ရှောက်မှုပေးသည့် ဝန်ထမ်းများနည်းတူ သူနာပြုနှင့်သားဖွားဆရာ/ဆရာမများသည် အဓိက အခန်းကဏ္ဍတွင်ပါဝင်ပြီး ပြည်သူများအား အရည်အသွေးပြည့်ဝသည့် ပြုစုကုသမှုပေးနိုင်ရေး အတွက် အလွန်အရေးကြီးသော အောင်လက်မှတ်များအား အပ်နှင်းခံရပြီးနောက် လုပ်ငန်းခွင် သို့ဝင်ရောက်သည့်အခါတွင်လည်း သူနာပြုဆရာ/ဆရာမများအားလုံး အပြန်အလှန်လေးစား မှုနှင့် အသင်းအဖွဲ့စိတ်ဓာတ်ဖြင့် ညီညီညွတ်ညွတ် ဆောင်ရွက်သွားကြရန် တိုက်တွန်းပြောကြား ခဲ့သည်။

ယင်းနောက် တိုင်းဒေသကြီး ပြည်သူ့ကျန်းမာရေးနှင့် ကုသရေးဦးစီးဌာနမှ တိုင်းဒေသ ကြီးဦးစီးမှူးက သြဝါဒစကားပြောကြားပြီး ကျောင်းအုပ်ဆရာမကြီးက သင်ကြားရေးတာ ဝန်ခံ ကျောင်းအုပ်(သင်ကြား)ထံ အောင်လက်မှတ်များ လွှဲပြောင်းပေးအပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က သင်တန်းသား/သင်တန်းသူများအား ရင်းရင်းနှီးနှီးလိုက်လံနှုတ်ဆက် အားပေးခဲ့ပြီး အခမ်းအနားကို ရုပ်သိမ်းခဲ့ကြသည်။

.

.

.

.

.

မုံရွာ အောက်တိုဘာ ၂၄

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး အသေးစား၊ စက်မှု လုပ်ငန်းဦးစီးဌာနနှင့် ဟုမ္မလင်းခရိုင်စီမံအုပ်ချုပ်ရေးအဖွဲ့တို့ ပူးပေါင်းဖွင့်လှစ်သည့် အခြေခံမော် တော်ဆိုင်ကယ် ပြုပြင်ထိန်းသိမ်းနည်းသင်တန်း (၁/၂၀၂၃) ဖွင့်ပွဲအခမ်းအနားကို အောက်တိုဘာ လ ၂၃ ရက်နေ့၊ နံနက်ပိုင်းတွင် ဟုမ္မလင်းမြို့၊ မြို့တော်ခန်းမတွင် ကျင်းပပြုလုပ်ရာ သင်တန်း ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများ၊ သင်တန်း သားများနှင့် ဖိတ်ကြားထားသူများ တက်ရောက်ကြသည်။

ရှေးဦးစွာ တိုင်းဒေသကြီး တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့ တိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်း ကျေးလက်နှင့်မြို့ပြရှိ တိုင်းရင်း သားညီအစ်ကိုမောင်နှမပြည်သူများ၏ လူမှုစီးပွားဘဝ ဖွံ့ဖြိုးတိုးတက်လာရေး၊ အကြောင်းအမျိုး မျိုးကြောင့် အတန်းပညာ ဆက်လက်သင်ကြားဆည်းပူးနိုင်ခြင်းမရှိသည့် ကျောင်းပြင်ပရောက် လူငယ်လူရွယ်များအနေဖြင့် အသက်မွေးဝမ်းကျောင်း ပညာရပ်တစ်ရပ်အဖြစ် တတ်မြောက် ကျွမ်းကျင်၍ အလုပ်အကိုင်အခွင့်အလမ်းများ ရရှိရေးနှင့် အသေးစားစက်မှုလက်မှုလုပ်ငန်းများ ပိုမိုကျယ်ပြန့်စွာတတ်မြောက်၍ ဒေသဖွံ့ ဖြိုးရေးလုပ်ငန်းများတွင် တစ်တပ်တစ်အားဖြစ်စေရေး မျှော်မှန်းချက်များဖြင့် ဖွင့်လှစ် သင်ကြားပေးရခြင်း ဖြစ်ပါကြောင်း၊

ယခုလိုသင်တန်းမျိုးများကဲ့သို့ နောင်တွင်လည်း လက်မှုအတတ်ပညာများ တတ်မြောက် ၍ လူတိုင်းအလုပ်အကိုင်အခွင့်အလမ်းများရရှိစေရေး သက်ဆိုင်ရာဝန်ကြီးဌာန၊ ပညာရှင်များ၊ အဖွဲ့အစည်းများနှင့် ပူးပေါင်း၍ ဖွင့်လှစ်ပို့ချပေး သွားမှာဖြစ်ပါကြောင်း၊ သင်တန်းသားများ အနေဖြင့်လည်း စိတ်ပါဝင်စားစွာဖြင့် သင်တန်းကာလပြီးဆုံးသည်အထိ အောင်မြင်အောင် ကြိုးစားတက် ရောက်စေလိုပါကြောင်းနှင့် မိမိမိသားစုဘဝ အဆင်ပြေတိုးတက်စေရန်ဆိုသည့် ရည် ရွယ်ချက်ဖြင့် ကြိုးကြိုးစားစား လေ့လာသင်ယူသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က မြို့နယ်စီမံအုပ်ချုပ်ရေးအဖွဲ့ ဥက္ကဌထံ သင် တန်းအတွက်ထောက်ပံ့ငွေကျပ် - ၂၂၅၀၀၀၀ (နှစ်ဆယ့်နှစ်သိန်းငါးသောင်း)ကျပ်အား ထောက်ပံ့ ပေးအပ်ခဲ့ပြီး ခရိုင်စီမံအုပ်ချုပ်ရေးအဖွဲ့ ဥက္ကဌက သင်တန်းဖွင့်လှစ် ရခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသားများအား ရင်းရင်းနှီးနှီးလိုက်လံနှုတ်ဆက်အားပေးပြီး သင်တန်းခန်းမအတွင်း ပြသထားသော သင်တန်း တွင်အသုံးပြုမည့် သင်ထောက်ကူပစ္စည်းများအား လိုက်လံကြည့်ရှုအားပေးကာ အခမ်းအနားကို ရုပ်သိမ်းခဲ့ကြသည်။

အဆိုပါ အခြေခံမော်တော်ဆိုင်ကယ် ပြုပြင်ထိန်းသိမ်းနည်းသင်တန်း (၁/၂၀၂၃)သို့ သင်တန်းသားစုစုပေါင်း ၃၀ ဦး တက်ရောက်သွားမည်ဖြစ်ပြီး သင်တန်းကာလ ၁ လကြာ စာတွေ့၊ လက်တွေ့ သင်ကြားပို့ချပေးသွားမည်ဖြစ်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ပရိယတ္တိ စာသင်တိုက်နှင့် သာသနဇောတိက မြို့မကျောင်းတိုက်တို့တွင် သီတင်းသုံးတော်မူနေကြသော ဆရာတော်၊သံဃာတော်များ ဆွမ်းကွမ်းအခက်အခဲမရှိစေရေးအတွက် ဆွမ်းဆန်တော်၊ ဆီ၊ ပဲ များနှင့် လှူဖွယ်ပစ္စည်းများအား တာဝနှ်ရှိသူများနှင့်အတူ ဆရာတော်ကြီးများထံ သွားရောက် ဆက်ကပ်ခဲ့ကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့ သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောက်တိုဘာ လ ၂၂ ရက်နေ့၊ မွန်းလွဲပိုင်းတွင် နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်နေသည့် ဟုမ္မလင်း မြို့နယ်၊ ကောယားအုပ်စု၊ စံကပ်ကျေးရွာရှိ ဦးဌေးမြင့် စိုက်ပျိုးထားသော ဧက ၈၀ ရှိရာဘာခြံသို့ ရောက်ရှိကြရာ မြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူးနှင့် ခြံတာဝန်ခံတို့မှ ရာဘာစေး ထုတ်ယူရာတွင် အသုံးပြုသည့်ပစ္စည်းများခင်း ကျင်းပြသထားရှိမှုများအား လိုက်လံရှင်းတင်ပြ သကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ရာဘာစေးများ ပေါင်းခံနေမှု၊ နေလှန်းနေမှုများနှင့် သိုလှောင်ထားရှိမှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။ 

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် သက္ကကျင်း-ဖောင်းပြင်-ဟုမ္မလင်း-ခန္တီးလမ်း မိုင်တိုင်အမှတ် ၁၉၉/၄ - ၂၀၀/၆ နှင့် ၃၂၁.၀၆ - ၃၂၃.၂၇ ကြား ဟုမ္မလင်း လမ်းဆုံ တြိဂံချွန်းအပါအဝင် ၁ မိုင် ၂ ဖာလုံတို့အား အကျယ် - ၁၈ ပေ၊ ထု ၉ လက်မထု ကွန်ကရစ်လမ်းခင်းကျင်းနေမှုအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။ 

-

-

-

-

-

မုံရွာ အောက်တိုဘာ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့ဥက္ကဌ များနှင့် တာဝန်ရှိသူများလိုက်ပါလျက် အောက်တိုဘာလ ၂၂ ရက်နေ့၊ နံနက်ပိုင်းတွင် နာဂကိုယ် ပိုင်အုပ်ချုပ်ခွင့်ရဒေသ၊ လေရှီးမြို့၊ နာဂယဉ်ကျေးမှုပြတိုက် တွင်ကျင်းပပြုလုပ်သော လေရှီးမြို့ရှိ မြို့မိမြို့ဖများ၊ နာဂရိုးရာစာပေနှင့်ယဉ်ကျေးမှုအဖွဲ့ များ၊ ဒေသခံတိုင်းရင်းသားများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ ဇန်နဝါရီလတွင် ကျင်းပပြုလုပ်မည့် နာဂတိုင်းရင်းသားတို့၏ နှစ်သစ်ကူးရိုးရာပွဲတော်ကြီးအား စည်ကားသိုက် မြိုက်စွာ ကျင်းပနိုင်ရေးအတွက် ဒေသရှိဌာနဆိုင်ရာဝန်ထမ်းများနှင့် ဒေသခံတိုင်းရင်းသားများမှ ဝိုင်းဝန်းပူးပေါင်းဆောင်ရွက်သွားကြရန် လိုအပ်ပါကြောင်း၊ ဒေသခံတိုင်းရင်းသားများအနေဖြင့် လည်း မိမိတို့ရိုးရာနှစ်သစ်ကူးပွဲတော်သို့ လာရောက်ကြမည့် ဧည့်သည်များ၊ဒေသခံတိုင်းရင်း သားအကအဖွဲ့များ အဆင်ပြေစွာ နေထိုင်သွားလာနိုင်ရေး၊ စားသောက်ရေးနှင့် ကျန်းမာရေး ဆိုင်ရာကိစ္စရပ်များ လိုအပ်ချက်မရှိအောင် ကြိုတင်ပြင်ဆင်ဆောင်ရွက်သွားကြရန် မှာကြားလိုပါကြောင်း၊

နှစ်သစ်ကူးရိုး ရာ ပွဲတော်ကျင်းပမည့် ရိုးရာကွင်းအတွင်း ကြိုတင်ဆောင်ရွက်မည့် ပြင် ဆင်မှုများ၊ တည်ဆောက်ရေးလုပ်ငန်းများအား စနစ်တကျရှိစေရေးနှင့် ကြံ့ခိုင်မှုရှိစေရေးတို့အား အလေးထားဆောက်ရွက်သွားကြရန် လိုအပ်ပါကြောင်း၊ မိမိတို့တိုင်း ဒေသကြီးအစိုးရအဖွဲ့အနေ ဖြင့်လည်း ရိုးရာပွဲတော်ကြီးအား အောင်မြင်စွာကျင်းပနိုင်ရေးအတွက် လိုအပ်သည်များကို တာဝန်ရှိသူများနှင့်ပေါင်းစပ် ပံ့ပိုးကူညီဆောင်ရွက်ပေး သွားမည်ဖြစ်ပါကြောင်း ပြောကြားခဲ့ သည်။     

ယင်းနောက် နာဂကိုယ်ပိုင်အုပ်ချုပ်ခွင့်ရဒေသ၊ စီမံအုပ်ချုပ်ရေးအဖွဲ့ အတွင်းရေးမှူးနှင့် လေရှီးမြို့ရှိမြို့မိမြို့ဖများ၊ နာဂရိုးရာစာပေနှင့်ယဉ်ကျေးမှုအဖွဲ့များ၊ ဒေသခံတိုင်း ရင်းသားများက ၂၀၂၄-ခုနှစ်၊ ဇန်နဝါရီလတွင် ကျရောက်မည့် နာဂရိုးရာနစ်သစ်ကူးပွဲတော်ကြီး စည်ကားသိုက် မြိုက်စွာ အောင်မြင်စွာကျင်းပနိုင်ရေးအတွက် ကြိုတင်ပြင်ဆင်ဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား အသီးသီး ရှင်းလင်းတင်ပြကြ သည်။

ထို့နောက် တိုင်းဒေသကြီး ဝန်ကြီးချုပ်က ဆွေးနွေးတင်ပြချက်များအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ် စကားပြောကြား ကာ တွေ့ဆုံပွဲသို့ တက်ရောက်လာသူများအား ရင်းရင်းနှီးနှီးလိုက်လံ နှုတ်ဆက်အားပေးပြီး တွေ့ဆုံပွဲအခမ်းအနားကို ရုပ်သိမ်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ နာဂရိုးရာနှစ်သစ်ကူးပွဲတော် ကျင်းပမည့် ရိုးရာကွင်းအတွင်း ကြိုတင်ပြင်ဆင်အကွက်ချ ထားမှုများနှင့် စတိတ်စင်တို့အား လိုက်လံကြည့်ရှုစစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် လေရှီးမြို့၊ မြို့တော်ခန်းမ တည်ဆောက်နေမှုအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တည်ဆောက်ရေးလုပ်ငန်းများ သက်မှတ်ကာလတွင် စံချိန်စံညွှန်းမီစွာဖြင့် တည်ဆောက်ပြီးစီးရေးတို့အား မှာကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လေရှီးမြို့နယ်၊ ဒိန်းဂလိန်းကျေးရွာရှိ လှေကားထစ်လယ်ယာစနစ်ဖြင့် ကွင်းအမှတ် - OSS 3 ၊ ဦးပိုင်အမှတ် - ၁၁၃ တွင် တောင်သူ ဦးယားပေါ့ စိုက်ပျိုးထားသည့် GW 11 မိုးစပါး ပန်းတိုင် အထက်ထွက် ရှိရေးစံပြကွက် ရိတ်သိမ်းနေမှုအား ဒေသခံတောင်သူများနှင့် ကြည့်ရှုအားပေးပြီး ဒေသခံတိုင်း ရင်းသားတောင်သူများအတွက် မျိုးကောင်း၊မျိုးသန့်များရရှိရေးအတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။     

အဆိုပါ GW 11 မိုးစပါးပန်းတိုင်အထက်ထွက်ရှိရေးစံပြကွက် ရိတ်သိမ်းရာတွင် တစ်ဧက ၁၃၇ တင်းထွက်ရှိကြောင်း သိရသည်။

-

-