မုံရွာ၊ ဇူလိုင် ၁၈

စစ်ကိုင်းတိုင်းဒေသကြီး ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေး နှင့်သီးနှံပုံစံပြောင်းလဲစိုက်ပျိုးရေး ဆွေးနွေးပွဲအခမ်းအနားကို ဇူလိုင်လ ၁၈ ရက်နေ့၊ နံနက်ပိုင်း တွင် မုံရွာမြို့၊ တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသ ကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦး ခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လယ်ယာစိုက်ပျိုးရေးကဏ္ဍ အနေဖြင့် မိမိတို့တိုင်းဒေသကြီးသည် သီးနှံမျိုးစုံစိုက်ပျိုးထုတ်လုပ်နေသည့် တိုင်းဒေသကြီးတစ်ခုဖြစ်ပြီး ဆီထွက်သီးနှံ စိုက်ပျိုးထုတ်လုပ်မှုအနေဖြင့် ၂၄,၄၅,၄၀၈ ဧက စိုက်ပျိုးသွားမည် ဖြစ်ပါကြောင်း၊ ဆီထွက်သီးနှံများဖြစ်သည့် မြေပဲ၊ နှမ်း၊ နေကြာ၊ မုန် ညင်း၊ ပန်းနှမ်း၊ ပဲပုပ်သီးနှံများအား စိုက်ပျိုးထုတ်လုပ်ကာ ပြည်တွင်းစားသုံးဆီဖူလုံရန် ကြိုးပမ်းဆောင်ရွက် လျက်ရှိပါကြောင်း၊ ဒေသတွင်းစားသုံးဆီဖူလုံစေရန်အတွက် စပါးအခြေခံစိုက်ပျိုးသည့် သီးနှံပုံစံများနှင့် အခြားသီးနှံ အခြေခံစိုက်ပျိုးသည့် သီးနှံပုံစံများမှာဆီထွက်သီးနှံများအား ပြောင်းလဲစိုက်ပျိုးခြင်းနှင့် သီးနှံပုံစံ ပြောင်းလဲခြင်းတို့အား ဆက်လက်ဆောင်ရွက်သွားရမည် ဖြစ်ပါကြောင်း၊
ပြည်တွင်းမှစိုက်ပျိုးထုတ်လုပ်သည့် ဆီထွက်သီးနှံများအား ကြိတ်ခွဲခြင်းဖြင့် ပြည်တွင်း စားသုံးဆီဖူလုံစေရန်၊ တစ်နှစ်ပတ်လုံးဆီထွက်သီးနှံ ကုန်ကြမ်းများထွက်ရှိစေရန် နှင့်သီးထပ်စွမ်း အားတိုးတက် မြင့်မားလာစေရန် ရည်မှန်းဆောင်ရွက်လျက်ရှိရာ မိမိတို့ တိုင်းဒေသကြီးအစိုးရ အဖွဲ့အနေဖြင့်လည်း မျိုးစေ့၊ဓာတ်မြေဩဇာနှင့် သွင်းအားစုလိုအပ်ချက်များအား အပြည့်အဝပံ့ပိုး ကူညီပေးသွားမှာ ဖြစ်သကဲ့သို့ သက်ဆိုင်ရာဌာနများ အနေဖြင့်လည်း တောင်သူများလိုအပ်သည့် မျိုးကောင်းမျိုးသန့်များရရှိရေး၊ မြေဆီလွှာဖွံ့ဖြိုးတိုးတက်ရေး၊ စိုက်ပျိုးရေလုံလောက်စွာရရှိရေး နှင့်နည်းစနစ်တကျ စိုက်ပျိုးရေးစသည့် အခြေခံလိုအပ်ချက်များအား နည်းပညာပေးဆောင်ရွက်
သွားကြရန်နှင့် တောင်သူများ လိုက်နာကျင့်သုံးကြစေရေးတို့အား စည်းရုံးဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး မြေစာရင်းဦးစီးဌာနမှ ညွှန်ကြားရေးမှူးက တိုင်းဒေသကြီး အတွင်း ဆီထွက်သီးနှံစိုက်ပျိုးထားသည့် လယ်ယာမြေလုပ်ငန်းများအား လည်းကောင်း၊ တိုင်းဒေ သကြီး စိုက်ပျိုးရေးဦးစီးဌာနမှ ညွှန်ကြားရေးမှူးက တိုင်းဒေသကြီးအတွင်းရှိ ခရိုင်/မြို့နယ်များ တွင် ဆီထွက်သီးနှံစိုက်ပျိုးထားရှိမှုများအား လည်းကောင်း၊ တိုင်းဒေသကြီး ဆည်မြောင်းနှင့်ရေ အသုံးချမှုစီမံခန့်ခွဲရေးဦးစီးဌာန (ဆည်မြောင်း)မှညွှန်ကြားရေးမှူးနှင့် တိုင်းဒေသကြီး ဆည် မြောင်းနှင့်ရေအသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ ဒုတိယညွှန်ကြားရေးမှူးတို့က ဆည်၊တမံများနှင့် မြစ်ရေတင်လုပ်ငန်းများမှ တိုင်းဒေသကြီးအတွင်းရှိ ခရိုင်/မြို့နယ်များအတွင်း စိုက်ပျိုးရေခွဲဝေပေးနေမှု အခြေအနေများအား လည်းကောင်း Power Point ဖြင့် အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များအတွင်းရှိ ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက် သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေးလုပ်ငန်းများ ဆောင်ရွက်သွားမည့် အခြေအနေများအား လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေး လုပ်ငန်းများ ဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး က တိုင်းဒေသကြီးအတွင်း ၂၀၂၄-၂၀၂၅ ခုနှစ်၊ စိုက်ပျိုးရာသီ ဆီထွက်သီးနှံတိုးချဲ့စိုက်ပျိုးရေးနှင့် သီးနှံပုံစံပြောင်းလဲစိုက်ပျိုးရေး လုပ်ငန်းများနှင့်ပတ်သက်၍ လိုအပ်သည်များ ဆွေးနွေးတင်ပြ သည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ ဇူလိုင် ၁၈

စစ်ကိုင်းတိုင်းဒေသကြီး၊ မုံရွာမြို့နေပြည်သူများများ ငါးစားသုံးမှုဖူလုံစေရေးနှင့် ငါးသယံ ဇာတပေါများစေရေးတို့အတွက် ကန်သာယာကန်အတွင်းသို့ ငါးမျိုးစိုက်ထည့်ခြင်း အခမ်းအနား ကို ယနေ့နံနက်ပိုင်းတွင် အဆိုပါကန်ရှိရေပေါ်စင်တွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ အမျိုးသမီးရေးရာ အဖွဲ့ဝင်များ၊ မိခင်နှင့်စောင့်ရှောက်မှု ကြီးကြပ်ရေးအဖွဲ့ဝင်များနှင့်တာဝန်ရှိသူများ တက်ရောက် ခဲ့ကြကြောင်း သိရသည်။

ဦးစွာတိုင်းဒေသကြီး ငါးလုပ်ငန်းဦးစီးဌာနမှ တိုင်းဒေသကြီးဦးစီးမှူး ဒေါက်တာ စုမျိုးသွယ်က ကန်သာယာကန်အတွင်း ငါးမျိုးစိုက်ထည့်ရခြင်းနှင့် ပတ်သက်၍ ရှင်းလင်းပြောကြားခဲ့သည်။

ယင်းနောက်တိုင်းဒေသကြီးဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ များနှင့် တာဝန်ရှိသူများက ငါးမြစ်ချင်း ငါးသားပေါက်ကောင် ရေ ၁ သိန်းအား ကန်သာယာ ကန်အတွင်း ငါးမျိုးများအားတပျော်တပါး စိုက်ထည့်ပေးခဲ့ကြသည်။

တိုင်းဒေသကြီး ငါးလုပ်ငန်းဦးစီးဌာနအနေဖြင့် ၂၀၂၄-၂၀၂၅ ဘဏ္ဍာနှစ်တွင် ချင်းတွင်း မြစ်အတွင်း ငါးသားပေါက်ကောင်ရေ စုစုပေါင်း ၃၆၀၀၀၀ (သုံးသိန်းခြောက်သောင်း)နှင့် မုံရွာမြို့ ကန်သာယာကန်နှင့် လယ်တီကန်အတွင်းသို့ ငါးသားပေါက်ကောင်ရေ စုစုပေါင်း ၂ သိန်းတို့အား ငါးမျိုးများစိုက်ထည့်ခဲ့ကြောင်း သိရသည်။

မုံရွာ ဇူလိုင် ၁၇

စစ်ကိုင်းတိုင်းဒေသကြီး စားသုံးသူရေးရာ ကော်မတီမှ ဒေသတွင်း ဆိုလာသုံးစွဲသူမိဘပြည်သူများ ဆိုလာများ ဝယ်ယူသုံးစွဲခြင်းနှင့်ပတ်သက်၍ နစ်နာ ဆုံးရှံးမှုမရှိစေရေး၊ စားသုံးသူနှင့် စီးပွားရေး လုပ်ငန်းရှင်များအကြား အငြင်းပွားမှု မရှိစေပဲ နှစ်ဦးနှစ်ဖက် အကျိုး ဖြစ်ထွန်းစေရေး ရည်ရွယ်ပြီး ဆိုလာသုံးစွဲမှု အလုပ်ရုံဆွေးနွေးပွဲ အခမ်းအနားကို ယနေ့ နံနက် ၉ နာရီ မှ မွန်းလွဲ ၁ နာရီအချိန်ထိ စစ်ကိုင်းတိုင်းဒေသကြီးအစိုးရအဖွဲ့ရုံးဝန်းရှိ ချင်းတွင်း ခန်းမ၌ ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူး၊ စစ်ကိုင်းတိုင်းဒေသကြီး စားသုံးသူရေးရာ ကော်မတီ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီးသယံဇာတရေးရာဝန်ကြီး ဦးတင်သန်းဝင်း၊ တိုင်းဒေသကြီး စားသုံးသူရေးရာ ဦးစီးဌာန ၊ ညွှန်ကြားရေးမှူး ဦးစိုးအောင်နှင့် ဝန်ထမ်းများ၊ တိုင်းဒေသကြီးအဆင့် ဌာနဆိုင်ရာများမှ ဖိတ်ကြားထားသူများ၊ စီးပွားရေးလုပ်ငန်းရှင်များနှင့် ဆိုလာရောင်းချသူများ တက်ရောက်ခဲ့ကြကြောင်း သိရသည်။

အခမ်းအနားတွင် ရှေးဦးစွာ စစ်ကိုင်းတိုင်းဒေသကြီး စားသုံးသူရေးရာ ကော်မတီ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဆိုလာသုံးစွဲမှုနှင့်ပတ်သက်၍ စားသုံးသူ ( သုံးစွဲသူ) ပြည်သူများနစ်နာဆုံးရှုံးမှုကို ကာကွယ်ပေးနိုင်ရေးအလုပ်ရုံဆွေးနွေးပွဲကျင်းပပြုလုပ်ရခြင်းနှင့်ပတ်သက်၍ အဖွင့်အမှာစကားပြောကြားပြီးနောက် စစ်ကိုင်းတိုင်းဒေသကြီး စားသုံးသူရေးရာ ကော်မတီ အတွင်းရေးမှူး၊ တိုင်းဒေသကြီး စားသုံးသူရေးရာဦးစီးဌာန၊ညွှန်ကြားရေးမှူး ဦးစိုးအောင်က ဆိုလာများတွင်ကျယ်စွာ အသုံးပြုလာမှု အခြေအနေများနှင့် သုံးစွဲသူ မိဘ ပြည်သူများနစ်နာဆုံးရှုံးမှု မရှိစေအောင် ကာကွယ်နိုင်ရေး အတွက် အလုပ်ရုံဆွေးနွေးပွဲတွင် သက်ဆိုင်ရာကဏ္ဍ အလိုက် ဆွေးနွေးရမည့် အကြောင်း အရာများနှင့်ပတ်သက်၍ ရှင်းလင်းတင်ပြ သည်။

ထို့နောက် ဆိုလာသုံးစွဲမှုနှင့်ပတ်သက်၍ သုံးစွဲသူ ပြည်သူများနစ်နာဆုံးရှုံးမှုကို ကာကွယ်ပေးနိုင်ရေးအလုပ်ရုံဆွေးနွေးပွဲကို ဆက်လက်ကျင်းပရာ တက်ရောက်လာကြသူများက အနာဂတ်အတွက် ဆိုလာလုပ်ငန်းစဉ် ဖွံ့ဖြိုး တိုးတက်လာမည့်အခြေအနေများ၊ ဆိုလာသုံးစွဲရာတွင် ပေးချေရသောငွေနှင့် သုံးစွဲမှု၊ ဆိုလာသုံးစွဲသူ၏ စိတ်ကူးအိပ်မက် စသည့် အကြောင်းအရာ များအပါအဝင် သုံးစွဲသူ ပြည်သူများနစ်နာဆုံးရှုံးမှုကိုကာကွယ်နိုင်ရေး အဓိက အကြောင်းအရာ ( ၆ )ချက်ကို ဆွေးနွေးခဲ့ကြကြောင်းသရှိရပါသည်။

မုံရွာ၊ ဇူလိုင် ၁၇

စစ်ကိုင်းတိုင်းဒေသကြီး သန်းခေါင်စာရင်းကောက်ယူရေး ကြီးကြပ်မှုကော်မတီ၏ ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူရေးဆိုင်ရာ လုပ်ငန်းညှိနှိုင်း အစည်းအဝေး(၃/၂၀၂၄)ကို ဇူလိုင်လ ၁၇ ရက်နေ့၊ နံနက်ပိုင်းတွင် မုံရွာမြို့၊ တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ တိုင်းဒေသကြီး သန်းခေါင်စာရင်း ကောက်ယူရေး ကြီးကြပ်မှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဦးစီးမှူးများ၊ မုံရွာခရိုင်/မြို့နယ် စီမံအုပ် ချုပ်ရေးအဖွဲ့ ဥက္ကဌများ နှင့်အဖွဲ့ဝင်များ တက်ရောက်ကြပြီး တိုင်းဒေသကြီးအတွင်းရှိ နာဂကိုယ် ပိုင်အုပ်ချုပ်ခွင့် ရဒေသ၊ ကလေးခရိုင်၊ ကသာခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်း ခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး သန်းခေါင်စာရင်းကောက်ယူရေး ကြီးကြပ်မှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ်(၅)ရပ်တွင် အရေးကြီးဆုံးလုပ်ငန်းစဉ်ဖြစ်သည့် ဆန္ဒမဲပေးပိုင်ခွင့်ရှိသူအားလုံး၏ အခွင့်ရေးများနစ်နာမှုမရှိစေ ရေးနှင့် နည်းလမ်းကျနမှန်ကန်မှုရှိသည့် အထွေထွေရွေးကောက်ပွဲ တစ်ရပ်ဖြစ်စေရေး၊ အရေးပေါ် ကာလဆိုင်ရာ ပြဌာန်းချက်များနှင့်အညီ ဆောင်ရွက်ခြင်းတို့ပြီးစီးပါက လွတ်လပ်ပြီးတရားမျှတ သည့် ပါတီစုံဒီမိုကရေစီ အထွေထွေရွေးကောက်ပွဲကျင်းပ၍ ထွက်ပေါ်လာသည့်အစိုးရအား နိုင်ငံ တော်တာဝန် လွှဲအပ်နိုင်ရေးဆက်လက်ဆောင်ရွက်သွားမည့် လုပ်ငန်းစဉ်ပါအတိုင်း အကောင် အထည်ဖော်ဆောင်ရွက်ရန်အတွက် မဲစာရင်းပြုစုရာတွင် အရေးကြီးသည့်ကိန်းဂဏန်းအချက် အလက်မှန်ကန်စေရေးအတွက် သန်းခေါင်စာရင်းကောက်ယူခြင်း လုပ်ငန်းမှရရှိသည့် လူဦးရေစာ ရင်းအားမှန်ကန်သည့် မဲစာရင်းပြုစုရန်အတွက် အထောက်အကူပြုသည့် လုပ်ငန်းဖြစ်၍ ၂၀၂၄ ခုနှစ် ပြည်လုံးကျွတ်သန်းခေါင်စာရင်း ကောက်ယူခြင်းလုပ်ငန်းအား အောက်တိုဘာလ ၁ ရက်နေ့ မှ ၁၅ ရက်နေ့ထိ (၁၅)ရက်ကြာ ကောက်ယူ ဆောင်ရွက်သွားမည် ဖြစ်ပါကြောင်း၊ သန်းခေါင်စာရင်းကောက်ယူရေး လုပ်ငန်းတွင်ပါဝင်ကြမည့် စာရင်းစစ်၊ စာရင်းကောက်၊ Volunteer များကိုလည်း သက်ဆိုင်ရာမြို့နယ်များအလိုက် သတ်မှတ်အရေအတွက်အတိုင်း ကြို တင်စုဖွဲ့ဆောင်ရွက်ထားရန် လိုအပ်ပါကြောင်း၊ တိုင်းဒေသကြီး/ခရိုင်/မြို့နယ် သန်းခေါင်စာရင်း ကော်မတီများမှ နိုင်ငံတော်အဆင့်စီမံချက်အား အမျိုးသားရေးတာဝန်တစ်ရပ်အနေဖြင့်ခံယူ၍ တိုင်းဒေသကြီးအတွက် အောင်မြင်အောင်အကောင်အထည်ဖော် ဆောင်ရွက်သွားကြရန် လိုအပ် ပါကြောင်း၊ သန်းခေါင်စာရင်းကောက်ယူမည့်အချိန်တွင်လည်း မြေပြင်ကွင်းဆင်း စာရင်းကောက် ယူရေးလုပ်ငန်း ဆောင်ရွက်ရန်ကျန်ရှိသည့် နေရာများအား သန်းခေါင်စာရင်းကောက်ယူမည့် နေရာများ အားတစ်ပါတည်းမြေပြင်ကွင်းဆင်း စာရင်းကောက်ယူရေးလုပ်ငန်းများ ဆောင်ရွက် နိုင်ရေးစီမံဆောင်ရွက်ထားရှိကြရန် လိုအပ်ပါကြောင်း၊ မဲစာရင်းမှန်ကန်စေရေးအတွက် လည်းလို အပ်သည့်နေရပ်လိပ်စာ ဖော်ပြရန်ကျန်ရှိသူများ၊ နိုင်ငံသားစိစစ်ရေးကတ်ပြား ဆောင်ရွက်ပေးရန် ကျန်ရှိသူများအား လုပ်ထုံးလုပ်နည်းနှင့်အညီ တာဝန်ရှိသူများမှ အလေးအနက်ထား ဆောင်ရွက် သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး သန်းခေါင်စာရင်းကောက်ယူရေး ကြီးကြပ်မှုကော်မတီ အတွင်းရေးမှူး၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ တိုင်းဒေသကြီး ဦးစီးမှူး၊ ညွှန်ကြားရေးမှူး ဦးဆန်းအောင်က တိုင်းဒေသကြီးအတွင်း ၂၀၂၄-ခုနှစ်၊ လူဦးရေနှင့်အိမ် အကြောင်းအရာ သန်းခေါင်စာရင်းကောက်ယူနိုင်ရေးအတွက် ကြိုတင်ပြင်ဆင်ထားရှိမှုများ၊ မြေ ပြင်ကွင်းဆင်းစာရင်းကောက်ယူရေးဆိုင်ရာကိစ္စရပ်များ၊ မဲစာရင်းပြုစုရေး ဆိုင်ရာကိစ္စရပ်များ နှင့် ပတ်သက်၍ Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/ မြို့နယ်များအတွင်း ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူ နိုင်ရေးအတွက် ကြိုတင်ပြင်ဆင်ထားရှိမှုများ၊ မြေပြင်ကွင်းဆင်းစာရင်း ကောက်ယူရေးဆိုင်ရာ ကိစ္စရပ်များ၊ မဲစာရင်းပြုစုရေးဆိုင်ရာကိစ္စရပ်များနှင့် အခြေအနေများအား အသီးသီးရှင်းလင်း ဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ ခန္တီးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များ အတွင်းရှိမြို့နယ်များ၌ ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူနိုင်ရေးအတွက် ကြိုတင်ပြင်ဆင် ထားရှိမှုများ၊ မြေပြင်ကွင်းဆင်းစာရင်း ကောက်ယူရေးဆိုင်ရာကိစ္စရပ်များ၊ မဲစာရင်းပြုစုရေးဆိုင် ရာကိစ္စရပ်များနှင့် ပတ်သက်၍ အသီးသီးရှင်းလင်းတင်ပြပြီး မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်းရှိမြို့နယ်များတွင် ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင် စာရင်းကောက်ယူနိုင်ရေးအတွက် ကြိုတင်ပြင်ဆင်ထားရှိမှုများ၊ မြေပြင်ကွင်းဆင်းစာရင်း ကောက်ယူရေးဆိုင်ရာကိစ္စရပ်များ၊ မဲစာရင်းပြုစုရေးဆိုင်ရာကိစ္စရပ်များအား ရှင်းလင်းဆွေးနွေး တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူနိုင်ရေးအတွက် ကြိုတင်ပြင်ဆင် ထားရှိမှုများ၊ မြေပြင်ကွင်းဆင်းစာရင်းကောက်ယူရေးဆိုင်ရာ ကိစ္စရပ်များနှင့် မဲစာရင်းပြုစုရေး ဆိုင်ရာကိစ္စရပ်များနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး သန်းခေါင်စာရင်းကောက်ယူရေး ကြီးကြပ်မှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ၏ အသီးသီး ဖြည့်စွက် အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ ဇူလိုင် ၁၆

၂၀၂၄-ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အသက်(၁၈)နှစ်အောက် အမျိုးသား/အမျိုးသမီး ပြေးခုန်ပစ်ပြိုင်ပွဲ ဆုချီးမြှင့်ပွဲအခမ်းအနားကို ဇူလိုင်လ ၁၆ ရက်၊ နံနက်ပိုင်းက မုံရွာမြို့၊ ပြည်သူ့အားကစားကွင်းအတွင်း၌ ကျင်းပရာ ဆုချီး မြှင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရ အဖွဲ့ ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ ပြိုင်ပွဲဝင်အားကစားသမား များနှင့် အသင်းအုပ်ချုပ်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက အမျိုးသား/အမျိုး သမီး ဗိုလ်လုပွဲများအဖြစ် မီတာ ၄၀၀၊ မီတာ ၁၀၀ လက်ဆင့်ကမ်းအပြေးပြိုင်ပွဲ၊ မီတာ ၂၀၀ အပြေးပြိုင်ပွဲများနှင့် တန်းမြင့်ခုန်ပြိုင်ပွဲ၊ လှံတံပစ်ပြိုင်ပွဲများယှဉ်ပြိုင်နေမှုများအား ကြည့်ရှုအား ပေးကြသည်။
ယင်းနောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဥပဒေချုပ်က အမျိုး သမီး မီတာ ၂၀၀ အပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမား များအား လည်းကောင်း၊ တိုင်းဒေသကြီး လူမှုရေးရာဝန်ကြီး၏ဇနီးက အမျိုးသား မီတာ ၂၀၀ အပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမားများအား လည်း ကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး၏ဇနီးက အမျိုးသမီး လှံတံပစ်ပြိုင် ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမားများအား လည်းကောင်း၊ တိုင်း ဒေသကြီး လမ်းပန်းဆက် သွယ်ရေးဝန်ကြီးက အမျိုးသား လှံတံပစ်ပြိုင်ပွဲတွင် ပထမ၊ ဒုတိယ၊ တတိယဆုရရှိကြ သော အားကစားသမားများအား လည်းကောင်း၊ တိုင်းဒေသကြီး လူမှုရေးရာ ဝန်ကြီးက အမျိုးသား/အမျိုးသမီး တန်းမြင့်ခုန်ပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမားများအား လည်းကောင်း တစ်ဦးချင်းဆုတံဆိပ်များ အသီးသီးပေးအပ် ချီးမြှင့် ကြသည်။

ဆက်လက်ပြီး တိုင်းဒေသကြီး သယံဇာတရေးရာဝန်ကြီးက အမျိုးသမီး မီတာ ၁၀၀ လက် ဆင့်ကမ်းအပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမားများအား လည်းကောင်း၊ တိုင်းဒေသကြီး စီးပွားရေးရာဝန်ကြီးက အမျိုးသား မီတာ ၁၀၀ လက်ဆင့်ကမ်း အပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသမားများအား လည်း ကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက အမျိုးသား/အမျိုးသမီး မီတာ ၄၀၀ လက်ဆင့်ကမ်းအပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသော အားကစားသ မားများအား လည်းကောင်း တစ်ဦးချင်းဆုတံဆိပ်များ အသီးသီးပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်၏ဇနီးက အမျိုးသမီး တံခွန်စိုက်ဆု ပထမ၊ ဒုတိယ၊ တတိယဆုရရှိကြသော အသင်းများအား လည်းကောင်း၊ တိုင်းဒေသကြီး ဝန်ကြီးချုပ်က အမျိုး သား တံခွန်စိုက်ဆု ပထမ၊ ဒုတိယ၊ တတိယဆုရရှိကြသောအသင်းများနှင့် စုပေါင်းတံခွန် စိုက်ဆုရရှိသော အင်းတော်မြို့နယ်အသင်းအား လည်းကောင်း ငွေသားဆုနှင့်တံခွန်စိုက်ဆုအား ပေးအပ်ချီးမြှင့်ကာ တာဝန်ရှိသူများနှင့်အတူ စုပေါင်းမှတ်တမ်း ဓါတ်ပုံရိုက်ကူးခဲ့ကြောင်း သိရ သည်။

မုံရွာ၊ ဇူလိုင် ၁၅

စစ်ကိုင်းတိုင်းဒေသကြီး ၂၀၂၄-ခုနှစ်၊ တက္ကသိုလ်ဝင်စာမေးပွဲ နိုင်ငံတော်အဆင့်ထူးချွန်ဆု နှင့်ဂုဏ်ထူးရ ကျောင်းသား/သူများ၊ အောင်ချက်အကောင်းဆုံးဆုရမြို့နယ်များနှင့် ကျောင်းများ အား ဂုဏ်ပြုချီးမြှင့်ပွဲအခမ်းအနားကို ဇူလိုင်လ ၁၅ ရက်နေ့၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး/ ခရိုင်/မြို့နယ် ပညာရေးမှူးများ၊ ကျောင်းအုပ်ကြီးများ၊ ဆရာ/ဆရာမများ၊ ဂုဏ်ထူးရကျောင်း သား/သူများနှင့် မိဘများတက်ရောက်ကြသည်။

ဦးစွာ မုံရွာမြို့၊ အမှတ်(၃)အခြေခံပညာအထက်တန်းကျောင်းမှ ကျောင်းသား/သူများက “မြို့တော်သလ္လာဝတီ”တေးသီချင်းဖြင့် သီဆိုဖျော်ဖြေကာ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ကျောင်းသား/သူများနှင့်မိဘ များ ပညာရေးအပေါ်ပိုမိုစိတ်ဝင်စား၍ ကြိုးစားအတုယူလိုစိတ် ဖြစ်ပေါ်လာစေရန်၊ အရည် အချင်းရှိနိုင်ငံ့သားကောင်းများအား မိမိတို့တိုင်းဒေသကြီးမှ ယခုထက်များပြားစွာ မွေးထုတ်ပေး နိုင်စေရန်နှင့် ထူးချွန်စွာအောင်မြင်အောင် ကြိုးစားခဲ့သူများအား အသိမှတ်ပြုအားပေးပြီး ပိုမိုထူး ချွန်သူများထွက်ပေါ်လာစေရန် ယခုအခမ်းအနားအား ရည်ရွယ်ကျင်းပရခြင်း ဖြစ်ပါကြောင်း၊ နိုင်ငံတစ်ခုဒေသတစ်ခု ဖွံ့ဖြိုးတိုးတက်စေရန် အဓိကအချက်သည် ပညာရေးဖြစ်ပြီး လူတိုင်းလူ တိုင်းပညာတတ်ကာ အတွေးမှန်၊အသိမှန်၊အလုပ်မှန်လျှင် မိမိတို့လူ့အသိုက်အဝန်းသည် သာယာ ပျော်ရွှင်ဖွယ်ရာ လူနေမှုဘဝများအား ရရှိကြမှာဖြစ်ပါကြောင်း၊ ဂုဏ်ပြုသင့်ဂုဏ်ပြုထိုက်သူများအား ဂုဏ်ပြုချီးမြှင့်ခြင်းသည် ဗုဒ္ဓတရားတော်နှင့်အညီ ပြု လုပ်ခြင်းဖြစ်သကဲ့သို့ အောင်မြင်သူများအတွက်လည်း နောက်တဆင့်အားဆက်လက် တက် လှမ်းရန် ခွန်အားများဖြစ်စေပါကြောင်း၊ ဆရာ/ဆရာမများအနေဖြင့်လည်း ကိုယ်တိုင် အရည်အသွေးရှိအောင် စဉ်ဆက်မပြတ်ကြိုးပမ်းဆောင်ရွက်သွားကြရန်နှင့် ယခုထက်ပိုပြီး ထူး ချွန်ထက်မြက်သည့် ကျောင်းသား/သူများ ပေါ်ထွန်းလာအောင် သင်ကြားသွန်သင် ဆုံးမသွားကြ ရန်လိုအပ်ပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်က နိုင်ငံတော်အဆင့် မြန်မာတစ်နိုင်ငံလုံး အမှတ်အများဆုံး ၁၀ ဦးဝင် ဆုရကျောင်းသူ ၂ ဦးနှင့် ၆ ဘာသာဂုဏ်ထူးရှင် ကျောင်းသား/သူ ၅ ဦးအား လည်းကောင်း၊ တိုင်းဒေသကြီး အမျိုးသမီးရေးရာအဖွဲ့ နာယက၊ တိုင်းဒေသကြီး ဝန်ကြီးချုပ်၏ဇနီးက ၅ ဘာသာဂုဏ်ထူးရှင် ကျောင်းသား/သူ ၆ ဦးအား လည်းကောင်း၊ တိုင်းဒေ သကြီး တရားသူကြီးချုပ်က ၅ ဘာသာဂုဏ်ထူးရှင် ကျောင်းသား/ သူ ၇ ဦးတို့အား လည်း ကောင်း ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များအား ပေးအပ်ချီးမြှင့်ကြသည်။

ယင်းနောက် တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီးက တိုင်းဒေသကြီး အဆင့် သိပ္ပံဘာသာတွဲနှင့် ဝိပ္ပံဘာသာတွဲ အမှတ်အများဆုံးဆုရရှိကြသော ကျောင်းသား/ သူ ၆ ဦးအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး၏ဇနီးက တိုင်းဒေ သကြီးအဆင့် ဝိဇ္ဇာဘာသာတွဲ အမှတ်အများဆုံးဆုရရှိကြသော ကျောင်းသား/သူ ၃ ဦးနှင့် ၄ ဘာ သာဂုဏ်ထူးရှင် ကျောင်းသား/သူ ၃ ဦးအား လည်းကောင်း၊ တိုင်းဒေသကြီး စီးပွားရေးရာ ဝန်ကြီးက ၄ ဘာသာဂုဏ်ထူးရှင် ကျောင်းသား/သူ ၆ ဦးတို့အား လည်းကောင်း ဂုဏ်ပြုချီးမြှင့် ငွေနှင့် ဂုဏ်ပြုလက်မှတ်များအား အသီးသီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး သယံဇာတရေးရာဝန်ကြီးက ၄ ဘာသာဂုဏ်ထူးရှင် ကျောင်း သား/သူ ၆ ဦးအား လည်းကောင်း၊ တိုင်းဒေသကြီး လူမှုရေးရာဝန်ကြီးက ၄ ဘာသာဂုဏ်ထူးရှင် ကျောင်းသား/သူ ၆ ဦးအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီးက ၄ ဘာသာဂုဏ်ထူးရှင် ကျောင်းသား/သူ ၆ ဦးအား လည်းကောင်း၊ တိုင်းဒေသကြီး ဥပဒေချုပ်က ၄ ဘာသာဂုဏ်ထူးရှင် ကျောင်းသား/သူ ၆ ဦးတို့အား ဂုဏ်ပြုချီးမြှင့်ငွေနှင့် ဂုဏ်ပြု လက်မှတ် များအား လည်းကောင်း၊ တိုင်းဒေသကြီး လူမှုရေးရာဝန်ကြီး၏ဇနီးက ၄ ဘာသာဂုဏ်ထူးရှင် ကျောင်းသား/သူ ၂ ဦးနှင့် ၃ ဘာသာဂုဏ်ထူးရှင် ၄ ဦးအား လည်းကောင်း၊ တိုင်းဒေသကြီး လွှတ် တော်ရုံးအကြီးအမှူးက ၃ ဘာသာဂုဏ်ထူးရှင် ကျောင်းသား/သူ ၆ ဦးတို့အား လည်းကောင်း ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များ အားအသီးသီး ပေးအပ်ချီးမြှင့်ကြသည်။

ဆက်လက်၍ မုံရွာမြို့ပေါ်ရှိ တက္ကသိုလ်များမှ ပါမောက္ခချုပ်/ဒုတိယပါမောက္ခချုပ်များက ၃ ဘာသာဂုဏ်ထူးရှင်များအား လည်းကောင်း၊ တိုင်းဒေသကြီး ရဲတပ်ဖွဲ့မှူးက ၃ ဘာသာ ဂုဏ်ထူးရှင် ၃ ဦးနှင့် တိုင်းဒေသကြီး အောင်ချက်အကောင်းဆုံးမြို့နယ် ၃ မြို့နယ်အား လည်း ကောင်း၊ တိုင်းဒေသကြီး ပညာရေးမှူးက တိုင်းဒေသကြီး အောင်ချက်အကောင်းဆုံး အထက် တန်းကျောင်း ၃ ကျောင်းနှင့် အထက်တန်းကျောင်းခွဲ ၃ ကျောင်းတို့အား လည်းကောင်း ဂုဏ်ပြု ချီးမြှင့်ငွေနှင့် ဂုဏ်ပြုလက်မှတ်များအား အသီးသီး ပေးအပ်ချီးမြှင့်ကြသည်။

ထို့နောက် ၂၀၂၄-ခုနှစ်၊ တက္ကသိုလ်ဝင်စာမေးပွဲတွင် အမှတ်(၂)အခြေခံပညာ အထက် တန်းကျောင်းမှ ၆ ဘာသာဂုဏ်ထူးရှင် မအိမ့်အိမ့်ရွှန်းလဲ့ဝေက ကျေးဇူးတင်စကား ပြန်လည် ပြောကြားကာ အမှတ်(၅)အခြေခံ ပညာအထက်တန်းကျောင်းမှ ကျောင်းသူများက “ဆီမီးခွက်” အကဖြင့်ဧည့်ခံဖျော်ဖြေမှုနှင့် အမှတ်(၂)အခြေခံပညာအထက်တန်းကျောင်းမှ ကျောင်းသား/သူ များက “လူချွန်လူကောင်း” တေးသီချင်းဖြင့် သရုပ်ပြဖျော်ဖြေကြပြီး တိုင်းဒေသကြီး လူမှုရေးရာ ဝန်ကြီးက ဂုဏ်ပြုချီးမြင့်ငွေများ ပေးအပ်ချီးမြင့်ကာ တာဝန်ရှိသူများနှင့်အတူ စုပေါင်းမှတ် တမ်းဓါတ်ပုံရိုက်ကူးကြပြီး အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံ နှုတ်ဆက် အားပေးခဲ့ကြသည်။

၂၀၂၄-ခုနှစ်၊ တက္ကသိုလ်ဝင်စာမေးပွဲတွင် စစ်ကိုင်းတိုင်းဒေသကြီးအနေဖြင့် နိုင်ငံတော် အဆင့် မြန်မာတစ်နိုင်ငံလုံး အမှတ်အများဆုံး ၁၀ ဦးဝင် ဆုရကျောင်းသူ ၂ ဦးနှင့် ၆ ဘာသာ ဂုဏ်ထူးရှင် ၅ ဦး၊ ၅ ဘာသာ ဂုဏ်ထူးရှင် ၁၃ ဦး၊ ၄ ဘာသာဂုဏ်ထူးရှင် ၃၅ ဦး၊ ၃ ဘာသာ ဂုဏ်ထူးရှင် ၄၃ ဦး၊ ၂ ဘာသာဂုဏ်ထူးရှင် ၁၀၃ ဦး၊ ၁ ဘာသာဂုဏ်ထူးရှင် ၂၈၀ ဦး ရရှိခဲ့ပြီး ဂုဏ်ထူးရရှိသူစုစုပေါင်း ၄၇၉ ဦးရရှိကာ အောင်ချက်ရာခိုင်နှုန်း ၅၅.၆၈ % ရရှိခဲ့ကြောင်း သိရ သည်။