မုံရွာ၊ ဧပြီ ၂၄

နိုင်ငံ့တာဝန်များအား တစ်ထောင့်တစ်နေရာမှ တာ ဝန်ထမ်းဆောင်ခဲ့ကြသည့် ဌာနဆိုင်ရာအသီးသီးမှ အငြိမ်းစားဝန်ထမ်းများ ကျန်းမာသန်စွမ်းစွာဖြင့် နေထိုင်သွားလာနိုင်ရေး၊ စားသောက်ရေးများ အဆင်ပြေစေရန်အတွက် ရည်ရွယ်၍ စစ်ကိုင်းတိုင်းဒေသကြီးအစိုးရအဖွဲ့မှ တိုင်းဒေသကြီးအတွင်းရှိ အငြိမ်းစားဝန်ထမ်းများအား ကျန်းမာရေးစစ်ဆေးပေးခြင်းနှင့် အခြေခံစားသောက်ကုန်များ ပေးအပ်ချီးမြှင့်ခြင်း အခမ်းအနားကို ဧပြီလ ၂၄ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ချင်း တွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။

ဦးစွာ အခမ်းအနားသို့ တက်ရောက်လာကြသည့် အငြိမ်းစားဝန်ထမ်းများအားနံနက်စာများဖြင့် ဧည့်ခံ ကျွေးမွေးခဲ့ကြပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့် တိုင်းဒေသကြီးအစိုးရအဖွဲ့ဝင်များက တိုင်းဒေသကြီးအတွင်းရှိ ဌာနဆိုင်ရာအသီးသီးမှ အငြိမ်းစားဝန်ထမ်းများအား ရင်းရင်းနှီးနှီးဖြင့်အား ပေးစကားများ ပြောကြားကာ တာဝန် ရှိသူများနှင့်အတူ အငြိမ်းစားဝန်ထမ်း ၂၁၀ ဦးအား အဟာရဖြည့်စွက်စာ ကြက်ဉများအား လက်ရောက်ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ခန်းမအတွင်း၌ မုံရွာခရိုင် ပြည်သူ့ကျန်းမာရေးဦးစီးဌာနမှအငြိမ်းစားဝန်ထမ်းများအား ဆီးချို/သွေးချို ရောဂါ၊ သွေးတိုးရောဂါ၊အကြောနာ အကြောတက်ရောဂါ၊ နှလုံးရောဂါ၊ ချောင်းဆိုးရင် ကြပ်ရောဂါများအား စစ်ဆေးကုသပေးနေမှုများအား ကြည့်ရှုအားပေးခဲ့ကြပြီး ကုသရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။

ဆက်လက်၍ အဆိုပါခန်းမဝန်းအတွင်း၌ တိုင်းဒေသကြီး စားသုံးသူရေးရာဦးစီးဌာန၊ စည်ပင် သာယာရေးအဖွဲ့နှင့် မြို့နယ်အထွေထွေအုပ်ချုပ်ရေးဦးစီးဌာနတို့မှ အငြိမ်း စားဝန်ထမ်းများအား အခြေခံစားသောက်ကုန်များဖြစ်သည့် ဆန်၊ စားသုံးဆီနှင့် ဟင်းသီး ဟင်းရွက်များအား ဈေးနှုန်းသက် သာစွာဖြင့် ရောင်းချပေးခဲ့ကြောင်း သိရသည်။

မုံရွာ၊ ဧပြီ ၂၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများသည် ဧပြီလ ၂၂ ရက်၊ နံနက်ပိုင်းတွင် စစ်ကိုင်းမြို့၊ လေးကျွန်းမာရ်အောင် စေတီ တော်မြတ်ကြီးသို့ ရောက်ရှိရာ ဓမ္မဒူတ အရှင်ဆေကိန္ဒ ဆရာတော်ကြီးထံ သာသနာရေး ဆိုင်ရာများလျှောက်ထားပြီး ဆရာတော်ကြီးနှင့်အတူ မန္တလေးငလျင်ကြီးကြောင့် ထိခိုက် ပျက်စီးခဲ့သည့် လေးကျွန်းမာရ်အောင်စေတီတော်ကြီးအား လိုက်လံ ကြည့်ရှုခဲ့ကြပြီး ပြိုကျပျက်စီးထိခိုက်ခဲ့သည့် စေတီတော်ကြီးအား အမြန်ရှင်းလင်းဖယ်ရှားရေးနှင့် ပြန် လည် မွန်းမံရေးလုပ်ငန်းများနှင့်ပတ်သက်၍ လိုအပ် သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့် ထိခိုက်ပျက်စီးပြိုကျခဲ့သည့် စစ်ကိုင်းမြို့ မရှိခဏ စေတီတော်မြတ်ကြီးနှင့် မဟာစေတီကြီးအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင် များ၊ မီးသတ်တပ်ဖွဲ့ဝင်များနှင့် လူမှုရေးအသင်းအဖွဲ့ဝင်များမှ ပူးပေါင်း၍ပြန်လည်ရှင်းလင်း ဖယ်ရှားနေမှုများအား လိုက်လံကြည့်ရှုခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့် စကုမှော်ငလျင်ဘေးဒဏ်သင့် ကယ်ဆယ်ရေးစခန်းသို့ ရောက်ရှိရာ ငလျင်ဘေး ဒဏ်သင့်ပြည်သူများအား စားသောက်ဖွယ်ရာများ ထောက်ပံ့ပေး အပ်ပြီး ငလျင်ဘေးဒဏ်သင့်ပြည်သူများအား ရင်းရင်းနှီးနှီးလိုက်လံနှုတ်ဆက် အားပေးစကားများ ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် မန္တလေးငလျင်ကြီးကြောင့် စစ်ကိုင်းမြို့ပေါ်ရှိ လူနေအိမ်တိုက်တာများပြိုကျပျက်စီးခဲ့ရာ ပြန်လည်ရှင်းလင်း ဖယ်ရှားနေမှုများအား လိုက်လံကြည့်ရှုခဲ့ကြပြီး လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့် စစ်ကိုင်းမြို့ရှိ ဓါတ်ပေါင်းစေတီဂန္ဓကုဋိတိုက်ဘုရားကြီး ထိခိုက်ပျက်စီးပြိုကျခဲ့မှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် လူမှုရေးအသင်း အဖွဲ့ဝင်များမှပူးပေါင်း၍ပြန်လည်ရှင်းလင်း ဖယ် ရှားနေမှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မန္တလေးငလျင် ကြီးကြောင့် ထိခိုက်ပျက်စီးခဲ့သည့် စစ်ကိုင်းမြို့၊မြို့မဈေးကြီးအတွင်းရှိ အန္တရာယ်ရှိသည့် ဈေးရုံအဆောက်အဦများ အမြန်ရှင်းလင်းဖယ်ရှားရေးနှင့် ဈေးအမြန်ဆုံးဖွင့်လှစ်နိုင်ရေးတို့အားတာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးကာ ထိခိုက်ပျက်စီးခဲ့ သည့် ဈေးရုံအဆောက်အဦများအား လိုက်လံကြည့်ရှုခဲ့ကြသည်။

အလားတူ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ဧပြီလ ၂၁ ရက်၊ ညနေပိုင်းတွင် မန္တလေးငလျင်ကြီးကြောင့် ထိခိုက်ပျက်စီးပြိုကျခဲ့ သည့် စစ်ကိုင်းတောင်ရိုးရှိ ဆွမ်းဦးပုညရှင်စေတီတော်ကြီးသို့ ရောက်ရှိရာ သီတဂူ ဆရာတော်ကြီးနှင့် ဓမ္မဒူတ အရှင်ဆေကိန္ဒ ဆရာတော်ကြီးများထံ သာသနာရေးဆိုင်ရာများ လျှောက်ထားပြီး ငလျင်လှုပ်ခတ်မှုကြောင့် ထိခိုက်ပျက်စီးပြိုကျခဲ့သည့် ဆွမ်းဦးပုည ရှင်စေတီတော်ကြီးနှင့် သာသနိကအဆောက်အဦများအား လိုက်လံကြည့်ရှုခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများသည် မန္တလေးငလျင် ကြီးကြောင့် ထိခိုက်ပျက်စီးပြိုကျခဲ့သည့် စစ်ကိုင်းမြို့ပေါ်ရှိ ခရိုင်စီမံအုပ်ချုပ်ရေးအဖွဲ့ရုံး၊ ခရိုင်ရဲတပ်ဖွဲ့မှူးရုံး၊ခရိုင်တရား ရုံး၊ ခရိုင်ဥပဒေရုံး၊ ခရိုင်ပြည်သူ့ကျန်းမာရေးဦးစီး ဌာနရုံး၊ ခရိုင်လူမှုဝန်ထမ်းဦးစီးဌာနရုံးနှင့် ခရိုင်စီမံကိန်း၊ ခရိုင်ဆည်မြောင်းနှင့် ရေအသုံးချမှုစီမံ ခန့်ခွဲရေးဦးစီးဌာန(ဆည်မြောင်း)ရုံး အဆောက်အဦများနှင့် ဝန်ထမ်းနေအိမ်များ ထိခိုက် ပျက်စီးမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ပြီး ဌာနဆိုင်ရာဝန်ထမ်းများအား နှစ်သိမ့်အားပေးစကားများ ပြောကြားခဲ့ကြောင်း သိရသည်။

မုံရွာ၊ ဧပြီ ၂၁

နိုင်ငံတော်သြဝါဒါစရိယ၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဒတက္ကသိုလ်များ၏ အဓိပတိ၊ အဘိဓဇအဂ္ဂမဟာသဒ္ဒမ္မဇောတိက၊ အဘိဓဇမဟာရဌဂုရု၊ သောဠသမရွှေကျင်သာသနာပိုင် သီတဂူဆရာတော်ကြီးနှင့် စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး သက်ပုံ၊ တိုင်းဒေသကြီးအစိုးရ အဖွဲ့ဝင်များနှင့် တာဝန်ရှိသူများသည် ဧပြီလ ၂၁ရက်၊နံနက်ပိုင်းတွင် မန္တလေးငလျင် ကြီးကြောင့် ထိခိုက်ပျက်စီးခဲ့သည့် စစ်ကိုင်းမြို့၊ ရာဇမဏိစူဠာ ကောင်းမှုတော်စေတီတော်ကြီး အက် ကွဲကြောင်းများဖြစ်ပေါ်သွားမှုနှင့် သာသနိကအဆောက်အဦများ ပြိုကျပျက်စီးနေမှုများအား လိုက်လံကြည့်ရှုခဲ့ကြပြီးစေတီတော်ကြီးနှင့် ပရဝုဏ် အတွင်းရှိ သာသနိက အဆောက်အဦများ ရှေးယခင်မူလအတိုင်း ပြန်လည်ပြင်ဆင် တည်ထားကိုးကွယ်သွားမည့်အခြေအနေများနှင့် ပတ်သက်၍ ဆွေးနွေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် သီတဂူဝိပဿနာကမ္မဌာန်းဌာန၌ မန္တလေးငလျင်ကြီးကြောင့် ထိခိုက်ပျက်စီးပြို ကျခဲ့သည့် စစ်ကိုင်းတောင်ရိုးရှိ ဘုန်းတော်ကြီးကျောင်းတိုက်များနှင့် သီလရှင်ကျောင်းတိုက်များရှိ ဆရာတော်၊သံဃာ တော်များနှင့် သီလရှင်ဆရာကြီး/ဆရာလေးများ ဆွမ်း၊ကွမ်းအခက်အခဲမရှိစေရေးအတွက် သီတဂူဆရာတော်ကြီးထံ တိုင်းဒေသကြီးအစိုးရအဖွဲ့ မှ ဒုတိယအကြိမ် ဆွမ်းဆန် ၅၀၀ အိတ်၊ စားသုံးဆီ ၅၀၀ ပိဿာ၊ ပဲ အိတ် ၃၀၀ တို့အား ဆက်ကပ်လှူဒါန်းခဲ့ပြီး သာသနာရေးဆိုင်ရာများ လျှောက်ထားခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူ များသည် စစ်ကိုင်းမြို့၊ နှစ် ၇၀၀ ပြည်သူ့အားကစားကွင်းအတွင်းရှိ မလေးရှားနိုင်ငံမှ ယာယီဆေးကုသရေးစင်တာသို့ ရောက်ရှိရာ ဆေးကုသရေးစင်တာမှ တာဝန်ရှိသူများက ငလျင်ဒဏ်ကြောင့် ထိခိုက်ဒဏ်ရာရရှိသူများနှင့် မြို့နေပြည်သူများအား ဆေးကုသရေး လုပ်ငန်းများဆောင်ရွက်ပေးနေမှုနှင့် စမ်းသပ်ခွဲစိတ်သွားမည့် လုပ်ငန်းအခြေအနေများ အားလိုက်လံရှင်းလင်းပြသကြပြီး တိုင်းဒေသကြီး ဝန်ကြီးချုပ်နှင့် ဒုတိယဗိုလ်ချုပ်ကြီးတို့က ကုသရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ဆေးကုသမှုခံယူနေသည့် လူနာများအား ရင်းရင်း နှီးနှီးအားပေးစကားများ ပြောကြားခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့်စစ်ကိုင်းမြို့ပေါ်ရှိလူနေအိမ်တိုက် တာများ ပြိုကျပျက်စီး ခဲ့မှုများအား ပြန်လည်ရှင်း လင်းဖယ်ရှားနေမှုများကို လိုက်လံကြည့်ရှုခဲ့ကြပြီး အဆောက် အဦပိုင်ရှင်များနှင့်တွေ့ဆုံ၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများသည် စစ်ကိုင်းမြို့၊ အမှတ်(၁)အခြေခံပညာအထက်တန်းကျောင်းဝန်းအတွင်းရှိ ငလျင်ဘေးသင့်ပြည်သူများ ကူညီရေးစခန်းသို့ ရောက်ရှိရာ ယာယီနေအိမ်အဆောက်အဦများ တည်ဆောက်ပြီးစီးမှုများအား လိုက်လံကြည့်ရှုခဲ့ကြပြီး ငလျင်ဒဏ်သင့်ဝန်ထမ်းများနှင့် ပြည်သူ များ နေထိုင်စားသောက်ရေးများ အဆင်ပြေစေရန်အတွက် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အလားတူ တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် ဧပြီလ ၂၀ ရက်၊ မွန်းလွဲပိုင်းတွင် မန္တလေးငလျင်ကြီးကြောင့် စစ်ကိုင်းတောင်ရိုးရှိ ဆွမ်းဦးပုညရှင်စေတီတော်မြတ်ကြီး၊ မဟာစေတီ၊ ဉမင်ကိုးဆယ်ဘုရားများနှင့် သာသနိ ကအဆောက်အဦများ ပြိုကျပျက်စီးမှုများအား တပ်မတော်သားများ၊ မြန်မာနိုင်ငံရဲတပ်ဖွဲ့ ဝင်များ၊မီးသတ်တပ်ဖွဲ့ဝင်များနှင့် လူမှုရေးအသင်းအဖွဲ့ များမှ ပူးပေါင်း၍ ပြန်လည်ရှင်း လင်းဖယ်ရှားနေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများ သည် မန္တလေးငလျင်ကြီးကြောင့် မရှိခဏစေတီတော်၊ စေတီလှစေတီတော်ကြီးများနှင့် သာသနိကအဆောက်အဦများ ပြိုကျပျက်စီးမှုများအား တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့်လူမှုရေးအသင်းအဖွဲ့များမှ ပူးပေါင်း၍ ပြန် လည်ရှင်းလင်းဖယ်ရှားနေမှုများအား လိုက်လံကြည့်ရှုခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ ဒုတိယဗိုလ်ချုပ်ကြီးနှင့် တာဝန်ရှိသူများသည် စစ်ကိုင်းမြို့၊ နှစ် ၇၀၀ ပြည်သူ့အားကစားကွင်းအတွင်းရှိ မလေးရှားနိုင်ငံမှ ယာယီဆေးကုသရေးစင်တာ ပြင်ဆင်ဆောင်ရွက်နေမှုများအား သွားရောက်ကြည့်ရှုခဲ့ ကြပြီးစင်တာမှတာဝန်ရှိသူများနှင့်တွေ့ဆုံကာကုသရေး လုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ပြီး တပ်မတော်နယ်လှည့်ဆေးကုသရေးအဖွဲ့မှ ငလျင်ဒဏ်သင့် ရဟန်း/သံဃာ၊ သီလရှင်များ နှင့်ပြည်သူများအား အခမဲ့ ဆေးကုသပေးနေမှုများအား သွားရောက်ကြည့်ရှုအားပေး ခဲ့ကြောင်း သိရသည်။

မုံရွာ ဧပြီ ၁၇

စစ်ကိုင်းတိုင်းဒေသကြီး၊ မုံရွာမြို့၊ အရှေ့ဘက်ကန်သာယာကန်ရှိ ရာပြည့်ကပ် ကျော်စေတီတော်ကြီးအတွင်းရှိ ဗုဒ္ဓရုပ်ပွားတော်မြတ်များအား ဗုဒ္ဒါဘိသေကအနေကဇာ တင်ခြင်းအခမ်းအနားကို ဧပြီလ ၁၇ ရက်၊ နံနက်ပိုင်းတွင်အဆိုပါစေတီတော်ကြီး၌ ကျင်း ပရာ အခမ်အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီးတရားသူ ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသ ကြီး/ခရိုင်/မြို့နယ်အဆင့်ဌာနဆိုင်ရာများ၊ ဂေါပကအဖွဲ့ဉက္ကဌနှင့် အဖွဲ့ဝင်များ တက် ရောက်ကြသည်။

ဦးစွာ ပင့်သံဃာဆရာတော်၊ သံဃာတော်များက ရာပြည်ကပ်ကျော်စေတီတော် မြတ်ကြီးအား ဗုဒ္ဒါဘိသေက အနေကဇာတင်ခြင်းနှင့် ရတနသုတ်၊ ဝဋ္ဋသုတ်၊ မေတ္တာသုတ် အန္တရာယ်ကင်း ပရိတ်တရားတော်များ ရွတ်ပွားသရဇ္ဈာယ် ချီးမြှင့်တော်မူကြသည်။

ယင်းနာက် အခမ်းအနားအား “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့်လှစ်ကြပြီး နိုင်ငံတော်ဩဝါဒါစရိယ မုံရွာမြို့၊ မဟာဝိဇ္ဇာသိပ္ပံ ကျောင်းတိုက်၊ ပဓာနနာ ယက အဘိဓဇမဟာရဌဂုရုဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက ရှစ်ပါးသီလခံယူဆောက် တည် ကြသည်။

ဆက်လက်၍ ဆရာတော်ကြီးများထံတိုင်းဒေသကြီး ဝန်ကြီချုပ်နှင့်ဇနီး၊တိုင်းဒေသကြီးတရားသူကြီး ချုပ်နှင့်ဇနီး၊တိုင်းဒေသကြီး အစိုးရအဖွဲ့ဝင်များနှင့်ဇနီးများကလှူဖွယ်ဝထ္တုပစ္စည်းများဆက်ကပ်လှူဒါန်းကြသည်။

ထို့နောက် မုံရွာမြို့၊ မဟာဇောတိကာရာမကျောင်း တိုက်၊ ပဓာနနာယက၊ အဂ္ဂမဟာ ပဏ္ဍိတ၊ ဘဒ္ဒန္တဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက အနုမောဒ နာတရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓသာ သနံ စိရံတိဌတု ” သုံးကြိမ်ရွတ်ဆို ဆုတောင်းပြီး ဗုဒ္ဒါဘိသေက အနေကဇာတင်ခြင်း အခမ်းအနားကို ရုပ်သိမ်းခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာ ဝန်ရှိသူများသည် မုံရွာမြို့၊ အရှ့ဘက်ကန်သာယာကန်တွင် ကျင်းပပြုလုပ်သည့် မြန်မာနှစ်ဆန်း တစ်ရက်နေ့ ဇီဝိတ ဒါနငါးလွှတ်ပွဲ အခမ်းအနားသို့ တက်ရောက်ရာတိုင်းဒေသကြီးငါးလုပ်ငန်းဦးစီးဌာနမှ ညွှန်ကြားရေးမှူး ဒေါက်တာဆုမျိုးသွယ်က ငါးသားပေါက်များ လွှတ်ပေးရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အရှေ့ဘက်ကန်သာ ယာကန်အတွင်း နှစ်လက်မအရွယ်နှင့်အထက် ငါးမြစ်ချင်းနှင့် ထိုင်းငါးခုံးမကြီး စုစုပေါင်း ငါးသားပေါက်ကောင်ရေ တစ်သိန်းအား ဇီဝိတဒါနအဖြစ် ကန်အတွင်းသို့ လွှတ်ပေးခဲ့ ကြောင်း သိရသည်။

မုံရွာ၊ ဧပြီ ၁၇

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ အသက် ၈၀ နှစ်အထက် သက်ကြီး အဘိုး အဘွားများအား ပူဇော်ကန်တော့ပွဲ အခမ်းအနားကို ဧပြီလ ၁၇ ရက်၊ နံနက်ပိုင်းက မုံရွာမြို့၊ ချင်းတွင်းခန်းမ၌ ကျင်းပပြုရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသ ကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ နှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နှစ်သစ်အခါသမယ မြန်မာတို့ ၏ရိုးရာအစဉ် အလာဖြစ်သော သက်ကြီးအဘိုးအဘွားများအား ပူဇော်ကန်တော့ရခြင်း နှင့်ပတ်သက်၍ ရှင်းလင်းပြောကြားပြီး တိုင်းဒေသကြီး ဝန်ကြီးချုပ်နှင့် ဧည့်ပရိသတ် များက သက်ကြီးအဘိုး အဘွားများအား ဂါရဝတရားဖြင့် ရှိခိုးကန်တော့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားချုပ်နှင့် ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာ များက သက်ကြီးအဘိုး အဘွားများအား အာမိသပူဇာပစ္စည်းများဖြင့် လက်ရောက်ပေး အပ်လှူဒါန်းကြသည်။

ဆက်လက်ပြီး အခမ်းအနားသို့ တက်ရောက်လာကြသည့် သက်ကြိးအဘိုး၊အဘွား များကိုယ်စား အဘိုးတစ်ဦးက ဆုတောင်းမေတ္တာပို့သခြင်းနှင့် ဝမ်းမြောက်စကားပြန်လည် ပြောကြားခဲ့သည်။

အဆိုပါ သက်ကြီးအဘိုးအဘွားများ ပူဇော်ကန်တော့ပွဲ အခမ်းအနားတွင် အသက် ၈၀ နှစ်နှင့်အထက် သက်ကြီးအဘိုး/အဘွား ၁၈၀ ဦးအား တစ်ဦးလျင်ငွေကျပ် ၁ သိန်းနှုန်း ဖြင့်ငွေကျပ်- ၁၈၀၀၀၀၀၀ (တစ်ရာရှစ်ဆယ်သိန်း)ကျပ်အား လှူဒါန်းခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် မွန်းလွဲပိုင်း တွင် မုံရွာမြို့၊ ချင်းတွင်းခန်းမတွင် ကျင်းပပြုလုပ်သည့် တိုင်းဒေသကြီး အစိုးရအဖွဲ့မှ ကြီး မှူးကျင်းပသည့် မြန်မာနှစ်ဆန်း ၁ ရက်နေ့၊ အသံမစဲမဟာပဌာန်းရွတ်ဖတ်ပူဇော်ပွဲ ဖွင့်ပွဲ အခမ်းအနားသို့ တက်ရောက်ကြသည်။

ဦးစွာ အခမ်းအနားအား “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့် လှစ်ကြပြီး နိုင်ငံတော်ဩဝါဒါစရိယ မုံရွာမြို့၊ မဟာဝိဇ္ဇာသိပ္ပံကျောင်းတိုက်၊ ပဓာနနာ ယက အဘိဓဇမဟာရဌဂုရု ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိတ်သက်များက ကိုးပါးသီလ ခံယူဆောက်တည်ကြသည်။

ယင်းနောက် ပင့်သံဃာဆရာတော်ကြီးများနှင့် ဆရာတော်ကြီးများထံ တိုင်းဒေသကြီးဝန်ကြီးချုပ်နှင့် တာဝန်ရှိသူများက လှူဖွယ်ဝတ္ထုပစ္စည်းများ ဆက်ကပ်လှူဒါန်းကြ သည်။

ဆက်လက်၍ ပင့်သံဃာဆရာတော်၊ သံဃာတော်များနှင့် အခမ်းအနားသို့ တက် ရောက်လာသူများမှ ပဌာန်း ၂၄ ပစ္စည်း ပစ္စယုဒ္ဒေသပါဠိတော်အား ရွတ်ဖတ်ပူဇော်ကြပြီး နိုင်ငံတော်ဩဝါဒါစရိယ မုံရွာမြို့၊ မဟာဝိဇ္ဇာသိပ္ပံကျောင်းတိုက်၊ ပဓာနနာယက၊ အဘိဓဇ မဟာရဌဂုရု ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်များက အနု မောဒနာတရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓ သာသနံ စိရံတိဌ တု ” သုံးကြိမ်ရွတ်ဆို ဆုတောင်းကာ အလှည့်ကျဆရာတော်မှ ပဌာန်းစတင်ရွတ်ဖတ်ပူ ဇော်ပြီး ပဌာန်းဖွင့်ပွဲအခမ်းအနားအား ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၁၆

မန္တလေးငလျင်ကြီးကြောင့် နေပြည်တော်ကောင်စီနယ်မြေ၊ စစ်ကိုင်းတိုင်းဒေသ ကြီး၊ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီးနှင့် ရှမ်းပြည် နယ်အတွင်း နစ်နာဆုံးရုံးခဲ့ရသည့် ပြည်သူအများအပြားရှိခဲ့ရာ ယခုနှစ်မြန်မာ့ရိုးရာ သင်္ကြန်ပွဲတော်အား အပျော်အပါး သီဆိုကခုန်မှုများမပါဝင်ဘဲ ရိုးရာယဉ်ကျေးမှုနှင့်အညီ နိုင်ငံတော်မှအေးချမ်းသာယာသည့် အေးသင်္ကြန်အဖြစ် လမ်း လျှောက်သင်္ကြန်ပွဲတော်အား စစ်ကိုင်းတိုင်းဒေသကြီး၊ မုံရွာမြို့၊ ကန်သာယာကန်အနီး၌ ကျင်းပလျက်ရှိ ကြောင်း သိရသည်။

အဆိုပါ ဧပြီလ ၁၆ ရက်၊ သင်္ကြန်ပွဲတော် အတက်နေ့ အေးသင်္ကြန်အဖြစ် လမ်းလျှောက်သင်္ကြန်ပွဲတော် သို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေ သကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့နေပြည်သူများနှင့် သင်္ကြန်ချစ်မြတ်နိုးသူများမှ လာရောက်ဆင်နွဲကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများအား ဌာနဆိုင်အသီးသီးမှ အမျိုးသမီးငယ်များမှ သပြေခက်နှင့်အမွှေးနံ့သာရေများဖြင့် ပတ်ဖျန်းကြိုဆိုကြပြီး တိုင်း ဒေသကြီး ဝန်ကြီးချုပ်နှင့် တာဝန်ရှိသူများသူက တိုင်းဒေသကြီး/ခရိုင်/မြို့နယ်အဆင့် ဌာဆိုင်ရာများနှင့် သင်္ကြန်ချစ်မြတ်နိုးသူများအား အမွှေးနံ့သာရေများ ပြန်လည်ပတ်ဖြန်း ပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများက အေးသင်္ကြန်အဖြစ် လမ်းလျှောက် သင်္ကြန်ပွဲတော်သို့ လာရောက်ဆင်နွဲကြသည့် ဌာနဆိုင်ရာဝန်ထမ်းများ၊ မုံရွာမြို့ပေါ်ရှိ တက္ကသိုလ်/ဒီဂရီကောလိပ်များ၊ သူနာပြုသားဖွားသင်တန်းကျောင်း၊ အားကစားနှင့်ကာယပညာသိပ္ပံ(မုံရွာ) ကျောင်း၊ မြို့နေပြည်သူများနှင့် သင်္ကြန်ချစ်မြတ်နိုး သူများအား အရှေ့ဘက်ကန်သာယာကန်ရှိ ပြည်ထောင်စုကျွန်းနှင့်လမ်းလျှောက်သင်္ကြန်ကျင်းပ နေသည့် လမ်းတစ်လျှောက်ရှိ စတုဒီသာမဏ္ဍများမှ ထမင်းနှင့်ဟင်းများ၊ ကော်ဖီ၊မုန့်များ၊ မုန့်ဟင်းခါးများ၊ မုန့်တီသုတ်များနှင့် သင်္ကြန်ရာသီစာများဖြစ်သည့် မုန့်လုံးရေပါ်၊ မုန့်လက်ဆောင်များဖြင့် ကျွေး မွေးဧည့်ခံနေမှုများအား လိုက်လံကြည့်ရှုခဲ့ ကြပြီး အေးသင်္ကြန်အဖြစ် လမ်းလျှောက်သင်္ကြန်ပွဲတော်သို့ လာရောက်ဆင်နွဲကြသည့် မြို့နေပြည်သူများနှင့် သင်္ကြန်ချစ်မြတ်နိုးသူများအား ရင်းရင်းနှီးနှီးနှုတ်ဆက်ခဲ့ကြပြီး မုံရွာ မြို့ပေါ်ရှိ ကျောက္ကာလမ်း၊ သာစည်လမ်းနှင့် ဗိုလ်ချုပ်လမ်းများရှိ မြို့နေပြည်သူများ အေးချမ်းစွာဖြင့် မြန်မာ့ရိုးရာယဉ်ကျေးမှုနှင့်အညီ ရေကစားနေမှုများအား ကြည့်ရှုခဲ့ကြောင်း သိရသည်။