မုံရွာ၊ ဧပြီ ၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ဝင်များနှင့် တာဝန်ရှိသူများ လိုက်ပါလျှက် ယမန်နေ့၊ နံနက်ပိုင်းတွင် စစ်ကိုင်းမြို့၊ နှစ် ၇၀၀ ပြည့်၊ ပြည်သူ့အားကစားကွင်းအတွင်းရှိ မလေးရှားနိုင်ငံမှ ရောက် ရှိလာကြ သည့်ကူညီရှာဖွေကယ်ဆယ်ရေးအဖွဲ့အား ရင်းရင်းနှီးနှီးသွားရောက်နှုတ်ဆက် ၍ခဲ့ကြပြီး ရှာဖွေကယ်ဆယ်ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ပေါ် ရှိ “ရတနာသိင်္ဂီ” ပရဟိတသီလရှင်သင် ပညာရေးကျောင်း တိုက်၊ “သကျဓီတာ” သီလရှင် စာသင်တိုက်နှင့် “မြတ်”ကိုယ်ပိုင်အထက်တန်းကျောင်း ပြိုကျပျက်စီးနေမှုများနှင့် အဆောက်အဦအတွင်း ပိတ်မိနေသည့် သီလရှင်ဆရာလေးများ၊ ဆရာမများနှင့် ကျောင်း သား/ကျောင်းသူများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ် ဖွဲ့ဝင်များနှင့် လူမှုကူညီရေးအသင်းများမှ ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်နေမှုများအား သွားရောက်ကြည့်ရှုအားပေးပြီး ရှာဖွေကယ်ဆယ်ရေးလုပ်ငန်း များနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင်စစ်ကိုင်းတောင်ရိုးရှိ ငလျှင်ဘေးဒဏ်ကြောင့် ပြိုကျပျက်စီးခဲ့သည့် “ပတ္တမြား” စေတီ နှင့် “ကောင်းမှုတော်” စေတီများရှိ အာရုံခံတန်ဆောင်းများနှင့် ပရိဝုဏ်အတွင်းရှိ သာသနိကအဆောက်အဦများ ပြိုကျပျက်စီးနေမှုများအား သွားရောက်ကြည့်ရှုစစ်ဆေးပြီး စေတီ တော်ရင်ပြင်နှင့်ပတ်ဝန်းကျင်ရှိ အပျက်အစီးမျာအား အမြန်ရှင်းလင်းဖယ်ရှားရေးအား တာဝန်ရှိသူများအား မှာကြားခဲ့သည်။

ထို့နောက် တိုင်းဒေသကြီး ဝန်ကြီးချူပ်နှင့် တာဝန်ရှိသူများသည် စစ်ကိုင်းမြို့ပေါ်ရှိ လူနေအိမ်တိုက်တာ အဆောက်အဦများနှင့် စစ်ကိုင်းခရိုင် စိုက်ပျိုးရေးဦးစီးဌာနရုံးရှိ “မြတ်ဇေယျာ”အစည်းအဝေးခန်းမ ပြိုကျပျက်စီးနေမှုများအား သွားရောက်ကြည့် ရှုစစ်ဆေးပြီး ပြိုကျပျက်စီးမှုများအား အမြန်ရှင်းလင်းဖယ်ရှားရေးလုပ်ငန်းများနှင့် ပတ်သက် ၍လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ခရိုင်စိုက်ပျိုးရေးဝန်ထမ်းများနှင့် ရင်းရင်းတွေ့ဆုံနှုတ်ဆက်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ညနေပိုင်း တွင် စစ်ကိုင်းမြို့၊ စီမံအုပ်ချုပ်ရေးအဖွဲ့ရုံးတွင် ကျင်းပပြုလုပ်သည့် ခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံ၍ ရှာဖွေကယ် ဆယ်ခြင်း အပျက်အစီးများ ရှင်းလင်းဖယ်ရှားခြင်း၊ သွားလာဆက်သွယ်မှု လွယ်ကူချော မွေ့စေရေး၊ ကျန်းမာရေးနှင့်ညီညွတ်သည့် သောက်သုံးရေနှင့်စားရေရိက္ခာ ဖူလုံစွာရရှိရန် ကြီးကြပ်သူများညှိနှိုင်း အစည်းအဝေးသို့ တက်ရောက်ခဲ့သည်။

ဦးစွာ စစ်ကိုင်းခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာအုပ်ချုပ် ရေးမှူးများက မိမိတို့ဆောင်ရွက်နေသည့် ရှာဖွေကယ်ဆယ်ရေးလုပ်ငန်းများနှင့် ပတ်သက်၍ လည်းကောင်း၊ တိုင်းဒေသကြီး အစိုးရအဖွဲ့ဝင်များက မိမိတို့တာဝန်ယူ ဆောင် ရွက်နေသည့်လုပ်ငန်းများနှင့် ပတ်သက်၍ လည်းကောင်း အသီးသီး ရှင်းလင်းတင်ပြကြ သည်။

ယင်းနောက် တိုင်းဒေသကြီး ဝန်ကြီးချုပ်က စစ်ကိုင်းမြို့ပေါ်ရှိ ငလျင်ဘေးဒဏ်ဖြစ် ပွားခဲ့သည့်နေရာများအား ဌာနဆိုင်ရာများနှင့် လူမူရေးအသင်းအဖွဲ့များမှ တာဝန်ရှိသူအားလုံးမှ ပူးပေါင်းဆောင်ရွက်ကာ ပြိုကျပျက်စီးခဲ့မှုများနှင့် ရှာဖွေကယ်ဆယ်ရေးလုပ် ငန်းများအား အချိန်နှင့်တစ်ပြေးညီဆောင်ရွက်သွားရေး၊ ငလျင်ဘေးဒဏ်သင့်ပြည်သူများ စားသောက်ရေးနှင့် နေထိုင်မှုများအဆင်ပြေစေရေးနှင့် သောက်သုံးရေမပြတ်လပ်စေရေး တို့အား အလေးထားဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

မုံရွာ၊ ဧပြီ ၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ဝင်များနှင့် တာဝန်ရှိသူများ လိုက်ပါလျှက် ဧပြီလ ၁ ရက်၊ နံနက်ပိုင်းတွင် စစ်ကိုင်းတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ရွေ့လျားမော်တော် ယာဉ်ဖြင့် တစ်ရက်လျှင် ရေဂါလံ ၆၀၀ အား ဧရာဝတီမြစ်မှဆည်တင်ကာ သန့်စင်၍ စစ်ကိုင်းမြို့ပေါ်ရှိ ငလျင်ဘေးဒဏ်သင့်ပြည်သူများ သန့်ရှင်းသောသောက်သုံးရေ သောက် သုံးနိုင်ရေးအတွက် ဖြန့်ဝေပေးနေမှုများအား သွားရောက်ကြည့်ရှုအားပေးကြပြီး ငလျှင် ဘေးဒဏ်သင့်ပြည်သူများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ စကုမှော်ကျောင်းတိုက်အတွင်း ငလျင်ဘေးဒဏ်သင့်ပြည်သူများအား တန်ဘိုးသင့်စား သောက်ကုန်များနှင့် စားသုံးဆီများ ဈေးနှုန်းသက်သာစွာဖြင့် ရောင်းချပေးနေမှုများ သွား ရောက်ကြည့်ရှုအားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းခရိုင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနရုံး ၃ ထပ် အဆောက်အဦ ပြိုကျပျက်စီး နေမှုများအား ပြန်လည်ရှင်းလင်းနေမှုများနှင့် ကူညီကယ်ဆယ်ရေးလုပ်ငန်းများ ဆောင် ရွက်နေမှုများအား လည်းကောင်း၊ လေးကျွန်းမြေအုဠ်ကျောင်းရှိ ဆွမ်းစားဆောင် ၃ ထပ် အဆောက်အဦ ပြိုကျပျက်စီးမှု ပြန်လည်ရှင်းလင်းနေမှုများအား လည်းကောင်း၊ သကျ ဓီတာသီလရှင်စာသင်တိုက် ပြိုကျပျက်စီးနေမှု ပြန်လည်ရှင်းလင်းနေမှုများအား လည်း ကောင်း၊ “မြတ်”ကိုယ်ပိုင်အထက်တန်းကျောင်း ပြိုကျပျက်စီးနေမှုများ၊ ပြန်လည်ရှင်း လင်းနေမှုများနှင့် မလေးရှားနိုင်ငံမှ ရှာဖွေကယ်ဆယ်ရေးအဖွဲ့နှင့် အဆောက်အဦ အတွင်း ပိတ်မိနေသည့် ဆရာမများနှင့် ကျောင်းသား/ကျောင်းသူများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် လူမှုကူညီရေးအသင်းများမှ ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်နေမှုများအား သွားရောက် ကြည့်ရှုအားပေးပြီး ရှာဖွေကယ်ဆယ်ရေးလုပ်ငန်းများနှင့် ပတ်သက်၍ လိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ကုတင် ၂၀၀ ဆံ့၊ ပြည်သူ့ဆေးရုံကြီးသို့ ရောက်ရှိရာ ငလျှင်ဘေးဒဏ်ကြောင့် ထိခိုက်ဒဏ် ရာရရှိခဲ့ကြသည့် ရဟန်း/သံဃာ/သီလရှင်များနှင့် ဒေသခံပြည်သူများအား ဆေးကုသပေး နေမှု အခြေအနေများအား သွားရောက်ကြည့်ရှုအားပေးပြီး ရင်းရင်းနှီးနှီးနှုတ်ဆက်အား ပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် စစ်ကိုင်းမြို့၊ အသင်္ခရာရိပ်သာဧည့်ခန်းမတွင် ကျင်းပပြုလုပ်သည့် စစ်ကိုင်းမြို့၊ ငလျှင် ဘေးဒဏ်သင့်ပြည်သူများအလှူငွေ ပေးအပ်ပွဲအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အလှူရှင်များအနေဖြင့် ယခုလို ငလျှင်ဘေးဒဏ်ထိခိုက်ခဲ့ရသည့် စစ်ကိုင်းမြို့ရှိ ဒေသခံပြည်သူများကိုယ်စား ကျေးဇူးစကားပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌထံ အလှူငွေကျပ် သိန်း ၆၆၀ အား ပေးအပ်လှူ ဒါန်းသည်။

ဆက်လက်၍ စစ်ကိုင်းခရိုင် စီမံအုပ်ချုပ်ရေးအဖွဲ့ဥက္ကဌထံ အလှူရှင်များက အလှူငွေကျပ် စုစုပေါင်း ငွေကျပ်သိန်း ၁,၃၃၄,၁၀၂,၅၀၀ (သိန်းပေါင်း တစ်သောင်း သုံးထောင် သုံးရာလေးဆယ် တစ်သိန်း နှစ် ထောင့်ငါးရာ)ကျပ်အား အသီးသီး ပေး အပ်လှူဒါန်းကြသည်။

ထို့နောက် တိုင်းဒေသကြီး ဝန်ကြီးချုပ်နှင့် အခမ်း အနားသို့ တက်ရောက်လာသူများ မှ ၂၀၂၅-ခုနှစ်၊ မတ်လ ၂၈ ရက်၊ မြန်မာစံတော်ချိန် ၁၂ နာရီ၊ ၅၁ မိနစ်၊ ၀၂ စက္ကန့်တွင် ပြင်းအား ၇.၇ ရစ်(ခ်)တာစကေးရှိ အလွန်ပြင်းထန်သည့် ငလျင်လှုပ်ခတ်ခဲ့မှုကြောင့် အသက်ဆုံးရုံးမှုများနှင့် ပျက်စီးဆုံးရုံးမှုများအတွက် စာနာနားလည်မှုများနှင့်တူ ထပ်တူ ခံစားချက် ဝမ်းနည်းခြင်း၊ အထိမ်းအမှတ် ၁ မိနစ်ငြိမ်သက်ကာ ဦးညွတ်အလေးပြုခဲ့ကြောင်းသိရသည်။

ဟုမ္မလင်း၊မတ် ၃၁

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ဟုမ္မလင်းမြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနက ကြီးမှူးဖွင့်လှစ်ခဲ့သည် အခြေခံစာကြည့်တိုက်ပညာသင်တန်း( ၁/ ၂၀၂၅) ဆင်းပွဲအခမ်းအနားကို မတ် ၃၁ ရက် နံနက်ပိုင်းက အဆိုပါဌာနရှိစာကြည့်တိုက်ခန်းမ၌ ကျင်းပခဲ့သည်။

သင်တန်းဆင်းပွဲတွင် စစ်ကိုင်းတိုင်းဒေသကြီးအစိုးရအဖွဲ့၊တိုင်းရင်းသားရေးရာဝန်ကြီးဦးစိုင်းနိုင်နိုင်ကျော် က အခြေခံစာကြည့်တိုက်ပညာသင်တန်းတက်ရောက်ခဲ့ကြသည့် သင်တန်း သားများသည် စာကြည့်တိုက်၏အဓိကအခန်းကဏ္ဍကနေ ဆောင်ရွက်ရမည့်သူများဖြစ်ကြောင်း၊ သင် တန်းကသင်ကြားပို့ချခဲ့သည်များကို မိမိတို့စာကြည့်တိုက်မှာ လက်တွေ့အသုံးချဖို့လိုကြောင်း၊ စာကြည့် တိုက်သင်တန်းကရရှိသည့် စာကြည့်တိုက်ပညာတွေကို ပြည်သူ့ဝန်ဆောင်မှုကဏ္ဍတွေမှာ အကျိုးရှိစွာ အသုံးပြုကြရန်၊ ပြည်သူတွေ စာပေဖတ်ရှုလေ့လာနိုင်ရန်အတွက် စည်းရုံးဆောင်ရွက်ပေးကြရန်နှင့် စာ ကြည့်တိုက်တွေ ဖွံ့ဖြိုးတိုးတက်လာအောင် စီစဥ်ဆောင်ရွက်ပေးကြရန် ဆွေးနွေးမှာကြားခဲ့သည်။

ထို့နောက် ရပ်ကွက်/ကျေးရွာနှင့်ကျောင်းစာကြည့်တိုက်များအတွက်သုတ/ရသစာအုပ်စာစောင်များကို ၊တိုင်းရင်းသားရေးရာဝန်ကြီးဦးစိုင်းနိုင်နိုင်ကျော် ကထောက်ပံ့ပေးအပ်ခဲ့ရာ သင်တန်းသားနှစ်ဦးကလက်ခံရယူခဲ့ပြီး သင်တန်းဆင်းလက်မှတ်များအား၊ဟုမ္မလင်းခရိုင်စီမံအုပ်ချုပ်ရေးအဖွဲ့ဥက္ကဌဦးရဲဝင်းက ပေးအပ် ခဲ့ရာ သင်တန်းသား၊ သင်တန်းသူများကိုယ်စား သင်တန်းသူ တစ်ဦးကလက်ခံရယူခဲ့သည်။

ထို့နောက်သင်တန်းသား၊ သင်တန်းသူများကိုယ်စား သင်တန်းသူ တစ်ဦးကကျေးဇူးတင်စကားပြန်လည်ပြောကြားခဲ့သည်။

အဆိုပါ အခြေခံစာကြည့်တိုက် ပညာသင်တန်းကို မတ် ၂၄ ရက်မှ ၂၈ ရက်ထိ စာကြည့်တိုက်မိတ်ဆက်၊ စာစု/စာပြုလုပ်ငန်း၊ မျိုးတူစု လုပ်ငန်း၊ မှတ်သားမှုစနစ်၊ ထားသိုမှု/ထိန်းသိမ်းမှုစနစ်၊ ကတ်တလောက်လုပ်ငန်း၊ စာငှားလုပ်ငန်း စသည့် ဘာသာရပ်များကို စာတွေ့လက်တွေ့သင်ကြားပို့ချခဲ့ကြောင်းနှင့်သင်တန်းသို့ သင်တန်းသား ၂၀ ဦး တက်ရောက်ခဲ့ကြောင်း သိရသည်။

အဆိုပါအခြေခံစာကြည့်တိုက်ပညာသင်တန်း ( ၁/ ၂၀၂၅)ဆင်းပွဲအခမ်းအနားသို့စစ်ကိုင်းတိုင်း ဒေသကြီးအစိုးရအဖွဲ့၊တိုင်းရင်းသားရေးရာဝန်ကြီးဦးစိုင်းနိုင်နိုင်ကျော်၊ဟုမ္မလင်းခရိုင်စီမံအုပ်ချုပ်ရေးအဖွဲ့ဥက္ကဌဦးရဲဝင်း၊မြို့နယ်စီမံအုပ်ချုပ်ရေးအဖွဲ့ဥက္ကဌဦးသိန်းဇော်နှင့်မြို့နယ်အဆင့်ဌာနဆိုင်ရာတာဝန်ရှိသူများသင်တန်းသား(၂၀)ဦး၊တို့တက်ရောက် ခဲ့ကြပြီးပြန်ကြားရေးနှင့် ပြည်သူ့ဆက်ဆံရေးဦးစီးဌာန၊လူထုအခြေပြုဗဟိုဌာန၌ခင်းကျင်းပြသထားသော၊ဟုမ္မလင်းမြို့နယ်အတွင်းရှိသမိုင်းဝင်နှင့်အထင်ကရဘုရားစေတီဓါတ်ပုံမှတ်တမ်းများ၊လူထုအခြေပြုဗဟိုဌာန၌ဖွင့်လှစ်ခဲ့သောသင်တန်းမှတ်တမ်းပုံများ၊စာဖတ်ရှိန်မြှင့်တင်ရေးလှုပ်ရှားမှုမှတ်တမ်းဓါတ်ပုံများပြသထားသည့်ပြဘုတ်များ၊ကလေးအလုပ် သမားပပျောက်ရေးဝိုင်းဝန်းကာကွယ်စောင့်ရှောက်ပေးအသိပညာပေးနံရံကပ်စာစောင်နှင့်ဒေသခံတိုင်းရင်းသားတို့၏ရိုးရာဓလေ့အသုံး အဆောင်ပစ္စည်းများဟုတ/ရသစာအုပ်စာစောင်များကို အခမ်းအနားတက်ရောက်လာသူများကကြည့်ရှုအားပေးခဲ့ကြောင်းသိရသည်။

မုံရွာ၊ မတ် ၃၁

စစ်ကိုင်း တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် မတ်လ ၃၀ ရက်နေ့ မွန်းလွဲပိုင်းတွင် စစ်ကိုင်းမြို့၊ စီမံအုပ်ချုပ်ရေးအဖွဲ့ရုံး၌ ကျင်းပပြုလုပ်သည့် စစ်ကိုင်းမြို့ရှိ ငလျင်ဘေး ဒဏ်သင့်ပြည်သူများအား ထောက်ပံ့ငွေများနှင့် မိသားစုသုံးပစ္စည်းများ ပေးအပ်ပွဲအခမ်း အနားသို့ တက်ရောက်ခဲ့ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်နှင့် မိမိတို့တိုင်းဒေ သကြီးအစိုးရအဖွဲ့အနေဖြင့် ငလျင်ဘေးဒဏ်ကြောင့် ထိခိုက်ပျက်စီးခဲ့ရသည့် ဘုရားစေတီပုထိုးများ၊ သာသနာရေးဆိုင်ရာ အဆောက်အဦများ၊ ဌာနဆိုင်ရာနှင့်လူနေတိုက်တာ အဆောက်အဦများတွင် ရှာဖွေကယ်ဆယ်ခြင်း၊ ရှင်းလင်းဖယ်ရှားခြင်း လုပ်ငန်းများ ဆောင်ရွက်ပေးသွားမည့် အခြေအနေများနှင့် ကူညီကယ်ဆယ်ရေးလုပ်ငန်းများ ဆောင် ရွက်ပေးသွားမည့် အခြေအနေများအား ရှင်းလင်းပြောကြားသည်။

ဆက်လက်၍ တိုင်းဒေသကြီး ဘေးအန္တရာယ်စီမံခန့်ခွဲရေးဦးစီးဌာနမှ ညွှန်ကြားရေး မှူးက စစ်ကိုင်းမြို့ရှိ ငလျင်ဘေးဒဏ်သင့်ပြည်သူများအား ထောက်ပံ့ငွေများနှင့် မိသားစု သုံးပစ္စည်းများ ပေးအပ်ရခြင်းနှင့် ပတ်သက် ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်က စစ်ကိုင်း မြို့၊ ငလျင်ဘေးဒဏ်သင့် ပြည်သူများသို့ ထောက်ပံ့ငွေကျပ် - ၂၁၇,၈၅၀,၀၀၀ (ကျပ်သိန်းပေါင်း နှစ်ထောင်တစ်ရာ ခုနှစ်ဆယ် ရှစ်သိန်းငါးသောင်း)ကျပ်နှင့် မိသားစုသုံးပစ္စည်းများအား လည်းကောင်း၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ငလျင်ဘေးဒဏ်သင့် ပြည်သူများသို့ မိသားစု သုံးပစ္စည်းများအား လည်း ကောင်း အသီးသီး ထောက်ပံ့ပေးအပ်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ၌ ခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာ အုပ်ချုပ်ရေးမှူးများနှင့် တွေ့ ဆုံရာ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက မိမိတို့တာဝန်ယူ ဆောင်ရွက်နေသည့် ကူညီကယ်ဆယ်ရေးလုပ်ငန်းများနှင့် ပတ်သက်၍ ရှင်းလင်းတင်ပြ ကြပြီး ခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာအုပ်ချုပ်ရေးမှူးများက မိမိတို့ဆောင်ရွက်နေသည့် လုပ်ငန်းများနှင့် ပတ်သက်၍ ရှင်းလင်းတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က ခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာ အုပ်ချုပ်ရေးမှူးများအနေဖြင့် ငလျင်ဘေးဒဏ်ခံစားခဲ့ရသည့် ရဟန်း/ သံဃာ၊သီလရှင်နှင့် ပြည်သူများ၏ စားသောက်နေထိုင်ရေးနှင့် လူမှုစီးပွားဘဝအား အမြန် ဆုံးပုံမှန်ပြန်လည် ရောက်ရှိရေးနှင့် လည်ပတ်နိုင်ရေးအတွက် ကျရာတာဝန် များကို ဝိုင်းဝန်းကူညီဆောင်ရွက်ပေးရန် တိုက်တွန်းမှာကြားခဲ့သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မတ်လ ၂၉ ရက်၊ ညနေပိုင်းတွင် စစ်ကိုင်းမြို့နယ်၊ စီမံအုပ်ချုပ်ရေးအဖွဲ့ရုံးတွင် ကျင်းပပြုလုပ်သည့် စစ်ကိုင်း ခရိုင်/မြို့နယ်အဆင့် ဌာနဆိုင်ရာများ၊ ရက်ကွက်/ကျေးရွာ အုပ်ချုပ်ရေးမှူးများ၊ လူမှုရေး အသင်းအဖွဲ့များနှင့် တွေ့ဆုံ၍ ငလျင်ဒဏ်ကြောင့် ပြိုကျပျက်စီးခဲ့သည့် စစ်ကိုင်းမြို့ပေါ်ရှိ ဘုရားစေတီပုထိုး၊ သာသနိကအဆောက်အဦများနှင့် ဌာနဆိုင်ရာ၊ လူနေအိမ်အဆောက် အဦများ ရှာဖွေကယ်ဆယ်ခြင်း၊ ရှင်းလင်းဖယ်ရှားခြင်းလုပ်ငန်းများ ဆောင်ရွက်ပေးသွားမည့်အခြေအနေများနှင့် ကူညီကယ်ဆယ်ရေးလုပ်ငန်းများ ဆောင်ရွက်ပေးသွားမည့် အခြေအနေများအား ရှင်းလင်းပြောကြားခဲ့ ကြောင်းသိရှိရသည်။

မုံရွာ၊ မတ် ၂၆

စစ်ကိုင်းတိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ၏ (၃/၂၀၂၅) ညှိနှိုင်းအစည်း အဝေးကို မတ်လ ၂၆ ရက်၊ မွန်းလွဲပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဒေသဆိုင်ရာခရီး သွားလုပ်ငန်းကော်မတီ ဥက္ကဌ၊ တိုင်းဒေသ ကြီးဝန်ကြီးချုပ် ဦးမြတ်ကျော်၊ ဒုတိယ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ ကော်မတီအဖွဲ့ဝင်များနှင့် ဟိုတယ်/ လုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ဒေသကြီးဝန်ကြီးချုပ်က ယခုအချိန်အခါသည် နွေရာသီကျောင်းပိတ်ရက်ရှည် ကာလဖြစ်ပြီး မကြာခင်တွင် ရိုးရာသင်္ကြန်ပွဲတော်ကာလ ရောက်ရှိတော့မည် ဖြစ်ပါ ကြောင်း၊ မြန်မာ့ရိုးရာသင်္ကြန်ပွဲတော်အား ကုလသမဂ္ဂ UNESCO အဖွဲ့ကြီးမှ “ဒြပ်မဲ့ယဉ် ကျေးမှုအမွေအနှစ်”ဝင်အဖြစ် သတ်မှတ်ခဲ့ပါကြောင်း၊ တိုင်းဒေသကြီး၏ ခရီးသွားလုပ်ငန်း သည်စိန်ခေါ်မှုများ ဒေသအခြေအနေအရ အကန့်အသတ်များရှိသော်လည်း ရှေးဟောင်း ယဉ်ကျေးမှုအနုလက်ရာများ၊ တန်ခိုးကြီးဘုရားများ၊ ဘာသာသာသနာဆိုင်ရာပွဲတော်များ နှင့်အခမ်းအနားများ အမြဲမပြတ်ရှိနေခြင်းကြောင့် တစ်နှစ်ပတ်လုံး ခရီးသွားဧည့်သည်များ မပြတ်ဝင်ရောက်လျက် ရှိပါကြောင်း၊ တိုင်းဒေသကြီးအတွင်းရှိ ခရီးစဉ်ဒေသများ ဖွံ့ဖြိုး တိုးတက်ရေးနှင့် ရေရှည်တည်တံ့ခိုင်မြဲရန်အတွက် ကော်မတီအဖွဲ့ဝင်များနှင့် ခရီးသွား လုပ်ငန်းတာဝန်ရှိသူများအနေဖြင့် ညှိနှိုင်းပူးပေါင်းဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဒုတိယ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ် ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီး သွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွား ညွှန်ကြား မှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၂/၂၀၂၅ ၏ အစည်းအဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေ အနေများ၊ ယခုအစည်းအဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေ သကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်း တင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီး သွားလုပ်ငန်းကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင်များတွင်သန့်ရှင်းသာယာလှပရေး လုပ်ငန်းများဆောင်ရွက်နေမှု၊ ဟိုတယ်/တည်းခိုရိပ်သာ ဆိုင်ရာသင်တန်းများဖွင့်လှစ်သွားမည့် အခြေအနေများ၊ လုံခြုံရေးအခြေအနေများနှင့် ပတ် သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်း ဒေသကြီး ဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ မတ် ၂၆

စစ်ကိုင်းတိုင်းဒေသကြီး လယ်ယာမြေစီမံခန့်ခွဲမှုအဖွဲ့ (၁/၂၀၂၅) ညှိနှိုင်းအစည်းအဝေးကို မတ်လ ၂၆ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်း အဝေးသို့ တိုင်းဒေသကြီး လယ်ယာမြေစီမံခန့်ခွဲမှု အဖွဲ့ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး လယ်ယာမြေစီမံခန့်ခွဲမှုအဖွဲ့ဝင်များနှင့် တာဝန်ရှိသူများ တက်ရောက်ကြ သည်။

ဦးစွာ တိုင်းဒေသကြီး လယ်ယာမြေစီမံခန့်ခွဲမှုအဖွဲ့ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က လယ်ယာမြေစီမံခန့်ခွဲမှုအဖွဲ့၏ လုပ်ငန်းကဏ္ဍသည် အလွန် အရေးကြီးသည့်အတွက် တာဝန်ရှိသူများအနေဖြင့် ဥပဒေ၊ နည်းဥပဒေ၊ အမိန့်ညွှန်ကြား ချက်များအား တိကျစွာလိုက်နာဆောင်ရွက်သွားကြရန် လိုအပ်ပါကြောင်း၊ လယ်ယာမြေ အခြားနည်းအသုံးပြုခွင့် လျှောက်ထားလာသည့် တင်ပြချက်များအပေါ်မူတည်ပြီး မှန် မှန်ကန်ကန်နှင့် မြန်မြန်ဆန်ဆန် စီစစ်ဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီး လယ်ယာမြေစီမံခန့်ခွဲမှုအဖွဲ့ အနေဖြင့်လည်း ဥပဒေလုပ်ထုံးလုပ်နည်း များနှင့်ညီညွတ်ပါကခွင့်ပြုပေးသွားကြရန်နှင့် လုပ်ငန်းများဆောင်ရွက်ရာတွင် အဂတိတရားကင်းရှင်းစွာဖြင့် ဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး လယ်ယာမြေစီမံခန့်ခွဲမှုအဖွဲ့ အတွင်းရေးမှူး၊ တိုင်း ဒေသကြီး ကြေးတိုင်နှင့်မြေစာရင်းဦးစီးဌာနမှ ညွှန်ကြားရေးမှူး ဦးအောင်သန်းလွင်က တိုင်းဒေသကြီး လယ်ယာမြေစီမံခန့်ခွဲမှုအဖွဲ့ (၁/၂၀၂၅)သို့တင်ပြလာသည့် အမှုတွဲများနှင့် ပတ်သက်၍ Power Point ဖြင့် ရှင်းလင်းတင်ပြ သည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီး လယ်ယာမြေ စီမံခန့်ခွဲမှုအဖွဲ့ (၁/၂၀၂၅)သို့တင်ပြလာသည့် အမှုတွဲများနှင့် ပတ်သက်၍ လိုအပ်သည်များ ကိုဖြည့်စွက်ဆွေးနွေး တင်ပြကြသည်။

ယင်းနောက် တိုင်းဒေသကြီး လယ်ယာမြေစီမံခန့်ခွဲမှုအဖွဲ့ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များ အပေါ်လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။