မုံရွာ၊ မတ် ၁၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် နိုင်ငံ့စီးပွား မြှင့်တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် စစ်ကိုင်းမြို့၊ မြို့သစ်ရပ်ကွက်ရှိ “မိုးမင်း” ဂစ်တာလုပ်ငန်းနှင့် မန်ကျီးစင်ရပ်ကွက်ရှိ ကြိမ်နှင့် ဗေဒါတို့ကို အသုံးပြု၍ ပရိဘောဂပစ္စည်း ထုတ်လုပ်ရောင်းချသည့်“သစ္စာရှင်”ဆိုင်သို့ ရောက်ရှိရာ လုပ်ငန်းတာဝန်ခံများမှ မိမိတို့လုပ်ကိုင်ဆောင်ရွက်နေသည့် လုပ်ငန်းအခြေအနေများအား လိုက်လံ ရှင်းလင်းပြသကြသည်။

ထို့နောက် တိုင်းဒေသကြီး ဝန်ကြီးချုပ်က ထုတ်ကုန်ပစ္စည်းများ အရည်အသွေး ကောင်းမွန်စွာဖြင့် ထုတ်လုပ်သွားရေး၊ ကုန်ကြမ်းပစ္စည်းများ ပြည့်စုံလုံလောက်စွာရရှိရေး၊ နိုင်ငံခြား ဈေးကွက်သို့ တင်ပို့ရောင်းချနိုင်သည်အထိ အဆင့်အတန်းမီ အရည်အ‌သွေးမြှင့် ကုန်ပစ္စည်းများဖြစ်အောင် ကြိုးပမ်းဆောင်ရွက်ရေးတို့အား မှာကြားကာ လိုက်လံရှင်း လင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုင်ငံ့စီးပွား မြှင့်တင်ရေးရန်ပုံငွေဖြင့် လုပ်ငန်းများဆောင်ရွက်နေသည့် စစ်ကိုင်းစက်မှုဇုန်ရှိ Dr CLEAN ဆပ်ပြာစက်ရုံသို့ ရောက်ရှိရာ စက်ရုံတာဝန်ခံမှ စက်ရုံအတွင်း လက် ဆေးဆပ်ပြာဆီ၊ ပန်ကန်ဆေးဆပ်ပြာဆီ ၅၀၀ မီလီမီတာ၊ ၁.၂ ကီလိုဂရမ် ၊ ၂ ကီလိုဂရမ် ထုတ်လုပ် ထုတ်ပိုးနေမှု အခြေအနေများအား လိုက်လံရှင်းလင်းပြသပြီး တိုင်းဒေသကြီး ဝန်ကြီးချုပ် ကလိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ရှိ မြို့ ပြနှင့်အိမ်ရာဖွံ့ဖြိုးရေးဦးစီးဌာန၊ ဝန်ထမ်းအိမ်ရာဝန်းအတွင်း ရေစီးရေလာကောင်းမွန်စေ ရန်အတွက် အရှည် - ၇၀၀ ပေ၊ အကျယ် - ၆ ပေ၊ အမြင့် - ၅ ပေရှိ အုတ်စီရေဆိုးထုတ် မြောင်းဆောင်ရွက်နေမှု လုပ်ငန်းခွင်သို့ ရောက်ရှိရာ မြို့နယ်စည်ပင်သာယာရေးအဖွဲ့မှ အင်ဂျင်နီယာမှူးက လုပ်ငန်းများဆောင်ရွက်နေမှု အခြေအနေများအား လိုက်လံရှင်းလင်း ပြသသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများ သက် မှတ်ကာလတွင် စံချိန်စံညွှန်းမီအရည်အသွေးကောင်းမွန်စွာဖြင့် တည်ဆောက်ပြီးစီးရေး တို့အားမှာကြားကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူ များနှင့်ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၁၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် မတ်လ ၁၄ ရက်၊ နံနက်ပိုင်းတွင် စစ်ကိုင်းမြို့၊ ရွှေမင်းဝံရိပ်သာရှိ ဧည့်ခန်းမတွင် စစ်ကိုင်းမြို့၊ တရားမဝင် ကုန်သွယ်မှုတိုက်ချက်ရေး ပူးပေါင်းစစ်ဆေးရေးအဖွဲ့ ဧရာဝတီတံတား(ရတနာပုံ)နှင့် ကံတလူဂိတ်တို့ရှိ လုံခြုံရေးအဖွဲ့များနှင့် တွေ့ဆုံပွဲ အခမ်းအနားသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ခရီးသွားပြည်သူများ လုံခြုံ အေးချမ်းစွာဖြင့် ခရီးသွားလာနိုင်ရေးနှင့် ကုန်စည်စည်းဆင်းမှု မြန်ဆန်ရေးတို့အတွက် စီမံအုပ်ချုပ်ရေးအဖွဲ့များနှင့် လုံခြုံရေးတပ်ဖွဲ့ဝင်များအနေဖြင့် မိမိတို့ဆောင်ရွက်နေသည့် လုပ်ငန်းများအပေါ် တာဝန်ကျေပွန်လိုစိတ်ဖြင့် ဌာနများအချင်းချင်း ပူးပေါင်းဆောင်ရွက် သွားကြရန် လိုအပ်ပါကြောင်း၊ မြို့ဝင်မြို့ထွက် လုံခြုံရေးဂိတ်များတွင် ခရီးသည်တင်မော် တော်ယာဉ်များနှင့် ကုန်တင်ယာဉ်များအား တရားမဝင်ငွေကြေးကောက်ခံမှုများ မရှိစေ ရေး၊ တရားမဝင်ကုန်ပစ္စည်းများ တင်ဆောင်မှုများမရှိစေရေးနှင့် လုပ်ငန်းများဆောင် ရွက်ရာတွင် အဂတိတရားကင်းရှင်းစွာဖြင့် ဆောင်ရွက်သွားကြရန် လိုအပ်ပါကြောင်း၊ ပြည်သူများနှင့်ထိတွေ့ရသည့် လုပ်ငန်းများအပေါ်တွင် နွေးထွေးပျုငှာစွာဖြင့် ဝန်ထမ်း ကောင်းစိတ်ဓါတ်ဖြင့် ပြောဆိုဆက်ဆံသွားကြရန် လိုအပ်ပါကြောင်း၊ လုပ်ငန်းများဆောင် ရွက်ရာတွင် လုံခြုံရေးအသိ၊သတိတို့ဖြင့် နေထိုင်သွားလာဆောင်ရွက်ကြရန် လိုအပ်ပါ ကြောင်း ပြောကြားခဲ့သည်။

ယင်းနောက် တရားမဝင်ကုန်သွယ်မှုတိုက်ချက်ရေး ပူးပေါင်းစစ်ဆေးရေးအဖွဲ့ ဧရာ ဝတီတံတား(ရတနာပုံ)နှင့် စစ်ကိုင်းမြို့အထွက် ကံတလူဂိတ်တို့ ရှိစုပေါင်းလုံခြုံရေးအဖွဲ့ များမှတာဝန်ရှိသူများက မိမိတို့ဆောင်ရွက်နေသည့် လုပ်ငန်းများနှင့်ပတ်သက်၍ ဆွေး နွေးတင်ပြကြပြီး တိုင်းဒေသကြီး အစိုးရအဖွဲ့များနှင့် ခရိုင်စီမံအုပ်ချုပ်ရေးအဖွဲ့များ တာ ဝန်ရှိသူများက လုပ်ငန်းများဆောင်ရွက်နေမှု အခြေအနေများအား ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က တွေ့ဆုံပွဲသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ဝင် ဧရာဝတီတတား(ရတနာပုံ)ရှိ တရားမဝင်ကုန်သွယ်မှုတိုက်ချက်ရေး ပူးပေါင်းစစ်ဆေး ရေးအဖွဲ့ဂိတ်များအား လိုက်လံကြည့်ရှုစစ်ဆေးခဲ့ပြီး လုံခြုံရေးကိစ္စရပ်များနှင့် ပတ် သက်၍လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး တံတားကြီးပေါ်၌ ဖြတ်သန်းသွားလာနေကြသည့် ခရီးသည်တင်မော်တော်ယာဉ်များနှင့် ဧရာဝတီတံတား(ရတနာပုံ)တံတားကြီးပေါ် ဖြတ်သန်းသွားလာနေသည့် ယာဉ်များမှ ယာဉ်မောင်းများနှင့် ပြည်သူများအား ရင်းရင်းနှီးနှီးတွေ့ဆုံ၍ ခရီးသွားလာမှု၊ ကုန်စည်စီး ဆင်းမှုနှင့် တရားမဝင်ငွေကြေးတောင်းခံမှု အခြေအနေများအားမေးမြန်းကာ ရင်းရင်းနှီး နှီးနှုတ်ဆက်ခဲ့ကြသည်။

မုံရွာ၊ မတ် ၁၃

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသော၂၀၂၅-ခုနှစ်၊သာသနာတော်ဆိုင်ရာ ဘွဲ့တံဆိပ် တော်များ ဆက်ကပ်ချီးမြှင့်အပ်နှင်းပွဲမင်္ဂလာအခမ်း အနားကို မတ်လ ၁၃ ရက်နေ့၊ မွန်းလွဲပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ ဆွမ်းဦးပုညရှင် သာသနာ့ဗိမာန်တော်၌ ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်ဇနီးများ၊တိုင်း ဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊အလှူရှင်များနှင့် ဖတ်ကြားထားသူ များ တက်ရောက်ကြသည်။

ဦးစွာ နမောတဿ ၃ ကြိမ်ရွတ်ဆို ဘုရားကန့်တော့ ၍ အခမ်းအနားအား ဖွင့်လှစ်ကြပြီး တိုင်းဒေသကြီး သာသနာရေးမှူး ဦးသန်းအေးအောင်ကအခမ်းအနား ဖွင့်စာတမ်းအား ဖတ်ကြားလျှောက်ထားသည်။

ယင်းနောက် စစ်ကိုင်းမြို့၊ ရွှေဘုန်းရံသီကျောင်း တိုက် ပဓာနနာယကဆရာတော် နိုင်ငံတော်သံဃမဟာနာယကအဖွဲ့ဝင် ဘဒ္ဒန္တပဏ္ဍဝံသ (အဂ္ဂမဟာပဏ္ဍတ) ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက ငါးပါးသီလ ခံယူဆောက် တည်ကြသည်။

ဆက်လက်ပြီး မဟာဂန္ထဝါစကပဏ္ဍိတဘွဲ့တံဆိပ်တော်ရ မုံရွာမြို့၊ မဟာလယ်တီကျောင်းတိုက်၊ ဘဒ္ဒန္တဉဇ္ဇောတ ဆရာတော်မှ သာရဏီယ ဩဝါဒကထာမြွက်ကြားချီးမြှင့် တော်မူပြီး တိုင်းဒေသကြီး ဝန်ကြီးချုပ် ဦးမြတ်ကျော်က သာသနာရေးဆိုင်ရာများ လျှောက်ထားသည်။

ထို့နောက် တိုင်းဒေသကြီး ဝန်ကြီးချုပ်က မဟာဂန္တဝါစကပဏ္ဍိတ ဘွဲ့တံဆိပ်တော်ရ ဆရာတော်ကြီး ၃ ပါး၊ မဟာသဒ္ဓမ္မဇောတိကဓဇ ဆရာတော်ကြီး ၁ ပါးတို့အား လှူဖွယ်ပစ္စည်းများနှင့် ဘွဲ့တံဆိပ်တော်များ ဆက်ကပ်လှူဒါန်းခဲ့ပြီး တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများက ဘွဲ့တံဆိပ်တော်ရ ဆရာတော်ကြီးများအား ဘွဲ့တံ ဆိပ်တော်များ ဆက်ကပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်၏ဇနီးမှ မဟာဂန္ထဝါစကပဏ္ဍိတ ဘွဲ့တံ ဆိပ်တော်ရ သီလရှင်ဆရာကြီး ၁ ပါးနှင့် ဂန္ထဝါစကပဏ္ဍိတ ဘွဲ့တံဆိပ်တော်ရ သီလရှင်ဆရာကြီး ၁ ပါးတို့အား ဘွဲ့တံဆိပ်တော်များနှင့် လှူဖွယ်ပစ္စည်းများ ဆက်ကပ်ချီးမြှင့် အပ်နှင်းခဲ့ကြပြီး တိုင်းဒေသကြီး အစိုးရအဖွဲ့ဝင်များ ၏ဇနီးများမှ ဘွဲ့တံဆိပ်တော်ရ သီလရှင် ၂ ပါးတို့အား ဘွဲ့တံဆိပ်တော်များနှင့် လှူဖွယ်ပစ္စည်းများ ဆက်ကပ်ချီးမြှင့် အပ်နှင်းခဲ့ကြပြီး အခမ်းအနားသို့ တက်ရောက်လာကြသည့် အကြည်ညိုခံဆရာတော်ကြီး များအား ခရိုင်/မြို့နယ်အဆင့် ဌာနဆိုင်ရာများမှ လှူဖွယ်ပစ္စည်းများ ဆက်ကပ်လှူဒါန်း ကြသည်။

ဆက်လက်ပြီး စစ်ကိုင်းမြို့၊ ခေမာသီဝံကျောင်း တိုက်ကြီး၏ ပဓာနနာယက၊ နိုင်ငံတော်ဩဝါဒါ စရိယ ဘဒ္ဒန္တပညာသီရီ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက အနုမောဒနာတရား နာယူကြည်ညိုပြီး လှူဒါန်းမှုအစု စုတို့အတွက် ရေစက်သွန်းချအမျှပေးဝေကာ “ ဗုဒ္ဓသာသနံ စိရံ တိဌတု ”သုံးကြိမ်ရွတ်ဆို ဆုတောင်း ကာအခမ်းအနားကို ရုပ်သိမ်းခဲ့ကြသည်။

ယင်းနောက် ဘွဲ့တံဆိပ်တော်ရ ဆရာတော်ကြီးများနှင့် သီလရှင်ဆရာကြီးများအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် အလှူရှင်များက ဆွမ်း ဆန်စိမ်းများနှင့်ဝတ္ထုငွေများ လောင်းလှူခဲ့ကြသည်။

အဆိုပါ ၂၀၂၅-ခုနှစ်၊ သာသနာတော်ဆိုင်ရာဘွဲ့တံ ဆိပ်တော်များ ဆက်ကပ်ချီးမြှင့် အပ်နှင်းပွဲ မင်္ဂလာအခမ်းအနားတွင် မဟာဂန္ထဝါစကပဏ္ဍိတ ဘွဲ့တံဆိပ်တော်ရ ၃ ပါး၊ မဟာသဒ္ဒမ္မဇောတိကဓဇ ဘွဲ့တံဆိပ်တော်ရ ၉ ပါး၊ ဂန္ထဝါစကပဏ္ဍိတ ဘွဲ့တံဆိပ်တော်ရ ၃ ပါး၊ သဒ္ဒမ္မဇောတိကဓဇ ဘွဲ့တံဆိပ်တော်ရ ၅ ပါး၊ ကမ္မဌာနာစရိယ ၁ ပါး၊ ဘွဲ့တံဆိပ် တော်ရ သီလရှင်ဆရာကြီး ၄ ပါး၊ မဟာသဒ္ဒမ္မဇောတိကဓဇဘွဲ့တံ ဆိပ်တော်ရ လူပုဂ္ဂိုလ် အမျိုးသား ၁ ဦးတို့အား ဆက်ကပ်ချီးမြှင့်အပ်နှင်းခဲ့သည်။

အလားတူ စစ်ကိုင်းမြို့၊ လေးကျွန်းမြေအုဋ်ကျောင်း ၌ ၂၀၂၅-ခုနှစ်၊ သာသနာတော် ဆိုင်ရာ ဘွဲ့တံဆိပ်တော်ရ ဆရာတော်ကြီးများအား တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများက လှူဖွယ်ပစ္စည်းများ ဆက်ကပ်လှူဒါန်းကြပြီး နေ့ဆွမ်းများ ဆက်ကပ်ခဲ့ကြောင်း သိရသည်။

မုံရွာ၊ မတ် ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ စစ်ကိုင်းခရိုင်/မြို့နယ် စီမံအုပ်ချုပ် ရေးအဖွဲ့ ဥက္ကဌနှင့် တာဝန်ရှိသူများ လိုက်ပါလျက် မတ်လ ၁၂ ရက်၊ မွန်းလွဲပိုင်းတွင် စစ်ကိုင်းစက်မှုဇုန်ရှိ တစ်ရက်လျင် ၅၀ ကီလို ဂရမ် ကွန်ပေါင်းဓါတ်မြေဩဇာ အိတ် ၂၀၀၀ ထုတ် လုပ်နေသည့် “သုတသုခ” ဓါတ်မြေဩဇာစက်ရုံသို့ ရောက်ရှိရာ စက်ရုံတာဝန်ခံမှ စက်ရုံအတွင်း ကွန်ပေါင်းဓါတ်မြေဩဇာ ၁၃ မျိုး ထုတ်လုပ်နေမှုများ နှင့်ထုတ်ပိုးမှုပုံစံ အဆင့်ဆင့်တို့အား ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ်က ထုတ် လုပ်နေသည့် ဓါတ်မြေဩဇာ များအရည်အသွေးပြည့်မီစွာ ထုတ်လုပ်သွားရေး၊ တောင်သူများဈေးနှုန်း သက်သာစွာဖြင့် လုံလောက်စွာ ဝယ်ယူရရှိအောင် ထုတ်လုပ်သွားရေးတို့အား မှာကြားကာ ဓါတ်မြေဩဇာ စက်ရုံအတွင်းနှင့် ဓါတ်မြေဩဇာ ဓါတ်ခွဲခန်းတို့အား လိုက်လံကြည့်ရှုခဲ့ကြသည်။

ယင်းနောက် တိုင်းဒေသကြီးဝန်ကြီးချုပ်နှင့်တာဝန်ရှိသူများသည် စစ်ကိုင်းစက်မှုဇုန်ရှိ နီဖန်း EV ဆိုင်ကယ်နှင့် သုံးဘီးဆိုင်ကယ်အမျိုးမျိုး ထုတ်လုပ်နေသည့် “မဟာနီလာ” ကုမ္ပဏီသို့ရောက်ရှိရာ စက်ရုံတာဝန်ခံမှ စက်ရုံအတွင်း နှစ်ဘီးဆိုင်ကယ်၊ သုံးဘီးဆိုင်ကယ် ထုပ်လုပ်နေမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည််များကို တာဝန် ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စည်ပင်သာယာရေးအဖွဲ့နှင့် စက်မှုလုပ် ငန်းရှင်များပူးပေါင်းဆောင်ရွက်နေသည့် စစ်ကိုင်းစက်မှုဇုန်ရှိ အမှတ် ၆ လမ်း ကိုယ်အားကိုယ်ကိုး ကွန်ကရစ်လမ်းခင်းကျင်းနေမှု လုပ်ငန်းခွင်သို့
ရောက်ရှိရာ တည်ဆောက်ရေးတာဝန်ခံမှ စစ်ကိုင်းစက်မှုဇုန် အမှတ် ၆ လမ်း အရှည် - ၄၅၀၀ ပေ၊ အကျယ် - ၁၈ ပေ၊ ၉ လက်မထု ခင်းကျင်းနေမှု အခြေအနေများအား ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည််များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၁၂

နိုင်ငံတော်ဩဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မဇောတိက၊ရွှေကျင်နိကာ ယအဓိပတိမဟာနာယက၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိ ဆရာတော် ဒေါက်တာ ဘဒ္ဒန္တဉာဏိဿရ ဆရာတော်ကြီး၏ သက်တော် (၈၈)နှစ်ပြည့် ဝိဇာတမွေးနေ့အလှူတော် မင်္ဂလာအဖြစ် စစ်ကိုင်းမြို့၊ စစ်ကိုင်းတောင်ရိုးရှိ ပရိယတ္တိ၊ ပဋိပတ္တိ ကျောင်းတိုက်ကြီးများမှ ဆရာတော်/သံဃာတော် အပါး ၁၀၀၀ ဆွမ်းဆန်စိမ်း လောင်းလှူပွဲကို မတ်လ ၁၂ ရက်၊ နံနက်ပိုင်းတွင် စစ်ကိုင်းမြို့၊ သီတဂူဝိပဿနာ အကယ်ဒမီကျောင်းတိုက်ကြီးအတွင်းကျင်းပရာ ဆွမ်းဆန်းစိမ်းလောင်းလှူပွဲသို့ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖ များနှင့်အလှူရှင်များက စစ်ကိုင်းမြို့၊ စစ်ကိုင်းတောင်ရိုးရှိ ပရိယတ္တိ၊ပဋိပတ္တိ ကျောင်းတိုက်ကြီးများမှ ဆရာတော်/သံဃာတော် အပါး ၁၀၀၀ အား ဆွမ်းဆန်စိမ်းများနှင့် ဝတ္ထု ငွေများ လောင်းလှူခဲ့ကြောင်း သိရသည်။

မုံရွာ၊ မတ် ၁၂

3Rs စနစ်ကိုလိုက်နာခြင်းနှင့် အမှိုက်အမျိုးအစားခွဲခြားစွန့်ပစ်တတ်စေရေး အသိ ပညာပေးပွဲ အခမ်း အနားကိုမတ်လ၁၂ရက်၊နံနက်ပိုင်းတွင်စစ်ကိုင်းမြို့၊ စစ်ကိုင်းပညာရေးဒီဂရီကောလိပ်ရှိ ကျောင်းခန်းမတွင် ကျင်းပပြုလုပ်ရာ အခမ်းနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ၊ တိုင်း ဒေသကြီး/ခရိုင်/မြို့နယ်အဆင့်ဌာနဆိုင်ရာများ၊ ကျောင်း အုပ်ကြီးနှင့်ဆရာ၊ဆရာမများ၊ကျောင်းသာ၊ကျောင်းသူများ တက်ရောက်ကြသည်။

ဦးစွာတိုင်းဒေသကြီး ဝန်ကြီးချုပ် ဦးမြတ်ကျော်က ပတ်ဝန်းကျင်ထိန်းသိမ်းရေး ဆိုင်ရာကိစ္စရပ်များအား သက်ဆိုင်ရာကဏ္ဍအသီးသီးတွင် ထည့်သွင်းပေါင်းစပ်ဆောင်ရွက်ခြင်းဖြင့် စီးပွားရေး၊ လူမှုရေးနှင့် ပတ်ဝန်းကျင်ဆိုင်ရာ မဏ္ဍိုင် ၃ ရပ်လုံး ဟန်ချက်ညီစွာဖြင့် ရေရှည်စဉ်ဆက်မပြတ် ဖွံ့ဖြိုးတိုးတက်လာမည်ဖြစ်ပါကြောင်း၊ မိမိတို့အနေဖြင့် ဖွံ့ဖြိုးရေးလုပ်ငန်းများနှင့် စီမံကိန်းလုပ်ငန်းများ ဆောင်ရွက်ရာတွင် ပတ်ဝန်းကျင်ထိခိုက် မှုနှင့် လူမှုစီးပွားရေး၊ ကျန်းမာရေးထိခိုက်မှု အနည်းဆုံးနည်းလမ်းများဖြင့် ဆောင်ရွက် လျက်ရှိပါကြောင်း ပြောကြားခဲ့သည်။

ယင်းနောက် တိုင်းဒေသကြီးပတ်ဝန်းကျင်ထိန်းသိမ်း ရေးဦးစီးဌာနမှ ညွှန်ကြားရေးမှူးက 3Rs စနစ်ကိုလိုက်နာခြင်းနှင့် အမှိုက်အမျိုးအစားခွဲခြားစွန့်ပစ်တတ်စေရေး အသိ ပညာပေးအကြောင်းအား Power Point ဖြင့် ရှင်းလင်းပြောကြားသည်။

ဆက်လက်ပြီး တိုင်းဒေသကြီး ညဝန်ကြီးချုပ်က စစ်ကိုင်းပညာရေးဒီဂရီကောလိပ် ကျောင်းအုပ်ဆရာမကြီးထံ အမှိုက်ပုံးများ ပေးအပ်ပြီး အခမ်း အနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းတိုင်း ဒေသကြီးအစိုးရအဖွဲ့၏ ဦးဆောင်မှုဖြင့် တိုင်းဒေသကြီး ပတ်ဝန်းကျင်ထိန်း သိမ်းရေးဦး စီးဌာနမှကျင်းပသည့် ဧရာဝတီမြစ်အတွင်း အမှိုက်စွန့်ပစ်ခြင်းအား ကာကွယ်တားဆီး ရေးလှုပ်ရှားမှု Campaign သို့တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေ သကြီး အစိုးရအဖွဲ့ဝင်များနှင့် ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ လူမှုရေးအသင်းအဖွဲ့များက စစ်ကိုင်းပညာရေးဒီဂရီကောလိပ်ကျောင်းရှေ့မှ စတင်၍ တာဝါတိုင်ဆိပ်အထိ တစ်ပျော်တစ်ပါး ပလပ်စတစ်အမှိုက်များအား စုပေါင်းသန့် ရှင်းရေးများ ဆောင်ရွက်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီးတို့က ဧရာဝတီမြစ်အတွင်း အမှိုက်စွန့်ပစ်ခြင်းအား ကာကွယ်တားဆီးရေးလှုပ်ရှားမှု Campaign သို့ တက်ရောက်လာ ကြသည့် ဌာနဆိုင်ရာဝန်ထမ်းများ၊ ရပ်ကွက်နေပြည်သူများနှင့် လူမှုရေးအသင်းအဖွဲ့များ အား နံနက်စာများ ဝေငှပေးခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းပညာ ရေးဒီဂရီကောလိပ်ရှိ ထမင်းစားဆောင်၌ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသား၊ကျောင်းသူများနှင့်အတူ အထူးနေ့လည်စာအား အတူတကွသုံးဆောင်ကာ တိုင်းဒေသကြီး အစိုးရအဖွဲ့ဝင်များက ကျောင်းအုပ်ဆရာမကြီးထံ ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။