မုံရွာ၊ မတ် ၂၅

နှစ်(၈၀)ပြည့် တပ်မတော်နေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်းဒေသ ကြီး၊မုံရွာမြို့၊ ဒေါနခြံရပ်ရပ်ကွက်၊ ကျောင်းလမ်း၊ ကွေ့ကြီးရပ်ကွက်၊ ပါရမီလမ်း၊ ဇေယျာ လမ်း၊ ရုံးကြီးရပ်ကွက်၊ ရေမိန်လမ်းနှင့် သလ္လာရပ်ကွက်၊ ဗိုလ်တစ်ထောင်လမ်း စုစုပေါင်း နိုင်လွန်ကတ္တရာလမ်း ၅ လမ်း ဖွင့်ပွဲအခမ်းအနားကို မတ်လ ၂၅ ရက်၊ နံနက်ပိုင်းတွင် မုံရွာမြို့၊ ဒေါနခြံရပ်ကွက်ရှိ ကျောင်းလမ်းမုဒ်ဦးရှေ့တွင် ကျင်းပပြုလုပ်ရာ ဖွင့်ပွဲအခမ်း အနားသို့ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ အနောက်မြောက် တိုင်းစစ်ဌာနချုပ် တိုင်းမှူး ဗိုလ်မှူးချုပ် မျိုးမင်းထွေး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ရပ်ကွက်နေပြည်သူများနှင့် လူမှုရေးအသင်းအဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့အနေဖြင့် ပြည်သူများအတွက် အလုပ်အကိုင်အခွင့်အလမ်းများအပြင် ပြည်သူများ လမ်းပန်းဆက်သွယ်မှု လုံခြုံချေမွေ့စေရေးကိုလည်း အဓိကတာဝန်တစ်ရပ်အဖြစ် ခံယူ ကာယခုလိုလမ်းသစ်များ ဆောင်ရွက်ပေးလျက်ရှိရာ တိုင်းဒေသကြီးအတွင်း နိုင်လွန် ကတ္တရာလမ်းပေါင်း ၂၀၀ လမ်း၊ အရှည် - ၇၂ မိုင်၊ ၅.၆၃ ဖာလုံ ဆောင်ရွက်ခဲ့ပြီး ဖြစ်ပါ ကြောင်း၊ မုံရွာမြို့ပေါ်ရှိ ဈေး၅ ဈေးအားပြုပြင်မွမ်းမံ အကောင် အထည်ဖော်ဆောင် ရွက်ပေးနိုင်ခဲ့သည့်အတွက် မြို့အင်္ဂါရပ်နှင့်အညီဖွံ့ဖြိုးတိုးတက်၍ မြို့နေပြည်သူများအနေဖြင့်စနစ်တကျ အဆင့်မြင့်မြင့် ဈေး ရောင်း/ဝယ် ဖောက်ကားနိုင်သည့်အပြင် ဒေသတွင်း အလုပ်အကိုင်အခွင့်အလမ်း ၁၈၀၀ ကျော် ဖော်ဆောင်ပေးနိုင်ခဲ့ပါကြောင်း၊ ပြည်သူလူထု အနေဖြင့်လည်း စည်ပင်သာယာရေးအဖွဲ့၏ ကောင်းမွန်သည့် စေတနာများအား သိရှိနားလည်ပြီး မုံရွာမြို့၏ ဖွံ့ဖြိုးတိုးတက်သာယာလှပရေးလုပ်ငန်းများအား မိမိတို့နှင့်အတူ ပူးပေါင်းဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် မုံရွာမြို့နယ် စည်ပင်သာယာရေးအဖွဲ့မှ အမှုဆောင်အရာရှိ ဦးထွန်းထွန်းက မုံရွာမြို့၊ ဒေါနခြံရပ်ကွက်၊ ကျောင်းလမ်း၊ ကွေ့ကြီးရပ်ကွက်၊ ပါရမီလမ်း၊ ဇေယျာလမ်း၊ ရုံးကြီးရပ်ကွက်၊ ရေမိန်လမ်းနှင့် သလ္လာရပ်ကွက်၊ ဗိုလ်တစ်ထောင်လမ်း စုစု ပေါင်း နိုင်လွန်ကတ္တရာလမ်း ၅ လမ်းနှင့် ပတ်သက်သည့် လုပ်ငန်းဆိုင်ရာများ ဆောင် ရွက်ခဲ့မှုအခြေအနေများအား ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ် တိုင်းမှူး ဗိုလ်မှူးချုပ် မျိုးမင်းထွေး၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးကိုကိုလွင် တို့က မုံရွာမြို့၊ ဒေါနခြံရပ်ရပ်ကွက်၊ ကျောင်းလမ်း၊ ကွေ့ကြီးရပ်ကွက်၊ ပါရမီလမ်း၊ ဇေယျာ လမ်း၊ရုံးကြီးရပ်ကွက်၊ ရေမိန်လမ်းနှင့် သလ္လာရပ်ကွက်၊ ဗိုလ်တစ်ထောင် လမ်းစုစုပေါင်း နိုင်လွန်ကတ္တရာလမ်း ၅ လမ်း ဖွင့်ပွဲအခမ်းအနားအား ဖဲကြိုးဖြတ်ဖွင့်လှစ် ပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တိုင်းမှူးတို့က ဘင်ခရာ/ပန်းပွား အဖွဲ့များအား ဂုဏ်ပြုချီးမြှင့်ငွေများပေးအပ်ခဲ့ပြီး တာဝန်ရှိသူများနှင့် အဆိုပါမုဒ်ဦးရှေ့ တွင်စုပေါင်းမှတ်တမ်းတင် ဓါတ်ပုံရိုက်ကူးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက နိုင်လွန်ကတ္တရာ လမ်းအား ဖြတ်သန်းကြည့်ရှုစစ်ဆေးခဲ့ကြပြီး ရပ်ကွက်နေပြည်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ မုံရွာမြို့၊ ဒေါနခြံရပ်ရပ်ကွက်ရှိ ကျောင်းလမ်းသည် အရှည် -၉၀၀ ပေ၊ အကျယ် - ၁၈ ပေ၊ ၃ လက်မထုဖြစ်ပြီး ကွေ့ကြီးရပ်ကွက်၊ ပါရမီလမ်းသည် အရှည် - ၁၁၅၀ ပေ၊ အကျယ်- ၁၈ ပေ၊ ၃ လက်မထု၊ ဇေယျာလမ်းသည် အရှည်- ၂၈၆၀ ပေ၊ အကျယ်- ၁၈ ပေ၊ ၃ လက်မထုနှင့် ရုံးကြီးရပ်ကွက်၊ ရေမိန်လမ်းသည် အရှည်- ၉၅၀ ပေ၊ အကျယ်- ၁၆ ပေ၊ ၃ လက်မထုနှင့် သလ္လာရပ်ကွက်၊ ဗိုလ်တစ်ထောင်လမ်းသည် အရှည်- ၃၀၀၀ ပေ၊ အကျယ်- ၁၄ ပေ၊ ၃ လက်မထု နိုင်လွန်ကတ္တရာလမ်းများဖြစ်ပြီး မုံရွာမြို့နယ် စည်ပင်သာယာရေးအဖွဲ့မှ တာဝန်ယူဆောင်ရွက်ခဲ့ကြောင်း သိရသည်။

မုံရွာ၊ မတ် ၂၅

နှစ်(၈၀)ပြည့် တပ်မတော်နေ့ကို ကြိုဆိုဂုဏ်ပြုသောအားဖြင့် ဆေးကုသမှုခံယူနေ ကြသည့်ပြည်သူများအား စားသောက်ဖွယ်ရာပေးအပ်ခြင်းနှင့် စုပေါင်းသွေးလှူဒါန်းပွဲ အခမ်းအနားကို မတ်လ ၂၅ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ အမှတ် ၄ ကုတင် ၃၀၀ ဆံ့၊ တပ်မ တော်ပြည်သူ့ဆေးရုံကြီး၌ ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ အနောက်မြောက်တိုင်းစစ် ဌာနချုပ် တိုင်းမှူး ဗိုလ်မှူးချုပ် မျိုးမင်းထွေးနှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ သွေးလှူဒါန်းကြမည့်ဌာနဆိုင်ရာ ဝန်ထမ်းများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊၊ တိုင်းမှူးနှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများက တိုင်းဒေသ ကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ စုပေါင်းသွေးလှူဒါန်းနေမှုများအား လိုက်လံကြည့်ရှုအားပေးကာ အဟာရဖြည့်စွက်စာများအား လိုက်လံဝေငှပေးခဲ့ကြပြီး အဆိုပါဆေးရုံကြီးရှိ သက်မှတ်ကုသအဆောင်များတွင် ဆေးကုသမှုခံယူနေကြသည့် ဒေသခံပြည်သူများအား ရင်းရင်းနှီးနှီးလိုက်လံနှုတ်ဆက်ခဲ့ကြပြီး အဟာရဖြည့်စွက်စာများ လိုက်လံဝေငှပေးခဲ့ကြပြီး ကုသရေးလုပ်ငန်းများနှင့် ပတ်သက်၍ လိုအပ်သည်များကို တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ကုတင် ၅၀၀ ဆံ့၊ အထွေထွေရောဂါကု ပြည်သူ့ဆေးရုံကြီးရှိ ၅ ထပ်အဆောင်၌ ကျင်းပပြုလုပ် သည့် နှစ်(၈၀)ပြည့် တပ်မတော်နေ့ကို ကြိုဆိုဂုဏ်ပြုသောအားဖြင့် ဆေးကုသမှုခံယူနေ ကြသည့်ပြည်သူများအား စားသောက်ဖွယ်ရာပေးအပ်ခြင်းနှင့် စုပေါင်းသွေးလှူဒါန်းပွဲ အခမ်း အနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊၊ တိုင်းဒေသကြီး အစိုးရအဖွဲ့ဝင်များနှင့် ဇနီးများ၊ တိုင်းဒေသကြီးအဆင့် ဌာနဆိုင်ရာများက တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများမှ စုပေါင်းသွေးလှူဒါန်းနေမှုများအား လိုက်လံကြည့်ရှုအားပေး ကာအဟာရဖြည့်စွက်စာများအား လိုက်လံဝေငှပေးခဲ့ကြပြီး အဆိုပါဆေးရုံကြီးရှိ သက် မှတ်ကုသအဆောင်များတွင် ဆေးကုသမှုခံယူနေကြသည့် ဒေသခံပြည်သူများအား ရင်း ရင်းနှီးနှီးလိုက်လံနှုတ်ဆက်ခဲ့ကြပြီး အဟာရဖြည့်စွက်စာများ လိုက်လံဝေငှပေးကာ ဆရာ /သူနာပြုများနှင့် ကျန်းမာရေးဝန်ထမ်းများအား ရင်းရင်းနှီးနှီးနှုတ်ဆက်ခဲ့ကြပြီး ကုသ ရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၂၄

စစ်ကိုင်းတိုင်းဒေသကြီး ပညာရေးမှူးရုံးနှင့် မုံရွာပညာရေးဒီဂရီကော်လိပ်တို့ ပူး ပေါင်းဖွင့်လှစ်သည့် ၂၀၂၄-၂၀၂၅ ပညာသင်နှစ်၊ ပညာရေးနှင့်သင်ပြနည်းပညာ ဒီပလိုမာ သင်တန်း(Dip.EP)ဖွင့်ပွဲ အခမ်းအနားကို မတ်လ ၂၄ ရက်၊ နံနက်ပိုင်းတွင် မုံရွာပညာရေး ဒီဂရီကောလိပ်ရှိ ပဉ္စဗလဘက်စုံသုံးခန်းမတွင် ကျင်းပပြုလုပ်ရာ သင်တန်းဖွင့်ပွဲ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး ပညာရေးမှူးရုံးမှ တာဝန်ရှိသူများ၊ မုံရွာပညာရေးဒီဂရီကော်လိပ်မှ ကျောင်းအုပ်ဆရာမကြီးနှင့် ဆရာ/ဆရာ မများ၊ သင်တန်းသား/သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ဆရာ/ဆရာမများ၏ သင်ကြား မှုအရည်အချင်းသည် ပညာရေး၏ အရည်အသွေးအား သတ်မှတ်ပေးသကဲ့သို့ ကျောင်း သားများ ကျောင်းနေမြဲရေး၊ တန်းစဉ်ကူးပြောင်းနှုန်းမြင့်မားရေး၊ အသိပညာ၊ အတတ် ပညာဖွံ့ဖြိုးတိုးတက်စေရေးနှင့် ပညာရေးဆိုင်ရာရလဒ်များ ပိုမိုကောင်းမွန်မြင့် မားလာစေ ရေးအတွက် အလွန်အရေးကြီးပါကြောင်း၊ ယခုသင်တန်းတွင် နည်းပြများအဖြစ် ဆောင် ရွက်ကြမည့် ပညာရေးဒီဂရီကောလိပ်မှ တာဝန်ရှိသူများ၊ ကထိကများ၊ နည်းပြများနှင့် မဟာပညာရေးဘွဲ့ရ အထက်တန်းပြ ဆရာ၊ဆရာမများသည် အရည်အသွေးပြည့်ဝသူများ ဖြစ်နေရန်လိုအပ်ပြီး သင်တန်းသားများအား ဆရာစားမချန်ဘဲ ကြိုးစားသင်ကြားခြင်းဖြင့် သင်တန်း၏ရည်မှန်းချက်ပြည့်မီရေးနှင့် သင်တန်းထိရောက်အကျိုးရှိရေးအတွက် ပါဝင် ဆောင်ရွက်သွားကြရန် လိုအပ်ပါကြောင်း၊
သင်တန်းသို့တက်ရောက်လာကြသည့် ဆရာ/ဆရာမများအနေဖြင့် သင်တန်းမှပို့ချ ပေးမည့် ဘာသာရပ်အလိုက် သင်ပြနည်းများအား စိတ်ဝင်တစား လေ့လာသင်ယူမှတ် သားပြီး သင်ကြားမှုအရည်အသွေးများ တိုးတက်အောင်ကြိုးစားသွားကြရန်နှင့် သင်ကြားရေးနယ်ပယ်တွင် အကျိုးရှိစွာပြန်လည်အသုံးချ၍ မြန်မာနိုင်ငံ၏ ပညာရေးအဆင့်အတန်း မြင့်မားစေရေးအတွက် ပူးပေါင်းပါဝင်ကြိုးစားသွားကြရန် လိုအပ်ပါကြောင်း ပြောကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်က ပညာရေးနှင့်သင်ပြနည်းပညာ ဒီပလို မာသင်တန်း (Dip.EP)သင်တန်းသား/သင်တန်းသူများအတွက် သင်တန်းသား/သင်တန်း သူ ၂ ဦးထံ ဂုဏ်ပြုချီးမြှင့်ငွေကျပ် သိန်း -၃၀ အား ပေးအပ်ချီးမြှင့်သည်။

ဆက်လက်၍ တိုင်းဒေသကြီး ပညာရေးမှူးရုံးမှ ညွှန်ကြားရေးမှူး(စီမံ/ဘဏ္ဍာ)မှ ဦးဟန်တင်က ၂၀၂၄-၂၀၂၅ ပညာသင်နှစ်၊ ပညာရေးနှင့်သင်ပြနည်းပညာ ဒီပလိုမာသင် တန်း(Dip.EP) ဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/သင် တန်းသူများနှင့် စုပေါင်းမှတ်တမ်းတင်ဓါတ်ပုံရိုက်ကူးကာ သင်တန်းသား/သင်တန်းသူများ အားရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ ၂၀၂၄-၂၀၂၅ ပညာသင်နှစ်၊ ပညာရေးနှင့်သင်ပြနည်းပညာ ဒီပလိုမာသင် တန်း(Dip.EP)အား စစ်ကိုင်းတိုင်းဒေသကြီးအတွင်းရှိ မြို့နယ် ၆ မြို့နယ်တွင် သင်တန်း သား/သင်တန်းသူ စုစုပေါင်း ၂၄၅၆ ဦးဖြင့် မတ်လ ၂၄ ရက်မှ မေလ ၃၀ ရက်နေ့ထိ သင်ကြားပေးသွားမည်ဖြစ်ကြောင်း သိရသည်။

မုံရွာ၊ မတ် ၂၄

စစ်ကိုင်းတိုင်းဒေသကြီး ၂၀၂၅-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲ ကျင်းပ ရေးဆိုင်ရာ လျှောက်ထားခြင်း အခမ်းအနားကို မတ်လ၂၄ ရက်၊ နံနက်ပိုင်းတွင် မုံရွာမြို့၊ မဟာဇောတိကာရာမကျောင်းတိုက်ကြီးရှိ သန်းကုဋေအောင်သာသနာ့ ဗိမာန် တော်ကြီးတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ နှင့်တာဝန်ရှိသူများ တက်ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဆုတောင်း၍ အခမ်းအနားအား ဖွင့်လှစ်ခဲ့ကြ ပြီး မုံရွာမြို့၊ မဟာဝိဇ္ဇာသိပ္ပံကျောင်းတိုက်ကြီး၏ ဦးစီးပဓာနနာယက၊ အဘိဓဇမဟာရဌ ဂုရု၊ အဂ္ဂမဟာပဏ္ဍိတ ဘဒ္ဒန္တသူရိယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက ငါးပါးသီလခံယူဆောက်တည်ကြသည်။

ထို့နောက် မုံရွာမြို့၊ မဟာဇောတိကာရာမကျောင်း တိုက်ကြီး၏ ဦးစီးပဓာန နာယက၊ ပထမပြန်စာမေးပွဲ ကျင်းပရေး ဉက္ကဌ၊ အဂ္ဂမဟာပဏ္ဍိတ ဘဒ္ဒန္တဝိဇ္ဇောဒယ ဆရာတော် ကြီးမှ ၂၀၂၅-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲ ကျင်းပရေးဆိုင်ရာများနှင့် ပတ်သက်၍ လည်းကောင်း၊ မုံရွာမြို့၊ ရန်ကင်းပရိယတ္တိစာသင်တိုက် နာယက၊ အစိုးရ ဓမ္မာစရိယစာမေးပွဲ ကျင်းပရေး ဉက္ကဌ၊ မဟာဂန္တဝါစကပဏ္ဍိတ၊ ဘဒ္ဒန္တတေဇနိယ ဆရာတော်ကြီးမှ ၂၀၂၅-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲ ကျင်းပရေး ဆိုင်ရာများနှင့် ပတ်သက်၍ လည်းကောင်း၊ မုံရွာမြို့၊ မဟာဇောတိကာရာမကျောင်းတိုက် ကြီးတိုက်အုပ်နာယက စစ်ကိုင်းတိုင်းဒေသကြီး သံဃနာယကအဖွဲ့ ဉက္ကဌ၊ အဂ္ဂမဟာ ဂန္တဝါစကပဏ္ဍိတ၊ ဘဒ္ဒန္တပညာတိက္ခ ဆရာတော်ကြီးမှ ၂၀၂၅-ခုနှစ်၊ အစိုးရဓမ္မာစရိယနှင့် ပါဠိပထမပြန်စာမေးပွဲ ကျင်းပရေး ဆိုင်ရာများနှင့် ပတ်သက်၍ လည်းကောင်း ရှင်းလင်း မိန့်ကြားကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ အစိုးရ ဓမ္မာစရိယနှင့် ပါဠိပထမပြန်စာမေးပွဲ ကျင်းပရေးဆိုင်ရာများအား လျှောက်ထားသည်။

ဆက်လက်ပြီး အခမ်းအနားသို့ တက်ရောက်လာကြသည့် ပင့်သံဃာဆရာတော် ကြီးများ၊ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက “ ဗုဒ္ဓသာသနံ စိရံ တိဌတု”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ၊ မတ် ၂၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ မုံရွာတက္ကသိုလ် ပါမောက္ခချုပ်နှင့် တိုင်ဒေသကြီး/ခရိုင်/မြို့နယ် ပညာရေး မှူးများ၊ မုံရွာခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါ လျက်မတ်လ ၂၂ ရက်၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာအထက်တန်း ကျောင်းရှိ သတ်မှတ်ကျောင်းဆောင်များတွင် ကျောင်းသား၊ကျောင်းသူများ စိတ်အေးချမ်း သာစွာဖြင့် တက္ကသိုလ်ဝင်စာမေးပွဲ နောက်ဆုံးနေ့အဖြစ် ဇီဝဗေဒဘာသာရပ်နှင့် ဘောဂ ဘာသာရပ်ဖြေဆိုနေမှုအား သွားရောက်ကြည့်ရှုအားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်က ဘာသာရပ်အလိုက် ဖြေဆိုခဲ့သည့် အဖြေလွှာများအား စနစ်တကျသိမ်းဆည်းသွားကြရန်နှင့် သက်မှတ်စာစစ်ဌာနများသို့ လုံခြုံမှုရှိစွာဖြင့် အချိန်မီရောက်ရှိရေးတို့အား ဌာနများအချင်းချင်း ပူးပေါင်းဆောင်ရွက် သွားကြရန် တာဝန်ရှိသူများအား မှာကြားကာ ကြီးကြပ်ရေးမှူးများနှင့်ဆရာ/ဆရာမ များအားရင်းရင်းနှီးနှီး တွေ့ဆုံနှုတ်ဆက်ခဲ့သည်။

စစ်ကိုင်းတိုင်းဒေသကြီးအတွင်းရှိ ခရိုင်/မြို့နယ်များတွင် စာစစ်ဌာန ၃၅ ဌာနတွင် ဇီဝဗေဒဘာသာရပ် ဖြေဆိုသူကျောင်းသား/ကျောင်းသူ စုစုပေါင်း- ၃၉၀၇ ဦးနှင့် ဘောဂ ဗေဒဘာသာရပ်ဖြေဆိုသူ ကျောင်းသား/ကျောင်းသူ - ၅၉၅၅ ဦး၊ စုစုပေါင်း - ၉၈၆၂ ဦး ဝင်ရောက်ဖြေဆိုလျက်ရှိပြီး ဖြေဆိုမှုရာခိုင်နှုန်း- ၉၅.၇၀ ရာခိုင်နှုန်းဖြစ်ကြောင်း သိရ သည်။

မုံရွာ၊ မတ် ၂၂

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် ၂၀၂၄-ခုနှစ်၊ ပါဠိပထမ ပြန်စာမေးပွဲ စာအောင်သံဃာတော်များနှင့် သီလရှင်များအား စာအောင်ဆုနှင့် အောင် လက်မှတ်များ ဆက်ကပ်လှူဒါန်းခြင်း စူဠဘွဲ့နှင်းသဘင်အခမ်းအနားကို မတ်လ ၂၂ ရက်၊ မွန်းလွဲပိုင်းတွင် မုံရွာမြို့၊ ရွှေစည်းခုံစေတီတော်ကြီးရှိ သာသနာ့ဗိမာန်တော်ကြီးတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီးတရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသ ကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ ဖိတ်ကြားထားသူများ တက် ရောက်ကြသည်။

ဦးစွာ “နမောတဿ”သုံးကြိမ်ရွတ်ဆို ဘုရားကန်တော့၍ အခမ်းအနားအား ဖွင့် လှစ်ကြပြီး မုံရွာမြို့၊ မဟာဇောတိကရာမကျောင်းတိုက်ကြီး၏ ပဓာနနာယက၊ ပါဠိပထမ ပြန်စာမေးပွဲ ကြီးကြပ်ရေးဉက္ကဌ၊ အဂ္ဂမဟာပဏ္ဍိတ၊ ဘဒ္ဒန္တဝိဇ္ဇောဒယ ဆရာတော်ကြီးထံ မှတိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိသတ်များက ငါးပါးသီလခံယူဆောက် တည်ကြသည်။

ယင်းနောက် ဆရာတော်၊သံဃာတော် အရှင်သူမြတ်များမှ ရွတ်ပွားသရဇ္စျယ်ချီးမြင့် တော်မူသည့် မေတ္တာသုတ်ပရိတ်တရားတော်များအား နာယူကြည်ညိုပြီး ပင့်သံဃာဆရာ တော်ကြီးများထံ တိုင်းဒေသကြီး ဝန်ကြီးချုပ်နှင့်ဇနီး၊ တာဝန်ရှိသူများက လှူဖွယ်ဝတ္ထု ပစ္စည်းများ ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ် ဦးမြတ်ကျော်က သာသနာရေးဆိုင်ရာများ လျှောက်ထားသည်။

ထို့နောက် ပါဠိပထမပြန်စာမေးပွဲ၌ တစ်ပြည်လုံး ပထမငယ်တန်း(တတိယ) သံဃာ ၁ ပါး၊ အခြေပြုမူလတန်း(တတိယ) သံဃာ ၁ ပါးနှင့် ရိုးရိုးစာအောင် သံဃာ ၁ ပါး တို့အား တိုင်းဒေသကြီး ဝန်ကြီးချုပ်က စာအောင်လက်မှတ်နှင့် လှူဖွယ်ဝတ္ထုများအား လည်းကောင်း၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ နှင့်တိုင်းဒေသကြီးအဆင့် ဌာနဆိုင်ရာများက ပထမကြီးတန်း၊ ပထမလတ်တန်း၊ ပထမ ငယ်တန်းနှင့် အခြေပြုမူလတန်းစာမေးပွဲအောင် သံဃာများအား စာအောင်လက်မှတ် နှင့်လှူဖွယ်ဝတ္ထုများအား လည်းကောင်း ဆက်ကပ်လှူဒါန်းကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး တရားသူကြီး ချုပ်၏ဇနီး၊ တိုင်းဒေသကြီး အစိုးရအဖွဲ့ဝင်များ၏ဇနီးများက ပထမကြီးတန်း၊ ပထမလတ် တန်း၊ပထမငယ်တန်းနှင့် အခြေပြုမူလတန်းစာမေးပွဲအောင် သီလရှင်များအား စာအောင် လက်မှတ်နှင့်လှူဖွယ်ဝတ္ထုများအား အသီးသီး ဆက်ကပ်လှူဒါန်းကြသည်။

ထို့နောက် မုံရွာမြို့၊ မဟာဇောတိကရာမကျောင်းတိုက်ကြီး၏ ပဓာနနာယက၊ ပါဠိပထမပြန်စာမေးပွဲ ကြီးကြပ်ရေးဉက္ကဌ၊ အဂ္ဂမဟာပဏ္ဍိတ၊ ဘဒ္ဒန္တဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက အနုမော ဒနာတရားနာယူကြည်ညိုကာ လှူဒါန်းမှုအစုစုတို့အတွက် ရေစက်သွန်းချအမျှ ပေးဝေကြ ပြီး“ဗုဒ္ဓသာသနံ စိရံ တိဠတု”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့ ကြသည်။

အဆိုပါ ၂၀၂၄-ခုနှစ်၊ ပါဠိပထမပြန်စာမေးပွဲကြီးတွင် မုံရွာခရိုင်အတွင်းရှိ မုံရွာ၊ ချောင်းဦး၊ ဘုတလင်၊ အရာတော်မြို့နယ်များမှ ပါဠိပထမပြန်စာမေးပွဲ ဝင်ရောက်ဖြေဆို အောင်မြင်တော်မူခဲ့ကြသည့် ပထမကြီးတန်း စာမေးပွဲအောင် ၁၃ ပါး၊ ပထမလတ်တန်း စာမေးပွဲအောင် ၂၆ ပါး၊ ပထမငယ်တန်း စာမေးပွဲအောင် ၉၂ ပါး၊ အခြေပြုမူလတန်း စာမေးပွဲအောင် ၃၁၄ ပါး၊ စုစုပေါင်း စာအောင်သံဃာ၊သီလရှင် ၄၄၅ ပါးတို့အား လှူဖွယ်ပစ္စည်း များနှင့် ဝတ္ထုငွေ ကျပ် ၁၃၈၇၀၀၀၀ (တစ်ရာသုံးဆယ် ရှစ်သိန်း ခုနှစ်သောင်း) ကျပ်အား ဆက်ကပ်လှူဒါန်းခဲ့ကြောင်း သိရသည်။