မုံရွာ၊ ဇန်နဝါရီ ၂၀

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် ကလေးသူငယ်အခွင့် အရေးကိုယ်တိုင်သိရှိနားလည်ရေး အသိပညာပေးအလုပ်ရုံဆွေးနွေးပွဲကို ဇန်နဝါရီလ ၂၀ ရက်၊နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ချင်းတွင်းခန်းမတွင် ကျင်းပရာ ဆွေးနွေးပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာများ၊ မုံရွာမြို့ပေါ်ရှိ အခြေခံပညာကျောင်းများမှ ဆရာ/ဆရာမများနှင့် ကျောင်းသား/သူ များတက်ရောက်ကြသည်။

ရှေးဦးစွာ တိုင်းဒေသကြီးဝန်ကြီးချုပ် ဦးမြတ်ကျော် က ကလေးသူငယ်တိုင်း မိမိတို့ ၏အခွင့်အရေးများအား သိရှိနားလည်စေခြင်းသည် လူ့ဘောင်ဖွံ့ဖြိုးမှုအတွက် အမှန် တကယ်လိုအပ်ပြီး နောင်တချိန်တွင် လူ့ဘောင်အသိုင်းအဝိုင်း၏ အရေးကြီးသည့် အခန်း ကဏ္ဍတွင်အရည်အသွေးပြည့်ဝသော ဦးဆောင်သူများဖြစ်လာစေရန်အတွက် အသိပညာ ပေးဆွေးနွေးပွဲများအား ကျင်းပလျက်ရှိပါကြောင်း၊ ကလေးသူငယ်တိုင်း အနှိပ်စက်ခံရမှု၊ အကြမ်းဖက်ခံရမှု၊ အလွဲသုံးစားပြုခြင်းခံရမှု၊ လူကုန်ကူးခြင်းခံရမှုစသည့် အန္တရာယ်များ အား သတိပြုကာကွယ်နိုင်ရန်၊ ပညာရေးနှင့် အကျင့်စာရိတ္တဖွံ့ဖြိုးမှုအတွက် အခြေခံတည် ဆောက်နိုင်ရေး အခြေခံလမ်း ကြောင်း ဖော်ဆောင်ပေးနိုင်ရန်၊ မိမိအခွင့်အရေးနှင့် တာဝန် တို့အား သိရှိနားလည်စေရန်နှင့် လေးစားမှုရှိစေရန်၊ အခြားသူများ၏အခွင့်အရေးအား ထိခိုက်စေမည့် အပြုအမူများမှ ရှောင်ရှားနိုင်စေရန်၊ ကလေးများသည်မိမိဘဝအား ထိခိုက်စေသည့် အန္တရာယ်များမှ ရှောင်ထိမ်းရန်နှင့် အသက်ရှင်နိုင်ရေးအခွင့်အရေးအား မိမိကိုယ်တိုင် အသိပညာရှိရန်တို့အတွက် ရည်ရွယ်ပြီး သိရှိရမည့်အသိပညာရပ်များအား နားလည်သဘောပေါက်အောင် အခန်းကဏ္ဍအလိုက် ရှင်းလင်းဆွေးနွေးပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး လူမှုဝန်ထမ်းဦးစီးဌာနမှ ညွှန်ကြားရေးမှူး ဒေါ် လှိုင်မိုးမြတ်က ကလေး သူငယ်အခွင့်အရေး ကိုယ်တိုင်သိရှိနားလည်ရေး ခေါင်းစဉ်ဖြင့် လည်းကောင်း၊ တိုင်းဒေသကြီး ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနမှ ညွှန်ကြား ရေးမှူး ဦးစိုးလှိုင်က သဘာဝဘေးနှင့်ပတ်သက်၍ ကာကွယ်နိုင်ရေး ခေါင်းစဉ်ဖြင့်လည်း ကောင်း၊ အမှတ်(၈)မူးယစ်တပ်ဖွဲ့စုမုံရွာမှ ရဲမှူး ကြီးမြင့်က မူးယစ်ဆေးဝါးအန္တရာယ် အကြောင်း ခေါင်းစဉ်ဖြင့်လည်းကောင်း၊ လူကုန်ကူးမှုတားဆီးတားဆီးနှိမ်နှင်းရေးရဲတပ်ဖွဲ့ မှရဲအုပ် မြတ်သူက လူကုန်ကူးမှုတားဆီးကာကွယ်ရေး ခေါင်းစဉ်ဖြင့်လည်းကောင်း၊ အမှတ်(၁၇)ယာဉ်ထိန်းရဲဒုတပ်ဖွဲ့ခွဲ(စစ်ကိုင်း)မှ ရဲမှူးမိုးကျော်က ယာဉ်စည်းကမ်း၊လမ်း စည်းကမ်း ခေါင်းစဉ်ဖြင့်လည်းကောင်း၊ တိုင်းဒေသကြီး ကျေးလက်ဒေသဖွံ့ဖြိုးတိုးတက် ရေးဦးစီးဌာနမှ ညွှန်ကြားရေးမှူး ဦးသိန်းထိုက်ဦးက “ဖွံ့ဖြိုးမှုဒိုင်ယာရီ”ခေါင်းစဉ်ဖြင့် လည်းကောင်း အသီးသီး ဟောပြောဆွေးနွေးခဲ့ကြောင်း သိရသည်။

မုံရွာ၊ ဇန်နဝါရီ ၁၈

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ အခြေခံ ပညာအထက်တန်းကျောင်းများတွင် ပညာသင်ကြားနေကြသည့် ကျောင်းသား/သူများ စိတ်အေး ချမ်းသာစွာဖြင့် ကျန်းမာသန်စွမ်းစွာ ပညာသင်နိုင်ရေးအတွက် ဇန်နဝါရီလ ၁၈ ရက်၊ နံနက်ပိုင်းတွင် မုံရွာမြို့၊ ခံတောရပ်ကွက်၊ အမှတ် (၅၃)အခြေခံပညာမူလတန်းကျောင်းဝန်းအတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင် ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများရေစီးရေ လာကောင်းမွန်စေရေးတို့ အတွက် အ‌ ထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ စည်ပင် သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/သူများမှ စုပေါင်း၍ သန့်ရှင်းရေးလုပ်ငန်း များဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင် ရွက် နေမှုများအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် တိုင်းဒေသကြီး အစိုးရအဖွဲ့ဝင်များက ကြည့်ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများ၊ ဌာနဆိုင်ရာ ဝန်ထမ်းများ၊ ဆရာ/ဆရာမများနှင့် ကျောင်းသား/သူများအား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့်စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများ အားကြည့်ရှုအားပေးကာ စုပေါင်းသန့်ရှင်းရေးလုပ်ငန်းများဆောင်ရွက်ခဲ့ကြသူများအား နံနက်စာ ဖြင့်ကျွေးမွေးဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၉ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၁၀၀ ဦးကျော်ဖြင့်အခြေခံ ပညာကျောင်းများနှင့် မြို့သန့်ရှင်းသာယာလှပရေး လုပ်ငန်းများကို စုပေါင်းဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ မြို့သစ်ရပ် ကွက်ရှိ ဗန္ဓုလစေျးသို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့မှ ဒုတိယအင်ဂျင်နီ ယာမှူးကြီး ဦးမြင့်အောင်က အလျား - ၁၂ ပေ၊ အနံ - ၁၀ ပေရှိ ဈေးဆိုင်ခန်းပေါင်း ၄၄ ခန်း ပါဝင်သည့် အလျား - ၂၇၉ ပေ၊ အနံ - ၂၄ ပေ RC ၂ ထပ်အဆောက်အဦသစ် တည်ဆောက် နေမှုလုပ်ငန်းများနှင့် ပတ်သက်၍ ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ တည်ဆောက်ရေးလုပ်ငန်းများဆောင်ရွက်နေမှုများအား လိုက်လံကြည့်ရှု စစ်ဆေးပြီး ဈေးရောင်းချသူများ၏လိုအပ်ချက်များကို ရင်းရင်းနှီးနှီးလိုက်လံမေးမြန်း ကာ ရပ်ကွက်နေပြည်သူများအား လိုက်လံနှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဇန်နဝါရီလ ၁၇ ရက် ည ၈ နာရီအချိန်တွင် ပျံလွန်တော်မူခဲ့သည့် မုံရွာမြို့၊ အေးသာယာရပ်ကွက်၊ ဇောင်ကြမ်းပင် ပရိ ယတ္တိစာသင်တိုက်ကြီး၏ ဦးစီးပဓာနနာယက နိုင်ငံတော်သံဃမဟာနာယကအဖွဲ့၊ အဖွဲ့ဝင်ဆရာ တော် ဘဒ္ဒန္တ ကုမာရသီရိ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ သက်တော်(၆၇)နှစ်၊ သိက္ခာတော်(၄၇)ဝါ မဟာထေရ်မြတ်ကြီး၏ ရုပ်ကလပ်တော်အား သွားရောက်ဖူးမျှော်ကြည်ညို ပြီးတာဝန်ရှိသူများနှင့်အတူ စျာပနအခမ်းအနားအတွက် အလှူငွေကျပ် သိန်း ၃၀ အား ဆက် ကပ်လှူဒါန်းခဲ့ကြောင်း သိရသည်။

မုံရွာ၊ ဇန်နဝါရီ ၁၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် ဌာနဆိုင်ရာတာဝန်ရှိသူများ၊ ဟုမ္မလင်း ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဌများနှင့် တာဝန်ရှိသူများလိုက်ပါလျက် ဇန်နဝါရီလ ၁၃ ရက်နေ့၊ နံနက်ပိုင်းတွင် ဟုမ္မလင်းမြို့နယ်၊ နားသကျိုက်ကျေးရွာအနီး နမ့်ပငချောင်းပေါ်တွင် တည်ဆောက်လျက်ရှိသည့် နမ့်ပငအသေးစားရေအားလျှပ်စစ်စီမံကိန်း ရှင်းလင်းဆောင်သို့ ရောက်ရှိရာ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်-၂ တည်ဆောက်ရေးမှ လက်ထောက်ညွှန်ကြားရေးမှူးမှ နမ့်ပငအသေးစားရေအားလျှပ်စစ်စီမံကိန်း တည်ဆောက်ရေးလုပ်ငန်းများအား ဘဏ္ဍာနှစ်အလိုက်ဆောင်ရွက်ပြီးစီးမှုနှင့် ဆက်လက်ဆောင် ရွက်သွားမည့် လုပ်ငန်းအခြေအနေများနှင့် ပတ်သက်၍ ရှင်းလင်းတင်ပြ သည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများ သက်မှတ် ဘဏ္ဍာနှစ်အတွင်း အရည်အသွေးကောင်းမွန်စွာ တည်ဆောက်ပြီးစီးရေး၊ ဘဏ္ဍာနှစ်အလိုက်ရရှိ သည့်ရန်ပုံငွေအပေါ် စနစ်တကျသုံးစွဲကာ သက်မှတ်ချိန်အမီပြီးစီးရေးနှင့် လုပ်ငန်းခွင်အန္တရာယ် ကင်းရှင်းရေးတို့အား မှာကြားကာ ရှင်းလင်းတင်ပြချက်များအပေါ် လိုအပ်သည်များကို တာဝန် ရှိသူများနှင့် ဖြည့်ဆည်းပေါင်း စပ်ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက နမ့်ပင အသေးစားရေအားလျှပ်စစ်စီမံကိန်း တည်ဆောက်ရေးလုပ်ငန်းခွင်အတွင်း၌ တည်ဆောက်နေသည့် ပင်မတမံ ကွန်ကရစ်သွန်းလောင်းပြီးစီးမှုနှင့် ရေယူအဆောက် အဦဆောက်လုပ်နေမှုနှင့် တည်ဆောက်ရေး လုပ်ငန်းသုံး ကျောက်နှင့်သဲထုတ်လုပ်နေမှုများအား လိုက်လံကြည့်ရှုစစ်ဆေးခဲ့ကြသည်။

အဆိုပါ နမ့်ပငအသေးစား ရေအားလျှပ်စစ်စီမံကိန်းသည် ဟုမ္မလင်းမြို့၏ အနောက်ဘက် ၇.၅ မိုင်ခန့်အကွာ၊ နားသကျိုက်ကျေးရွာအနီးတွင်တည်ရှိ၍ Concrete Gravity Dam တမံအမျိုး အစားဖြစ်ပြီး တပ်ဆင်စက်အင်အားမှာ ၆ မဂ္ဂါဝပ်ဖြစ်ကာ နှစ်စဉ်လျှပ်စစ်ဓာတ်အား ၃၄.၆၈ သန်းကီလိုဝပ်နာရီ ပျဉ်းမျှထုတ်လုပ်နိုင်မည်ဖြစ်ပြီး တည်ဆောက်ရေးလုပ်ငန်းများအားလုံး၏ ၅၆.၃ ရာခိုင်နှုန်း ပြီးစီးနေပြီဖြစ်သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ စိုက်ပျိုး ရေးနှင့်မွေးမြူရေးသိပ္ပံကျောင်းသို့ ရောက်ရှိရာ ကျောင်းအုပ်ကြီးနှင့် ဆရာ/ဆရာမများ၊ ကျောင်း သား/သူများနှင့် တွေ့ဆုံပွဲအခမ်းအနားသို့ တက်ရောက်ရာ ကျောင်းအုပ်ကြီးက သင်ကြားစီမံရေး လုပ်ငန်းများဆောင်ရွက်နေမှုနှင့် ကျောင်း၏ လိုအပ်ချက်များအား ရှင်းလင်းပြောကြားသည်။

ယင်းနောက် ဝန်ကြီးချုပ်က တိုင်းဒေသကြီးအတွင်းရှိ ဒေသခံပြည်သူများ စားရေရိက္ခာလုံလောက်စွာရရှိရေးသည် လူသားတိုင်းအတွက် အခြေခံလိုအပ် ချက် ဖြစ်ပါ၍ ၄င်းလိုအပ်ချက်အား ဖြည့်ဆည်းပေးနိုင်မည့် အသိ၊အတတ် ပညာများကို သင်ကြားခွင့်ရသည့် ကျောင်းသား/သူများအနေဖြင့် ကျွမ်းကျင်တတ်မြောက်အောင် သင်ကြားလေ့ကျင့်ကာ ဒေသနှင့် တိုင်းဒေသကြီးအား အလုပ်ကျွေးပြုနိုင်သည့် စိုက်ပျိုးရေး၊မွေးမြူရေးပညာရှင်များဖြစ်အောင် ကြိုးစားကြစေလိုကြောင်း၊ ပညာသင်ကြားပြီးပါက ဌာနဆိုင်ရာနှင့် မိမိကိုယ်ပိုင်စိုက်ပျိုးမွေး မြူရေးလုပ်ငန်းများကိုဆောင်ရွက်ကာ တိုင်းပြည်အတွက် စားရေရိက္ခာပေါများရေးကို အထောက်အကူပြုသူများဖြစ်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်က ကျောင်းအုပ်ကြီးနှင့်ကျောင်းသား/သူများထံ စားသောက်ဖွယ်ရာများနှင့် ဂုဏ်ပြုချီးမြှင့်ငွေများ ပေးအပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့၊ ကွင်းအမှတ် ၆၄ ဟုမ္မလင်းကွင်းရှိ တောင်သူ ဦးသန်းဝင်း စိုက်ပျိုးသည့် နွေစပါး ၁၀ ဧကအား တစ်ဧကအထွက်နှုန်းတိုးတက်ရေးအတွက် သဘာဝမြေသြဇာနှင့် မြေသြဇာရောနှောကြဲပတ် ခြင်းသရုပ်ပြပွဲသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချူပ်နှင့် ဒေသခံတောင်သူများက နွေစပါးအထွက်နှုန်းတိုး တက်ရေးအတွက် သဘာဝမြေသြဇာနှင့် မြေသြဇာရောနှောကြဲပတ်ခြင်း သရုပ်ပြသမှုအား ကြည့် ရှုအားပေးကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သရုပ်ပြပွဲသို့ တက်ရောက် လာကြသည့် ဒေသခံတောင်သူများအား စိုက်ပျိုး ရေးသွင်းအားစုများနှင့် ပိုးသတ်ဆေးဖျန်းပုံးများ ပေးအပ်ကာ ခေါင်ခမ်းအင်းအနီး ကွင်းအမှတ် ၆၄ ဟုမ္မလင်းကွင်းတွင် နွေစပါး ၃၇၆ ဧကစိုက်ပျိုး ထားရှိမှုအား ကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဇန်နဝါရီ ၁၀

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၁/၂၀၂၅) အစည်းအဝေးကို ဇန်နဝါရီလ ၁၀ ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဒေသဆိုင်ရာခရီး သွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်း ကော်မတီအတွင်းရေး မှူး နှင့် အဖွဲ့ဝင်များ၊ ဟိုတယ် နှင့် တည်းခိုရိပ်သာလုပ်ငန်းရှင်များ တက် ရောက်ကြသည်။

ဦးစွာ တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီးဝန်ကြီး ချုပ် ဦးမြတ်ကျော်က ခရီးသွားလုပ်ငန်းသည် အလုပ်အကိုင်အခွင့်အလမ်းများ ဖန်တီးပေးရာတွင် ဦးဆောင်နေရာမှရပ်တည်နေသည့် စီးပွားရေးလုပ်ငန်းတစ်ခု ဖြစ်ပါ ကြောင်း၊ လူထု၊လူတန်းစားပေါင်းစုံအား တိုက်ရိုက်အထောက်အကူပြုနိုင်ခြင်း၊ နိုင်ငံခြား ငွေရှာဖွေပေးနိုင်ခြင်းစသည့် အကျိုး ကျေးဇူးများစွာရှိသည့်အတွက် ခေတ်နှင့်အညီ အမှီ လိုက်နိုင်သည့် ခရီးသွားလုပ်ငန်းဝန်ဆောင်မှုများပေးနိုင်ရေး တာဝန်ရှိသူများမှ စီမံခန့်ခွဲ ဆောင်ရွက်သွားကြရန် လိုအပ်ပါကြောင်း၊ ပြည်တွင်းခရီးသွားဧည့်သည်များ လွယ်ကူ အဆင်ပြေစွာ သွားလာလည်ပတ်နိုင်ရေးအတွက် တာဝန်ရှိသူများဖြစ်သည့် ဒေသဆိုင်ရာ ခရီးသွားလုပ်ငန်းကော်မတီနှင့် ဆက်စပ်ဌာနဆိုင်ရာများ၊ ပုဂ္ဂလိကလုပ်ငန်းရှင်များ၊ ဒေသ ခံလူမှုအသင်းအဖွဲ့အစည်းများမှ လိုအပ်သလို ပူးပေါင်းဆောင်ရွက် သွားကြရန်လိုအပ်ပါ ကြောင်း၊ MSMEs လုပ်ငန်းများသည် နိုင်ငံ့စီးပွား ရေး၏ အဓိကအခန်းကဏ္ဍ ဖြစ်သကဲ့သို့ ခရီးသွားလုပ်ငန်းနှင့် ဆက်စပ်စီးပွားဖြစ်နေသည့်အတွက် ခရီးသွားလုပ်ငန်းမှတဆင့် MSMEs လုပ်ငန်းများအား တိုက်ရိုက်အထောက်အကူပြုစေရေး ဟန်ချက်ညီညီ အကောင် အထည်ဖော် ပူးပေါင်းဆောင်ရွက်သွားကြရန် လိုအပ်ပါကြောင်း၊ ခရီးသွားလုပ်ငန်းဖွံ့ဖြိုး တိုးတက်လာသည်နှင့်အမျှ ဒေသတွင်း MSMEs လုပ်ငန်းများ တိုးတက်လာပြီး ဈေးကွက် ရရှိလာမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဒုတိယ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ် ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီး သွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွား ညွှန်ကြား မှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၁၁/၂၀၂၄ ၏ အစည်း အဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေ အနေများ၊ ယခုအစည်း အဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေ သကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်း တင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီး သွားလုပ်ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင် များတွင်သန့်ရှင်းသာယာလှပရေး လုပ်ငန်းများဆောင်ရွက်နေမှု၊ ဟိုတယ်/တည်းခိုရိပ်သာ ဆိုင်ရာသင်တန်းများဖွင့်လှစ်သွားမည့် အခြေအနေများ၊ လုံခြုံရေးအခြေအနေများနှင့် ပတ် သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်း ဒေသကြီး ဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ ဇန်နဝါရီ ၉

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ ဖွင့်လှစ်သည့် အခြေခံ”ခြင်း”ရက်နည်းသင်တန်းနှင့် ကွန်ပျူတာ သင်တန်းအမှတ်စဉ်(၇/၂၀၂၄) သင်တန်းဆင်းပွဲအခမ်းအနားကို ဇန်နဝါရီလ ၉
ရက်၊ နံနက်ပိုင်းက မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟို ဌာန Community Centre ၌ကျင်းပပြုလုပ်ရာ သင်တန်းဆင်းပွဲ အခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ သင်တန်းနည်းပြများနှင့် သင်တန်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့ဖွင့်လှစ်ခဲ့ပြီးဖြစ်သည့် အခြေခံ”ခြင်း” ရက်နည်းသင်တန်းနှင့် ကွန်ပျူတာသင်တန်းများသည် လူငယ်များ၏ အလုပ်အကိုင်အခွင့်အလမ်းများရရှိရေးနှင့် နည်းပညာဖွံ့ဖြိုးတိုးတက်ရေးအတွက် များစွာ အထောက်အကူဖြစ်စေမည့် သင်တန်းများဖြစ်ပါကြောင်း၊ မိမိတို့တိုင်းဒေသကြီး အနေဖြင့် ၂၀၂၄-ခုနှစ်၊ ဒီဇင်ဘာလအတွင်း ကွန်ပျူတာသင်တန်း ၃ ကြိမ်တွင် သင်တန်သား/သူ ၄၀ ဦးနှင့် အသက်မွေးဝမ်းကြောင်းသင်တန်း ၇ ကြိမ်တွင် သင်တန်းသား/သူ ၁၄၅ ဦးတို့အား ဖွင့်လှစ်သင်ကြားပေးနိုင်ခဲ့ပါကြောင်း၊ သင်တန်း သား/သူများအနေဖြင့် ကွန်ပျူတာသင် တန်းမှရရှိသည့် နည်းပညာပိုင်းဆိုင်ရာများအား မိမိအကျိုး၊ ဌာနအကျိုး၊ နိုင်ငံ့အကျိုးတို့ အားဆောင်ရွက်သွားကြရန် လိုအပ်ပါကြောင်း၊ အလားတူ အသက်မွေးဝမ်းကြောင်းဆိုင် ရာသင်တန်းများမှနေ ရရှိလာသည့် အိမ်တွင်းမှုလုပ်ငန်းများနှင့် အလုပ်အကိုင်အခွင့် အလမ်းများအား ရရှိပိုင်ဆိုင်နိုင်ကြမည် ဖြစ်ပါကြောင်း၊ ယခုထက်ပိုပြီး ကြိုးပမ်းဆောင် ရွက်မည်ဆိုပါက အသေးစား၊ အငယ်စား၊ အလတ်စားလုပ်ငန်းရှင်များဖြစ်လာနိုင်သည့် အခြေခံကောင်းများပိုင်ဆိုင်နိုင်မည် ဖြစ်ပါကြောင်း၊ မိမိတို့တိုင်းဒေသကြီးအစိုးရအဖွဲ့ အနေဖြင့်လည်း အသေးစား၊အငယ်စား၊အလတ်စား(MSME) လုပ်ငန်းများအား အားပေး မြှင့်တင် ဆောင်ရွက်ပေးလျက်ရှိပါကြောင်း၊ တာဝန်ရှိသူများနှင့် သင်တန်းသား/သူများမှ လည်းပြည်သူများ အလုပ်အကိုင်အခွင့်အလမ်းများရရှိစေရေးနှင့် နည်းပညာများရရှိစေ ရေးအတွက်အထောက်အကူဖြစ်စေမည့် သင်တန်းများအား စဉ်ဆက်မပြတ် ဖွင့်လှစ်နိုင် ရေးဝိုင်းဝန်းပူးပေါင်း ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယညွှန်ကြားရေးမှူး ဒေါ်ရွှေလဝါဝါက သင်တန်းများဖွင့်လှစ်ပြီးစီးမှု အခြေအနေများ နှင့်ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးနှင့် တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်တို့က သင်တန်း သား/သူများကိုယ်စား သင်တန်းသူတစ်ဦးစီထံ သင်တန်းဆင်းလက်မှတ်များအား လည်း ကောင်း၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက အခြေခံ”ခြင်း”ရက်နည်း သင်တန်းမှရရှိသည့် ပစ္စည်းများအား သင်တန်းသူတစ်ဦးထံသို့ လည်းကောင်း၊ တိုင်းဒေ သကြီး လမ်းပန်းဆက်သွယ်ရေးရာဝန်ကြီး ဦးခင်မောင်အေးနှင့် တိုင်းဒေသကြီး တိုင်းရင်း သားရေးရာဝန်ကြီး ဦးစိုင်းနိုင်နိုင်ကျော်တို့က သင်တန်းနည်းပြများထံ အမှတ်တရလက် ဆောင်များအား လည်းကောင်း အသီးသီး ပေးအပ်ချီးမြှင့်ကြသည်။

ထို့နောက် သင်တန်းသား/သူများကိုယ်စား အခြေခံ”ခြင်း”ရက်နည်းသင်တန်းမှ သင်တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခြေခံ”ခြင်း”ရက်နည်းသင်တန်းမှ သင်တန်းသူများ ကိုယ်တိုင်ရက်လုပ်ထားသည့် “ခြင်း”များအား လိုက်လံကြည့်ရှုအားပေးခဲ့ကြပြီး တာဝန်ရှိ သူများနှင့်စုပေါင်းမှတ်တမ်းတင်ဓါတ်ပုံ ရိုက်ကူးကြသည်။

အဆိုပါ အခြေခံ”ခြင်း”ရက်နည်းသင်တန်းအား ဒီဇင်ဘာလ ၂၄ ရက်နေ့မှ ၂၉ ရက် နေ့အထိ သင်တန်းသား/သူ ၂၅ ဦးဖြင့် ၅ ရက်ကြာသင်ကြားပေးခဲ့ပြီး အခြေခံကွန်ပျူတာ သင်တန်းအား ဒီဇင်ဘာလ ၄ ရက်မှနေ့မှ ၂၀၂၅-ခုနှစ်၊ ဇန်နဝါရီလ ၃ နေ့ရက်အထိ သင်တန်းသား/သူ ၂၀ ဖြင့် ၁ လကြာ ဖွင့်လှစ်သင်ကြားပေးခဲ့ကြောင်း သိရသည်။

မုံရွာ၊ ဇန်နဝါရီ ၇

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး အမှတ်စဉ် (၁/၂၀၂၅)ကို ဇန်နဝါရီလ ၇ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး ရင်းနှီးမြှုပ်နှံမှုကော်မ တီအဖွဲ့ဝင်များ၊ အတွင်းရေးမှူးနှင့် ကုမ္ပဏီလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က ကော်မတီအဖွဲ့ဝင်များအနေဖြင့် ရင်းနှီးမြှင့်နှံမှုလုပ်ငန်းအသစ်များ ထပ်မံ ဝင်ရောက်အောင် ဖိတ်ခေါ်ခြင်းအပြင် ခွင့်ပြုပြီးရင်းနှီးမြှပ်နှံမှု လုပ်ငန်းများကိုလည်း အကောင်အထည်ဖော်ဆောင်ရွက်ရာတွင် နှောင့်နှေးကြန့်ကြာမှုများ မရှိစေရေးအတွက် လုပ်ငန်းရှင်များနှင့်ပေါင်းစပ်ကူညီ ဆောင်ရွက်ပေးသွားကြရန် လိုအပ်ပါကြောင်း၊ ယခု ဘဏ္ဍာနှစ်တွင် မိမိတို့တိုင်းဒေသကြီးအတွင်း ရင်းနှီးမြှပ်နှံမှုတိုးမြှင့်ခြင်းများအပါအဝင် ပြည်တွင်းရင်းနှီးမြှပ်နှံမှု ပမာဏ ကျပ် ၁၉၉၆၄.၈၀၀ သန်း ဝင်ရောက်ထားပြီး ထပ်မံ၍ ရင်းနှီးမြှုပ်နှံမှုများ တိုးမြှင့်ဝင်ရောက်လာစေရေး ကော်မတီအဖွဲ့ဝင်များက အားပေးဖိတ် ခေါ်သွားကြရန် လိုအပ်ပါကြောင်း၊ ရင်းနှီးမြှပ်နှံလုပ်ငန်းများ တိုးမြှင့်ဝင်ရောက်လာမှသာ ဒေသတွင်းရှိပြည်သူများ အလုပ်အကိုင်အခွင့်လမ်းများရရှိလာမည် ဖြစ်ပါကြောင်း၊ တိုင်း ဒေသကြီးအတွင်း စိုက်ပျိုးရေးလုပ်ငန်းများ ဆောင်ရွက်နိုင်သည့် သဘာဝပတ်ဝန်းကျင် ကောင်းများစွာရှိသကဲ့သို့ စိုက်ပျိုးရေး သွင်းအားစုများဖြစ်သည့် မျိုးစေ့၊ ဓါတ်မြေသြဇာ၊ သဘာဝမြေသြဇာများထုတ်လုပ်သည့် လုပ်ငန်းများနှင့် ဝါး/ကြိမ်စသည့် သဘာဝထွက် ပစ္စည်းများမှ အချောထည်ပစ္စည်းများ ထုတ်လုပ်နိုင်သည့် လုပ်ငန်းများစွာရှိပါကြောင်း၊ မွေးမြူရေးကဏ္ဍအနေဖြင့် တိုင်းဒေသကြီးအတွင်း လူဦးရေ သိန်း ၅၀ ကျော်ရှိသည့် အတွက် အသားထုတ်လုပ်မှု၊စားသုံးမှု ဖူလုံပြည့်ဝစေရေးအတွက် ကြက်/ဝက်မွေးမြူရေး လုပ်ငန်း များနှင့် တည်ဆောက်ရေးလုပ်ငန်းသုံးပစ္စည်းများဖြစ်သည့် ဘိလပ်မြေ၊ သွပ်၊ သံ၊ သံမဏိ ထုတ်လုပ်သည့်လုပ်ငန်းများအား စက်မှုဇုန်များနှင့်စက်မှုဇုန်ပြင်ပမြေများတွင် မြေယာသုံးစွဲခွင့်လျှောက်ထားပြီး လုပ်ငန်းများလုပ်ကိုင်ဆောင်ရွက် နိုင်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသ ကြီးရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်ဆင့်ဆင့်သန်းက ယခင်အစည်းအဝေးဆုံးဖြတ်ချက်များ၏ ဆောင်ရွက်ပြီးစီးမှုနှင့် ၂၀၂၄-ခုနှစ်၊ နိုဝင်ဘာလနှင့်ဒီဇင်ဘာလတို့အတွင်း စိစစ်ကြပ်မတ်ခဲ့သည့် ရင်းနှီးမြှုပ်နှံမှု လုပ်ငန်းအခြေအနေများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီး မြှုပ်နှံမှု ကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြား သည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။