မုံရွာ ဖေဖော်ဝါရီ ၁၂

၂၀၂၅-ခုနှစ်၊ (၇၈)နှစ်မြောက်၊ ပြည်ထောင်စုနေ့ အလံတင်အခမ်းအနားကို ဖေဖော် ဝါရီလ ၁၂ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ ပြည်ထောင်စုရင်ပြင် တွင်ကျင်းပပြုလုပ်ရာ အခမ်းအနားသို့ တိုင်းဒေသကြီး တရားသူကြီးချုပ်၊ တိုင်း ဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် လူမှုရေး အသင်းအဖွဲ့များ တက်ရောက်ကြသည်။

ဦးစွာ နံနက် ၅ နာရီ၊ မိနစ် ၃၀ အချိန်တွင် ပြည်ထောင်စုသမ္မတ မြန်မာနိုင်ငံတော် အလံ အားတိုင်ထိပ်သို့လွှင့်တင်ကာ အခမ်းအနားသို့တက်ရောက်လာသူများနှင့် ဂုဏ်ပြုခံ တပ်ဖွဲ့တို့မှ အလေးပြုခဲ့ကြသည်။

ဆက်လက်၍ နံနက် ၇ နာရီအချိန်တွင် အဆိုပါ ပြည်ထောင်စုရင်ပြင်တွင် ကျင်းပ ပြုလုပ်သည့် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ ဥက္ကဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုးသီရိသုဓမ္မ မင်းအောင်လှိုင်ထံမှ ၂၀၂၅-ခုနှစ်၊ (၇၈)နှစ်မြောက်၊ ပြည်ထောင်စုနေ့ အခမ်းအနားသို့ ပေးပို့လာသည့် သဝဏ်လွှာဖတ်ကြားခြင်း အခမ်းအနားကို ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ် မျိုးမင်းထွန်း၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်နှင့်မြို့နယ် အဆင့်ဌာနဆိုင်ရာ များနှင့်ဝန်ထမ်းများ၊ မုံရွာတက္ကသိုလ်၊ စီးပွားရေးတက္ကသိုလ်၊ ပညာရေးဒီဂရီကောလိပ်နှင့် သူနာပြုနှင့်သား ဖွားသင်တန်းကျောင်းများမှ ကျောင်းသားကျောင်းသူများ၊ အားကစားနှင့် ကာယပညာ သိပ္ပံမှ သင်တန်းသား၊သင်တန်းသူများ၊ လူမူရေးအသင်းအဖွဲ့များ၊ မြို့မိမြို့ဖများနှင့် ဖိတ် ကြားထားသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်၊ တိုင်းမှူးနှင့် အခမ်းအနားသို့ တက်ရောက် လာသူများ၊ ဂုဏ်ပြုခံတပ်ဖွဲ့တို့မှ ပြည်ထောင်စုသမ္မတ မြန်မာနိုင်ငံတော်အလံအား အလေးပြုကြသည်။

ယင်းနောက် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်စီမံအုပ်ချုပ်ရေး ကောင်စီ ဥက္ကဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုး သီရိသုဓမ္မ မင်းအောင်လှိုင်ထံမှ ၂၀၂၅-ခုနှစ်၊ (၇၈)နှစ်မြောက်၊ ပြည်ထောင်စု နေ့ အခမ်း အနားသို့ပေးပို့လာသည့် သဝဏ်လွှာအား တိုင်းဒေသကြီး ဝန်ကြီးချုပ် ဦးမြတ်ကျော်က ဖတ်ကြားပြီး တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက အခမ်းအနားသို့ တက်ရောက် လာသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းမှူးနှင့် အခမ်းအနားသို့ တက် ရောက်လာသူများက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရေကြောင်းရဲတပ်ဖွဲ့၊ ယာဉ်ထိန်းရဲတပ်ဖွဲ့နှင့် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ အန္တရာယ် အသိပညာပေး ပြဘုတ်များ ပြသ ထားရှိမှုများအား ကြည့်ရှုခဲ့ကြောင်း သိရသည်။

မုံရွာ၊ ဖေဖော်ဝါရီ ၁၀

စစ်ကိုင်းတိုင်းဒေသကြီး မြေပြင်ကွင်းဆင်းစာရင်းကောက်ယူရေးဆိုင်ရာ ကိစ္စရပ် များ၊ မဲစာရင်းမှန်ကန်စေရေးကိစ္စရပ်များ လုပ်ငန်းညှိနှိုင်းအစည်း အဝေး(၁/၂၀၂၅)ကို ဖေဖော်ဝါရီလ ၁၀ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်း အဝေး ခန်းမတွင်ကျင်းပပြုလုပ်ရာ အစည်းအဝေးသို့ တိုင်းဒေသကြီး မြေပြင်ကွင်းဆင်းစာရင်း ကောက်ယူရေးကြီးကြပ်မှုကော်မတီ ဒုတိယဉက္ကဌ၊ တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသ ကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး မြေပြင်ကွင်းဆင်းစာရင်း ကောက်ယူရေးကြီးကြပ်မှု ကော်မတီ ဒုတိယဥက္ကဌ၊ တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီး ဝင်းတင်စိုးက အမှာစကားပြောကြားသည်။

ယင်းနောက် တိုင်းဒေသကြီး မြေပြင်ကွင်းဆင်းစာရင်း ကောက်ယူ ရေးကြီးကြပ်မှု ကော်မတီ တွဲဖက်အတွင်းရေးမှူး၊ လူဝင်မှုကြီးကြပ်ရေးနှင့် ပြည်သူ့အင် အားဝန်ကြီးဌာန၊ ညွှန်ကြားရေးမှူး ဦးဆန်းအောင်က မြေပြင်ကွင်းဆင်းစာရင်းကောက်ယူ ရေးဆိုင်ရာကိစ္စ ရပ်များ၊ မဲစာရင်းပြုစုရေးဆိုင်ရာကိစ္စရပ်များနှင့် ပတ်သက်၍ ရှင်းလင်း တင်ပြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်း မြေပြင်ကွင်းဆင်းစာရင်း ကောက်ယူရေးဆိုင်ရာ ကိစ္စရပ်များနှင့် မဲစာရင်းမှန်ကန်စေရေး ကိစ္စရပ်များနှင့် ပတ်သက်၍ အသီးသီးရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဉက္ကဌများ မှ Video Conferencing စနစ်ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌ တို့မှ မိမိတို့ခရိုင်များအလိုက် မြေပြင်ကွင်းဆင်းစာရင်းကောက်ယူရေးဆိုင်ရာ ကိစ္စရပ်များ၊ မဲစာရင်းမှန်ကန်စေရေးကိစ္စရပ်များနှင့် ပတ်သက်၍ ရှင်းလင်းတင်ပြကြသည်။

ယင်းနောက် အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များက တိုင်းဒေသကြီးအတွင်း မြေပြင်ကွင်းဆင်းစာရင်းကောက်ယူရေးဆိုင်ရာ ကိစ္စရပ်များ၊ မဲစာရင်းမှန်ကန်စေရေးကိစ္စရပ်များနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး မြေပြင်ကွင်းဆင်းစာရင်း ကောက်ယူရေးကြီးကြပ်မှု ကော်မတီ ဒုတိယဥက္ကဌ၊ တိုင်းဒေသကြီး လုံခြုံရေးနှင့်နယ်စပ် ရေးရာဝန်ကြီး ဗိုလ်မှူးကြီး ဝင်းတင်စိုးက အစည်းအဝေးသို့တက် ရောက်လာသူများ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ ဖေဖော်ဝါရီ ၈

စစ်ကိုင်းတိုင်းဒေသကြီး မုံရွာမြို့ပေါ်ရှိ အခြေခံ ပညာကျောင်းများတွင် ပညာသင်ကြားနေသည့် ကျောင်းသား/သူများ စိတ်အေးချမ်းသာစွာဖြင့် ကျန်းမာသန်စွမ်းစွာ ပညာ သင်နိုင်ရေးအတွက် ဖေဖော်ဝါရီလ ၈ ရက်၊ နံနက်ပိုင်းတွင် မုံရွာမြို့၊ သလ္လာရပ်ကွက်ရှိ အမှတ်(၄) အခြေခံပညာအထက် တန်း ကျောင်းဝန်းအတွင်းရှိ သစ်ပင်ခြုံနွယ်များ၊ ပေါင်း မြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများရေစီး ရေလာကောင်းမွန်စေရေးတို့အတွက် အထေွထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင် သာယာရေးအဖွဲ့များ၊ လူမူ ရေးအသင်းအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/သူများမှ စုပေါင်း၍ သန့်ရှင်း ရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင် ရွက်နေမှုများအား တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များက သွားရောက်ကြည့် ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေ ပြည်သူများ၊ ဌာနဆိုင်ရာဝန်ထမ်းများ၊ ဆရာ/ဆရာမများနှင့် ကျောင်းသား၊ကျောင်းသူများ အား တန်ဖိုးသင့်စားသောက်ကုန်များ၊ ဟင်းသီး ဟင်းရွက်များနှင့်စားသုံးဆီများအား ဈေး နှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများ ဆောင်ရွက်ခဲ့ကြသူများအား နံနက်စာဖြင့် ကျွေးမွေးဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၀ မြို့နယ်တို့တွင် တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၃၀၀ ကျော်ဖြင့် အခြေခံ ပညာကျောင်းများနှင့် မြို့သန့်ရှင်းသာယာလှပရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ၊ ဖေဖော်ဝါရီ ၇

(၇၈)နှစ်မြောက်၊ ပြည်ထောင်စုနေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်း ဒေသကြီး၊ မုံရွာမြို့၊ ဆူးလေကုန်းရပ်ကွက်ရှိ ပေပင်ကျောင်းလမ်း၊ ဈေးလမ်း၊ ယွန်း ကျောင်းလမ်းနှင့်အောင်မင်္ဂလာရပ်ကွက်၊ မြိုင်ဝေဆာလမ်းစုစုပေါင်း နိုင်လွန်ကတ္တရာ လမ်း ၄ လမ်း ဖွင့်ပွဲအခမ်းအနားကို ဖေဖော်ဝါရီလ ၇ ရက်၊ နံနက်ပိုင်းတွင် အဆိုပါလမ်း သစ်မုခ်ဦးရှေ့တွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ရပ်ကွက်နေ ပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လမ်းပန်းဆက် သွယ်ရေးဝန်ကြီး ဦးခင်မောင်အေး၊ တိုင်းဒေသကြီး စည်ပင်သာယာရေးအဖွဲ့ ညွှန်ကြား ရေးမှူး ဦးသစ်ထူးမြင့်နှင့် မုံရွာခရိုင်စီမံအုပ်ချုပ်ရေးအဖွဲ့ ဥက္ကဌ ဦးကိုကိုလွင်တို့က ဆူးလေကုန်းရပ်ကွက်ရှိ ပေပင်ကျောင်းလမ်း၊ စေျးလမ်း၊ ယွန်းကျောင်းလမ်းနှင့် အောင် မင်္ဂလာရပ်ကွက်၊ မြိုင်ဝေဆာလမ်း စုစုပေါင်း နိုင်လွန်ကတ္တရာလမ်း ၄ လမ်းအား ဖဲကြိုး ဖြတ်ဖွင့်လှစ်ပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါလမ်းဖွင့်ပွဲ မုခ်ဦးရှေ့တွင် စုပေါင်းမှတ်တမ်းတင်ဓါတ်ပုံရိုက်ကူးကာ ဆူးလေကုန်းရပ်ကွက်ရှိ ပေပင် ကျောင်းလမ်း၊ စေျးလမ်း၊ ယွန်းကျောင်းလမ်းနှင့် အောင်မင်္ဂလာရပ်ကွက်၊ မြိုင်ဝေဆာ လမ်း နိုင်လွန်ကတ္တရာလမ်းအား ဖြတ်သန်းကြည့်ရှုစစ်ဆေးခဲ့ကြပြီး ရပ်ကွက်နေပြည် သူများအား ရင်းရင်းနှီးနှီးတွေ့ဆုံ၍ မိတ်ဆက်စကားများ ပြောကြားခဲ့သည်။

အဆိုပါ (၇၈)နှစ်မြောက်၊ ပြည်ထောင်စုနေ့ကို ကြိုဆိုဂုဏ်ပြုသောအားဖြင့် မုံရွာမြို့၊ ဆူးလေကုန်းရပ်ကွက်ရှိ ပေပင်ကျောင်းလမ်းသည် အရှည် - ၁၂၆၀ ပေ၊ အကျယ် - ၁၄ ပေ၊ ၃ လက်မခွဲထု၊ စေျးလမ်းသည် အရှည် - ၁၉၂၀ ပေ၊ အကျယ် - ၁၄ ပေ၊ ၃ လက်မခွဲထု၊ ယွန်းကျောင်းလမ်းသည် အရှည် - ၁၃၇၀ ပေ၊ အကျယ် - ၁၄ ပေ၊ ၃ လက်မခွဲထုနှင့် အောင်မင်္ဂလာ ရပ်ကွက်၊ မြိုင်ဝေဆာလမ်းသည် အရှည် - ၈၅၀ ပေ၊ အကျယ် - ၁၄ ပေ၊ ၃ လက်မခွဲထု နိုင်လွန်ကတ္တရာလမ်းများဖြစ်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အောင် ချမ်းသာရပ်ကွက်ရှိ အမှတ်(၅)အခြေခံပညာထက်တန်းကျောင်းဝန်းအတွင်းရှိ ဘောလုံး ကွင်းပြန်လည်ပြုပြင်နေမှုအား ကြည့်ရှုစစ်ဆေးပြီး KG ကျောင်းသား/သူများကို ကျောင်းတွင်းအာဟာရကျွေးမွေးနေမှုများအား ကြည့်ရှုအားပေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဖေဖော်ဝါရီ ၆

စစ်ကိုင်းတိုင်းဒေသကြီး၊ မုံရွာ-သူနာပြုနှင့်သားဖွားသင်တန်းကျောင်း အပတ်စဉ် (၃၁) သူနာပြုသားဖွားဒီပလိုမာ သင်တန်းသား/သူများ၏ မောင်မယ်သစ်လွင်ကြိုဆိုပွဲ အခမ်းအနားကို ဖေဖော်ဝါရီလ ၆ ရက်၊ နံနက်ပိုင်းတွင် အဆိုပါကျောင်းရှိ သင်တန်း ကျောင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး ကုသရေးနှင့် ပြည်သူ့ကျန်းမာရေးဦးစီးဌာနမှ တိုင်းဒေသကြီးဦးစီးမှူးနှင့် တာဝန်ရှိသူများ၊ မုံရွာမြို့ ကုတင် ၅၀၀ ဆံ့၊ ပြည်သူ့ဆေးရုံးကြီးမှ ဆေးရုံအုပ်ကြီးနှင့် သူနာပြုအုပ်ကြီးများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြည်သူအားလုံး ကျန်းမာကြံ့ ခိုင်ရေးအတွက် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ရာတွင် သူနာပြုများ ၏အခန်းကဏ္ဍသည် အလွန်ပင်အရေးကြီးပါကြောင်း၊ ပြည်သူ့အကျိုးပြု သူနာပြုကောင်း များဖြစ်အောင် ယခုအချိန်ကတည်းစပြီး စာတွေ့၊လက်တွေ့များအား စဉ်ဆက်မပြတ် ဆည်းပူးလေ့လာသွားကြရန် လိုအပ်ပါကြောင်း၊ သင်တန်းကာလ တစ်လျှောက်လုံးတွင် လည်း သိမ့်မွေ့နက်နဲပြီး အမြဲတိုးတက်ပြောင်းလဲနေသည့် သူနာပြုစုမှု ပညာရပ်များအား မျက်ခြေမပြတ် လေ့လာသွားကြရန် လိုအပ်ပါကြောင်း၊ သူနာပြုစုခြင်းလုပ်ငန်းသည် ကုသိုလ်လဲရဝမ်းလည်းဝသည့် မြင့်မြတ်သည့် အသက်မွေးဝမ်း ကျောင်း ပညာရပ်တစ်ခု ဖြစ်ပါကြောင်း၊ မျိုးဆက်သစ်သူနာပြု-သားဖွားတို့သည် သူနာပြု-သား ဖွားအတတ်ပညာ များအားကျွမ်းကျင်ရုံမျှသာမက မိမိတို့လေ့လာသင်ယူရမည့် သူနာပြု-သားဖွားလုပ်ငန်း ဆိုင်ရာလိုက်နာရမည့် ကျင့်ဝတ်များနှင့်စောင့်ထိန်းရမည့် အမူအကျင့်များအတိုင်း ပြည်သူ့ လူထုအား ပြုစုစောင့်ရှောက်သွားကြရန်နှင့် သူနာပြု-သားဖွားပညာရေးအား ဒီပလိုမာ အဆင့်မှသည် ဘွဲ့ကြိုသိပ္ပံဘွဲ့၊ ဘွဲ့လွန်ဒီပလိုမာ၊ မဟာသိပ္ပံဘွဲ့၊ ပါရဂူဘွဲ့များအထိ ပြည် တွင်းတွင်သာမက ပြည်ပသို့ပါ တက်လှမ်းရယူနိုင်ရန် ယခုသင်တန်းတက်ရောက်စဉ် ကာလကတည်းမှ ကြိုးစားအားထုတ်သွားကြရန် လိုအပ်ပါကြောင်း၊ ကျန်းမာရေးစောင့် ရှောက်မှုပေးနေသည့် အရည်အသွေး၊ အဆင့်အတန်းပြောင်းလဲတိုးတက်လာရန် တစ်ဦး နှင့်တစ်ဦး လေးစားစွာဆက်ဆံပြီး ပြည်သူများနှင့် လူနာများ၏အသံ၊ အကြံပြုချက်များ အားအထူးဂရုစိုက်အလေးထားပြီး လူတိုင်းလက်လှမ်းမှီသည့် ကျန်းမာရေးအားစောင့် ရှောက်မှုပေးနိုင်သည့် သူနာပြုကောင်းများဖြစ်အောင် အစွမ်းကုန်ကြိုးစားသွားကြရန် လို အပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ကုသရေးနှင့်ပြည်သူ့ကျန်းမာရေးဦးစီးဌာနမှ တိုင်းဒေ သကြီးဦးစီးမှူး ဒေါက်တာမြင့်ကျော်နှင့် မုံရွာ-သူနာပြုနှင့်သားဖွားသင်တန်းကျောင်းမှ ကျောင်းအုပ်ကြီး ဒေါ်ဆုဆုထိုက်တို့က သစ်လွင်သူနာပြုသင်တန်းသား/သူများအား ကြို ဆိုနှုတ်ခွန်းဆက်စကားများ ပြောကြားကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာ သူများက မုံရွာ- သူနာပြုနှင့်သားဖွားသင်တန်းကျောင်းမှ သင်တန်း သား/သူများ၏ တိုင်း ရင်းသားရိုးရာတေးသီချင်းများနှင့် အမျိုးဂုဏ်၊ဇာတိဂုဏ်မြှင့်တင်ရေး တေးသီချင်းများဖြင့် ကပြဖျော်ဖြေမှုများအား ကြည်ရှု့အားပေးကြပြီး တိုင်းဒေသကြီး လမ်းပန်း ဆက်သွယ်ရေး ဝန်ကြီး ဦးခင်မောင်အေးက မုံရွာ- သူနာပြုနှင့်သားဖွားသင်တန်းကျောင်းမှ ကျောင်းအုပ်ကြီးထံ ဂုဏ်ပြုချီးမြှင့်ငွေများပေးအပ်ကာ သစ်လွင်သင်တန်းသား/သူများကိုယ်စား သင် တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တာဝန်ရှိသူများနှင့်အတူ စုပေါင်းမှတ်တမ်းတင်ဓါတ်ပုံ ရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်က သင်တန်း သား/သူများနှင့် ရင်းရင်းနှီးနှီး တွေ့ဆုံကာ သင်တန်း သား/သူများ၏ လိုအပ်ချက်များအား တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဖေဖော်ဝါရီ ၅

စစ်ကိုင်းတိုင်းဒေသကြီးအတွင်းရှိ အခြေခံပညာ ကျောင်းသား၊ကျောင်းသူများ နှစ် ဆုံးစာမေးပွဲအောင်မြင်စွာဖြေဆိုနိုင်ရေးနှင့် အောင်ချက်မြင့်မားရေး ညှိနှိုင်းအစည်းအဝေး ကိုဖေဖော်ဝါရီလ ၅ ရက်၊ မွန်းလွဲပိုင်းက တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင်ကျင်းပပြုလုပ်ရာ အစည်းအေဝးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသ ကြီး/ခရိုင်/မြို့နယ် ပညာရေးမှူးများနှင့် မုံရွာခရိုင် စီမံအုပ်ချုပ်ရေးအဖွဲ့ ဉက္ကဌနှင့် မုံရွာ မြို့ပေါ်ရှိ အခြေခံပညာကျောင်းများမှ ကျောင်းအုပ်ကြီးများ၊ ကျောင်းသားမိဘများ တက် ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများနှင့် ခရိုင်ပညာရေးမှူးများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က ယခုကာလသည် စာမေးပွဲရာသီသို့ရောက်ရှိ လာပြီးမကြာမီတွင် အခြေခံပညာကျောင်းသား/ကျောင်းသူများအနေဖြင့် နှစ်ဆုံးစာမေး ပွဲများနှင့် တက္ကသိုလ်ဝင်စာမေးပွဲများအား ဖြေဆိုရတော့မည် ဖြစ်ပါကြောင်း၊ အဆိုပါစာ မေးပွဲများအား အောင်မြင်စွာကျင်းပဖြေဆိုနိုင်ရေးနှင့် တက္ကသိုလ်ဝင်သာမေးပွဲ အောင် ချက်မြင့်မားရေးအတွက် ယနေ့အစည်း အဝေးအား ကျင်းပရခြင်းဖြစ်ကြောင်း၊ နှစ်ဆုံးစာ မေးပွဲအားဖြေဆိုကြမည့် ကျောင်းသား ကျောင်းကျောင်းသူများအနေဖြင့် အရည်အချင်းရှိစွာဖြင့် အတန်းစဉ်ကူးပြောင်းနိုင်ရန်နှင့် တက္ကသိုလ်စာမေးပွဲ အောင်ချက်မြင့်မားစေရန် ကျန်ရှိ သည့်ကာလတွင် အားသွန်ခွန်စိုက် ဖတ်မှတ်ကြိုးစားသွားကြရန် လိုအပ်ပါကြောင်း၊ တာဝန်ရှိသူများအနေဖြင့် နွေရာသီကျောင်းပိတ်ရက်များတွင် ကလေးငယ်များအတွက် အကျိုးရှိစေမည့် နွေရာသီသင်တန်းများအား စဉ်ဆက်မပျက်ဖွင့်လှစ် သင်ကြားသွားကြ ရန်လိုအပ်ပါကြောင်း၊ လာမည့်ပညာသင်နှစ်တွင်လည်း ယခုဖွင့်လှစ်နိုင်ခဲ့သည့် ကျောင်း နှင့်ကျောင်းသားဦးရေထက် တိုးချဲ့ဖွင့်လှစ်တက်ရောက်နိုင်ရေးအား ယခုကတည်းကပင် စီမံဆောင်ရွက်သွားကြရန် လိုအပ်ပါကြောင်း၊ ပညာရေးဝန်ထမ်းများအနေဖြင့် ပညာရေး ဆိုင်ရာလုပ်ငန်းများအပါအဝင် မိမိတာဝန်များအား လုပ်ငန်းအားလုံး၏ လုပ်ထုံးလုပ်နည်း နှင့်အညီ ပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး ပညာရေးမှူး ဦးသက်လေးဦးက တိုင်းဒေသကြီး အတွင်းမှခရိုင်/မြို့နယ်များရှိ အခြေခံပညာကျောင်းများတွင် ပညာသင်ကြားနေကြသည့် ကျောင်းသား၊ကျောင်းသူများ နှစ်ဆုံးစာမေးပွဲ အောင်မြင်စွာဖြေဆိုနိုင်ရေးနှင့် အောင်ချက် မြင့်မားရေး လုပ်ငန်းများဆောင်ရွက်နေမှု အခြေအနေများနှင့် ဆက်လက်ဆောင်ရွက် သွားမည့်လုပ်ငန်းအခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် ပညာရေးမှူးများမှ Video Conferencing စနစ်ဖြင့်လည်းကောင်း၊ မုံရွာခရိုင် ပညာရေးမှူးတို့မှ မိမိတို့ခရိုင်များ အတွင်းရှိ အခြေခံပညာ ကျောင်းသား၊ကျောင်းသူများ နှစ်ဆုံးစာမေးပွဲ အောင်မြင်စွာ ဖြေဆိုနိုင်ရေးနှင့် အောင်ချက်မြင့်မားရေးလုပ်ငန်းများ ကြိုတင်စီမံဆောင်ရွက်ထားရှိမှု အခြေအနေများအား ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဉက္ကဌများ မှ Video Conferencing စနစ်ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌများ တို့မှ မိမိတို့ခရိုင်များအတွင်းရှိ အခြေခံပညာ ကျောင်းသား၊ကျောင်းသူများ နှစ်ဆုံးစာမေး ပွဲအောင်မြင်စွာဖြေဆိုနိုင်ရေးနှင့် အောင်ချက်မြင့်မားရေးလုပ်ငန်းများ ပေါင်းစပ်ဖြည့် ဆည်းဆောင်ရွက်ပေးနေမှု အခြေအနေများအား ရှင်းလင်းတင်ပြကြသည်။

ယင်းနောက် အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များက တိုင်းဒေသကြီးအတွင်းရှိ အခြေခံပညာ ကျောင်းသား၊ကျောင်းသူများ နှစ် ဆုံးစာမေးပွဲ အောင်မြင်စွာဖြေဆိုနိုင်ရေးနှင့် အောင်ချက်မြင့်မားရေး လုပ်ငန်းများဆောင် ရွက်နေမှု အခြေအနေများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ ကြောင်း သိရသည်။