မုံရွာ၊ ဖေဖော်ဝါရီ ၅

စစ်ကိုင်းတိုင်းဒေသကြီးအတွင်းရှိ အခြေခံပညာ ကျောင်းသား၊ကျောင်းသူများ နှစ် ဆုံးစာမေးပွဲအောင်မြင်စွာဖြေဆိုနိုင်ရေးနှင့် အောင်ချက်မြင့်မားရေး ညှိနှိုင်းအစည်းအဝေး ကိုဖေဖော်ဝါရီလ ၅ ရက်၊ မွန်းလွဲပိုင်းက တိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင်ကျင်းပပြုလုပ်ရာ အစည်းအေဝးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသ ကြီး/ခရိုင်/မြို့နယ် ပညာရေးမှူးများနှင့် မုံရွာခရိုင် စီမံအုပ်ချုပ်ရေးအဖွဲ့ ဉက္ကဌနှင့် မုံရွာ မြို့ပေါ်ရှိ အခြေခံပညာကျောင်းများမှ ကျောင်းအုပ်ကြီးများ၊ ကျောင်းသားမိဘများ တက် ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများနှင့် ခရိုင်ပညာရေးမှူးများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က ယခုကာလသည် စာမေးပွဲရာသီသို့ရောက်ရှိ လာပြီးမကြာမီတွင် အခြေခံပညာကျောင်းသား/ကျောင်းသူများအနေဖြင့် နှစ်ဆုံးစာမေး ပွဲများနှင့် တက္ကသိုလ်ဝင်စာမေးပွဲများအား ဖြေဆိုရတော့မည် ဖြစ်ပါကြောင်း၊ အဆိုပါစာ မေးပွဲများအား အောင်မြင်စွာကျင်းပဖြေဆိုနိုင်ရေးနှင့် တက္ကသိုလ်ဝင်သာမေးပွဲ အောင် ချက်မြင့်မားရေးအတွက် ယနေ့အစည်း အဝေးအား ကျင်းပရခြင်းဖြစ်ကြောင်း၊ နှစ်ဆုံးစာ မေးပွဲအားဖြေဆိုကြမည့် ကျောင်းသား ကျောင်းကျောင်းသူများအနေဖြင့် အရည်အချင်းရှိစွာဖြင့် အတန်းစဉ်ကူးပြောင်းနိုင်ရန်နှင့် တက္ကသိုလ်စာမေးပွဲ အောင်ချက်မြင့်မားစေရန် ကျန်ရှိ သည့်ကာလတွင် အားသွန်ခွန်စိုက် ဖတ်မှတ်ကြိုးစားသွားကြရန် လိုအပ်ပါကြောင်း၊ တာဝန်ရှိသူများအနေဖြင့် နွေရာသီကျောင်းပိတ်ရက်များတွင် ကလေးငယ်များအတွက် အကျိုးရှိစေမည့် နွေရာသီသင်တန်းများအား စဉ်ဆက်မပျက်ဖွင့်လှစ် သင်ကြားသွားကြ ရန်လိုအပ်ပါကြောင်း၊ လာမည့်ပညာသင်နှစ်တွင်လည်း ယခုဖွင့်လှစ်နိုင်ခဲ့သည့် ကျောင်း နှင့်ကျောင်းသားဦးရေထက် တိုးချဲ့ဖွင့်လှစ်တက်ရောက်နိုင်ရေးအား ယခုကတည်းကပင် စီမံဆောင်ရွက်သွားကြရန် လိုအပ်ပါကြောင်း၊ ပညာရေးဝန်ထမ်းများအနေဖြင့် ပညာရေး ဆိုင်ရာလုပ်ငန်းများအပါအဝင် မိမိတာဝန်များအား လုပ်ငန်းအားလုံး၏ လုပ်ထုံးလုပ်နည်း နှင့်အညီ ပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားသည်။

ယင်းနောက် တိုင်းဒေသကြီး ပညာရေးမှူး ဦးသက်လေးဦးက တိုင်းဒေသကြီး အတွင်းမှခရိုင်/မြို့နယ်များရှိ အခြေခံပညာကျောင်းများတွင် ပညာသင်ကြားနေကြသည့် ကျောင်းသား၊ကျောင်းသူများ နှစ်ဆုံးစာမေးပွဲ အောင်မြင်စွာဖြေဆိုနိုင်ရေးနှင့် အောင်ချက် မြင့်မားရေး လုပ်ငန်းများဆောင်ရွက်နေမှု အခြေအနေများနှင့် ဆက်လက်ဆောင်ရွက် သွားမည့်လုပ်ငန်းအခြေအနေများအား Power Point ဖြင့် ရှင်းလင်းတင်ပြသည်။

ဆက်လက်၍ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် ပညာရေးမှူးများမှ Video Conferencing စနစ်ဖြင့်လည်းကောင်း၊ မုံရွာခရိုင် ပညာရေးမှူးတို့မှ မိမိတို့ခရိုင်များ အတွင်းရှိ အခြေခံပညာ ကျောင်းသား၊ကျောင်းသူများ နှစ်ဆုံးစာမေးပွဲ အောင်မြင်စွာ ဖြေဆိုနိုင်ရေးနှင့် အောင်ချက်မြင့်မားရေးလုပ်ငန်းများ ကြိုတင်စီမံဆောင်ရွက်ထားရှိမှု အခြေအနေများအား ရှင်းလင်းတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဉက္ကဌများ မှ Video Conferencing စနစ်ဖြင့်လည်းကောင်း၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌများ တို့မှ မိမိတို့ခရိုင်များအတွင်းရှိ အခြေခံပညာ ကျောင်းသား၊ကျောင်းသူများ နှစ်ဆုံးစာမေး ပွဲအောင်မြင်စွာဖြေဆိုနိုင်ရေးနှင့် အောင်ချက်မြင့်မားရေးလုပ်ငန်းများ ပေါင်းစပ်ဖြည့် ဆည်းဆောင်ရွက်ပေးနေမှု အခြေအနေများအား ရှင်းလင်းတင်ပြကြသည်။

ယင်းနောက် အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရ အဖွဲ့ဝင်များက တိုင်းဒေသကြီးအတွင်းရှိ အခြေခံပညာ ကျောင်းသား၊ကျောင်းသူများ နှစ် ဆုံးစာမေးပွဲ အောင်မြင်စွာဖြေဆိုနိုင်ရေးနှင့် အောင်ချက်မြင့်မားရေး လုပ်ငန်းများဆောင် ရွက်နေမှု အခြေအနေများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့တက် ရောက်လာသူ များ၏ အသီးသီးဖြည့်စွက်ဆွေးနွေး အကြံပြုတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားခဲ့ ကြောင်း သိရသည်။

မုံရွာ၊ ဖေဖော်ဝါရီ ၅

၂၀၂၅-ခုနှစ်၊(၇၈)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်းဒေသကြီး၊ မုံရွာမြို့၊ ဒေါနခြံရပ်ကွက်၊ အမှတ်(၂) အခြေခံ ပညာအထက်တန်း ကျောင်းရှိ “ရွှေပြည်စိုး”(၂)ထပ်ကျောင်းဆောင်သစ် ဖွင့်ပွဲအခမ်းအနားကို ဖေဖော်ဝါရီလ ၄ ရက်၊ နံနက်ပိုင်းတွင် အဆိုပါကျောင်းရှိ ကျောင်းဆောင်သစ်ရှေ့တွင် ကျင်းပရာ ဖွင့်ပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူ ကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်း အုပ်ကြီးများ၊ ဆရာ၊ ဆရာမများ၊ ကျောင်းသားမိဘများနှင့် ကျောင်းသား ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီး ပညာရေးမှူး ဦးသက်လေးဦးနှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဌ ဦးကိုကိုလွင်တို့က ၂၀၂၅-ခုနှစ်၊(၇၈)နှစ်မြောက် ပြည်ထောင်စုနေ့ကိုကြိုဆိုဂုဏ်ပြုသောအားဖြင့် “ရွှေပြည်စိုး”(၂)ထပ်ကျောင်းဆောင်သစ်အား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိ သူများက “ရွှေပြည်စိုး”(၂) ထပ်ကျောင်းဆောင်သစ်အတွင်း လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းရှိ သလ္လာဝတီခန်းမတွင် ကျင်းပပြုလုပ်သည့် ၂၀၂၅-ခုနှစ်၊(၇၈)နှစ်မြောက် ပြည် ထောင်စုနေ့ကို ကြိုဆိုဂုဏ်ပြုသောအားဖြင့် အမှတ်(၂)အခြေခံပညာ အထက် တန်း ကျောင်းရှိ “ရွှေပြည်စိုး”(၂)ထပ် ကျောင်းဆောင်သစ်နှင့် အိုးဘိုတောင်ရပ်ကွက်၊ အခြေခံပ ညာအထက်တန်းကျောင်း(ခွဲ)ရှိ “မဟော်သဓာ”(၂)ထပ် ကျောင်းဆောင်သစ်များအား ပညာရေးဌာနသို့ လွှဲပြောင်းပေးအပ်ပွဲ အခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က ပြည်ထောင်စု နေ့သည် မြန်မာနိုင်ငံ၏ အနာ ဂတ်အားပုံဖော်ပေးမည့် မျိုးဆက်သစ်လူငယ်များအတွက် အထူးအရေးကြီးသည့် နေ့ထူးနေ့မြတ် ဖြစ်ပါကြောင်း၊ လူငယ်များအတွက် ပြည်ထောင်စုနေ့သည် အတိတ်ကသင်ခန်း စာများအား တွေးတောဆင်ခြင်ပြီး တိုင်းရင်းသားစည်းလုံး ညီညွတ်ရေးအား ဖော်ဆောင် ပေးရေးသည် လူငယ်များ၏ အခန်းကဏ္ဍဖြစ်ပါကြောင်း၊ အဆိုပါအချက်များကြောင့် လူငယ်များအား ပြုစုပျိုးထောင်ပေးနေသည့် စာသင် ကျောင်းများသည် အရေးပါသည့် အခန်းကဏ္ဍတွင် ရှိနေပါကြောင်း၊ ကျောင်းတစ်ကျောင်းဆိုသည်မှာ ကျောင်းသား၊ ကျောင်းသူ၊ မိဘ၊ ရပ်ရွာ၊ နိုင်ငံတော်အစိုးရနှင့် ဘာသာရေး၊ လူမှုရေး၊ အသင်းအဖွဲ့ အသီး သီးတို့၏မျှော်လင့်ချက်၊ ရည်မှန်းချက်တို့များစွာထားရှိသည့် နေရာတစ်ခုလည်း ဖြစ်ပါ ကြောင်း၊ ကလေးများ၏အနာဂတ် ပိုမိုတောက်ပရေးအား လိုလားအားပေးသူအားလုံးမှ ယနေ့လွှဲပြောင်းပေးအပ်သည့် ကျောင်းဆောင်သစ်များအပါအဝင် အခြေခံပညာကျောင်း များတွင်ရှိသည့် ကျောင်းဆောင်များ၊ အခြေခံအဆောက်အအုံများ၊ သင်ကြားသင်ယူမှု အထောက်အကူပြုပစ္စည်းများအား မပျက်စီးရအောင်နှင့် ရေရှည်တည်တံ့အသုံး ပြုနိုင် အောင်အတူအကွ ဝိုင်းဝန်းထိန်းသိမ်း စောင့်ရှောက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးက ကျောင်းဆောင်သစ်များ တည် ဆောက်ရေးလုပ်ငန်းများနှင့် ပတ်သက်၍ ရှင်းလင်းပြောကြားပြီး ကျောင်းဆောင်သစ်များအား တာဝန်ယူတည်ဆောက်ခဲ့သည့် ကုမ္ပဏီများမှတာဝန်ရှိသူများက သက်ဆိုင်ရာ ကျောင်းအုပ်ကြီးများထံ ကျောင်းဆောင်သစ်များနှင့်ပတ်သက်သည့် စာရွက်စာတမ်းများ အား လွှဲပြောင်းပေးအပ်ကြသည်။

ထို့နောက် သက်ဆိုင်ရာကျောင်းများမှ ကျောင်းကော်မတီဝင်များက ကျေးဇူးတင် စကားပြန်လည်ပြောကြားကြသည်။

ဆက်လက်၍ တိုင်ဒေသကြီး ဝန်ကြီးချုပ်နှင့် တာဝန် ရှိသူများထံ ကျောင်းဆောင် သစ်တည်ဆောက်ရေး တာဝန်ခံများမှ ကျောင်းဆောင်သစ်များဖွင့်ပွဲ အထိမ်းအမှတ်အလံ များအား ပေးအပ်ခဲ့ကြပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူး ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အိုးဘို တောင်ရပ်ကွက်၊ အခြေခံပညာအထက်တန်း(ခွဲ)ရှိ “မဟော်သဓာ” (၂)ထပ် ကျောင်းဆောင် သစ်ဖွင့်ပွဲအခမ်းအနားသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာရာ ဝန်ကြီး ဦးညွန့်ဝင်းအောင်၊ တိုင်းဒေသကြီး ပညာရေးမှူး ဦးသက်လေးဦးနှင့် မုံရွာခရိုင် စီမံအုပ်ချုပ်ရေး၏အဖွဲ့ ဥက္ကဌ ဦးကိုကိုလွင်တို့က ၂၀၂၅-ခုနှစ်၊(၇၈)နှစ်မြောက် ပြည် ထောင်စုနေ့ကို ကြိုဆိုဂုဏ်ပြုသောအားဖြင့် “မဟော်သဓာ”(၂)ထပ်ကျောင်းဆောင်သစ် အားဖဲကြိုးဖြတ် ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်က ကျောင်းဆောင်သစ်ဖွင့်ပွဲများတွင် ပါဝင်ကူညီခဲ့သည့် ဘင်ခရာ/ပန်းပွားအဖွဲ့အား ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ပြီး တာဝန်ရှိသူများနှင့်အတူ အဆိုပါကျောင်းဆောင်သစ်ရှေ့တွင် စုပေါင်းမှတ်တမ်းတင် ဓါတ် ပုံရိုက်ကူးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက “မဟော်သဓာ”(၂) ထပ်ကျောင်းဆောင်သစ်အတွင်း လိုက်လံကြည့်ရှုစစ်ဆေးခဲ့ကြပြီး ကျောင်းသားမိဘများ နှင့်ရင်းရင်းနှီးနှီးတွေ့ဆုံပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ ၂၀၂၅-ခုနှစ်၊(၇၈)နှစ်မြောက် ပြည်ထောင်စု နေ့ကို ကြိုဆိုဂုဏ်ပြုသော အားဖြင့် မုံရွာမြို့၊ ဒေါနခြံရပ်ကွက်ရှိ အမှတ်(၂)အခြေခံပညာအထက်တန်းကျောင်း “ရွှေပြည်စိုး”(၂)ထပ်ကျောင်းဆောင်သစ်သည် အလျား - ၁၂၀ ပေ၊ အနံ - ၃၀ ပေ၊ RCC ၂ ထပ် ကျောင်းဆောင်သစ်ဖြစ်ပြီး အိုးဘိုတောင်ရပ်ကွက်ရှိ အခြေခံပညာအထက်တန်း ကျောင်း(ခွဲ)ရှိ “မဟော်သဓာ”(၂)ထပ် ကျောင်း ဆောင်သစ်သည် အလျား - ၉၀ ပေ၊ အနံ - ၃၀ ပေ၊ RCC ၂ ထပ် ကျောင်းဆောင်သစ်များဖြစ်ကြောင်း သိရသည်။

မုံရွာ၊ ဖေဖော်ဝါရီ ၄

စစ်ကိုင်းတိုင်းဒေသကြီး၊ မုံရွာပညာရေးဒီဂရီကောလိပ် ၂၀၂၅-ခုနှစ်၊ (၇၈)နှစ် မြောက် ပြည်ထောင်စု နေ့အကြို အားကစားပြိုင်ပွဲများ ဖွင့်ပွဲအခမ်းအနားကို ဖေဖော်ဝါရီလ ၄ ရက်၊ နံနက်ပိုင်းတွင် စစ်ကိုင်း တိုင်းဒေသကြီး၊ အဆိုပါကျောင်းရှိ အားကစားကွင်း တွင်ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာ ပညာရေးဒီဂရီကောလိပ်မှ ကျောင်းအုပ်ကြီးနှင့် ဆရာ၊ဆရာမများ၊ ကျောင်းသား ကျောင်းသူများ၊ ပြိုင်ပွဲဝင်အသင်းအုပ်ချုပ်သူများနှင့် အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လူမှုရေးရာရာ ဝန်ကြီး ဦးညွန့်ဝင်းအောင်နှင့် မုံရွာပညာဒီဂရီကောလိပ် ကျောင်းအုပ်ဆရာမကြီးတို့က ၂၀၂၅-ခုနှစ်၊ (၇၈)နှစ်မြောက် ပြည်ထောင်စုနေ့အကြို အားကစားပြိုင်ပွဲများအား ဖဲကြိုး ဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ကျောင်းသား ကျောင်းသူမောင်တို့မယ်တို့အနေဖြင့် မုံရွာပညာရေးဒီဂရီကောလိပ်မှ သင်တန်းပြီးဆုံးပါက တာဝန်ကျရာ ဒေသအသီးသီးရှိ အခြေခံပညာကျောင်းများတွင် မိဘပြည်သူများ၏ အသိပညာဗဟု သုတပြန့်ပွားရေး၊ လူမှုရေး၊ စီးပွားရေး၊ ကျန်းမာရေးနှင့် အားကစားကဏ္ဍများတွင်လည်း ပါဝင်ဆောင်ရွက်သွားကြရန် လိုအပ်ပါကြောင်း၊ ကျောင်းသား ကျောင်းသူများအနေဖြင့် ဘက်စုံ ဖွံ့ဖြိုးတိုးတက်သည့် နိုင်ငံ့သားကောင်းများဖြစ်ကြရန် ဗလငါးတန်နှင့်ပြည့်စုံသည့် ဆရာ၊ ဆရာမများဖြစ်စေရေး ကြိုးပမ်းပြင်ဆင်ထားကြရန် လိုအပ်ပါကြောင်း၊ နိုင်ငံတော်အနေ ဖြင့်ယခုလိုအားကစားပြိုင်ပွဲများ ကျင်းပဆောင်ရွက်ပေးခြင်းသည် ကျောင်းသား၊ ကျောင်းသူများအားကျန်းမာကြံ့ခိုင်သည့် နိုင်ငံ့သားကောင်းများ ဖြစ်လာစေရန်၊ မျိုးဆက် သစ်အားကစားသမားများ မွေးထုတ်ပေးနိုင်ရန် မျှော်မှန်ချက်ထားရှိပြီး အားကစား သမားချင်းချင်း ပူးပေါင်းဆောင်ရွက်တတ်ရန်နှင့် တိုင်းချစ်၊ ပြည်ချစ်၊ မျိုးချစ်စိတ်ဓါတ်များ ရှင်သန်ထက် မြက်လာစေရန်စသည့် ရည်ရွယ်ချက်များဖြင့် ကျင်းပဆောင်ရွက်ပေးရခြင်း ဖြစ်ပါကြောင်း၊ အားကစားပြိုင်ပွဲများကျင်းပရာတွင် ဆရာ၊ ဆရာမများနှင့် ကျောင်း သား ကျောင်းသူများအားလုံး ပျော်ပျော်ရွှင်ရွှင်ဖြင့် ယှဉ်ပြိုင်ကစားသွားကြရန်နှင့် ပေါင်းစည်း ချစ်ကြည် လက်တွဲညီ ပြည်ထောင်စု ၏ပန်းတိုင်ဆီသို့ ဦးတည်လျှောက်လှမ်းသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ပြိုင်ပွဲဝင်အသင်းများမှ အားကစားသမားများက အားကစားသစ္စာအဓိဌာန်ရွတ်ဆိုကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပြိုင်ပွဲဝင် အသင်းများအား ရင်းရင်းနှီးနှီးလိုက်လံနှုတ်ဆက်ခဲ့ကြပြီး မုံရွာပညာရေးဒီဂရီကောလိပ်မှ ကျောင်းသား ကျောင်းသူများက Fitness Dance အကဖြင့် ကပြဖျော်ဖြေကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသား၊ အမျိုး သမီး မီတာ ၁၀၀၊ မီတာ ၂၀၀ အပြေးပြိုင်ပွဲနှင့် အမျိုးသား အမျိုးသမီး လွန်ဆွဲပြိုင်ပွဲ ယှဉ် ပြိုင်နေမှုများအား ကြည့်ရှုအားပေးကြသည်။

ထို့နောက် ဆုချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဝန်ကြီးချုပ်က အမျိုးသား၊ အမျိုး သမီး လွန်ဆွဲပြိုင်ပွဲတွင် ပထမဆုရရှိကြသည့် အသင်းများအား လည်း ကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက အမျိုးသား၊ အမျိုးသမီး Fitness Dance ပြိုင်ပွဲတွင် ပထမဆုရရှိသူများအား လည်ကောင်း၊ တိုင်းဒေသကြီး လူမှု ရေးရာဝန်ကြီးက အမျိုးသား အမျိုးသမီး မီတာ ၁၅၀၀ အပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသူများအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန် ကြီးက အမျိုးသား အမျိုးသမီး မီတာ ၈၀၀ အပြေးပြိုင်ပွဲတွင် ပထမ၊ ဒုတိယ၊ တတိယ ဆုရရှိကြသူများအား လည်း ကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက အမျိုးသား အမျိုးသမီး မီတာ ၄၀၀ အပြေးပြိုင်ပွဲတွင် ပထမ၊ ဒုတိယ၊ တတိယဆုရရှိကြသူများ အားလည်းကောင်း ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များ အသီးသီးပေးအပ်ချီး မြှင့်ကြသည်။

ဆက်လက်ပြီး မုံရွာတက္ကသိုလ် ပါမောက္ခချုပ်၊ တိုင်းဒေသကြီးအဆင့် ဌာနဆိုင်ရာ များနှင့် မုံရွာပညာရေးဒီဂရီကောလိပ်မှ ကျောင်းအုပ်ကြီးတို့က အမျိုးသား၊အမျိုးသမီး မီတာ ၂၀၀ ၊ မီတာ ၁၀၀ ၊ လှံတံပစ်၊ သံလုံးပစ် ပြိုင်ပွဲများတွင် ပထမ၊ ဒုတိယ၊ တတိယဆု ရရှိကြသူများအား ဂုဏ်ပြုချီးမြှင့်ငွေများနှင့်ဂုဏ်ပြုလက်မှတ်များ အသီးသီးပေးအပ်ချီး မြှင့်ကြပြီး တိုင်းဒေသကြီး လူမှုရေးရာဝန်ကြီးက မုံရွာပညာရေးဒီဂရီကောလိပ်မှ ကျောင်း အုပ်ဆရာမကြီးထံ ဂုဏ်ပြုချီးမြှင့်ငွေကျပ် ၁၀ သိန်းအား ပေးအပ် ချီးမြှင့်ခဲ့ကြောင်း သိရသည်။

မုံရွာ၊ ဖေဖော်ဝါရီ ၃

စစ်ကိုင်းတိုင်းဒေသကြီး၊ ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်း အမှတ်စဉ်(၁/၂၀၂၅) ဖွင့်ပွဲ အခမ်းအနားကို ဖေဖော်ဝါရီလ ၃ ရက်၊ နံနက်ပိုင်းတွင် တိုင်းဒေ သကြီး ပတ်ဝန်းကျင်ထိန်းသိမ်းရေးဦးစီးဌာနရုံးရှိ သင်တန်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး ပတ်ဝန်းကျင်ထိန်းသိမ်း ရေးဦးစီးဌာနမှ အရာထမ်း၊အမှုထမ်းများနှင့် သင်တန်းသား၊သူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံတော်ဖွံ့ဖြိုးတိုးတက်ရေး အတွက်ပြည်တွင်း၊ ပြည်ပရင်းနှီးမြှုပ်နှံမှုများအား ခွင့်ပြုလုပ်ကိုင်ဆောင်ရွက်ရာတွင် နိုင်ငံ တော်မှပြဌာန်းထားသည့် မူဝါဒ၊ ဥပဒေ၊ နည်းဥပဒေ၊ လုပ်ထုံးလုပ်နည်းများနှင့်အညီ ပတ် ဝန်းကျင်ထိန်းသိမ်းရေးဆိုင်ရာလုပ်ငန်းများအား စနစ်တကျလုပ်ကိုင်ဆောင်ရွက် တတ်စေ ရန်၊ပတ်ဝန်းကျင်ထိန်းသိမ်းရေးနှင့် စီမံခန့်ခွဲမှုဆိုင်ရာလုပ်ငန်းများအား ကောင်းမွန်စွာသိရှိ နားလည်ပြီး လုပ်ငန်းစွမ်းဆောင်ရည် တိုးတက်မြင့်မားလာစေရန်အတွက် ယခုသင်တန်း အားဖွင့်လှစ်ပေးရခြင်း ဖြစ်ပါကြောင်း၊ သင်တန်းသား ကျောင်းသူများအနေဖြင့် သင်တန်းပြီးဆုံးပါက လက်တွေ့နယ်ပယ်တွင် အသုံးချနိုင်ရေးအတွက် ပတ်ဝန်းကျင်ထိန်းသိမ်းရေးဆိုင်ရာ ဘာသာရပ်များနှင့် ဝန်ထမ်းစည်းမျဉ်းစည်းကမ်းများအား သိရှိနားလည်ပြီး သဘာဝပတ် ဝန်းကျင်၏ ဂေဟစနစ်တန်ဖိုးများအား အလေးထားဆောင်ရွက်သွားကြရန် လိုအပ်ပါ ကြောင်း၊ ပြည်သူလူထု၊ လုပ်ငန်းရှင်များ၊ အရပ်ဖက်အဖွဲ့အစည်းများနှင့် ပတ်ဝန်းကျင် ထိန်းသိမ်းရေးဆိုင်ရာ ကိစ္စရပ်များဆောင်ရွက်ရာတွင် ဌာနဆိုင်ရာအချင်းချင်း ပူးပေါင်း ဆောင် ရွက်မှုဖြင့် သဘာဝပတ်ဝန်းကျင်ထိန်းသိမ်းရေးဆိုင်ရာလုပ်ငန်းများ ပိုမိုမြှင့်တင် ဆောင်ရွက်သွားနိုင်မည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ပတ်ဝန်းကျင်ထိန်း သိမ်းရေးဦးစီးဌာန၊ ညွှန်ကြားရေး မှူး ဦးအောင်ဇော်မြင့်က ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်းဖွင့်လှစ်ရ ခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သင်တန်းသား/သူ များနှင့်စုပေါင်း မှတ်တမ်းဓါတ်ပုံရိုက်ကူးကာ ဖွင့်ပွဲအခမ်း အနားအား ရုပ်သိမ်းခဲ့ကြသည်။

အဆိုပါ ပတ်ဝန်းကျင်ထိန်းသိမ်းရေးဆိုင်ရာ မွမ်းမံသင်တန်း(၁/၂၀၂၅)အား ဖေဖော်ဝါရီလ ၃ ရက်နေ့မှ ၁၈ နေ့အထိ ၁၁ ရက်ကြာ သင်တန်းသား/သူ ၃၅ ဦးဖြင့် စာတွေ့လက်တွေ့ သင်ကြားပို့ချပေးသွားမည်ဖြစ်သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ချမ်းမြဝ တီရပ်ကွက်ရှိ မြေ ၃၀ ဧကအကျယ်တွင် မုံရွာမြို့နှင့်အနီးဝန်းကျင်ရှိ ကျေးရွာများမှ ပြည် သူများအားလပ်ရက်များတွင် အပန်းဖြေအနားယူနေနိုင်ရန်အတွက် မုံရွာမြို့နယ်၊ စည်ပင် သာယာရေးအဖွဲ့မှ တာဝန်ယူတည်ဆောက်နေသည့် ပြည်သူ့ဉယျာဉ်တည် ဆောက်ရေးလုပ်ငန်း ခွင်သို့ ရောက်ရှိရာ တိုင်းဒေသကြီး စည်ပင်သာယာ ရေးအဖွဲ့မှ ညွှန်ကြားရေးမှူး ဦးသစ်ထူးမြင့်က ပြည်သူ့ဥယျာဉ်မျက်နှာစာ နိုင်လွန်ကတ္တရာခင်းခြင်းလုပ်ငန်း၊ အုတ်စီ ရေမြောင်းပြုလုပ်ခြင်းလုပ်ငန်း၊ အခြေခံအလွှာပြုပြင်ခြင်းလုပ်ငန်းနှင့် မုခ်ဦးတည်ဆောက် ခြင်းလုပ်ငန်းများ ဆောင်ရွက်သွားမည့် အခြေအနေများအား ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က တည်ဆောက်လုပ်ငန်းများ သတ်မှတ် ဘဏ္ဍာနှစ်တွင် စံချိန်စံညွှန်းမီ အရည်အသွေးကောင်းမွန်စွာဖြင့် တည်ဆောက်ပြီးစီးရေး၊ လုပ်ငန်းခွင်အန္တရာယ် ကင်းရှင်းရေးတို့အား အလေးထားဆောင်ရွက်သွားကြရန် မှာကြား ကာ တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဖေဖော်ဝါရီ ၂

စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော မုံရွာမြို့ပေါ်ရှိ ပရိယတ္တိ စာသင်တိုက်ကြီး ၄ တိုက်မှ ဆရာတော်၊ သံဃာတော်များအား ဆွမ်းနှင့်ဆွမ်းဟင်း လောင်းလှူပွဲနှင့် သီလရှင်ကျောင်း ၉ ကျောင်းမှ သီလရှင်ဆရာကြီး/ ဆရာလေးများအား ဆွမ်းဆန်စိမ်းလောင်းလှူပွဲ အခမ်းအနားကို ဖေဖော်ဝါရီလ ၂ ရက်၊ နံနက်ပိုင်းက တိုင်းဒေသကြီး အစိုးရအဖွဲ့ရုံးဝန်းအတွင်း ကျင်းပရာ ဆွမ်း၊ဆွမ်းဟင်းနှင့် ဆွမ်းဆန်စိမ်း လောင်းလှူပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့်ဇနီးများ၊ တိုင်းဒေသကြီး အဆင့်ဌာနဆိုင်ရာများမှ အရာထမ်း၊အမှုထမ်း များ၊ တိုင်းဒေသကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေထွေအုပ်ချုပ် ရေးဦးစီးဌာနမှ အရာထမ်း၊အမှုထမ်းများနှင့်မိသားစုဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများက ဆွမ်း၊ဆွမ်းဟင်းနှင့်ဆွမ်းဆန် စိမ်းလောင်းလှူပွဲသို့ လာရောက်လောင်းလှူ ကြသည့် တိုင်းဒေသကြီးအဆင့် ဌာနဆိုင်ရာများနှင့် အရာထမ်း၊အမှုထမ်းများ၊ တိုင်းဒေသ ကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာနမှ အရာထမ်း၊အမှုထမ်းများ၊ မိသားစုဝင်များမှ ဆွမ်း၊ဆွမ်းဟင်းနှင့်ဆွမ်းဆန်စိမ်းများ လောင်းလှူရန် ပြင်ဆင်နေမှုများအား လိုက်လံကြည့်ရှုအားပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင် များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရဖွဲ့ရုံး နှင့်တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာနမှ အရာထမ်း၊အမှုထမ်း များနှင့်မိသားစုဝင်များက ပင့်သံဃာဆရာတော်၊ သံဃာတော်များအား ဆွမ်း၊ဆွမ်းဟင်း၊ သစ်သီး၊အချိုပွဲများနှင့်ဝတ္ထုငွေများအား လောင်းလှူခြင်းနှင့် သီလရှင်ဆရာကြီး၊ ဆရာလေးများအား ဆွမ်းဆန်စိမ်း၊စားသုံးဆီနှင့် ဝတ္ထုငွေများအား လောင်းလှူကြသည်။

အဆိုပါ စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော မုံရွာမြို့ပေါ်ရှိ ဆရာတော်၊သံဃာတော်များနှင့် သီလရှင်ဆရာကြီး၊ ဆရာလေးများအား ဆွမ်းနှင့်ဆွမ်း ဟင်း၊ ဆွမ်းဆန်စိမ်းလောင်းလှူပွဲအား တိုင်းဒေသကြီးအစိုးရအဖွဲ့ရှိ ဝန်ကြီးဌာနများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ ဝန်ထမ်းများနှင့်မိသားစုဝင်များမှ လစဉ် လောင်းလှူသွားမည်ဖြစ်ကြောင်း သိရသည်။

မုံရွာ၊ ဖေဖော်ဝါရီ ၁

စစ်ကိုင်းတိုင်းဒေသကြီး မုံရွာမြို့ပေါ်ရှိ အခြေခံပညာကျောင်းများတွင် ပညာသင် ကြားနေသည့် ကျောင်းသား/သူများ စိတ်အေးချမ်းသာစွာဖြင့် ကျန်းမာသန်စွမ်းစွာ ပညာ သင်နိုင်ရေးအတွက် ဖေဖော်ဝါရီလ ၁ ရက်၊ နံနက်ပိုင်းတွင် မုံရွာမြို့၊ အလုံရပ်ကွက်ရှိ အမှတ်(၁) အခြေခံပညာအထက်တန်းကျောင်း(အလုံ)ကျောင်းဝန်းအတွင်းရှိ သစ်ပင်ခြုံ နွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ် မြောင်းများရေစီး ရေလာကောင်းမွန်စေရေးတို့အတွက် အထေွထွေအုပ်ချုပ်ရေးဦးစီးဌာန မှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေး အဖွဲ့များ၊ လူမူရေးအသင်းအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ ဝန်ထမ်းများ၊ ဆရာ/ဆရာမများ၊ ကျောင်းသားမိဘများနှင့် ကျောင်းသား/သူများမှ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသ ကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များက သွားရောက်ကြည့် ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေ ပြည်သူများ၊ ဌာနဆိုင်ရာဝန်ထမ်းများ၊ ဆရာ/ဆရာမများနှင့် ကျောင်းသား၊ကျောင်းသူများ အား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးပြီး စုပေါင်းသန့်ရှင်းရေး လုပ်ငန်းများ ဆောင်ရွက်ခဲ့ကြသူများအား နံနက်စာဖြင့် ကျွေးမွေးဧည့်ခံခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၀ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစု
ပေါင်းအင်အား ၁၂၀၀ ကျော်ဖြင့် အခြေခံပညာကျောင်းများနှင့် မြို့သန့်ရှင်းသာယာလှပ ရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။