မုံရွာ နိုဝင်ဘာ ၁၅

စစ်ကိုင်းတိုင်းဒေသကြီး အစိုးရအဖွဲ့ကကြီးမှူးကျင်းပသည့် ၁၃၈၆ ခုနှစ် ၊( ၂၀၂၄ ခုနှစ်) တန်ဆောင်တိုင် မီးပုံးပျံလွှတ်ပူဇော်ပွဲနှင့် စတုဒီသာဧည့်ခံကျွေးမွေးပွဲ အခမ်းအနားကို ယနေ့ညနေပိုင်းက စစ်ကိုင်းတိုင်းဒေသကြီး မုံရွာမြို့ ကန်သာယာ ပြည်ထောင်စုကျွန်းရင်ပြင်တွင် ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဦးမြတ်ကျော် နှင့်ဇနီး၊ ၊ တိုင်းဒေသကြီး တရားလွှတ်တော် တရားသူကြီးချုပ် ဦးဇော်ထူး၊ တိုင်းဒေသကြီးအစိုးရအဖွဲ့ဝင် ဝန်ကြီးများ နှင့် တိုင်းဒေသကြီး ခရိုင် မြို့နယ်အဆင့် ဌာနဆိုင်ရာများ၊ ဒေသခံပြည်သူများ တက်ရောက်ခဲ့ကြကြောင်း သိရှိရသည်။

ရှေးဦးစွာ ဝန်ကြီးချုပ်နှင့်တာဝန်ရှိသူများက မီးပုံးပျံကွင်းအတွင်း ဖျော်ဖြေနေမှုများ ၊ စတုဒီသာမဏ္ဍပ်များအား လိုက်လံကြည့်ရှု့အားပေးကာ အသီးသီးနေရာယူ ခဲ့ကြပြီးနောက် မီးပုံးပျံလွှတ်တင်ပူဇော်ပွဲအခမ်းအနားကို ကျင်းပရာ မီးပုံးပျံလွှတ်တော်ပူဇော်ရေး လုပ်ငန်းကော်မတီ အဖွဲ့ဝင်များကသတ်မှတ် အစီအစဉ်အတိုင်း ပထမအကြိမ် အမြင့် ၁၂ ပေရှိ အလှ မီးပုံးပျံအကြီး အလုံး ၄၀၊ ဒုတိယအကြိမ် အမြင့် ၁၂ ပေရှိ အလှ မီးပုံးပျံအကြီး အလုံး ၄၀ကိုလည်း‌ကောင်း ၊ ဆက်လက်ပြီး တစ်ကြိမ်လျှင် မီးပုံးပျံအသေး အလုံး ၅၀ စီဖြင့် စုစုပေါင်း၆ ကြိမ် မီး ပုံး ပျံ အလုံး‌ ရေ ၃၀၀ ကိုလည်းကောင်း လွှတ်တင်ပူဇော်ခဲ့ကြရာ ဝန်ကြီးချုပ်နှင့် တက်ရောက်လာကြသည့် ဧည့်သည်တော်များက ပျော်ရွှင်စွာ ကြည့်ရှုအားပေးခဲ့‌ကြသည်။

အဆိုပါမီးပုံးပျံလွှတ်ပူဇော်ပွဲသို့ တက်ရောက်လာကြသည့် ဧည့်ပရိသတ်များအား စစ်ကိုင်းတိုင်းဒေသကြီးအစိုးရအဖွဲ့ နှင့် တိုင်းဒေသကြီးအစိုးရ အဖွဲ့ဝင်ဝန်ကြီးများ၊ တိုင်းဒေသကြီး ဥပဒေချုပ်၊ တိုင်းဒေသကြီးအထွေထွေအုပ်ချုပ်ရေးဦးစီးဌာန၊ တိုင်းဒေသကြီးစည်ပင်သာယာရေးအဖွဲ့ တို့မှ စတုဒီသာများဖြင့် ဧည့်ခံကျွေးမွေးခဲ့ကြပြီး တိုင်းဒေသကြီးတိုင်းရင်းသားရေးရာဝန်ကြီးဌာနက ရှမ်းရိုးရာအကတို့ဖြင့်လည်းကောင်း၊ မုံရွာမြို့ပေါ်ရှိ အနုပညာရှင်များက ဦးရွှေရိုးအက၊ တစ်ပင်တိုင်အက ၊ ပဒေသာအက တို့ဖြင့်လည်းကောင်း ၊မုံရွာမြို့ မိုးဇော် ဆင်အကအဖွဲ့မှ ဆင်အကတို့ဖြင့်လည်းကောင်း ဧည့်ခံဖျော်ဖြေခဲ့ကြ ကြောင်းသိရှိရပြီး အခမ်းအနားသို့ ဧည့်ပရိသတ် စုစုပေါင်း ၅၀၀၀ ကျော် ပျော်ရွှင်စွာပါဝင်ဆင်နွှဲခဲ့ကြကြောင်းသိရှိရပါသည်။

မုံရွာ၊ နိုဝင်ဘာ ၁၅

စစ်ကိုင်းတိုင်းဒေသကြီးအစိုးရအဖွဲ့မှ ကြီးမှူးကျင်းပသော မုံရွာမြို့၊ ရာပြည့်ကပ်ကျော် စေတီတော်ကြီးရှိ ဗုဒ္ဓရုပ်ပွားတော် ၄ ဆူအား မသိုးရွှေကြာသင်္ကန်း ဆက်ကပ်လှူဒါန်းခြင်း မင်္ဂလာအခမ်းအနားကို နိုဝင်ဘာလ ၁၅ ရက်၊ တန်ဆောင်တိုင်လပြည့်နေ့ နံနက်ပိုင်းတွင် မုံရွာမြို့၊ ရာပြည့်ကပ်ကျော်စေတီတော်ကြီးတွင်ကျင်းပရာ အခမ်းအနားသို့ တိုင်းဒေ သကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့်ဌာနဆိုင်များ၊ မြို့မိမြို့ဖများ နှင့်အလှူရှင်များ တက်ရောက်ကြ သည်။

ဦးစွာ အခမ်းအနားအား “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့်လှစ်ကြပြီး တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိတ်သတ်များက ဗုဒ္ဓရုပ်ပွားတော်အား သြကာသကန့်တော့ချိုးဖြင့် ရှိခိုးပူဇော်၍ ဗုဒ္ဓပူဇာ ဝန္ဒနာ ပဏာမ ကုသိုလ်ဆည်းပူးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီးတို့က ဗုဒ္ဓရုပ်ပွားတော်မြတ်များအား ဆက်ကပ်ပူဇော်မည့် မသိုးရွှေကြာသင်္ကန်းတို့အား ကြာကလပ်တော်ဖြင့် ကပ်လှူပူဇော်ကြပြီးတိုင်းဒေသကြီးဝန်ကြီးချုပ် နှင့်ဇနီးတို့က အနောက်အရပ်ရှိ ကဿပဘုရားရှင်ရုပ်ပွားတော်မြတ်အား မသိုးရွှေကြာသင်္ကန်းအား ဝတ်ရုံသပ္ပာယ်တော်မူကာ တိုင်းဒေသကြီး တရားသူကြီးချုပ်နှင့် တိုင်းဒေသကြီး အစိုးရအဖွဲ့ဝင်များက အရှေ့ရပ်၊ တောင်အရပ်နှင့် မြောက်အရပ်တို့ရှိ ကဿပဘုရားရှင်ရုပ်ပွားတော်မြတ်များအား မသိုးရွှေကြာသင်္ကန်းများ ဝတ်ရုံသပ္ပာယ်တော်မူကြသည်။

ဆက်လက်ပြီး ပင့်သံဃာဆရာတော်၊ သံဃာတော်များအား တိုင်းဒေသကြီး ဝန်ကြီးချုပ်နှင့်တာဝန်ရှိသူများက အာရုဏ်ဆွမ်းများ ဆက်ကပ်လှူဒါန်းခဲ့ကြသည်။

ထို့နောက် ရာပြည့်ကပ်ကျော်စေတီတော်ကြီးအား ဗုဒ္ဓဘိသေက အနေကဇာတင်ခြင်းနှင့် အန္တရာယ် ကင်းပရိတ်တရားတော်ရွတ်ပွားသရဇ္စျာယ်ခြင်းနှင့် သံဃာတော်အပါး ၁၀၀၀ ဆွမ်း ဆန်စိမ်းလောင်းလှူခြင်း မင်္ဂလာအခမ်းအနားကို ကျင်းပရာ ပင့်သံဃာဆရာတော်၊ သံဃာတော်များနှင့်တိုင်းဒေသကြီး ဝန်ကြီးချုပ်နှင့်ဇနီး၊ ဧည့်ပရိတ်သက်များက “နမောတဿ” သုံးကြိမ်ရွတ်ဆိုဘုရားကန်တော့၍ အခမ်းအနားအား ဖွင့်လှစ်ကြသည်။

ယင်းနောက် မုံရွာမြို့၊ ဘုရားကြီးရပ်ကွက်၊ သာစံ ကျောင်းတိုက် သက်တော်ရှည် ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်များက ကိုးပါးသီလခံယူဆောက် တည်ကြသည်။

ယင်းနောက် ပင့်သံဃာဆရာတော်၊ သံဃာတော်များက ရာပြည်ကပ်ကျော်စေတီတော် မြတ်ကြီးအား ဗုဒ္ဒါဘိသေက အနေကဇာတင်ခြင်းနှင့် ရတနသုတ်၊ မေတ္တာသုတ် အန္တရာယ်ကင်း ပရိတ်တရားတော်များ ရွတ်ပွားသရဇ္ဈာယ် ချီးမြင့်တော်မူကြသည်။

ဆက်လက်၍ ပင့်သံဃာဆရာတော်၊ သံဃာတော်များထံ တိုင်းဒေသကြီး ဝန်ကြီးချုပ်နှင့် ဇနီး၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များက လှူဖွယ်ဝထ္တု ပစ္စည်းများ အသီးသီး ဆက်ကပ်လှူဒါန်းကြသည်။

ထို့နောက် မုံရွာမြို့၊ ရန်ကင်းကျောင်းတိုက်၊ ပဓာနနာယကဆရာတော် ဒွိပိဋကဓရ၊ ဒွိပိဋကကောဝိဒ၊ အဂ္ဂမဟာပဏ္ဍိတ၊ အဂ္ဂမဟာဂန္တဝါစကပဏ္ဍိတ၊ ဘဒ္ဒန္တပညာဝံသ ဆရာတော် ကြီးထံတော်မှ တိုင်းဒေသကြီး ဝန်ကြီးချုပ်နှင့်တာဝန်ရှိသူများက အနုမောဒနာ တရားနာယူ ကြည်ညို၍ ရေစက်သွန်းချအမျှပေးဝေကာ “ ဗုဒ္ဓသာသနံ စိရံတိဌတု ” သုံးကြိမ် ရွတ်ဆိုဆုတောင်းပြီး ဗုဒ္ဒါဘိသေက အနေကဇာတင်ခြင်း အခမ်းအနားကို ရုပ်သိမ်းခဲ့ကြသည်။

ဆက်လက်၍ စစ်ကိုင်းတိုင်းဒေသကြီး အစိုးရအဖွဲ့မှ ကြီးမှူးကျင်းပသော တတိယ အကြိမ် သံဃာတော်အပါး ၁၀၀၀ ဆွမ်းဆန်စိမ်းနှင့် လှှူဖွယ်ဝတ္ထုပစ္စည်းများ လောင်းလှူပွဲ အခမ်းအနားကို ရာပြည့်ကပ်ကျော်စေတီတော်မြတ်ကြီးရှိ အရှေ့ဘက်ကန်သာယာတွင် ကျင်း ပပြုလုပ်ရာ တိုင်းဒေသကြီး ဝန်ကြီးချုပ်နှင့်ဇနီး၊ အနောက်မြောက်တိုင်းစစ်ဌာနချုပ် တိုင်းမှူးနှင့် ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တပ်မတော်အရာရှိကြီးများ၏ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာဝန်ထမ်း များ၊ အလှူရှင်များနှင့် လုပ်ငန်းရှင်များက သံဃာတော်အပါး ၁၀၀၀ နှင့် သီလရှင်ဆရာကြီး၊ ဆရာလေးများအား ဆွမ်းဆန် စိမ်းနှင့် လှူဖွယ်ဝတ္ထုပစ္စည်းများ လောင်းလှူကြသည်။

ထို့နောက် တိုင်းဒေသကြီး ဝန်ကြီးချုပ်နှင့်ဇနီး၊ အနောက်မြောက်တိုင်းစစ်ဌာနချုပ် တိုင်းမှူးနှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ နှင့်ဇနီးများက ဌာနဆိုင်ရာဝန်ထမ်းများ၊ အလှူရှင်များနှင့် လုပ်ငန်းရှင်များမှ ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများ တစ်ပျော်တစ်ပါး လောင်းလှူနေမှုများအား လိုက်လံကြည့်ရှုအားပေး ခဲ့ကြသည်။

အဆိုပါ တတိယအကြိမ် သံဃာတော်အပါး ၁၀၀၀ ဆွမ်းဆန်စိမ်းလောင်းလှူပွဲ အခမ်း အနားတွင် မုံရွာခရိုင်အတွင်းရှိ ချောင်းဦးမြို့နယ်၊ အရာတော်မြို့ နယ်၊ ဘုတလင်မြို့နယ်၊ မုံရွာ မြို့နယ်တို့မှ ဆရာတော်၊သံဃာတော် ၈၉၀ ပါးနှင့် သီလရှင်ဆရာကြီး/ဆရာလေး ၁၁၀ ပါးအား ဆွမ်းဆန်စိမ်းနှင့်လှူဖွယ်ဝတ္ထုပစ္စည်းများ လောင်းလှူခဲ့ကြောင်း သိရသည်။

မုံရွာ၊ နိုဝင်ဘာ ၁၄

စစ်ကိုင်းတိုင်းဒေသကြီးအတွင်း ၂၀၂၄-၂၀၂၅ ခုနှစ်၊ ဆောင်းသီးနှံများ ပန်းတိုင် အထွက်နှုန်းရရှိရေးအတွက် သွင်းအားစု ဓာတ်မြေသြဇာနှင့်စက်သုံးဒီဇယ်ဆီများ ထောက် ပံ့ပေးအပ်ပွဲအခမ်းအနားကို နိုဝင်ဘာလ ၁၄ ရက်၊ နံနက်ပိုင်းတွင် မုံရွာမြို့၊ တိုင်းဒေသကြီး စိုက်ပျိုးရေးဦးစီးဌာနရုံးတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် စိုက်ပျိုးရေးဦးစီးဌာနမှဝန်ထမ်းများနှင့် မုံရွာ မြို့နယ်အတွင်းရှိ ကျေးရွာ ၁၂ ရွာမှ ဒေသခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးသည် စိုက်ပျိုးရေးကိုအဓိကအားပြု လုပ်ကိုင်ဆောင်ရွက်နေသည့် တိုင်းဒေသကြီးတစ်ခုဖြစ် သည်နှင့်အညီ တိုင်းဒေသကြီးအတွင်း နှစ်စဉ်စိုက်ပျိုးလျက်ရှိသည့် စပါး၊ဆီထွက်သီးနှံနှင့် ဝါသီးနှံအပါအဝင် သီးနှံမျိုးစုံအား စိုက်ဧကလျာထားချက်ပြည့်မီရေးနှင့် ပန်းတိုင်အထွက် နှုန်းရရှိရေးအတွက် စိုက်ပျိုးရေးကြီးကြပ်မှုကော်မတီအဖွဲ့ဝင်များနှင့် ဒေသခံတောင်သူများ ကဝိုင်းဝန်းကြိုးပမ်း ဆောင်ရွက်သွားကြရန် လိုအပ်ပါကြောင်း၊ မိမိတို့တိုင်းဒေသကြီးအစိုးရအဖွဲ့အနေဖြင့် နိုင်ငံတော်မှချမှတ်ထားသည့် စိုက်ပျိုးမွေးမြူရေးကဏ္ဍဖွံ့ဖြိုးရေးအတွက် စီးပွားရေးမူဝါဒများအား ခိုင်မာစွာချမှတ်ပြီး စိုက်ပျိုးမွေးမြူ ရေးလုပ်ငန်းများ ပိုမိုကျယ် ပြန့်စွာထုတ်လုပ်နိုင်ရေး၊ လယ်ယာကဏ္ဍကုန်ထုတ်စွမ်းအားများမြင့်မားလာစေရေး၊ တောင်သူများ ဝင်ငွေတိုးတက်ရရှိစေရေးနှင့် ဘေးကင်းလုံခြုံပြီး အာဟာရပြည့်ဝသည့် စားနပ်ရိက္ခာများထုတ်လုပ်ရေးအတွက် နည်းလမ်းပေါင်းစုံဖြင့် ပံ့ပိုးကူညီဆောင်ရွက် လျက်ရှိပါကြောင်း၊ စိုက်ပျိုး ရေးလုပ်ငန်းများ ဆောင်ရွက်ရာတွင် အခြေခံဖြစ်သည့် မျိုး၊ မြေ၊ ရေ၊ နည်း စသည့် နည်းလမ်းလေးသွယ်ဖြင့် စနစ်တကျ ဆောင်ရွက်မည်ဆိုပါက သတ်မှတ်ထား သည့်ပန်းတိုင် ရည်မှန်းချက်များအတိုင်း သီးနှံများထွက်ရှိနိုင်မည် ဖြစ်ပါကြောင်း တိုင်းဒေသကြီးအနေဖြင့် ကူညီပံ့ပိုးပေးမှုများနှင့်အတူ စိုက်ပျိုးရေးပညာရှင်များ၏ စိုက်ပျိုး နည်းပညာများ ဖြန့်ဝေပေးမှုများအား တောင်သူ လယ်သမားများအနေဖြင့် ကြိုးစားအား ထုတ်လိုက်နာဆောင်ရွက်ကြမည်ဆိုပါက စိုက်ပျိုးသီးနှံများအထွက်တိုးပြီး တောင်သူများ ဝင်ငွေတိုးပွား၍ ဓနအင်အားဖြိုးကြွယ်ဝကာ လယ်ယာစိုက်ပျိုးရေးကဏ္ဍ တိုးတက်လာပြီး နိုင်ငံ့စီးပွားမြင့်မားလာမည်မှာ ဧကန်မလွဲနိုင်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး စိုက်ပျိုးရေးကြီးကြပ်မှုအဖွဲ့များမှ စစ်ကိုင်းတိုင်းဒေ သကြီးအတွင်းရှိ ခရိုင်/မြို့နယ်များအတွင်း ၂၀၂၄-၂၀၂၅ ခုနှစ်၊ ဆောင်းသီးနှံများ ပန်းတိုင် အထွက်နှုန်းရရှိရေးအတွက် မိမိတို့ဌာနများအလိုက် ဆောင်ရွက်နေသည့်လုပ်ငန်းများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား ရှင်းလင်းပြောကြားသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက တိုင်းဒေသကြီးအတွင်း ၂၀၂၄-၂၀၂၅ ခုနှစ်၊ ဆောင်းသီးနှံများ ပန်းတိုင်အထွက်နှုန်းရရှိရေးအတွက် တိုင်းဒေသကြီး အဆင့်ဌာနဆိုင်ရာများ၏ တင်ပြချက်များအပေါ် လိုအပ်သည်များကို ဖြည့်စွက်ဆွေးနွေး ပြောကြားသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်း ဒေသကြီး အစိုးရ အဖွဲ့ဝင်များက မုံရွာမြို့နယ်အတွင်းရှိကျေးရွာ ၁၂ ရွာမှ ဒေသခံတောင်သူ ၅၀၀ ဦးအတွက် ကျေးရွာကိုယ်စားလှယ်များထံ သွင်းအားစုဓာတ်မြေသြဇာ ၅၀၀ အိတ် နှင့်စက်သုံးဒီဇယ်ဆီ ဂါလံ ၁၂၀၀ တို့အား အသီးသီး ထောက်ပံ့ပေးအပ်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာကြသည့် ဒေသခံတောင်သူများ အားရင်းရင်း နှီးနှီး လိုက်လံနှုတ်ဆက် ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါရုံးဝန်းရှိ သင်တန်းခန်းမတွင် မုံရွာမြို့နယ်အတွင်းရှိ ဒေသခံတောင်သူများအား တိုင်းဒေသကြီး စိုက်ပျိုး ရေးစီးဌာနရုံးမှ ဝန်ထမ်းများက YSR-1 စပါးမျိုးသစ်၏ အရည်အချင်းလက္ခဏာများအား လေ့လာနိုင်ရန်အတွက် စံပြကွက်စိုက်ပျိုးနည်းနှင့် ဝါသီးနှံအလိုက် သီးနှံအဟာရဓါတ် ဖြည့်တင်းမှုစမ်းသပ်ခြင်းများအား ရှင်းလင်းဆွေးနွေးနေမှုအား ကြည့်ရှုအားပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါရုံးဝန်း အတွင်း စိုက်ပျိုးထားသည့် ဟင်းသီးဟင်းရွက်ပျိုးဉယျာဉ်၊ YSR-1 စပါးမျိုးသစ်နှင့် ဆင်းသု ခစပါးမျိုး ယှဉ်ပြိုင်စမ်းသပ်စိုက်ခင်းနှင့် ပိုက်ဆံလျှော်မျိုးစေ့ထုတ်စိုက်ခင်း၊ နှင်းသီးနှံ အသင့်တော်ဆုံး ထုတ်လုပ်မှုပမာဏစီရောက်ရှိရေး စမ်းသပ်စိုက်ခင်းနှင့် ချည်မျှင်ရှည်ဝါ ရွှေတောင်-၁၀ စိုက်ခင်းများ စိုက်ပျိုးထားရှိမှုများအား လိုက်လံကြည့်ရှုစစ်ဆေးပြီး လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရ သည်။

မုံရွာ၊ နိုဝင်ဘာ ၁၄

ဥပဒေရေးရာဝန်ကြီးဌာနနှင့် ပညာရေးဝန်ကြီးဌာနတို့ ပူးပေါင်းဖွင့်လှစ်သည့် Grade-11 နှင့် Grade-12 ဆရာများအတွက် ဉပဒေအသိပညာပြန့်ပွားရေး ဆရာဖြစ်သင်တန်းဖွင့်ပွဲ အခမ်းအနားကို နိုဝင်ဘာ လ ၁၄ ရက်၊ မွန်းလွဲပိုင်းတွင် စစ်ကိုင်းတိုင်းဒေသကြီး၊မုံရွာမြို့၊အမှတ်(၂)အခြေခံပညာအထက်တန်း ကျောင်းရှိ သလ္လာဝတီခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ဥပဒေဆိုင် ရာနည်းပြများနှင့် သင်တန်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က သင်တန်းတက်ရောက်သွားမည့် ဆရာ/ဆရာမများအနေဖြင့် သင်တန်းဆရာများ၏ ပို့ချချက်များအား စိတ်ဝင်စားစွာ ကြိုးစားမှတ်သားပြီး သင်ရိုး ညွှန်းတမ်းဘာသာရပ်များအား နားလည်အောင်ဖတ်ရှု့လေ့လာထားကြပြီး မိမိလေ့လာသင်ယူထားသည့်
ဥပဒေဘာသာရပ်များအား မိမိတို့ကျောင်းများမှဆရာ/ဆရာများနှင့် ကျောင်းသား/သူများအား ပြန်လည်ပို့ချရာတွင် သိရှိနားလည် သဘောပေါက်အောင် သင်ကြားပို့ချသွားကြရန် လိုအပ်ပါကြောင်း၊ ဆရာ/ဆရာမများ အနေဖြင့် မျိုးဆက်သစ်ကျောင်းသား/သူများအား ဥပဒေ၏အခြေခံသဘောတရားများ ကောင်းစွာသိရှိနားလည်ပြီး စိတ်ဓါတ်၊စည်းကမ်းနှင့် အကျင့်စာရိတ္တမြင့်မားသည့် လူတော် လူကောင်းများဖြစ်လာစေရန် လေ့ကျင့်ပျိုးထောင်ပေးသွားကြရန် တိုက်တွန်းပြောကြားခဲ့ သည်။

ယင်းနောက် တိုင်းဒေသကြီး ဥပဒေချုပ် ဒေါ်လှလှဝင်းက ဥပဒေအသိပညာပြန့် ပွားရေး ဆရာဖြစ်သင်တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားပြီး စုပေါင်း မှတ်တမ်းဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းရှိစာသင်ခန်းများအတွင်း ဥပဒေအသိပညာပြန့်ပွားရေး ဆရာဖြစ်သင်တန်းပို့ချနေ မှုများအား လိုက်လံကြည့်ရှုအားပေးပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့သည်။

အဆိုပါ ၂၀၂၄-ခုနှစ်၊ ဥပဒေအသိပညာပြန့်ပွားရေး ဆရာဖြစ်သင်တန်းသို့ မုံရွာမြို့ နယ်ရှိ အခြေခံပညာအထက်တန်းကျောင်းများမှ ဆရာ/ဆရာမ ၁၄၉ ဦးအား ဥပဒေပညာ ဘာသာရပ် ၈ ရပ်ဖြင့် သင်တန်းကာလ ရက်သတ္တပတ် ၂ ပတ်ကြာ သင်ကြားပို့ချပေး သွားမည်ဖြစ်ကြောင်း သိရသည်။

မုံရွာ၊ နိုဝင်ဘာ ၁၃

၂၀၂၄-၂၀၂၅ ဘဏ္ဍာရေးနှစ်၊ စစ်ကိုင်းတိုင်းဒေသကြီး ဘဏ္ဍာရန်ပုံငွေဖြင့် အကောင် အထည်ဖော်ဆောင်ရွက်ခဲ့သည့် “အသေးစားကုန်ထုတ်လုပ်ငန်းများ ဖန်တီးပေးရေးနှင့် ကျေး လက်နေမိသားစု ဝင်ငွေတိုးရေးစီမံ ကိန်း”များမှ လုပ်ငန်းထူထောင်လိုသည့် ထူးချွန်သင်တန်းသူ များအား လုပ်ငန်းသုံးပစ္စည်းများပေးအပ်ပွဲ အခမ်းအနားကို နိုဝင်ဘာလ ၁၃ ရက်၊ နံနက်ပိုင်းတွင် မုံရွာမြို့၊ ချင်းတွင်းခန်းမတွင် ကျင်းပပြုလုပ်ရာ အခမ်အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ သင်တန်းနည်းပြများနှင့် ထူးချွန်သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးစီမံကိန်းများသည် နိုင်ငံတော် စီမံအုပ်ချုပ်ရေးကောင်စီမှ ချမှတ်ထားသည့် ရှေ့လုပ်ငန်းစဉ်(၅)ရပ်၊ ဦးတည်ချက် (၉)ရပ်အနက် စီးပွားရေးဦးတည်ချက် တွင် ပါဝင်သည့် “သွင်းကုန်အစားထိုးရန်နှင့် ပို့ကုန်မြှင့်တင် နိုင်ရေး၊ ဒေသထွက်ကုန်ကြမ်းများကို အခြေခံသည့် အသေးစား၊ အငယ်စား၊ အလတ်စား စီပွားရေးလုပ်ငန်း (MSME)များအား ရေရှည်အာမခံချက်ရှိအောင် အားပေးကူညီပြီး နိုင်ငံတော်၏ ထုတ်ကုန်များ ထုတ်လုပ်နိုင်သည့် အလုပ်အကိုင်အခွင့်အလမ်းများ ဖော်ဆောင် ရေးအား များစွာအထောက်အကူပြုမည်ဖြစ်ပါ၍ မြို့ပြနှင့်ကျေးလက်နေလူငယ်များထဲမှ ပညာရေးဆုံးခန်းတိုင်အောင် သင်ကြားနိုင်ခြင်းမရှိသည့် လူငယ်လူရွယ်များ၊ အမျိုးသမီး ငယ်များ အိုးမကွာအိမ်မကွာ မိသားစုဝင်ငွေတိုးပွားအောင် ဆောင်ရွက်နိုင်မည် ဖြစ်ပါ ကြောင်း၊ ဒေသထွက်ကုန်ကြမ်းပေါ်မူတည်၍ အသက်မွေးဝမ်းကျောင်း သင်တန်းများပို့ချ ခြင်းဖြင့် သင်တန်းတွင်ထူးချွန်ပြီး လုပ်ငန်းထူထောင်လိုသူ(၅)ဦးအားရွေးချယ်ကာ လုပ်ငန်း ထူထောင်နိုင်သည်အထိ လိုအပ်သည့်နည်းပညာနှင့် စက်ပစ္စည်းများ ထောက်ပံ့ပေး ကာလုပ်ငန်းအကောင်အထည်ဖော် ဆောင်ရွက်သွားမည် ဖြစ်ပါကြောင်း၊ အသက်မွေးဝမ်းကျောင်းသင်တန်းဆင်းများမှ အိုးမကွာအိမ်မကွာ ကိုယ်ပိုင်လုပ်ငန်း ထူထောင်သူများ ပေါ်ထွန်းလာခြင်းဖြင့် မိသားစုဝင်ငွေတိုးပွားပြီး မိသားစုနှင့်သားသမီးများ ပညာရေး၊ လူမှု ရေးနှင့်စီးပွားရေးများ ကောင်းမွန်လာသည့်အပြင် သွင်းကုန်အစားထိုးခြင်းနှင့် အထည်ပို့ ကုန်ကဏ္ဍ မြင့်မားလာသည့်အတွက် အသေးစား၊ အလတ်စားနှင့် အကြီးစား စက်မှု လက်မှုလုပ်ငန်းများအတွက် အထောက်အကူပြု၍ နိုင်ငံ့စီးပွားဖွံ့ဖြိုး တိုးတက်လာစေမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာန၊ တိုင်းဒေ သကြီးဦးစီးမှူး ဦးအောင်မောင်းက အသေးစားကုန်ထုတ်လုပ်ငန်းများ ဖန်တီးပေးရေးနှင့် ကျေးလက် နေမိသားစုဝင်ငွေတိုးရေးစီမံကိန်းနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ထူးချွန်သင်တန်းသူများအား ဒေသဖွံ့ဖြိုးရေးလုပ်ငန်းသုံးပစ္စည်းများ နှင့်ထူးချွန်ဆုများအား အသီးသီးပေးအပ် ချီးမြှင့်ကြသည်။

ထို့နောက် ထူးချွန်သင်တန်းသူများကိုယ်စား သင်တန်းသူတစ်ဦးက ကျေးဇူးတင် စကားပြန်လည်ပြောကြားပြီး စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်း ခင်းကျင်းပြသထားသည့် ခြေနင်းမော်တာ စက်ချုပ်စက်၊ ဓါးစက်၊ စက်ချုပ်သင်တန်းတွင် အသုံးပြုသည့် သင်ထောက်ကူပစ္စည်းများနှင့် ထူးချွန်သင်တန်းသားများကိုယ်တိုင် ချုပ် လုပ်ထားသည့် အဝတ်အထည်များအား လိုက်လံကြည့်ရှု အားပေးခဲ့ကြောင်း သိရသည်။

မုံရွာ၊ နိုဝင်ဘာ ၁၃

စစ်ကိုင်းတိုင်းဒေသကြီး၊ မုံရွာမြို့၌ e-government စနစ် အကောင်အထည်ဖော် ရေးလုပ်ငန်းကော်မတီမှ ကြီးမှူးဖွင့်လှစ်သည e-government လူ့စွမ်းအားအရင်းအမြစ် ဖွံ့ဖြိုးရေး သင်တန်းဆင်းပွဲ အခမ်း အနားကို နိုဝင်ဘာလ ၁၃ ရက်၊ မွန်းလွဲပိုင်းတွင် ကွန်ပျူ တာတက္ကသိုလ်(မုံရွာ)ဘက်စုံသုံးခန်းမ၌ ကျင်းပပြုလုပ်ရာ အခမ်းအနားသို့ တိုင်းဒေသ ကြီး e-government စနစ် အကောင်အထည်ဖော်ရေးဦးစီးကော်မတီနာယက၊ တိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ၊ ကွန်ပျူတာတက္ကသိုလ်(မုံရွာ)မှ ကျောင်းအုပ်ကြီးနှင့် နည်းပြ ဆရာ/ဆရာများနှင့် သင်တန်းသား/သူများ တက်ရောက်ကြသည်။

ဦးစွာ စစ်ကိုင်းတိုင်းဒေသကြီး e-government စနစ် အကောင်အထည်ဖော်ရေး ဦးစီးကော်မတီ နာယက၊ တိုင်းဒေသကြီး ဝန်ကြီးချုပ် ဦးမြတ်ကျော်က နိုင်ငံ တော်အနေဖြင့် e-Government လုပ်ငန်းအား အကောင်အထည်ဖော် ဆောင်ရွက်လျက်ရှိပြီး သက်ဆိုင်ရာ ဌာနများကိုလည်း e-Government လုပ်ငန်း အကောင်အထည်ဖော်ဆောင်ရွက်ရန် တွန်းအား ပေးလျက်ရှိပါကြောင်း၊ ယခုသင်တန်းသည် မိမိတို့တိုင်းဒေသကြီးအစိုးရအဖွဲ့၏ လုပ်ငန်း ဆောင်တာများအား ဒစ်ဂျစ်တယ်အသွင်ကူးပြောင်းရန် ဦးတည်သည့် ခရီးစဉ်အတွက် အရေးပါသည့် ခြေလှမ်းတစ်ခုဖြစ်ပြီး တိုင်းဒေသကြီးအတွင်းမှာရှိသည့် ပြည်သူ/ပြည်သားအားလုံးအတွက် ပိုမိုထိရောက်သည့် ပွင့်လင်းမြင်သာမှုနှင့် လက်လှမ်းမီနိုင်သော အစိုးရတစ်ရပ်အားတည်ဆောက်ရန်အတွက် အရေးကြီးသည့် အစိတ်အပိုင်းတစ်ခုဖြစ်ပါကြောင်း၊မိမိတို့တိုင်းဒေသကြီး အစိုးရအဖွဲ့အနေဖြင့် ယခုသင်တန်းတစ်လျှောက်လုံးတွင် တစ်ဦးချင်းစီ ၏ ဌာနများအပေါ်မှာထားရှိသည့် စေတနာနှင့် ကြိုးစားအားထုတ်မှုများအတွက် တစ်ယောက်ချင်းစီအား ဂုဏ်ပြုပါကြောင်း၊ သင်တန်းသား/သူများအနေဖြင့် ယခုသင်တန်းမှရရှိသည့် အသိပညာနှင့် ကျွမ်းကျင်မှုများအား နေ့စဉ်လုပ်ငန်းခွင်တွင် လက်တွေ့အသုံး ချသွားကြရန် လိုအပ်ပါကြောင်း၊ မိမိတို့တိုင်းဒေသကြီးအတွင်းရှိ ပြည်သူများအား ဝန်ဆောင်မှုပေးနိုင်ရန်အတွက် တုံ့ပြန်မှု၊ ထိရောက်မှု၊ တာဝန်ယူမှုနှင့် တာဝန်ခံမှုရှိသည့် ဒစ်ဂျစ် တယ်နည်းပညာဖြင့် စွမ်းဆောင်နိုင်သော အစိုးရတစ်ရပ် တည်ဆောက်ရန်အတွက် မိမိတို့ အားလုံးအတူတကွ ပူးပေါင်းဆောင်ရွက်သွားကြရန် လိုအပ်ပါကြောင်း၊ နည်းပညာ၏ စွမ်းအားကိုအသုံးချခြင်းဖြင့် မိမိတို့တိုင်းဒေသကြီးအတွက် ပိုမိုတောက်ပသည့် အနာဂတ်ကိုဖန်တီး နိုင်မှာဖြစ်ပါကြောင်း၊ တိုင်းဒေသကြီး၏ e-Government စနစ်ကိုအောင်မြင်စွာ အကောင် အထည်ဖော်ဆောင်နိုင်ရန် တာဝန်ရှိသူအားလုံးအတူတကွ ပူးပေါင်းလုပ်ဆောင်သွားကြ ရန်လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးဝန်ကြီးချုပ်ကသင်တန်းတွင်ထူးချွန် ပထမဆု၊ ဒုတိယဆု၊ တတိယဆုရရှိသည့် သင်တန်းသူများအား ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအားအသီးသီးပေးအပ် ချီးမြှင့်ပြီး တိုင်းဒေသကြီး လုံခြုံရေးနှင့်နယ်စပ်ရေး ရာဝန်ကြီး ဗိုလ်မှူးကြီး ဝင်းတင်စိုးက သင်တန်းနည်းပြနှင့်လ/ထနည်းပြများအတွက် နည်းပြတစ်ဦးထံ ဂုဏ်ပြုမှတ်တမ်းလွှာများအား လည်းကောင်း၊ တိုင်းဒေသကြီး e-government စနစ် အကောင်အထည် ဖော်ရေးဦးစီးကော်မတီ ဥက္ကဌ၊ တိုင်းဒေသကြီး လမ်းပန်းဆက်သွယ်ရေးဝန်ကြီး ဦးခင်မောင်အေးက သင်တန်းသား/သူများကိုယ်စား သင်တန်းသား ၁ ဦးထံ သင်တန်းဆင်းလက်မှတ်များအားလည်းကောင်း အသီးသီးပေးအပ်ခဲ့ကြသည်။

ဆက်လက်၍ သင်တန်းသား/သူများကိုယ်စား သင်တန်းသူတစ်ဦးက ကျေးဇူးတင် စကားပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင် တန်းသား/သူများနှင့် စုပေါင်းမှတ်တမ်းတင် ဓါတ်ပုံရိုက်ကူးကာ သင်တန်းသား/သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။