မုံရွာ၊ နိုဝင်ဘာ ၁၁

စစ်ကိုင်းတိုင်းဒေသကြီး၊ မုံရွာမြို့ရှိ တိုင်းဒေသကြီး/ခရိုင်/မြို့နယ် ဌာနဆိုင်ရာရုံးအသီးသီး၌ တာဝန်ထမ်းဆောင်နေကြသည့် နိုင်ငံ့ဝန်ထမ်းများ၊ မိသားစုဝင်များနှင့် တက္ကသိုလ်/ဒီဂရီကောလိပ်များမှ ကျောင်းသား/သူများ ချစ်ကြည်ရင်းနှီးမှုများရရှိပြီး လုပ်ငန်းခွင်အတွင်း ကျန်းမာသန်စွမ်းကာ စိတ်ပျော်ရွှင်စွာဖြင့် လုပ်ငန်းများဆောင်ရွက်နိုင်ရန် ရည်ရွယ် ၍ ၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီး ချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲများအား မုံရွာမြို့၊ ပြည်သူ့အားကစားကွင်းနှင့် အားကစားနှင့်ကာယ ပညာသိပ္ပံ(မုံရွာ)ရှိ သတ်မှတ်အားကစားရုံများတွင် နိုဝင်ဘာလ ၃ ရက်နေ့မှစတင်၍ ကျင်းပလျက်ရှိကြောင်း သိရသည်။

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် နိုဝင်ဘာလ ၁၁ရက်၊ နံနက်ပိုင်းတွင် ၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲများ ကျင်းပပြုလုပ်နေသည့် အားကစားနှင့်ကာယ ပညာသိပ္ပံ(မုံရွာ)ရှိ ဘော်လီဘောအားကစားရုံသို့ ရောက်ရှိကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူ များသည် ၂၀၂၄-ခုနှစ်၊ စစ်ကိုင်းတိုင်း ဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစား ပြိုင်ပွဲ အမျိုးသားဘော်လီဘောပြိုင်ပွဲ အုပ်စုပွဲစဉ်များအဖြစ် စည်ပင် သာယာရေးအသင်းနှင့် မုံရွာပညာရေးဒီဂရီကောလိပ်အသင်းတို့ယှဉ်ပြိုင်ကစားနေမှုများအားကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းဝန်းအတွင်းရှိ အစည်းအဝေးခန်းမတွင်၂၀၂၄-ခုနှစ်၊စစ်ကိုင်းတိုင်း ဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲ အမျိုးသား/အမျိုးသမီး စစ်တုရင်အားကစားပြိုင်ပွဲ ဖွင့်ပွဲအခမ်းအနားသို့ တက်ရောက်ရာ တိုင်းဒေသကြီး ဝန်ကြီးချုပ်က စစ်တုရင်ပြိုင်ပွဲအား စကွက်ရွှေ့၍ဖွင့်လှစ်ပေးပြီး ပြိုင်ပွဲဝင်များအား ရင်းရင်း နှီးနှီးလိုက်လံနှုတ်ဆက်ကာ စစ်တုရင်ယှဉ်ပြိုင်နေမှုများအား ကြည့်ရှုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းဝန်း အတွင်းရှိ မိုးလုံ လေလုံအားကစားခန်းမတွင် ၂၀၂၄-ခုနှစ်၊ စစ်ကိုင်း တိုင်းဒေသကြီး ဝန်ကြီးချုပ်ဖလား ဝန်ကြီးဌာနများနှင့် တက္ကသိုလ်/ဒီဂရီကောလိပ်များ အားကစားပြိုင်ပွဲ အမျိုးသားပိုက်ကျော်ခြင်းပြိုင်ပွဲ အုပ်စုပွဲစဉ်များအဖြစ် လုံခြုံရေးနှင့်နယ်စပ်ရေးရာဝန်ကြီးဌာနအသင်းနှင့် ပဉ္စအားမာန်အသင်းတို့ ယှဉ်ပြိုင်နေမှုများအား လည်းကောင်း၊ မုံရွာတက္ကသိုလ်အသင်းနှင့် သယံဇာတရေးရာဝန်ကြီးဌာနအသင်းတို့ ယှဉ်ပြိုင်ကစားနေမှုများအား လည်းကောင်း ကြည့်ရှုအား ပေးကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ နိုဝင်ဘာ ၁၀

စစ်ကိုင်တိုင်းဒေသကြီး အဖွဲ့ကကြီးမှူးပြီး တိုင်းဒေ သကြီး ၊ ခရိုင် နှင့်မြို့နယ်အဆင့်ဌာနဆိုင်ရာများ စုပေါင်းကျင်းပသည့် ၂၀၂၄ ခုနှစ် (၁၃၈၆ခုနှစ်) စုပေါင်းမဟာဘုံက ထိန်အလှူတော်ကို နိုဝင်ဘာလ ၁၀ ရက်နေ့ နံနက် ၉ နာရီ အချိန်က စစ်ကိုင်းတိုင်းဒေသကြီးအစိုးရအဖွဲ့ရုံးရှိ ချင်းတွင်းခန်းမတွင် ကျင်းပပြုလုပ်ရာ ပဒေသာပင် စုစုပေါင်း တန်ဖိုးငွေကျပ် ၆၅၉၁၇၇၀၅( သိန်းခြောက်ရာငါးဆယ်ကိုးသိန်းတစ်သောင်းခုနစ်ထောင် ခုနစ်ရာငါးကျပ်) တိတိ တန်ဖိုး လှူဒါန်းနိုင်ခဲ့ကြောင်းသိရှိရပါသည် ။

စုပေါင်းမဟာဘုံက ထိန်အလှူတော်မင်္ဂလာအခမ်း အနားအား ရှေးဦးစွာ ပင့်သံဃာဆရာတော်ကြီးများနှင့်အတူ တက်ရောက်လာကြသည့် ဝန်ကြီးချုပ်အမှူးပြုသော ဧည့်ပရိသတ်အပေါင်းတို့က နမော တဿ သုံးကြိမ်ရွတ်ဆိုကာ အခမ်းအနားကို ဖွင့် လှစ်ခဲ့ပြီးနောက် မုံရွာမြို့ ဘုရားကြီးရပ်ကွက်၊ သာစံကျောင်းတိုက်ပဓာန နာယက သက်တော်ရှည် ဆရာတော်ကြီးထံမှ ငါးပါးသီလခံယူ ဆောက် တည်‌ခဲ့ကြပြီးနောက် ဆရာတော်ကြီးများ ရွတ်ဆိုချီးမြှင့်သည့် ပရိတ်တရားတော်များကို နာယူကြည်ညိုခဲ့ကြသည်။

ထို့နောက် စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်က သာသနာရေးဆိုင်ရာများနှင့်ပတ်သက်၍ လျှောက်ထားတင်ပြခဲ့ပြီးနောက် ဝန်ကြီးချုပ်ဦးမြတ်‌ ကျော်နှင့်ဇနီး၊တိုင်းဒေသကြီးအစိုးရအဖွဲ့ဝင်ဝန်ကြီးများနှင့်ဇနီးများ၊ တပ်ရောက်လာကြသည့်ဧည့်ပရိသတ်များမှ တာဝန်ရှိသူများက ပင့်သံဃာ ဆရာတော် ၂၇ ပါးထံ လှူဖွယ်ပစ္စည်းများဆက်ကပ် လှူဒါန်းခဲ့ကြပြီးနောက် လှူဒါန်းမှူ အစုစုတို့အတွက် ရေစက်သွန်းချ အမျှပေးဝေကာ ဗုဒ္ဓသာသနံစိရံတိဌတု သုံးကြိမ်ရွတ်ဆိုပူဇော်၍ အခမ်း အနားအားရုပ်သိမ်းခဲ့ကြပြီး ပင့်သံဃာတော်ဆရာကြီးများအား နေ့ဆွမ်းများ ဆက်ကပ်လှူဒါန်းခဲ့ကြသည်။

ယနေ့ကျင်းပပြုလုပ်သည့် စုပေါင်းမဟာဘုံကထိန်တွင် ပဒေသာပင်စုစု ပေါင်း ၅၈ ခုအနက် ပင့်သံဃာ‌ တော် ၂၇ ပါးအားလှူဒန်းသည့် ပဒေသာပင် ၂၇ ပင် ၊တန်ဖိုးငွေ ကျပ် (၃၆၂၇၈၃၀၀) ၊ ကထိန်ခံကျောင်းဖြစ်သော မုံရွာမြို့ တိပိဋကလက်ာရသာမဏေကျောင်းတိုက်သို့ ပဒေသာပင်လှူဒါန်းမှု တန်ဖိုးငွေ ကျပ် (၂၉၆၃၉၄၀၅)စုစုပေါင်းတန်ဖိုးငွေ ကျပ် ( ၆၅၉၁၇၇၀၅) လှူဒါန်းခဲ့ကြောင်းသိရှိရပါသည်။

မုံရွာ၊ နိုဝင်ဘာ ၈

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေးအမှတ်စဉ် (၁၀/၂၀၂၄)ကို နိုဝင်ဘာ လ ၈ ရက်၊ နံနက်ပိုင်းတွင် မုံရွာမြို့၊ တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး ရင်းနှီးမြုပ်နှံမှု ကော် မတီ အဖွဲ့ဝင်များ၊ ခေတ္တအတွင်းရေးမှူးနှင့် ကုမ္ပဏီလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ဆောင်ရွက်ခွင့်ပြုထားသည့် ရင်းနှီးမြှုပ်နှံမှုလုပ်ငန်းများအနေဖြင့် ကော်မတီမှ ခွင့်ပြုပေးပြီးနောက်ပိုင်း စက်ရုံတည်ဆောက်ရေး များစတင်ပြီး လုပ်ငန်းအမြန်ဆုံး လည်ပတ်နိုင်အောင် ကြိုးပမ်းဆောင်ရွက်သွားကြရန် လိုအပ်ပါကြောင်း၊ ကော်မတီအနေဖြင့် ကုမ္ပဏီ၏ ပြောင်းလဲပြင်ဆင်လိုသည့် အစီအစဉ် များအား ဥပဒေ၊ နည်းဥပဒေ၊ လုပ်ထုံးလုပ်နည်း မူဘောင်များနှင့် သွေဖီမှုမရှိပါက လုပ်ငန်းလုပ်ကိုင်ခွင့်များအားစီစစ်ခွင့်ပြုပေးသွားမည်ဖြစ်ပါကြောင်း၊ ကော်မတီအဖွဲ့ဝင်များအနေဖြင့် ရင်းနှီး မြှုပ်နှံမှုလုပ်ငန်းအသစ်များအား စည်းမျဉ်း၊စည်းကမ်းနှင့်အညီ ခွင့်ပြုပေးသွားနိုင်ရန်နှင့် ခွင့်ပြုပြီးရင်းနှီးမြှုပ်နှံမှုလုပ်ငန်းများ အဆင်ပြေချောမွေ့ပြီး လုပ်ငန်များတိုးတက်အောင်မြင်အောင်တာဝန်ရှိသူများနှင့် ဆက်လက်ကြိုးပမ်း အားပေးကူညီဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ရင်းနှီးမြှုပ်နှံမှုကော် မတီ ခေတ္တအတွင်းရေးမှူး၊ တိုင်းဒေသကြီး ရင်းနှီး မြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ဒုတိယညွှန်ကြားရေးမှူး ဒေါ်မဉ္ဇူကျော်က ယခင်အစည်းအဝေးဆုံးဖြတ်ချက်များ၏ ဆောင်ရွက်ပြီးစီးမှု လုပ်ငန်းအခြေအနေများနှင့် စစ်ကိုင်းမြို့တွင် ဆောက်လုပ်ရေးသုံးပစ္စည်းများ ထုတ်လုပ် ရောင်းချခြင်းလုပ်ငန်း ဆောင်ရွက်လျက်ရှိသည့် ရွှေငွေအေးတိုး ကုမ္ပဏီလီမိတက်မှ အဆို ပြုချက်ပါ ရင်းနှီးမြှပ်နှံမှုအစီအစဉ် ပြောင်းလဲပြင်ဆင်ခွင့်ပြုပါရန် တင်ပြလာခြင်းကိစ္စနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီးမြှုပ်နှံမှုကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများနှင့် ပတ်သက်၍ ပူးပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြား သည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ နိုဝင်ဘာ ၇

(၃၆)နှစ်မြောက် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့အထိမ်းအမှတ် အခမ်းအနားကို နိုဝင်ဘာလ ၇ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီးတရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ အထွေထွေအုပ်ချုပ်ရေးဦးစီးဌာနမှအရာထမ်း/အမှုထမ်းများ၊ အထွေထွေအုပ်ချုပ်ရေးဦးစီးဌာနမှ အငြိမ်းစားဝန် ထမ်းများနှင့် မိသားစုဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အထွေထွေအုပ်ချုပ်ရေးဦးစီးဌာနသည် နိုင်ငံတော်အုပ်ချုပ်ရေးယန္တရားတွင် အခြေခံကျသည့် ဌာနတစ်ခုဖြစ်အားလျော်စွာ ဌာနမှ အဆင့်ဆင့်သော အရာထမ်း/အမှုထမ်းများသည် အုပ်ချုပ်ရေးခေတ်အဆက်ဆက် တာဝန်ထမ်းဆောင်ခဲ့ကြပြီး ယနေ့တိုင်နိုင်ငံတော်အစိုးရ၏ ချမှတ်ထားမှုဝါဒများအား ပူးပေါင်းဆောင်ရွက် အကောင်အထည်ဖော်လျက်ရှိသည့်အပြင် နိုင်ငံတော်၏ နိုင်ငံရေး၊ စီးပွားရေး၊ လူမူရေး လိုအပ်ချက်များအရ ကိုယ်စွမ်း၊ဉာဏ်စွမ်းရှိသ၍ ကျရာအခန်းကဏ္ဍမှ တာဝန်ကျေပွန်စွာ ထမ်းဆောင်လျက်ရှိသည်ကို တွေ့ရှိရပါကြောင်း၊ ပြည်သူလူထု၏ လိုအပ်ချက်များအား ဖြည့်ဆည်း ဆောင်ရွက်ကြရာ၌ တိုင်း/ခရိုင်/မြို့နယ်/မြို့/ရပ်ကွက်/ကျေးရွာအုပ်စု အဆင့်ဆင့်မှ အထွေထွေ အုပ်ချုပ်ရေးဦးစီးဌာနများသည် ဆက်စပ်ဌာနဆိုင်ရာများ၊ ဒေသခံမြို့မိမြို့ဖများ၊ တပ်ဖွဲ့ဝင်များ၊ အစိုးရမဟုတ်သော လူမူရေးအဖွဲ့အစည်းများနှင့် ပူးပေါင်း၍ အုပ်ချုပ်ရေး၊ စီးပွားရေး၊ လူမူရေး လုပ်ငန်းများတွင် စိတ်ရောကိုယ်ပါနှစ်ကာ ပြည်သူ့အကျိုးပြုအတွက် ဆောင်ရွက်နေကြသည်ကို တွေ့ရှိရပါကြောင်း၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများအနေဖြင့် မိမိတို့ဌာန၏ ထမ်းဆောင်ရ မည့်တာဝန်များ၊ စောင့်ထိန်းရမည့်ကျင့်ဝတ်စည်းကမ်းများအား လိုက်နာစောင့်ထိန်းပြီး နိုင်ငံ တော်နှင့် ပြည်သူတစ်ရပ်လုံးက အားထားရသည့် အုပ်ချုပ်ရေးဝန်ထမ်းကောင်းများ ဖြစ်လာကြ စေရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး အထွေထွေအုပ်ချုပ်ရေးဦးစီးဌာန၊ တိုင်းဒေသကြီးအုပ်ချုပ်ရေးမှူး ဦးသန်းဆွေဝင်းက အထွေထွေအုပ်ချုပ်ရေးဦးစီးဌာန သမိုင်းကြောင်းနှင့်ပတ်သက်၍ ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အထွေထွေအုပ်ချုပ်ရေးဦးစီးဌာန(ရုံးချုပ်) မှပေးပို့သည့် Video Clip အား ကြည့်ရှုအားပေးပြီး တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် အငြိမ်းစားဝန်ထမ်းများထံ တိုင်းဒေသကြီး အုပ်ချုပ်ရေးမှူးမှ လည်းကောင်း၊ တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၏ ဇနီးများထံ တိုင်းဒေသကြီး အုပ်ချုပ်ရေးမှူး၏ဇနီးက အမှတ်တရလက်ဆောင်ပစ္စည်းများအား လက်ရောက်အသီးသီးပေးအပ်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက နိုင်ငံ့ဝန်ထမ်းတက္ကသိုလ် (အထက်မြန်မာပြည်/အောင်မြန်မာပြည်)တို့တွင် သင်တန်းထူးချွန်ဆုရရှိကြသည့် ဝန်ထမ်းများနှင့်ဌာနစုအလိုက် ရုံးလုပ်ငန်းဆောင်ရွက်မှုထူးချွန်ဆု၊ ဝန်ထမ်းအိမ်ရာများတွင် သန့်ရှင်းရေး ဆောင်ရွက်မှုဆုရွေးချယ်ရေး မှတ်တမ်း Video Clip အား ကြည့်ရှုအားပေးကြသည်။

ယင်းနောက် တိုင်းဒေသကြီး တိုင်းဒေသကြီး ဝန်ကြီး ချုပ်က နိုင်ငံ့ဝန်ထမ်းတက္ကသိုလ် (အထက်မြန်မာပြည်/အောင်မြန်မာပြည်)သင်တန်းများတွင် ထူးချွန်ဆုရရှိကြသည့် ဝန်ထမ်း ၂ ဦး နှင့်တိုင်းဒေသကြီး အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်နေသည့် ဌာနစုများအလိုက် ရုံးလုပ်ငန်းဆောင်ရွက်မှု ပထမဆု ရရှိကြသူများအား ဂုဏ်ပြုချီးမြှင့်ငွေနှင့် ဂုဏ်ပြု ဆုလက်မှတ်များအား လည်းကောင်း၊ တိုင်းဒေသကြီး အမျိုးသမီးရေးရာအဖွဲ့နှင့် မိခင်နှင့်က လေးစောင့်ရှောက်မှုကြီးကြပ်ရေးအဖွဲ့ နာယက၊ တိုင်းဒေသကြီးဝန်ကြီးချုပ်၏ ဇနီးက ဝန်ထမ်းအိမ်ရာသန့်ရှင်းရေးဆောင်ရွက်မှု ပထမဆုရရှိသည့် ဝန်ထမ်းများကိုယ်စား ဝန်ထမ်းတစ်ဦးထံ ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်းကောင်း ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက ဌာနစုအလိုက် ရုံးလုပ်ငန်းဆောင် ရွက်မှု ဒုတိယဆုရရှိသည့် ဝန်ထမ်းများကိုယ်စား ဝန်ထမ်းတစ်ဦးထံ ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး၏ဇနီးက ဝန်ထမ်းအိမ်ရာသန့်ရှင်းရေးဆောင်ရွက်မှု ဒုတိယဆုရရှိသည့် ဝန်ထမ်း တစ်ဦးထံ ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်းကောင်း၊ တိုင်းဒေသကြီး အထွေထွေအုပ်ချုပ်ရေးဦးစီးဌာန တိုင်းဒေသကြီးအုပ်ချုပ်ရေးမှူးက ဌာနစုအလိုက် ရုံးလုပ်ငန်း ဆောင်ရွက်မှု တတိယဆုရရှိသည့် ဝန်ထမ်းများကိုယ်စား ဝန်ထမ်းတစ်ဦးထံ ဂုဏ်ပြုချီးမြှင့်ငွေ နှင့်ဂုဏ်ပြုဆုလက်မှတ်များအား လည်းကောင်း၊ တိုင်းဒေသကြီး အထွေထွေအုပ်ချုပ်ရေးဦးစီး ဌာန တိုင်းဒေသကြီးအုပ်ချုပ်ရေးမှူး၏ဇနီးက ဝန်ထမ်းအိမ်ရာသန့်ရှင်းရေး ဆောင်ရွက်မှု တတိယဆုရရှိသည့် ဝန်ထမ်းတစ်ဦးထံ ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်းကောင်း အသီးသီးပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်း ဓါတ်ပုံရိုက်ကူးကြပြီး အခမ်းအနားသို့ တက်ရောက်လာကြသည့် အထွေ ထွေအုပ်ချုပ်ရေးဦးစီးဌာန အငြိမ်းစားဝန်ထမ်းများနှင့် အရာထမ်း/အမှုထမ်းဝန်ထမ်းများအား ရင်းရင်း နှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ၊ နိုဝင်ဘာ ၆

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၁၀/၂၀၂၄) အစည်းအဝေးကို နိုဝင်ဘာလ ၆ ရက်၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင်ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီအတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခိုရိပ်သာလုပ်ငန်းရှင်များ တက်ရောက်ကြသည်။

ဦးစွာ တိုင်းဒေသကြီးဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးခရီးသွားလုပ်ငန်း ကော်မတီများအနေဖြင့် မိမိတို့တိုင်းဒေသကြီးအတွင်းရှိ ဘိုးဘွားအမွေအနှစ်ရှေးဟောင်းယဉ် ကျေးမှုဆိုင်ရာ အရင်းအမြစ်များအား ဝိုင်းဝန်းထိန်းသိမ်း စောင့်ရှောက်သွားကြရန်နှင့် ဒေသခံပြည်သူလူထု အကျိုးရှိစေမည့် လုပ်ငန်းများအားလုပ်ဆောင်ရင်း ခရီးသွားလုပ်ငန်းဖြင့် လူမှုစီးပွားဘဝဖွံ့ဖြိုးတိုးတက်အောင် ဝိုင်းဝန်းကြိုးပမ်း ဆောင်ရွက်သွားကြရန် လိုအပ်ပါကြောင်း၊ ယခုလို အစည်းအဝေးပြုလုပ်ရသည့် အတွက် ဟိုတယ်၊တည်းခိုရိပ်သာများ၏ အခြေအနေမှန်အားသိရှိရပြီး လိုအပ်ချက်များအား အချိန်နှင့်တပြေးညီ ပေါင်းစပ်ဖြည့်ဆည်း ညှိနှိုင်းပေးနိုင်ခြင်းတို့ကြောင့် လက်တွေ့ကျသည့် တိုးတက်မှုများနှင့် အကျိုး ကျေးဇူးများ ရရှိနေပြီဖြစ်ပါကြောင်း၊ ခရီးစဉ်ဒေသများ သန့်ရှင်းသာ ယာလှပရေး၊ ခရီးစဉ်ဒေသများအလိုက် ခရီးသွားများအတွက် လိုအပ်သည့်အထောက်အကူပြု ပစ္စည်းများ ဖြည့်ဆည်းပေးခြင်း၊ လမ်းတံတား၊ ပလက်ဖောင်းများကအစ လှပအောင်ဆေးသုတ် ခြင်း၊စားသောက်ဆိုင်၊ အမှတ် တရပစ္စည်းအရောင်းဆိုင်စသည်များ စည်းကမ်းတကျ ဖြစ်စေရေးတို့ အတွက် ခရီးသွားလုပ်ငန်းနယ်ပယ်မှ တာဝန်ရှိသူအားလုံးက ပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ ဒုတိယ ဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွား လုပ်ငန်းဆိုင်ရာများ နှင့်ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွား ညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၉/၂၀၂၄ ၏ အစည်း အဝေးဆုံးဖြတ်ချက်များအပေါ် ဆောင်ရွက်ထားရှိမှုနှင့် ဆောင်ရွက်ဆဲ အခြေအနေများ၊ ယခု အစည်း အဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား ရှင်းလင်းတင်ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့် ဟိုတယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီး သွားလုပ်ငန်းဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင်များတွင် သန့်ရှင်းသာယာလှပရေး လုပ်ငန်းများဆောင်ရွက်နေမှု၊ ဟိုတယ်/တည်းခိုရိပ်သာ ဆိုင် ရာသင်တန်းများဖွင့်လှစ်သွားမည့် အခြေအနေများ၊ လုံခြုံရေးအခြေအနေများနှင့် ပတ်သတ်၍ အသီး သီး အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဒေသဆိုင်ရာခရီးသွားလုပ် ငန်းကော်မတီဥက္ကဌ၊တိုင်းဒေသကြီးဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ နိုဝင်ဘာ ၅

(၃၆)နှစ်မြောက်၊ အထွေထွေအုပ်ချုပ်ရေးဦးစီးဌာန နှစ်ပတ်လည်နေ့ကို ကြိုဆိုဂုဏ်ပြုသောအားဖြင့် နိုဝင်ဘာလ ၅ ရက်၊ နံနက်ပိုင်းတွင် မုံရွာမြို့၊ ကုတင် ၅၀၀ ဆံ့၊ အထွေထွေရောဂါကုပြည်သူ့ဆေးရုံကြီး၌ စစ်ကိုင်းတိုင်းဒေသကြီး အထွေထွေအုပ်ချုပ်ရေးဦးစီးဌာနမှ အရာထမ်း/အမှုထမ်း ၆၃ ဦးမှ စုပေါင်းသွေးလှူဒါန်းပွဲအား ဆောင်ရွက်ခဲ့ကြသည်။

အဆိုပါ စုပေါင်းသွေးလှူဒါန်းရာသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရ အဖွဲ့ဝင်များနှင့် ဇနီးများက သွားရောက်ကြည့်ရှုအားပေးကြပြီး တိုင်းဒေသကြီးအစိုးရအဖွဲ့နှင့် တိုင်းဒေသကြီး အထွေထွေအုပ်ချုပ်ရေးဦးစီးဌာနမှ ထောက်ပံ့ပေးအပ်သည့် အာဟာရဖြည့်စွက်စာများ အား အသီးသီးဝေငှပေးခဲ့ကြပြီး စုပေါင်းသွေးလှူဒါန်းနေသူများအား ရင်းရင်းနှီးနှီး နှုတ်ဆက်အားပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် ၂၀၂၄-ခုနှစ်၊ စုပေါင်းမဟာဘုံကထိန်၊ သံဃာအပါး (၁၀၀၀)ဆွမ်းဆန်စိမ်းလောင်းလှူပွဲနှင့် တန်ဆောင် တိုင်ပွဲတော်ကျင်းပရေး လုပ်ငန်းညှိနှိုင်းအစည်း အဝေးသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က နှစ်စဉ်ကျင်းပမြဲဖြစ်သည့် စုပေါင်းမဟာဘုံကထိန်အား စည်းကားသိုက်မြိုက်စွာ ကျင်းပလာခဲ့ရာ တိုင်းဒေသကြီးအစိုးရအဖွဲ့ဝင်များနှင့် ဌာနဆိုင်ရာများအနေဖြင့် လုပ်ငန်းများဆောင်ရွက်ရာတွင် အတွေ့ အကြုံများရှိပြီးဖြစ်ကာ ယခုနှစ်အခမ်းအနားကိုလည်း စည်ကားသိုက်မြိုက်စွာ ကျင်းပနိုင်ရေးအတွက် ကော်မတီအဖွဲ့ဝင်များက လုပ်ငန်းများအောင်မြင်အောင် ဆောင်ရွက်နိုင်မည်ကိုလည်းယုံကြည်ပါကြောင်း၊ ကော်မတီအဖွဲ့များမှ မိမိတို့ကဏ္ဍအလိုက် ဆောင်ရွက်သွားရမည့်လုပ်ငန်းများအား တာဝန်ကျေပွန်စွာဖြင့် ဆောင်ရွက်သွားကြရန် လိုအပ်ပါကြောင်း၊ အလားတူ တတိယအကြိမ်အဖြစ် သံဃာအပါး ၁၀၀၀ ဆွမ်းဆန်စိမ်းလောင်းလှူ ပွဲကြီးနှင့်တန်ဆောင်တိုင်ပွဲတော်ကိုလည်းအောင်မြင် စွာကျင်းပနိုင်ရေး ကော်မတီများဖွဲ့ စည်းကာ တာဝန်များပေးအပ်ထားပြီး ဖြစ်ပါကြောင်း၊ ကော်မတီအဖွဲ့ဝင်များမှ မိမိတို့ တာဝန်ယူဆောင်ရွက်ရမည့်လုပ်ငန်းတာဝန်များအား စနစ်တကျကြိုတင်စီမံဆောင်ရွက်ပြီး ကော်မတီအချင်းချင်း ပူးပေါင်းဆောင်ရွက်ရမည့် လုပ်ငန်းများအား ညှိနှိုင်းပေါင်း စပ် ဆောင်ရွက်သွားကြရန်နှင့် လိုအပ်ချက်များရှိပါက မိမိတို့တိုင်းဒေသကြီးအစိုးရအဖွဲ့သို့ အချိန်နှင့်တစ်ပြေးညီ တင်ပြဆောင်ရွက်သွားကြရန် လိုအပ်ပါကြောင်း၊ လုပ်ငန်းများ ဆောင်ရွက်ရာတွင် လုံခြုံ ရေးအသိ၊သတိတို့ဖြင့် ဆောင်ရွက်သွားကြရန်လိုအပ်ပါကြောင်း ပြောကြားခဲ့သည်။

ယင်းနောက် စုပေါင်းမဟာဘုံကထိန်၊ သံဃာအပါး (၁၀၀၀)ဆွမ်းဆန်စိမ်းလောင်းလှူပွဲနှင့် တန်ဆောင် တိုင် ပွဲတော်ကျင်းပရေး ဦးစီးကော်မတီ ဥက္ကဌ၊ တိုင်းဒေသကြီးလူမှုရေးရာဝန်ကြီးဦးညွန့်ဝင်းအောင် က ကော်မတီများဖွဲ့စည်းထားရှိမှု အခြေအနေများ နှင့်ကြိုတင်စီမံဆောင်ရွက်သွားမည့် လုပ်ငန်းအခြေ အနေများအား ရှင်းလင်းဆွေးနွေး ပြောကြားသည်။

ဆက်လက်၍ စုပေါင်းမဟာဘုံကထိန်၊ သံဃာအပါး (၁၀၀၀)ဆွမ်းဆန်စိမ်းလောင်းလှူပွဲနှင့် တန်ဆောင် တိုင်ပွဲတော်ကျင်းပရေး ဦးစီးကော်မတီ အဖွဲ့ဝင်များဖြစ်ကြသည့် တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး၊ တိုင်းဒေသကြီး လျှပ်ဓာတ် အားဖြန့်ဖြူးရေးလုပ်ငန်း အင်ဂျင်နီယာမှူး၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌ၊ တိုင်းဒေသကြီး သာသနာရေးဦးစီးဌာန ညွှန်ကြားရေးမှူး၊ တိုင်းဒေသကြီး အထွေထွေအုပ်ချုပ်ရေးဦးစီးဌာန ဒုတိယညွှန်ကြားရေးမှူး၊ တိုင်းဒေသကြီး သမဝါယမဦးစီးဌာနမှ ညွှန်ကြားရေးမှူး၊ တိုင်းဒေသကြီး ပို့ဆောင်ရေးစီမံကိန်းဦးစီးဌာန ၊ တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူး၊ တိုင်းဒေသကြီး ကျန်းမာရေးဦးစီးဌာန တိုင်းဒေသကြီးဦးစီးမှူးနှင့် မုံရွာခရိုင်ရဲတပ်ဖွဲ့မှူးတို့က ကော်မ တီများအလိုက် လုပ်ငန်းများ ဆောင်ရွက်သွားမည့်အခြေအနေများနှင့်ပတ်သက်၍ အသီးသီးဆွေးနွေး တင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များက စုပေါင်းမဟာဘုံကထိန်၊ သံဃာအပါး(၁၀၀၀) ဆွမ်းဆန်စိမ်းလောင်းလှူပွဲနှင့် တန်ဆောင်တိုင်ပွဲ တော် အောင်မြင်စွာ ကျင်းပနိုင်ရေးလုပ်ငန်းများနှင့် ပတ်သက်၍ အသီးသီးဖြည့်စွက် ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်း အဝေးသို့ တက်ရောက်လာသူများ၏ အကြံပြုဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားခဲ့ကြောင်း သိရသည်။