မုံရွာ၊ အောက်တိုဘာ ၂၈

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် တိုင်းဒေသကြီး ပြန်ကြာရေးနှင့် ပြည်သူ့ဆက်ဆံရေးဦးစီးဌာနမှ ဖွင့်လှစ်သည့် အခြေခံကွန်ပျူတာသင်တန်း(၆/၂၀၂၄)ဖွင့်ပွဲ အခမ်းအနားကို အောက်တိုဘာလ ၂၈ ရက်နေ့၊ နံနက်ပိုင်းတွင် မုံရွာမြို့၊ မုံရွာခရိုင် ပြန်ကြားရေး နှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ သင်တန်းသား/သူများနှင့်တာဝန်ရှိသူများ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ကွန်ပျူတာနည်းပညာဘာသာရပ်များ ပိုမိုကျယ်ပြန့်စွာ အသုံးပြုနိုင်မှသာ အလုပ်အကိုင်အခွင့် အလမ်းများ ရရှိကြမည်ဖြစ်သည့်အတွက် တိုင်းဒေသကြီးအစိုးရအဖွဲ့အနေဖြင့် ဒေသတွင်းလူ ငယ်များ အလုပ်အကိုင်အခွင့်အလမ်းများရရှိစေရေး ကွန်ပျူတာအခြေခံသင်တန်းများအား ဖွင့် လှစ်စီစဉ်ဆောင်ရွက်ပေးနေခြင်း ဖြစ်ပါကြောင်း၊ သင်တန်သား/သူများအနေဖြင့် သင်တန်းမှသင် ကြားပို့ချပေးမည့် ကွန်ပျူတာပညာရပ်များအား ခေတ်နှင့်အညီ ကျွမ်းကျွမ်းကျင်ကျင် သင်ယူ တတ်မြောက်ထားရန် လိုအပ်သကဲ့သို့ တတ်မြောက်ထားသည့် နည်းပညာများကိုလည်း မှန်မှန် ကန်ကန်နှင့်အကျိုးရှိရှိ အသုံးချသွားကြရန် လိုအပ်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူးထံ တိုင်းဒေသကြီးအတွင်းရှိ ခရိုင် ၅ ခရိုင်တွင် အခြေခံကွန်ပျူတာသင်တန်း အမှတ်စဉ် (၆/၂၀၂၄)သင်တန်းများအတွက် ငွေကျပ်- ၁၀၇၉၀၀၀ (တစ်ဆယ်သိန်းခုနှစ်သောင်းကိုးထောင်) ကျပ်အား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီး ဦးခင်မောင်အေးက မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူးထံ Community Centre အတွက် လမ်းပြုပြင်ရန်အတွက် ထောက်ပံ့ငွေကျပ်သိန်း - ၄၀ နှင့်ဘိလပ် မြေအိတ် - ၁၆၉ အိတ်အား ထောက်ပံ့ပေးအပ်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/သူ များနှင့် စုပေါင်းမှတ်တမ်းတင် ဓာတ်ပုံရိုက်ကူးကာ သင်တန်းသား/သူများအား အခြေခံကွန်ပျူ တာသင်ကြားနေမှုများအား လိုက်လံကြည့်ရှုစစ်အားပေးပြီး လိုအပ်သည်များကို တာဝန်ရှိသူများ နှင့်ဖြည့်ဆည်းပေါင်းစပ် ဆောင်ရွက်ပေးခဲ့သည်။

အဆိုပါ အခြေခံကွန်ပျူတာသင်တန်း(၆/၂၀၂၄) အား တိုင်းဒေသကြီးအတွင်းရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး ခရိုင် ၅ ခရိုင်တွင် သင်တန်းသား/သူ ၇၂ ဦးတက်ရောက် သွားမည်ဖြစ်ပြီး သင်တန်းကာလ ၁ လအကြာ သင်ကြားပို့ချပေးသွားမည်ဖြစ်ကြောင်း သိရသည်။

မုံရွာ၊ အောက်တိုဘာ ၂၈

စစ်ကိုင်းတိုင်းဒေသကြီး e-Government စနစ် အကောင်အထည်ဖော်ရေးလုပ်ငန်း ကော်မတီမှ ကြီးမှူးဖွင့်လှစ်သည့် e-Government လူ့စွမ်းအားအရင်း အမြစ် ဖွံ့ဖြိုးရေးသင်တန်း ဖွင့်ပွဲ အခမ်းအနားကို အောက်တိုဘာလ ၂၈ ရက်၊ နံနက်ပိုင်းတွင် ကွန်ပျူတာတက္ကသိုလ် (မုံရွာ) ဘွဲ့နှင်းသဘင်ခန်းမ၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင် ရာများ၊ သင်တန်းသား/သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အများသူငါသိသင့်သိထိုက်သည့် သတင်းအချက် အလက်များအား အချိန်နှင့်တပြေးညီ Update လုပ်ခြင်း၊ နိုင်ငံသားဝန်ဆောင်မှုများပေးခြင်းသို့မဟုတ် သတင်းအချက်အလက်များ ထိန်းသိမ်းခြင်း/လွှင့်တင်ခြင်းများအတွက် e-Government လုပ်ငန်း ဆောင်တာများကို ချောမွေ့စေပြီး ၄င်း၏ ရည်ရွယ်ချက်အား ထိထိ ရောက်ရောက်ဆောင်ရွက်ပေးနိုင်ရန်အတွက် သင်တန်းသား/သူများ၏ အခန်းကဏ္ဍသည် အရေးကြီးသည့်ကဏ္ဍမှ ပါဝင်နေပါကြောင်း၊ ယခုသင်တန်းအောင်မြင်အောင် အပါတ်တကုတ်ကြိုးစား လေ့လာသင်ယူပြီး သင်တန်းသားများ၏ ကြိုးစားအားထုတ်မှုဖြင့် မိမိတို့တိုင်းဒေသကြီး၏ e-Government ကိုအောင်မြင်စွာ အကာင်အထည်ဖော်ဆောင်နိုင်လိမ့်မည်ဟု ယုံကြည်ပါကြောင်း ပြောကြားခဲ့သည်။

ယင်းနောက် ကွန်ပျူတာတက္ကသိုလ်(မုံရွာ) ပါမောက္ခချုပ်က e-Government လူ့စွမ်းအားအရင်းအမြစ် ဖွံ့ဖြိုးရေးသင်တန်းဖွင့်လှစ်ရခြင်းနှင့် ပတ်သက်၍ ရှင်းလင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား/သူ များနှင့်အတူ စုပေါင်းမှတ်တမ်းတင် ဓါတ်ပုံရိုက်ကြပြီး သင်တန်း သား/သူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ e-Government လူ့စွမ်းအားအရင်းအမြစ် ဖွံ့ဖြိုးရေးသင်တန်းသို့ တိုင်းဒေသ ကြီး/ခရိုင်/မြို့နယ် ဌာနဆိုင်ရာများမှ သင်တန်းသား/သူ ၄၃ ဦး တက်ရောက်သွားမည်ဖြစ်ပြီး သင်တန်းကာလ ၁၅ ရက်ကြာ သင်ကြားပို့ချသွားမည်ဖြစ်ကြောင်း သိရသည်။

မုံရွာ၊ အောက်တိုဘာ ၂၇

စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော မုံရွာမြို့ပေါ်ရှိ ဘုန်း တော်ကြီးကျောင်း ၆ ကျောင်းရှိ ဆရာတော်၊ သံဃာတော်များအား ဆွမ်းနှင့်ဆွမ်းဟင်း လောင်းလှူပွဲနှင့် သီလရှင်ကျောင်း ၆ ကျောင်းရှိ သီလရှင်ဆရာကြီး/ဆရာလေးများအား ဆွမ်းဆန်စိမ်းလောင်းလှူပွဲ အခမ်းအနားကို အောက်တိုဘာလ ၂၇ ရက်နေ့၊ နံနက်ပိုင်း တွင်တိုင်းဒေသကြီး အစိုးရအဖွဲ့ရုံးဝန်းအတွင်း ကျင်းပရာ ဆွမ်း၊ဆွမ်းဟင်းနှင့်ဆွမ်းဆန် စိမ်းလောင်းလှူပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့် ဌာနဆိုင်ရာများနှင့် အရာထမ်း၊အမှုထမ်းများ၊ တိုင်းဒေသကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာနမှ အရာထမ်း၊အမှုထမ်း များနှင့်မိသားစုဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့် ဇနီးများက ဆွမ်း၊ဆွမ်းဟင်းနှင့်ဆွမ်းဆန်စိမ်းလောင်းလှူပွဲသို့ လာရောက်လောင်းလှူကြ သည့် တိုင်းဒေသကြီးအဆင့် ဌာနဆိုင်ရာများနှင့် အရာထမ်း၊အမှုထမ်းများ၊ တိုင်းဒေသ ကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီးဌာနမှ အရာထမ်း၊ အမှုထမ်းများနှင့် မိသားစုဝင်များအား ရင်းရင်းနှီးနှီးလိုက်လံနှုတ်ဆက်ကြ သည်။

ယင်းနောက် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာန ဆိုင်ရာများနှင့် တိုင်းဒေသကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေ ထွေအုပ်ချုပ်ရေးဦးစီးဌာနမှ အရာထမ်း၊အမှုထမ်းများနှင့်မိသားစုဝင်များက ပင့်သံဃာ
ဆရာတော်၊ သံဃာတော်များအား ဆွမ်းနှင့်ဆွမ်းဟင်းများ၊ သစ်သီးနှင့်အချိုပွဲများ လောင်း လှူကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီး ချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အဆင့်ဌာန ဆိုင်ရာများ၊ တိုင်းဒေသကြီးအစိုးရအဖွဲ့ရုံးနှင့် တိုင်းဒေသကြီး/ခရိုင်/မြို့နယ် အထွေထွေ အုပ်ချုပ်ရေးဦးစီးဌာနမှ အရာထမ်း၊အမှုထမ်းများနှင့် မိသားစုဝင်များက သီလရှင်ဆရာ ကြီး၊ဆရာလေးများအား ဆွမ်းဆန်စိမ်းများနှင့်ဝတ္ထုငွေများ လောင်းလှူခဲ့ကြသည်။

အဆိုပါ စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော မုံရွာမြို့ပေါ်ရှိ ဆရာတော်၊သံဃာတော်များနှင့် သီလရှင်ဆရာကြီး၊ဆရာလေးများအား ဆွမ်းနှင့်ဆွမ်း ဟင်း၊ ဆွမ်းဆန်စိမ်းလောင်းလှူပွဲအား တိုင်းဒေသကြီးအစိုးရအဖွဲ့ရှိ ဝန်ကြီးဌာနများ၊ တိုင်းဒေသကြီး/ခရိုင်/မြို့နယ်ဌာနဆိုင်ရာများ၊ ဝန်ထမ်းများနှင့်မိသားစုဝင်များမှ လစဉ် လောင်းလှူသွားမည်ဖြစ်ကြောင်း သိရသည်။

မုံရွာ၊ အောက်တိုဘာ ၂၆

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ အခြေခံ ပညာကျောင်းများ သီတင်းကျွတ် ကျောင်းပိတ်ရက် ပြန်လည်ဖွင့်လှစ်သည့်အချိန်တွင် ကျောင်းသား/သူများ စိတ်အေးချမ်း သာစွာဖြင့် ပညာသင်ကြားနိုင်ရန်အတွက် အောက်တိုဘာလ ၂၆ ရက်၊ နံနက်ပိုင်းတွင် မုံရွာမြို့၊ ဆူးလေကုန်းရပ်ကွက်ရှိ အမှတ်(၃)အခြေခံပညာအထက်တန်း ကျောင်းဝန်း အတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွား နိုင်သည့် ရေနုတ်မြောင်းများရေစီးရေလာ ကောင်းမွန်စေရေးတို့အတွက် တိုင်းဒေသကြီး/ ခရိုင်/မြို့နယ် အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်မှုကြီးကြပ် ရေးအဖွဲ့ဝင်များ၊ အထေွထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာ နိုင်ငံရဲတပ်ဖွဲ့ဝင် များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများနှင့် ဆရာ/ဆရာမများ၊ ကျောင်းသား/သူများစုပေါင်း၍ သန့်ရှင်း ရေးလုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်ရာသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက သွားရောက်ကြည့်ရှုအားပေးခဲ့ကြပြီး စုပေါင်းသန့်ရှင်းရေး လုပ်ငန်းများဆောင်ရွက်နေသူများ၊ ရပ်ကွက်နေပြည်သူများ၊ ဌာန ဆိုင်ရာဝန်ထမ်းများနှင့် ဆရာ/ဆရာမများအား တန်ဖိုးသင့်စားသောက်ကုန်များ၊ ဟင်းသီး ဟင်းရွက်များနှင့် စားသုံးဆီများအား စေျးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးကာ ကျောင်းသားမိဘများနှင့်ဆရာ/ဆရာမများအား ရင်းရင်းနှီးနှီးနှုတ် ဆက်ပြီး စုပေါင်းသန့်ရှင်းရေးလုပ်ငန်းများဆောင်ရွက်နေကြသူများနှင့်အတူ နံနက်စာ အားအတူတကွသုံးဆောင် ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၈ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာ ဝန်ထမ်းများနှင့် စည်ပင်သာယာရေးအဖွဲ့များ စုစု ပေါင်းအင်အား ၁၂၀၀ ကျော်ဖြင့် အခြေခံ ပညာကျောင်းများနှင့် မြို့သန့်ရှင်းသာယာလှပ ရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ၊ အောက်တိုဘာ ၂၆

စစ်ကိုင်းတိုင်းဒေသကြီး ၂၀၂၄-ခုနှစ်၊ ပဉ္စမအကြိမ်၊ အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ်ပြိုင်နိုင်ရေးနှင့် အောင်နိုင်ရေး လုပ်ငန်းညှိနှိုင်း အစည်းအဝေး(၅/၂၀၂၄)ကို အောက်တိုဘာလ ၂၆ ရက်၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး အားကစားနှင့်ကာယပညာဦးစီးဌာနနှင့် အားကစားနှင့် ကာယပညာသိပ္ပံ(မုံရွာ)ကျောင်းအုပ်ကြီးနှင့် အားကစားနည်းများအလိုက် တာဝန်ခံများ၊ အသင်းနည်းပြများနှင့်အုပ်ချုပ်သူများ တက်ရောက်ကြသည်။

ဦးစွာ တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူး ဦးအောင်ဇော်လွင်က ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစား ပြိုင်ပွဲများသို့ ဝင်ရောက်ယှဉ်ပြိုင်နိုင်ရေး ကြိုတင်ပြင်ဆင်ဆောင်ရွက်ထားရှိမှုများနှင့် ပြိုင် ပွဲဝင်အားကစားသမားများ စုဖွဲ့လေ့ကျင့်နေမှုများအား Power Point ဖြင့် ရှင်းလင်းတင် ပြသည်။

ယင်းနောက် အစည်းအဝေးသို့ တက်ရောက်လာကြသည့် အားကစားနှင့်ကာယ ပညာသိပ္ပံ(မုံရွာ) ကျောင်းအုပ်ကြီးနှင့် အားကစားနည်းများအလိုက် တာဝန်ခံများ၊ အသင်း နည်းပြများနှင့်အုပ်ချုပ်သူများက မိမိတို့တာဝန်ယူဆောင်ရွက်နေသည့် အားကစားနည်း များအလိုက် စခန်းသွင်းစုဖွဲ့လေ့ကျင့်နေမှုများနှင့် ကြိုတင်ပြင်ဆင်ဆောင်ရွက်ထားသည့် အခြေအနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက မိမိတို့တာဝန်ယူ ကြီးကြပ် နေသည့် အားကစားနည်းများအလိုက် စခန်းသွင်းလေ့ကျင့်နေမှု အခြေအနေများ၊ စား သောက်ရေး/နေထိုင်ရေးနှင့် ကျန်းမာရေးစောင့်ရှောက်မှုပေးထားသည့် အခြေအနေများ အား ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက် ယှဉ်ပြိုင်နိုင်ရေး အောင်နိုင်ရေးလုပ်ငန်းများနှင့် ပတ်သက်၍ လိုအပ်သည်များကို အသီး သီးဆွေးနွေးတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသားအားကစား ပွဲတော်ပြိုင်ပွဲကြီးသို့ အားကစားနည်းများအလိုက် သွားရောက်ယှဉ်ပြိုင်ကြမည့် အုပ်ချုပ်/ နည်းပြများနှင့် ပြိုင်ပွဲဝင်အားကစားသမားများအားလုံးအတွက် ပြိုင်ဆိုင်မှုပြင်းထန်လှ သည့်ပြိုင်ပွဲကြီးတစ်ခုဖြစ်ပါကြောင်း၊ တာဝန်ရှိသူအားလုံးအနေဖြင့် ပြိုင်ပွဲကြီးအပေါ် တာ ဝန်ခံမှု၊တာဝန်သိမှုစိတ်ဓါတ်အပြည့်ဖြင့် ပြိုင်ပွဲများအလိုက် မိမိတို့အသင်းအနိုင်ရရှိရေး အားတစိုက်မတ်မတ် အလေးအနက်ထားပြီး စံချိန်ကောင်းများဖြင့် ဆုတံဆိပ်များရရှိကာ အောင်မြင်မှုများရရှိရေးအတွက် ပေါ့ဆမှုမရှိဘဲ အလေးထားဆောင်ရွက်သွားကြရန် လို အပ်ပါကြောင်း၊ အသင်းလိုက်အားကစားအနေဖြင့် လက်ရှိတွင်တစုတစည်းတည်း လေ့ ကျင့်နိုင်ပါက တစ်ဦးနှင့်တစ်ဦးအချိတ်အဆက်မိမိ ယှဉ်ပြိုင်ကစားသွားနိုင်မည် ဖြစ်ပါ ကြောင်း၊ အုပ်ချုပ်/နည်းပြများနှင့် ပြိုင်ပွဲဝင်အားကစားသမားအနေဖြင့် အားကစားနည်း များအလိုက် အမှန်တကယ်စုဖွဲ့လေ့ကျင့်ပြီး ဆုတံဆိပ်များဆွတ်ခူးရရှိအောင် အစွမ်းကုန် ကြိုးစားယှဉ်ပြိုင်သွားကြရန်နှင့် အားကစားသမားကောင်း စိတ်ဓါတ်ပြည့်ဝစွာဖြင့် စည်း ကမ်းကောင်းမွန်ပြီး ယုံကြည့်ချက်ခံယူချက် ကောင်းမွန်စွာဖြင့် ယှဉ်ပြိုင်ကစားသွားကြ ရန်လိုအပ်ပါကြောင်း ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ အောက်တိုဘာ ၂၅

စစ်ကိုင်းတိုင်းဒေသကြီး၊ စစ်ကိုင်းမြို့နယ်အတွင်းရှိ ဒေသခံတောင်သူများ စိုက်ပျိုး ထားသည့်သီးနှံများအား ပန်းတိုင်အထွက်နှုန်းရရှိရေးအတွက် သွင်းအားစုများထောက်ပံ့ ပေးအပ်ပွဲအခမ်းအနားကို အောက်တိုဘာလ ၂၅ ရက်၊ နံနက်ပိုင်းတွင် စစ်ကိုင်းမြို့၊ ခရိုင် စိုက်ပျိုးရေးဦးစီးဌာနရုံးရှိ မြတ်ဇေယျာခန်းမတွင် ကျင်းပရာ အခမ်းအနားသို့ တိုင်းဒေသ ကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့နယ်အတွင်းရှိ ဒေသခံတောင်သူများ တက်ရာက်ကြသည်။

ဦးစွာ စစ်ကိုင်းခရိုင် ကြေးတိုင်နှင့်မြေစာရင်းဦးစီးဌာနမှ ခရိုင်ဦးစီးမှူးက စစ်ကိုင်း ခရိုင်အတွင်းရှိ မြို့နယ်များ၌ အမှန်တကယ်စိုက်ပျိုးလုပ်ကိုင်နေသည့် လယ်ယာမြေများ အသုံးချစိုက်ပျိုးနေမှုများအား လည်းကောင်း၊ ခရိုင်စိုက်ပျိုးရေးဦးစီးဌာနမှ ခရိုင်ဦးစီးမှူး ကစစ်ကိုင်းခရိုင်အတွင်း ရာသီအလိုက် စိုက်ပျိုးသည့်သီးနှံများ ပန်းတိုင်အထွက်နှုန်းရရှိ ရေး လုပ်ငန်းများဆောင်ရွက်နေမှုများအား လည်းကောင်း၊ ခရိုင်ငါးလုပ်ငန်းဦးစီးဌာန ခရိုင်ဦးစီးမှူးက ငါးစားသုံးမှုဖူလုံစေရန်အတွက် ငါးမွေးမြူထားရှိမှု အခြေအနေများအား လည်းကောင်း၊ ခရိုင်မွေးမြူရေးနှင့်ကုသရေးဦးစီးဌာနမှ ခရိုင်ဦးစီးမှူးက အသားနှင့်ဥ မွေးမြူထုတ်လုပ်နေမှု အခြေအနေများအား လည်းကောင်း၊ ခရိုင်ဆည်မြောင်းနှင့်ရေ အသုံးချမှုစီမံခန့်ခွဲရေးဦးစီးဌာန(ရေအရင်းအမြစ်)မှ ခရိုင်ဦးစီးမှူးက မြစ်ရေတင်လုပ်ငန်း များမှ စိုက်ပျိုးရေပေးဝေနေမှု အခြေအနေများအား လည်းကောင်း၊ ခရိုင်ဆည်မြောင်း နှင့်ရေအသုံးချမှုစီမံခန့်ခွဲရေးဦးစီးဌာနမှ ခရိုင်ဦးစီးမှူးက စစ်ကိုင်းခရိုင်အတွင်းရှိ ဆည် တမံများမှ စိုက်ပျိုးရေဖြန့်ဝေပေးနေမှုများနှင့် စိုက်ပျိုးရေ အခွန်များရရှိရေးတို့အား လည်းကောင်း ရှင်းလင်းပြောကြားကြသည်။

ယင်းနောက် စစ်ကိုင်းခရိုင် စီမံအုပ်ချုပ်ရေးအဖွဲ့ ဉက္ကဌက စစ်ကိုင်းခရိုင်အတွင်း စိုက်ပျိုးထားသည့်သီးနှံများနှင့် ပတ်သက်၍ ရှင်းလင်းပြောကြားကာ တိုင်းဒေသကြီး စိုက် ပျိုးရေးဦးစီးဌာနမှ ညွှန်ကြားရေးမှူးက စစ်ကိုင်းခရိုင်အတွင်း၌ စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးအတွက် တောင်သူများလိုက်နာဆောင်ရွက်ရမည့် လုပ်ငန်း များအား ဖြည့်စွက်ဆွေးနွေး ပြောကြားသည်။

ထို့်နောက် တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီးအတွင်း စိုက်ပျိုး လျက်ရှိသည့် စပါး၊ဆီထွက်သီးနှံနှင့်ဝါသီးနှံစသည့် သီးနှံမျိုးစုံစိုက်ဧကများ လျာထား ချက်ပြည့်မီရေးနှင့် ပန်းတိုင်အထွက်နှုန်းရရှိရေးအား စိုက်ပျိုးရေးကြီးကြပ်မှုအဖွဲ့များနှင့် ဒေသခံတောင်သူများမှ အလေးထားကာ ပူးပေါင်းဆောင်ရွက်သွားကြရန် လိုအပ်ပါ ကြောင်း၊ ရာသီအလိုက်စိုက်ပျိုးသမျှသီးနှံများ ပန်းတိုင်အထွက်နှုန်းရရှိရေးနှင့် တိုင်းဒေ သကြီး၏ သီးထပ်သီးညှပ်စိုက်စွမ်းအား မြှင့်တင်ရေးအတွက် ဌာနဆိုင်ရာများနှင့် တာဝန် ရှိသူများမှ မြေပြင်အထိကွင်းဆင်း၍ အနီးကပ်ကြီးကြပ်မှုများ ဆောင်ရွက်သွားကြရန်နှင့် ပညာပေးကွင်းသရုပ်ပြပွဲများ မကြာခဏ ဆောင်ရွက်သွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက စစ်ကိုင်းမြို့နယ်အတွင်းရှိ ဒေသခံတာင်သူများ စိုက်ပျိုးထားသည့်သီးနှံများအား ပန်းတိုင် အထွက်နှုန်းရရှိရေးအတွက် ကျေးရွာ ၆ ရွာရှိ ဒေသခံတောင်သူ ၃၅၀ ဦးအတွက် ကျေးရွာ ကိုယ်စားလှယ်များထံ သွင်းအားစုများအား ထောက်ပံ့ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက် အားပေးစကားများပြော ကြားပြီး တာဝန်ရှိသူများနှင့်အတူ ဒေသခံတောင်သူများအား နံနက်စာများဝေငှပေးခဲ့ကြ ပြီးစားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအား ပေးခဲ့ကြောင်းသိရသည်။