မုံရွာ၊ စက်တင်ဘာ ၂၅

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်ရွက် နေသည့်လုပ်ငန်းများ အောင်မြင်အောင်ဆောင်ရွက်ရေး ညှိနှိုင်းအစည်းအဝေး (၆/၂၀၂၄)ကို စက်တင်ဘာလ ၂၅ ရက်နေ့၊ မွန်းလွဲပိုင်းတွင် တိုင်းဒေသကြီး အစိုးရအဖွဲ့ရုံးရှိ အစည်းအဝေး ခန်းမတွင်ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ရွှေဘိုခရိုင်နှင့် မုံရွာ ခရိုင်စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင် အုပ်ချုပ်ခွင့်ရဒေသ၊ ကလေးခရိုင်၊ ခန္တီးခရိုင်၊ စစ်ကိုင်းခရိုင် စီမံအုပ်ချုပ်ရေးအဖွဲ့ဥက္ကဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း နယ်မြေတည်ငြိမ်အေးချမ်းရေးအတွက် တပ်မတော်၊ မြန်မာနိုင်ငံရဲတပ်ဖွဲ့၊ ပြည်သူ့စစ်နှင့် အုပ်ချုပ်ရေးအဖွဲ့အစည်းများမှ ဟန်ချက်ညီညီပူးပေါင်း အကောင် အထည်ဖော် ဆောင် ရွက်နေပါကြောင်း၊ ကုန်သွယ်လုပ်ငန်းများစီးဆင်းမှု၊ ကုန်ဈေးနှုန်းများတည်ငြိမ်မှုအတွက် မြို့ဝင်/မြို့ထွက်ဂိတ်များအပါအဝင် စစ်ဆေးရေးလုပ်ငန်းများအား ဆောင်ရွက်နေသူများ အနေဖြင့်လည်း ခရီးသွားပြည်သူများအပေါ် အဂတိတရား (၄)ပါးကင်းရှင်း စွာဖြင့်ဆောင် ရွက်သွားကြရန် လိုအပ်ပါကြောင်း၊ ဒါမှသာမိမိတာဝန် ဌာနတာဝန်နှင့် နိုင်ငံ့တာဝန်များ အား ထမ်းဆောင်နိုင်မည့် နိုင်ငံ့ဝန်ထမ်းကောင်းများအဖြစ် ဂုဏ်ယူဝံ့ကြွားနိုင်မည် ဖြစ် ပါကြောင်း၊ စိုက်ပျိုးရေးကဏ္ဍတွင် အဓိကသီးနှံ(၁၀)မျိုးနှင့်ပတ်သက်၍ ပန်းတိုင်အထွက် နှုန်းရရှိအောင် တိုင်း/ခရိုင်/မြို့နယ် စိုက်ပျိုးရေးကြီးကြပ်ညှိနှိုင်းမှုကော် မတီအဖွဲ့ဝင်များ နှင့်ခရိုင်/မြို့နယ်၊ရပ်ကွက်/ကျေးရွာအုပ်စု၊ အုပ်ချုပ်ရေးမှူးများမှ ပူးပေါင်းအကောင် အထည်ဖော်ဆောင်ရွက်သွားကြရန် လိုအပ်ပါကြောင်း၊ မွေးမြူရေးကဏ္ဍတွင်လည်း တိရစ္ဆာန်အစာပင် စိုက်ပျိုးနိုင်ရေးအား စနစ်တကျစိုက်ပျိုးရန် လိုအပ်သကဲ့သို့ တိုင်းဒေသ
ကြီးအတွင်း အသားထုတ်လုပ်မှု၊ ဥဖူလုံမှုရှိစေရန် အထူးလိုအပ်ပါကြောင်းနှင့် အမှန် တကယ်စိုက်ပျိုးထုတ်လုပ်မှုရှိမှသာ ပြည်သူများအနေဖြင့်စားသုံးမှုတွင် ဈေးနှုန်းသက် သာစွာဖြင့်စားသုံးနိုင်မည် ဖြစ်ပါကြောင်း၊ တင်ဒါလုပ်ငန်းဆောင်ရွက်နေမှုများအနေဖြင့် တည်ဆောက်ရေးလုပ်ငန်းများအား လုံး ၅၀ ရာခိုင်နှုန်းကျော် ပြီးသင့်နေပြီဖြစ်ပါကြောင်း၊ လုပ်ငန်းများမြန်ဆန်စွာပြီးမှသာ ပြည်သူများအနေဖြင့် ဖွံ့ဖြိုးမှုနှင့်အကောင်အထည်ဖော်သည့် လုပ်ငန်းများ၏ရလာဒ်အား စောလျင်စွာခံစားကြရမည် ဖြစ်ပါကြောင်း၊ သက်ဆိုင်ရာဌာနများအနေဖြင့် စနစ်တကျဖြစ် စေရေးနှင့် အရည်အသွေးကောင်းမွန်စေရေးတို့အား အလေးထားလုပ်ဆောင်သွား ကြရန် လိုအပ်ပါကြောင်း၊ ဌာနဆိုင်ရာများနှင့် ခရိုင်/မြို့နယ်အားလုံးသည် နိုင်ငံတော်စီမံအုပ်ချုပ် ရေးကောင်စီမှ ချမှတ်ထားသည့် အမျိုးသားရေးရည်မှန်းချက်၊ နိုင်ငံရေးရည်မှန်းချက်များ၊ ရှေ့လုပ်ငန်းစဉ်များနှင့် ဦးတည်ချက်များအား အောင်မြင်စွာအကောင်အထည်ဖော် ဆောင်ရွက်ကာ တိုင်းပြည်တည်ငြိမ်အေးချမ်းပြီး လူမှုစီးပွားဘဝများ ဖွံ့ဖြိုးတိုးတက် အောင်အားလုံးဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့ သည်။

ယင်းနောက် တိုင်းဒေသကြီးအစိုးရအဖွဲ့ ညွှန်ကြားရေးမှူး ဦးလွှမ်းမိုးဟန်က (၅/၂၀၂၄) အစည်းအဝေးတွင် လမ်းညွှန်မှာကြားချက်များအပေါ် ဌာနဆိုင်ရာများမှ လိုက် နာဆောင်ရွက်ပြီးစီးမှု အခြေအနေအား ရှင်းလင်းဆွေးနွေး တင်ပြသည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/မြို့နယ်များအတွင်း မိမိတို့ဌာနများအလိုက် အကောင် အထည်ဖော် ဆောင်ရွက်နေ သည့်လုံခြုံရေး၊ အုပ်ချုပ်ရေးနှင့်စီမံရေးဆိုင်ရာများ၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သာယာလှပရေးနှင့် မြို့နယ်များ အတွင်း အခြေခံစားသောက်ကုန်များ ရောင်းချပေးနေမှု၊ နိုင်ငံ့စီးပွားမြှင့်တင်ရေးရန်ပုံငွေ ဖြင့်စိုက်ပျိုးရေး၊ မွေးမြူရေးနှင့် MSMEs လုပ်ငန်းများဆောင်ရွက်နေမှု အခြေအနေများ အား အသီးသီးရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်၊ စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် လည်းကောင်း၊ ရွှေဘိုခရိုင်၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌများက မိမိတို့ ခရိုင်များအတွင်းရှိ မြို့နယ်များ၏ ဒေသတည်ငြိမ်အေးချမ်းရေးနှင့် အကောင်အထည် ဖော် ဆောင်ရွက်နေသည့် လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီး သီးရှင်းလင်းတင်ပြပြီး ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာသူများက တိုင်းဒေသကြီးအတွင်း ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်ရွက်နေသည့် လုပ်ငန်းများအောင်မြင်အောင် ဆောင်ရွက်ရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူ များ၏ အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ နိဂုံးချုပ်စကားပြောကြားခဲ့ ကြောင်း သိရသည်။

မုံရွာ၊ စက်တင်ဘာ ၂၄

စက်တင်ဘာလ ၂၄ ရက်၊ နံနက် ၅ နာရီ ၁၀ မိနစ်အချိန်တွင် စစ်ကိုင်းတိုင်းဒေသ ကြီး၊ မုံရွာမြို့၊ အမှတ်(၂)အခြေခံပညာအထက်တန်းကျောင်း(အလုံ)၌ လျှပ်စစ်ဝါယာလျော့ ဖြစ်ရာမှ ကျောင်းခန်းမ၊ ရုံးခန်း နှင့်စာသင်ခန်း ၃ ခန်း မီးလောင်မှုဖြစ်ပွားခဲ့ရာ တိုင်းဒေသ ကြီးမီးသတ်ဦးစီးဌာနရုံးနှင့် မုံရွာခရိုင်/မြို့နယ် မီးသတ်စခန်းများမှ မီးငြိမ်းသတ်ယာဉ်များ၊ ရေသယ်ယာဉ်များဖြင့် မီးငြိမ်းသတ်ခဲ့ရာ ၆ နာရီ မိနစ် ၄၀ အချိန်တွင် မီးငြိမ်းသတ်နိုင်ခဲ့ သည်။

အဆိုပါ မီးလောင်မှုဖြစ်ပွားသည့်နေရာသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ အနောက်မြောက်တိုင်း စစ်ဌာနဌာန ချုပ်မှ အရာရှိကြီးများ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံအုပ် ချုပ်ရေးအဖွဲ့ ဉက္ကဌများနှင့် အဖွဲ့ဝင်များက သွားရောက်ကြည့်ရှု စစ်ဆေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကျောင်းအုပ်ဆရာ မကြီး၊ ဆရာ/ဆရာမများနှင့် တွေ့ဆုံရာ တိုင်းဒေသကြီး မီးသတ်ဦးစီးဌာန ညွှန်ကြားရေး မှူးနှင့် တိုင်းဒေသကြီး ပညာရေးဦးစီးဌာနမှ ဒုတိညွှန်ကြားရေးမှူးချုပ် တို့က မီးလောင် မှုဖြစ်ပွားမှု အခြေအနေများနှင့် ဆုံးရှုံးမှုအခြေအနေများအား ရှင်းလင်းပြောကြားကြ သည်။

ဆက်လက်၍ တိုင်းဒေသကြီး ဝန်ကြီးချုပ်က မီးလောင်ဆုံးရှုံးသွားသည့် ကျောင်း ခန်းမ၊ရုံးခန်းနှင့် စာသင်ခန်းများ အချိန်မီပြန်လည်တည်ဆောက်ရေး၊ ကျောင်းနှင့်သက် ဆိုင်သည့် စာရွက်စာတမ်းများ၊ စာသင်ခုံများ၊ ပရိဘောဂပစ္စည်းများနှင့် သင်ထောက်ကူ ပစ္စည်းများ၊ လျှပ်စစ်ပစ္စည်းများအား တာဝန်ရှိသူများနှင့်ပူးပေါင်း၍ အမြန်ပြန်လည်
ဖြည့်တင်းရေး၊ ဆရာ/ဆရာမများအနေဖြင့် ကျောင်းသား/သူများအတွက် သင်ကြားရေး လုပ်ငန်းများအား ရပ်နားမှုမရှိစေရန် ဆက်လက်သင်ကြားရေး၊ မိမိတို့ တိုင်းဒေသကြီး အစိုးရအဖွဲ့မှလည်း လိုအပ်သည်များပံ့ပိုးကူညီ ဆောင်ရွက်ပေးသွားမည် ဖြစ်ပါကြောင်း အားပေးစကားများ ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ဆရာ/ဆရာမများ အားရင်းရင်းနှီးနှီး လိုက်လံနှုတ်ဆက်အားပေးခဲ့ကြောင်း သိရသည်။

မုံရွာ၊ စက်တင်ဘာ ၂၄

စစ်ကိုင်းတိုင်းဒေသကြီးအတွင်း ၂၀၂၄-၂၀၂၅ ခုနှစ်၊ မိုးသီးနှံများ ပန်းတိုင်အထွက် နှုန်းရရှိရေးအတွက် သွင်းအားစု ဓာတ်မြေသြဇာနှင့်စက်သုံးဒီဇယ်ဆီများ ထောက်ပံ့ပေး အပ်ပွဲအခမ်းအနားကို စက်တင်ဘာလ ၂၄ ရက်၊ နံနက်ပိုင်းတွင် မုံရွာမြို့၊ တိုင်းဒေသကြီး စိုက်ပျိုးရေးဦးစီးဌာနရုံးရှိ မြတ်သလ္လာခန်းမတွင် ကျင်းပရာ အခမ်းအနားသို့ တိုင်းဒေသ ကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် စိုက်ပျိုးရေးဦးစီးဌာနမှ ဝန်ထမ်းများနှင့် မုံရွာမြို့နယ်အတွင်းရှိ ကျေးရွာများမှ ဒေသခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့အနေဖြင့် တိုင်းဒေသကြီး၏ စားရေရိက္ခာဖူလုံရေးနှင့် စိုက်ပျိုးစွမ်းအား မြှင့်တင်နိုင် ရေးအတွက် နည်းလမ်းပေါင်းစုံဖြင့် ဆောင်ရွက်လျက်ရှိရာ သီးနှံစိုက်ပျိုးရာသီအလိုက် လျာထားဧကပြည့်မီစွာ စိုက်ပျိုးနိုင်ရေးသည် အခြေခံကျသည့် အဓိကလုပ်ငန်းတစ်ခုဖြစ် ခြင်းကြောင့် ယခုမိုးရာသီတွင် စိုက်ပျိုးလျက်ရှိသည့် စပါး၊ ဆီထွက်သီးနှံနှင့် ဝါသီးနှံအပါ အဝင် သီးနှံမျိုးစုံလျာထားချက်ထက် ပြည့်မီကျော်လွန်စွာ စိုက်ပျိုးနိုင်ရေး စိုက်သမျှသီးနှံ တိုင်း ပန်းတိုင်အထွက်နှုန်းရရှိရေးနှင့် လာမည့်ဆောင်းသီးနှံ စိုက်ပျိုးရာသီတွင် စိုက်ပျိုး မည့်သီးနှံများ လျာထားချက်ပြည့်မီစွာ စိုက်ပျိုးနိုင်ရေးတို့အတွက် ကြိုတင်ပြင်ဆင်ဆောင် ရွက်ကြရမည့် အချိန်အခါ ဖြစ်ပါကြောင်း၊ သီးနှံများပန်းတိုင်အထွက်နှုန်းရရှိစေရန် ဆောင်ရွက်ခြင်းနှင့်အတူ သီးနှံစိုက်စွမ်း အားကို မြှင့်တင်နိုင်ရေးအတွက် မိုးစပါးတစ်သီးသာ စိုက်ပျိုးကြသည့်မြေယာများအပေါ် တွင် ဒေသ၊ ရေ၊ မြေ အခြေအနေအပေါ်မူတည်ပြီး နှစ်သီးသုံးသီးအထိ သီးထပ်သီးနှံ အပြည့်အဝစိုက်ပျိုးနိုင်ရေးနှင့် သီးညှပ်စိုက်ပျိုးနိုင်ရေးတို့ကိုလည်း ဆောင်ရွက် ရမည် ဖြစ်ပါကြောင်း၊ သီးနှံများစိုက်ပျိုးရာတွင် လိုအပ်သည့်မြေဩဇာများ ဈေးနှုန်းချိုသာစွာ ဝယ် ယူသုံးစွဲနိုင်ရေး ဖြန့်ဖြူးရောင်းချပေးခြင်းများ စီမံဆောင်ရွက်ပေးလျက်ရှိပါကြောင်း၊ ယနေ့ အခမ်းအနားတွင်လည်း တောင်သူများစိုက်ပျိုးရေး လုပ်ငန်းများတွင် အသုံးပြုလျက် ရှိသည့် စက်ကိရိယာများအတွက် ဖမ်းဆီးရမိစက်သုံးဒီဇယ်ဆီများကိုလည်း ဖြန့်ဖြူးပေး သွားမည်ဖြစ်ပါကြောင်း၊ နိုင်ငံတော်အနေဖြင့် ကူညီပံ့ပိုးပေးမှုများနှင့်အတူ စိုက်ပျိုးရေး ပညာရှင်များ၏ စိုက်ပျိုးနည်းပညာများ ဖြန့်ဝေပေးမှုများအား တောင်သူလယ်သမားများ အနေဖြင့် ကြိုးစားအားထုတ်လိုက်နာဆောင်ရွက် ကြမည်ဆိုပါက စိုက်ပျိုးသီးနှံများ အထွက်တိုးပြီး တောင်သူများဝင်ငွေတိုးပွား၍ ဓနအင်အားဖြိုးကြွယ်ဝကာ လယ်ယာစိုက် ပျိုးရေးကဏ္ဍ တိုးတက်လာပြီး နိုင်ငံ့စီးပွားမြင့်မားလာမည်မှာ ဧကန်မလွဲနိုင်ပါကြောင်း ပြောကြားခဲ့သည်။

ဆက်လက်ပြီး တိုင်းဒေသကြီး စိုက်ပျိုးရေးကြီးကြပ်မှုအဖွဲ့များမှ စစ်ကိုင်းတိုင်းဒေ သကြီးအတွင်းရှိ ခရိုင်/မြို့နယ်များအတွင်း ၂၀၂၄-၂၀၂၅ ခုနှစ်၊ မိုးသီးနှံများ ပန်းတိုင် အထွက်နှုန်းရရှိရေးအတွက် မိမိတို့ဌာနများအလိုက် ဆောင်ရွက်နေသည့်လုပ်ငန်းများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား ရှင်းလင်းပြောကြားသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက တိုင်းဒေသ ကြီးအတွင်း ၂၀၂၄-၂၀၂၅ ခုနှစ်၊ မိုးသီးနှံများ ပန်းတိုင်အထွက်နှုန်းရရှိရေးအတွက် တိုင်းဒေ သကြီး အဆင့်ဌာနဆိုင်ရာများ၏ တင်ပြချက်များအပေါ် လိုအပ်သည်များကို ဖြည့်စွက် ဆွေးနွေးပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့ဝင်များက မုံရွာမြို့နယ်အတွင်းရှိကျေးရွာများမှ ဒေသခံတောင်သူများထံ သွင်းအားစု ဓာတ်မြေသြဇာ နှင့်စက်သုံးဒီဇယ်ဆီများအား အသီးသီး ထောက်ပံ့ပေးအပ်ခဲ့ကြသည်။
ဆက်လက်ပြီး တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ် စကားပြောကြားကာ အခမ်းအနားသို့ တက်ရောက်လာကြသည့် ဒေသခံတောင်သူများ အားရင်းရင်းနှီးနှီး လိုက်လံနှုတ်ဆက် ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း မုံရွာမြို့နယ်အတွင်းရှိ ကျေးရွာ ၂၈ ရွာမှ ဒေသခံတောင် ၅၀၀ ဦးအား သွင်းအားစု ဓာတ်မြေသြဇာ၊ စက်သုံးဒီဇယ်ဆီများ ဖြန့်ဝေပေးနေမှုနှင့် စားသုံးဆီများအား ဈေးနှုန်းသက်သာစွာဖြင့် ရောင်းချပေနေမှုများအား လိုက်လံကြည့်ရှုခဲ့ကြောင်း သိရသည်။

မုံရွာ၊ စက်တင်ဘာ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် စက်တင်ဘာလ ၂၃ ရက်၊ နံနက်ပိုင်းတွင် အားကစားနှင့်ကာယပညာသိပ္ပံ(မုံရွာ)ကျောင်း ဝန်းအတွင်းရှိ လေ့ကျင့်ရေးဘောလုံးကွင်း၌ ၂၀၂၄-ခုနှစ်၊ ပဉ္စမအကြိမ် အမျိုးသားအား ကစားပွဲတော် အားကစားပြိုင်ပွဲများသို့ သွားရောက်ယှဉ်ပြိုင်မည့် တိုင်းဒေသကြီးကိုယ် စားပြု ပြေးခုန်ပစ်/ဘောလုံး အားကစားသမားများ၏ လေ့ကျင့်နေမှုများအား သွားရောက် ကြည့်ရှုအားပေးကြသည်။

ယင်းနောက် ပြိုင်ပွဲဝင်အားကစားသမားများ၊ အသင်းအုပ်ချုပ်သူများ၊ နည်းပြများ နှင့်ရင်းရင်းနှီးနှီးတွေ့ဆုံရာ တိုင်းဒေသကြီး ဝန်ကြီးချုပ် ဦးမြတ်ကျော်က ပြိုင်ပွဲဝင်အား အသင်းအုပ်ချုပ်သူများနှင့် ကစားသမားများအနေဖြင့် မိမိတို့ဝင်ရောက်ယှဉ်ပြိုင်သွားမည့် အားကစားနည်းများအလိုက် ဆုများရရှိအောင် အစွမ်းကုန် လေ့ကျင့်ကြိုးစား ယှဉ်ပြိုင်သွား ကြရန်နှင့် လေ့ကျင့်နေသည့်ကာလအတွင်း ကျန်းမာရေးအား အထူးဂရုပြုနေထိုင်သွားကြ ရန်လိုအပ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် လည်းသွားရောက်ယှဉ် ပြိုင်မည့် အားကစားသမားများအတွက် နေထိုင်၊စားသောကရေးနှင့် သွားလာရေးကိစ္စရပ် များအား လိုအပ်ချက်မရှိအောင် တာဝန်ရှိသူများနှင့် ဖြည့်ဆည်းဆောင်ရွက်ပေးသွားမည် ဖြစ်ပါကြောင်း မှာကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းဝန်းအတွင်းရှိ သက်မှတ်အားကစားရုံများအတွင်း ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ သွားရောက်ယှဉ်ပြိုင်မည့် တိုင်းဒေ သကြီးကိုယ်စားပြု ပိုက်ကျော်ခြင်း၊ ခရာတေး၊ လက်ဝှေ့နှင့် အလေးမ အားကစားသမား များစခန်းသွင်းလေ့ကျင့်နေမှုများအား လိုက်လံကြည့်ရှုအားပေးပြီး ပြိုင်ပွဲဝင်အားကစား သမားများအား ရင်းရင်းနှီးနှီးနှတ်ဆက် အားပေးစကားများပြောကြားကာ ပြိုင်ပွဲဝင် အသင်းများ၏လိုအပ်ချက်များအား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက် ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိ စားရိပ်သာဆောင် ၂ တွင် ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားက စားပြိုင်ပွဲများသို့ ဝင်ရောက်ယှဉ်ပြိုင်နိုင်ရေးနှင့်အောင်နိုင်ရေး အမှတ်စဉ်(၄/၂၀၂၄)လုပ် ငန်းညှိနှိုင်းအစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူးက ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက်ယှဉ်ပြိုင် နိုင်ရေး ကြိုတင်ပြင်ဆင်ဆောင်ရွက်ထားရှိမှုများအား Power Point ဖြင့် ရှင်းလင်းတင်ပြ ပြီး တိုင်းဒေသကြီးအဆင့် ဌာနဆိုင်ရာများက မိမိတို့တာဝန်ယူဆောင်ရွက်နေသည့် အား ကစားနည်းများအလိုက် စခန်းသွင်းလေ့ကျင့်နေမှု အခြေအနေများ၊ စားသောက်ရေး/ နေထိုင်ရေးနှင့် ကျန်းမာရေးစောင့်ရှောက်မှုပေးထားသည့် အခြေအနေများအား ရှင်းလင်း ဆွေးနွေး တင်ပြကြသည်။

ဆက်လက်၍ အစည်းအဝေးသို့ တက်ရောက်လာကြသည့် အားကစားနှင့်ကာယ ပညာသိပ္ပံ(မုံရွာ) ကျောင်းအုပ်ကြီးနှင့် အားကစားနည်းများအလိုက် တာဝန်ခံများ၊ အသင်း နည်းပြနှင့်အုပ်ချုပ်သူများက မိမိတို့တာဝန်ယူ ဆောင်ရွက်နေသည့် အားကစားနည်းများ အလိုက် စခန်းသွင်းစုဖွဲ့လေ့ကျင့်နေမှုများနှင့် ကြိုတင်ပြင်ဆင်ဆောင်ရွက်နေသည့် အခြေ အနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက ၂၀၂၄-ခုနှစ်၊ ပဉ္စမအကြိမ် အမျိုးသားအားကစားပွဲတော် အားကစားပြိုင်ပွဲများသို့ ဝင်ရောက် ယှဉ်ပြိုင်နိုင်ရေး အောင်နိုင်ရေးလုပ်ငန်းများနှင့် ပတ်သက်၍ လိုအပ်သည်များကို အသီး သီးဆွေးနွေးတင်ပြကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က ပြိုင်ပွဲများအတွက် တာဝန်ပေးအပ်ထားသည့် တာဝန်ရှိသူများအနေဖြင့် မိမိတို့တာဝန်ယူဆောင်ရွက်သွား မည့်အားကစားနည်းအလိုက် မိမိတို့လုပ်ဆောင်ရမည့် လုပ်ငန်းတာဝန်များအပေါ် စိတ်ပါ ဝင်စားစွာအာရုံစူးစိုက်ပြီး အောင်မြင်မှုများရရှိအောင် တစိုက်မတ်မတ် အလေးထားဆောင် ရွက်သွားကြရန် လိုအပ်ပါကြောင်း၊ အားကစားနည်းအလိုက် အုပ်ချုပ်/နည်းပြ/အားကစား သမားများအားလုံးအတွက် ပြိုင်ဆိုင်မှုပြင်းထန်သည့် ပြိုင်ပွဲဖြစ်သလို ပြည်နယ်နှင့်တိုင်း ဒေသကြီးအားလုံးမှလည်း အနိုင်ရရှိရေး ကြိုတင်ပြင်ဆင်လာကြမည်ဖြစ်သည့်အတွက် မိမိတို့တိုင်းဒေသကြီးမှ တာဝန်ရှိသူများမှလည်း အထူးအလေးအနက်ထားပြီး စံချိန် ကောင်းများဖြင့် ဆုတံဆိပ်များရရှိကာ အောင်မြင်မှုများရရှိရေး ပေါ့ဆမှုမရှိဘဲ တာဝန် ယူမှု၊တာဝန်ခံမှုအပြည့်ဖြင့် ကြိုးစားကြီးကြပ် တာဝန်ယူဆောင်ရွက်သွားကြရန် လိုအပ်ပါ ကြောင်း၊ မိမိတို့တိုင်းဒေသကြီးအစိုးရအဖွဲ့မှ ဖြည့်ဆည်းဆောင် ရွက်ပေးသွားမည်ဖြစ် သည့် အတွက်အောင်မြင်မှုရရှိရေးကိုသာ အစွမ်းကုန်ကြိုးပမ်း ဆောင်ရွက်သွားကြရန် လိုအပ်ပါကြောင်း မှာကြားသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီး အားက စားနှင့်ကာယပညာဦးစီးဌာန၊ ညွှန်ကြားရေးမှူးထံ ၂၀၂၄-ခုနှစ်၊ ပဉ္စမအကြိမ် အမျိုးသား အားကစားပွဲတော် အားကစားပြိုင်ပွဲများသို့ သွားရောက်ယှဉ်ပြိုင်မည့် တိုင်းဒေသကြီး ကိုယ်စားပြု အားကစားသမားများအတွက် ငွေကျပ် သိန်း (၁၀၀၀) အား ထောက်ပံ့ပေး အပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိ စားရိပ်သာတွင် တိုင်းဒေသကြီး အားကစားနှင့်ကာယပညာဦးစီးဌာနမှ တိုင်း ဒေသကြီးဦးစီးမှူးနှင့်ဝန်ထမ်းများ၊ အားကစားနှင့်ကာယပညာသိပ္ပံ(မုံရွာ) ကျောင်းအုပ် ကြီးနှင့်နည်းပြများ၊ ကျောင်းသား/ကျောင်းသူများနှင့်အတူ အထူးနေ့လည်စာ အတူတကွ သုံးဆောင်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကျောင်းသား/သူ များ နေ့လည်စာသုံးဆောင်နေမှုများအား လိုက်လံကြည့်ရှုခဲ့ကြပြီး တိုင်းဒေသကြီး လူမှု ရေးရာဝန်ကြီး ဦးညွန့်ဝင်းအောင်က အားကစားနှင့်ကာယပညာသိပ္ပံ(မုံရွာ) ကျောင်းအုပ် ကြီးထံ ငွေကျပ် (၁၀) သိန်းအား ထောက်ပံ့ပေးအပ်ခဲ့ကြောင်း သိရသည်။

မုံရွာ၊ စက်တင်ဘာ ၂၁

စစ်ကိုင်းတိုင်းဒေသကြီး၊ မုံရွာမြို့ရှိ ဆုတောင်းပြည့်စေတီတော်ကြီးအား လာရောက်ဖူး မျှော်ကြမည့် မုံရွာမြို့အနီးဝန်းကျင်ရှိကျေးရွာများမှ ပြည်သူများနှင့် ရပ်ဝေးရပ်နီးမှ ဘုရားဖူးပြည် သူများ စေတီတော်ကြီးအား စိတ်အေးချမ်းသာစွာဖြင့် ဖူးမျှော်ကြည်ညိုနိုင်ရန်အတွက် စက်တင် ဘာလ ၂၁ ရက်၊ နံနက်ပိုင်းတွင် အဆိုပါစေတီတော်ကြီး ရင်ပြင်တော်နှင့်ပတ်ဝန်းကျင်အား တိုင်း ဒေသကြီး/ခရိုင်/မြို့နယ် အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက်မှုကြီးကြပ် ရေးအဖွဲ့များ၊ အထေွထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီး သတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာ ဝန်ထမ်းများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ခဲ့ကြသည်။

အဆိုပါ စုပေါင်းသန့်ရှင်းရေးလုပ်ငန်းများ ဆောင်ရွက်နေမှုများအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာန ဆိုင်ရာများက လိုက်လံကြည့်ရှုအားပေးခဲ့ကြပြီး စုပေါင်းသန့်ရှင်းရေးလုပ်ငန်းများ ဆောင်ရွက်ခဲ့ ကြသူများအား နံနက်စာများဖြင့်ဧည်ခံခဲ့ကြသည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ လယ်တီ ရပ်ကွက်ရှိ မဟာလယ်တီကျောင်းတိုက်ကြီးရှိ ဆရာတော်၊သံဃာတော်များ ဝါတွင်းကာလ အတွင်း စိတ်အေးချမ်းသာစွာဖြင့် တရားဘာ၀နာများ ပွားများနိုင်စေရန်အတွက် ကျောင်းတိုက် ကြီးအတွင်းရှိ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင် သည့်ရေနုတ်မြောင်းများ ရေစီးရေလာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့ နယ်အမျိုးသမီးရေးရာအဖွဲ့များ၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့များ၊ အထေွ ထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုအား ကြည့်ရှုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်းရေးလုပ် ငန်းများဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား တန်ဖိုး သင့်စားသောက်ကုန်များ၊ ဟင်းသီးဟင်းရွက်များနှင့်စားသုံးဆီများအား ဈေးနှုန်းသက်သာစွာဖြင့် ရောင်းချပေးနေမှုများအား ကြည့်ရှုအားပေးကာ စုပေါင်းသန့်ရှင်းရေး လုပ်ငန်းများဆောင်ရွက် ခဲ့ကြသူများနှင့်အတူ နံနက်စာအတူတကွ သုံးဆောင်ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၀ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၃၀၀ ကျော်ဖြင့် ဘုန်းတော်ကြီးကျောင်းများနှင့် ဘုရားစေတီပုထိုးများအား စုပေါင်းသန့်ရှင်းရေး လုပ်ငန်းများ ဆောင်ရွက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မဟာလယ်တီ ကျောင်းတိုက်ကြီးရှိ ဆရာတော်၊သံဃာတော်များ ဝါတွင်းကာလအတွင်း ဆွမ်းအခက်အခဲမရှိ စေရေးတို့အတွက် တိုင်းဒေသကြီးအစိုးရအဖွဲ့မှ လှူဖွယ်ပစ္စည်းများနှင့် တစ်လစာ ဆွမ်းဆန်၊ ဆီ၊ ဆား၊ ပဲ အမယ် ၄ မျိုး ဆက်ကပ်လှူဒါန်းပွဲသို့ တက်ရောက်ကြသည်။
ဦးစွာ “နမောတဿ”သုံးကြိမ်ရွတ်ဆို ဘုရားကန့်တော့၍ အခမ်းအနားအား ဖွင့်လှစ်ကြ ပြီး မုံရွာမြို့၊ လယ်တီရပ်ကွက်၊ မဟာလယ်တီကျောင်းတိုက် ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိသက်များက ငါးပါးသီလခံ ယူဆောက်တည်ကြသည်။

ထို့နောက် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့် တိုင်းဒေသ ကြီးအစိုးရအဖွဲ့ဝင်များက လှူဖွယ်ပစ္စည်းများနှင့် တစ်လစာ ဆွမ်းဆန်၊ ဆီ၊ ဆား၊ ပဲ အမယ် ၄ မျိုး အား ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက် ထားခဲ့ကြောင်း သိရသည်။

မုံရွာ၊ စက်တင်ဘာ ၂၀

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ ဖွင့်လှစ်သည့် ကွန်ပျူတာအခြေခံသင်တန်း (၅/၂၀၂၄)သင်တန်း ဆင်းပွဲအခမ်းအနားကို စက်တင်ဘာလ ၂၀ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၊ လူထုအခြေပြုဗဟိုဌာန Community Centre ခန်းမတွင်ကျင်းပရာ သင်တန်းဆင်းပွဲ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်း ဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ တိုင်းဒေသကြီး အမျိုးသမီးရေးရာအဖွဲ့ ဝင်များ၊ မိခင်ကလေးစောင့်ရှောက်မှုကြီးကြပ်ရေးအဖွဲ့ဝင်များ၊ သင်တန်းနည်းပြများနှင့် သင်တန်းသား/သူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပညာခေတ်လို့ခေါ်ရ သည့်နည်းပညာခေတ်ကြီးထဲတွင် မိမိတို့တိုင်းဒေသကြီး အစိုးရအဖွဲ့အနေဖြင့် တိုင်းဒေသ ကြီးအတွင်းမှာရှိကြသည့် လူငယ်လူရွယ်များအား ခေတ်နှင့်လိုက်လျောညီထွေစွာ တတ် ကျွမ်းသင့်သည့် ကွန်ပျူတာပညာရပ်များအား သင်ယူလေ့လာနိုင်စေရန် မုံရွာမြို့အပါ အဝင် မြို့ပေါင်း(၆)မြို့တွင်ရှိသည့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးများ တွင်ဖွင့်လှစ်သင်ကြားနိုင်အောင် စီစဉ်ဆောင်ရွက်ပေးထားပြီး ဖြစ်ပါကြောင်း၊ မိမိတို့ အနေဖြင့် ဒေသတွင်းလူငယ်လူရွယ်များ စဉ်ဆက်မပြတ် နည်းပညာများ လေ့လာသင်ယူ နိုင်ရေး ကွန်ပျူတာအခြေခံသင်တန်းများအား ဖွင့်လှစ်ပေးလျက်ရှိရာ ၂၀၂၃ ခုနှစ်အတွင်း သင်တန်းအကြိမ်ရေပေါင်း(၁၇)ကြိမ် ဖွင့်လှစ်နိုင်ခဲ့ပြီး သင်တန်းသား/သူ စုစုပေါင်း (၂၅၄) ဦးတက်ရောက်သင်ယူနိုင်ခဲ့ပြီး ၂၀၂၄ ခုနှစ်တွင်လည်း အမှတ်စဉ်(၅)အထိ သင်တန်း အကြိမ်ရေပေါင်း(၂၄)ကြိမ် ဖွင့်လှစ်နိုင်ခဲ့ရာ သင်တန်းသား/သူ စုစုပေါင်း (၄၀၂)ဦးအား တက်ရောက်သင်ယူနိုင်ခဲ့ပါကြောင်း၊ လူငယ်များအနေဖြင့် သင်ယူတတ်မြောက်ထားရမည့် အခြေခံကျွမ်းကျင်မှုများ အပြင် အနာဂတ်အတွက်ပါမျှော်မှန်းပြီး အမြဲတမ်းသင်ယူလေ့ကျင့်ထားခြင်းဖြင့် မိမိတို့၏ ကိုယ်ရည်ကိုယ်သွေးများအား တိုးတက်သထက် တိုးတက်အောင် အစဉ်အမြဲသင်ယူ လေ့ကျင့်နေကြရန်နှင့် ကွန်ပျူတာနည်းပညာများ ပိုမိုကျယ်ပြန့်စွာ အသုံးပြုမှသာ အလုပ် အကိုင်အခွင့်အလမ်းများရရှိကာ နည်းပညာဘက်တွင်လည်း ကျွမ်းကျွမ်းကျင်ကျင်၊ မှန်မှန်ကန်ကန် အသုံးပြုနိုင်မည်ဖြစ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေ ဖြင့် အနာဂတ်တွင် နိုင်ငံတော်တာဝန်များအား ပခုံးပြောင်းထမ်းဆောင်ကြမည့် နိုင်ငံတော်၏ ခေါင်းဆောင်များ ဖြစ်လာကြမည့် လူငယ်လူရွယ်များအား အသိပညာ၊ အတတ် ပညာများတိုးပွားရရှိစေရန်၊ ကာယဗလ၊ ဉာဏဗလ၊ စာရိတ္တဗလ၊ မိတ္တဗလ၊ ဘောဂ ဗလဆိုသည့် ဗလငါးတန် ဖွံ့ဖြိုးတိုးတက်စေရေးအတွက် တာဝန်ရှိသူများနှင့်ပူးပေါင်း၍ အားပေးဆောင်ရွက်လျက် ရှိပါကြောင်း၊ သင်တန်းသား/သူများအနေဖြင့်လည်း မိမိတို့ သင်ယူခဲ့သည့် ကွန်ပျူတာပညာရပ်များဖြင့် မိမိတို့ဘဝတိုးတက် အောင်မြင်ရေးအတွက် ကြိုးစားဆောင်ရွက်ကာ မိမိတို့ဒေသဖွံ့ဖြိုးတိုးတက်ရေး နိုင်ငံတော်ဖွံ့ဖြိုးတိုးတက်ရေး အတွက် တစ်ဖက်တစ်လှမ်းမှ အထောက်အကူပြုအောင် ကြိုးပမ်းဆောင်ရွက် သွားကြရန် လိုအပ်ပါကြောင်း ပြောကြားခဲ့သည်။

ထို့နောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက မုံရွာခရိုင် ပြန် ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်ဦးစီးမှူးထံ ကွန်ပျူတာအခြေခံသင် တန်း များဖွင့်လှစ်မှုအတွက် ငွေကျပ် - ၁၀၇၇၀၀၀ (တစ်ဆယ်သိန်း ခုနှစ်သောင်းခုနှစ်ထောင် ကျပ်)အား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရေးဝန်ကြီး ဗိုလ်မှူးကြီး ဝင်းတင်စိုးက သင်တန်းနည်းပြထံ ဂုဏ်ပြုမှတ်တမ်းလွှာနှင့် ဂုဏ်ပြုချီးမြှင့် ငွေအား လည်းကောင်း၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က သင်တန်သား/သူများထံ သင်တန်းဆင်းလက်မှတ်များ ပေးအပ်ချီးမြှင့်ခဲ့ကြသည်။

ဆက်လက်၍ သင်တန်းသူတစ်ဦးက ကျေးဇူးတင်စကား ပြန်လည်ပြောကြားပြီး တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက်ကူးကာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများနှင့် သင်တန်း သား/သူများအား ရင်းရင်းနှီးနှီးလိုက်လံနှုတ်ဆက်ခဲ့ပြီး အဆိုပါရုံးဝန်းအတွင်း ခင်းကျင်းပြ သထားသော လှပသာယာပြည်မြန်မာရောင်စုံဓါတ်ပုံများအား လိုက်လံကြည့်ရှုခဲ့ကြောင်း သိရသည်။