မုံရွာ၊ စက်တင်ဘာ ၁၂

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်များ၊ မုံရွာခရိုင်/မြို့နယ် စီမံ အုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် စက်တင်ဘာလ ၁၂ ရက်၊ မွန်းလွဲပိုင်းတွင် စစ်ကိုင်းတိုင်းဒေသကြီး၊ မုံရွာမြို့၊ မုံရွာလေဆိပ်သို့ ရောက်ရှိကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက မုံရွာလေဆိပ်အတွင်းရှိ လေယာဉ်ပြေးလမ်းတစ်လျောက် လေယာဉ်အတက်အဆင်း အဆင်ပြေချောမွေ့စေရန် ပြေးလမ်းများနှင့်ပတ်ဝန်းကျင် သန့်ရှင်းသပ်ရပ်မှုရှိစေရေး၊ လေဆိပ်အတွင်းရှိ ခရီးသည် နားနေဆောင်များတွင် ခရီးသည်များစိတ်အေးချမ်းသာစွာဖြင့် နားနေနိုင်ရေးအတွက် သန့်ရှင်းသပ်ရပ်မှုနှင့်စနစ်တကျရှိစေရေး၊ လေဆိပ်အတွင်းရှိ အဆောက်အဦများအတွင်း အပြင် သန့်ရှင်းသပ်ရပ်မှုရှိစေရေးတို့နှင့် လေဆိပ်အဆောက်အဦအပြင်ရှိ လမ်းများပေါ် တွင်ရေဝပ်မှုမရှိစေရေးအတွက် ရေနှုတ်မြောင်းများဖောက်လုပ်ရေး၊ ယာဉ်ရပ်နားမည့် နေရာများ စနစ်တကျရှိစေရေး၊ လေဆိပ်ပတ်ဝန်းကျင် အရိပ်ရသစ်ပင်များနှင့် အလှပန်း ပင်များစိုက်ပျိုးရေးတို့အား လိုက်လံကြည့်ရှု စစ်ဆေးခဲ့ကြသည်။

ဆက်လက်၍ မုံရွာလေဆိပ်တာဝန်ခံမှ လေဆိပ်ပတ်ဝန်းကျင် သန့်ရှင်းသပ်ရပ်မှုရှိ စေရေးအတွက် နေ့စဉ်သန့်ရှင်းရေးလုပ်ငန်းများဆောင်ရွက်နေမှု အခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ်ဆောင် ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အမှတ် (၂) အခြေခံပညာနှင့်စိုက်ပျိုးမွေးမြူရေးအထက်တန်းကျောင်း(အလုံ)သို့ ရောက်ရှိရာ ကျောင်းသား/သူများ စိတ်အေးချမ်းသာစွာဖြင့် ပညာသင်ကြားနေမှုများအား လိုက်လံ
ကြည့်ရှုအားပေးခဲ့ကြပြီး ဆရာ/ဆရာများနှင့် ကျောင်းသား/သူများအား ရင်းရင်းနှီးနှီး နှုတ်ဆက်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်က အမှတ်(၂)အခြေခံပညာနှင့်စိုက်ပျိုး မွေးမြူရေးအထက်တန်းကျောင်းရှိ ဆရာ/ဆရာမများနှင့် ကျောင်းသား/သူများ၏ အဆောင်များတွင် သောက်သုံးရေရရှိရေး၊ လျှပ်စစ်မီးပြတ်တောက်မှုမရှိစေရေး၊ စား သောက်ရေးနှင့်နေထိုင်ရေးများ အဆင်ပြေစေရန်အတွက် လိုအပ်သည်များအား တာဝန် ရှိသူများအား မှာကြားကာ ဆရာ/ဆရာမများနှင့် ကျောင်းသာ/သူများ၏ တင်ပြချက်များ အပေါ်လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ စက်တင်ဘာ ၁၁

အစဉ်အမြဲတိုးတက်နေသည့် နည်းပညာများအား အမီလိုက်နိုင်ရန်နှင့် မိမိတက်သိ ထားသောပညာရပ်များဖြင့် ဖန်တီးနိုင်သည့် ဒေသအကျိုးပြု၊ နိုင်ငံအကျိုးပြု ပရောဂျက် များပေါ်ထွက်လာစေရန် နိုင်ငံတကာနှင့် ရင်ဘောင်တန်းနိုင်သည့် အရည်အသွေးပြည့်၀ သော IT ပညာရှင်များအဖြစ် မွေးထုတ်ပေးနိုင်ရန် ရည်ရွယ်၍ စစ်ကိုင်းတိုင်းဒေသကြီး၊ ကွန်ပျူတာတက္ကသိုလ်(မုံရွာ) သတ္တမအကြိမ် တီထွင်ဖန်တီးမှုပြပွဲ အခမ်းအနားကို စက် တင်ဘာလ ၁၁ ရက်၊ နံနက်ပိုင်းတွင် အဆိုပါကျောင်းရှိ ဘွဲ့နှင်းသဘင်ခန်းမတွင် ကျင်းပ ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ကွန်ပျူတာတက္ကသိုလ် (မုံရွာ)ပါမောက္ခချုပ်၊ ဒုတိယပါမောက္ခချုပ်၊ ဆရာ/ဆရာမများနှင့် ကျောင်းသား၊ကျောင်း သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့ကမ္ဘာသည် IT နည်း ပညာအားအသုံးချပြီး အသစ်၊အသစ်သောနည်းပညာများအား အပြိုင်အဆိုင် ပြုလုပ်လျှက် ရှိပါကြောင်း၊ ကျောင်းသူ/ကျောင်းသားများအနေဖြင့် နိုင်ငံတကာနှင့် ရင်ဘောင်တန်းနိုင် အောင်အစဉ်တစိုက် အားထုတ်ကြိုးပမ်းသွားကြရန် လိုအပ်ပါကြောင်း၊ ကမ္ဘာတဝှမ်းမှ တိုင်းပြည်များတွင်လည်း ပြည်သူလူထုအား ဝန်ဆောင်မှုတိုးမြှင့်နိုင်ရေးအတွက် ဒစ်ဂျစ် တယ်စနစ်ဖော်ဆောင်မှုအား အရေးကြီးကဏ္ဍအနေဖြင့် ဦးစားပေးဆောင် ရွက်လျက်ရှိ ပါကြောင်း၊ ဆရာ/ဆရာမများအနေဖြင့် ကျောင်းသားဗဟိုပြု သင်ကြား/သင်ယူမှုစနစ် အားကျင့်သုံးပြီး ကျောင်းသား/သူများ၏ စဉ်းစားတွေးခေါ်မှု၊ ဆန်းသစ်တီထွင်ဖန်တီးမှု စွမ်းရည်များအား အားပေးသည့် သင့်တော်မည့်သင်ခန်းစာများကို လေ့ကျင့်ခန်းများ၊ သင်ကြားနည်းစနစ်များ၊ လုပ်ငန်းစဉ်များအား ရွေးချယ်အသုံးပြုပြီး ကျောင်းသား/သူများ ၏နိုးကြားတက်ကြွသည့် Active Learning ဖြစ်အောင် လေ့ကျင့်သင်ကြားပေးသွားကြရန် လိုအပ်ပါကြောင်း၊ ကျောင်းသား/သူများအနေဖြင့်လည်း စုပါင်းစွမ်းအားဖြင့် IT နယ် ပယ်အား ဆက်လက်တိုးတက်စေရန် အနာဂတ်မျိုးတက်သစ် နည်းပညာဆိုင်ရာ ခေါင်း ဆောင်ကောင်းများ ဖြစ်လာကြစေရန် အလေးထားကြိုးစားသွားကြရန် လိုအပ်ပါကြောင်း ပြောကြားသည်။

ယင်းနောက် ကွန်ပျူတာတက္ကသိုလ်(မုံရွာ) ပါမောက္ခချုပ်မှ သတ္တမအကြိမ် တီထွင် ဖန်တီးမှုပြပွဲ အခမ်းအနားကျင်းပရခြင်းနှင့် ပတ်သက်၍ ရှင်းလင်းပြောကြားပြီး ကွန်ပျူ တာတက္ကသိုလ်(မုံရွာ)မှ ကျောင်းသား/သူများက တေးသီချင်းများဖြင့် ကပြဖျော်ဖြေကြ သည်။

ထို့နောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ပါမောက္ခချုပ်ထံ တေးသီချင်းများဖြင့် ကပြဖျော်ဖြေပေးသွားကြသော ကျောင်းသား/သူများအတွက် ဂုဏ် ပြုချီးမြှင့်‌ငွေများပေးအပ်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓါတ်ပုံရိုက် ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ခန်းမအတွင်း ခင်းကျင်းပြသထားသော ကွန်ပျူတာတက္ကသိုလ်(မုံရွာ)မှ ကျောင်းသား၊ကျောင်းသူများ ကိုယ်တိုင်စုပေါင်းတီထွင်ဖန်တီးထားသည့် ပရောဂျက်ပြခန်း ၃၃ ခန်းတို့အား လိုက်လံ ကြည့်ရှုအားပေးရာ ကျောင်းသား/သူများက မိမိတို့နှင့်သက်ဆိုင်သည့် ပရောဂျက်ပြခန်း များနှင့်ပတ်သက်၍ ပြန်လည်ရှင်းလင်းပြသကြပြီး တိုင်းဒေသကြီး ဝန်ကြီးချုပ်က လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရ သည်။

မုံရွာ၊ စက်တင်ဘာ ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော် သည် တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်များ၊ စစ်ကိုင်းခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌများနှင့် တာဝန်ရှိသူများ လိုက်ပါလျက် စက်တင်ဘာလ ၉ ရက်၊ နံနက်ပိုင်းက စစ်ကိုင်းမြို့၊ ကားကြီးကွင်းဖြတ်လမ်း ရတနာပုံလမ်းမှ နှစ် ၇၀၀ ပြည်သူ့အားကစားကွင်းလမ်းဆုံအထိ လမ်းသားချဲ့၍ အခြေခံအလွှာပြုပြင်ခြင်းနှင့် နိုင်လွန် ကတ္တရာခင်းခြင်း လုပ်ငန်းခွင်သို့ ရောက်ရှိကြသည်။

ဦးစွာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က စစ်ကိုင်းမြို့ပေါ်ရှိ ကားကြီးကွင်းဖြတ်လမ်း၊ ရွှေမင်းဝံလမ်း၊ ထူပါရုံလမ်းနှင့် မင်းလမ်းရပ် ကွက်ရှိ ဇေယျာမန်းလမ်းများအား လမ်းသားချဲ့၍ အခြေခံအလွှာပြုပြင်ခြင်းနှင့် နိုင်လွန် ကတ္တရာခင်းခြင်းလုပ်ငန်းများ ဆောင်ရွက်နေမှုများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က လုပ်ငန်းများနှင့် ပတ်သက်၍ ရှင်း လင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ လမ်းသားချဲ့၍ အခြေခံအလွှာပြုပြင်ခြင်းနှင့် နိုင်လွန်ကတ္တရာခင်း ခြင်းလုပ်ငန်းများ ဆောင်ရွက်နေမှုများအား လိုက်လံကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ မြို့သစ်ရပ်ကွက်ရှိ မြို့သစ်ရေဆိုးထုတ်ကန်သို့ ရောက်ရှိရာ တာဝန်ရှိသူများမှ မြို့သစ် ရေဆိုးထုတ်ကန် ကျောက်စီရေဆိုးထုတ်မြောင်း ဆောင်ရွက်မည့်လုပ်ငန်း အခြေအနေ များအားရှင်းလင်းတင်ပြရာ တိုင်းဒေသကြီး ဝန်ကြီးချုပ်က ရပ်ကွက်နေပြည်သူများ စိတ် အေးချမ်းသာစွာဖြင့် ကျန်းမာစွာနေထိုင်နိုင်ရေးနှင့် သန့်ရှင်းသောလေရရှိစေရေးအတွက် လုပ်ငန်းများ စနစ်တကျဆောင်ရွက်သွားကြရန် မှာကြားကာ တင်ပြချက်များအပေါ် လို အပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ လေး ကျွန်းမြေအုဌ်ကျောင်း ကျောင်းတိုက်ကြီးအတွင်း မြန်မာနိုင်ငံကြက်ခြေနီအသင်း ရွေ့လျားဆေးခန်းမှ စစ်ကိုင်းမြို့ပေါ်ရှိ ရပ်ကွက်များနှင့်ကျေးရွာများမှ ဒေသခံပြည်သူများ အား သြဂုတ်လ ၂၃ နေ့မှ စတင်၍ အခမဲ့ ဆေးကုသပေးနေမှုအား သွားရောက်ကြည့်ရှု အားပေးပြီး ဒေသခံပြည်သူများနှင့် မြန်မာနိုင်ငံကြက်ခြေနီအသင်းမှ ဆရာဝန်များ၊ သူနာ ပြုများနှင့် တာ ဝန်ရှိသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မြန်မာသက္က ရာဇ် ၆၇၃ ခုနှစ်တွင် စစ်ကိုင်းမြို့၊ မင်းဝံတောင်ရိုး၌ တည်ထားခဲ့သည့် နှစ်ပေါင်း ၇၁၃ နှစ် ကြာ မင်္ဂလာထွဋ်ခေါင်စေတီတော်ကြီးသို့ ရောက်ရှိရာ စေတီတော်ကြီးပတ်ဝန်းကျင် သန့် ရှင်းသပ်ရပ်ရေးအား လိုက်လံကြည့်ရှုစစ်ဆေးပြီး စေတီတော်ကြီးအား ရှေးမူမပျက်ထိန်း သိမ်းစောင့်ရှောက်ရေးနှင့် ယိုယွန်းပျက်စီးနေသည်များအား ပြန်လည်ပြုပြင်ရေးလုပ်ငန်း များဆောင်ရွက်ရန်အတွက် တာဝန်ရှိသူများအား မှာကြားကာ လိုအပ်သည်များကို တာ ဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ စက်တင်ဘာ ၉

၂၀၂၄-ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ၏ ဦးဆောင်လမ်းညွှန်မှုဖြင့် တိုင်း ဒေသကြီးအားကစားနှင့်ကာယပညာဦးစီးဌာနနှင့် တိုင်းဒေသကြီး ဘော်လီဘောဆပ် ကော်မတီတို့ ပူးပေါင်းကျင်းပသည့် “ရွှေမင်းဝံ”ဖလား အလွတ်တန်း အမျိုးသား/အမျိုး သမီး ဘော်လီဘောပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ယမန်နေ့ ညနေပိုင်း တွင် စစ်ကိုင်းမြို့၊ ပိုးတန်းရပ်ကွက်ရှိ မိုးလုံလေလုံအားကစားခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပြိုင်ပွဲဝင်အားကစား သမားများ၊ အသင်းအုပ်ချုပ်သူများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသမီး ဗိုလ်လုပွဲစဉ် အဖြစ် စစ်ကိုင်းတိုင်းလူငယ်အသင်းနှင့် ပျဉ်းမနားလူငယ် အသင်းတို့ယှဉ်ပြိုင်ကစားနေမှု များအား လည်းကောင်း၊ အမျိုးသားဗိုလ်လုပွဲစဉ်အဖြစ် ယမုံအိမ့်ရှိုင်းအသင်းနှင့် ရွှေခြင်း လုံးအသင်းတို့ ယှဉ်ပြိုင်ကစားနေမှုများအား လည်းကောင်း ကြည့်ရှုအားပေးကြသည်။

ဆက်လက်၍ ဆုချီးမြှင့်ပွဲအခမ်းအနားကို ကျင်းပရာ စစ်ကိုင်းခရိုင် စီမံအုပ်ချုပ်ရေး အဖွဲ့ ဉက္ကဌနှင့် တိုင်းဒေသကြီးအဆင့် ဌာနဆိုင်ရာများက အမျိုးသား/သမီး ပွဲစဉ်တစ် လျှောက် နေရာအလိုက်အကောင်းဆုံးဆုရရှိကြသူများအား ဂုဏ်ပြုဆုတံဆိပ်နှင့် ငွေသား ဆုများ အားပေးအပ်ချီးမြှင့်ကြသည်။

ထို့နောက် တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက အမျိုး သမီး တတိယဆုရရှိသော အားကစားနှင့်ကာယပညာသိပ္ပံ(မန္တလေး) အသင်းအား တစ်ဦး ချင်းဆုတံဆိပ်နှင့် ငွေသားဆုငွေကျပ် - ၁၀ သိန်းအား လည်းကောင်း၊ တိုင်းဒေသကြီး ပညာရေးမှူးက အမျိုးသား တတိယဆုရရှိသော လက်ပန်လှအသင်းအား တစ်ဦးချင်းဆုတံဆိပ်နှင့်ငွေသားဆုငွေကျပ်သိန်း- ၂၀ အားလည်းကောင်း၊ တိုင်းဒေသကြီး အစိုးရ အဖွဲ့အတွင်းရေးမှူးက အမျိုးသမီး ဒုတိယဆုရရှိသော ပျဉ်းမနားအသင်းအား တစ်ဦးချင်း ဆုတံဆိပ်၊ငွေသားဆုငွေကျပ်သိန်း- ၂၀ နှင့်ဆုဖလားအား လည်းကောင်း၊ တိုင်းဒေသကြီး လမ်းပန်း ဆက်သွယ်ရေးရာဝန်ကြီးက အမျိုးသား ဒုတိယဆုရရှိသော ရွှေခြင်းလုံးအသင်း အား တစ်ဦးချင်းဆုတံဆိပ်၊ငွေသားဆုငွေကျပ်သိန်း - ၃၀ နှင့် ဆုဖလားအား လည်း ကောင်း၊ တိုင်းဒေသကြီး လူမှုရေးရာဝန်ကြီးက အမျိုးသမီး ပထမဆုရရှိသော စစ်ကိုင်း လူငယ်အသင်းအား တစ်ဦးချင်းဆုတံဆိပ်၊ ငွေသားဆုငွေကျပ်သိန်း - ၃၀ နှင့် ဆုဖလား အားလည်းကောင်း အသီးသီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အမျိုးသား ပထမဆုရရှိ သော ယမုံအိမ့်ရှိုင်းအသင်းအား တစ်ဦးချင်းဆုတံဆိပ်၊ ငွေသားဆုငွေကျပ်သိန်း - ၅၀ နှင့် ဆုဖလားတို့အား အသင်းအုပ်ချုပ်သူများနှင့် တာဝန်ရှိသူများထံ ပေးအပ်ခဲ့ပြီး ဆုရရှိသူ များနှင့်အတူ စုပေါင်းမှတ်တမ်းတင်ဓါတ်ပုံရိုက်ကူးကာ ပြိုင်ပွဲဝင်အားကစားသမားများ အား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရသည်။

မုံရွာ၊ စက်တင်ဘာ ၈

စစ်ကိုင်းတိုင်းဒေသကြီး ၂၀၂၄-ခုနှစ်၊ နိုင်ငံတကာစာတတ်မြောက်ရေးနေ့ အထိမ်းအမှတ် အခမ်းအနားကို စက်တင်ဘာလ ၈ ရက်၊ မွန်းလွဲပိုင်းတွင် စစ်ကိုင်းမြို့၊ မြို့တော်ခန်းမ၌ ကျင်းပ ရာအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ စစ်ကိုင်းမြို့ပေါ်ရှိ အခြေခံပညာ ကျောင်းများမှ ကျောင်းအုပ်ကြီးများနှင့် ဆရာ/ဆရာမများ၊ ဆုရကျောင်းသား/သူများနှင့် ဖိတ် ကြားထားသူများ တက်ရောက်ကြသည်။

ဦးစွာ စစ်ကိုင်းမြို့၊ အမှတ်(၁)အခြေခံပညာအထက်တန်း ကျောင်းမှ ကျောင်းသား/သူ များက “ဝထကလသ”တေးသီချင်းသီဆို၍ အခမ်းအနားအား ဖွင့်လှစ်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က စာတတ်မြောက်ရေးဆိုင်ရာ လုပ်ငန်းများသည် လူမှုအဖွဲ့အစည်း အခြေခံအခန်းကဏ္ဍမှပါဝင်သည့် မရှိမဖြစ် လူ့အခွင့်အရေး တစ်ရပ်အဖြစ် သိရှိနားလည်စေရန် အခြေခံစာတတ်မြောက်ရေးလုပ်ငန်းများအား အရှိန်အဟုန် မြှင့်တင် ဆောင်ရွက်လျက်ရှိပါကြောင်း၊ မိမိတို့တိုင်းဒေသကြီးအနေဖြင့် စာမတတ်သူများ အတွက် အခြေခံစာတတ်မြောက်ရေးလုပ်ငန်းအစီအစဉ်များအား နှစ်အလိုက်ဆောင်ရွက်လျက် ရှိရာ ကျေးလက်နေပြည်သူများအား ရက်ပေါင်း ၄၀ နာရီပေါင်း ၁၂၀ ဖြင့် လုပ်အားပေးဆရာ၊ ဆရာမ ၈၁၆ ဦးတို့မှ စာသင်ဝိုင်း ၅၃၈ ခုဖြင့် စာသင်သား ၈၃၁၁ ဦးအား စာတတ်မြောက်အောင် သင်ကြားပေးနိုင်ခဲ့ပါကြောင်း၊ အခြေခံစာတတ်မြောက်ရေးလုပ်ငန်းများအား ဝိုင်းဝန်းကူညီပေးခဲ့ ကြသည့် ဌာနအဖွဲ့အစည်းများနှင့် လူမှုရေးအသင်းအဖွဲ့များအား မိမိတို့တိုင်းဒေသကြီးအစိုးရ အဖွဲ့အနေဖြင့် ကျေးဇူးအထူးတင်ရှိပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး ပညာရေးမှူးက ကမ္ဘာ့ကုလသမဂ္ဂ၊ ယူနက်စကိုညွှန်ကြား ရေးမှူးချုပ်ရုံးမှပေးပို့သော သဝဏ်လွှာအားဖတ်ကြားပြီး မြန်မာနိုင်ငံစာတတ်မြောက်ရေး လှုပ် ရှားမှု မှတ်တမ်း Video Clip အား ကြည့်ရှုအားပေးကြသည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တာဝန် ရှိသူများက ၂၀၂၄-ခုနှစ်၊ နိုင်ငံတကာစာတ်မြောက်ရေးနေ့ အထိမ်းအမှတ် အထက်တန်း၊အလယ် တန်းအဆင့် စာစီစာကုံး၊ ကဗျာ၊ ဆောင်းပါး၊ ပန်းချီပြိုင်ပွဲများတွင် ပထမ၊ ဒုတိယ၊ တတိယဆု ရရှိကြသော ကျောင်းသား/သူများအား ဂုဏ်ပြုချီးမြှင့်ငွေနှင့် ဂုဏ်ပြုမှတ်တမ်းလွှာများအား အသီးသီးပေးအပ်ချီးမြှင့်ကြသည်။

ဆက်လက်ပြီး စစ်ကိုင်းမြို့၊အမှတ်(၁)အခြေခံပညာအထက်တန်းကျောင်းမှ ကျောင်း သား/သူများက “စေတနာပန်းတို့ လန်းရာမြေ”တေးသီချင်းဖြင့် သီဆိုဖျော်ဖြေကြရာ တိုင်းဒေ သကြီး လမ်းပန်း ဆက်သွယ်ရေးရာဝန်ကြီးက သီဆိုဖျော်ဖြေပေးသွားကြသော ကျောင်းသား/သူ များအား ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ကြပြီး စုပေါင်းမှတ်တမ်း ဓါတ်ပုံရိုက်ကူးကြ သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ပြီး ၂၀၂၄-ခုနှစ်၊ နိုင်ငံတကာစာတတ် မြောက်ရေးနေ့အထိမ်းအမှတ် အထက်တန်း၊ အလယ်တန်းအဆင့် ဆုရစာစီစာကုံး၊ ကဗျာ၊ ဆောင်းပါး၊ ပန်းချီများနှင့် မှတ်တမ်းဓါတ်ပုံများအား ကြည့်ရှုအားပေးခဲ့ကြောင်း သိရသည်။

စစ်ကိုင်း- စက်တင်ဘာ- ၈

စစ်ကိုင်းတိုင်းဒေသကြီး (၂၅) ကြိမ်မြောက်ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ဖွင့်ပွဲအခမ်းအနားကို ယနေ့နံနက်ပိုင်းကစစ်ကိုင်းပညာရေးတက္ကသိုလ် ဘွဲ့နှင်းသဘင် ခန်းမ၌ကျင်းပရာ တိုင်းဒေသကြီးဝန်ကြီးချုပ်ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီးနှင့်ခရိုင်အဆင့်ဌာနဆိုင်ရာများ၊ ပြိုင်ပွဲအကဲဖြတ်ပညာရှင် များ နှင့် ပြိုင်ပွဲဝင်များ တက်ရောက်ကြသည်။

ရှေးဦးစွာတိုင်းဒေသကြီးဝန်ကြီးချုပ်ဦးမြတ်ကျော်က(၂၅)ကြိမ်မြောက်ငွေရတု အထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ အဖွင့်အမှာစကားပြောကြားရာတွင် “စစ်ကိုင်းတိုင်းဒေသကြီးအနေဖြင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲတွင် အဆင့်မီမီ ပါဝင်ယှဉ်ပြိုင်နိုင်ရေးအတွက် တိုင်းဒေသကြီး အစိုးရအဖွဲ့ဝင်ဝန်ကြီးများအား တာဝန်ပေးကြပ်မတ်ဆောင်ရွက်ခဲ့ပါကြောင်း၊ မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ပြန်လည်ကျင်းပချိန်မှစ၍ ပြိုင်ပွဲဝင်များအနေဖြင့် ဇွဲ၊ လုံ့လ၊ ဝီရိယတို့ဖြင့် ပါဝင်ယှဉ်ပြိုင်ခဲ့ကြပါကြောင်း၊ တိုင်းဒေသကြီးအဆင့်ပြိုင်ပွဲ ပြီးစီးသွားသည့်အခါ ဗဟိုအဆင့်သို့ ဆက်လက်ယှဉ်ပြိုင်နိုင်ရေး စခန်းသွင်းလေ့ကျင့်သွားမည်ဖြစ်ပါကြောင်း၊ ယခုပြိုင် ပွဲတွင် အကဲဖြတ်ပညာရှင်ကြီးများအနေဖြင့်လည်း သမာသမတ်ရှိရှိ ရွေးချယ်ပေးကြရန် မှာကြားလို ပါကြောင်း၊ (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲကြီး၏ ချမှတ်ထားသည့် ဦးတည်ချက် (၄) ရပ် နှင့်အညီ လက်ဆင့်ကမ်းထိန်းသိမ်း ခဲ့ကြသည့် ရိုးရာယဉ်ကျေးမှုအနုပညာအမွေအနှစ်တွေကို ဖော်ထုတ်ပြသမည့် ပြိုင်ပွဲဝင်များ အားလုံးသည် မိမိတို့၏ အနုပညာအရည်အသွေးတွေကို အစွမ်းကုန်ဖော်ထုတ်ယှဉ်ပြိုင် သွားကြရန် တိုက်တွန်းလိုပါ‌ကြောင်း” ပြောကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်ဦးမြတ်ကျော်၊ သယံဇာတရေးရာဝန်ကြီး ဦးတင်သန်းဝင်း၊ လူမှုရေးရာဝန်ကြီး ဦးညွန့်ဝင်းအောင်၊ စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာ မြတ်မြတ်သော်၊ အနုပညာရှင် ပန်တျာဦးမြကြည်တို့က အခမ်းအနားအား ဖဲကြိုးဖြတ်ဖွင့်လှစ်ပေးသည်။

ဆက်လက်ပြီး နိုင်ငံတော်ရွှေတံဆိပ်ဆုရှင် ဒေါ်ဧကရီဗိုလ်ဗိုလ်နှင့်အဖွဲ့က နိုင်ငံတော်ရွှေတံဆိပ်ဆုရှင် တေးရေးဝန်းသိုနိုင်လင်း ရေးစပ်သီကုံးသည့် “ ပွဲ” သီချင်းအား သီဆို ဧည့်ခံဖျော်ဖြေခဲ့သည်။

စစ်ကိုင်းတိုင်းဒေသကြီးအဆင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာ ယဉ်ကျေးမှုအဆို၊ အက၊ အရေး၊ အတီးပြိုင်ပွဲတွင် အခြေခံပညာအဆင့်(၁၀-၁၅) (အမျိုးသား) (အမျိုးသမီး) တစ်ဦးချင်းအက၊ အခြေခံပညာအဆင့်(၁၅-၂၀) (အမျိုးသား) (အမျိုးသမီး) တစ်ဦးချင်းအက၊ အဆင့်မြင့်ပညာ (အမျိုးသား) (အမျိုးသမီး) တစ်ဦးချင်းအက၊ အဆိုပြိုင်ပွဲတွင် အခြေခံပညာ(၁၀-၁၅) (အမျိုးသား) (အမျိုးသမီး)၊ အခြေခံပညာ(၁၅-၂၀) (အမျိုးသား) (အမျိုးသမီး)၊ အဆင့်မြင့်ပညာ (အမျိုးသား) (အမျိုးသမီး)၊ ဝါသနာရှင်ပထမတန်း၊ ဒုတိယတန်း (အမျိုးသား) (အမျိုးသမီး) မဟာဂီတ၊ ခေတ်ဟောင်း/ကာလပေါ်၊ အခြေခံပညာ(၁၀-၁၅) (အမျိုးသား) (အမျိုးသမီး) ၊ အခြေခံပညာ(၁၅-၂၀) (အမျိုးသား) (အမျိုးသမီး) ၊ အဆင့်မြင့်ပညာ (အမျိုးသား) (အမျိုးသမီး)၊ ဝါသနာရှင်ပထမတန်း၊ ဒုတိယတန်း(အမျိုးသား) (အမျိုးသမီး)၊ အမျိုးဂုဏ်/ ဇာတိဂုဏ်ပြိုင်ပွဲတွင် အဆင့်မြင့် ပညာ (အမျိုးသား)(အမျိုးသမီး)၊ ဝါသနာရှင်ဒုတိယတန်း (အမျိုးသား)(အမျိုးသမီး)၊ အတီးပြိုင်ပွဲတွင် ဆိုင်းတစ်ဦးချင်း၊ စောင်း၊ ပတ္တလား၊ နှဲ၊ စန္ဒယား၊ တယော၊ ကွက်စိပ်ပြိုင်ပွဲ၊ ရုပ်သေးကြိုးဆွဲပြိုင်ပွဲ၊ ကဗျာလွတ်အက၊ ကျေးလက်ရိုးရာအကပြိင်ပွဲများနှင့် အရေးပြိုင်ပွဲများ ယှဉ်ပြိုင်ခဲ့ကြသည်။

စစ်ကိုင်းတိုင်းဒေသကြီးအဆင့် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာ ယဉ်ကျေးမှုအဆို၊ အက၊ အရေး၊ အတီးပြိုင်ပွဲကို ယခုလ (၈) ရက်နေ့မှ (၁၂) ရက်နေ့အထိ ကျင်းပသွားမည်ဖြစ်ပြီး အဆိုပြိုင်ပွဲဝင် (၄၂) ဦး၊ အကပြိုင်ပွဲဝင် (၁၈) ဦး၊ အရေးပြိုင်ပွဲဝင် (၆) ဦး၊ အတီး ပြိုင်ပွဲဝင် (၇၀) ဦး၊ကွက်စိပ်ပြိုင်ပွဲဝင်(၁)ဦး၊ကဗျာလွတ်(၃၆)ဦး၊ ကျေးလက်ရိုးရာအက(၁၈)ဦး၊ စုစုပေါင်းပြိုင်ပွဲဝင် (၁၄၁) ဦးပါဝင်ယှဉ်ပြိုင်သွားကြမည်ဖြစ်ကြောင်း သိရသည်။