မုံရွာ၊ နိုဝင်ဘာ ၁၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ ကန့်ဘလူခရိုင်/မြို့နယ် စီမံခန့်ခွဲရေးနှင့်အုပ် ချုပ်ရေးကော်မတီ ဥက္ကဌများနှင့် တာဝန်ရှိသူများသည် နိုဝင်ဘာလ ၁၃ ရက်၊ မွန်းလွဲပိုင်း တွင် ကန့်ဘလူခရိုင်၊ ကန့်ဘလူမြို့၊ မြို့ရှေ့ကျောင်းတိုက်ကြီးတွင် ကျင်းပပြုလုပ်သည့် ကန့်ဘလူမြို့ပေါ်ရှိ ဘုန်းတော်ကြီးကျောင်းတိုက်များတွင် သီတင်းသုံးတော်မူနေကြသည့် သက်တော်ရှည် ဆရာတော်ကြီးများထံ လှူဖွယ်ဝတ္ထုပစ္စည်းများ ဆက်ကပ်လှူဒါန်းပွဲ အခမ်းအနားသို့ တက်ရောက်ကြသည်။

ဦးစွာ အခမ်းအနားသို့ တက်ရောက်လာကြသည့် ဆရာတော်/သံဃတော်များနှင့် တိုင်းဒေသကြီး ဝန်ကြီးချုပ်၊ ဧည့်ပရိတ်သတ်များက “နမောတ ဿ”သုံးကြိမ်ရွတ်ဆိုဘုရား ကန်တော့၍ အခမ်း အနားအား ဖွင့်လှစ်ကြသည်။

ယင်းနောက် ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်၊ တိုင်းဒေသကြီးအစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက လှူဖွယ်ဝတ္ထုပစ္စည်းများအားအသီးသီးဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူခရိုင် စုပေါင်းရုံးရှိ ရွှေဆည်မြိုင်ခန်းမတွင် ကျင်းပပြုလုပ်သည့် ကန့်ဘလူခရိုင်/မြို့နယ်အဆင့် ဌာနဆိုင်ရာများနှင့်တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဠက ကန့်ဘလူ ခရိုင်အတွင်းရှိ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး လုပ်ငန်းများနင့် ဒေသဖွံ့ဖြိုးရေးလုပ်ငန်းများ ဆောင်ရွက်နေမှုအခြေအနေများနှင့် ၂၀၂၅-ခုနှစ်၊ ပါတီစုံဒီမိုကရေစီအထွေထွေ ရွေးကောက်ပွဲ အောင်မြင်စွာ ကျင်းပနိုင်ရေးအတွက် လုပ်ငန်းများကြိုတင်ပြင်ဆင် ဆောင်ရွက်ထားရှိမှုများအား Power Point ဖြင့် ရှင်းလင်း တင်ပြပြီး မြိုမိမြို့ဖတစ်ဦးက ကန့်ဘလူမြို့ ဖွံ့ဖြိုးတိုးတက်ရေးလုပ်ငန်းများအတွက် ဖြည့် ဆည်းပေးလိုမှု လုပ်ငန်းများအား ဆွေးနွေးတင်ပြသည်။

ယင်းနောက် တိုင်းဒေသကြီးအစိုးရအဖွဲ့ အတွင်းရေး မှူးက ကန့်ဘလူခရိုင်အတွင်း ရှိ မြို့နယ်များ၌ မိမိတို့တာဝန်ယူဆောင်ရွက်နေသည့် ဒေသဖွံ့ဖြိုုးတိုးတက်ရေးလုပ်ငန်း များဆောင်ရွက်ပေးနေမှု အခြေအနေများနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က ကန့်ဘလူခရိုင်အတွင်းရှိ မြို့နယ်များ၌ ဒေသဖွံ့ဖြိုးရေးလုပ်ငန်းများအတွက် အကောင်အထည်ဖော် ဆောင်ရွက်လျက်ရှိသည့် တည်ဆောက်ရေးလုပ်ငန်းများအားလုံး သတ်မှတ်ဘဏ္ဍာနှစ်အတွင်း စီချိန်စံညွှန်းမီ အရည် အသွေးကောင်းမွန်စွာဖြင့် တည်ဆောက်ပြီးစီးရေး၊ ဒေသခံပြည်သူများ စားရေရိက္ခာဖူ လုံစေရေးအတွက် ခရိုင်အတွင်း ဆီထွက်သီးနှံများ တိုးချဲ့စိုက်ပျိုးရေးနှင့် စိုက်ပျိုးထားသည့် အဓိကသီးနှံများ ပန်းတိုင်အထွက်နှုန်းရရှိရေးတို့အတွက် အလေးထားဆောင်ရွက်သွားကြ ရန်နှင့် မကြာမီကျင်းပတော့မည့် ၂၀၂၅-ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲ အောင်မြင်စွာ ကျင်းပနိုင်ရေးအတွက် တာဝန်ရှိသူအားလုံးအနေဖြင့် မဲဆန္ဒရှင်စာရင်းများ ကျန်ရှိမှုမရှိစေရေးနှင့် မဲစာရင်းများမှန်ကန်စေရန်အတွက် အားလုံးဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့ပြီး မြို့မိမြို့ဖများ၏ ဆွေးနွေးတင်ပြ ချက်များအပေါ် လိုအပ်သည်များကို တာဝန်ရှိသူများနှင့်ဖြည့်ဆည်းပေါင်းစပ် ဆောင်ရွက် ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ကန့်ဘလူမြို့နှင့်ကျွန်းလှမြို့နယ်များရှိ ဌာနဆိုင်ရာဝန်ထမ်းများ၊ မြို့လုံခြုံ ရေးတာဝန်ထမ်းဆောင်နေကြသည့် တပ်ဖွဲ့ဝင်များ၊ လုမှုရေး အသင်းအဖွဲ့များအား ဂုဏ်ပြုချီးမြှင့်ငွေကျပ် - ၁၀ သိန်းစီအား အသီးသီး ပေးအပ်ချီးမြှင့်ကြ သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက် လာသူများအား ရင်းရင်းနှီးနှီး လိုက်လံနှုတ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၁)အခြေခံပညာအထက်တန်းကျောင်းသို့ ရောက်ရှိရာ ကျောင်းသား/ကျောင်းသူ များ၏ ဘင်ခရာ တီးခတ်လေ့ကျင့်နေမှုများအား ကြည့်ရှုအားပေးပြီး ဂုတ်ပြုချီးမြှင့်ငွေများ ပေးအပ်ကာ ကျောင်းအုပ်ကြီးနှင့် ဆရာ/ဆရာမများအား ရင်းရင်းနှီးနှီးတွေ့ဆုံပြီး အား ပေးစကားများပြောကြားခဲ့ကာ ကျောင်းအုပ်ကြီးထံ ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၅) ရပ် ကွက်ရှိ အခြေခံပညာအလယ်တန်းကျောင်းနှင့် အမှတ်(၂)အခြေခံပညာ အထက်တန်းကျောင်းများသို့ ရောက်ရှိရာ ကျောင်းသား/ကျောင်းသူများ အေးချမ်းတည်ငြိမ်စွာဖြင့် ပညာသင်ကြားနေမှုများအား လိုက်လံကြည့်ရှုခဲ့ကြပြီး ကျောင်းအုပ်ကြီးနှင့် ဆရာ/ဆရာမများအား ရင်းရင်းနှီးနှီးတွေ့ဆုံကာ အားပေးစကားများပြောကြားခဲ့ပြီး ကျောင်းအုပ်ကြီးများထံ ဂုဏ်ပြုချီးမြှင့်ငွေကျပ် - ၁၀ သိန်းစီအား ပေးအပ်ချီးမြှင့်ခဲ့ကြောင်း သိရသည်။

မုံရွာ၊ နိုဝင်ဘာ ၁၂

စစ်ကိုင်းတိုင်းဒေသကြီး အားကစားအောင်နိုင်ရေးနှင့်ဌာနပေါင်းစုံ အားကစားပြိုင်ပွဲ များကျင်းပရေး လုပ်ငန်းညှိနှိုင်းအစည်းအဝေးကို နိုဝင်ဘာလ ၁၂ ရက်၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသ ကြီး/ခရိုင်/မြို့နယ်အဆင့် ဌာနဆိုင်ရာများ၊ အားကစားနည်းများအလိုက်မှ ဆပ်ကော်မတီ ဥက္ကဌများနှင့် တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးနှင့်ပြည်နယ် အားကစားပြိုင်ပွဲများသို့ မိမိတို့တိုင်းဒေသကြီး ကိုယ်စားပြုအနေဖြင့် သွားရောက်ယှဉ်ပြိုင် ရာတွင် အားကစားနည်းများအလိုက် အောင်မြင်ခဲ့သည့် အားကစားနည်းများရှိသကဲ့သို့ ဆက်လက်ကြိုးစားယှဉ်ပြိုင်ရမည့် အားကစားနည်းများလည်း ရှိပါကြောင်း၊ မိမိတို့တိုင်း ဒေသကြီး အစိုးရအဖွဲ့မှလိုအပ်သည့် အားပေးကူညီထောက်ပံ့မှုများ ဆောင်ရွက်နေသကဲ့ သို့ပါဝင်ယှဉ်ပြိုင်မည့် နည်းပြ/အုပ်ချုပ်/အားကစားသမားများ အနေဖြင့်လည်း နှစ်လုံး ပေါက် အားသွန်ခွန် စိုက်လေ့ကျင့်သွားကြရန် လိုအပ်ပါကြောင်း၊ ဌာနပေါင်းစုံအားကစား ပြိုင်ပွဲများအား နှစ်စဉ် အစဉ် အလာမပျက် ကျင်းပလျက်ရှိပြီး အစည်း အဝေးသို့ တက် ရောက်လာသည့် ဌာနဆိုင်ရာများမှလည်း အားကစားစိတ်ဓာတ်ပြည့်ဝစွာဖြင့် ဝိုင်းဝန်းကူ ညီဆောင်ရွက်ပေးသွားကြရန် လိုအပ်ပါကြောင်း၊ အားကစားပြိုင်ပွဲများ ကျင်းပရခြင်းအနေ ဖြင့် ဝန်ထမ်းများလုပ်ငန်းခွင်တွင် ကျန်းမာပျော်ရွှင်မှုရရှိစေရေး၊ ဌာနဆိုင်ရာအချင်းချင်း ချစ်ကြည်ရင်းနှီးမှုရရှိရန်နှင့် စည်းလုံးညီညွတ်စွာ ပါဝင်ယှဉ်ပြိုင်သွားကြရန် လိုအပ်ပါကြောင်း၊ ဒီဇင်ဘာအားကစားလ လူထုစုပေါင်းလမ်းလျှောက်ပွဲကိုလည်း ယခင်နှစ်များ နည်းတူ ဌာနဆိုင်ရာဝန်ထမ်းများ၊ မိသားစုဝင်များ၊ ပြည်သူများပါဝင်ဆင်နွှဲနိုင်အောင် တာဝန်ရှိသူများအနေဖြင့် အလေးထား ပူးပေါင်းဆောင်ရွက်သွားကြရန် လိုအပ်ပါကြောင်း၊ တာဝန်များပေးအပ်ခံထားသည့် ဆပ်ကော်မတီအသီးသီးအနေဖြင့်လည်း မိမိတို့အားပေး အပ်ထားသည့် တာဝန်များအား ကျေပွန်စွာထမ်းဆောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး အားကစားနှင့်ကာယပညာဦးစီးဌာနမှ တိုင်းဒေသကြီး ဦးစီးမှူး ဦးအောင်ဇော်လွင်က တိုင်းဒေသကြီး အားကစားအောင်နိုင်ရေးနှင့် ဌာနပေါင်းစုံ အားကစားပြိုင်ပွဲများ စည်ကားသိုက်မြိုက်စွာကျင်းပနိုင်ရေးအတွက် လုပ်ငန်းများကြိုတင် စီမံဆောင်ရွက်ထားရှိသည့် အခြေအနေများအား ရှင်းလင်းတင်ပြသည်။

ဆက်လက်၍ အားကစားနည်းများအလိုက်မှ ဆပ်ကော်မတီ ဥက္ကဌများက တိုင်းဒေ သကြီး အားကစားအောင်နိုင်ရေးနှင့် ဌာနပေါင်းစုံအားကစားပြိုင်ပွဲများ အောင်မြင်စွာ ကျင်းပရေးအတွက် မိမိတို့တာဝန်ယူဆောင်ရွက်သွားမည့် လုပ်ငန်းတာဝန်များနှင့် ပတ် သက်၍ အသီးသီး ရှင်းလင်းတင်ပြကြသည်။

ထို့နောက် အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရအဖွဲ့ ဝင်များနှင့် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီး အားကစားအောင် နိုင်ရေးနှင့် ဌာနပေါင်းစုံအားကစားပြိုင်ပွဲများ စည်ကားသိုက်မြိုက်စွာ ကျင်းပနိုင်ရေး အတွက် လုပ်ငန်းများနှင့်ပတ်သက်၍ ဖြည့်စွက်ဆွေးနွေးတင်ပြကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၁၁

၂၀၂၅-ခုနှစ်၊ ပါတီစုံဒီမိုကရေစီ အထွေထွေ ရွေးကောက်ပွဲ အောင်မြင်စွာကျင်းပနိုင်ရေးနှင့်မဲဆန္ဒရှင်စာရင်းမှန်ကန်စေရေး လုပ်ငန်းညှိနှိုင်း အစည်းအဝေး(၄/၂၀၂၅)ကို နိုဝင် ဘာလ ၁၁ ရက်၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံး အစည်းအဝေး ခန်းမတွင် ကျင်းပပြုလုပ်ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသ ကြီးရွေးကောက်ပွဲကော်မရှင်အဖွဲ့ခွဲ ဥက္ကဌနှင့်အဖွဲ့ဝင်များ၊ ကန့်ဘလူခရိုင်/မုံရွာခရိုင် စီမံ ခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် ခရိုင်/မြို့နယ် ရွေးကောက်ပွဲကော်မရှင်အဖွဲ့ ဝင်များ တက်ရောက်ကြပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင်၊ ကောလင်းခရိုင်၊ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများနှင့် ခရိုင် ရွေးကောက်ပွဲကော်မရှင် အဖွဲ့ဝင်များက Video Conferencing စနစ်ဖြင့် တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ ဒီဇင်ဘာလ ၂၈ ရက်နေ့တွင် ပါတီစုံဒီမိုကရေစီအထွေထွေရွေးကောက်ပွဲ အပိုင်း(၁)နှင့် ၂၀၂၆-ခုနှစ်၊ ဇန်နဝါ ရီလ ၁၁ ရက်နေ့တို့တွင် အပိုင်း(၂)အား ကျင်းပသွားမည်ဖြစ်ရာ ရွေးကောက်ပွဲများ အောင် မြင်စွာကျင်းပနိုင်ရေးနှင့် မဲဆန္ဒရှင်စာရင်းများ ပြည့်စုံမှန်ကန်စေရေး တိုင်းဒေသကြီး/ခရိုင်/ မြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဌများနှင့်အဖွဲ့ဝင်များ၊ ခရိုင်/မြို့နယ် စီမံခန့်ခွဲ ရေးနှင့်အုပ်ချုပ်ရေးကော်မတီ ဥက္ကဌများက မိမိတို့အားပေးအပ်ထားသည့် လုပ်ငန်းတာဝန်
များအားကျေပွန်အောင် အစွမ်းကုန်အလေးထား ကြိုးပမ်းဆောင်ရွက်သွားကြ ရန်လိုအပ်ပါ ကြောင်း၊ မဲဆန္ဒရှင်စာရင်းများ ကပ်ထားကြေညာခြင်းအား နိုဝင်ဘာလတွင် ဒုတိယအကြိမ် အဖြစ် ထပ်မံကပ်ထားကြေညာသွားမည်ဖြစ်သည့်အတွက် အမှန်တကယ်ပါဝင်သင့်သည့် မဲဆန္ဒရှင်စာရင်းများ ကျန်ရှိမှုမရှိစေရေး၊ မပါသင့်သည့်စာရင်းများ ပါရှိမှုမရှိစေရေးနှင့် အချက်အလက်မှားယွင်းခြင်းများ မရှိစေရေးတို့အား တာဝန်ရှိသူအားလုံးက အလေးထား သတိပြု ဆောင်ရွက်သွားကြရန် လိုအပ်ပါကြောင်း၊ ရွေးကော်ပွဲကျင်းပရန် (၄၅) ရက်သာ လိုတော့သည့်အတွက် တိုင်းဒေသကြီးအတွင်း ရွေးကောက်ပွဲအောင်မြင်စွာ ကျင်းပနိုင်ရေး နှင့်မဲဆန္ဒရှင်စာရင်းများ မှန်ကန်စေရေးအတွက် တာဝန်ရှိသူအားလုံးက ညီညီညွတ်ညွတ် ဖြင့်ဝိုင်းဝန်းဆောင်ရွက်ကာ နိုင်ငံတော်၏ အမျိုးသားရေးတာဝန်အား ကျေပွန်စွာ ထမ်း ဆောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ရွေးကောက်ပွဲကော်မရှင်အဖွဲ့ခွဲ ဥက္ကဌနှင့် တိုင်းဒေသကြီး လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန တိုင်းဒေသကြီးဦးစီးမှူးတို့က တိုင်းဒေသကြီးအတွင်းရှိ ခရိုင်/မြို့နယ်များအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေ ထွေရွေးကောက်ပွဲ အောင်မြင်စွာကျင်းပနိုင်ရေးအတွက် ရွေးကောက်ပွဲဆိုင်ရာ အချက် အလက်များနှင့် မဲဆန္ဒနယ်သတ်မှတ်ခြင်း၊ ဆန္ဒမဲပေးပိုင်ခွင့်ရှိသူများ မဲစာရင်းမှန်ကန်မှုရှိ စေရေးအတွက် ကြိုတင်ဆောင်ရွက်နေမှုများ၊ MEVM စက်များ ဖြန့်ဝေထားရှိမှု အခြေ အနေများ၊ လူဦးရေစာရင်းဆိုင်ရာကိစ္စရပ်များ ဆောင်ရွက်ထားရှိမှု အခြေအနေများနှင့် ရွေး ကောက်ပွဲကျင်းပရန် ကြိုတင်ပြင်ဆင်ဆောင်ရွက်ထားရှိမှု အခြေအနေများအား ရှင်းလင်း တင်ပြကြသည်။

ဆက်လက်၍ တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ကသာခရိုင်၊ ကောလင်းခရိုင်၊ ခန္တီးခရိုင်၊ စစ်ကိုင်းခရိုင်၊ ရွှေဘိုခရိုင်၊ ရေဦးခရိုင်၊ မော်လိုက်ခရိုင်၊ ဟုမ္မလင်းခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများက Video Conferencing စနစ်ဖြင့် လည်းကောင်း၊ ကန့်ဘလူခရိုင်/မုံရွာခရိုင် စီမံခန့်ခွဲရေးနှင့် အုပ် ချုပ်ရေးကော်မတီ ဥက္ကဌတို့က မိမိခရိုင်များအတွင်းရှိ မြို့နယ်များအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရေးနှင့် မဲဆန္ဒရှင် စာရင်းများ မှန်ကန်မှုရှိစေရေးတို့အတွက် လုပ်ငန်းများကြိုတင်ပြင်ဆင် ဆောင်ရွက်ထား ရှိမှုအခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ထို့နောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ၂၀၂၅-ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက် မဲဆန္ဒရှင်စာရင်းများ မှန်ကန်မှုရှိစေရေး၊ လုံခြုံရေးကြီးကြပ်မှုဆိုင်ရာများနှင့် MEVM မဲပေး စက်များဖြန့်ဝေထားရှိမှု အခြေအနေများ၊ မိမိတို့ဝန်ကြီးဌာနများအလိုက် ပူးပေါင်းဆောင် ရွက်သွားမည့် လုပ်ငန်းအခြေအနေများအား ဖြည့်စွက်ဆွေးနွေး တင်ပြကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ နိုဝင်ဘာ ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/မြို့နယ် စီမံခန့်ခွဲရေးနှင့်အုပ်ချုပ်ရေး ကော်မတီ ဥက္ကဌများနှင့် တာဝန်ရှိသူများသည် နိုဝင်ဘာလ ၉ ရက်၊ နံနက်ပိုင်းတွင် မြန်မာနိုင်ငံ ဆိုင်ရာ တရုတ်သံရုံးနှင့် မြန်မာတရုတ်ကုမ္ပဏီများအသင်းတို့ ပူးပေါင်းလှူဒါန်း၍ မြန်မာ-တရုတ် ပူးပေါင်းဆက်ဆံရေးအသင်းမှ ကူညီဆောင်ရွက်သည့် စစ်ကိုင်းမြို့၊ ရွှေမင်းဝံဈေး မြန်မာ-တရုတ်ချစ်ကြည်ရေးဈေးရုံ အလျား - ၁၀၀ ပေ၊ အနံ - ၁၀၀ ပေ၊ Steel Structure ၁ ထပ် ဈေးရုံသစ် တည်ဆောက်နေမှုအား ကြည့်ရှုစစ်ဆေးပြီး တည်ဆောက်ရေးလုပ်ငန်း များစံချိန်စံညွှန်းမီ အရည်အသွေးကောင်းမွန်စွာဖြင့် တည်ဆောက်ပြီးစီးရေး၊ လုပ်ငန်းခွင် အန္တရာယ်ကင်းရှင်းရေးနှင့် အချိန်မီပြီးစီးရေးတို့အား တာဝန်ရှိသူများကို မှာကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများသည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ မြို့မဈေးကြီး ၂ ထပ်ဈေးရုံ ၁ ရုံ၊ ၁ ထပ်ဈေးရုံ ၃ ရုံ အဆင့်မြှင့်တင် ပြန် လည်ပြုပြင်တည်ဆောက်နေမှုများအား သွား ရောက် ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွှေမင်းဝံရပ်ကွက်၊ လမ်းအမှတ် (၁၁) လမ်းအရှည် - ၂၅၀၀ ပေ၊ အကျယ် - ၁၈ ပေ လမ်းအကျယ်ချဲ့၍ ကတ္တရာလမ်းခင်းကျင်းနေမှုနှင့် ပိုးတန်းရပ်ကွက်၊ ရွှေညောင်ပင်လမ်း လမ်းအရှည် - ၁၀၅၀ ပေ၊ အကျယ် ၁၆ ပေ လမ်းအကျယ်ချဲ့၍ ကတ္တရာလမ်းခင်းကျင်း နေမှုများအား လိုက်လံကြည့်ရှုစစ် ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့ သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ကုတင် ၃၀၀ ဆံ့ အထွေထွေရောဂါကုပြည်သူ့ဆေးရုံကြီးဝန်းအတွင်းရှိ ဆေးသိုလှောင်ရုံ RC ၁ ထပ် အဆောက်အဦသစ် တည်ဆောက်နေမှုအား သွားရောက်ကြည့်ရှုစစ်ဆေးပြီး တည်ဆောက်ရေး လုပ်ငန်းများအား အရည်အသွေးကောင်းမွန်စွာဖြင့် တည်ဆောက်ပြီးစီးရေးနှင့် အချိန်မီပြီးစီးရေး တို့အား တာဝန်ရှိသူများကို မှာကြားကာ လိုအပ်သည်များကို ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ်ခတ်မှု ကြောင့် ထိခိုက်ပျက်စီးခဲ့သည့် စစ်ကိုင်းမြို့၊ မြို့မရဲစခန်းရှိ ဓမ္မာရုံ ပြန်လည်ပြုပြင်တည်ဆောက် နေမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၈

စစ်ကိုင်းတိုင်းဒေသကြီး စစ်ကိုင်းမြို့နယ်အတွင်းရှိ ငလျင်ဘေးသင့်နေအိမ်များအား အိမ်ဆောက်ပစ္စည်းများ ထောက်ပံ့ပေးအပ်ပွဲ အခမ်းအနားကို နိုဝင်ဘာလ ၈ ရက်၊ နံနက်ပိုင်းတွင် စစ်ကိုင်းမြို့၊ မြို့တော်ခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊စစ်ကိုင်း မြို့နယ်အတွင်းရှိ ငလျင်ဘေးသင့်ပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ငလျင်ဘေးဒဏ်ကြောင့် စစ်ကိုင်းမြို့နယ်အတွင်းရှိ မိဘပြည်သူများ၊ ရဟန်းသံဃာရှင်များ၏ ဆင်းရဲဒုက္ခများအား ခံစားခဲ့ရပြီး မြန်မာ့သမိုင်းတွင်ဝမ်းနည်းကြေကွဲဖွယ်ကောင်းသည့် နေ့တစ်နေ့အဖြစ် ရင်ဆိုင်ကြုံတွေ့ခဲ့ရပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် ငလျင်ဘေးသင့် မိဘပြည်သူများ လက်ရှိရင်ဆိုင်နေရသည့် အခက် အခဲအကြပ်အတည်းများအား အတူတကွ ရင်ဆိုင်ကျော်ဖြတ်သွားရမည်ဖြစ်ပါကြောင်း၊ နိုင်ငံတော်နှင့် မိမိတို့တိုင်းဒေသကြီးအစိုးရအဖွဲ့အနေဖြင့်လည်း ငလျင်ဘေးသင့်ပြည်သူများ ရင်ဆိုင်ကြုံတွေ့နေရသည့်စီးပွားရေး၊လူမှုရေး၊ပညာရေးနှင့် ကျန်းမာရေး စသည့်အခက်အခဲများအား အတက်နိုင်ဆုံး ဝိုင်းဝန်း ဖြည့်ဆည်းဆောင်ရွက်ပေးသွားမည် ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်ကစစ်ကိုင်းခရိုင် သဘာဝဘေးအန္တရာယ် စီမံခန့်ခွဲမှုအဖွဲ့ ဥက္ကဌထံ စစ်ကိုင်းမြို့နယ်အတွင်းရှိ ငလျင်ဘေးသင့်အိမ်ထောင်စုများအတွက် ထောက်ပံ့ငွေကျပ်သန်း ပေါင်း ၅၀၅၇၂ (ငါးသောင်းငါးရာခုနှစ်ဆယ်နှစ်)သန်းအား လည်းကောင်း၊ တိုင်းဒေသကြီး လူမှုရေးရာဝန်ကြီးက စစ်ကိုင်းခရိုင် ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနခရိုင်ဦးစီးမှူးထံ ငလျင်ညဘေးသင့်အိမ်ထောင်စုများအတွက် အိမ်ဆောက် ပစ္စည်း ဘိလပ်မြေ၊ သံ၊ သွပ် များအား လွှဲပြောင်းပေးအပ်ခဲ့ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့နယ် လယ်ယာဖွံ့ဖြိုးရေးဘဏ်ရုံးဝန်းအတွင်း၌ စစ်ကိုင်းမြို့နယ်အတွင်းရှိ ငလျင်ဘေးသင့် ပြည်သူများအား ထောက်ပံ့ငွေများနှင့် ဘိလပ်မြေ၊ သံ၊ သွပ်များအား ခွဲဝေဖြန့်ဖြူးပေးနေမှုများအား သွားရောက်ကြည့်ရှုခဲ့ကြပြီး ငလျင်ဘေးသင့်ပြည်သူများအား ရင်းရင်း နှီးနှီးနှုတ်ဆက်အားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့အမှတ် (၁) အခြေခံပညာ အထက်တန်းကျောင်းရှိ ၂ ထပ်ကျောင်းဆောင် အဆောက်အဦ ပြန်လည်ပြုပြင်နေမှုနှင့် ရန်နိုင်ရပ်ကွက်ရှိ အခြေခံပညာအထက်တန်း ကျောင်း(ခွဲ)ရှိ အလျား- ၁၂၀ ပေ၊ အနံ- ၃၀ ပေ RC ၁ ထပ် ကျောင်းဆောင် အဆောက်အဦသစ် တည် ဆောက်နေမှု၊ ထုံးဘိုရပ်ကွက်ရှိ အလျား ၆၀ ပေ၊ အနံ- ၃၀ ပေ RC ၁ ထပ် အဆောက်အဦသစ် တည် ဆောက်နေမှုများ အားသွားရောက်ကြည့်ရှုစစ်ခဲ့ကြပြီး လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ ရွှေမင်းဝံရပ်ကွက်ရှိ လေ့ကျင့်ရေးအထက်တန်းကျောင်းဝန်းအတွင်း အလျား - ၁၅၀ ပေ၊ အနံ-၃၀ ပေ RC၁ ထပ် ကျောင်းဆောင်အဆောက်အဦသစ် တည်ဆောက်နေမှု၊ ပတ္တမြား ရပ်ကွက်ရှိအမှတ်(၂၀)အခြေခံပညာ အလယ်တန်းကျောင်း(ခွဲ)အတွင်း အလျား - ၆၀ ပေ၊ အနံ-၃၀ ပေ RC ၁ ထပ် ကျောင်းဆောင်အဆောက် အဦသစ် တည်ဆောက်နေမှုနှင့် မကျီးစင်ရပ်ကွက်ရှိ အခြေခံပညာမူလတန်းကျောင်းအတွင်း အလျား - ၆၀ ပေ၊ အနံ- ၃၀ ပေ၊ RC ၁ ထပ် ကျောင်းဆောင်အဆောက်အဦသစ် တည်ဆောက်နေမှုများအား လိုက်လံ ကြည့်ရှုစစ်ဆေးခဲ့ကြပြီး တည်ဆောက်ရေးလုပ်ငန်းများ သက်မှတ်ဘဏ္ဍာနှစ်တွင် စံချိန် စံညွှန်းမီ အရည်အသွေးကောင်းမွန်စွာဖြင့် တည် ဆောက်ပြီးစီးရေးတို့အား တာဝန်ရှိသူများအားမှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၇

(၃၇)နှစ်မြောက် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့အထိမ်းအမှတ် အခမ်းအနားကို နိုဝင်ဘာလ ၇ ရက်နေ့၊ မွန်းလွဲပိုင်းတွင် စစ်ကိုင်း တိုင်းဒေသကြီး၊ မုံရွာမြို့ရှိ ချင်းတွင်းခန်းမတွင်ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်မြို့နယ် အထွေထွေအုပ်ချုပ်ရေးဦးစီးဌာနမှ အရာထမ်း/အမှုထမ်းများ၊ အထွေထွေအုပ်ချုပ်ရေးဦးစီးဌာနမှ အငြိမ်းစားဝန်ထမ်းများနှင့် မိသားစုဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အထွေထွေအုပ်ချုပ်ရေးဦးစီးဌာနသည် နိုင်ငံတော်အုပ်ချုပ်ရေးယန္တရားတွင် အခြေခံကျသည့် ဌာနတစ်ခုဖြစ်အားလျော်စွာ ဌာနမှ အဆင့်ဆင့်သော အရာထမ်း/အမှုထမ်းများသည် အုပ်ချုပ်ရေးခေတ်အဆက်ဆက် တာဝန်ထမ်း ဆောင်ခဲ့ကြပြီး ယနေ့တိုင်နိုင်ငံတော်အစိုးရ၏ ချမှတ်ထားသော မှုဝါဒများအား ပူးပေါင်းဆောင်ရွက်အကောင်အထည် ဖော်လျက်ရှိသည့်အပြင် နိုင်ငံတော်၏ နိုင်ငံရေး၊ စီးပွားရေး၊ လူမူရေး လိုအပ်ချက်များအရ ကိုယ်စွမ်း၊ဉာဏ်စွမ်းရှိသ၍ ကျရာအခန်းကဏ္ဍမှ တာဝန်ကျေပွန်စွာ ထမ်းဆောင်လျက်ရှိသည်ကို တွေ့ရှိရပါကြောင်း၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ အနေဖြင့် မိမိတို့ဌာန၏ ထမ်းဆောင်ရမည့်တာဝန်များ၊ စောင့်ထိန်းရမည့်ကျင့်ဝတ်စည်းကမ်းများအား လိုက်နာစောင့်ထိန်းပြီး နိုင်ငံတော်နှင့် ပြည်သူတစ်ရပ်လုံးက အားထားရသည့် အုပ်ချုပ်ရေးဝန်ထမ်းကောင်းများ ဖြစ်လာကြစေရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး အထွေထွေအုပ်ချုပ်ရေးဦးစီးဌာန၊ တိုင်းဒေသကြီးအုပ်ချုပ်ရေးမှူးဦးခင်မောင်ချိုက အထွေထွေအုပ်ချုပ်ရေးဦးစီးဌာန သမိုင်းကြောင်းနှင့်ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက တိုင်းဒေသကြီး အထွေ ထွေအုပ်ချုပ်ရေးဦးစီးဌာရုံးဝန်းအတွင်းရှိ ဝန်ထမ်းအိမ်ရာလိုင်းခန်းများ သန့်ရှင်းသပ်ရပ်မှု၊ စားပင်သီးပင်များစိုက်ပျိုးထားရှိမှုတို့အား ဆုချီးမြှင့်နိုင်ရေး ရွေးချယ်ထားရှိမှု Video Clip အား ကြည့်ရှု အားပေးကြသည်။

ဆက်လက်၌ တိုင်းဒေသကြီး ဝန်ကြီးချုပ်က နိုင်ငံ့ဝန်ထမ်းတက္ကသိုလ် (အထက်မြန်မာပြည်/အောက်မြန်မာပြည်)သင်တန်းများတွင် ထူးချွန်ဆုရရှိကြသည့် ဝန်ထမ်း ၃ ဦးအား ဂုဏ်ပြုချီး မြှင့်ငွေနှင့် ဂုဏ်ပြုဆုလက်မှတ်အားလည်းကောင်း၊တိုင်းဒေသကြီး တရားသူကြီးချုပ်က ဝန်ထမ်းအိမ်ရာသန့်ရှင်းရေးဆောင်ရွက်မှု ပထမဆု/ဒုတိယဆု/တတိယဆု/နှစ်သိမ့်ဆုရရှိသည့် ဝန် ထမ်းများအား ဂုဏ်ပြုချီးမြှင့်ငွေနှင့် ဂုဏ်ပြုဆုလက်မှတ်များအား လည်း ကောင်း၊ တိုင်းဒေသ ကြီး အထွေထွေအုပ်ချုပ်ရေးဦးစီးဌာန တိုင်းဒေသကြီးအုပ်ချုပ်ရေးမှူးက စာရေးဝန်ထမ်းများ လုပ်ငန်းစွမ်းဆောင်ရည်မြင့်မားရေးသင်တန်းတွင် ပထမဆု/ဒုတိယဆု/တတိယဆု/နှစ်သိမ့်ဆုရ ရှိသည့် ဝန်ထမ်းများအား ဂုဏ်ပြုဆုလက်မှတ်များအားလည်းကောင်း အသီးသီးပေးအပ် ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်း ဓါတ် ပုံရိုက်ကူးကြပြီး အခမ်းအနားသို့ တက်ရောက်လာကြသည့် အထွေ ထွေအုပ်ချုပ်ရေးဦးစီးဌာန အငြိမ်းစားဝန်ထမ်းများအား ရင်းရင်းနှီးနှီးလိုက်လံနှုတ်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ဒေသခံပြည် (၁၂၀၀)ဦးကျော်အား အလုပ်အကိုင်အခွင့်အလမ်းများဖန်တီးပေးနေသည့် စစ်ကိုင်း မြို့နယ်၊ ရွာသစ်ကြီးကျေးရွာရှိ အမှတ်(၃)အထည်စက်ရုံ(စစ်ကိုင်း) သို့ ရောက်ရှိရာ စက်ရုံတာဝန် ခံမှ စက်ရုံအတွင်း ၁/၁ ချည်၊ ၂/၄၀ ချည် အမျိုးမျိုး၊ ပိတ်စအမျိုးမျိုးနှင့် ချည်လုံးအမျိုးမျိုး ထုတ် လုပ်နေမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ထုတ်လုပ်နေသည့် ချည်အမျိုးမျိုးအား အရည်အသွေးကောင်းမွန်စွာထုတ်လုပ်ပြီး ပြည်သူများဈေးနှုန်းသက်သာစွာ ဖြင့်ဝယ်ယူအသုံးပြုနိုင်ရေးတို့အား မှာကြားကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ပြီး စက်ရုံဝန်ထမ်းများအတွက် ဂုဏ်ပြုချီးမြှင့်ငွေများ ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ်ခတ်မှုကြောင့် ထိခိုက်ပျက် စီးခဲ့သည့် စစ်ကိုင်းမြို့၊ စူဠာမဏီ ကောင်းမှုတော်စေတီတော်မြတ်ကြီးသို့ရောက်ရှိရာ စေတီတော်ကြီးလုံးတော်ပြည့် ပြန်လည်ပြုပြင်နေမှု၊ စေတီတော်ကြီးရင်ပြင်ရှိ သာသနိကအဆောက်အဦများ ပြန် လည်ပြုပြင်မွမ်းမံနေမှု၊ စေတီတော်ကြီးရင်ပြင်တော်အား နေပူခံကျောက်ပြားများခင်းကျင်းရန် ပြုပြင်နေမှု၊ စေတီတော် ကြီး တောင်ဘက်မုဒ်အာရုံခံတန်ဆောင်း ပြန်လည်ပြုပြင်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့ “ရတနာဆင်များ ရှင်” စေတီတော်မြတ်ကြီး၊ “ထူပါရုံ”စေတီတော်မြတ်ကြီးနှင့် “မဟာစေတီကြီး” စေတီတော်မြတ်ကြီး လုံးတော်ပြည့် ပြန်လည်မွမ်းမံပြုပြင်နေမှု၊ စေတီတော်ကြီးရင်ပြင်ရှိ သာသနိက အဆောက်အဦများ၊ အာရုံခံတန်ဆောင်းများ ပြန်လည်မွန်းမံ တည်ထားကိုးကွယ်နေမှုများအား လိုက်လံကြည့်ရှုခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ငလျင်လှုပ်ခတ်မှုကြောင့် ထိခိုက်ပျက်စီးခဲ့သည့် စစ်ကိုင်းမြို့၊ တင်းတိပ်ရပ်ကွက်ရှိ “ဖောင်တော်ဦး” ဆုတောင်း ပြည့်စေတီတော်၊ “စက္ကဝဠာမင်းရန်သိမ်း”ဆုတောင်းပြည့်စေတီတော်၊ “ဇမ္ဗုမင်္ဂလာ”စေတီတော်များ ပြန်လည်ပြုပြင်မွမ်းမံနေမှုလုပ်ငန်းများ ဆောင်ရွက်နေမှုများအား သွားရောက်ကြည့်ရှုခဲ့ ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။