မုံရွာ၊ နိုဝင်ဘာ ၂၀

(၃၆)နှစ်မြောက် ကလေးသူငယ်အခွင့် အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့ အထိမ်းအမှတ်(ကမ္ဘာ့ကလေးများနေ့)အခမ်းအနားကို နိုဝင်ဘာလ ၂၀ ရက်၊နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ချင်းတွင်းခန်းမတွင် ကျင်းပပြု လုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရား သူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ မုံရွာမြို့ပေါ်ရှိ မူလတန်းကြိုကျောင်းများမှ ဆရာ/ဆရာမများနှင့် ကလေးငယ် များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကလေးသူငယ် ကာကွယ်စောင့် ရှောက်ရေးဆိုသည် ကလေးသူငယ်များအား အကြမ်းဖက်ခြင်း၊ အလွဲသုံးခြင်း၊ လစ်လျူရှု ခြင်း၊ ခေါင်းပုံဖြတ်ခြင်းများအား မိဘ၊ ရပ်ရွာ၊ ပတ်ဝန်းကျင်တို့မှ ဝိုင်းဝန်းပူးပေါင်းကာကွယ်ပေးသွားကြရန်လိုအပ်ပါကြောင်း၊ ကလေးသူငယ်များသည် မိမိတို့နိုင်ငံ အနာဂတ်၏လူ့စွမ်းအားအရင်းအမြစ်များဖြစ်သည် နှင့်အညီ ကလေးသူငယ်ကာကွယ်စောင့်ရှောက်ရေးသည် အရေးကြသည့် လုပ်ငန်းတစ်ရပ်ဖြစ်ပါကြောင်း၊ ယခု(၃၆)နှစ်မြောက် ကလေး သူငယ်အခွင့်အရေးများဆိုင်ရာ ကုလသဂ္ဂကွန်ဗင်းရှင်း အထိမ်းအမှတ် ကမ္ဘာ့ကလေးများ နေ့ ဆောင်ပုဒ်ဖြစ်သည့် “နေ့စဉ်အခွင့်အရေးများ မြှင့်တင်ရေး ကလေးများအသံ နား ထောင်ပေး”ဖြစ်သည်နှင့်အညီ ကလေးငယ်များ၏ ဖွံ့ဖြိးမှုရှိစေမည့် လုပ်ငန်းစီမံချက်များ အား များများဖော်ဆောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက (၃၆)နှစ်မြောက် ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့ အထိမ်း အမှတ်(ကမ္ဘာ့ကလေးများနေ့) Video Clip အား ကြည့်ရှုအားပေးကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူ များမှ မုံရွာမြို့ပေါ်ရှိ မူလတန်းကြိုကျောင်းများမှ ကလေးငယ်များ၏ တေးသီချင်းများဖြင့် ကပြဖျော်ဖြေမှုများအား ကြည့်ရှုအားပေးခဲ့ကြပြီး တိုင်းဒေသကြီး သယံဇာတရေးရာ ဝန်ကြီးက တေးသီချင်းများဖြင့် ကပြဖျော်ဖြေပေးခဲ့ကြသည့် မူလတန်းကြိုကျောင်းများမှ ကလေးငယ်များအား ဂုဏ်ပြုချီးမြှင့်ငွေကျပ် ၅ သိန်းအား ပေးအပ်ချီးမြှင့်ခဲ့သည်။

ထို့နောက် တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်၊ တိုင်း ဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက အခမ်းအနား သို့တက်ရောက်လာကြသည့် မုံရွာမြို့ပေါ်ရှိ မူလတန်းကြိုကျောင်းများမှ ကလေးငဘ်များ အား အမှတ်တရ လက်ဆောင်ပစ္စည်းများနှင့် စားသောက်ဖွယ်ရာများအား ပေးအပ်ကာ တာဝန်ရှိသူများနှင့်အတူ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြောင်း သိရသည်။

မုံရွာ၊ နိုဝင်ဘာ ၁၉

၂၀၂၅-ခုနှစ်၊ပါတီစုံဒီမိုကရေစီအထွေထွေ ရွေးကောက်ပွဲ မဲရုံမှူး၊ဒုတိယမဲရုံမှူးများ ရွေးကောက်ပွဲဆိုင်ရာသင်တန်း ဖွင့်ပွဲအခမ်းအနားကို နိုဝင်ဘာလ ၁၉ ရက်၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ ပြည် ထောင်စုရွေးကောက်ပွဲကော်မရှင်အဖွဲ့ဝင် စစ်ကိုင်းတိုင်းဒေသကြီး တာဝန်ခံ ဦးမြင့်သိန်း၊ တိုင်းဒေသကြီး၊ခရိုင်၊မြို့နယ်အဆင့် ဌာနဆိုင်ရာများ၊ မုံရွာမြို့နယ်အတွင်းရှိ သင်တန်း သား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၅-ခုနှစ်၊ ပါတီစုံဒီမိုကရေစီ အထွေထွေ ရွေးကောက်ပွဲတွင် တာဝန်ထမ်းဆောင်ကြမည့် မဲရုံမှူး၊ဒုတိယမဲရုံမှူးများနှင့် အဖွဲ့ဝင်များ၏ လုပ်ငန်းတာဝန်များသည် အလွန်အရေးကြီးပါကြောင်း၊ သင်တန်းသား၊ သင်တန်းသူများအနေဖြင့်လည်း ယခုသင်တန်းပြီးဆုံးသည့်အချိန်တွင် မိမိတို့၏ မဲရုံအဖွဲ့ ဝင်များအား ထပ်ဆင့်ပို့ချပြီး မိမိတို့တာဝန်ကျသည့် မဲရုံတာဝန်များအား ကျေပွန်စွာထမ်း ဆောင်သွားကြရန် လိုအပ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့်လည်း လိုအပ်သည့် ပံ့ပိုးကူညီလမ်းညွှန်မှုများ ဆောင်ရွက်ပေးလျက်ရှိသကဲ့သို့ လွတ်လပ်၍ တရားမျှတပြီး သိက္ခာရှိသည့် ရွေးကောက်ပွဲတစ်ရပ် ဖော်ဆောင်ပေးနိုင်ရေး နိုင်ငံတော် အစိုးရအနေဖြင့်လည်း အဖက်ဖက်မှ အထူးအလေးထား ဆောင်ရွက်ပေးလျက်ရှိရာ တာဝန်ရှိသူများနှင့် မဲရုံမှူး၊ဒုတိယမဲရုံမှူး တာဝန်ထမ်းဆောင်သွားကြမည့် သင်တန်းသား၊ သင်တန်းသူများမှလည်း နိုင်ငံတော်တာဝန်အားကျရာ အခန်းကဏ္ဍမှ အောင်မြင်ကျေပွန် စွာထမ်းဆောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ပြည်ထောင်စုရွေးကောက်ပွဲကော်မရှင်အဖွဲ့ဝင် စစ်ကိုင်းတိုင်းဒေသ ကြီးတာဝန်ခံ ဦးမြင့်သိန်းက ၂၀၂၅-ခုနှစ်၊ ပါတီစုံဒီမိုကရေစီအထွေထွေ ရွေးကောက်ပွဲ မဲရုံ မှူး၊ဒုတိယမဲရုံမှူးများ ရွေးကောက်ပွဲဆိုင်ရာသင်တန်း ဖွင့်လှစ်ရခြင်းနှင့် ပတ်သက်၍ ရှင်း လင်းပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၅-ခုနှစ်၊ ပါတီ စုံဒီမိုကရေစီအထွေထွေရွေးကောက်ပွဲ မဲရုံမှူး၊ဒုတိယမဲရုံမှူးများ ရွေးကောက်ပွဲဆိုင်ရာ သင်တန်းသို့ တက်ရောက်လာကြသည့် သင်တန်းသား၊သင်တန်းသူများအား ရင်းရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ ၂၀၂၅-ခုနှစ်၊ ပါတီစုံဒီမိုကရေစီအထွေထွေ ရွေးကောက်ပွဲ မဲရုံမှူး၊ဒုတိယ မဲရုံမှူးများ ရွေးကောက်ပွဲဆိုင်ရာသင်တန်းသို့ မုံရွာမြို့နယ်အတွင်းရှိ ရပ်ကွက်၊ကျေးရွာ များမှ သင်တန်းသား၊သင်တန်းသူ ၂၄၄ ဦးတက်ရောက်သွားမည်ဖြစ်ပြီး နိုဝင်ဘာလ ၁၉ ရက်နေ့မှ ၂၀ ရက်နေ့အထိ သင်ကြားပို့ချပေးသွားမည်ဖြစ်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသ ကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်သည့် တိုင်းဒေသကြီးအတွင်းရှိ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်း ညှိနှိုင်းအစည်းအဝေးသို့ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ အသေးစား၊အငယ်စားနှင့် အလတ်စား စီးပွားရေးလုပ်ငန်းများ အောင်မြင်အောင် ဖွံ့ဖြိုးတိုးတက်ရေးအတွက် ဌာနဆိုင်ရာများနှင့် လုပ်ငန်းရှင်များက ဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း၊ MSME လုပ်ငန်းများသည် ပုဂ္ဂလိကစီးပွားရေးကဏ္ဍများ၏ ကျောထောက် နောက်ခံဖြစ်ပြီး တီထွင်ဆန်းသစ်မှုများ၏ အဓီကအရင်းအမြစ်များဖြစ်ကာ အလုပ်အကိုင်အခွင့်အလမ်းများဖန်တီးပေးနိုင်မှု၊ ဆင်းရဲနွမ်းပါးမှုလျော့ချနိုင်သည့်အပြင် စွန့်ဦးတီထွင်မှု ဈေးကွက်လိုအပ်ချက်နှင့် စိန်ခေါ်မှုများကိုလည်း တုန့်ပြန်နိုင်စွမ်းကြောင်း နှင့်အစည်းအဝေးသို့ တက်ရောက်လာကြသည့် ဌာနဆိုင်ရာများ၊ လုပ်ငန်းရှင်များမှလည်း မိမိတို့တိုင်းဒေသကြီးအတွင်းရှိ MSME လုပ်ငန်းများဖွံ့ဖြိုးတိုး တက်ရေးအတွက် ဝိုင်းဝန်း အကြံပြုဆွေးနွေးပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက တိုင်းဒေသကြီး အတွင်းရှိ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဆောင်ရွက်နေမှု အခြေအနေများအား ရှင်းလင်းပြောကြားပြီး MSME အေဂျင်စီ အတွင်းရေးမှူး၊ တိုင်းဒေသ ကြီးစက်မှုကြီးကြပ်ရေးနှင့်စစ်ဆေးရေးဦးစီးဌာန ခေတ္တတိုင်းဒေသကြီးဦးစီးမှူးက တိုင်းဒေ သကြီးအတွင်းရှိ MSME လုပ်ငန်းများဖွံ့ဖြိုးတိုးတက်ရေး လုပ်ကိုင်ဆောင်ရွက်နေများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား ရှင်းလင်းတင်ပြသည်။

ဆက်လက်၍ တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် မိမိတို့ဌာနများအလိုက် ဝိုင်းဝန်းပူးပေါင်းဆောင်ရွက်ပေးနေမှု အခြေအနေများနှင့် နိုဝင် ဘာလ စတုတ္ထအပတ်တွင် ကျင်းပပြုလုပ်မည့် အသေးစား၊အငယ်စားနှင့် အလတ်စား စီးပွားရေးလုပ်ငန်းများ ဈေးရောင်းပွဲတော် စည်ကားသိုက်မြိုက်စွာ ကျင်းပနိုင်ရေး လုပ်ငန်း များ ကြိုတင်စီမံဆောင်ရွက်ထားရှိမှု အခြေအနေများနှင့် ပတ်သက်၍ အသီးသီး ရှင်း လင်းတင်ပြကြသည်။

ထို့နောက် အစည်းအဝေးသို့ တက်ရောက်လာကြသည့် MSME လုပ်ငန်းရှင်များ၊ တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရအဖွဲ့ဝင်များက တိုင်းဒေ သကြီးအတွင်းရှိ အသေးစား၊အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုး တက်ရေးလုပ်ငန်းများအတွက် လိုအပ်သည်များကို ဖြည့်စွက်ဆွေးနွေးအကြံပြု တင်ပြကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ်ဆောင်ရွက်ပေးခဲ့ပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

မုံရွာ၊ နိုဝင်ဘာ ၁၆

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီးအဆင့် ဌာနဆိုင်ရာများ၊ ကန့်ဘလူခရိုင်/မြို့နယ် စီမံခန့်ခွဲရေးနှင့်အုပ် ချုပ်ရေးကော်မတီ ဥက္ကဌနှင့် တာဝန်ရှိသူများသည် နိုဝင်ဘာလ ၁၆ ရက်၊ နံနက်ပိုင်းတွင် ကန့်ဘလူခရိုင် စုပေါင်းရုံးရှိ ရွှေဆည်မြိုင်ခန်းမတွင် ကျင်းပပြုလုပ်သည့် ကန့်ဘလူခရိုင် အတွင်းရှိ ပြည်သူ့စစ်(ဌာနေ)အဖွဲ့များနှင့် တွေ့ဆုံပွဲ အခမ်းအနားသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကန့်ဘလူခရိုင်အတွင်းရှိ ပြည် သူ့စစ်(ဌာန)အဖွဲ့ တပ်ဖွဲ့ဝင်များအား ဂုဏ်ပြုအားပေးစကား ပြောကြားသည်။

ယင်းနောက် ကန့်ဘလူမြို့၊ သာသနာ့ရောင်ခြည်ကျောင်းတိုက်မှ ဦးဝါသဝ(၅၅၀-ဆရာတော်)မှ ကန့်ဘလူခရိုင်အတွင်းရှိ နယ်မြေများတည်ငြိမ်အေးချမ်းရေးအတွက် နိုင်ငံတော်အစိုးရနှင့် တပ်မတော်မှ စောင့်ရှောက်မှုနှင့် ထောက်ပံ့ချီးမြှင့်မှုများကို ရှင်းလင်းပြော ကြားသည်။

ဆက်လက်၍ တိုင်းဒေသကြီး ဝန်ကြီးချုပ်က ကန့်ဘလူခရိုင်အတွင်းရှိ ကန့်ဘလူ မြို့၊ကျွန်းလှမြို့နှင့်တန့်ဆည်မြို့များရှိ ပြည်သူ့စစ်(ဌာနေ)အဖွဲ့များအား ဂုဏ်ပြုချီးမြှင့်ငွေ ကျပ် - ၁၀ သိန်းစီအား ပေးအပ်ချီးမြှင့်ပြီး ပြည်သူ့စစ်(ဌာနေ)အဖွဲ့များကိုယ်စား ပြည်သူ့စစ် (ဌာနေ)တပ်ဖွဲ့ဝင် တစ်ဦးကကျေးဇူးတင်စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်က နိဂုံးချုပ်အမှာစကား ပြောကြားပြီး တွေ့ ဆုံပွဲအခမ်းအနားသို့ တက်ရောက်လာကြသည့် ပြည်သူ့စစ်(ဌာနေ)အဖွဲ့များအား ရင်းရင်း နှီးနှီး လိုက်လံနှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ ညောင်အိုင်ရပ်ကွက်ရှိ အမှတ်(၃)အခြေခံပညာအထက်တန်း ကျောင်း(ခွဲ)၌ ၂၀၂၅-၂၀၂၆ ပညာသင်နှစ်၊ အခြေခံ ပညာအထက်တန်းအဆင့်ဘာသာရပ် စွမ်းရည်ဆွေးနွေးပွဲသို့ တက် ရောက်နေကြသည့် ကန့်ဘလူမြို့နယ်အတွင်းရှိ အခြေခံပညာကျောင်းများမှ ဆရာ/ဆရာ မများ သင်တန်းတက်ရောက်နေမှုများအား သွားရောက်ကြည့်ရှုအားပေးခဲ့ကြပြီး တာဝန်ရှိ သူများနှင့် ဆရာ/ဆရာမများအတွက် ဂုဏ်ပြုချီးမြှင့်ငွေကျပ် သိန်း -၃၀ အား ပေးအပ်ချီး မြှင့်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၁) အခြေခံပညာအထက်တန်းကျောင်း၌ ရောက်ရှိရာ ၂၀၂၅-၂၀၂၆ ပညာသင်နှစ်၊ အခြေခံပညာအလယ်တန်းနှင့်မူလတန်းအဆင့်များ ဘာသာရပ်စွမ်းရည်ဆွေးနွေးပွဲသို့ တက်ရောက်နေကြသည့် ကန့်ဘလူမြို့နယ်အတွင်းရှိ အခြေခံပညာကျောင်းများမှ ဆရာ/ဆရာမများ သင်တန်းတက်ရောက်နေမှုများအား သွားရောက်ကြည့်ရှုအားပေးခဲ့ကြ ပြီး တာဝန်ရှိသူများနှင့် ဆရာ/ဆရာမများအတွက် ဂုဏ်ပြုချီးမြှင့်ငွေကျပ် သိန်း -၆၀ အား ပေးအပ်ချီး မြှင့်ခဲ့သည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် နိုဝင်ဘာလ ၁၅ ရက်၊ နံနက်ပိုင်းတွင်း ကန့်ဘလူမြို့နယ်၊ တောက္ကရှပ်-မင်းကုန်းလမ်း အရှည် - ၁၆၈၂ ပေ၊ အကျယ် -၁၂ ပေ၊ ကွန်ကရစ်လမ်းခင်းကျင်းရန် အောက်ခံကျောက်ခင်းခြင်း လုပ်ငန်း ဆောင်ရွက်နေမှု၊ ကန့်ဘလူမြို့နယ်၊ မူးဘောင်လမ်းမှ ကံရိုးရွာအဝင်လမ်း အရှည် - ၇ ဖာလုံ၊ အကျယ် - ၁၂ ပေ၊ ကျောက်ခင်းခြင်းလုပ်ငန်းများ ဆောင်ရွက်နေမှုများအား လိုက်လံ ကြည့်ရှုစစ်ဆေးခဲ့ကြပြီး လမ်းခင်းခြင်းလုပ်ငန်းများ အရည်အသွေးပြည့်မီစွာဖြင့် ဆောင် ရွက်သွားရေးတို့အား တာဝန်ရှိများကို မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ နယ်၊ တောက္ကရှပ်ကျေးရွာအုပ်စု ကွင်းအမှတ်(၆၀၂) တောင်သူ ဦးဌေးသိန်း စိုက်ပျိုးထား ရှိသည့် မကွေး-(၁၆)မြေပဲစိုက်ခင်း ၃.၄၀ဧကနှင့် ကံရိုးကျေးရွာကွင်းအမှတ် (၆၅၃) တောင်သူ ၁၄ ဦး စုပေါင်းစိုက်ပျိုးထားရှိသည့် မကွေး-(၁၆)မြေပဲစိုက်ခင်း ၇ ဧကအတွင်း ကျင်းပပြုလုပ်သည့် ဆီထွက်သီးနှံ(ဆောင်းမြေပဲ) ပန်းတိုင်းအထွက်နှုန်းပြည့်မီရေးအတွက် ယူရီးယား +လက်ချား(ဘိုရွန်)ပတ်ဖျန်းခြင်း ကွင်းသရုပ်ပြပွဲများသို့ တက်ရောက် ရာ ဒေသခံတောင်သူများအတူ ကွင်းသရုပ်ပြသနေမှုများအား ကြည့်ရှုအားပေးခဲ့ကြပြီး တိုင်းဒေသကြီး ဝန်ကြီးချုပ်က ကန့်ဘလူခရိုင်အတွင်း ဆီထွက်သီးနှံများတိုးချဲ့စိုက်ပျိုးရေး နှင့်စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးတို့အား တာဝန်ရှိသူများကို မှာ ကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ နယ်၊ သာယာတဲစုကျေးရွာရှိ ဦးသန်းလိူင်၏ ကန်ဧရိယာ (၃၆.၈၈)ဧကအတွင်း ငါးတန်၊ငါးမုတ်နှင့်ငါးမြစ်ချင်း ကောင်ရေ(၇၅၀၀၀) မွေးမြူထားရှိမှုအား သွားရောက်ကြည့်ရှုခဲ့ကြပြီး ငါးစားသုံမှုဖူလုံစေရန်အတွက် တိုးချဲ့မွေးမြူသွားရေးနှင့် စားသုံးများကို ဈေးနှုန်းသက်သာ စွာဖြင့် လုံလောက်စွာရောင်းချနိုင်ရေးတို့အား မှာကြားခဲ့ပြီး လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့နယ်၊ တောက္ကရှပ်ကျေးရွာရှိ တစ်ရက်လျှင် ဆန် - ၅၀၀ တင်းနှင့် မြေပဲ - ၆၀ တင်းကြိတ်ခွဲနေ သည့် “ကိုတိုး” ဆန်စက်နှင့်ဆီစက်သို့ ရောက်ရှိရာ လုပ်ငန်းရှင်မှ စက်ရုံအတွင်း ကုန်ကြမ်းရရှိမှုနှင့် ကြိတ်ခွဲထုတ်လုပ်မှု လုပ်ငန်း များဆောင်ရွက်နေမှုအခြေအနေများကို လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၁၅

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီးအဆင့် ဌာနဆိုင်ရာများ၊ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေး ကော်မတီ ဥက္ကဌနှင့် တာဝန်ရှိသူများသည် နိုဝင်ဘာလ ၁၅ ရက်၊ နံနက်ပိုင်းတွင် ကန့်ဘလူ ခရိုင်၊ ကျွန်းလှမြို့နယ်ရှိ တစ်ရက်လျှင် ၃၀ မဂ္ဂါဝပ် ထုတ်လုပ်နိုင်သည့် သဖန်းဆိပ်ရေအား လျှပ်စစ်ဓါတ်အားပေးစက်ရုံသို့ ရောက်ရှိရာ စက်ရုံတာဝန်ခံမှ သဖန်းဆိပ်ဆည်ရေဖြင့် လျှပ်စစ်ဓါတ်အားထုတ်လုပ်နေမှုများနှင့် လျှပ်စစ်ဓါတ်အားဖြန့်ဖြူးပေးနေမှု အခြေအနေ များအား လိုက်လံရှင်းလင်းပြသသည်။

ယင်းနောက် တိုင်းဒေသကြီး ဝန်ကြီးချုပ်က လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ စက်ရုံ ဝန်ထမ်းများအတွက် ဂုဏ်ပြုချီးမြှင့်ငွေများ ပေးအပ်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် သဖန်းဆိပ်ရေ လှောင်တမံ ရှင်းလင်းဆောင်သို့ ရောက်ရှိရာ ဆည်တာဝန်ခံအရာရှိက သဖန်းဆိပ်ရေ လှောင်တမံအတွင်း နှစ်စဉ်ရေဝင်ရောက်မှုအခြေအနေများနှင့် စိုက်ပျိုးရေပေးဝေနေမှု အခြေအနေများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကိုတာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးကာ သဖန်းဆိပ်ရေ လှောင်တမံအတွင်း ရေသို လှောင်ထားရှိမှု အခြေအနေ၊ ရေလှောင်တမံကြံ့ခိုင်မှုအခြေ အနေနှင့် အကူရေပိုလွှဲ ကျောက်ရိုးစီပြင်ထိန်းလုပ်ငန်းများ ဆောင်ရွက်နေမှုများအား လိုက်လံကြည့်ရှုစစ်ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျွန်းလှမြို့၊ စီမံခန့်ခွဲရေးနှင့်အုပ်ချုပ်ရေးကော်မတီရုံး အစည်းအဝေးခန်းမတွင် မြို့နယ်အဆင့် ဌာနဆိုင် ရာများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ဦးစွာ ကျွန်းလှမြို့နယ်၊ စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌက မြို့နယ် အတွင်းဆောင်ရွက်လျက်ရှိသည့် ဒေသတည်ငြိမ်အေးချမ်းရေး၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေးလုပ်ငန်းများ၊ ဒေသဖွံ့ဖြိုးရေးလုပ်ငန်းနှင့် ပါတီစုံဒီမိုကရေစီအထွေထွေ ရွေးကောက်ပွဲ အောင်မြင်စွာကျင်းပနိုင်ရေးအတွက် လုပ်ငန်း များ ကြိုတင်စီမံဆောင်ရွက်ထားရှိမှုများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်ဦးမြတ်ကျော် က မိမိတို့တိုင်းဒေသကြီး အစိုးရအဖွဲ့အနေဖြင့် တိုင်းဒေသကြီးအတွင်းရှိမြို့များအား တစ်ပြေးညီဖွံ့ဖြိုးတိုးတက်စေ ရေး အတွက် ဌာနဆိုင်ရာများနှင့်ပူးပေါင်းကာ အလေးထားဆောင်ရွက်ပေးလျက် ရှိပါကြောင်း၊ မိမိတို့ဒေသ တည်ငြိမ်အေးချမ်းမှသာ တရားဥပဒေစိုးမိုးရေးနှင့် ဒေသဖွံ့ဖြိုးရေးလုပ်ငန်း များအကောင်အထည်ဖော် ဆောင်ရွက်နိုင်မည် ဖြစ်ပါကြောင်း၊ ဌာနဆိုင်ရာများအနေဖြင့် လည်း မိမိတို့တာဝန်ယူထမ်းဆောင်နေစဉ်ကာလအတွင်း ဒေသဖွံ့ဖြိုးရေးလုပ်ငန်းများအား ပြည်သူများနှင့်ပူးပေါင်းကာ ကြိုးပမ်းဆောင်ရွက်သွားကြရန်နှင့် မကြာမီကျင်းပမည့် ပါတီစုံဒီမိုကရေစီအထွေထွေ ရွေးကောက်ပွဲ အောင်မြင်စွာ ကျင်းပနိုင်ရေးအတွက်တာဝန်ရှိသူများမှ အလေးထားကာ ဝိုင်းဝန်း ပူးပေါင်း ဆောင်ရွက်သွားကြရန် လိုအပ်ပါကြောင်းပြော ကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တိုင်းဒေသကြီးအစိုးရအဖွဲ့ အတွင်း ရေးမှူးတို့က ကျွန်းလှမြို့နယ်ရှိ လုံခြုံရေးတာဝန်များ ထမ်းဆောင်နေကြသည့် တပ်ဖွဲ့ဝင် များနှင့် ဌာနဆိုင်ရာဝန်ထမ်းများအား ဂုဏ်ပြုချီးမြှင့်ငွေကျပ် - ၁၀ သိန်းစီအား အသီးသီး ပေးအပ်ချီးမြှင့်ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျွန်းလှမြို့၊ သစ်ရာမြိုင်ရပ်ကွက်ရှိ ကွင်းအမှတ်(၄၉၂) တောင်သူ ဦးခင်မောင်ညွန့် စိုက်ပျိုးထားရှိသည့် မကွေး - (၁၆)မြေပဲစိုက်ခင်း ၅ ဧကအတွင်း ကျင်းပပြုလုပ်သည့် ဆီထွက်သီးနှံ (ဆောင်းမြေပဲ) ပန်းတိုင်းအထွက်နှုန်းပြည့်မီရေးအတွက် ယူရီးယား+လက်ချား(ဘိုရွန်) ပတ်ဖျန်းခြင်း ကွင်းသရုပ်ပြပွဲသို့ တက်ရောက်ရာ ဒေသခံတောင်သူများအတူ ကွင်းသရုပ် ပြသနေမှုများအား ကြည့်ရှုအားပေးခဲ့ကြပြီးတိုင်းဒေသကြီးဝန်ကြီးချုပ် က ဆီထွက်သီးနှံ များတိုးချဲ့စိုက်ပျိုးရေးနှင့် စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးတို့အား တာဝန်ရှိသူများအား မှာကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျွန်းလှမြို့ အဝင်ကတ္တရာလမ်းအား ယခင် ၁၂ ပေမှ ၁၈ ပေချဲ့ကာ အဆင့်မြှင့်တင်နေမှုများအား လိုက် လံကြည့်ရှုစစ်ဆေးခဲ့ကြပြီး လမ်းလုပ်ငန်းများ အရည်အသွေးကောင်းမွန်စွာဖြင့် အချိန်မီပြီး စီးရေးတို့အား တာဝန်ရှိသူများကို မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ နိုဝင်ဘာ ၁၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီးအဆင့် ဌာနဆိုင်ရာများ၊ ကန့်ဘလူခရိုင်/မြို့နယ် စီမံခန့်ခွဲရေးနှင့်အုပ် ချုပ်ရေးကော်မတီ ဥက္ကဌများနှင့် တာဝန်ရှိသူများသည် နိုဝင်ဘာလ ၁၄ ရက်၊ မွန်းလွဲပိုင်း တွင် ကန့်ဘလူခရိုင်၊ ကန့်ဘလူမြို့၊ ကုတင်(၁၀၀)ဆံ့ ပြည်သူ့ဆေးရုံသို့ ရောက်ရှိရာ ဆေး ကုသမှုခံယူနေကြသည့် ဒေသခံပြည်သူများအား ရင်းရင်းနှီးနှီးလိုက်လံနှုတ်ဆက် အားပေး စကားများပြောကြားပြီး တာဝန်ရှိသူများနှင့်အတူ အဟာရဖြည့်စားသောက်ဖွယ်ရာများ အားပေးအပ်ခဲ့ကြပြီး တိုင်းဒေသကြီး ဝန်ကြီးချုပ်က ဆေးရုံအုပ်ကြီးထံ ဆေးရုံဝန်ထမ်းများ အတွက် ဂုဏ်ပြုချီးမြှင့်ငွေကျပ် (၁၀) သိန်းအား ပေးအပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ သာသနာ့အလင်းရောင် ဘုန်းတော်ကြီးကျောင်းအဝင်လမ်း အရှည် - ၅၉၀ ပေ၊ အကျယ် - ၁၆ ပေ၊ ၅ လက်မထု ကွန်ကရစ်လမ်းခင်းကျင်းနေမှုအား လည်းကောင်း၊ ၂၀၂၅-၂၀၂၆ ဘဏ္ဍာရေးနှစ် တိုင်းဒေသကြီး ငွေလုံးငွေရင်းရန်ပုံငွေဖြင့် ဆောင်ရွက်နေသည့် ကန့်ဘလူ မြို့နယ်၊ လိတ္ထူ-အင်ကြင်းစုကျေးရွာချင်းဆက်လမ်း အရှည် - ၁ မိုင်၊ ၇ ဖာလုံ ကျောက်ရော မြေခင်းကျင်းပြီးစီးမှုနှင့် ကန့်ဘလူမြို့၊ အမှတ်(၂)ရပ်ကွက်ရှိ လမ်းအရှည် - ၇၀၀ ပေ၊ အကျယ် - ၁၂ ပေ၊ ၆ လက်မထု ကွန်ကရစ်လမ်း ခင်းကျင်းနေမှုများအား လိုက်လံကြည့်ရှု စစ်ဆေးခဲ့ပြီး တည်ဆောက်ရေးလုပ်ငန်းများ အရည်အသွေးကောင်းမွန်းစွာဖြင့် တည် ဆောက်သွားရေးတို့အား တာဝန်ရှိသူများအား မှာကြားကာ လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ နေပြည်သူများနေ့စဉ် သန့်ရှင်းသောသောက်သုံးရေရှိစေရန်အတွက် “မြစ်သူငယ်”ဆည်မှ ၈ လက်မ၊ ပိုက်အရှည် - ၁၁၄၅၀ ပေဖြင့် ပင်မရေစုကန်သို့ ရေဂါလံ - (၅၅၀၀၀)ဆံ့ ရေကန် သို့ပို့ဆောင်ပြီး အမြင့်တင်ရေစင် ၂ စင်ဖြင့် ဆောင်ရွက်နေသည့် မြို့ရေပေးဝေရေးစက်ရုံသို့ ရောက်ရှိရာ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက ရေတင်လုပ်ငန်း များနှင့်ရေပေးဝေရေးလုပ်ငန်းများ ဆောင်ရွက်နေမှုများအား ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရေပေးဝေးရေးလုပ်ငန်းများနှင့် ပတ်သက် ၍ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးကာ ရေပေးဝေးရေးစက်ရုံအတွင်း လိုက်လံကြည့်ရှုစစ်ဆေးခဲ့ကြ သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ နယ်၊ လျှပ်စစ်ဓာတ်အားဖြန့်ဖြူးရေးလုပ်ငန်းသို့ ရောက်ရှိရာ မြို့နယ်လျှပ်စစ်အင်ဂျင်နီယာ မှူးက ကန့်ဘလူမြို့နယ်အတွင်း လျှပ်စစ်ဓာတ်အားဖြန့်ဖြူးပေးနေမှုများအား ရှင်းလင်း တင်ပြပြီး တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးကာ ဝန်ထမ်းများအတွက် ဂုဏ်ပြုချီးမြှင့်ငွေကျပ် - ၁၀ သိန်းအား ပေးအပ်ခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ နယ်၊ လိတ္ထူကျေးရွာ ကွင်းအမှတ်(၅၃၁) တောင်သူ ဦးဝေဖြိုးအောင် စိုက်ပျိုးထားရှိသည့် မကွေး - (၁၆)မြေပဲစိုက်ခင်းအတွင်း ကျင်းပပြုလုပ်သည့် ဆီထွက်သီးနှံ(ဆောင်းမြေပဲ) ပန်း တိုင်းအထွက်နှုန်းပြည့်မီရေးအတွက် ယူရီးယား+လက်ချား(ဘိုရွန်)ပတ်ဖျန်းခြင်း ကွင်းသ ရုပ်ပြပွဲသို့ တက်ရောက်ရာ ဒေသခံတောင်သူများအတူ ကွင်းသရုပ်ပြသနေမှုများအားကြည့်ရှုအားပေးခဲ့ကြပြီး တိုင်းဒေသကြီး ဝန်ကြီးချုပ်က ဆီထွက်သီးနှံများတိုးချဲ့စိုက်ပျိုး ရေးနှင့် စိုက်ပျိုးသည့်သီးနှံများ ပန်းတိုင်အထွက်နှုန်းရရှိရေးတို့အား တာဝန်ရှိသူများအား မှာကြားခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ လိတ္ထူကျေးရွာရှိ ဦးမျိုးသိန်း မွေးမြူထားရှိသည့် ယော့ရှိုင်းယား အသားတိုး ဝက်အကောင် ရေ ၉၅ ကောင် မွေးမြူရေးခြံသို့ ရောက်ရှိရာ ခြံတာဝန်ခံမှ ဝက်များစနစ် တကျမွေးမြူထား ရှိမှုများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က လိုက်လံရှင်းလင်း ပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင် ရွက်ပေးခဲ့ကြောင်း သိရသည်။

မုံရွာ ၊ နိုဝင်ဘာ ၁၄

၂၀၂၅ ခုနှစ် (၁၀၅) နှစ်မြောက် အမျိုးသားအောင်ပွဲနေ့ အထိမ်းအမှတ် အခမ်းအနား ကို ယနေ့ နံနက် ၉ နာရီ အချိန်က မုံရွာမြို့ အမှတ် (၂) အခြေခံပညာအထက်တန်းကျောင်း သလ္လာဝတီခန်းမမှာ ကျင်းပပြုလုပ်ခဲ့ ကြောင်းသိရသည်။

အဆိုပါ အခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ တရားသူကြီးချုပ် ဦးဇော်ထူးနှင့် တိုင်းဒေသကြီး အစိုးရအဖွဲ့ဝင် ဝန်ကြီးများတက်ရောက်ကြပြီး ဦးစွာ အမှတ် ၃ အခြေခံပညာအထက် တန်းကျောင်းမှ ကျောင်းသား ကျောင်းသူများ လေးများဇာတိမာန် တေးသီချင်းဖြင့် သီဆို ဖျော်ဖြေ ကာ အခမ်းအနားကို ဖွက့် လှစ် ခဲ့ကြသည်။

ထို့နောက် ပြည်ထောင်စုသမ္မတမြန်မာနိုင်ငံတော် ယာယီသမ္မတ ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး သတိုးမဟာသရေစည်သူ၊သတိုးသီရိသုဓမ္မ မင်းအောင်လှိုင် ထံ‌မှ ပေးပို့သည့် (၁၀၅)နှစ်မြောက် အမျိုးသားအောင်ပွဲနေ့ သဝဏ်လွှာအား တိုင်းဒေသကြီးအစိုးရအဖွဲ့ ၊ သယံဇာတရေးရာ ဝန်ကြီး ဦးတင်သန်းဝင်းက ဖတ်ကြားရာ ဤနေ့သည် မြန်မာတစ်နိုင်ငံလုံး နယ်ချဲ့အင်္ဂလိပ်တို့၏ လက်အောက်ကျခဲ့စဉ်က အင်္ဂလိပ်တို့၏ ကိုလိုနီကျွန်ပညာရေးစနစ်ကို မြန်မာတစ်မျိုးသားလုံးက စည်းလုံးညီညွတ်စွာ ဆန့်ကျင်တော်လှန်ခဲ့သည့် အထိမ်းအမှတ် သမိုင်းဝင်နေ့ထူးနေ့မြတ်ဖြစ်ပါကြောင်း၊၁၉၂၀ ပြည့်နှစ် အောက်တိုဘာလ ၂၄ ရက်တွင် ဗြိတိသျှအစိုးရက အတည်ပြုခဲ့သော ရန်ကုန်တက္ကသိုလ်အက်ဥပဒေအား တက္ကသိုလ် ကျောင်းသားများ ဆန့်ကျင်ကန့်ကွက်ခဲ့သည့်နေ့မှာ မြန်မာသက္ကရာဇ် ၁၂၈၂ ခုနှစ်၊တန်ဆောင်မုန်းလပြည့်ကျော် ၁၀ ရက်ဖြစ်ကြောင်း၊ဒါကြောင့် ဂျူဗလီဟော ခန်းမကြီး၌ ၁၉၂၂ ခုနှစ်၊ဇွန်လ ၁၇ ရက်နေ့မှ ၁၈ ရက်နေ့အထိ စည်းဝေးကျင်းပခဲ့သော ဂျီစီဘီအေ ခေါ် မြန်မာအသင်းကြီး၏ အထူးညီလာခံက တန်ဆောင်မုန်းလပြည့်ကျော် ၁၀ ရက်နေ့ကို အမျိုးသားနေ့ အဖြစ် တညီတညွတ်တည်း စတင်သတ်မှတ်ခဲ့ကြပါကြောင်း၊ထိုအချိန်မှစ၍ အမျိုးသားအောင်ပွဲနေ့အခမ်းအနားများကို နိုင်ငံတဝန်းလုံး၌ နှစ်စဉ်မပျက် ခမ်းနားကြီးကျယ်စွာ ကျင်းပခဲ့ကြရာ ယခုဆိုလျှင် (၁၀၅ ) နှစ်တိုင်ရောက်ရှိလာခဲ့ပြီဖြစ်ပါကြောင်း၊တွေ့ကြုံခဲ့ရသော အတိတ်နှင့်ပစ္စုပ္ပန်ဖြစ်ရပ်များကို သင်ခန်းစာယူကာ တန်ဖိုးမဖြတ်နိုင်သော ငြိမ်းချမ်းရေးအမွေအနှစ်များကို မျိုးဆက်သစ်လူငယ်များထံ လက်ဆင့်ကမ်းနိုင်ရန် ကြိုးပမ်းဆောင်ရွက်သွားကြရမည်ဖြစ်ပါကြောင်း ၊သမိုင်းအစဉ်အလာကြီးမား‌ သော အမျိုးသားအောင်ပွဲ နေ့၏ စည်းလုံးညီညွတ်မှု အနှစ်သာရကို မပျက်ယွင်းစေဘဲ သတိတရထိန်းသိမ်းလျက် တိုင်းရင်းသားပြည်သူတစ်ရပ်လုံး၏ စုစည်းမှုစွမ်းပကားဖြင့် ငြိမ်းချမ်းသာယာပြီးဘက်စုံဖွံ့ဖြိုးတိုးတက်သည့်နိုင်‌ငံ‌တော်ကြီး တည် ဆောက်ကြရမည် ဖြစ်ပါကြောင်း စသဖြင့် ဖတ်ကြားခဲ့သည်။

ဆက်လက်ပြီး ၂၀၂၅ ခုနှစ် ၊ (၁၀၅) နှစ်မြောက် အမျိုးသားအောင်ပွဲနေ့အထိမ်းအမှတ် အခြေခံ ပညာအထက်တန်းဆင့်၊အလယ်တန်းဆင့်၊မူလတန်းဆင့် စာစီစာကုံး ၊ ကဗျာ နှင့်ကျပန်း စကား ပြော ပြိုင်ပွဲများတွင် တိုင်း‌ဒေသကြီးအဆင့်ဆုရရှိသောကျောင်းသား ကျောင်းသူ ၂၄ ဦးတို့အား ဆုများအသီးသီးချီးမြှင့် ခဲ့ကြသည်။

ယင်းနောက် ၂၀၂၅ ခုနှစ် ၊ ၁၀၅ နှစ်မြောက် အမျိုး သားအောင်ပွဲနေ့ အထိမ်းအမှတ် အထက်တန်းဆင့် နှင့်အလယ်တန်းဆင့် ကျပန်းစကားပြောပြိုင်ပွဲတွင် ပထမဆုရရှိသူများက ပြန်လည်သရုပ်ပြ တင်ဆက်ခဲ့ကြပြီးနောက် အမှတ်(၂ )အခြေခံပညာအထက်တန်းမှကျောင်းသား/သူလေးများက မြန်မာ့ကျောင်းသီချင်း ဖြင့် သီဆိုဖျော်ဖြေခဲ့ပြီး ဖျော်ဖြေ ပေး ခဲ့ကြသော ကျောင်းသား ကျောင်းသူလေးများအား ဂုဏ်ပြုဆုငွေများ ချီးမြှင့်ကာ အမှတ်တရ စုပေါင်းမှတ်တမ်းတင်ဓါတ်ပုံ ရိုက်ကူး ခဲ့ကြကြောင်း သိရှိရပါသည်။