မုံရွာ၊ ဒီဇင်ဘာ ၂၁

(၇၈)နှစ်မြောက်၊ လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်းဒေသကြီး၊ကန့်ဘလူ မြို့နယ်၊တောက္ကရှပ်-မင်းကုန်းကျေးရွာချင်းဆက်လမ်း ကွန်ကရစ်လမ်းဖွင့်ပွဲ အခမ်းအနားကို ဒီဇင် ဘာလ ၂၁ ရက်၊ နံနက်ပိုင်းက ကျင်းပရာ အခမ်း အနားသို့တိုင်းဒေသကြီး ဝန်ကြီးချုပ်ဦးမြတ်ကျော် နှင့်ဇနီး၊ တိုင်းဒေသကြီးအစိုးရအဖွဲ့ အတွင်းရေးမှူးနှင့်ဇနီး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ကျေးရွာနေပြည်သူ များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့အနေဖြင့် အများပြည်သူလူထု၏ အကျိုးလုပ်ငန်းများဖြစ်သည့်လမ်း ပန်းဆက်သွယ်မှု ကောင်းမွန်စေရေး၊ မြို့သန့်ရှင်းသာယာလှပရေး၊ သန့်ရှင်းသောသောက်သုံးရေရရှိရေး စသည့် လုပ်ငန်းများအပြင် အခြားသောဖွံ့ဖြိုးရေး အထောက်အကူပြု လုပ်ငန်းများအား ကြိုးပမ်းဆောင်ရွက်လျက်ရှိသကဲ့သို့ ကျေးရွာနေပြည်သူ များကလည်း မိမိကျေးရွာဖွံ့ဖြိုး ရေးလုပ်ငန်းများအား တာဝန်ရှိသူများနှင့် ပူးပေါင်းဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ကန့်ဘလူခရိုင်၊ ကျေးလက်လမ်းဖွံ့ဖြိုးတိုးတက်ရေးဦးစီးဌာနမှ ခရိုင်ဦးစီးမှူးက တောက္ကရှပ်-မင်းကုန်း ကျေးရွာချင်းဆက်လမ်း ကွန်ကရစ်လမ်း ခင်းကျင်းခြင်းလုပ်ငန်းများ ဆောင်ရွက်ခဲ့မှုအခြေအနေများအား ရှင်းလင်းပြောကြားပြီး ကျေး ရွာနေ ပြည်သူတစ်ဦးက ကျေးဇူးတင်စကား ပြန်လည်ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်ဦးမြတ်ကျော်၊ တိုင်းဒေသကြီး အစိုးရ အဖွဲ့ အတွင်းရေးမှူး ဦးခင်မောင်ချို၊ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးကိုကိုလိူင်၊ ခရိုင်ကျေးလက်လမ်းဖွံ့ဖြိုးတိုးတက်ရေးဦးစီး ဌာန ခရိုင်ဦးစီးမှူး နှင့်ကျေးရွာနေပြည်သူတစ်ဦးတို့က တောက္ကရှပ်-မင်းကုန်း ကျေးရွာချင်းဆက်လမ်း ကွန် ကရစ်လမ်းအား ဖဲကြိုးဖြတ်ဖွင့်လှစ်ပေးကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေ သကြီးအစိုးရအဖွဲ့ အတွင်းရေး မှူးတို့က ကွန်ကရစ် လမ်းဖွင့်ပွဲအခမ်းအနားတွင် ပါဝင်ကူညီခဲ့သည့် ဘင်ခရာအဖွဲ့နှင့် ဒိုးပတ်အဖွဲ့များအား ဂုဏ်ပြုချီးမြှင့်ငွေများ ပေးအပ်ချီးမြှင့်ပြီး တာဝန်ရှိသူများနှင့်အတူ အဆိုပါဖွင့်ပွဲမခ်ဦးရှေ့တွင် အမှတ်တရ စုပေါင်းမှတ်တမ်းဓါတ်ပုံရိုက်ကူးကာ “တောက္ကရှပ်-မင်းကုန်း”ကွန်ကရစ်လမ်းအား ဖြတ်သန်းကြည့်ရှုခဲ့ကြပြီး ကျေးရွာနေပြည်သူများအား ရင်း ရင်းနှီးနှီး လိုက်လံနှုတ်ဆက်ခဲ့ကြသည်။

အဆိုပါ ကွန်ကရစ်လမ်းသည် အရှည် ၁၆၈၂ ပေ၊ အကျယ် ၁၂ ပေ၊ ထု ၉ လက်မဖြစ်ပြီး ခရိုင်၊ ကျေး လက်လမ်း ဖွံ့ဖြိုးတိုးတက်ရေးဦးစီးဌာနမှ တာဝန်ယူဆောင်ရွက်ခဲ့သည်။

ဆက်လက်၍ ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၅)ရပ်ကွက်ရှိ “အောင်သစ္စာ” ကွန်ကရစ်လမ်း ဖွင့်ပွဲအခမ်းအနားသို့ တက်ရောက် ရာဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ အတွင်းရေးမှူး ဦးခင်မောင်ချို၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်၊ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌဦးကိုကိုလှိုင်နှင့် မြို့မိမြို့ဖတစ်ဦးတို့က “အောင်သစ္စာ” ကွန်ကရစ်လမ်းအား ဖဲကြိုးဖြတ်ဖွင့် လှစ်ပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့်တာဝန်ရှိသူများက ကွန်ကရစ်လမ်း ဖွင့်ပွဲအခမ်း အနားတွင် ပါဝင်ကူညီခဲ့သည့် ဒိုးပတ်အဖွဲ့နှင့်အကအဖွဲ့များအား ဂုဏ်ပြုချီးမြှင့် ငွေများ ပေးအပ်ချီးမြှင့်ပြီး တာဝန်ရှိသူများနှင့်အတူ အဆိုပါဖွင့်ပွဲမုခ်ဦးရှေ့တွင် အမှတ်တရ စုပေါင်း မှတ်တမ်းဓါတ်ပုံရိုက်ကူးကာ “အောင်သစ္စာ” ကွန်ကရစ်လမ်းအား ဖြတ်သန်းကြည့် ရှုခဲ့ကြပြီး ရပ်ကွက်နေပြည်သူများ အားရင်းရင်းနှီးနှီးလိုက်လံနှုတ်ဆက်ခဲ့ကြပြီးအခမ်း အနားသို့ တက်ရောက်လာသူများအား နံနက်စာများဖြင့် ဧည့်ခံကျွေးခဲ့သည်။

အဆိုပါ ကွန်ကရစ်လမ်းသည် အရှည် ၅၂၀ ပေ၊ အကျယ် ၁၂ ပေ၊ ထု ၉ လက်မဖြစ်ပြီး မြို့နယ် စည်ပင်သာယာရေး အဖွဲ့မှ တာဝန်ယူဆောင်ရွက်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့အမှတ်(၄) ရပ်ကွက်ရှိ “မဟာဗန္ဓုလ” ကွန်ကရစ်လမ်းဖွင့်ပွဲသို့ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့အနေဖြင့် တိုင်းဒေသကြီးအတွင်းရှိမြို့နယ်များအား တစ်ပြေးညီဖွံ့ဖြိုးတိုးတက်စေရေး အတွက် ဌာနဆိုင်ရာများ၊ မြို့မိမြို့ဖများ၊ တာဝန်ရှိသူများနှင့် ဝိုင်းဝန်းပူးပေါင်းဆောင်ရွက် ပေးလျက်ရှိပါကြောင်း၊ ပြည်သူများအနေဖြင့်လည်း နိုင်ငံတော်နှင့် မိမိတို့တိုင်းဒေသကြီး အစိုးရအဖွဲ့၏ စေတနာအားသိရှိနားလည်ပြီး ကန့်ဘလူမြို့ဖွံ့ဖြိုးတိုးတက်ရေးနှင့် သာယာ လှပရေးလုပ်ငန်းများအား ပူးပေါင်းဆောင်ရွက်ပေးသွားကြရန် လိုအပ်ပါကြောင်း ပြော ကြားခဲ့သည်။

ယင်းနောက် ကန့်ဘလူမြို့နယ် စည်ပင်သာယာရေးအဖွဲ့ အမှုဆောင်အရာရှိက “မဟာဗန္ဓုလ” ကွန်ကရစ်လမ်းခင်းကျင်းခြင်း လုပ်ငန်းများဆောင်ရွက်ခဲ့မှု အခြေအနေများ အား ရှင်းလင်းတင်ပြသည်။

ဆက်လက်၍ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ အတွင်းရေးမှူး ဦးခင်မောင်ချို၊ တိုင်းဒေသကြီး စည်ပင်သာယာရေးအဖွဲ့ ညွှန်ကြား ရေးမှူး ဦးသစ်ထူးမြင့်၊ ကန့်ဘလူခရိုင် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးကိုကိုလိူင်နှင့် မြို့မိမြို့ဖတစ်ဦးတို့က “မဟာဗန္ဓုလ” ကွန်ကရစ်လမ်းအား ဖဲကြိုးဖြတ် ဖွင့်လှစ်ပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်က ကွန်ကရစ်လမ်းဖွင့်ပွဲအခမ််းအနား တွင်ပါဝင်ကူညီခဲ့သည့် ဘင်ခရာအဖွဲ့အား ဂုဏ်ပြုချီးမြှင့်ငွေများ ပေးအပ်ချီးမြှင့်ပြီး တာဝန် ရှိသူများနှင့်အတူ အဆိုပါ ဖွင့်ပွဲမခ်ဦးရှေ့တွင် အမှတ်တရ စုပေါင်းမှတ်တမ်းဓါတ်ပုံရိုက်ကူး ကာ “မဟာဗန္ဓုလ” ကွန်ကရစ်လမ်းအား ဖြတ်သန်းကြည့်ရှုခဲ့ကြပြီး ရပ်ကွက်နေပြည်သူ များအားရင်းရင်းနှီးနှီး လိုက်လံနှုတ်ဆက်ခဲ့ကြပြီး အခမ်းအနားသို့ တက်ရောက် လာသူများ အား နံနက်စာများဖြင့် ဧည့်ခံကျွေးခဲ့ကြသည်။

အဆိုပါ ကန့်ဘလူမြို့၊ အမှတ်(၄)ရပ်ကွက်ရှိ “မဟာဗန္ဓုလ” ကွန်ကရစ်လမ်းသည် အရှည် - ၄၄၀ ပေ၊ အကျယ် - ၁၂ ပေ၊ ထု ၉ လက်မဖြစ်ပြီး မြို့နယ် စည်ပင်သာယာရေး အဖွဲ့မှ တာဝန်ယူဆောင်ရွက်ခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့ အမှတ်(၂) ရပ်ကွက်ရှိ ဂါမဏိစည်သူလမ်း အရှည်- ၇၀၀ ပေ၊ အကျယ် - ၁၂ ပေ၊ ထု ၉ လက် မ၊ ကွန်ကရစ်လမ်း ခင်းကျင်းပြီးစီးမှုအား ကြည့်ရှုစစ်ဆေးပြီး လိုအပ် သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ အမှတ်(၃) ရပ်ကွက်ရှိ မာဃလမ်းသွယ်(၅) အရှည်- ၅၅၀ ပေ၊ အကျယ် - ၁၂ ပေ၊ ထု ၉ လက်မ၊ ကွန်ကရစ်လမ်းညခင်းကျင်းပြီးစီးမှုအား ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဒီဇင်ဘာ ၂၀

စစ်ကိုင်းတိုင်းဒေသကြီး၊ ကန့်ဘလူမြို့တွင်၂၀၂၅-ခုနှစ်၊ ဒီဇင်ဘာအားကစားလ တတိယပတ် လူထုစုပေါင်းလမ်းလျှေက်ပွဲကို ဒီဇင်ဘာလ ၂၀ ရက်၊ နံနက်ပိုင်းက ကန့်ဘလူမြို့၊ မြို့တော်ခန်းမရှေ့တွင်ကျင်းပရာ လူထုစုပေါင်းလမ်းလျှောက်ပွဲသို့ တိုင်းဒေ သကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီးအစိုးရအဖွဲ့ အတွင်းရေးမှူးနှင့် ဇနီး၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှဝန်ထမ်းများ၊ ကန့်ဘလူ မြို့ပေါ်ရှိ အခြေခံပညာကျောင်းများနှင့် ကိုယ်ပိုင်ကျောင်းများမှ ကျောင်းအုပ်ကြီးများ၊ ဆရာ/ဆရာမများ၊ ကျောင်းသား/ကျောင်းသူများ၊ မြို့နေပြည်သူများနှင့် အားကစားကိုချစ် မြတ်နိုးသူများ တက်ရောက်ကြသည်။

ဦးစွာ စုပေါင်းလမ်းလျှောက်ပွဲသို့ တက်ရောက်လာကြသည့် တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီးအစိုးရအဖွဲ့ အတွင်းရေးမှူးနှင့်ဇနီး၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ကန့်ဘလူမြို့ပေါ်ရှိ အခြေခံပညာကျောင်း များနှင့် ကိုယ်ပိုင်းကျောင်းများမှ ကျောင်းအုပ်ကြီးများ၊ ဆရာ/ဆရာမများ၊ ကျောင်းသား/ ကျောင်းသူများနှင့်ရပ်ကွက်နေပြည်သူအင်အား ၄၅၀၀ ကျော်မှ ကန့်ဘလူမြို့၊ မြို့တော် ခန်းမရှေ့ရှိ သတ်မှတ်နေရာများတွင် အသီးသီးနေရာယူကြပြီး အချက်ပြအလံဝှေ့ရမ်းကာ သတ်မှတ်နေရာများမှစတင်၍ တပင်ရွှေထီးလမ်းမကြီးတစ်လျှောက်မှ မြို့ရှောင်လမ်း အထိ တစ်ပျော်တစ်ပါး စုပေါင်းလမ်းလျှောက်ကာ စုရပ်အဖြစ် ကန့်ဘလူမြို့၊ အစိုးရစက် မှုလက်မှု(သိပ္ပံ)ကျောင်းဝန်းအတွင်းသို့ ပြန်လည်ဝင်ရောက်ခဲ့ကြပြီး အဆိုပါကျောင်းဝန်း အတွင်း၌ ၅ ပေခြား စနစ်တကျနေရာယူကြကာ ကန့်ဘလူမြို့နယ်၊ အားကစားနှင့်ကာယ

ပညာဦးစီးဌာနနှင့် ကန့်ဘလူမြို့၊ အစိုးရစက်မှုလက်မှု(သိပ္ပံ)ကျောင်းမှ ဝန်ထမ်းများ၏ ကိုယ်ကာယလေ့ကျင့်ခန်း အတွဲ(၁)အတွဲ (၂)သရုပ်ပြသမှုများနှင့် သွေးပူလေ့ကျင့်ခန်းအား စုပေါင်းဆောင်ရွက်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကန့်ဘလူမြို့ပေါ် ရှိ “ဆု”ကိုယ်ပိုင်အထက်တန်းကျောင်း၊ “မြင့်မိုရ်”ကိုယ်ပိုင်အထက်တန်းကျောင်းနှင့် “သူရိန်နန်း”ကိုယ်ပိုင်အထက်တန်းကျောင်းများမှ ကျောင်းသား၊ကျောင်းသူများ၏ တေးသီ ချင်းများဖြင့် ကပြဖျော်ဖြေမှုများအား ကြည့်ရှုအားပေးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းလမ်း လျှောက်ပွဲသို့ တက်ရောက်လာသူများအား အထွေထွေအုပ်ချုပ်ရေးဦးစီးဌာနမှ ဝန်ထမ်း များက ဧည့်ခံကျွေးမွေးသည့်နံနက်စာများအား တစ်ပျော်တစ်ပါး စားသုံးနေမှုများနှင့် ကံစမ်းမဲများဖွင့်ဖောက်ပေးနေမှုများအား လိုက်လံကြည့်ရှုအားပေးကာ တာဝန်ရှိသူများနှင့် အတူ ဆုမဲပေါက်သူများအား ဆုများအသီးသီး ပေးအပ်ချီးမြှင့်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၅-ခုနှစ်၊ ဒီဇင်ဘာအားကစားလ တတိယပတ် လူထုစုပေါင်းလမ်းလျှေက်ပွဲသို့ တက်ရောက်လာသူ များအား စားသုံးဆီများနှင့် ဆန်များအား ဈေးနှုန်းသက်သာစွာဖြင့် ရောင်းချပေးနေမှုများ ကိုကြည့်ရှုအားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကန့်ဘလူမြို့၊ မဟာရွှေစည်ကြီးစေတီတော်မြတ်ကြီး ပရဝုဏ်အတွင်း ကန့်ဘလူမြို့ပေါ်ရှိ ခရိုင်/မြို့နယ် အဆင့် ဌာနဆိုင်ရာများမှဝန်ထမ်းများ၊ အထွေထွေအုပ်ချုပ်ရေးဦးစီးဌာနမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များနှင့် ရပ်ကွက်နေပြည်သူများမှ စုပေါင်း၍ သန့်ရှင်းရေးလုပ်ငန်းများ ဆောင်ရွက်နေမှုများအား လိုက်လံကြည့်ရှုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက စုပေါင်းသန့်ရှင်းရေး လုပ်ငန်းများဆောင်ရွက်နေသူများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၈၀၀ ဦး ကျော်ဖြင့် မြို့သန့်ရှင်းသာယာလှပရေးလုပ်ငန်းများအား စုပေါင်းဆောင်ရွက်ခဲ့ကြောင်း သိရသည်။

မုံရွာ၊ ဒီဇင်ဘာ ၁၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူ ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်/မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌများနှင့် တာဝန်ရှိသူများသည် ဒီဇင်ဘာလ ၁၉ ရက်၊ နံနက်ပိုင်းတွင် မုံရွာမြို့၊ မဟာဇောတိကာရာမ ကျောင်းတိုက်ကြီးသို့ ရောက်ရှိရာ တာဝန်ရှိသူများနှင့်အတူ ဆရာတော်ကြီးများထံ လှူဖွယ် ဝတ္ထုပစ္စည်းများ ဆက်ကပ်လှူဒါန်းခဲ့ကြပြီး တိုင်းဒေသကြီး ဝန်ကြီးချုပ်က သာသနာရေး ဆိုင်ရာများ‌ လျှောက်ထားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့ ကုတင် ၅၀၀ ဆံ့၊ အထွေထွေရောဂါကု ပြည်သူ့ဆေးရုံကြီးသို့ ရောက်ရှိရာ ဆေးရုံအုပ်ကြီးနှင့် ဆရာ ဝန်ကြီးများက ဆေးကုသမှုခံယူနေကြသည့်လူနာများ၏ ကုသရေးလုပ်ငန်းများဆောင် ရွက်နေမှု အခြေအနေများအား လိုက်လံရှင်းလင်းပြသရာ တိုင်းဒေသကြီး ဝန်ကြီးချုပ်က ကုသရေးလုပ်ငန်းများနှင့် ပတ်သက်၍ လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားသူကြီးချုပ် နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာ များနှင့် ဆေးရုံအုပ်ကြီးတို့က ဆေးကုသမှုခံယူနေကြသည့် ဆရာတော်၊သံဃာတော်များနှင့်ဒေသခံပြည်သူများအား အဟာရဖြည့်စားသောက်ဖွယ်ရာများ လိုက်လံပေးအပ်ခဲ့ကြပြီး အားပေးစကားများ ပြောကြားခဲ့ကြောင်း သိရသည်။

မုံရွာ၊ ဒီဇင်ဘာ ၁၈

စစ်ကိုင်းတိုင်းဒေသကြီး၊ မုံရွာမြို့ပေါ်ရှိ MSME စီးပွားရေးလုပ်ငန်းရှင်များ၊ ကိုယ်ပိုင် ကျောင်းများ၊ ပုဂ္ဂလိကဆေးရုံများ၊ စက်သုံးဆီဆိုင်များ၊ ဆန်၊ဆီ ကုန်သည်ကြီးများအသင်း၊ ရပ်ကွက်အုပ်ချုပ်ရေးမှူးများနှင့် တွေ့ဆုံပွဲ အခမ်းအနား ဒီဇင်ဘာလ ၁၈ ရက်၊ မွန်းလွဲပိုင်း တွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပပြုလုပ်ရာ တွေ့ဆုံပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် ကျော်သူရ၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာန ဆိုင်ရာများ၊ မုံရွာမြို့ပေါ်ရှိ MSME စီးပွားရေးလုပ်ငန်းရှင်များ၊ ကိုယ်ပိုင်ကျောင်းများ၊ ပုဂ္ဂလိ ကဆေးရုံများ၊ စက်သုံးဆီဆိုင်များ၊ ဆန်၊ဆီ ကုန်သည်ကြီးများအသင်းနှင့် ရပ်ကွက်အုပ် ချုပ်ရေးမှူးများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး အစိုးရ အဖွဲ့နှင့် ဌာနဆိုင်ရာများအနေဖြင့် မုံရွာမြို့အား မြို့အင်္ဂါရပ်နှင့်အညီ ဖွံ့ဖြိုးတိုးတက်ရေး လုပ်ငန်းများဆောင်ရွက်ပေးနေမှု၊ နိုင်ငံ့စီးပွားမြှင်တင်ရေးရန်ပုံငွေများဖြင့် MSME လုပ်ငန်း များဆောင်ရွက်နေမှု၊ ပညာရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက် သွယ်ရေးလုပ်ငန်းများ ဆောင်ရွက်ပေးနေမှု အခြေအနေများအား ရှင်းလင်းပြောကြား သည်။

ယင်းနောက် အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် ကျော်သူရက ဒေသတည်ငြိမ်အေးချမ်းရေးနှင့် လုံခြုံရေးဆိုင်ရာလုပ်ငန်းများ ဆောင်ရွက်နေမှုများနှင့် ဆက်လက်ဆောင်ရွက်သွားမည့် အခြေအနေများအား ရှင်းလင်းပြောကြားသည်။

ဆက်လက်၍ တွေ့ဆုံပွဲ အခမ်းအနားသို့ တက်ရောက်လာသူများက မိမိတို့လုပ်ကိုင် ဆောင်ရွက်နေသည့် လုပ်ငန်းများအပေါ် ပူးပေါင်းဆောင်ရွက်ပေးရန်နှင့် ပံ့ပိုးဖြည့်ဆည်း ပေးရန် လိုအပ်ချက်များအား ရှင်းလင်းတင်ပြကြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင် ရာများက မိမိတို့ဌာနများအလိုက် ဖြည့်ဆည်းပေါင်းစပ် ဆောင်ရွက်ပေးသွားမည့် အခြေ အနေများအား ရှင်းလင်းပြောကြားကြသည်။

ယင်းနောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာကြ သူများ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့် ဆည်းပေါင်းစပ် ဆောင်ရွက်ပေးပြီး နိဂုံးချုပ်အမှာစကား ပြောကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများသည် မုံရွာမြို့၊ ချင်းတွင်းခန်းမအနီး ကျင်းပပြုလုပ်သည့် မုံရွာမြို့ပေါ်ရှိ ဝန်ထမ်းများနှင့် ပြည် သူများ MSME ထုတ်ကုန်များအား ဈေးနှုန်းသက်သာစွာဖြင့် ဝယ်ယူသုံးစွဲနိုင်ရန် ရည်ရွယ် ဆောင်ရွက်သည့် တိုင်းဒေသကြီးအတွင်းရှိ MSME လုပ်ငန်းများမှထွက်ရှိသည့် ကုန်ပစ္စည်း များ၊ လူသုံးကုန်များ၊ အစားအသောက်များ၊ အဝတ်အထည်များနှင့် ဒေသထွက်ကုန်များ ပြပွဲနှင့်ဈေးရောင်းပွဲသို့ ရောက်ရှိရာ ပြခန်းများအား လိုက်လံကြည့်ရှုခဲ့ကြပြီး လာရောက် ပြသရောင်းချကြသည့် MSME လုပ်ငန်းရှင်များအား ရင်းရင်းနှီးနှီးနှုတ်ဆက်ခဲ့ကြောင်း သိရ သည်။

မုံရွာ၊ ဒီဇင်ဘာ ၁၆

စစ်ကိုင်းတိုင်းဒေသကြီး အစိုးရအဖွဲ့၏ လမ်းညွှန်ကြီးကြပ်မှုနှင့်အတူ မုံရွာမြို့တွင် ၂၀၂၅-ခုနှစ်၊ ပါတီစုံဒီမိုကရေစီ အထွေထွေ ရွေးကောက်ပွဲ အောင်မြင်စွာကျင်းပနိုင်ရေး “ဒို့အတူတူ မဲပေးကြမယ်” ရွေးကောက်ပွဲဆိုင်ရာ အသိပညာပေးလက် ကမ်းစာစောင်များဖြန့်‌ ဝေခြင်း ၊ မော်တော်ယာဉ်များ အား စတစ်ကာများ ကပ်ခြင်းတို့ကို ဆက်လက် ဆောင်ရွက်လျက်ရှိရာ ဒီဇင်ဘာလ ၁၆ ရက်နေ့ နံနက် ၈ နာရီ အချိန်က မုံရွာမြို့ ကျောက္ကာ လမ်းမကြီး ၊ ပြည်သု့ဥယျာဉ်ရှေ့တွင် ရွေးကောက်ပွဲဆိုင်ရာ အသိ ပညာပေးလက် ကမ်းစာစောင်များဖြန့်‌ ဝေခြင်း ၊ မော်တော်ယာဉ်များ အား စတစ်ကာများ ကပ်ခြင်းတို့ကို ဆက်လက် ဆောင်ရွက် ခဲ့ကြကြောင်း သိရှိရသည်။

ရွေးကောက်ပွဲဆိုင်ရာ အသိပညာပေးလက် ကမ်းစာစောင်များဖြန့်‌ ဝေခြင်း ၊ မော်တော်ယာဉ်များ အား စတစ်ကာများ ကပ်ခြင်းတို့ကို စစ်ကိုင်းတိုင်းဒေသကြီး အစိုးရ အဖွဲ့ဝင် ဝန်ကြီးများနှင့်အတူ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ တိုင်းဒေသကြီးဦးစီးမှူးနှင့် ဝန်ထမ်းများ၊ တိုင်းဒေသကြီး/ခရိုင်/ မြို့နယ် ရွေးကောက်ပွဲ ကော်မရှင် အဖွဲ့ ခွဲ ဥက္ကဌ နှင့် အဖွဲ့ဝင်များသည် ကျောက္ကာလမ်းပေါ်တွင် သွားလာနေကြသော မော်တော်ယာဉ်များအားစတစ်ကာများ ကပ်ခြင်း၊ ခရီးသွားပြည်သူများအား လက်ကမ်းစာစောင်ဖြန့်ဝေခြင်းတို့ကို ဆောင်ရွက်ခဲ့ကြကြောင်းသိရှိရသည်။

၂၀၂၅-ခုနှစ်၊ ပါတီစုံဒီမိုကရေစီ အထွေထွေ ရွေးကောက်ပွဲတွင် စစ်ကိုင်းတိုင်းဒေသကြီး အနေဖြင့်ရွေးကောက်ပွဲ အောင်မြင်စွာ ကျင်းပပြုလုပ်နိုင်ရေးအတွက် ရွေးကောက်ပွဲဆိုင်ရာ အသိပညာပေး လှုံ့ဆော်မှုများကို စစ်ကိုင်းတိုင်း ဒေသကြီးအစိူရအဖွဲ့၏ လမ်းညွှန်ကြီးကြပ်မှုနှင့်အတူ ခရိုင်အလိုက် ၊ မြို့နယ်အလိုက် အရှိန်အဟုန်မြှင့် ဆောင်ရွက်လျက်ရှိကြောင်းသိရှိရပါသည်။

မုံရွာ၊ ဒီဇင်ဘာ ၁၆

စစ်ကိုင်းတိုင်းဒေသကြီးအတွင်း ပန်းတိုင်အထွက်နှုန်းသတ်မှတ်ထားသည့် သီးနှံ များ ပန်းတိုင်ရည်မှန်းချက်အတိုင်း အထွက်နှုန်းမကောင်းရခြင်း အကြောင်းအရာများ စစ် တမ်းကောက်ယူခြင်း အခမ်းအနားကို ဒီဇင်ဘာလ ၁၆ ရက်၊ နံနက်ပိုင်းတွင် တိုင်းဒေသ ကြီး စိုက်ပျိုးရေးဦးစီးဌာနရုံး၊ အစည်းအဝေးခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေ သကြီး/ခရိုင်/မြို့နယ်အဆင့် ဌာနဆိုင်ရာများ၊ မုံရွာမြို့နယ်အတွင်းရှိ ကျေးရွာ ၁၁ ရွာမှ ဒေသ ခံတောင်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး၏ စားရေရိက္ခာဖူလုံရေးနှင့် စိုက်ပျိုးစွမ်းအားမြှင့်တင်နိုင်ရေးအတွက် ကြိုးပမ်းဆောင်ရွက် လျက်ရှိရာတွင် စပါး၊ ပဲမျိုးစုံ၊ ဆီထွက်သီးနှံအပါအဝင် စိုက်ပျိုးသီးနှံ ၆၀ ကျော်အား ရာသီ အလိုက်စိုက်ပျိုးထုတ်လုပ်လျက်ရှိပါကြောင်း၊ ယခုလိုစိုက်ပျိုးထုတ်လုပ်ရာတွင် နိုင်ငံတော် အတွက် အဓိကအရေးကြီးသည့် သီးနှံ ၁၃ မျိုးအား ပန်းတိုင်အထွက်နှုန်းရရှိအောင် ကြိုး စားဆောင်ရွက်ရန် နိုင်ငံတော်အနေဖြင့် တွန်းအားပေးဆောင်ရွက်လျက်ရှိပြီး လိုအပ်သည့် ပံ့ပိုးကူညီမှုများအား စဉ်ဆက်မပြတ် ဆောင်ရွက်ပေးလျက်ရှိသော်လည်း ပန်းတိုင်ရည်မှန်း ချက်အတိုင်း ထွက်ရှိမှုမရှိသေးသည့်အတွက် လိုအပ်သည့်ပံ့ပိုးထောက်ပံ့မှုများ ဆောင်ရွက်ပေးလို၍ တောင်သူဦးကြီးများနှင့် တွေ့ဆုံကာ လိုအပ်ချက်သိရှိနိုင်ရေး စစ်တမ်းကောက် ယူခြင်းဖြစ်ပါကြောင်း၊ စစ်တမ်းကောက်ယူမှုမှရရှိသည့် ပံ့ပိုးဖြည့်ဆည်းပေးရန် လိုအပ် ချက်များကို တိုင်းဒေသကြီးအစိုးရအဖွဲ့နှင့် ဌာနဆိုင်ရာများမှ ပံ့ပိုးဖြည့်ဆည်းပေးခြင်းဖြင့် ပန်းတိုင်အထွက်နှုန်းရရှိရေး ကြိုးပမ်းဆောင်ရွက်သွားမည် ဖြစ်ပါကြောင်း ပြောကြားခဲ့ သည်။

ဆက်လက်ပြီး တိုင်းဒေသကြီး စိုက်ပျိုးရေးကြီးကြပ်မှု ကော်မတီအဖွဲ့ဝင်များက တိုင်းဒေသကြီးအတွင်း ပန်းတိုင်အထွက်နှုန်းသတ်မှတ်ထားသည့်သီးနှံများ ပန်းတိုင်ရည် မှန်းချက်အတိုင်း အထွက်နှုန်းမကောင်းရခြင်း အကြောင်းအရာများ စစ်တမ်းကောက်ယူ ခြင်း လုပ်ငန်းများဆောင်ရွက်သွားမည့် အခြေအနေများအား ရှင်းလင်းပြောကြားကြ သည်။

ထို့နောက် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက တိုင်းဒေသကြီး အတွင်း ပန်းတိုင်အထွက်နှုန်းသတ်မှတ်ထားသည့်သီးနှံများ ပန်းတိုင်ရည်မှန်းချက်အတိုင်း အထွက်နှုန်းမကောင်းရခြင်း အကြောင်းအရာများ စစ်တမ်းကောက်ယူခြင်း လုပ်ငန်းများ ဆောင်ရွက်သွားမည့် အခြေအနေများအပေါ် ဖြည့်စွက်ဆွေးနွေး ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တိုင်းဒေသကြီး အစိုးရအဖွဲ့များက မုံရွာမြို့နယ်အတွင်းရှိ ကျေးရွာ ၁၁ ရွာမှ ဒေသခံတောင်သူ ၁၅၀ ဦးအတွက် သွင်းအားစု ယူရီယားမြေသြဇာများအား ဒေသခံတောင်သူများထံ အသီးသီး ပေးအပ်ကြသည်။

ယင်းနောက် တိုင်းဒေသကြီး ဝန်ကြီးချုပ်က အခမ်းအနားသို့ တက်ရောက်လာသူ များ၏ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်အမှာစကား ပြောကြားပြီး ဒေသခံတောင်သူ များအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ ပြည်သူ့ အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပပြုလုပ်နေသည့် ၂၀၂၅-ခုနှစ်၊ ဒီဇင်ဘာအားကစားလ လူထုလှုပ်ရှားမှုအထိမ်းအမှတ် တိုင်းဒေသကြီးအစိုးရ အဖွဲ့ ဝန်ကြီးချုပ်ဖလား ဝန်ကြီးဌာနပေါင်းစုံနှင့် တက္ကသိုလ်/ဒီဂရီကောလိပ်ပေါင်းစုံ ဘော် လီဘောအားကစားပြိုင်ပွဲ အုပ်စုပွဲစဉ်ယှဉ်ပြိုင်နေမှုများအား ကြည့်ရှုအားပေးခဲ့ကြောင်း သိရသည်။