မုံရွာ၊ ဇွန် ၁၄

စစ်ကိုင်းတောင်ရိုးရှိ ဘုရား၊စေတီပုထိုးများအားသို့ လာရောက်ဖူးမျှော်ကြမည့် ပြည် တွင်း/ပြည်ပခရီးသွားဧည့်သည်များ အဆင်ပြေစွာတည်းခိုနိုင်ရေးအတွက် ဆွမ်းဦးပုညရှင်စေတီ တော်မြတ်ကြီး သာသနာ့ဗိမာန်တော်အောက်ထပ်တွင် ဆောင်ရွက်ထားသည့် “ရွှေတောင်ရိုး မိုတယ်”ဖွင့်ပွဲ အခမ်းအနားကို ဇွန်လ ၁၄ ရက်နေ့၊ နံနက်ပိုင်းက အဆိုပါစေတီတော်ကြီး မုဒ်ဦး ရှေ့တွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများ နှင့်တာဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က အမှာစကားပြောကြားပြီး တိုင်းဒေသကြီး ဟိုတယ် နှင့်ခရီးသွားညွှန်ကြားမှုဦးစီးဌာနမှ ညွှန်ကြားရေးမှူးက “ရွှေတောင်ရိုးမိုတယ်” ဖွင့်လှစ်သွားမည့် အခြေအနေများအား ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး ဟိုတယ်နှင့် ခရီးသွားညွှန်ကြားမှုဦးစီးဌာနမှ ညွှန်ကြားရေးမှူး၊ တိုင်းဒေသကြီး သာသနာရေးဦးစီးဌာနမှ ညွှန်ကြားရေးမှူးနှင့် စစ်ကိုင်းခရိုင် စီမံအုပ်ချုပ်ရေးအဖွဲ့ ဥက္ကဌတို့က ရွှေတောင်ရိုး မိုတယ်အား ဖဲကြိုးဖြတ်ဖွင့်လှစ်ပေးကြပြီး တာဝန်ရှိသူများနှင့်အတူ “ရွှေတောင်ရိုးမိုတယ်” ဆိုင်းဘုတ်အား အမွှေးနံ့သာရေများ ပတ်ဖျန်းပေးကာ စုပေါင်းမှတ်တမ်းတင် ဓါတ်ပုံရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၊ တိုင်းဒေသကြီး အစိုးရအဖွဲ့ဝင်များနှင့် ဖွင့်ပွဲ အခမ်းအနားသို့ တက်ရောက်လာသူများမှ ရွှေတောင်ရိုးမိုတယ်အတွင်း လိုက်လံကြည့်ရှုစစ် ဆေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ သည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့၊ စိန်ကုန်း ရပ်ကွက်နှင့် မြို့သစ်ရပ်ကွက်တို့တွင် စစ်ကိုင်းတောင်ရိုး တောင်တက်လမ်းအခြေခံအလွှာပြုပြင် ခြင်းနှင့် နိုင်လွန်ကတ္တရာခင်းခြင်း လုပ်ငန်းခွင် သို့ရောက်ရှိရာ တိုင်းဒေသကြီး စည်ပင်သာယာ ရေးအဖွဲ့မှ ညွှန်ကြားရေးမှူး ဦးသစ်ထူးမြင့်က အပိုင်း ၁ အရှည်- ၃၆၀၀ ပေ၊ အကျယ် - ၃၆ ပေ၊ ၃ လက်မ ခွဲထု၊ အပိုင်း ၂ အရှည်- ၄၀၀၀ ပေ၊ အကျယ် - ၃၂ ပေ၊ ၃ လက်မခွဲထုနှင့် အပိုင်း ၃ အရှည်- ၃၃၀၀ ပေ၊ အကျယ် - ၃၂ ပေ၊ ၃ လက်မခွဲထု နိုင်လွန်ကတ္တရာခင်းခြင်းလုပ်ငန်းများ ဆောင်ရွက်နေမှုများနှင့် ပတ်သက်၍ ရှင်းလင်းတင်ပြသည်။
ယင်းနောက် တိုင်းဒေသကြီး ဝန်ကြီးချုပ်က လုပ်ငန်းများနှင့် ပတ်သက်၍ ရှင်းလင်းတင် ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေး ကာ နိုင်လွန်ကတ္တရာခင်းကျင်းနေမှုအား လိုက်လံကြည့်ရှုစစ်ဆေးခဲ့ကြသည်။

အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဇွန်လ ၁၃ ရက်နေ့၊ ညနေပိုင်းတွင် စစ်ကိုင်းမြို့၊ နှစ် ၇၀၀ ပြည်သူ့အားကစားကွင်းတွင် ကျင်းပပြုလုပ်သည့် တိုင်း ဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီး အားကစားနှင့်ကာယပညာဦးစီးဌာနှင့် တိုင်းဒေသကြီး ဘောလုံးအဖွဲ့ချုပ်တို့ ပူးပေါင်းကျင်းပသည့် ရွှေမင်းဝံဒိုင်း အလွတ်တန်းဖိတ်ခေါ် အမျိုးသားဘောလုံးပြိုင်ပွဲ အဖွင့်ပွဲစဉ်အဖြစ် မဟာယူနိက်တက်အသင်းနှင့် စစ်ကိုင်းယူနိုက်တက် အသင်းတို့ယှဉ်ပြိုင်ကစားနေမှုများအား ကြည့်ရှုအားပေးကြရာ မဟာယူနိက်တက်အသင်းမှ စစ်ကိုင်းယူနိုက်တက်အသင်းအား အနိုင်ရရှိသွားသည်။

ယင်းနောက် တိုင်းဒေသကြီး ဝန်ကြီးချုပ်က ပွဲစဉ်တစ်လျှောက်အကောင်းဆုံးဆုရရှိသည့် အားကစားသမားအား ဂုဏ်ပြုချီးမြှင့်ငွေအားလည်းကောင်း၊ တိုင်းဒေသကြီး အစိုးရအဖွဲ့ဝင်များ က မဟာယူနိက်တက်အသင်းနှင့် စစ်ကိုင်းယူနိုက်တက်အသင်းများမှ အုပ်ချုပ်သူများထံ လာ ရောက်ယှဉ်ပြိုင်မှုခရီးစရိတ်များအား ပေးအပ်ချီးမြှင့်ခဲ့ကြောင်း သိရသည်။

မုံရွာ၊ ဇွန် ၁၃

၂၀၂၄-ခုနှစ်၊ စစ်ကိုင်းတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက်(၂၅)နှစ် အောက် အမျိုးသား/အမျိုးသမီးဖူဆယ်ပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ဇွန်လ ၁၂ ရက်နေ့၊ ညနေပိုင်းက မုံရွာမြို့၊ ပြည်သူ့အားကစားကွင်းအတွင်းရှိ ဖူဆယ်အားကစားရုံတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများနှင့် အသင်းအုပ်ချုပ်သူများနှင့် ပြိုင်ပွဲဝင်အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ အမျိုးသား ဗိုလ်လုပွဲစဉ်အဖြစ် ရွှေဘိုခရိုင်အသင်းနှင့် ကန့်ဘလူခရိုင်အသင်းတို့ ယှဉ်ပြိုင်ကစားနေမှုနှင့် အမျိုးသမီး ဗိုလ်လုပွဲ စဉ်အဖြစ် ကလေးခရိုင်အသင်းနှင့် မုံရွာခရိုင်အသင်းတို့ ယှဉ်ပြိုင်ကစားနေမှုများအား ကြည့်ရှု အားပေးကြရာ အမျိုးသားဗိုလ်လုပွဲတွင် ရွှေဘိုခရိုင်အသင်းမှ ကန့်ဘလူခရိုင်အသင်း အနိုင်ရရှိ သွားကာ အမျိုးသမီးဗိုလ်လုပွဲတွင် ကလေးခရိုင်အသင်းမှ မုံရွာခရိုင်အသင်းအား အနိုင်ရရှိသွား သည်။

ယင်းနောက် ဆုချီးမြင့်ပွဲအခမ်းအနားကို ကျင်းပရာ တိုင်းဒေသကြီး အစိုးရအဖွဲ့ဝင်များက ပွဲစဉ်တစ်လျှောက်နေရာ အလိုက်အကောင်းဆုံးဆုရရှိကြသည့် အားကစားသမားများအား ဆုတံ ဆိပ်နှင့်ငွေသားဆုများအား လည်းကောင်း၊ တိုင်းဒေသကြီး လူမှုရေးရာဝန်ကြီးက အမျိုးသမီး ဖူဆယ်ပြိုင်ပွဲတွင် တတိယဆုရရှိသော ကသာခရိုင်အသင်းအား တစ်ဦးချင်းဆုတံဆိပ်နှင့်ငွေ သားဆုများအား လည်းကောင်း၊ တိုင်းဒေသကြီး သယံဇာတရေးရာဝန်ကြီးက အမျိုးသားဖူဆယ် ပြိုင်ပွဲတွင် တတိယဆုရရှိသော မုံရွာခရိုင်အသင်းအား တစ်ဦးချင်းဆုတံဆိပ်နှင့် ငွေသားဆုများ အားလည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး၏ဇနီးမှ အမျိုးသမီးဖူ ဆယ်ပြိုင်ပွဲတွင် ဒုတိယဆုရရှိသော မုံရွာခရိုင်အသင်းအား တစ်ဦးချင်းဆုတံဆိပ်နှင့်ငွေ သားဆု များအား လည်းကောင်း၊ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက အမျိုးသားဖူ ဆယ်ပြိုင်ပွဲတွင် ဒုတိယဆုရရှိသော ကန့်ဘလူခရိုင်အသင်းအား တစ်ဦးချင်းဆုတံဆိပ်နှင့်ငွေ သားဆုများအား လည်းကောင်း၊ တိုင်းဒေသကြီးတရားသူ ကြီးချုပ်၏ဇနီးမှ အမျိုးသမီးဖူဆယ် ပြိုင်ပွဲတွင် ပထမဆုရရှိသော ကလေးခရိုင်အသင်းအား တစ်ဦးချင်းဆုတံဆိပ်နှင့်ငွေ သားဆုများ အားလည်းကောင်း၊ တိုင်းဒေသကြီး တရားသူကြီးချုပ်က အမျိုးသားဖူဆယ်ပြိုင်ပွဲတွင် ပထမဆု ရရှိသော ရွှေဘိုခရိုင်အသင်းအား တစ်ဦးချင်းဆုတံဆိပ်နှင့်ငွေ သားဆုများအား လည်းကောင်း ဆုများအသီးသီး ပေးအပ်ချီးမြှင့်ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်၏ဇနီးက အမျိုးသမီးဖူဆယ်ပြိုင်ပွဲတွင် ပထမ ဆုရရှိသော ကလေးခရိုင်အသင်းအား တံခွန်စိုက်ဒိုင်းဆုအား လည်းကောင်း၊ တိုင်းဒေသကြီး ဝန်ကြီးချုပ်က အမျိုးသားဖူဆယ်ပြိုင်ပွဲတွင် ပထမဆုရရှိသော ရွှေဘိုခရိုင်အသင်းအား ဂုဏ်ပြုချီး မြှင့်ငွေနှင့်တံခွန်စိုက်ဒိုင်းဆုအား ပေးအပ်ချီးမြှင့်ပြီး တာဝန်ရှိသူများနှင့်အတူ စုပေါင်းမှတ်တမ်း တင် ဓါတ်ပုံရိုက်ကူးခဲ့ကြောင်း သိရသည်။

မုံရွာ၊ ဇွန် ၁၃

စစ်ကိုင်းတိုင်းဒေသကြီး အစိုးရအဖွဲ့၏ ဦးဆောင်မှုဖြင့်ဖွင့်လှစ်သည့် တိုင်းဒေသကြီး ပြန် ကြားရေးနှင့်ပြည်သူ့ဆက်ဆံရေးဦးစီးဌာန၏ အခြေခံကွန်ပျူတာသင်တန်း(၄/၂၀၂၄)နှင့် အဆင့် မြှင့်စက်ချုပ်သင်တန်း (၁/၂၀၂၄)ဖွင့်ပွဲ အခမ်းအနားကို ဇွန်လ ၁၃ ရက်နေ့၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူ ကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/ မြို့ နယ်အဆင့် ဌာနဆိုင်ရာများနှင့် သင်တန်းသား/သူများနှင့် တာဝန်ရှိသူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အချိန်နှင့်အမျှ ပြောင်းလဲတိုးတက် နေသည့် ယနေ့ကမ္ဘာကြီးတွင် လူငယ်မောင်မယ်များအနေဖြင့် မိမိတို့၏ ဘဝတက်လမ်းအတွက် အရည်အချင်းများ အစဉ်တိုးတက်နေအောင် လေ့လာသင်ယူနေကြရမှာ ဖြစ်ပါကြောင်း၊ လူငယ် များအနေဖြင့် သင်ယူတတ်မြောက်ထားရမည့် အခြေခံကျွမ်းကျင်မှုများအပြင် အနာဂတ် အတွက်မျှော်မှန်းပြီး လုပ်ငန်းခွင်တွင် ကျွမ်းကျင်စွာလုပ်ကိုင်နိုင်ရန်နှင့် လုပ်ငန်းခွင်တိုင်းတွင် အသစ်အသစ်ပေါ်ထွန်းလာသည့် နည်းပညာရပ်များအား စဉ်ဆက်မပြတ်လေ့လာနေရန် လိုအပ် ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့်လည်း တိုင်းဒေသကြီးအတွင်း ရုပ်ပိုင်း ဆိုင်ရာများ ဖွံ့ဖြိုးတိုးတက်ရေးအတွက် ဆောင်ရွက်ပေးလျက်ရှိသကဲ့သို့ လူစွမ်းအားအရင်း အမြစ်များ ဖွံ့ဖြိုးတိုးတက်ရေးနှင့် လူငယ်များအလုပ်အကိုင်အခွင့်အလမ်းများ ရရှိရေးအတွက် ဘက်ပေါင်းစုံမှ ပူးပေါင်းဆောင်ရွက်ပေးလျက် ရှိပါကြောင်း၊ ယနေ့ဖွင့်လှစ်သည့် ကွန်ပျူတာသင်တန်းနှင့် စက်ချုပ်သင်တန်းတွင် တက်ရောက်ကြ မည့် သင်တန်းသား/သူများအနေဖြင့် လူငယ်ဘဝမှသင်ယူသင့် သင်ယူထိုက်သည်များအား သင် ယူတတ်မြောက်ကြမှသာလျှင် အရည်အချင်းရှိသည့် လူငယ်တွေဖြစ်လာကြမှာ ဖြစ်ပါကြောင်း၊ အရည်အချင်းရှိမှသာလျှင် မိမိအကျိုး၊ မိမိပတ်ဝန်းကျင်အကျိုး၊ မိမိနိုင်ငံ၏အကျိုးအား သယ်ပိုး ထမ်းရွက်နိုင်ပြီး စွမ်းရည်ပြည့်ဝသည့် လူချွန်လူမွန်ကောင်းများဖြစ်လာမှာ ဖြစ်ပါကြောင်း ပြော ကြားခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်၏ဇနီး၊ တိုင်းဒေသကြီး အမျိုးသမီးရေးရာ အဖွဲ့နာယကမှ အခြေခံကွန်ပျူတာသင်တန်းနှင့် အဆင့်မြှင့်စက်ချုပ်သင်တန်းများမှ သင်တန်းသူ များထံ သင်ထောက်ကူပစ္စည်းများအား ပေးအပ်ကာ တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေး မှူးထံ တိုင်းဒေသကြီးအတွင်းရှိ ခရိုင် ၆ ခရိုင်တွင် အခြေခံကွန်ပျူတာသင်တန်း အမှတ်စဉ် (၄/၂၀၂၄) သင်တန်းများဖွင့်လှစ်နိုင်ရေးအတွက် ငွေကျပ်- ၁၀၇၅၀၀၀ (တစ်ဆယ်သိန်းခုနှစ် သောင်းငါးထောင်)ကျပ်အား လည်းကောင်း၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က တိုင်းဒေသကြီး လူမှုဝန်ထမ်းဦးစီးဌာန ညွှန်ကြားရေးမှူးထံ အဆင့်မြှင့်စက် ချုပ်သင်တန်းဖွင့်လှစ်နိုင်ရေးအတွက် ငွေကျပ်- ၁၉၉၈၀၀၀ (တစ်ဆယ်ကိုးသိန်းကိုးသောင်း ရှစ် ထောင်)ကျပ်အား ထောက်ပံ့ပေးအပ်ခဲ့ကြပြီး စုပေါင်းမှတ်တမ်းတင်ဓာတ်ပုံရိုက်ကူးကြသည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ကြောင်း သိရသည်။

မုံရွာ၊ ဇွန် ၁၂

စစ်ကိုင်းတိုင်းဒေသကြီး၊ ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်း ဆိုင်းဘုတ်စိုက်ထူခြင်း အခမ်းအနားကို ဇွန်လ ၁၂ ရက်နေ့၊ နံနက်ပိုင်းတွင် မုံရွာမြို့၊ ဗိုလ်ချုပ် လမ်းရှိ ကန်သာယာကန်အနီးတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ အရာထမ်း/အမှုထမ်းများ တက်ရောက်ကြသည်။

ဦးစွာ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်း ဒေသကြီး အစိုးရအဖွဲ့အတွင်းရေးမှူး ဦးသန်းဆွေဝင်း၊ လူဝင်မှုကြီးကြပ်ရေးနှင့် ပြည်သူ့အင် အားဝန်ကြီးဌာနမှ တိုင်းဒေသကြီးဦးစီးမှူး ဦးဆန်းအောင်နှင့် မုံရွာခရိုင် စီမံအုပ်ချုပ်ရေးအဖွဲ့ ဥက္ကဌ ဦးဇော်တင်မိုးတို့က ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်း ဆိုင်း ဘုတ်အား ဖဲကြိုးဖြတ်ဖွင့်လှစ်ပေးကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများနှင့်အတူ အဆိုပါဆိုင်းဘုတ်ရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကာ ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်း ကောက်ယူရာတွင် အသုံးပြုသွား မည့်ပစ္စည်းများ၊ ပိုစတာနှင့် လက်ကမ်းစာစောင်များအား ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အစိုး ရအဖွဲ့ရုံး အစည်းအဝေးခန်းတွင် ကျင်းပပြုလုပ်သည့် ၂၀၂၄-ခုနှစ်၊ လူဦးရေ နှင့်အိမ်အကြောင်း အရာသန်းခေါင်စာရင်းကောက်ယူရေးဆိုင်ရာ လုပ်ငန်းညှိနှိုင်းအစည်းအဝေးသို့ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ်က နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်း စဉ်(၅)ရပ်တွင် အရေးကြီးဆုံးလုပ်ငန်းစဉ်ဖြစ်သည့် ဆန္ဒမဲပေးပိုင်ခွင့်ရှိသူ အားလုံး၏ အခွင့်ရေး များနစ်နာမှုမရှိစေရေးနှင့် နည်းလမ်းကျနမှန်ကန်မှုရှိသည့် အထွေထွေရွေးကောက်ပွဲ တစ်ရပ်ဖြစ် စေရေး၊ အရေးပေါ်ကာလဆိုင်ရာ ပြဌာန်းချက်များနှင့်အညီ ဆောင်ရွက်ခြင်းတို့ပြီးစီးပါက လွတ် လပ်ပြီးတရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲကျင်းပ၍ ထွက်ပေါ်လာ သည့်အစိုးရအား နိုင်ငံတော်တာဝန် လွှဲအပ်နိုင်ရေးဆက်လက်ဆောင်ရွက်သွားမည့် လုပ်ငန်းစဉ် ပါအတိုင်း အကောင်အထည်ဖော် ဆောင်ရွက်ရန်အတွက် မဲစာရင်းပြုစုရာတွင် အရေးကြီးသည့် ကိန်းဂဏန်းအချက် အလက်မှန်ကန်စေရေးအတွက် သန်းခေါင်စာရင်းကောက်ယူခြင်း လုပ်ငန်း မှရရှိသည့် လူဦးရေစာရင်းအားမှန်ကန်သည့် မဲစာရင်းပြုစုရန်အတွက် အထောက်အကူပြုသည့် လုပ်ငန်းဖြစ်၍ ၂၀၂၄ ခုနှစ် ပြည်လုံးကျွတ်သန်းခေါင်စာရင်း ကောက်ယူခြင်းလုပ်ငန်းအား အောက်တိုဘာလ ၁ ရက်နေ့မှ ၁၅ ရက်နေ့ထိ (၁၅)ရက်ကြာ ကောက်ယူဆောင်ရွက်သွားမည် ဖြစ်ပါကြောင်း၊ တိုင်းဒေသကြီး သန်းခေါင်စာရင်းကြီကြပ်မှုကော်မတီအနေဖြင့်လည်း သန်းခေါင်စာရင်း ကောက်ယူရေးလုပ်ငန်း အောင်မြင်စေရေးအတွက် လိုအပ်သည့် မြေပုံရေးဆွဲခြင်း အဆောက်အဦ မှတ်တမ်းတင်ခြင်း၊ ကောက်ကွက်ဖွဲ့စည်းခြင်း၊ စာရင်းစစ်၊ စာရင်းကောက်များစုဖွဲ့၍ သက်မှတ် သင်တန်းများ ဆောင်ရွက်ခြင်းတို့အား ဗဟိုသန်းခေါင်စာရင်းကော်မတီ၏ လမ်းညွှန်ချက်နှင့် အညီ အကောင်အထည်ဖော်ဆောင်ရွက်သွားကြရမည် ဖြစ်ပါကြောင်း၊ သန်းခေါင်စာရင်းလုပ်ငန်း အဆင်ပြေစေရေးအတွက် ဆောင်ရွက်ရမည့် အုပ်ချုပ်မှုလုပ်ငန်းများ သင်ကြားပေးသွားမည် ဖြစ် ၍တက်ရောက်မည့် အရာရှိများအနေဖြင့်လည်း အလေးအနက်ထားခံယူပြီး တက်ရောက်သွားရန် မှာကြားလိုပါကြောင်း၊ တိုင်းဒေသကြီး၊ခရိုင်၊မြို့နယ် သန်းခေါင်စာရင်းကော်မတီများမှ တာဝန်ရှိ သူများအနေဖြင့် ၂၀၂၄-ခုနှစ်၊ လူဦးရေနှင့်အိမ် အကြောင်းအရာသန်းခေါင်စာရင်း ကောက်ယူရေး လုပ်ငန်းအား အမျိုးသားရေးတာဝန်တစ်ရပ်အနေဖြင့်ခံယူ၍ အောင်မြင်အောင် ပူးပေါင်းဆောင် ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ တိုင်းဒေသကြီး ဦးစီး မှူး ဦးဆန်းအောင်က တိုင်းဒေသကြီးအတွင်း ၂၀၂၄-ခုနှစ်၊ လူဦးရေနှင့်အိမ် အကြောင်းအရာ သန်း ခေါင်စာရင်းကောက်ယူနိုင်ရေး ကြိုတင်ပြင်ဆင်ထားရှိမှုများနှင့် ပတ်သက်၍ Power Point ဖြင့် ရှင်းလင်းတင်ပြသည်။
ဆက်လက်၍ တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/ မြို့နယ်များအတွင်း ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူ ရေးဆိုင်ရာ လုပ်ငန်းများနှင့် ပတ်သက်၍ ပူးပေါင်းဆောင်ရွက်သွားမည့် အခြေအနေများအား အသီးသီး ရှင်းလင်းဆွေးနွေး တင်ပြကြသည်။

ဆက်လက်ပြီး တိုင်းဒေသကြီးအတွင်းရှိ ကလေးခရိုင်၊ ကသာခရိုင်၊ ခန္တီးခရိုင်၊ စစ်ကိုင်း ခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ၌ ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင် စာရင်းကောက်ယူရေးဆိုင်ရာ လုပ်ငန်းများကြိုတင် ပြင်ဆင်ဆောင်ရွက်နေမှု အခြေအနေများနှင့် ပတ်သက်၍ အသီးသီးရှင်းလင်းတင်ပြပြီး မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်းရှိ မြို့နယ်များတွင် ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူရေး ဆိုင်ရာ လုပ်ငန်းများဆောင်ရွက်သွားမည့် အခြေနေများအား ရှင်းလင်းဆွေးနွေး တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များက တိုင်းဒေသကြီးအတွင်း ၂၀၂၄-ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူရေးဆိုင်ရာ လုပ်ငန်းများအောင်မြင်အောင် ဆောင်ရွက်သွားရေးလုပ်ငန်းများနှင့် ပတ်သက်၍ ဖြည့်စွက်ဆွေးနွေး အကြံပြုခဲ့ကြပြီး ဆွေးနွေးတင်ပြချက်များအပေါ် ဝန်ကြီးချုပ်က လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ်ဆောင်ရွက်ပေးခဲ့ကြောင်း သိရသည်။

မုံရွာ၊ ဇွန် ၁၁

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီး လူငယ်ရေးရာ ကော်မတီနှင့် တိုင်းဒေသကြီး လူမှုဝန်ထမ်းဦးစီးဌာနတို့ ပူးပေါင်းဖွင့်လှစ်သည့် အခြေခံစက်ချုပ် သင်တန်း ဆင်းပွဲအခမ်းအနားကို ဇွန်လ ၁၁ ရက်နေ့၊ မွန်းလွဲပိုင်းက မုံရွာမြို့၊ တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ သင်တန်းသူများနှင့် တာ ဝန်ရှိသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်က မိမိတို့တိုင်းဒေသကြီး အစိုးရအဖွဲ့အနေဖြင့် ရပ်ရွာ အခြေပြု အိမ်တွင်းမှုသက်မွေးသင်တန်းများအား စဉ်ဆက်မပြတ် ဖွင့်လှစ်ပေးသွားနိုင်ရန် စီစဉ် ဆောင်ရွက်လျက်ရှိပါကြောင်း၊ ယခုအခြေခံစက်ချူပ်သင်တန်းသည်လည်း အမျိုးသမီးများ အတွက် မိသားစုဝင်ငွေရရှိနိုင်ပြီး အလုပ်အကိုင်အခွင့်အလမ်းများရရှိနိုင်သည့်အတွက် သင်တန်း သူများအနေဖြင့် သင်တန်းမှစာတွေ့လက်တွေ့ပို့ချထားမှုကြောင့် လက်တွေ့အသုံးချနိုင်သည့် အခွင့်အရေးရရှိမှာဖြစ်သည့်အတွက် အလွန်အဖိုးတန်သည့် သင်တန်းတစ်ခုဖြစ်ပါကြောင်း၊ သင်တန်းသူများအနေဖြင့် သင်တန်းကပို့ချပေးသည့် နည်းပညာရပ်များအား စိတ်ပါဝင်စားစွာနှင့် သင်ယူမှတ်သားကြသည်များအား ကြားသိရသည့်အတွက် ဝမ်းမြောက်မိပါကြောင်း၊ အခြေခံစက်ချုပ်သင်တန်းသို့ တက်ရောက်ကျသည့် သင်တန်းသူများအနေဖြင့် မိမိတို့ မိသားစုအတွက် ပိုမိုကောင်းမွန်သည့် အသက်မွေးဝမ်းကြောင်း အလုပ်အကိုင်များရရှိပြီး ဝင်ငွေ ရရှိသည့် အလုပ်အကိုင်များရရှိနိုင်ကြစေရန် ဆုမွန်းကောင်းတောင်းအပ်ပါကြောင်း၊ ယခုသင် တန်းဖြစ်မြောက်အောင် ပူးပေါင်းဆောင်ရွက်ပေးခဲ့ကြသည့် တိုင်းဒေသကြီး လူငယ်ရေးရာကော် မတီအဖွဲ့ဝင်များနှင့် တိုင်းဒေသကြီး လူမှုဝန်ထမ်းဦးစီးဌာနမှ သင်တန်းနည်းပြများအားလုံးကို မိမိတို့တိုင်းဒေသကြီးအစိုးရအဖွဲ့မှ အထူးပင်ကျေးဇူးတင်ရှိပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က သင်တန်းနည်းပြထံ ဂုဏ်ပြုချီးမြှင့်ငွေအား ပေးအပ်ကာ တိုင်းဒေသကြီး ဝန်ကြီးချုပ်၏ဇနီး တိုင်းဒေသကြီး အမျိုးသမီးရေးရာအဖွဲ့ နာယကမှ သင်တန်းထူးချွန်ဆု ပထမ၊ ဒုတိယ၊ တတိယဆုရရှိကြသော သင်တန်းသူများအား ဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များအား ပေးအပ်ချီးမြှင့်ပြီး တိုင်းဒေသကြီး လူမှုရေးရာ ဝန်ကြီးက သင်တန်းသူ ၂ ဦးထံ သင်တန်းဆင်းလက်မှတ်များအား ပေးအပ်ခဲ့ကြသည်။

ဆက်လက်၍ သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြန် လည်ပြောကြားပြီး တိုင်ဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါခန်းမအတွင်း ခင်းကျင်းပြသထားသော သင်တန်းသူများကိုယ်တိုင် ချုပ်လုပ်ထားသည့် အမျိုးသားဝတ်၊ အမျိုး သမီးဝတ် အဝတ်ထည်များနှင့် သင်ထောက်ကူပစ္စည်းများအား ကြည့်ရှုအားပေးခဲ့ကြောင်း သိရ သည်။

မုံရွာ၊ ဇွန် ၁၁

စစ်ကိုင်းတိုင်းဒေသကြီးအတွင်း ၂၀၂၄-၂၀၂၅ ခုနှစ်၊ စိုက်ပျိုးရာသီ စိုက်ဧကပြည့်မီစွာ စိုက်ပျိုးရေးနှင့် ပန်းတိုင်အထွက်နှုန်းရရှိရေးအတွက် မျိုးစေ့နှင့်သွင်းအားစုများ ပေးအပ်ပွဲ အခမ်း အနားကို ဇွန်လ ၁၁ ရက်နေ့၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး စိုက်ပျိုးရေးဦးစီး ဌာနရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသ ကြီးအဆင့် ဌာနဆိုင်ရာများနှင့် ဒေသခံတောင်သူများ တက်ရောက်ကြ သည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီး၏ စိုက်ပျိုး စွမ်းအားမြှင့်တင်နိုင်ရေး နည်းလမ်းပေါင်းစုံနှင့် ဆောင်ရွက်လျက်ရှိရာတွင် သီးနှံစိုက်ပျိုးရာသီ အလိုက် လျာထားဧကပြည့်မီစွာစိုက်ပျိုးနိုင်ရေးသည် အခြေခံကျသည့် အဓိကလုပ်ငန်း တစ်ခုဖြစ် ခြင်းကြောင့် လာမည့်မိုးရာသီတွင်စိုက်ပျိုးရမည့် သီးနှံများအားလျာထားချက်ထက် ပြည့်မီကျော် လွန်အောင် စိုက်ပျိုးနိုင်ရေး၊ သီးနှံများအောင်မြင်ဖြစ်ထွန်းမှုရှိစေရေးနှင့် ပန်းတိုင်အထွက်နှုန်း ရရှိစေရေးအတွက် လိုအပ်သည့်ကြိုတင်ပြင်ဆင်မှုများအား ယခုအချိန်မှ စတင်ဆောင်ရွက်ထား ကြရန်လိုအပ်ပါကြောင်း၊ ယခုလိုမိုးရာသီ စိုက်ဧကများလျာထားချက်ပြည့်မီရေး ဆောင်ရွက်နေ သကဲ့သို့ စိုက်ပျိုးသီးနှံများ၏ စိုက်ပျိုးမြေဧရိယာ အသုံးချမှုတိုးတက်ရေး၊ တစ်ဧကထုတ်လုပ် မှုစွမ်းအား တိုးတက်ရေးနှင့် အဓိကစိုက်ပျိုးသီး နှံများပန်းတိုင်အထွက်နှုန်း ရရှိရေးကိုလည်း တချိန်တည်းမှာတွင် ကြိုးစားဆောင်ရွက်ကြရမှာ ဖြစ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး စိုက်ပျိုးရေးဦးစီးဌာနမှ မျိုးစေ့တာဝန်ခံက စပါးမျိုးစေ့ မျိုး သန့်ထုတ်လုပ်ခြင်းနှင့် ပတ်သက်၍ Power Point ဖြင့် ရှင်းလင်းတင်ပြသည်။

ဆက်လက်ပြီး တိုင်းဒေသကြီး မြေစာရင်းဦးစီးဌာန၊ တိုင်းဒေသကြီး ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန(ဆည်မြောင်း)၊ တိုင်းဒေသကြီး စိုက်ပျိုးရေးဦးစီးဌာန၊ တိုင်းဒ သကြီး ဆည်မြောင်းနှင့်ရေအသုံး ချမှုစီမံခန့်ခွဲရေးဦးစီးဌာန (ရေအရင်းအမြစ်)၊ တိုင်းဒေသကြီးစက်မှုလယ်ယာဦးစီးဌာန၊ တိုင်းဒေသကြီး ငါးလုပ်ငန်းဦးစီးဌာန ညွှန်ကြားရေးမှူးများမှ စစ်ကိုင်း တိုင်းဒေသကြီးအတွင်း ၂၀၂၄-၂၀၂၅ ခုနှစ်၊ စိုက်ပျိုးရာသီ စိုက်ဧကပြည့်မီစွာ စိုက်ပျိုးရေးနှင့် ပန်းတိုင်အထွက်နှုန်းရရှိရေးအတွက် မိမိတို့ဌာနများအလိုက်ဆောင်ရွက်နေသည့် လုပ်ငန်းများနှင့် ပတ်သက်၍ ရှင်းလင်းပြောကြားသည်။

ထို့နောက် တိုင်းဒေသကြီး ဝန်ကြီးချုပ်က ဒေသခံတောင်သူတစ်ဦးထံ မိုးစပါးမျိုးစေ့များ အားထောက်ပံ့ပေးအပ်ပြီး တိုင်းဒေသကြီး တရားသူကြီးချုပ်က ဒေသခံတောင်သူတစ်ဦးထံ နေကြာမျိုးများအား ထောက်ပံ့ပေးအပ်ကြသည်။

ဆက်လက်၍ တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက မုံရွာခရိုင်စီမံ အုပ် ချုပ်ရေးအဖွဲ့ ဥက္ကဌထံ Drum Seeder များအား လည်းကောင်း၊ တိုင်းဒေသကြီး စီးပွားရေးရာ ဝန်ကြီးက ဒေသခံတောင်သူတစ်ဦးထံ နေကြာမျိုးစေ့များအား လည်းကောင်း၊ တိုင်းဒေသကြီး သယံဇာတရေးရာဝန်ကြီးက ဒေသခံတောင်သူတစ်ဦးထံ ပိုက်ဆံလျှော်မျိုးစေ့များအား လည်း ကောင်း၊ တိုင်းဒေသကြီး လူမှုရေးရာဝန်ကြီးက ဒေသခံတောင်သူတစ်ဦးထံ ပိုက်ဆံလျှော်မျိုး စေ့များအား လည်းကောင်း၊ တိုင်းဒေသကြီး လမ်းပန်းဆက်သွယ်ရေး ဝန်ကြီးက ဒေသခံတောင် သူတစ်ဦးထံ ချည်မျှင်ရှည်ဝါမျိုးစေ့များအား လည်းကောင်း၊ တိုင်းဒေသကြီး ဥပဒေချုပ်က ဒေသခံတောင်သူတစ်ဦးထံ ချည်မျှင်ရှည်ဝါမျိုးစေ့များအား လည်းကောင်း၊ တိုင်းဒေသကြီးအစိုးရ အဖွဲ့ အတွင်းရေးမှူးက ဒေသခံတောင်သူတစ်ဦးထံ မိုးစပါးမျိုးစေ့များအား လည်းကောင်း အသီး သီး ထောက်ပံ့ပေးအပ်ခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါရုံးဝန်း အတွင်း ရှိ လယ်ယာစိုက်ပျိုးရေးကဏ္ဍဖွံ့ဖြိုးတိုးတက်ရေး နည်းပညာပေးပြခန်း၊ စားသုံးသူရေးရာဦးစီး ဌာနပြခန်း၊ ငါးလုပ်ငန်းဦးစီးဌာနပြခန်းနှင့် မွေးမြူရေးနှင့်ကုသရေးဦးစီးဌာနပြခန်းများအား လိုက်လံကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အစိုး ရအဖွဲ့မှ မုံရွာခရိုင်သို့ လက်ဆွဲမျိုးစေ့ချကိရိယာ (Drum Seeder)များအား တတိယအကြိမ် ၅၀ လက် လွှဲပြောင်းပေးအပ်ပွဲသို့ တက်ရောက်ရာ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ မုံရွာခရိုင်အတွင်းရှိ ဒေသခံတောင်သူများထံ လက်ဆွဲမျိုးစေ့ချကိရိယာ Drum Seeder များ ထောက်ပံ့ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပြခန်းများသို့လာရောက် လေ့လာကြသည့် မုံရွာမြို့၊ စိုက်ပျိုး၊မွေးမြူရေးအထက်တန်းကျောင်းမှ ကျောင်းသား/သူများအား ရင်းရင်းနှီးနှီး နှုတ်ဆက်အားပေးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အဆင့် ဌာနဆိုင်ရာများအား နှစ်ရှည်စားသုံးသီးပင်များ ပေးအပ်ပွဲအခမ်းအနားသို့ တက်ရောက်ရာ တိုင်း ဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်းဒေသကြီး အစိုးရအဖွဲ့ဝင်များ က တိုင်းဒေသကြီးအဆင့် ဌာနဆိုင်ရာများနှင့် အခမ်းအနားသို့ တက်ရောက်လာကြသည့် ဒေသခံ တောင်သူများအား နှစ်ရှည်စားသုံးသီးပင်များ ထောက်ပံ့ပေးအပ်ခဲ့ကြောင်း သိရသည်။