မုံရွာ၊ မေ ၃၁

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး အမှတ်စဉ် (၅/၂၀၂၄)ကို မေလ ၃၁ ရက်နေ့၊ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး ရင်းနှီးမြှုပ်နှံမှု ကော်မတီ အဖွဲ့ဝင်များ၊ ကုမ္ပဏီလုပ်ငန်းရှင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က ယနေ့အစည်းအဝေးတွင်တင်ပြလာသည့် Centig Shwe Bo Co,Ltd သည် မိမိတို့ တိုင်းဒေသကြီး၏ အဓိကအားပေးဆောင်ရွက်လျက်ရှိသည့် စိုက်ပျိုးရေးလုပ်ငန်းအပြင် ဒေသ တစ်ခုထုတ်ကုန်တစ်မျိုး အစီအစဉ်ဖြင့်ဆောင်ရွက်သည့် ရွှေဘိုပေါ်ဆန်းဆန်အား ပြည်တွင်း၊ပြည် ပဈေးကွက်တွင် ခိုင်မာစွာရပ်တည်နိုင်သည့် ဒေသထွက်ကုန်တစ်မျိုးအဖြစ် အသိအမှတ်ပြုနိုင် သည့် ထွက်ကုန်ထုတ်လုပ်သည့်လုပ်ငန်းအား ကော်မတီ၏အတည်ပြုမိန့်ဖြင့် ဆောင်ရွက်နေတာ ဖြစ်ပါကြောင်း၊ ကုမ္ပဏီအနေဖြင့် ရွှေဘိုပေါ်ဆန်းအပြင် ဒေသမှအကြိုက်များသည့် ရွှေဘိုဧရာမင်း ဆန်ကိုလည်း ကြိတ်ခွဲထုတ်လုပ်ရောင်းချသွားရန်နှင့် ရွှေဘိုပေါ်ဆန်းဆန်ဈေးကွက်သည် တဖြည်းဖြည်းကျယ်ပြန့်လာပြီး ရန်ကုန်၊ မန္တလေး၊ နေပြည်တော်စသည့် မြို့ကြီးများအပြင် တောင်ပေါ်ဒေသများဖြစ်သည့် ရှမ်း၊ ကယား၊ ကရင်စသည့် ဒေသများတွင်လည်း ဈေးကွက်ရရှိပြီး ဝယ်လိုအားကောင်း သည့်ထွက်ကုန်တစ်ခု ဖြစ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် ပြည်တွင်းဈေးကွက်အပြင် ပြည်ပဈေးကွက် များသို့ပါတင်ပို့နိုင်အောင်နှင့် မြန်မာ့ဆန်ဈေးကွက်တွင် ရွှေဘိုပေါ်ဆန်း၏ကဏ္ဍ ပိုမိုဖွံ့ဖြိုးတိုး တက်လာနိုင်အောင် ထိုးဖောက်ကြိုးစားသွားကြရန် လိုအပ်ပါကြောင်း ပြောကြားခဲ့ သည်။

ယင်းနောက် ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသကြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်မေမျိုးဇော်က ယခင်အစည်းအဝေးဆုံး ဖြတ်ချက်များ၏ ဆောင်ရွက်ပြီးစီးမှု လုပ်ငန်းအခြေအနေများနှင့် တိုင်းဒေသကြီး ရင်းနှီးမြှုပ်နှံမှု ကော်မတီ၏ အတည်ပြုမိန့်ဖြင့် ဆန်စပါးကြိတ်ခွဲသိုလှောင်ဖြန့်ဖြူးရောင်းချခြင်းလုပ်ငန်း ဆောင် ရွက်လျက်ရှိသည့် Centig Shwe Bo Co,Ltd မှ ရင်းနှီးမြှုပ်နှံမှုပမာဏ တိုးမြင့်ခွင့်ပြုပါရန် တင်ပြ လာခြင်းကိစ္စနှင့် ရာနှုန်းပြည့်မြန်မာနိုင်ငံသား ရင်းနှီးမြှုပ်နှံမှုဖြင့် Shwe Ngwe Aye Toe Co,Ltd မှ မြန်မာနိုင်ငံရင်းနှီးမြုပ်နှံမှုဥပဒေနှင့်အညီ ဆောက်လုပ်ရေးလုပ်ငန်းသုံး ပစ္စည်းထုတ်လုပ်ရောင်း ချခြင်းလုပ်ငန်း ဆောင်ရွက်ခွင့်ပြုပါရန် ပြန်လည်တင်ပြလာခြင်းများနှင့် ပတ်သက်၍ Power Point ဖြင့် ရှင်းလင်းတင်ပြသည်။

ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီးမြှုပ်နှံမှု ကော်မတီအဖွဲ့ဝင်များက မိမိတို့တာဝန်ယူဆောင်ရွက်နေသည့် လုပ်ငန်းများပတ်သက်၍ ပူး ပေါင်းဆောင်ရွက်ပေးသွားမည့် အခြေအနေများအား ရှင်းလင်းပြောကြားပြီး ကုမ္ပဏီလုပ်ငန်းရှင် များမှ ရင်းနှီးမြှုပ်နှံမှုလုပ်ငန်းများနှင့် ပတ်သက်၍ ဆွေးနွေးတင်ပြကြသည်။

ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ၊ မေ ၃၀

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၅/၂၀၂၄) အစည်း အဝေးကို မေလ ၃၀ ရက်နေ့ နံနက်ပိုင်းက တိုင်းဒေသကြီး အစိုးရအဖွဲ့ရုံး အစည်းအဝေးခန်းမ တွင်ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသ ကြီး ဝန်ကြီးချုပ် ဦးမြတ်ကျော်၊ ဒုတိယ ဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့်အဖွဲ့ဝင်များ၊ ဟိုတယ်/တည်းခိုရိပ် သာလုပ်ငန်းရှင်များ တက်ရောက်ကြသည်။

ဦးစွာ ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့တိုင်းဒေသကြီးအတွင်း ခရီးသွားလုပ်ငန်းအခြေ အနေမှန်အားသိရှိ၍ ဌာန ဆိုင်ရာများ၊ လုပ်ငန်းရှင်များနှင့်အတူတကွ ပူးပေါင်းဆောင်ရွက်ပြီး မိမိတို့တိုင်းဒေသကြီးအစိုး ရအဖွဲ့မှလိုအပ်သည့် ပံ့ပိုးမှုများပေးနိုင်ရန်အတွက် ဒေသဆိုင်ရာခရီးသွားလုပ်ငန်း ကော်မတီ အစည်းအဝေးအား လစဉ်ပြုလျက်ရှိပါကြောင်း၊ ခရီးသွားလာကြသည့် ပြည်တွင်း၊ပြည်ပခရီးသွား ဧည့်သည်များအတွက် အဆင်ပြေချောမွေ့စေရန် ရည်ရွယ်ချက်ဖြင့် သယ်ယူပို့ဆောင်ရေး စနစ်များ လေယာဉ်ခရီးစဉ်မှသည် ယာဉ်၊ ရထား၊ Taxi အထိ ပြည့်စုံကောင်းမွန်အောင် ဖန်တီး ပေးရမည်ဖြစ်ပါကြောင်း၊ ဟိုတယ်၊တည်းခိုရိပ်သာများမှလည်း ခရီးသွားဧည့်သည်များအား ပျူငှာ နွေးထွေးသည့် ဝန်ဆောင်မှုများ အကောင်းဆုံးပေးသွားကြရန် လိုအပ်ပါကြောင်း၊ သို့မှသာရေ ရှည်တည်တံ့သည့် ခရီးစဉ်ဒေသအဖြစ် နာမည်ဂုဏ်သတင်းကောင်းမွန်ပြီး ထပ်ခါထပ်ခါလာ ရောက်ကြမှာ ဖြစ်ပါကြောင်း၊ မိမိတို့တိုင်းဒေသကြီးသည် အပူပိုင်းဒေသဖြစ်၍ အခုမိုးရာသီအမီ သစ်ပင်စိုက်ရာသီ၌ သစ်ပင်များများစိုက်ပျိုးသွားရန်နှင့် လေထုညစ်ညမ်းမှုမရှိစေရေး၊ ပလပ်စတစ် သုံးစွဲမှုလျှော့ချ ရေးစီမံချက်အပါအဝင် ခရီးသွားလုပ်ငန်း အထောက်အကူပြုလုပ်ငန်းများကိုပါ စီစဉ်ဆောင်ရွက် သွားကြရန်အထူးလိုအပ်မှာ ဖြစ်ပါကြောင်း၊ ခရီးသွားလုပ်ငန်းဖွံ့ဖြိုးတိုးတက်ရေးနှင့် ခရီးသွား ပြည်သူများ စိတ်အေးချမ်းသာစွာတည်းခိုနေထိုင်ရေးတို့အတွက် စဉ်ဆက်မပြတ်ဆက်လက် ညှိနှိုင်းပူးပေါင်းဆောင်ရွက်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်း ကော်မတီ အတွင်းရေးမှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန်က ခရီးသွားလုပ်ငန်းကော်မတီ ၄/၂၀၂၄ ၏ အစည်းအဝေးဆုံးဖြတ်ချက်များအပေါ် ဆောင်ရွက်ထား ရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ်အတည်ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေများအား Power Point ဖြင့် ရှင်းလင်းတင် ပြသည်။

ဆက်လက်၍ အစည်းအဝေးသို့ တက်ရောက်လာသည့် ကော်မတီအဖွဲ့ဝင်များနှင့်ဟို တယ်/တည်းခိုရိပ်သာ လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွားလုပ်ငန်း ဆိုင်ရာကိစ္စရပ်များ၊ ခရီးသွားဝင်ရောက်မှု၊ ခရီးသွားဒေသများပတ်ဝန်း ကျင်များတွင်သန့်ရှင်းသာ ယာလှပရေး လုပ်ငန်းများဆောင်ရွက်နေမှု၊ လမ်းပန်းဆက်သွယ်ရေး၊ လုံခြုံရေးအခြေအနေများ နှင့်ပတ်သက်၍ အသီးသီးအကြံပြု ဆွေးနွေးတင်ပြကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့တက်ရောက်လာသူများ၏ အကြံပြုဆွေးနွေးတင်ပြချက်များအပေါ် လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး နိဂုံးချုပ်စကားပြော ကြားကာ အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ မေ ၂၉

၂၀၂၄-၂၀၂၅ ပညာသင်နှစ်အတွက် စစ်ကိုင်းတိုင်းဒေသကြီးအစိုးရအဖွဲ့မှ ဝန်ထမ်းသား/ သမီးများအား ပညာသင်စရိတ်နှင့် ကျောင်းဝတ်စုံများ ထောက်ပံ့ပေးအပ်ပွဲအခမ်းအနားကို မေလ ၂၉ ရက်နေ့ နံနက်ပိုင်းတွင် တိုင်းဒေသကြီးအစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသ ကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး အစိုးရအဖွဲ့ရုံးမှ အရာထမ်း/အမှုထမ်းများ၊ မိသားစုဝင်များနှင့် ကျောင်းသား/ကျောင်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပညာသင်ကြားလျက်ရှိသည့် မိသားစု ဝင်များ၏သားသမီးများသည် အနာဂတ်နိုင်ငံဖွံ့ဖြိုးတိုးတက်ရေးအတွက် အရေးပါသည့် ခေါင်း ဆောင်ကောင်းများ၊ သားကောင်းရတနာများ ဖြစ်သည့်အားလျော်စွာ ပညာတတ်လူငယ်များဖြစ် စေရေး ထောက်ပံ့ပြုစုပျိုးထောင်ပေးသွားကြရန်တာဝန်ရှိပြီး ပညာရည်ပြည့်ဝသည့် နိုင်ငံ့သား ကောင်းရတနာများ ပေါ်ထွက်လာမှသာ တိုင်းပြည်၏အနာဂတ်သည်လည်း တောက်ပြောင်လာ မှာဖြစ်ပါကြောင်း၊ ပညာရေးသည် စီးပွားရေး၊ လူမှုရေး၊ နိုင်ငံဖွံ့ဖြိုး တိုးတက်မှုသာမက လူ့အဖွဲ့ အစည်းရှင်သန်မှုအတွက် အဓိကရေသောက်မြစ်ဖြစ်သည့်အတွက် မိမိတို့၏သား/သမီးများအား အကောင်းဆုံးပြုစုပျိုး ထောင်ပေးစေလိုပါကြောင်း၊ ကျောင်းသား/သူများလည်း အနာဂတ်တွင် ခေါင်းဆောင် ကောင်းများဖြစ်လာကြစေရေးနှင့် နိုင်ငံ့အကျိုး၊ ဘာသာ၊သာသနာအကျိုးအား သယ်ပိုးထမ်းရွက်ပြီး ပညာတတ်လူတော်လူကောင်းများ ဖြစ်လာကြစေရေး ကြိုးစားအားထုတ် သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က တက္ကသိုလ်တက်ရောက်နေသော ကျောင်း သား ၁ ဦးနှင့် အခြေခံပညာအထက်တန်းတက်ရောက်နေသော ကျောင်းသား ၁ ဦးတို့ထံ ပညာ သင်စရိတ်နှင့် ကျောင်းဝတ်စုံများအား လည်းကောင်း၊ တိုင်းဒေသကြီး ဝန်ကြီးချုပ်၏ဇနီးမှ တက္ကသိုလ်တက်ရောက်နေသော ကျောင်းသူ ၁ ဦးနှင့် အခြေခံပညာအထက်တန်း တက်ရောက်နေသော ကျောင်းသူ ၁ ဦးတို့ထံ ပညာသင်စရိတ်နှင့် ကျောင်းဝတ်စုံများအား လည်းကောင်း ထောက်ပံ့ပေးအပ်သည်။

ဆက်လက်ပြီး တိုင်းဒေသကြီး တရားသူကြီးချုပ်က တက္ကသိုလ်တက်ရောက် နေသော ကျောင်းသား ၁ ဦးနှင့် အခြေခံပညာအလယ်တန်း တက်ရောက်နေသော ကျောင်းသား ၁ ဦးတို့ထံ ပညာသင်စရိတ်နှင့် ကျောင်းဝတ်စုံများအား လည်းကောင်း၊ တိုင်းဒေသကြီး တရားသူကြီးချုပ်၏ ဇနီးမှ အခြေခံပညာအထက်တန်း တက်ရောက်နေသော ကျောင်းသူ ၁ ဦးနှင့် အခြေခံပညာ အလယ်တန်း တက်ရောက်နေသော ကျောင်းသူ ၁ ဦးတို့ထံ ပညာသင်စရိတ်နှင့် ကျောင်းဝတ်စုံ များအား လည်းကောင်း ထောက်ပံ့ပေးအပ်သည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့်ဇနီးများမှ အခြေခံပညာအထက်တန်း၊ အလယ်တန်း၊ မူလတန်းတက်ရောက်နေကြသော ကျောင်းသား/ကျောင်းသူများထံ ပညာသင် စရိတ်နှင့် ကျောင်းဝတ်စုံများအား အသီးသီး ထောက်ပံ့ပေးအပ်ကြသည်။

ဆက်လက်၍ ပညာသင်စရိတ်နှင့် ကျောင်းဝတ်စုံများ ထောက်ပံ့ပေးအပ်ခြင်းခံရသော ဝန်ထမ်းမိသားစုများကိုယ်စား လက်ထောက်ညွှန်ကြားရေးမှူး ဦးကျော်ဇင်လင်းက ကျေးဇူး စကားပြန်လည်ပြောကြားပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ခဲ့ကြသည်။

အဆိုပါ ၂၀၂၄-၂၀၂၅ ပညာသင်နှစ်အတွက် စစ်ကိုင်းတိုင်းဒေသကြီးအစိုးရအဖွဲ့မှ ဝန်ထမ်း သား/သမီး ကျောင်းသား ကျောင်းသူ (၁၄၆) ဦးအတွက် ငွေကျပ်စုစုပေါင်း - ၁၂၇၇၉၀၀၀ (တစ်ရာ နှစ်ဆယ့်ခုနှစ်သိန်း ခုနှစ် သောင်း ကိုးထောင်)ကျပ်အား ထောက်ပံ့ပေးအပ်ခဲ့ကြောင်း သိရသည်။

မုံရွာ မေ ၂၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ တိုင်းဒေသကြီး/ခရိုင်/မြို့နယ် ပညာရေးမှူးများ၊ ခရိုင်/မြို့နယ် စီမံအုပ်ချုပ်ရေးအဖွဲ့ ဉက္ကဌ များနှင့် တာဝန်ရှိသူများ လိုက်ပါလျက် မေလ ၂၉ ရက်နေ့ နံနက်ပိုင်းတွင် မုံရွာမြို့၊ အမှတ်(၂) အခြေခံပညာအထက်တန်းကျောင်း(အလုံ)သို့ ရောက်ရှိကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ၂၀၂၄-၂၀၂၅ ပညာသင်နှစ်၊ စိုက်ပျိုး/မွေးမြူရေးအထက်တန်းကျောင်းနှင့် အခြေခံပညာအဆင့်အလိုက် ကျောင်းသား၊ ကျောင်းသူများ စိတ်အေးချမ်းသာစွာဖြင့် ကျောင်းအပ်နှံနေမှုများအား လိုက်လံကြည့်ရှုအားပေး ပြီး တာဝန်ရှိသူများနှင့်အတူ ကျောင်းသုံးပုံနှိပ်စာအုပ်များ၊ ဗလာစာအုပ်များ၊ ကျောင်းဝတ်စုံများ၊ ဘောပင်များနှင့် ခဲတံများအား ကျောင်းသား၊ကျောင်းသူများထံ ထောက်ပံ့ပေးအပ်ခဲ့ကြပြီး ကျောင်းသားမိဘများအား ရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်း ဝန်းအတွင်းရှိ စိုက်ပျိုး/မွေးမြူရေးအထက်တန်းကျောင်းသို့ ရောက်ရှိရာ သင်ထောက်ကူပစ္စည်း များခင်းကျင်းပြသထားရှိမှုများအား လိုက်လံကြည့်ရှုစစ်ဆေးပြီး ကျောင်းဥပဓိရုပ်ကောင်းမွန်စေ ရေးအတွက် ကျောင်းပတ်ဝန်းကျင် သန့်ရှင်းသပ်ရပ်မှုရှိစေရေး၊ ကျောင်းဆောင်အဆောက် အဦများ ကြံ့ခိုင်မှုရှိစေရေးနှင့် သင်ကြားရေးအထောက်အကူ ပြုပစ္စည်းများ ပြည့်စုံစွာထားရှိ ရေးတို့အား တာဝန်ရှိသူများအား မှာကြားခဲ့ပြီး အလျား - ၁၂၀ ပေ၊ အနံ - ၃၀ ပေ၊ RC ၂ ထပ် ကျောင်းဆောင် အဆောက်အဦသစ် တည်ဆောက်ပြီးစီးမှုတို့အား ကြည့်ရှုစစ်ဆေးပြီး လိုအပ် သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မေ ၂၇

စစ်ကိုင်းတိုင်းဒေသကြီး ၂၀၂၄ -၂၀၂၅ ပညာသင်နှစ်၊ တိုင်းဒေသကြီးအဆင့် ကျောင်းအပ်နှံရေးနေ့အခမ်းအနားကို မေလ ၂၇ ရက်နေ့ နံနက်ပိုင်းတွင် မုံရွာမြို့၊ အမှတ်(၂) အခြေခံပညာအထက်တန်း ကျောင်းဝန်းအတွင်း ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ မုံရွာမြို့ပေါ်ရှိ အခြေခံပညာကျောင်းများမှ ကျောင်း အုပ်ကြီးများ၊ ဆရာ၊ဆရာမများ၊ ကျောင်းသားမိဘများနှင့် ကျောင်းသား၊ကျောင်းသူများ တက် ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများအား ဆရာ/ဆရာမများနှင့် ကျောင်းသား/ကျောင်းသူများမှ ကြိုဆိုနှုတ်ဆက်ကြပြီးနောက် တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ် ဦးဇော်ထူး၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်၊ တိုင်းဒေသကြီးပညာ ရေးမှူးရုံးမှ ညွှန်ကြားရေးမှူး ဦးစိုးသိုက်တို့က ၂၀၂၄-၂၀၂၅ ပညာသင်နှစ်၊ တိုင်းဒေသကြီးအဆင့် ကျောင်းအပ်နှံရေးနေ့ အခမ်းအနားအား ဖဲကြိုးဖြတ်ဖွင့်လှစ်ပေးကြပြီး စုပေါင်းမှတ်တမ်းတင် ဓါတ်ပုံရိုက်ကူးခဲ့ကြသည်။

ဆက်လက်ပြီး ကျောင်းအပ်နှံရေးနေ့ ဒုတိယပိုင်း အခမ်းအနားကို ဆက်လက်ကျင်းပရာ အမှတ်(၂) အခြေခံပညာအထက်တန်း ကျောင်း မှ ကျောင်းသား၊ကျောင်းသူများက “ မြန်မာ့ကျောင်း ” သီချင်းသီဆိုဖွင့်လှစ်ပြီးနောက်တိုင်းဒေသကြီး ဝန်ကြီးချုပ် ဦးမြတ်ကျော်က အမှာ စကားပြောကြားရာတွင် ပညာရေးကဏ္ဍဖွံ့ဖြိုးတိုးတက်ရေး အတွက်ပြောင်းလဲလာသည့် ခေတ်စနစ်နှင့်အညီ လိုက်လျောညီထွေစွာ အချိုးကျပြောင်းလဲလာ ရန်လည်း လိုအပ်ပါကြောင်း၊ အခြေခံပညာတိုးတက်ပြောင်းလဲ ရေးတွင်အဓိကပါဝင်သည့် ဆရာ၊ ဆရာမများ၏ သင်ကြားမှုအရည်အသွေး၊ ဆရာ့အတတ် ပညာ၊ အရည်အချင်း၊ ရုပ်ဝတ္ထုပစ္စည်း ဖြစ်သည့် ကျောင်းတွင်း၊ကျောင်းပြင် သန့်ရှင်းသပ်ရပ်ရေးနှင့် ကျောင်းဥပဓိရုပ်ကောင်းမွန် လာ စေရေးတို့အား အမြဲတစေကြိုးစားနေရမှာ ဖြစ်ပါကြောင်း၊ ယခု ပညာသင်နှစ်တွင် ကျောင်းနေအရွယ်ကလေးအားလုံး ကျောင်းနေနိုင်ရေးအတွက် အခြေခံကျောင်းများမဖွင့်မီ ရက် သတ္တပတ်ဖြစ်သည့် မေလ ၂၃ ရက်နေ့မှ ဇွန်လ ၂ ရက်နေ့အထိအား ကျောင်းအပ်နှံရေး သီတင်း ပတ်အဖြစ်သတ်မှတ်ပြီး ကျောင်းအပ်နှံရေးလက်ခံ ဆောင်ရွက် လျက်ရှိပါကြောင်း၊ ကျောင်းနေအရွယ်လွန်ကလေးများနှင့် မူလတန်းပညာမပြီးဆုံးမီ ကျောင်း ထွက်ခဲ့ရသည့် ကျောင်းနေအရွယ်ကလေးအားလုံး ကျောင်းနေနိုင်ရေးနှင့်ကျောင်းအပ်နှံရေး အတွက်မူလတန်းအဆင့်ကိုသာမက အလယ်တန်းနှင့် အထက်တန်းအဆင့်ကိုပါ အခမဲ့သင်ယူ နိုင်ရေးအစီအစဉ်နှင့် အားဖြည့်ပေးလျှက်ရှိပါကြောင်း၊ ၂၀၂၄-၂၀၂၅ ပညာသင်နှစ်၊ ကျောင်းအပ်နှံ ရေးဆောင်ပုဒ်သည် "ကျောင်းနေအရွယ်ကလေးအားလုံး အခြေခံ ပညာသင်ယူဖို့ ကျောင်းအပ်နှံ ကြပါစို့"ဟူသည့် ဆောင်ပုဒ်နှင့်အညီ ကျောင်းသား၊ကျောင်းသူများအားလုံး အခြေခံပညာသင် ကြားနိုင်ရေး ဝိုင်းဝန်းဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် ဝန်ကြီး ချုပ်က ကျောင်းသား၊ကျောင်းသူများအတွက် ကျောင်းသုံးပုံနှိပ်စာအုပ်များကို လည်းကောင်း၊ တိုင်းဒေသကြီး တရားသူကြီးချုပ်က ဗလာ စာအုပ်၊ ဘောပင်နှင့်ခဲတံများအား လည်းကောင်း၊ တိုင်းဒေသကြီး လူမှုရေးရာဝန်ကြီးက ကျောင်းဝတ်စုံများအား လည်းကောင်း၊ တိုင်းဒေသကြီးအစိုးရအဖွဲ့ အတွင်းရေးမှူးက တိုင်းဒေသကြီး ပညာရေးမှူးရုံးမှ ညွှန် ကြားရေးမှူးထံ ထောက်ပံ့ငွေများကို ပေးအပ်ခဲ့ကြသည်။

ဆက်လက်ပြီး မုံရွာမြို့ပေါ်ရှိ အခြေခံပညာကျောင်းများမှ ကျောင်းသား၊ ကျောင်းသူများ ကတေးသီချင်းဖြင့် သီဆိုကပြဖျော်ဖြေကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာကြသည့် ဆရာ၊ဆရာမများ၊ ကျောင်းသားမိဘများနှင့် ကျောင်း သား၊ကျောင်းသူများအား ရင်းရင်းနှီးနှီးလိုက်လံနှုတ်ဆက်ပြီး သင်ထောက်ကူပစ္စည်းများအား ကြည့်ရှုစစ်ဆေးခဲ့ကြသည်။

ထို့နောက် ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါ ကျောင်းတွင် ကျောင်းသား၊ကျောင်းသူများ စိတ်အေးချမ်းသာစွာဖြင့်ပျော်ရွှင်စွာ ကျောင်းအပ်နှံနေမှုများအား လိုက်လံကြည့်ရှုခဲ့ကြပြီး ကျောင်းသား/ကျောင်းသူများ အား ကျောင်းသုံးပုံနှိပ်စာအုပ်များ၊ ဗလာစာအုပ်များ၊ ဘောပင်၊ ခဲတံများနှင့်ကျောင်းဝတ်စုံများ အား အခမဲ့ ပေးအပ်ခဲ့ ကြောင်းသိရသည်။‌

ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းအုပ်ကြီးများ၊ ဆရာ/ဆရာမများ၊ ကျောင်းအပ်နှံလာရောက်ကြသည့် ကျောင်းသားမိဘများနှင့် ကျောင်းသား၊ ကျောင်းသူများအား နံနက်စာများဖြင့် ဧည့်ခံကျွေးမွေးနေမှုများကို လိုက်လံကြည့်ရှုအားပေး ခဲ့ကြောင်း သိရသည်။

မုံရွာ၊ မေ ၂၆

၂၀၂၄-၂၀၂၅ ပညာသင်နှစ်တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးနှင့် ကျောင်းဉပဓိရုပ်ကောင်းမွန်စေရန် ကြိုတင်ပြင်ဆင်မှုအနေဖြင့် မေလ ၂၅ ရက်နေ့၊ နံနက်ပိုင်းတွင် မုံရွာမြို့၊ သလ္လာရပ်ကွက်ရှိ ကျောင်းအဝင်လမ်းနှင့် အမှတ်(၄) အခြေခံပညာအထက်တန်း ကျောင်းဝန်း၌ သစ်ပင်ခြုံနွယ်များ၊ ပေါင်းမြက်များခုတ်ထွင် ရှင်းလင်း ခြင်း၊ ခြင်များပေါက်ပွားနိုင်သည့် ရေနုတ် မြောင်းများ ရေစီးရေလာကောင်းမွန်စေရေးတို့အတွက် တိုင်းဒေသကြီး/ခရိုင်/မြို့နယ် အထွေထွေအုပ်ချုပ်ရေးဦးစီး ဌာနမှဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့များ၊ လူမူရေးအသင်းအဖွဲ့ဝင်များ၊ ဌာနဆိုင်ရာဝန်ထမ်းများ၊ ရပ်ကွက်နေပြည်သူများ၊ ဆရာ/ဆရာမများနှင့်ကျောင်းသားမိဘများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီး ချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝန်ရှိသူများက လိုက်လံကြည့်ရှု အားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများအား တိုင်းဒေသကြီး စည်ပင်သာယာရေးအဖွဲ့နှင့် ဆီကုန်သည် ကြီးများ အသင်းမှ တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှင့် စားသုံးဆီများအား ဈေး နှုန်းသက်သာစွာဖြင့်ရောင်းချပေးခဲ့ပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူ များနှင့်အတူ နံနက်စာသုံးဆောင်ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းတွင် တိုင်းဒေသကြီး/ခရိုင်/မြို့နယ် ပညာရေးမှူးများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသားမိဘများနှင့် တွေ့ဆုံရာ ကျောင်းအုပ်ဆရာမကြီးက ၂၀၂၄-၂၀၂၅ ပညာသင်နှစ်၊ ကျောင်းအပ်နှံမှု အခြေအနေများ၊ကျောင်း ဆောင်အဆောက်အဦများ ကြံ့ခိုင်မှုဆောင်ရွက်ထား ရှိမှု၊ သန့်ရှင်းသောသောက်သုံးရေရရှိရေး၊ ကျောင်းပတ်ဝန်း ကျင်သန့်ရှင်းသပ်ရပ်စေရေးနှင့် ကျောင်း ၏ လိုအပ်ချက်များအား ဆွေးနွေးတင်ပြသည်။

ယင်းနောက် တိုင်းဒေသကြီး/ခရိုင်/မြို့နယ် ပညာရေးမှူးများက အမှတ်(၄) အခြေခံပညာ အထက်တန်းကျောင်း၏ သင်ကြားရေးလုပ်ငန်းများနှင့် ပတ်သက် ၍ လိုအပ်ချက်များအပေါ် ဖြည့်စွက် တင်ပြကြပြီး တိုင်းဒေသကြီးအဆင့် ဌာနဆိုင်ရာများနှင့် တိုင်းဒေသကြီး အစိုးရအဖွဲ့ ဝင်များက ဖြည့်စွက်‌ ဆွေးနွေးကြသည်။

ထို့နောက် တိုင်းဒေသကြီး တိုင်းဒေသကြီး ဝန်ကြီးချုပ်ကအထက်တန်း ကျောင်းဝန်းကျင်ရှိ ရပ်ကွက်နေပြည်သူများ၏ ကျောင်းနေအရွယ်ကလေးများအားလုံး ရာနှုန်းပြည့်ကျောင်း အပ်နှံရေး၊ သင်ကြားရေးသုံးပစ္စည်းများဖြစ်သည့် ကျောင်းသုံးပုံနှိပ်စာအုပ်၊ ဗလာစာအုပ်၊ ကျောင်းဝတ်စုံများ၊ စာရေးကိရိယာများနှင့် ပရိဘောဂပစ္စည်းများ ပြည့်စုံမှုရှိအောင်ဆောင်ရွက် ထားရေး၊ ကျောင်းသား၊ကျောင်းသူများ စိတ်အေးချမ်းသာစွာဖြင့် ပညာသင်ကြားနိုင်ရေးအတွက် လုံခြုံရေးနှင့် သင်ကြားစီမံရေးဆိုင်ရာများကို တာဝန်ရှိသူများအနေဖြင့် လိုအပ်ချက်မရှိအောင် ဆောင်ရွက်ထားရှိရေးတို့အား မှာကြားကာ ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၁ မြို့နယ်တို့တွင် တပ်မတော်သားများ၊ မြန်မာ နိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၂၈၀၀ ကျော်ဖြင့် ကျောင်းများဥပဓိရုပ်ကောင်းမွန်ရေးနှင့် မြို့သန့်ရှင်းသာယာလှပရေး လုပ်ငန်း များကို စုပေါင်းဆောင်ရွက်ခဲ့ကြောင်း သိရသည်။