မုံရွာ ၊ ဧပြီ ၁၄

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး တရားသူကြီးချုပ် ဦးဇော်ထူးနှင့်ဇနီး၊ တိုင်းဒေသကြီး အစိုးရအဖွဲ့များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများမှ တာဝန်ရှိသူများလိုက်ပါလျက် ၁၃၈၅-ခုနှစ်၊ ၂၀၂၄-ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဧပြီလ ၁၄ ရက်နေ့၊ သင်္ကြန်အကျနေ့ နံနက်ပိုင်းတွင် မုံရွာမြို့၊ ဗိုလ်ချုပ်လမ်းပေါ်ရှိ ကန်သာယာကန် တိုင်းဒေသကြီးအစိုးရအဖွဲ့ ဗဟိုမဏ္ဍပ်သို့ ရောက်ရှိကြသည်။

ရှေးဦးစွာ ဗဟိုမဏ္ဍပ်မှ ယိမ်းအကလှပျိုဖြူများ၊ နိုင်ငံကျော် ရုပ်ရှင်နှင့်ဗွီဒီယိုသရုပ်ဆောင် များက အကအလှများဖြင့် သီဆိုကပြဖျော်ဖြေမှုအား တိုင်းဒေသကြီး ဝန်ကြီးချုပ် ဦးမြတ်ကျော် နှင့်တာဝန်ရှိသူများက ကြည့်ရှုအားပေးကြကာ တိုင်းဒေသကြီးဝန်ကြီးချုပ်နှင့်ဇနီးတို့မှ တိုင်းဒေ သကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့်ဌာနများနှင့် နိုင်ငံကျော် ရုပ်ရှင် နှင့်ဗွီဒီယိုသရုပ်ဆောင် အဆိုတော်များအား အတာရေများ ပက်ဖျန်းကြသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တာဝန်ရှိသူများသည် တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးဌာန၊ “ပိတောက်အားမာန်” ရေ

သဘင်မဏ္ဍပ် သို့ ရောက်ရှိရာ မဏ္ဍပ်မှယိမ်းအကလှပျိုဖြူများက အကအလှများဖြင့် ဖျော်ဖြေကြပြီး နိုင်ငံကျော် ရုပ်ရှင်နှင့်ဗွီဒီယိုသရုပ်ဆောင် အဆိုတော်များက သင်္ကြန်တေးသီချင်းများဖြင့် သီဆိုဖျော်ဖြေကာ ပြည်သူများပျော်ရွှင်စွာ ရေကစားနေမှုများအား လိုက်လံကြည့်ရှုအားပေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး သယံဇာတရေးရာဝန်ကြီးဌာနမဏ္ဍပ်၊ “ပိတောက်ပျိုမေ” ရေသဘင်မဏ္ဍပ်သို့ရောက်ရှိရာ ယိမ်း အကလှပျိုဖြူများက အကအလှများဖြင့် ဖျော်ဖြေကြပြီး နိုင်ငံကျော်ရုပ်ရှင်နှင့်ဗွီဒီယိုသရုပ်ဆောင် အဆိုတော်များ၏ ဧည့်ခံဖျော်ဖြေမှုအား ကြည့်ရှုအားပေးခဲ့ ကြပြီး ရေကစားလာရောက်ကြသည့် ဌာနဆိုင်ရာများနှင့်ပြည်သူများအား စတုဒီသာ ထမင်းနှင့် ဟင်းများ ကျွေးမွေးဧည့်ခံခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၁၃၈၅-ခုနှစ်၊ ၂၀၂၄-ခုနှစ်၊ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် သင်္ကြန်အကျနေ့ မွန်းလွဲပိုင်းတွင် မုံရွာမြို့၊ ဗိုလ်ချုပ်လမ်းပေါ်ရှိ ကန်သာယာကန် တိုင်းဒေသကြီးအစိုးရအဖွဲ့ ဗဟိုမဏ္ဍပ်သို့ ရောက်ရှိရာ နိုင်ငံကျော် ရုပ်ရှင်နှင့်ဗွီဒီယိုသရုပ်ဆောင်များက အကအလှများဖြင့် သီဆိုကပြဖျော်ဖြေမှုများနှင့် ယိမ်းအကဖွဲ့များ၏ ကပြဖျော်ဖြေမှုများ၊ ဌာနဆိုင်ရာဝန်ထမ်းမိသားစုဝင်များနှင့် မုံရွာမြို့ပေါ်ရှိ ရပ်ကွက်နေပြည်သူများနှင့်အတူပျော်ရွှင်စွာ ရေကစားကာ အနုပညာရှင်များနှင့် ယိမ်းအဖွဲ့များ ၏ ကပြဖျော်ဖြေမှုများအား ကြည့်ရှုအားပေးခဲ့ကြောင်း သိရသည်။

မုံရွာ၊ ဧပြီ ၁၁

စစ်ကိုင်းတိုင်းဒေသကြီး အစိုးရအဖွဲ့မှကြီးမှူးကျင်းပသော ၂၀၂၃-ခုနှစ်၊ ပါဠိပထမပြန် စာမေးပွဲ စာအောင်သံဃာတော်များနှင့် သီလရှင်ဆရာကြီး၊ဆရာလေးများ စာအောင်ဆုနှင့် အောင်လက်မှတ်များဆက်ကပ်လှူဒါန်းခြင်း စူဠဘွဲ့နှင်းသဘင် အခမ်းအနားကို ဧပြီလ ၁၁ ရက်၊ နံနက်ပိုင်းတွင် မုံရွာမြို့၊ ရွှေစည်းခုံစေတီတော်မြတ်ကြီးရှိ သာသနာ့ဗိမာန်တော်ကြီး၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာန ဆိုင်ရာများ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ “ နမောတဿ”သုံးကြိမ်ရွတ်ဆို ဘုရားကန့်တော့၍ အခမ်းအနားအား ဖွင့်လှစ် ကြပြီး မုံရွာမြို့၊ မဟာဇောတိကာရာမကျောင်းတိုက်၊ ပဓာနနာယက၊ ပထမပြန်စာမေးပွဲကြီး ကြပ်ရေး ဥက္ကဋ္ဌ၊ အဂ္ဂမဟာပဏ္ဍိတ၊ ဘဒ္ဒန္တဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက ငါးပါးသီလ ခံယူဆောက်တည်ကြသည်။

ယင်းနောက် ဆရာတော်၊ အရှင်သူမြတ်များမှ ရွတ်ပွားသရဇ္ဈာယ် ချီးမြင့်တော်မူသည့် မေတ္တာသုတ် ပရိတ်တရားတော်များအား နာယူကြည်ညိုပြီး ပင့်သံဃာဆရာတော်ကြီးများထံ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး တိုင်းဒေသကြီး ဝန်ကြီးချုပ်က သာသနာရေးဆိုင်ရာများ လျှောက်ထားသည်။

ဆက်လက်ပြီး ၂၀၂၃-ခုနှစ်၊ ပါဠိပထမပြန်စာမေးပွဲတွင် အခြေပြုမူလတန်းအောင် နိုင်ငံ တော်အဆင့် ဒုတိယဆုရရှိခဲ့သည့် သံဃာတော်တစ်ပါးနှင့် ပထမကြီး၊ ပထမလတ်၊ ပထမငယ်၊ အခြေပြုမူလတန်း စာမေးပွဲအောင် သံဃာတော် ၂ ပါးတို့အား တိုင်းဒေသကြီး ဝန်ကြီးချုပ်က စာအောင်လက်မှတ်၊ဝတ္ထုငွေနှင့် လှူဖွယ်ပစ္စည်းများ ဆက်ကပ်လှူဒါန်းသည်။

ဆက်လက်၍ ပါဠိပထမပြန်စာမေးပွဲတွင် ပထမကြီး၊ ပထမလတ်၊ ပထမငယ်၊ အခြေ ပြုမူလတန်းစာမေးပွဲအောင် သံဃာတော်များအား တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီးအဆင့်ဌာန ဆိုင်ရာများမှ စာအောင်လက် မှတ်နှင့် ဝတ္ထုငွေများအား လည်းကောင်း၊ စာအောင်သီလရှင် ဆရာကြီး/ဆရာလေးများအား တိုင်းဒေသကြီး တရားသူကြီးချုပ်၏ဇနီး၊ တိုင်းဒေသကြီး စီးပွားရေးရာဝန်ကြီး၊ တိုင်းဒေသကြီး အစိုးရအဖွဲ့ များ၏ဇနီးများနှင့် တိုင်းဒေသကြီး ဥပဒေချုပ်တို့မှ စာအောင်လက်မှတ်နှင့် ဝတ္ထုငွေများအား ဆက်ကပ်လှူဒါန်းကြသည်။

ထို့နောက် မုံရွာမြို့၊ မဟာဇောတိကာရာမကျောင်းတိုက်၊ ပဓာနနာယက၊ ပထမပြန် စာမေးပွဲကြီးကြပ်ရေး ဥက္ကဋ္ဌ၊ အဂ္ဂမဟာပဏ္ဍိတ၊ ဘဒ္ဒန္တဝိဇ္ဇောဒယ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက အနုမောဒနာတရား နာယူကြည်ညိုပြီး လှူဒါန်းမှု အစုစုတို့အတွက် ရေစက်သွန်းချအမျှပေးဝေကြပြီး “ ဗုဒ္ဓသာသနံ စိရံ တိဌတု ”သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းကြသည်။

၂၀၂၃-ခုနှစ်၊ မုံရွာခရိုင်အတွင်းရှိ မုံရွာမြို့နယ်၊ ချောင်းဦးမြို့နယ်၊ ဘုတလင်မြို့နယ်၊ အရာတော်မြို့နယ်တို့မှ ပါဠိပထမပြန်စာမေးပွဲကြီးတွင် ပထမကြီးတန်း စာမေးပွဲအောင် -၄၈ ပါး၊ ပထ မလတ်တန်း စာမေးပွဲအောင် - ၇၀ ပါး၊ ပထမငယ်တန်းစာမေးပွဲအောင် - ၁၂၃ ပါး၊ အခြေပြုမူလ တန်းစာမေးပွဲအောင် - ၁၈၂ ပါး၊ စုစုပေါင်း စာအောင်သံဃာတော်၊ သီလရှင်ဆရာကြီး/ဆရာ လေး - ၄၂၃ ပါး အောင်မြင်တော်မူခဲ့ကြပြီး စာအောင်သံဃာတော်၊ သီလရှင်များအား အလှူငွေကျပ် စုစုပေါင်း - ၁၀၁၁၀၀၀၀ (တစ်ရာ့တစ်သိန်းတစ်သောင်း)ကျပ်အား ဆက်ကပ်လှူဒါန်းခဲ့ကြောင်း သိရသည်။

မုံရွာ၊ ဧပြီ ၁၁

စစ်ကိုင်းတိုင်းဒေသကြီး ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေး ဆိုင်ရာအခြေခံသင်တန်းဆင်းပွဲ အခမ်းအနားကို ဧပြီလ ၁၁ ရက်၊ နံနက်ပိုင်းတွင် စစ်ကိုင်း တိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် နည်းပြများနှင့် သင် တန်းသား၊သင်တန်းသူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ရှေးဦးအရွယ်ကလေးသူငယ်များ ဖွံ့ဖြိုးတိုးတက်ရေး ပြုစုပျိုးထောင် ပေးနိုင်ရန်အတွက်ရည်ရွယ်ပြီး ရှေးဦးအရွယ်ကလေး သူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာလုပ်ငန်းများအား အကောင်အထည်ဖော် ဆောင်ရွက်ရာ တွင် ထိရောက်စွာ သင်ကြားနိုင်ရန် သင်ရိုးညွှန်းတမ်းများနှင့်အညီ ယခုလိုသင်တန်းများဖွင့်လှစ်ပို့ ချပေးခြင်းဖြစ်ပါကြောင်း၊ သင်တန်းအား စနစ်တကျနှင့် အချိန်ပြည့်တက်ရောက်ပေးသည့် သင် တန်းသား၊ သင်တန်းသူများမှလည်း ယခုသင်တန်းမှရရှိခဲ့သည့် ရှေးဦးအရွယ်ကလေးသူငယ် ပြုစု ပျိုးထောင်ရေးနှင့် ဖွံ့ဖြိုးရေးလုပ်ငန်းများ ဆောင်ရွက်သည့်အခါမှာ ထိရောက်သည့်နည်းလမ်း များဖြစ်သည့် နယ်ပယ်သဘောတရားများနှင့် ကလေးများဘာသာစကားတို့ကို ပီသကျွမ်းကျင် အောင်ပြောကြားနိုင်စေရန် စနစ်တကျ ပြုစုပျိုးထောင်ပြီး မိဘများနှင့် ရပ်ရွာလူထုများမှလည်း ပူးပေါင်းကာ ကလေးငယ်များပြုစု စောင့်ရှောက်မှုများဆောင်ရွက်သွားကြရန် လိုအပ်ပါကြောင်း၊ သင်တန်းသား၊သင်တန်းသူများအနေဖြင့် သင်တန်းမှရရှိသည့် အတွေ့အကြုံဗဟုသုတ၊ နည်း ပညာများအား အသုံးချပြီးမိမိတို့နိုင်ငံ၏အနာဂတ် ကလေးငယ်များအကျိုးကို အကောင်းဆုံးဖြစ် အောင်ပြုစုပျိုး ထောင်သွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်က အနီးကပ်ကြီးကြပ်လမ်းညွှန် သင်ကြားပေးခဲ့ သည့် လူမူဝန်ထမ်းဦးစီးဌာန ညွှန်ကြားရေးမှူး(ငြိမ်း)ဆရာမကြီး ဒေါ်ခင်နွဲ့အား ဂုဏ်ပြုငွေအား ပေးအပ်ချီးမြှင့်ပြီး တိုင်းဒေသကြီး လူမှုရေးရာဝန်ကြီးက သင်တန်းသား/သင်တန်းသူများ အတွက် သင်တန်းဆင်းလက်မှတ်များ ပေးအပ်ချီးမြှင့်သည်။

ဆက်လက်၍ တိုင်းဒေသကြီး လူမှုဝန်ထမ်းဦးစီးဌာနမှ ညွှန်ကြားရေးမှူးက သင်တန်းဆင်း အစီရင်ခံစာအား ဖတ်ကြားပြီး မုံရွာမူလတန်းကြိုကျောင်းမှ သမီးငယ်လေးမှ တပင်တိုင် အကဖြင့် လည်ကောင်း၊ သင်တန်းသား/သင်တန်းသူများမှ မူကြိုကဗျာ၊ သီချင်း၊ ပုံပြင်များ ဖြင့်သီဆိုကပြ ဖျော်ဖြေကြပြီး တိုင်းဒေသကြီး ဥပဒေချုပ်မှ သီဆိုကပြဖျော်ဖြေခဲ့သူများအား ဂုဏ်ပြုချီးမြှင့်ငွေ များပေးအပ်ကာ သင်တန်းသား/သင်တန်းသူများကိုယ်စား သင်တန်းသူတစ်ဦးက ကျေးဇူးတင် စကား ပြန်လည်ပြောကြားသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ သင်တန်းသား/သင်တန်း သူများဖြင့် စုပေါင်းမှတ်တမ်း ဓါတ်ပုံရိုက်ကူးကာ အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ကာ အခမ်းအနားကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါခန်းမအတွင်း ခင်းကျင်းပြသထားသည့် သင်တန်းသား/သင်တန်းသူများကိုယ်တိုင် ပြုလုပ်ထားသော မူလတန်းကြိုကျောင်းများတွင် အသုံးပြုမည့် ပန်းချီနှင့်လက်မှုသင်ထောက်ကူပစ္စည်းများအား ကြည့်ရှုအားပေးခဲ့ကြောင်း သိရသည်။

မုံရွာ၊ ဧပြီ ၁၂

စစ်ကိုင်းတိုင်းဒေသကြီး ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းအောင်မြင်စွာ အကောင်အထည်ဖော်နိုင်ရေး စီမံကိန်းတာဝန်ပေးအပ်ပွဲ အခမ်းအနားကို ဧပြီလ ၁၂ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး အဆင့်ဌာနဆိုင်ရာများ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရ ဒေသ၊ ကလေးခရိုင်၊ ကသာခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ် ချုပ်ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က အမှာစကားပြောကြားသည်။ယင်းနောက် တိုင်းဒေသကြီး စီမံကိန်းဦးစီးဌာန၊ ညွှန်ကြားရေးမှူး ဦးဝင်းလှိုင်က ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းရည်မှန်းချက်နှင့် ပတ်သက်၍ ရှင်းလင်းတင်ပြသည်။

ဆက်လက်ပြီး တိုင်းဒေသကြီး ဝန်ကြီးချုပ်က လယ်ယာကဏ္ဍကြီးစီမံကိန်းတာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စိုက်ပျိုးရေးဦးစီးမှူးထံ တိုင်းဒေ သကြီး၏ ဒေသန္တရစီမံကိန်းတာဝန်အား လည်းကောင်း၊ စက်မှုကဏ္ဍကြီးစီမံကိန်း တာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား မြန်မာ့သစ်လုပ်ငန်း တိုင်းဒေသကြီးဦးစီးမှူးထံ တိုင်းဒေသကြီး၏ ဒေသန္တရစီမံကိန်းတာဝန်အား လည်းကောင်း၊ ဝန်ဆောင်မှုကဏ္ဍကြီး စီမံကိန်း တာဝန်အား တိုင်းဒေသကြီးအဆင့် ဌာနဆိုင်ရာများကိုယ်စား မြန်မာ့စီးပွားရေးဘဏ် တိုင်းဒေသ ကြီး ဘဏ်မန်နေဂျာထံ တိုင်းဒေသကြီး၏ ဒေသန္တရစီမံကိန်းတာဝန်အား လည်းကောင်း၊ ဒေသဖွံ့ ဖြိုးရေးကဏ္ဍကြီးစီမံကိန်းတာဝန် အားတိုင်းဒေသကြီးအဆင့် ဌာနဆိုင်ရာများကိုယ်စား တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးထံ တိုင်းဒေသကြီး၏ ဒေသန္တရစီမံကိန်း တာဝန်အားလည်းကောင်း၊ သက်ဆိုင်ရာခရိုင်များ၏ ဒေသန္တရစီမံကိန်းတာဝန်များအား ခရိုင်စီမံ အုပ်ချုပ်ရေးအဖွဲ့ ဥက္ကဋ္ဌများကိုယ်စား မုံရွာခရိုင်စီမံအုပ်ချုပ်ရေးမှူးထံအား လည်းကောင်း အသီး သီးပေးအပ်ခဲ့ပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ၊ ဧပြီ ၁၀

မြန်မာနိုင်ငံတစ်ဝန်းရှိ စာကြည့်တိုက်များဖွံ့ဖြိုးတိုးတက်ရေးအတွက် အလှူငွေနှင့်စာအုပ်စာစောင်များ ပေးအပ်လှူဒါန်းပွဲ အခမ်းအနားကို ဧပြီလ ၁၀ ရက်၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမ၌ ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် စေတနာရှင်၊ အလှူ ရှင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့နိုင်ငံသည် ကျေးလက်နေ ပြည်သူ ၇၀ ရာခိုင်နှုန်းရှိသည့်အတွက် ကျေးလက်ဒေသနေပြည်သူများ စာအုပ်စာပေဖတ်ရှုရန် နှင့်စာအုပ်စာစောင်များ လက်လှမ်းတမီထားရှိပေးရန်အတွက် စာကြည့်တိုက်များအား အမှန်တကယ် အားကိုးအားထားပြုကြရမှာ ဖြစ်ပါကြောင်း၊ ကျေးလက်နေပြည်သူများ၏ စီးပွားရေး၊ ပညာရေး၊ ကျန်းမာရေး၊ လူမှုရေး၊စိုက်ပျိုးရေးများ ဖွံ့ဖြိုးတိုးတက်လာသည်နှင့်အမျှ မိမိတို့နိုင်ငံ လည်း ဖွံ့ဖြိုးတိုးတက်လာမှာ ဖြစ်ပါကြောင်း၊ နိုင်ငံတော်အကြီးအကဲ၏ လမ်းညွှန်ချက်နှင့်အညီ ပြည်သူများစာပေကို လက်လှမ်းတမီနှင့် စာဖတ်သည့်အလေ့အထ စွဲမြဲရရှိပြီး အသိဗဟုသုတများ မြင့်မားတိုးတက်လာအောင် စာကြည့်တိုက်များ ထူထောင်ဖွင့်လှစ်ခဲ့ခြင်းဖြစ်ပါကြောင်း၊ စာပေတွင်ရသစာပေနှင့် သုတစာပေဟူ၍ရှိရာ လူတို့၏နှလုံးသားအာဟာရ၊ ဦးနှောက်အာဟာရတို့ အတွက် စာပေတို့ကိုဖတ်ရှုရန် လိုအပ်ပါကြောင်း၊

မိမိတို့တိုင်းဒေသကြီးအတွင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာန ခရိုင်/မြို့ နယ်/မြို့ရုံးအဆင့် စာကြည့်တိုက် ၄၅ တိုက်အား ပြန်ကြားရေးနှင့်ပြည်သူ့ဆက်ဆံရေး ဦးစီးဌာန မှတာဝန်ယူဖွင့်လှစ်ပေးလျက်ရှိရာ စာကြည့်တိုက်များမှာလည်း အမြဲသက်ဝင်လှုပ်ရှားလျက်ရှိကြပါကြောင်း၊ ပညာပြည့်ဝနှလုံးလှရန်အတွက် လူတိုင်းမိမိကိုယ်ကိုမြှင့်တင်ရန် မဖြစ်မနေလုပ် ရမည့်အလုပ်ကတော့ စာတတ်သူတိုင်းစာဖတ်ကြရန် လိုအပ်ပါကြောင်း၊ နည်းပညာဖွံ့ဖြိုးတိုး တက်လာသည်နှင့်အမျှ မီဒီယာ၏ပျံ့နှံ့မှုသည် အလွန်လျင်မြန်ပါကြောင်း၊ မီဒီယာသည် လူငယ်၊ လူရွယ်တစ်ယောက် ဘဝလမ်းမှားရောက်ရှိပြီး ဘဝတစ်ခုလုံးပျက်သွားအောင် ဆောင်ရွက်နိုင် သကဲ့သို့ လူငယ်လူရွယ်တစ်ယောက် မှန်မှန်ကန်ကန်နှင့် ဆောင်ရွက်နိုင်ပြီးတိုးတက်အောင် မြှင့်တင်ပေးနိုင်သည့် စွမ်းအားလည်းရှိပါကြောင်း၊ စာတတ်ရုံ၊ အတတ်ပညာပြည့်ဝရုံသာမက စဉ်းစားတွေးခေါ်ဉာဏ်နှင့် အသိပညာပြည့်ဝပြီး ဗလငါးတန်ပြည့်စုံသည့် လူငယ်များပေါ်ထွက် လာစေရေးအတွက် တာဝန်ရှိသူများနှင့်မိဘများ၊ ဆရာ/ဆရာမများက အလေးထားဆောင် ရွက်သွားကြရန် လိုအပ်ပါကြောင်း၊ ကျောင်းစာကြည့်တိုက်များ၊ ရပ်ကွက်/ကျေးရွာ စာကြည့်တိုက်များ ရှေရှည်တည်တံ့ဖွံ့ဖြိုးရေးတို့အား တာဝန်ရှိသူအားလုံးမှ ဝိုင်းဝန်းပူးပေါင်း ဆောင်ရွက် ပေးသွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်၊ တိုင်းဒေသကြီး တရားသူကြီးချုပ်နှင့် တိုင်းဒေ သကြီးအစိုးရအဖွဲ့များထံ အလှူရှင်များနှင့် တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများက စာကြည့်တိုက်များ ဖွံ့ဖြိုးတိုးတက်ရေးအတွက် အလှူငွေနှင့်စာအုပ်စာစောင်များအား ပေးအပ်လှူဒါန်းပြီး ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများမှ “ စာပဒေသာ ဝေဆာမည် ” Video Click အား ကြည့်ရှုအားပေးကာ စုပေါင်းမှတ်တမ်းတင် ဓါတ်ပုံ ရိုက်ကူးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက အဆိုပါခန်းမအတွင်း ခင်းကျင်းပြသထားသည့် စာအုပ်ပြပွဲနှင့် နံရံကပ်ဓါတ်ပုံပြဘုတ်များအား ကြည့်ရှုအားပေးခဲ့ ကြောင်း သိရသည်။

အဆိုပါ မြန်မာနိုင်ငံတစ်ဝန်းရှိ စာကြည့်တိုက်များဖွံ့ဖြိုးတိုးတက်ရေးအတွက် အလှူရှင် များနှင့် တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများမှ အလှူငွေကျပ် - ၈၁၂၁၆၁၀၀ ( ကျပ် ရှစ်ရာ့ တစ်ဆယ့်နှစ်သိန်း တစ်သောင်းခြောက်ထောင်တစ်ရာ)နှင့် ၆၈ သိန်း တန်ဖိုးရှိ သုတရသ စာအုပ်ပေါင်း ၂၂၃၀ အုပ်အား ပေးအပ်လှူဒါန်းခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ၂၀၂၄-ခုနှစ်၊ အခြေခံ စာတတ်မြောက်ရေးလုပ်ငန်းများဆောင်ရွက်နေသည့် မုံရွာမြို့၊ လယ်တီရပ်ကွက်ရှိ အခြေခံ ပညာအလယ်တန်းကျောင်း(ခွဲ)ရှိ စာသင်ဝိုင်းသို့ရောက်ရှိရာ စာသင်ဝိုင်း ၃ ဝိုင်းတွင် ကြီးကြပ် ၁ ဦး၊ နည်းပြ ၄ ဦးနှင့်စာသင်သား၊ စာသင်သူ ၅၂ ဦးတို့ဖြင့် စာသင်ကြားနေမှုများအားလိုက်လံ ကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက်အားပေးကာ တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ် ခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အောင်ချမ်းသာရပ်ကွက်ရှိ အခြေခံပညာမူလတန်းကျောင်းရှိ စာသင်ဝိုင်းသို့ရောက်ရှိရာ စာသင်ဝိုင်း ၃ ဝိုင်းတွင် ကြီးကြပ် ၁ ဦး၊ နည်းပြ ၃ ဦးနှင့် စာသင်သား၊စာသင်သူ ၅၀ ဦးတို့ဖြင့် စာသင်ကြားနေမှုများအား လိုက်လံကြည့်ရှုအားပေးပြီး စာသင်သား၊စာသင်သူများအား ရင်းရင်းနှီးနှီးလိုက်လံနှုတ်ဆက် အားပေးပြီး တာဝန်ရှိသူများနှင့်အတူ စာသင်သားတစ်ဦးချင်းအတွက် စားသောက်ဖွယ်ရာများ ပေးအပ်ခဲ့ကြပြီး စာသင်ဝိုင်းများအတွက် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ ဧပြီ ၉

စစ်ကိုင်းတိုင်းဒေသကြီး ၁၃၈၅-ခုနှစ်၊ မဟာသင်္ကြန်ပွဲတော် အောင်မြင်စွာကျင်းပရေး (ဒုတိယအကြိမ်)လုပ်ငန်းညှိနှိုင်းအစည်းအဝေးကို ဧပြီလ ၉ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် ကော်မတီဝင်များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ မဟာသင်္ကြန်ပွဲတော်အား စည်ကားသိုက်မြိုက်စွာ ကျင်းပနိုင်ရေးအတွက် သက်ဆိုင်ရာကော်မတီများအလိုက် မိမိတို့ တာဝန်ယူဆောင်ရွက်မည့် လုပ်ငန်းများအောင်မြင်အောင် ဆောင်ရွက်နိုင်ရေး ကော်မတီအချင်း ချင်း ပူးပေါင်းဆောင်ရွက်သွားကြရန် လိုအပ်ပါကြောင်း၊ ကော်မတီအဖွဲ့ဝင်အားလုံးအနေဖြင့် သင်္ကြန်ပွဲတော်တွင် လာရောက်ကြမည့် ပြည်သူများအား ပျော်ရွှင်စွာရေကစားနိုင်ရေး၊ သင်္ကြန်ရိုး ရာယိမ်းအကများဖြင့် ဖျော်ဖြေရေး၊ စတုဒီသာကျွေးမွေးရေး၊ ကျန်းမာရေးစောင့်ရှောက်မှုပေးရေးနှင့် လုံခြုံရေးဆိုင်ရာများကို အပြည့်အဝ ဆောင်ရွက်ပေးရန် လိုအပ်ပါကြောင်း၊ မဟာသင်္ကြန်ပွဲတော်အား ဖျော်ဖြေရေးအစီအစဉ်အဖြစ် နိုင်ငံကျော်အဆိုတော်၊ ရုပ်ရှင် သရုပ်ဆောင်များဖြင့် စည်စည်ကားကား ကျင်းပဆောင်ရွက်သွားမည် ဖြစ်ပါကြောင်း၊ မြန်မာနှစ်ဆန်း ၁ ရက်နေ့တွင်လည်း သက်ကြီးပူဇော်ပွဲ၊ ဇီဝိတငါးလွှတ်ပွဲများ နှင့်ပရိတ်ရွတ်ဖတ်ပူဇော် ခြင်းများအား ဆောင်ရွက်သွားမည် ဖြစ်ပါကြောင်းနှင့် ကော်မတီအဖွဲ့ဝင်အားလုံးအနေဖြင့် လုပ်ငန်းများဆောင်ရွက်ရာတွင် လုံခြုံရေးအသိ၊သတိတို့ဖြင့် ဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ယင်းနောက် ကျင်းပရေးဦးစီးကော်မတီ ဥက္ကဋ္ဌ၊ တိုင်းဒေသကြီး လူမှုရေးရာဝန်ကြီး ဦးညွန့်ဝင်းအောင်က မြန်မာ့ရိုးရာမဟာသင်္ကြန်ပွဲတော် အောင်မြင်စွာကျင်းပနိုင်ရေးအတွက် လုပ်ငန်းများဆောင်ရွက်နေသည့် အခြေအနေများအား ရှင်းလင်းပြောကြားသည်။

ယင်းနောက် တိုင်းဒေသကြီးအဆင့် ဌာနဆိုင်ရာများမှ မိမိတို့ကော်မတီများအလိုက် တာဝန်ယူဆောင်ရွက်သွားမည့် လုပ်ငန်းအခြေအနေများနှင့် ပတ်သက်၍ အသီးသီး ရှင်းလင်း တင်ပြကြသည်။

ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရအဖွဲ့ဝင် များနှင့် တိုင်းဒေသကြီးအဆင့် ဌာနဆိုင်ရာများက မြန်မာ့ရိုးရာယဉ်ကျေးမှု မဟာသင်္ကြန်ပွဲတော် အောင်မြင်စွာကျင်းပနိုင်ရေးအတွက် လိုအပ်သည်များကို အထွေထွေဆွေးနွေး တင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားကာ အစည်းအဝေးကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ၁၃၈၅-ခုနှစ်၊ မဟာသင်္ကြန်ပွဲတော် စည်ကားသိုက်မြိုက်စွာ ကျင်းပနိုင်ရန်အတွက် လမ်းလျှောက် သင်္ကြန်ကျင်းပပြုလုပ်မည့် ကန်သာယာကန်အနီး ဗိုလ်ချုပ်လမ်းမကြီးပေါ်၌ ဗဟိုမဏ္ဍပ်၊ ဝန်ကြီး ဌာနမဏ္ဍပ်များနှင့် စတုဒီသာမဏ္ဍပ်များ တည်ဆောက်နေမှုများအား သွားရောက်ကြည့်ရှုစစ်ဆေးပြီး လျှပ်စစ်မီး၊ရေပြတ်လပ်မှုမရှိစေရေး၊ ယာဉ်များ စနစ်တကျထားရှိရေး၊ လာရောက် ရေကစားမည့်သူများ ဘေးအန္တရာယ်ကင်းရှင်းရေးနှင့် အပူဒဏ်ကို ကာကွယ်နိုင်မည့် ရေပန်းများ တပ်ဆင်ရေးတို့အား မှာကြားကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။