မုံရွာ၊ မတ် ၂၃

စစ်ကိုင်းမြို့၊ စစ်ကိုင်းတောင်ရိုးရှိ ဆရာတော်၊သံဃာတော်များ စိတ်အေးချမ်းသာစွာဖြင့် တရားဘာဝနာပွားများနိုင်ရေးနှင့် နေထိုင်သွားလာမှု အဆင်ပြေစေရေး၊ ကျောင်းတိုက်ကြီး အတွင်းရှိ လမ်းများသန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်း လင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေးတို့ အတွက် မတ်လ ၂၃ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်း တောင်ရိုး သီတဂူဝိပဿ နာအကယ်ဒမီကျောင်းတိုက်အတွင်း တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင် သာယာရေးအဖွဲ့များ နှင့် လူမူရေးအသင်းအဖွဲ့များ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။

အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေသူများအား ရင်းရင်းနှီးနှီး နှုတ်ဆက်ခဲ့သည်။

အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၁ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြသည်။

မုံရွာ၊ မတ် ၂၃

စစ်ကိုင်းတိုင်းဒေသကြီး၊ စစ်ကိုင်းမြို့၊ စစ်ကိုင်းတောင်ရိုး သီတဂူကမ္ဘာ့ဗုဒ္ဓတက္ကသိုလ်များ ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ကြီးမှူး၍ စစ်ကိုင်းတောင်ရိုးရှိ သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ မင်္ဂလာအခမ်းအနားကို မတ်လ ၂၃ ရက်နေ့၊ နံနက်ပိုင်းတွင် စစ်ကိုင်းမြို့၊ စစ်ကိုင်းတောင်ရိုး၊ သီတဂူဝိပဿနာအကယ်ဒမီကျောင်းတိုက်ကြီးအတွင်း ကျင်းပရာ ဆွမ်းဆန်စိမ်းလောင်းလှူပွဲသို့ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ၊ ပင့်သံဃာဆရာတော်/သံဃာတော်များ၊ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာ၊ မြို့မိမြို့ဖများနှင့် အလှူရှင်များ တက်ရောက်ကြသည်။

ဦးစွာ ဆရာတော်/သံဃာတော်များအား တိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာ၊ မြို့မိ မြို့ဖများနှင့် အလှူရှင်များက ဝတ္ထုငွေနှင့်ဆွမ်းဆန်စိမ်းများ လောင်းလှူကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ဆွမ်းဆန်စိမ်းများ လောင်းလှူနေမှုများအား ကြည့်ရှုအားပေးခဲ့ကြသည်။

ယင်းနောက် အဆိုပါကျောင်းတိုက်ကြီးအတွင်းရှိ သီတဂူသံဝေဇနိယဓမ္မဗိမာန်တော်ကြီး ၌ စစ်ကိုင်းတောင်ရိုးရှိ သံဃာအပါး ၁၀၀၀ ဆွမ်းဆန်စိမ်းလောင်းလှူပွဲ ရေစက်ချမင်္ဂလာ အခမ်းအနားကိုကျင်းပရာ သီတဂူဆရာတော်ကြီး ဒေါက်တာဘဒ္ဒန္တဉာဏိဿရ၊ တိုင်းဒေသကြီး ဝန်ကြီးချုပ်နှင့် ဧည့်ပရိသတ်များက နမောတဿ ၃ ကြိမ်ရွတ်ဆိုဘုရားကန့်တော့၍ အခမ်း အနားအား ဖွင့်လှစ်ကြသည်။

ထို့နောက် နိုင်ငံတော်သြဝါဒါစရိယ၊ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက၊ သောဠသမရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တဉာဏိဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့် ပရိတ်သတ်များက ငါးပါးသီလ ခံယူဆောက်တည်ကြသည်။

ဆက်လက်၍ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော်၊ ဒေါက်တာဘဒ္ဒန္တ ဉာဏိဿရ ဆရာတော်ကြီးမှ ဩဝါဒကထာမိန့်ကြားချီးမြင့်တော်မှုပြီး ဆရာတော်ကြီးထံ တိုင်း ဒေသကြီး ဝန်ကြီးချုပ်နှင့် အလှူရှင်များက ဒါတပ္ပဝတ္ထုအစုစုတို့အား ဆက်ကပ်လှူဒါန်းခဲ့ကြ သည်။

ယင်းနောက် သီတဂူဆရာတော်ကြီးမှ မေတ္တာပို့အမျှဝေးကာ အခမ်းအနားကို ရုပ်သိမ်းခဲ့ ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် စစ်ကိုင်းမြို့နယ်၊ စစ်ကိုင်းတောင်ရိုးရှိ ကျောင်းတိုက်များ၊ ချောင်များ၊ သီလရှင်ကျောင်းများနှင့် ပြည်သူများ သန့်ရှင်းသောသောက်သုံးရေကို ရာသီမရွေး ဧရာဝတီမြစ်မှရရှိရေးအတွက် မြစ်အတွင်း၌ အလျား- ၂၈၅၀ မီတာ၊ အကျယ်- ၃၅ မီတာ၊ အနက် ၂.၅ မီတာ ရေကြောင်းရရှိရန် ဆောင်ရွက်နေသည့် သောင်တူး၍ရေလမ်းဖောက်ခြင်းလုပ်ငန်းခွင်သို့ ရောက်ရှိရာ တိုင်းဒေသ ကြီးရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူးမှ လုပ်ငန်းများဆောင်ရွက် ပြီးစီးမှုများ အား Power Point ဖြင့် ရှင်းလင်းတင်ပြသည်။

ထို့နောက် တိုင်းဒေသကြီး ဝန်ကြီးချုပ်က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ဧရာဝတီမြစ်အတွင်း အလျား- ၂၈၀၀ မီတာ၊ အကျယ် ၃၅ မီတာ၊ အနက် ၂.၅ မီတာ သောင်တူး၍ ရေလမ်းဖောက်ခြင်း လုပ်ငန်းများဆောင်ရွက်ပြီးစီးမှုအား ရေလမ်းကြောင်းတစ်လျောက်အားရေယာဉ်ဖြင့် လိုက်လံ ကြည့်ရှုစစ်ဆေးခဲ့ကြောင်း သိရသည်။

မုံရွာ၊ မတ် ၂၂

၂၀၂၃-၂၀၂၄ ဘဏ္ဍာရေးနှစ်၊ ပြည်နယ်နှင့်တိုင်းဒေသကြီး အားကစားပြိုင်ပွဲများတွင် အောင်မြင်မှုများရရှိခဲ့သည့် စစ်ကိုင်းတိုင်းဒေသကြီးဂုဏ်ဆောင် အားကစားသမားများအား ဂုဏ်ပြုဆုချီးမြှင့်ပွဲ အခမ်းအနားကို မတ်လ ၂၂ ရက်နေ့၊ နံနက်ပိုင်းတွင် စစ်ကိုင်းမြို့၊ မြို့တော် ခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ နည်းပြ/အုပ်ချုပ်သူ များနှင့် ဆုရပြိုင်ပွဲဝင်အားကစားသမားများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတိုင်းဒေသကြီးအနေဖြင့် အားကစားအဆင့်အတန်း မြင့်မားရေးအတွက် ဘက်ပေါင်းစုံကနေ မြှင့်တင်ပေးလျှက်ရှိပြီး အဆင့်မြင့်အားကစားကွင်း/အားကစားရုံများအနေဖြင့် မုံရွာမြို့၊ ပြည်သူ့အားကစားကွင်းတွင် Synthetic ပြေးလမ်း(၁)ခု၊ တောင်ဘက်ပွဲကြည့်စင် ၁ ခုနှင့် ဖူဆယ် ၁ ရုံ၊ စစ်ကိုင်းမြို့ နှစ်(၇၀၀)ကွင်းတို့တွင် Synthetic ပြေးလမ်း(၁)ခု၊ ဖူဆယ်ရုံနှင့် လက်ဝှေ့ရုံ ၁ ရုံစီတို့အား ထပ်မံ တည်ဆောက်ပေးထားခဲ့ပြီး ထူးချွန်သော အားကစားသမားများ ပေါ်ပေါက်လာရေးအတွက် အား ကစားပြိုင်ပွဲများ စဉ်ဆက်မပြတ်ကျင်းပပေးခဲ့ကာ ပြိုင်ပွဲများမှအရည်အချင်းရှိသည့် ထူးချွန် သောအားကစားသမားများအား ရွေးချယ်စုဖွဲ့စခန်းသွင်းလေ့ကျင့်ယှဉ် ပြိုင်ခဲ့ပါကြောင်း၊ အားက စားကို နိုင်ငံတော်အဆင့်မှနေပြီး ဝန်ကြီးဌာနအလိုက် အားကစားပြိုင်ပွဲများ၊ ပြည်နယ်နှင့် တိုင်းဒေသကြီး အားကစားပြိုင်ပွဲများကို ကျင်းပပေးပြီး ချီးမြှှင့်မြောက်စားနေတာကို အားလုံး အသိဘဲဖြစ်ပါကြောင်း၊ စစ်ကိုင်းတိုင်းဒေသကြီး၏ တာဝန်ရှိသူများအနေနှင့် လိုအပ်ချက်များအား ဖြည့်ဆည်း ဆောင်ရွက်ပေးလျှက်ရှိပြီး အားကစားဆပ်ကော်မတီများနှင့် အားကစားသမားများ မှလည်း စိတ်ရောကိုယ်ပါအားထုတ်ပြီး ကြိုးစားဆောင်ရွက်သွားကြရန် လိုအပ်ပါကြောင်း၊ တိုင်းဒေသကြီး ၏ဂုဏ်ကို အားကစားစွမ်းဆောင်မှုဖြင့် မြှင့်တင်ပေးခဲ့ကြသည့် အားကစားသမားများ၊ နည်းပြ၊ အုပ်ချုပ်သူများအား မှတ်တမ်းတင်ဂုဏ်ပြုပါကြာင်းနှင့် ယခုရရှိထားသည့် အောင်မြင်မှုအဆင့် တွင် ရပ်တန့်မနေဘဲ လာမည့်ပဉ္စမအကြိမ်မြောက် အမျိုးသားအားကစားပွဲတော်နှင့် နောင်နှစ် များအတွက် ယခုထက်ပိုမိုအောင်မြင်အောင် ကြိုတင်ပြင်ဆင်လေ့ကျင့်ထားပြီး စစ်ကိုင်းတိုင်းဒေ သကြီး၏ဂုဏ်ကို အားကစားဖြင့် ဆထက်ထမ်းပိုး မြှင့်တင်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်ထံ ဆုရပြိုင်ပွဲဝင်အားကစားသမားများနှင့် အသင်းအုပ်ချုပ်များက ပိုက်ကျော်ခြင်း (ကျား/မ) တံခွန်စိုက်၊ U 25 (ကျား) ပြေးခုန်ပစ် တံခွန် စိုက်၊ ဘက်စကက်ဘော (မ) 3x3 တံခွန်စိုက်၊ ဘက်ကက်ဘော (ကျား) 5x5 တံခွန်စိုက်၊ ဖိတ်ခေါ်ဘက်စကက်ဘော (မ)ရန်ကုန် တံခွန်စိုက်နှင့် ဖိတ်ခေါ်ဘက်စကက်ဘော (မ)မန္တလေး တံခွန်စိုက်ဆုများအား အပ်နှံကြပြီး ဆုတံဆိပ်များရရှိအောင် စွမ်းဆောင်ပေးခဲ့ကြသည့် အုပ်ချုပ်/ နည်းပြ(၅၆)ဦးအတွက် ကိုယ်စားလှယ် ၂ ဦးနှင့် တံခွန်စိုက်ဆုရရှိခဲ့ကြသည် အားကစားအသင်းများထံ ဂုဏ်ပြုချီးမြှင့်ငွေကျပ်- ၄၅၃ သိန်း (လေးရာငါးဆယ်သုံးသိန်း)အား ပေးအပ်ချီးမြှင့် ခဲ့သည်။

ဆက်လက်ပြီး တိုင်းဒေသကြီး အစိုးရအဖွဲ့ဝင်များနှင့် တိုင်းဒေသကြီးအဆင့် ဌာနဆိုင်ရာများက ၂၀၂၃-၂၀၂၄ ဘဏ္ဍာရေးနှစ်၊ ပြည်နယ်နှင့်တိုင်းဒေသကြီး အားကစားပြိုင်ပွဲများတွင် ရွှေ/ငွေ/ကြေးဆုတံဆိပ်များရရှိခဲ့သည့် အားကစားသမားများအား ဂုဏ်ပြုချီးမြင့်ငွေများ အသီး သီးပေးအပ်ချီးမြှင့်ကြသည်။

ထို့နောက် ဆုများရရှိခဲ့သည့် အုပ်ချုပ်/နည်းပြ/အားကစားသမားများကိုယ်စား ပြိုင်ပွဲဝင် အားကစားသမားတစ်ဦးက ကျေးဇူးတင်စကားပြန်လည်ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက် ရောက်လာကြသည့် ပြိုင်ပွဲအားကစားသမားများအား ရင်းရင်းနှီးနှီး လိုက်လံနှုတ်ဆက်အားပေး ပြီး အခမ်းအနားကို ရုပ်သိမ်းခဲ့သည်။

အဆိုပါ ၂၀၂၃-၂၀၂၄ ဘဏ္ဍာရေးနှစ်၊ ပြည်နယ်နှင့်တိုင်းဒေသကြီး အားကစားပြိုင်ပွဲများ တွင် စစ်ကိုင်းဒေသကြီးအနေဖြင့် ၂၀၂၃-ခုနှစ်၊ ပြည်နယ်နှင့်တိုင်းဒေသကြီး အားကစားပြိုင်ပွဲများ တွင် ရွှေ(၂၀)၊ ငွေ(၃၇)၊ ကြေး(၃၉) ပြေးခုန်ပစ်အမျိုးသား တံခွန်စိုက်ဖလား(၁)ခု၊ ပိုက်ကျော်ခြင်း
အားကစားနည်းတွင် အမျိုးသားတံခွန်စိုက်(၁)ခုနှင့် အမျိုးသား/အမျိုးသမီး စုပေါင်းတံခွန်စိုက် ဖလား(၁)ခု၊ ဘတ်စကက်ဘော အမျိုးသမီးတံခွန်စိုက်ဖလား(၂)ခု၊ ရန်ကုန်မြို့နှင့် မန္တလေးမြို့ များတွင် ကျင်းပခဲ့သည့်ဖိတ်ခေါ် ဘတ်စကက်ဘောပြိုင်ပွဲများတွင် တံခွန်စိုက်ဆု(၂)ခု ပြည်နယ် နှင့်တိုင်းဒေသကြီး ဘတ်စကက်ဘောပြိုင်ပွဲများတွင် (၃)ဦးတွဲနှင့်(၅)ဦးတွဲတွင် တံခွန်စိုက်ဆုများ ရရှိခဲ့ကြပြီး ပြိုင်ပွဲဝင်အားကစားသမားများအား တိုင်းဒေသကြီးအစိုးရအဖွဲ့မှ ဂုဏ်ပြုချီးမြင့်ငွေ ကျပ် သိန်း- ၁၀၄၃ (တစ်ထောင်လေးဆယ်သုံးသိန်း)အား ပေးအပ်ချီးမြှင့်ခဲ့ကြောင်း သိရသည်။

မုံရွာ၊ မတ် ၂၀

စစ်ကိုင်းတိုင်းဒေသကြီး ၊စစ်ကိုင်းမြို့၊ ရာဇာမဏိစူဠာ ကောင်းမှုတော်စေတီတော်မြတ်ကြီး၌ ဆိုလာလျှပ်စစ်တပ်ဆင်ရန်အတွက် အလှူငွေဆက်ကပ်လှူဒါန်းခြင်း အခမ်းအနားကို မတ်လ ၂၀ ရက်နေ့၊ နံနက်ပိုင်းတွင် အဆိုပါ စေတီတော်ကြီးရှိ အောင်မြင်ဗောဓိဓမ္မာရုံ၌ ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

ဦးစွာ နမောတဿ သုံးကြိမ်ရွတ်ဆို ဘုရားကန့်တော့၍ အခမ်းအနားအား ဖွင့်လှစ်ကြပြီး စစ်ကိုင်းမြို့၊ တင်းတိပ်ရပ်ကွက်၊ အိမ်ဖြူတောရကျောင်းတိုက် ဘဒ္ဒန္တကောသလ္လ ဆရာတော်ကြီး ထံမှ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ ငါးပါးသီလ ခံယူဆောက်တည်ကြသည်။

ယင်းနောက် တိုင်းဒေသကြီး ဝန်ကြီးချုပ် ဦးမြတ်ကျော်က သာသနာရေးဆိုင်ရာ များလျှောက်ထားပြီး ဂေါပကအဖွဲ့ဥက္ကဋ္ဌထံ ရာဇာမဏိစူဠာ ကောင်းမှုတော်စေတီတော်မြတ်ကြီး၌ ဆိုလာလျှပ်စစ်မီးတပ်ဆင်ရန်အတွက် အလှူငွေကျပ် သိန်း-၁၀၀၀(သိန်းတစ်ထောင်)နှင့် စေတီ တော်ကြီး၏ အနောက်ဘက်နှင့်မြောက်ဘက်မုဒ်ဦး ပြုပြင်မွန်းမံရန်အတွက် ဘိလပ်မြေအိတ် - ၅၀၀ (ငါးရာ)တို့အား လှူဒါန်းခဲ့သည်။

ဆက်လက်ပြီး အခမ်းအနားသို့ တက်ရောက်လာကြသော ရာဇာမဏိစူဠာ ကောင်းမှုတော် စေတီတော်မြတ်ကြီး၏ သြဝါဒါစရိယ ဆရာတော်ကြီးများမှ သြဝါဒချီးမြှင့်တော်မူကြပြီး စစ်ကိုင်းမြို့၊ ဆွမ်းချက်ရပ်ကွက်၊ ရွှေစေတီကျောင်းတိုက် ဘဒ္ဒန္တဥတ္တမဿရ ဆရာတော်ကြီးထံမှ တိုင်းဒေသကြီး ဝန်ကြီးချုပ်နှင့် ဧည့်ပရိတ်သတ်များက အနုမောဒနာတရားနာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကြကာ ဗုဒ္ဓသာသနံ စိရံတိဌတု သုံးကြိမ်ရွတ်ဆို ဆုတောင်းပြီး အခမ်းအနားကို ရုပ်သိမ်းခဲ့ကြသည်။

ထို့နောက် စစ်ကိုင်းမြို့၊ ရာဇာမဏိစူဠာကောင်းမှုတော် စေတီတော်မြတ်ကြီး၏ သြဝါဒါ စရိယဆရာတော်ကြီးများ၊ တိုင်းဒေသကြီး ဝန်ကြီးချုပ်နှင့် တာဝန်ရှိသူများမှ စေတီတော်မြတ်ကြီး ပျက်စီးယိုယွင်းမှုမရှိစေဘဲ ရေရှည်တည်တံ့စွာကိုးကွယ်နိုင်ရန် ထိန်းသိမ်းထားမှုများ၊ စေတီတော်မြတ်ကြီးနှင့်ရင်ပြင်တွင် လျှပ်စစ်မီးတိုင်များ ထွန်းညှိပူဇော်နိုင်ရေးနှင့် စေတီတော်ကြီးသို့ လာရောက်ကြမည့် ဘုရားဖူးပြည်သူများ စိတ်အေးချမ်းသာစွာဖြင့် ဖူးမျှော်နိုင်ရန် စေတီတော်ကြီး ပတ်ဝန်းကျင် သန့်ရှင်းသပ်ရပ်ရေးတို့အား လိုက်လံကြည့်ရှုစစ်ဆေးကာ လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် စစ်ကိုင်းမြို့၊ အမှတ် (၃၃)ခြေမြန်တပ်မဌာနချုပ် အောင်စစ်သည်ခန်းမ၌ ကျင်းပပြုလုပ်သည့် စစ်ကိုင်းတပ်နယ် အတွင်း လုံခြုံရေးဆောင်ရွက်နေသော တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်များအား စားသောက်ဖွယ်ရာများ ထောက်ပံ့ပေးအပ်ပွဲ အခမ်းအနားသို့ တက်ရောက် ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စစ်ကိုင်းတပ်နယ်အတွင်း လုံခြုံရေး ဆောင်ရွက်နေသော တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်များအား စားသောက်ဖွယ်ရာများ ထောက်ပံ့ပေးအပ်ရခြင်းနှင့် တိုင်းဒေသကြီးအတွင်း ထောက်ပံ့ပေးခဲ့မှု အခြေအနေအရပ်ရပ်အား ရှင်းလင်းပြောကြား သည်။

ယင်းနောက် တိုင်းဒေသကြီး ဝန်ကြီးချုပ်က တပ်မတော်သားများ၊ မြန်မာနိုင်ငံရဲတပ်ဖွဲ့ ဝင်များနှင့် ပြည်သူ့စစ်အဖွဲ့ဝင်များအတွက် တာဝန်ရှိသူများထံ စားသောက်ဖွယ်ရာများ ထောက်ပံ့ပေးအပ်ခဲ့ပြီး စစ်ကိုင်းတပ်နယ်မှူး ဗိုလ်မှူးကြီး စိုးဦးဟန်က ကျေးဇူးတင်စကား ပြန်လည် ပြောကြားသည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ပြီး အခမ်းအနားကို ရုပ်သိမ်းခဲ့ကြောင်း သိရသည်။

မုံရွာ၊ မတ် ၁၉

စစ်ကိုင်းတိုင်းဒေသကြီး ကလေးအလုပ်သမားပပျောက်ရေးကော်မတီ လုပ်ငန်းညှိနှိုင်း အစည်းအဝေးကို မတ်လ ၁၉ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ကလေးအလုပ်သမားပပျောက် ရေးကော်မတီ နာယက၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ ကော်မတီအဖွဲ့ဝင်များ တက်ရောက်ကြသည်။

ဦးစွာ တိုင်းဒေသကြီး ကလေးအလုပ်သမားပပျောက်ရေးကော်မတီ နာယက၊ တိုင်းဒေသကြီး ဝန်ကြီးချုပ် ဦးမြတ်ကျော်က ကလေးအလုပ်သမားပပျောက်ရေးဆိုင်ရာ လုပ်ငန်းဆောင်ရွက်ချက်များသည် လုံခြုံမှုမရှိသည့် အားနည်းနေသော ကလေးအလုပ်သမားအများစုအတွက် လူမှု အကာအကွယ် အထောက်အပံ့ပေးနိုင်ရန် မဖြစ်မနေလိုအပ်သည့် ကိစ္စဖြစ်သည့်အပြင် ပညာရေး၊ လူမှုအကာအကွယ်၊ တရားမျှတမှု၊ အလုပ်သမားဈေးကွက်များနှင့် သက်ဆိုင်သည့် မူဝါဒအားလုံးတွင်အလေးထားဆောင်ရွက်ရန် လုပ်ငန်းတစ်ခုဖြစ်ပါကြောင်း၊ ကလေးသူငယ်များအား လုပ်ငန်း ခွင်၌ ဆောလျင်စွာအသုံးချပါက ၎င်းတို့၏ အသက်မွေးဝမ်းကြောင်းဆိုင်ရာ အခွင့်အရေးများဆုံး ရှုံးနိုင်ပြီး တန်ဖိုးရှိသည့်လူငယ်၊လူရွယ်များဖြစ်နိုင်မည့် အခွင့်အရေးအား အဟန့်အတားဖြစ်စေ သည့်အပြင် ကလေးအလုပ်သမား အသုံးပြုခြင်းအားဖြင့် နိုင်ငံ၏လူစွမ်းအားအရင်း အမြစ်များ အားဆုံးရှုံးစေနိုင်သည့် အကြောင်းအရင်းတစ်ခုဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး ကလေးအလုပ်သမားပပျောက်ရေးကော်မတီ ဥက္ကဋ္ဌ၊ တိုင်းဒေသကြီး လူမှုရေးရာဝန်ကြီး ဦးညွှန်ဝင်းအောင်က ကလေးအလုပ်သမားပပျောက်ရေး ကော်မ တီ၏ လုပ်ငန်းများဆောင်ရွက်နေမှုများနှင့် ပတ်သက်၍ ရှင်းလင်း တင်ပြသည်။

ဆက်လက်၍ တိုင်းဒေသကြီး ကလေးအလုပ်သမားပပျောက်ရေးကော်မတီမှ အတွင်းရေးမှူးများနှင့် အဖွဲ့ဝင်များက မိမိတို့ကော်မတီများအလိုက် ဆောင်ရွက်နေသည့်လုပ်ငန်းအခြေ အနေများနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား အသီးသီးရှင်းလင်း တင်ပြကြသည်။

ထို့နောက် တိုင်းဒေသကြီး အစိုးရအဖွဲ့ဝင်များနှင့် ကော်မတီအဖွဲ့ဝင်များမှ တိုင်းဒေသကြီး ကလေးအလုပ်သမားပပျောက်ရေး လုပ်ငန်းများနှင့် ပတ်သက်၍ အထွေထွေ အကြံပြုဆွေးနွေး တင်ပြကြသည်။

ဆက်လက်၍ တိုင်းဒေသကြီး ကလေးအလုပ်သမားပပျောက်ရေးကော်မတီ နာယက၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီး အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။

မုံရွာ၊ မတ် ၁၉

(၇၉)နှစ်မြောက် တပ်မတော်နေ့ကို ဂုဏ်ပြုကြိုဆိုသောအားဖြင့် စစ်ကိုင်းတိုင်းဒေသကြီး၊ မုံရွာမြို့၊ နန္ဒဝန်ရပ်ကွက်၊ စည်သူလမ်း နိုင်လွန်ကတ္တရာလမ်းသစ်ဖွင့်ပွဲ အခမ်းအနားကို မတ်လ ၁၉ ရက်နေ့၊ နံနက်ပိုင်းတွင် အဆိုပါလမ်းသစ်မုဒ်ဦးရှေ့တွင် ကျင်းပပြုလုပ်ရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ မြို့မိမြို့ဖများနှင့် ရပ်ကွက်နေပြည်သူများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယခုဖွင့်လှစ်သည့်လမ်းသည် ကျောက္ကာလမ်း၏ ယာဉ်ကြောရှုပ်ထွေးမှုအား လျှော့ချနိုင်သကဲ့သို့ နန္ဒဝန်ရပ်ကွက်အတွင်းရှိ ဌာန ဆိုင်ရာရုံးများ၊ လူနေအိမ်များနှင့် အများပြည်သူတို့အတွက် များစွာအကျိုးရှိသည့် လမ်းတစ်လမ်း ဖြစ်ပါကြောင်း၊ မိမိတို့တိုင်းဒေသကြီး အစိုးရအဖွဲ့အနေဖြင့် နိုင်ငံတော်၏ အမျိုးသားရေးရည်မှန်း ချက်(၂)ရပ်ဖြစ်သည့် တိုင်းပြည်သာယာဝပြောရေးနှင့် စားရေရိက္ခာဖူလုံရေး လုပ်ငန်းစဉ်များတွင် တိုင်းရင်းသားပြည်သူလူထုတို့နှင့်အတူ ကျရာအခန်းကဏ္ဍများမှ တက်ကြွစွာပူးပေါင်းပါဝင် ဆောင်ရွက်လျှက်ရှိပါကြောင်း၊ ဒို့တာဝန်အရေး(၃)ပါးအား အမျိုးသားရေးမူဝါဒအဖြစ် အမြဲဦးထိပ် ပန်ဆင်ပြီး နိုင်ငံတော်အကျိုး၊ ပြည်သူလူထုအကျိုးစီးပွားများကို ဦးတည်ကြိုးပမ်း ဆောင်ရွက် လျှက်ရှိပါကြောင်း၊ မိမိတို့တိုင်းဒေသကြီးအစိုးရအဖွဲ့အနေဖြင့် မုံရွာမြို့ကြီးအား ခေတ်နှင့်အညီ အမြန်ဖွံ့ဖြိုးတိုးတက်စေရေးအတွက် အလေးထား ဆောင်ရွက်ပေးလျှက်ရှိပါကြောင်းနှင့် ဒေသတွင်းနေ ပြည်သူလူထုအနေဖြင့်လည်း မိမိတို့ကျရာအခန်းကဏ္ဍမှ ပူးပေါင်းလက်တွဲ ကူညီဆောင် ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် မုံရွာမြို့နယ်၊ စည်ပင် သာယာရေးအဖွဲ့ အမှုဆောင်အရာရှိ ဒုတိယ ညွန်ကြားရေးမှူး ဦးထွန်းထွန်းက စည်သူလမ်း နိုင်လွန်ကတ္တရာလမ်းခင်းခြင်း လုပ်ငန်းများနှင့် ပတ်သက်၍ ရှင်းလင်းပြောကြားသည်။

ဆက်လက်ပြီး တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်နှင့် မုံရွာခရိုင်စီမံအုပ်ချုပ်ရေးအဖွဲ့ ဒုတိယ ခရိုင်အုပ်ချုပ်ရေးမှူးတို့က စည်သူလမ်း နိုင်လွန်ကတ္တရာလမ်းသစ်အား ဖဲကြိုးဖြတ်ဖွင့်လှစ်ပေးကြပြီး တာဝန်ရှိသူများနှင့် အတူ အဆိုပါလမ်းသစ်မုဒ်ဦးရှေ့တွင် စုပေါင်းမှတ်တမ်းတင် ဓါတ်ပုံရိုက်ကူးကြသည်။

ထို့နောက် တိုင်းဒေသကြီး ဝန်ကြီးချုပ်က ဘင်ခရာအဖွဲ့အား ဂုဏ်ပြုချီးမြှင့်ငွေအား လည်းကောင်း၊ တိုင်းဒေသကြီး လမ်းပန်းဆက်သွယ်ရေးဝန်ကြီးက ပန်းပွားအဖွဲ့အား ဂုဏ်ပြုချီးမြှင့်ငွေ အားလည်းကောင်း ပေးအပ်ချီးမြင့်ခဲ့ကြပြီး စည်သူလမ်း နိုင်လွန်ကတ္တရာလမ်းသစ်အား ဖြတ်သန်းကြည့်ရှု စစ်ဆေးခဲ့ကြသည်။

အဆိုပါ စည်သူလမ်း နိုင်လွန်ကတ္တရာလမ်းသစ်သည် အရှည် - ၉၇၁၀ ပေ၊ အကျယ် - ၁၆ ပေ၊ ၃ လက်မခွဲထုဖြစ်ပြီး မုံရွာမြို့နယ်၊ စည်ပင်သာယာရေးအဖွဲ့မှ တာဝန်ယူဆောင်ရွက်ခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တံတားအထူး အဖွဲ့(၂)မှ တာဝန်ယူတည်ဆောက်နေသည့် မုံရွာမြို့၊ အရှေ့ဘက် ကန်သာယာကန် ပတ်လမ်းပေါ် ရှိ ဗိုလ်ချုပ်လမ်းနှင့်အပြိုင် အရှည် (၅၀) ပေ၊ အကျယ်(၂၀)ပေ သံကူကွန်ကရစ်တံတား တည်ဆောက်ရေး ရှင်းလင်းဆောင်သို့ ရောက်ရှိကြသည်။

ဦးစွာ တံတားအထူးအဖွဲ့(၂)မှ အင်ဂျင်နီယာမှူးမှ တည်ဆောက်ရေးလုပ်ငန်းများနှင့် ပတ်သက်၍ ရှင်းလင်းတင်ပြသည်။

ယင်းနောက် တိုင်းဒေသကြီး ဝန်ကြီးချုပ်က တံတားတည်ဆောက်ရေးလုပ်ငန်းများ စံချိန် စံညွှန်းမီ အရည်အသွေးကောင်းမွန်စွာ သက်မှတ်ကာလတွင် တည်ဆောက်ပြီးစီးရေးနှင့် လုပ်ငန်း ခွင်အန္တရာယ်ကင်းရှင်းရေးတို့အား မှာကြားကာ ရှင်းလင်းတင်ပြချက်များအပေါ် လိုအပ်သည်များ ကိုတာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး တံတားတည်ဆောက်ရေး လုပ် ငန်းများ ဆောင်ရွက်နေမှုအား ကြည့်ရှုစစ်ဆေးခဲ့ကြောင်း သိရသည်။