မုံရွာ၊ မတ် ၆

စစ်ကိုင်းတိုင်းဒေသကြီးအစိုးရအဖွဲ့ ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်ရွက်နေသည့် လုပ်ငန်းများအောင်မြင်အောင်ဆောင်ရွက်ရေး ညှိနိုင်းအစည်းအဝေး (၂/၂၀၂၄)ကို မတ်လ ၆ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေး ခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသ ကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေး အဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေး ခရိုင်၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ဒေသတည်ငြိမ်အေးချမ်းရေးနှင့် တရားဥပဒေစိုးမိုးရေးအတွက် မြို့နယ်၊ရပ်ကွက်ကျေးရွာများအလိုက် လုံခြုံရေးအထောက်အကူ ပြုနိုင်ရန်အတွက် ပြည်သူ့စစ်များဖွဲ့စည်းနိုင်ရေးနှင့် ပြည်သူ့စစ်မှုထမ်းဥပဒေအား ဆန့်ကျင်ဖက် အဖွဲ့အစည်းများမှ ပြည်သူလူထုအထင်အမြင်လွဲမှားစေရန် ကောလာဟလများ ထုတ်လွင့်နေခြင်း ကြောင့်ဝန်ထမ်းများ၊ပြည်သူများ သတင်းမှန်သိရှိနိုင်စေရေး ရှင်းလင်းဆောင်ရွက်သွားကြရန် လို အပ်ပါကြောင်း၊ ဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့၊ အစိုးရ၊ ဌာနဆိုင်ရာနှင့် ပြည် သူလူထုတို့ ပူးပေါင်းဆောင်ရွက်သွားကြရန် လိုအပ်ပါကြောင်း၊ စိုက်ပျိုးရေးတွင် အဓိကသီးနှံများ စိုက်ဧကပြည့်မီအောင်စိုက်ပျိုး၍ ပန်းတိုင်အထွက်နှုန်းရရှိရေး၊ လယ်ယာလုပ်ငန်းများအတွက် အရေးပါသည့် မြေယာပြုပြင်ခြင်း၊ ရိတ်သိမ်းချွေလှေ့ခြင်းလုပ်ငန်းများတွင် လယ်ယာသုံးစက် ကိရိယာများအား အပြည့်အဝအသုံးချကာ စက်မှုလယ်ယာစနစ်သို့ကူးပြောင်းနိုင်ရေး ဆောင်ရွက် ပေးလျှက်ရှိပါကြောင်း၊ ဓာတ်မြေဩဇာများအား စေျးနှုန်းသက်သာစွာဖြင့် ဖြန့်ဖြူးရောင်းချပေးကာ သီးနှံအထွက် နှုန်းတိုးမြှင့်ရေး ဆောင်ရွက်ပေးလျက်ရှိပါကြောင်း၊ ၂၀၂၃-၂၀၂၄ ဘဏ္ဍာရေးနှစ်၊ လျာထားအခွန်အခများ ပြည့်ဝစွာကောက်ခံရရှိရန် လိုအပ်သ ကဲ့သို့ တည်ဆောက်ရေးလုပ်ငန်းများ သတ်မှတ်ကာလအတွင်း စံချိန်စံညွှန်းမီပြီးစီးရေးတို့အား တာဝန်ရှိသူများမှ ကြပ်မတ်ဆောင်ရွက်သွားကြရန် လိုအပ်ပါကြောင်း၊ သန်းခေါင်စာရင်းကောက်ယူ ရေးအဖွဲ့များမှလည်း အဆောက်အဦးစာရင်းများအား ကောက်ခံလျှက်ရှိရာတွင် သတ်မှတ်ကာလ အတွင်း ရာနှုန်းပြည့်ပြီးစီးရေးအတွက် သက်ဆိုင်ရာဌာနအလိုက် ကြပ်မတ်ဆောင်ရွက်သွားကြရန် နှင့် တက္ကသိုလ်ဝင်စာမေးပွဲများ ကျင်းပတော့မည်ဖြစ်၍ သက်ဆိုင်ရာစာစစ်ဌာနများအလိုက် လုံခြုံ အေးချမ်းစွာဖြင့် ဖြေဆိုနိုင်ရေးအတွက် စီမံဆောင်ရွက်သွားကြရန် လိုအပ်ပါကြောင်း ပြောကြားခဲ့ သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက ဒေသတည်ငြိမ်အေးချမ်းရေး အတွက် လုံခြုံရေးအဖွဲ့များနှင့် ပူးပေါင်းဆောင်ရွက်နေမှုများ၊ တိုင်းဒေသကြီးအတွင်းရှိ ခရိုင်/ မြို့နယ်များအတွင်း မိမိတို့ဌာနများအလိုက် အကောင်အထည်ဖော်ဆောင်ရွက်နေသည့် ပညာ ရေး၊ ကျန်းမာရေး၊ စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေး၊ ဒေသဖွံ့ဖြိုးရေး၊ မြို့သာ ယာလှပရေးနှင့် မြို့နယ်များအတွင်း အခြေခံစားသောက်ကုန်၊စားသုံးဆီနှင့် စက်သုံးဆီဖြန့်ဖြူး ရောင်းချပေးနေမှု၊ အငြိမ်းစားဝန်ထမ်းများအား စားသောက်ဖွယ်ရာများနှင့် ကျန်းမာရေးစောင့် ရှောက်ပေးနေမှုအခြေအနေများ၊ ပေးအပ်ထားသည့်တာဝန်များအပေါ် ကျေပွန်စွာဆောင်ရွက် နေမှုအခြေအနေများနှင့် ပတ်သက်၍ Power Point ဖြင့် အသီးသီး ရှင်းလင်းဆွေးနွေး တင်ပြ ကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊၊ ခန္တီးခရိုင်များ၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌ များက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ၏ ဒေသတည်ငြိမ်အေးချမ်းရေး နှင့်အကောင်အထည်ဖော် ဆောင်ရွက်နေသည့် လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြပြီး မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်း ဒေသတည်ငြိမ်အေးချမ်းရေးနှင့် အကောင်အထည်ဖော် ဆောင်ရွက်နေသည့် လုပ်ငန်းများအား ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာ သူများက တိုင်းဒေသကြီးအတွင်း ဒေသတည်ငြိမ်အေးချမ်းရေးနှင့် အကောင်အထည် ဖော်ဆောင်
ရွက်နေသည့် လုပ်ငန်းများအောင်မြင်အောင်ဆောင်ရွက်ရေး လုပ်ငန်းများနှင့်ပတ်သက်၍ ဖြည့် စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ ၏အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေး ကိုရုပ်သိမ်းခဲ့ကြောင်း သိရသည်။

မုံရွာ၊ မတ် ၅

စစ်ကိုင်းတိုင်းဒေသကြီးအတွင်းရှိ ကျေးလက်ဒေသနေပြည်သူများနှင့် တိုင်းရင်းသားပြည် သူများအတွက် အခြေခံစာတက်မြောက်ရေး လုပ်ငန်းညှိနိုင်း အစည်းအဝေးကို မတ်လ ၅ ရက် နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်း အဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်း ဒေသကြီးအဆင့် ဌာနဆိုင်ရာများ၊ မုံရွာခရိုင် စီမံအုပ်ချုပ်ရေးအဖွဲ့ ဥက္ကဌတို့ တက်ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ကော်မတီအဖွဲ့များအနေဖြင့် မိမိတို့တိုင်းဒေသကြီးအတွင်း ကျေးလက်နေပြည်သူများနှင့် တိုင်းရင်းသားပြည်သူများအတွင်း မှာရှိသည့် စာမတတ်သူများအား စိစစ်စာရင်းပြုစုပြီး စာသင်ကြားပေးခြင်းဖြင့် စာမတတ်သူများ ပပျောက်သွားစေရန် ရည်ရွယ်ပြီး လုပ်ငန်းများအောင်မြင်အောင် ဆောင်ရွက်ကြရန် လိုအပ်ပါ ကြောင်း၊ ယခုလိုလုပ်ငန်းများ အောင်မြင်အောင်ဆောင်ရွက်ရန်အတွက် ကြိုတင်ဆောင်ရွက် သင့်သည့် လုပ်ငန်းများကိုလည်း တိုင်းဒေသကြီးလုပ်ငန်းကြီးကြပ်မှုကော်မတီအနေဖြင့် ကြိုတင် စီစဉ်ဆောင်ရွက် ကြရမှာဖြစ်ပါကြောင်း၊ ကော်မတီအဖွဲ့ဝင်များအနေဖြင့်လည်း ယခင်က စာတတ်မြောက်ရေးလှုပ်ရှား မှုလုပ်ငန်းများတွင် ပါဝင်ဆောင်ရွက်ခဲ့သည့် အတွေ့အကြုံကောင်း များရှိထားပြီးဖြစ်၍ ယခုလုပ်ငန်းစဉ်တွင်လည်း အောင်မြင်အောင် ပူးပေါင်းဆောင်ရွက်သွား ကြရန် လိုအပ်ပါကြောင်း၊ စာတတ်မြောက်ခြင်းသည် လူတစ်ဦးတစ်ယောက်၏ ဘဝလူနေထိုင်မှု အဆင့်အတန်း သာမက မိသားစုရပ်ကွက်နှင့်လူ့အဖွဲ့အစည်းတို့ပါ ပြောင်းလဲစေနိုင်သလို ပညာတတ်များ၊ အသိ ပညာရှင်၊ အတတ်ပညာရှင်များနှင့်သာ နိုင်ငံတော်ဖွံ့ဖြိုးတိုး တက်အောင်တည်ဆောက်နိုင်မှာ ဖြစ်ပါကြောင်း၊ ပညာခေတ်တွင် ကျေးလက်နေပြည်သူများ၊ တိုင်းရင်းသားပြည်သူများ၏ ပညာ ရည်မြင့်မားရေးအား ဦးစားပေးဆောင်ရွက် သွားရန်လိုအပ်ပြီး ရပ်ရွာအတွင်းရှိစာမတတ်သူများ၊
ကျောင်းမနေဖူးသူများအား စာသင်ကြားနိုင်ရေးအတွက် စာသင်သားများစာရင်းနှင့်စာသင်ဝိုင်းစု ဖွဲ့စာရင်းများ ကောက်ယူရေး၊ စေတနာ့လုပ်အားပေးနည်းပြစာရင်းများ ကောက်ယူရေးတို့အား ဆောင်ရွက်ကြရန် လိုအပ်ပါကြောင်း၊ တာဝန်ရှိသူများအားလုံး အနေဖြင့် တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ၏ စာတတ်မြောက်ရေးလုပ်ငန်း များ၊ သင်ကြားရေးအစီအစဉ်များ အဆင်ပြေချောမွေ့စွာဖြင့် အကောင်အထည်ဖော် ဆောင်ရွက် နိုင်ရေးအတွက် အမျိုးသားရေးတာဝန်တစ်ရပ်အနေဖြင့် ကျရာအခန်းကဏ္ဍကနေ ကြိုးစား ဆောင်ရွက်ပေးသွားကြရန် လိုအပ်ပါကြောင်း တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ပညာရေးမှူးမှ တိုင်းဒေသကြီးအတွင်းရှိ မြို့နယ်များတွင် ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက် ရေးလုပ်ငန်းများ ဆောင်ရွက်ထားရှိမှုများနှင့် ဆက်လက်ဆောင်ရွက် သွားမည့်လုပ်ငန်းများအား ရှင်းလင်းဆွေးနွေး တင်ပြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များအတွင်း ကျေးလက်ဒေသနေ ပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက်ရေးလုပ်ငန်းများ ဆောင်ရွက်ထားရှိမှုများအားလည်းကောင်း၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတက် မြောက်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်း တင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များက တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ အတွက် အခြေခံစာတက်မြောက်ရေးလုပ်ငန်းများ လုပ်ငန်းများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့တက်ရောက် လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေး ကို ရုပ်သိမ်းခဲ့သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အိုးဘို တောင်ရပ်ကွက်ရှိ ကုတင် ၂၀၀ ဆံ့၊ အမျိုးသမီးသားဖွားမီးယပ်နှင့်ကလေးဆေး ရုံကြီးရှိ အထူး ကြပ်မတ်ဆောင်တွင် ဖေဖော်ဝါရီလ ၂ ရက်နေ့၊ မွန်းလွဲပိုင်းတွင် မွေးရာပါအူကျွံရောဂါဖြင့် ခွဲစိတ် ဖွားမြင်ခဲ့သည့် ကလေးငယ်အား အူကျွံရောဂါခွဲစိတ်ကုသမှုများပြုလုပ်ခဲ့ပြီး ဆေးရုံကြီးရှိ ဆရာ ဝန်၊ဆရာမများ၏ အနီးကပ်ကြပ်မတ်ကုသပေးမှုဖြင့် ကျန်းမာကောင်းမွန်နေမှုအား သွားရောက် ကြည့်ရှုအားပေးခဲ့ကြပြီး ကလေးမိဘထံ ထောက်ပံ့ငွေများ ပေးအပ်ခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးအထူးကြပ်မတ် ဆောင်အတွင်း မွေးကင်းစကလေးငယ်များအား ကျန်းမာရေးစောင့်ရှောက်မှုပေးနေမှုများအား ကြည့်ရှုစစ်ဆေးခဲ့ကြပြီး ဆရာဝန်များနှင့် သူနာပြုများအတွက် ထောက်ပံ့ငွေများပေးအပ်ခဲ့ကြ သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါဆေးရုံကြီးရှိ အစည်းအဝေးခန်းမတွင် တိုင်းဒေသကြီး ပြည်သူ့ကျန်းမာရေးဦးစီးဌာနမှူး၊ ဆရာဝန်ကြီးများနှင့် သူနာပြုများအား ရင်းရင်းနှီးနှီးတွေ့ဆုံရာ တာဝန်ရှိသူများမှ ဆေးရုံကြီး၏ ကုသရေးလုပ်ငန်းများ ဆောင်ရွက်နေမှုများနှင့် ပတ်သက်၍ ရှင်းလင်းတင်ပြ ကြသည်။

ယင်းနောက် တိုင်းဒေသကြီး ဝန်ကြီးချုပ်က တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ဆေးရုံအုပ်ကြီးနှင့် တာဝန်ရှိသူ များထံ ထောက်ပံ့ငွေများပေးအပ်ခဲ့ကြောင်း သိရသည်။

မုံရွာ၊ မတ် ၄

စစ် ကိုင်းတိုင်းဒေသကြီးအစိုးရအဖွဲ့နှင့် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း ဖွင့်လှစ်သော နွေရာသီ အခြေခံပန်းချီ၊ ကွန်ပျူတာပန်းချီ၊အင်္ဂလိပ်စာ(Grammar) သင်တန်း များ ဖွင့်ပွဲအခမ်းအနားကို ယနေ့နံနက် ၈ နာရီခွဲအချိန်က မုံရွာ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ခန်းမ၌ ကျင်းပရာ အခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ်ဦးမြတ်ကျော်၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ တိုင်းဒေသကြီး၊ခရိုင်၊မြို့နယ်အဆင့် ဌာနဆိုင်ရာများမှ တာဝန်ရှိသူများ၊ သင်တန်းသားသင်တန်းသူများနှင့် မိဘများ တက်ရောက်ကြကြောင်းသိရသည်။

အခမ်းအနားတွင် ရှေးဦးစွာ စစ်ကိုင်းတိုင်းဒေသကြီးဝန်ကြီးချုပ်ဦးမြတ်ကျော်က အမှာစကားပြောကြားပြီး တိုင်းဒေသကြီးအတွင်းရှိ ခရိုင်နှင့်မြို့နယ်များတွင် နွေရာသီ အခြေခံပန်းချီ၊ ကွန်ပျူတာပန်းချီ၊အင်္ဂလိပ်စာ(Grammar) သင်တန်း များ ဖွင့်လှစ်နိုင်ရေးအတွက် ထောက်ပံ့ငွေကျပ် ၅၃၃၀၄၀၀ ( ကျပ် ငါးဆယ့် သုံးသိန်း ၊ သုံးသောင်း လေးရာကျပ်) ကို ပေးအပ်ရာ တိုင်းဒေသကြီး ပြန်ကြား‌ ရေးနှင့် ပြည်သူ့ဆက်ဆံ‌ ရေး ဦးစီးဌာန၊ တိုင်း ဒေသကြီးဦးစီးမှူး မှ လက်ခံရယူခဲ့သည်။
ဆက်လက်ပြီး စစ်ကိုင်းတိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှညွှန်ကြားရေးမှူး ဒေါ်ခင်စောလင်းက " ကျောင်းသားသူများအနေဖြင့်နွေရာသီအားလပ်ရက်များတွင် အချိန်ကို အကျိုးရှိရှိ အသုံးချတတ်စေရန်၊ ပုံဆွဲခြင်းအတတ်ပညာကို စနစ်တကျ ရေးဆွဲတတ်စေရန် နှင့် အသိပညာအတတ်ပညာများ တိုးပွားစေရန် " စသည့်ရည်ရွယ်ချက်များဖြင့် ဖွင့်လှစ်သင်ကြား ပေးရခြင်းဖြစ်ကြောင်း ရှင်းလင်းပြောကြားခဲ့သည်။
ထို့နောက် တိုင်းဒေသကြီးဝန်ကြီးချုပ်နှင့်အတူ တက်ရောက်လာသော သင်တန်းသားသင်တန်းသူများက အမှတ်တရစုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။

ယင်းနောက် တိုင်းဒေသကြီး ဝန်ကြီးချုပ်နှင့်အဖွဲ့သည် တက်ရောလာကြသူများနှင့်အတူတက်ရောက်လာကြသူများနှင့်အတူ နွေရာသီ အခြေခံပန်းချီ၊ ကွန်ပျူတာပန်းချီ၊အင်္ဂလိပ်စာ(Grammar)အခမဲ့ သင်တန်းဖွင့်လှစ်ပို့ချနေမှုနှင့် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခင်ကျင်းပြသထားသော နံရံကပ်စာစောင်များအား လှည့်လည်ကြည့်ရှုအားပေးခဲ့ပြီး လိုအပ်သည်များကို ဖြည့်ဆည်းဆောင်ရွက်ပေးခဲ့သည်။

အဆိုပါ နွေရာသီ အခြေခံပန်းချီ၊ ကွန်ပျူတာပန်းချီ၊အင်္ဂလိပ်စာ(Grammar) သင်တန်း များကို မတ်လ ၄ ရက်နေ့မှ မတ်လ ၃၀ ရက်နေ့အထိ အပတ်စဥ် တနင်္လာနေ့မှ သောကြာ နေ့ အထိတစ်လကြာသင်ကြားပေးသွားမည် ဖြစ်ပြီး အခြေခံပန်းချီ သင်တန်းတွင် (၆၀)ဦး၊အခြေခံကွန်ပျူတာပန်းချီ(၂၀)ဦး၊ အင်္ဂလိပ်စာ(Grammar) သင်တန်းတွင် (၄၀)ဦး၊ မူလတန်း၊ အလယ် တန်းအဆင့် နှင့် အထက်တန်းကျောင်းသားကျောင်းသူ(၁၂၀)ဦး တက်ရောက် သင်ယူကြမည်ဖြစ်သည်။
အဆိုပါသင်တန်းများကိုစစ်ကိုင်းဒေသကြီးပြန်ကြား‌ေရးနှင်ပြည်သူ့ဆက်ဆံ‌ေရးဦးစီဌာန ခရိုင်/မြိုနယ်၁၇ရုံး၏ လူထုအခြေပြုဗဟိုဌာန(Community Centre)များတွင်သင်တန်းပေါင်း( ၂၆)ကြိမ်ဖွင်လှစ်ဆောင်ရွက်သွားမည်ဖြစ်ကြောင်းသိရသည်။

မုံရွာ၊ မတ် ၄

စစ်ကိုင်းတိုင်းဒေသကြီး၊ မုံရွာမြို့၌ နွေရာသီ အခြေခံအားကစားသင်တန်းများ ဖွင့်ပွဲ အခမ်းအနားကို မတ်လ ၄ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး၊ မုံရွာမြို့ရှိ ပြည်သူ့ အားကစားကွင်းအတွင်းရှိ မိုးလုံလေလုံအားကစားခန်းမတွင် ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ ခရိုင်/မြို့နယ်အဆင့် ဌာနဆိုင်ရာများ၊ နည်းပြများ၊ သင်တန်းသား၊သင်တန်းသူများနှင့် မိဘများ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က လူငယ်လူရွယ်များစာရိတ္တနှင့် စိတ် ဓါတ်ကြံ့ခိုင်ပြီး ဘက်စုံဖွံ့ဖြိုးတိုးတက်သည့် အားကစားသမား လူတော်လူကောင်းများပေါ်ထွက် လာစေရေး၊ လူငယ်များအားကစားနည်းအလိုက် နည်းစနစ်များ၊ ဥပဒေများ ကျွမ်းကျင်လိုက်နာ မှုရှိစေရေး၊ ကျောင်းသားလူငယ်များ နွေရာသီအားလပ်ရက်ကာလများတွင် အချိန်ကိုအကျိုးရှိစွာ အသုံးပြုနိုင်ရန်ဆိုသည့် ရည်ရွယ်ချက်(၃)ရပ်ဖြင့် အားကစားနည်း (၁၄)မျိုးအား ဖွင့်လှစ်သင် ကြားပေးခြင်း ဖြစ်ပါကြောင်း၊ သင်တန်းသား၊သင်တန်းသူများ အနေဖြင့် ယခုသင်တန်းမှသင် ကြားပို့ချချက်များအား ကြိုးစားသင်ယူလေ့ကျင့်ပြီး ရပ်ကွက်၊ကျေးရွာ၊မြို့နယ်အဆင့်မှနေပြီး နိုင်ငံတော်မှအားထားရသည့် နိုင်ငံ့ဂုဏ်ဆောင် အားကစားမောင်မယ်များ အဆင့်အထိရောက် ရှိအောင် ကြိုးစားအားထုတ်သွားကြရန် တိုက်တွန်းပြောကြားခဲ့သည်။

ယင်းနောက် တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် အားကစားနှင့်ကာယ ပညာသိပ္ပံ(မုံရွာ)မှ သင်တန်းသား၊သင် တန်းသူများမှ အားကစားနည်း(၆)မျိုးနှင့် တိုင်းဒေသကြီး အားကစားနှင့်ကာယပညာဦးစီးဌာနမှ အားကစားသမားများက မြန်မာ့သိုင်း၊ ကရာတေး၊ Fitness Dance တို့ဖြင့် သရုပ်ပြသမှုများအား ကြည့်ရှုအားပေးကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက သရုပ်ပြသဖျော်ဖြေ ခဲ့ကြသည့် သင်တန်းသား၊သင်တန်းသူများနင့် အားကစားအဖွဲ့များအား ဂုဏ်ပြုချီးမြှင့်ငွေများနှင့်သင်ထောက်ကူအားကစားပစ္စည်းများ ပေးအပ်ချီးမြှင့်ခဲ့ကြပြီး ဖွင့်ပွဲအခမ်းအနားသို့ တက်ရောက် လာသူများအား ရင်းရင်းနှီးနှီးနှုတ်ဆက်ကာ ဖွင့်ပွဲအခမ်းအနားကို ရုပ်သိမ်းခဲ့သည်။
အဆိုပါ နွေရာသီအားကစားသင်တန်းတွင် ဘောလုံး၊ Fitness Dance၊ ဖူဆယ်၊ ကရာ တေး၊ စားပွဲတင်တင်းနစ်၊ ဘတ်စကက်ဘော၊ တင်းနစ်၊ ပိုက်ကျော်ခြင်း၊ ရိုးရာခြင်းလုံး၊ မြန်မာ့ သိုင်း၊ ပြေးခုန်ပစ်၊ ဘော်လီဘော၊ ကြက်တောင်၊ ကာယဗလနှင့်ကာယအလှ အားကစား(၁၄)မျိုး၌ သင်တန်းသား၊သင်တန်းသူ ၄၅၀ ဦး တက်ရောက်ပြီး သင်တန်းကာလ ၁ လကြာ ဖွင့်လှစ် သင်ကြား ပို့ချပေးသွားမည်ဖြစ်ကြောင်း သိရသည်။

မုံရွာ၊ မတ် ၂

စစ်ကိုင်းတိုင်းဒေသကြီး ပတ်ဝန်းကျင်ထိန်းသိမ်းရေးဆိုင်ရာ စွမ်းဆောင်ရည်မြှင့်တင်ခြင်း အမှတ် စဉ်(၁/၂၀၂၄) သင်တန်းဆင်းပွဲ အခမ်းအနားကို ယမန်နေ့၊ နံနက်ပိုင်းက တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနရုံးရှိ အစည်းအဝေးခန်းမတွင် ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများနှင့် သင်တန်း သား/သင်တန်းသူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ခေတ်မီဖွံ့ဖြိုးတိုးတက်လာမှုနှင့် အညီ စက်ရုံ၊အလုပ်ရုံများဖွံ့ဖြိုး တိုးတက်လာပြီး စက်ရုံ၊အလုပ်ရုံများမှ အခိုးအငွေ့များထုတ်လွှတ်မှု၊ လူများအသုံးပြုနေသည့် စက်တပ်ယာဉ်များမှ အခိုးအငွေ့ထုတ်လွှတ်မှုများကြောင့် လေထု အတွင်းတွင်ရှိသည့် ဖန်လုံအိမ်ဓာတ်ငွေ့များသည် ပုံမှန်ရှိသင့်သည့် ပမာဏထက် ပိုမိုများပြားလာ ရပါကြောင်း၊ လေထုအတွင်း ဖန်လုံအိမ်ဓာတ်ငွေ့များ များပြားလာခြင်းမှတစ်ဆင့် ရာသီဉတု ဖောက်ပြန်ပြောင်းလဲမှုများအား ဖြစ်ပေါ်စေပါကြောင်း၊ ယနေ့ခေတ်တွင် နိုင်ငံများ၏စီးပွားရေး များဖွံ့ဖြိုးလာမှုနှင့်အညီ လူနေမှုအဆင့်အတန်းမြင့်မားလာခြင်း၊ လူဦးရေတိုးပွားလာမှုများ ကြောင့် ဇိမ်ခံပစ္စည်းအသုံးပြုမှုများပြားလာခြင်း၊ သယံဇာတအရင်းအမြစ် ထုတ်ယူသုံးစွဲမှုမြင့်မား လာခြင်းနှင့် အသုံးပြုပြီးပစ္စည်းများအား စနစ်တကျစွန့်ပစ်မှုမရှိခြင်းကြောင့် ပတ်ဝန်းကျင်ညစ် ညမ်းမှု ပြဿနာများနှင့် ရင်ဆိုင်နေကြရပါကြောင်း၊
တိုင်းဒေသကြီးအတွင်း ဖွံ့ဖြိုးရေးလုပ်ငန်းစဉ်များနှင့် စီမံကိန်းများအား အကောင်အ ထည်ဖော်ဆောင်ရွက်သည့်နေရာများတွင် ပတ်ဝန်းကျင်ထိန်းသိမ်းရေးဆိုင်ရာ လုပ်ငန်းများအား ထည့်သွင်းစဉ်းစားရန်နှင့် ဇီဝမျိုးစုံမျိုးကွဲများ မျိုးတုန်းပျောက်ကွယ်မှုများမှကာကွယ်ရန် ဇီဝမျိုး စုံမျိုးကွဲများ၏ ပေါက်ဖွားရှင်သန်ရာ နေရာဒေသများအား မထိခိုက်စေသည့် နည်းလမ်းများအား အသုံးပြုပြီး အကောင်အထည်ဖော် ဆောင်ရွက်သွားကြရန် တိုက်တွန်းပြောကြားခဲ့သည်။
ယင်းနောက် တိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာနရုံး၊ ညွှန်ကြားရေးမှူး ဦးကျော်အောင်မိုးက ပတ်ဝန်းကျင်ထိန်းသိမ်းရေးဆိုင်ရာ စွမ်းဆောင်ရည်မြှင့်တင်ခြင်း သင်တန်း ဆင်းပွဲနှင့် ပတ်သက်၍ ဆောင်ရွက်ခဲ့မှုများအား ရှင်းလင်းတင်ပြသည်။
ဆက်လက်၍ တိုင်းဒေသကြီး ဝန်ကြီးချုပ်က သင်တန်းတွင် ပထမ၊ ဒုတိယ၊ တတိယ ထူးချွန်ဆုရရှိကြသူများအား လည်းကောင်း၊ တိုင်းဒေသကြီး တရားသူကြီးချုပ်က စာတမ်းပြုစု ခြင်းထူးချွန်ဆုရရှိကြသည့် အဖွဲ့များအား လည်းကောင်း ဆုများပေးအပ်ချီးမြှင့်ခဲ့ကြပြီး တိုင်းဒေ သကြီး သယံဇာတရေးရာဝန်ကြီးက သင်တန်းဆင်းလက်မှတ်များ ပေးအပ်ခဲ့ကြသည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက သင်တန်းသား၊သင်တန်းသူ များအား ရင်းရင်းလိုက်လံနှုတ်ဆက်ခဲ့ကြပြီး သင်တန်းဆင်းပွဲ အခမ်းအနားကို ရုပ်သိမ်းခဲ့ ကြောင်း သိရသည်။

မုံရွာ၊မတ် ၂

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန စစ်ကိုင်းတိုင်းဒေသကြီး စိုက်ပျိုးရေးဦးစီးဌာနမှ ကြီးမှူးပြီး ၂၀၂၄ခုနှစ် မတ်လ ၂ ရက်နေ့တွင်ကျရောက်သည့် (၆၂)နှစ်မြောက်တောင်သူလယ်သမားနေ့အထိမ်းအမှတ် စားရေရိက္ခာဖူလုံရေး ဆွေးနွေးပွဲ နှင့်ပြပွဲ အခမ်းအနားကို ယနေ့ နံနက်(၉)နာရီကစစ်ကိုင်းတိုင်းဒေသကြီး မြေ၊ မျိုး၊ ပိုး ရုံး သင်တန်းခန်းမတွင် ကျင်းပပြုလုပ် ခဲ့ကြောင်းသိရသည်။

ဦးစွာစစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်က အဖွင့်အမှာစကား ပြောကြားပြီး နောက် တိုင်းဒေသကြီး စိုက်ပျိုးရေးဦးစီးဌာန၊ ညွှန်ကြားရေးမှူး ဦးဝင်းလှိုင်ဦးက ဆွေးနွေးပွဲ ကျင်းပခြင်းနှင့် ပတ်သက်၍ ရှင်းလင်းတင်ပြသည်။

ထို့နောက် တောင်သူများသိရှိသိထိုက်သည့် မြေယာဥပဒေများအကြောင်း၊ စိုက်ပျိုးရေရရှိရေးအတွက် ဆည်ရေတင်၊မြစ်ရေတင်၊သီးနှံစိုက်ပျိုးထုတ်လုပ်မှုအတွက် လယ်ယာမြေများဖော်ထုတ်ပေးမှု၊လယ်ယာသုံးစက်ကိရိယာများ ကျွမ်းကျင်စွာကိုင်တွယ်အသုံးပြုမှု၊ သက်ဆိုင်ရာလုပ်ငန်းကဏ္ဍများအားတိုင်းဒေသကြီး လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန ၊ ညွှန်ကြားရေးမှူး ဦးသန်းလွင်၊ တိုင်းဒေသကြီး ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန ( ဆည်မြောင်း ) ၊ ညွှန်ကြားရေးမှူး ဦးစောသက်ခိုင်ဝင်း၊ တိုင်းဒေသကြီး ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန( ရေ
အရင်းအမြစ်) ၊ ဒုတိယညွှန်ကြားရေးမှူး ဦး ချိုလတ်နှင့် တိုင်းဒေသကြီး စက်မှုလယ်ယာဦးစီးဌာန ၊ ညွှန်ကြားရေးမှူး ဦးသောင်းထိုက်တို့က အသီးသီး ရှင်းလင်းတင်ပြခဲ့မှုအပေါ် တိုင်းဒေသကြီး ဝန်ကြီးချုပ်က လိုအပ်သည်များ ညှိနှိုင်းပေါင်းစပ်ဖြည့်ဆည်းဆောင်ရွက်ပေးခဲ့ပြီး အခမ်းအနားကို ရုပ်သိမ်းလိုက်ကြောင်းသိရသည်။

ယင်းနောက် အဆိုပါရုံးရှေ့တွင် တောင်သူများအား သွင်းအားစုများ ထောက်ပံ့ပေးအပ်ခြင်းအခမ်းအနားကို ဆက်လက်ကျင်းပရာ တိုင်းဒေသကြီး ဝန်ကြီးချုပ်နှင့်အဖွဲ့က ဝါမျိုးစေ့၊နေကြာမျိုးစေ့၊ဆေးဖြန်းပုံး၊ ရွှေတောင်(ဇီဖာ)မြေဩဇာ၊နေဗီယာမြက်မျိုး၊ယူရီးယား+လက်ချား၊ EM ဖျော်ရည်များကို တက်ရောက်လာသူတောင်သူများလက်ဝယ် အ ရောက် သွင်းအားစုများ အသီးသီးထောက်ပံ့ပေးအပ်ခဲ့ပြီး တောင်သူများအား ရင်းရင်းနှီးနှီး လိုက်လံနှုတ်ဆက်ခဲ့ပြီးနောက် တာဝန်ရှိသူများနှင့်အတူ အဆိုပါရုံဝန်းအတွင်း တောင်သူနည်းပညာပေး စိုက်ပျိုးထားရှိသော ပျိုးဥယျာဥ် Nursery Farm၊ စဥ်ဆက်မပျက်ဟင်းသီးဟင်းရွက်စိုက်ခင်းများအား လှည့်လည်ကြည့်ရှုစစ်ဆေးပြီးလိုအပ်သည်များကို ဖြည့်ဆည်းဆောင်ရွက်ပေးခဲ့ ‌ကြောင်းသိရသည်။

ဆက်လက်ပြီး သင်တန်းခန်းမတွင် တက်ရောက်လာသောတောင်သူ(၇၀)ဦးမှ (၆၂)နှစ်မြောက် တောင်သူလယ်သမားနေ့အထိမ်းအမှတ် စားရေရိက္ခာဖူလုံရေးဆွေးနွေးပွဲကို ကျင်းပရာ လက်ရှိ လုပ်ကိုင်ဆောင်ရွက်နေမှုများပတ်သက်၍ တောင်သူအချင်းချင်း နည်းပညာနည်းနှောဖလှယ်ဆွေးနွေးခဲ့ရာ တာဝန်ရှိသူများမှ လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်းသိရသည်။