မုံရွာ၊ ဖေဖော်ဝါရီ ၂၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် ဖေဖော်ဝါရီလ ၂၀ ရက် နေ့၊ညနေပိုင်းတွင် ကလေးခရိုင်၊ ကလေးမြို့နယ် စုပေါင်းရုံး အစည်းအဝေးခန်းမ၌ ကျင်းပပြုလုပ် သော ယာယီတိုက်ပွဲရှောင်ပြည်သူများအား စားသောက်ဖွယ်ရာများ ထောက်ပံ့ပေးအပ်ပွဲ အခမ်း အနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ယာယီတိုက်ပွဲရှောင်ပြည်သူများ၏ စားဝတ်နေရေး၊ ပညာရေးနှင့် လူငယ်များအတွက် အလုပ်အကိုင်အခွင့်အလမ်းများ ဖော်ဆောင် ပေးနေမှုများအား ရှင်းလင်းပြောကြားသည်။

ယင်းနောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီးအစိုးရအဖွဲ့ဝင်များက ကျေးရွာ ၁၁ ရွာမှ တိုက်ပွဲရှောင်ပြည်သူ ၅၂၉ ဦးအတွက် ဆန်၊ ဆီ၊ ဆားနှင့် ကုလားပဲများအား ထောက်ပံ့ ပေးအပ်ခဲ့ပြီး ယာယီတိုက်ပွဲရှောင်ပြည်သူတစ်ဦးမှ ကျေးဇူးတင်စကား ပြန်လည်ပြောကြားခဲ့ သည်။ ဆက်လက်ပြီး တိုင်းဒေသကြီး ဝန်ကြီးချုပ်က အခမ်းအနားသို့ တက်ရောက်လာသူများ၏ တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက် ပေးကာ ရင်းရင်းနှီးနှီးလိုက်လံနှုတ်ဆက် အားပေးခဲ့ကြပြီး အခမ်းအနားကို ရုပ်သိမ်းခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကလေးမြို့၊ ကုတင် ၃၀၀ ဆံ့၊ ပြည်သူ့ဆေးရုံသို့ရောက်ရှိရာ ဆေးရုံအုပ်ကြီး ဒေါက်တာသန်းနိုင်ထွဋ်မှ ဆေးရုံတိုးချဲ့ဆောင် တည်ဆောက်နေမှု လုပ်ငန်းများရှင်းလင်းတင်ပြမှုအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ ကျန်းမာရေးဝန်ထမ်းများအတွက် ဆေးရုံအုပ်ကြီးထံ ထောက်ပံ့ငွေကျပ် - ၁၀ သိန်းနှင့် ပြည်သူ့ဆေးရုံတွင် ဆေးကုသမှုခံယူနေကြသော ဒေသခံပြည် သူများအတွက် အဟာရဖြည့်စွက်စာများ ထောက်ပံ့ပေးအပ်ခဲ့ပြီး ဆရာဝန်များ၊ သူနာပြုများနှင့် ကျန်းမာရေးဝန်ထမ်းများအား ရင်းရင်းနှီးနှီးလိုက်လံ နှုတ်ဆက်အားပေးခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အင်ဒိုင်းလေးကျေး ရွာသို့သွားရောက်၍ တိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ အကောင် အထည်ဖော် ဖောက်လုပ်ပေးခဲ့သည့် အင်ဒိုင်းလေး - အင်ဒိုင်းကြီး - သက္ကယ်ကျင်း ကျေးလက် ကုန်ထုတ်လမ်း ဖောက်လုပ်ပြီးစီးနေမှုနှင့် အင်ဒိုင်းကြီးကျေးရွာအုပ်စု ကွင်းအမှတ် ၈၄၁၊ တောင်သူ ဦးစံဗျူး၏ နေကြာစိုက်ခင်းတွင် ဒေသခံတောင်သူများနှင့်တွေ့ဆုံရာ ကလေးခရိုင်၊ စိုက်ပျိုးရေးဦးစီးဌာနမှ ခရိုင်ဦးစီးမှူး ဦးအောင်က ခရိုင်အတွင်းဆောင်းသီးနှံနှင့် နေကြာစိုက်ပျိုး ပြီးစီးမှု၊ ရေဆင်းစပ်မျိုး ၁ နေကြာစံပြစိုက်ကွက် စိုက်ပျိုးထားရှိမှုများအား ရှင်းလင်းတင်ပြမှုနှင့် တောင်သူများ၏တင်ပြမှုအပေါ် သီးနှံများပန်းတိုင် အထွက်နှုန်းပြည့်မီ၍ စိုက်ပျိုးစွမ်းအားမြှင့်တင် နိုင်ရေးအတွက် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။

မုံရွာ၊ ဖေဖော်ဝါရီ ၂၁

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် ဖေဖော်ဝါရီလ ၂၁ ရက်နေ့၊ နံနက်ပိုင်းတွင် ကလေးခရိုင်၊ စိုက်ပျိုးရေး ဦးစီးဌာန၊ အစည်းအဝေးခန်းမတွင် သီးနှံအလိုက်ပန်းတိုင် အထွက်နှုန်းရရှိရေးနှင့် စိုက်ပျိုးစွမ်းအားမြှင့်တင်ရေးအတွက် စိုက်ပျိုးရေးဝန်ထမ်းများ၊ ဒေသခံတောင်သူ များနှင့် တွေ့ဆုံပွဲအခမ်းအနားသို့ တက်ရောက်ကြသည်။

ရှေးဦးစွာ ကလေးခရိုင် စိုက်ပျိုးရေးဦးစီးမှူး၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးမှူး၊ စက်မှုလယ်ယာဦးစီးမှူးတို့က သက်ဆိုင်ရာဌာနအလိုက် ပန်း တိုင်အထွက်နှုန်းရရှိရေးနှင့် စိုက်ပျိုးစွမ်းအားမြှင့်တင်ရေး ကြိုးပမ်းဆောင်ရွက်နေမှု အခြေအနေများအား ရှင်းလင်းတင်ပြကြသည်။ ယင်းနောက် တိုင်းဒေသကြီး ဝန်ကြီးချုပ်က ရာသီအလိုက်စိုက်ပျိုးဧကများ ပြည့်မီကျော်လွန်ရေးနှင့် သီးနှံအလိုက် တစ်ဧကပန်းတိုင်အထွက်နှုန်းရရှိရေး ကြို ပမ်းဆောင်ရွက်ရန် လိုအပ်မှုများ၊ လယ်ယာကဏ္ဍဖွံ့ဖြိုးတိုးတက်စေရေးအတွက် မျိုး၊ မြေ၊ ရေ၊ နည်း (၄)မျိုးကို အသုံးပြုရန်လိုအပ်မှုနှင့် တိုင်းဒေသကြီးအစိုးရအဖွဲ့မှ စား ရေရိက္ခာပေါများရေးအတွက် ဒေသခံတောင်သူများ အပေါ် ထောက်ပံ့ပေးနေမှုအ‌ခြေအနေများ၊ ကလေးခရိုင်သည် ဆန်၊ ဆီ၊ ဆား၊ ပဲ ဖူလုံအောင် စိုက်ပျိုးနိုင် သည့်အပြင် နေကြာသီးနှံကိုလည်း အောင်မြင်ဖြစ်ထွန်းအောင်စိုက်ပျိုးကာ နေကြာ ဆီထုတ်လုပ်လျှက်ရှိသောကြောင့် ဒေသ၏အဓိကထုတ်ကုန်အဖြစ် ထုတ်လုပ်နိုင်နေ ပြီဖြစ်ပါကြောင်း၊ လာမည်စိုက်ပျိုးရာသီတွင် အတွေ့အကြုံကောင်းများဖြင့် လျာထားချက်ထက် ပိုမိုစိုက်ပျိုးခြင်းနှင့် တစ်ဧကပန်းတိုင်အထွက်နှုန်းရရှိရေး ကြိုးပမ်းဆောင် ရွက်သွားကြရန် တိုက်တွန်းပြောကြားခဲ့သည်။

ထို့နောက် တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီး ဝင်းတင်စိုးက ဖြည့်စွက်ရှင်းလင်းတင်ပြသည်။ ယင်းနောက် ဒေသခံတောင်သူများ၏ တင်ပြချက်များအပေါ် တိုင်းဒေသကြီး ဝန်ကြီးချုပ်မှ တာဝန်ရှိသူများနှင့် ညှိနှိုင်းပေါင်းစပ်ဆောင်ရွက်ပေးခဲ့ပြီး စိုက်ပျိုးရေး သွင်းအားစုများအား တောင်သူများထံပေးအပ်ခဲ့ပြီး တက်ရောက်လာသည့် တောင် သူများအား ရင်းရင်းနှီးနှီးနှုတ်ဆက်ကာ စိုက်ပျိုးရေးသွင်းအားစုများ ခင်းကျင်းပြသ ထားမှုအား ကြည့်ရှုစစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်သည် ကလေးမြို့နယ်စုပေါင်းရုံးရှိ အစည်း အဝေးခန်းမ၌ ကျင်းပပြုလုပ်သည့် ကလေးခရိုင်/မြို့နယ်အဆင့် ဌာနဆိုင်ရာ များ၊ မြို့မိမြို့ဖများနှင့် တွေ့ဆုံပွဲ အခမ်းအနားသို့ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ်က ဌာနဆိုင်ရာတာဝန်ရှိသူများနှင့် ဝန်ထမ်းများအနေ ဖြင့်မိမိတို့၏လုပ်ငန်းတာဝန်များကို ကျေပွန်အောင်မြင်စွာ အကောင်အထည်ဖော် ဆောင်ရွက်နိုင်ရေးအတွက် ကိုယ်စီတာဝန်များကို ကျေပွန်စွာ ဆောင်ရွက်ရန်လိုအပ်ကြောင်း၊ တိုင်းဒေသကြီး အစိုးရအဖွဲ့အနေဖြင့် ဒေသတည်ငြိမ် အေးချမ်းပြီး တရားဥပဒေစိုးမိုးရန် ဆောင်ရွက်နေမှု၊ စားရေရိက္ခာ ပေါများရေးနှင့် ပြည်သူများ၏လူမှုစီးပွားဘ၀ ဖွံ့ဖြိုးတိုးတက်အောင် ဆောင်ရွက်နေမှု၊ ပညာရေး၊ ကျန်းမာရေး၊ လမ်းပန်းဆက်သွယ်ရေးနှင့် ဖွံ့ဖြိုးတိုးတက်ရေးလုပ်ငန်းများ အကောင် အထည်ဖော်ဆောင်ရွက်နေမှု အခြေအနေများအား ရှင်းလင်းပြောကြားခဲ့သည်။

ယင်းနောက် လုံခြုံရေးနှင့်နယ်စပ်ရေးရာဝန်ကြီး၊ ဗိုလ်မှူးကြီးဝင်းတင်စိုး၊ လူမှုရေးရာ ဝန်ကြီး၊ ဦးညွန့်ဝင်းအောင်နှင့် လမ်းပန်းဆက်သွယ်ရေးဝန်ကြီး၊ ဦးခင်မောင်အေးတို့က မိမိတို့တာဝန်ယူဆောင်ရွက်နေမှုများနှင့် ပတ်သက်၍ အသီး သီးရှင်းလင်း ဆွေးနွေးပြောကြားခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်က ကလေးခရိုင်ဌာနဆိုင်ရာ ဝန်ထမ်းများအတွက် ခရိုင်စီမံအုပ်ချုပ်ရေးအဖွဲ့ ဥက္ကဌထံ ငွေကျပ် ၁၀ သိန်း၊ ကလေး မြို့နယ်ဌာနဆိုင်ရာဝန်ထမ်းများအတွက်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌထံ ငွေကျပ် ၁၀ သိန်းနှင့် တိုင်းဒေသကြီး လုံခြုံ ရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုးက လုံခြုံရေးတာဝန်ထမ်းဆောင်နေသူများ အတွက် ငွေကျပ် ၁၀ သိန်း တို့အားပေးအပ်ခဲ့ပြီး အခမ်းအနားသို့တက်ရောက်လာသည့် ဌာနဆိုင်ရာဝန်ထမ်း များအား ရင်းရင်းနှီးနှီး လိုက်လံနှုတ်ဆက်အားပေးခဲ့ကြပြီး အခမ်းအနားကို ရုပ် သိမ်းခဲ့ကြောင်း သိရသည်။

မုံရွာ ဖေဖော်ဝါရီ ၁၉

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် ယနေ့နံနက်ပိုင်းက မုံရွာမြို့၊ ပြည်သူ့ဆေးရုံကြီးသို့ရောက်ရှိပြီး ပြည်သူများအား Pfizer COVID Vaccine ထပ်ဆောင်းထိုးနှံ ပေးနေမှုတို့အား အားပေးကြည့်ရှုအား‌ပေးခဲ့ကြောင်း သိရှိရသည်။

Pfizer COVID Vaccine ထပ်ဆောင်းထိုးနှံ ပေးနေမှုတို့နှင့်ပတ်သက်၍ ပြည်သူ့ကျန်းမာရေးဦးစီးဌာနမှ တိုင်းဒေသကြီးဦးစီးမှူး ဒေါက်တာမြင့်ကျော်က Pfizer COVID Vaccine ဆေးသည်ဂျာမဏီနိုင်ငံထုတ်ဆေးဖြစ်ပါကြောင်း ၊ အသက်(၅၀)နှစ်အထက် နိုင်ငံ့ဝန်ထမ်းများ ၊ အသက်(၆၅)နှစ်အထက် ပြည်သူများ ၊ အသက်(၁၈)နှစ်နှင့်အထက် နာတာရှည် ရောဂါရှိသူ များနှင့် ကိုယ်ခံအားကျဆင်းသည့် ရောဂါရှိသူများ၊၊ ကိုယ်ဝန်ဆောင်မိခင်များ စသဖြင့် ရောဂါဖြစ်ပွားနိုင်ခြေရှိသော အုပ်စု၊ ရောဂါဒါဏ် ခံစားရနိုင်သော အုပ်စု စသည်ဖြင့် ဦးစားပေးထိုးနှံမည့်အုပ်စုများအလိုက် ကာကွယ်ဆေးထိုးနှံဆောင်ရွက်ပေးနေပါကြောင်း ၊ ယခုကာကွယ်ဆေးသည် ထပ်မံပေါ်ထွက်နေသော ဗီဇပြောင်းမျိုးကွဲပိုးများအတွက်ပါ ကာကွယ်ပေးနိုင်ပါကြောင်း ၊သို့သော်လည်း ဆေးအား စတင်တောင်းခံချိန်၊ပေးပို့ချိန်မှစပြီး ရက်သတ္တ (၈) ပတ် မှ (၁၀)ပတ်အတွင်း သာအသုံးပြုရသည်ဖြစ်သောကြောင့် ရည်မှန်းလူဦးရေတွက်ချက်ပြီးထိုးနှံပေးလျက်ရှိပါကြောင်း၊ ကာကွယ်ဆေးတစ်လုံးလျှင် လူဦးရေ ၇ ဦးအား ထိုးနှံနိုင်ပါကြောင်း၊ မုံရွာမြို့တွင် ဖေဖော်ဝါရီလ ၁၅ ရက်နေ့မှ ၂၁ ရက်နေ့အထိ ထိုးနှံဆောင်ရွက်ပေးနေရာ စတင်ထိုးနှံချိန်မှ ယမန်နေ့အထိ လူဦးရေ ၁၆၀၀ ကျော်ထိုးနှံပေးပြီးဖြစ်ကြောင်း ကာကွယ်ဆေး ထိုးနှံပေးနေမှု အခြေအနေများနှင့်ပတ်သက်၍ ရှင်းလင်းတင်ပြရာ တိုင်းဒေသကြီးဝန်ကြီးချုပ်က တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့သည်။

ထို့နောက် ကာကွယ်ဆေးလာရောက်ထိုးနှံသူများအား စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်နှင့် တာဝန်ရှိသူများက ရင်းရင်းနှီးနှီးတွေ့ဆုံအားပေးခဲ့ကြောင်းသိရှိရသည်။

မုံရွာ ဖေဖော်ဝါရီ ၁၉

၂၀၂၄-ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဖလား ခရိုင်ပေါင်းစုံ အသက်(၂၅)နှစ်အောက် အမျိုးသား ဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ယနေ့ ညနေပိုင်းက မုံရွာမြို့ ပြည်သူ့အားကစားကွင်းတွင် ကျင်းပပြုလုပ်ရာ အခမ်းအနားသို့ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်၊ တရားလွှတ်‌ တော် တရားသူကြီးချုပ် ဦးဇော်ထူး၊တိုင်း‌ ဒေသကြီးအစိုးရအဖွဲ့ဝင်များ၊ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာများ၊ ဘောလုံး အသင်းနည်းပြများနှင့် အားကစားသမားများ၊ ဖိတ်ကြားထားသူများ၊ဘောလုံးဝါသနာရှင်များ တက်ရောက်အားပေးခဲ့ကြကြောင်းသိရသည်။

ရှေးဦးစွာ စစ်ကိုင်းတိုင်းဒေသကြီးဝန်ကြီးချုပ်နှင့် တက် ရောက်လာကြသူများက ဟုမ္မလင်းခရိုင် အသင်း နှင့် မုံရွာခရိုင်အသင်းတို့ ဗိုလ်လုပွဲယှဉ်ပြိုင်ကစားနေမှုအား ကြည့်ရှုအားပေးရာ မုံရွာခရိုင်အသင်းက ဟုမ္မလင်းခရိုင်အသင်းကို တစ်ဂိုး ဂိုးမရှိဖြင့် အနိုင်ရဗိုလ်စွဲခဲ့ကြောင်းသိရသည်။

ဆက်လက်ပြီး ဆုပေးပွဲအခမ်းအနားကို ကျင်းပရာ ပထမဆုရရှိသော မုံရွာခရိုင်အသင်းအားတစ်ဦးချင်းဆုတံဆိပ်၊ ဂုဏ်ပြုချီးမြှင့်ငွေကျပ် ဆယ်သိန်းနှင့် တံခွန်စိုက်ဆုဖလားအား တိုင်းဒေသကြီး ဝန်ကြီးချုပ် ဦးမြတ်ကျော်က လည်းကောင်း၊ ဒုတိယဆုရရှိသော ဟုမ္မလင်းခရိုင်အသင်းအား တစ်ဦးချင်းဆုတံဆိပ်၊ ဂုဏ်ပြုချီးမြှင့်ငွေကျပ် ခုနှစ်သိန်း နှင့် ဆုဖလားအား တိုင်းဒေသကြီး တရားလွှတ်တော်တရားသူကြီးချုပ် ဦးဇော်ထူးကလည်းကောင်း၊ တတိယဆုရရှိသော ကောလင်းခရိုင်အသင်းကို တစ်ဦးချင်းဆုတံဆိပ်၊ ဂုဏ်ပြုချီးမြှင့်ငွေကျပ် ငါးသိန်း နှင့် ဆုဖလားအား တိုင်းဒေသကြီး သယံဇာတရေးရာဝန်ကြီး ဦးတင်သန်းဝင်းက လည်းကောင်း၊ နေရာအလိုက် နှင့် ပွဲစဉ်တလျှောက် အကောင်းဆုံး အားကစားသမားဆုရရှိသူများကို ဆုတံဆိပ်နှင့် ဂုဏ်ပြုချီးမြှင့်ငွေကျပ် ငါးသောင်းစီ တို့ကို တိုင်းဒေသကြီးလမ်းပန်းဆက်သွယ်ရေး ဝန်ကြီး ဦးခင်မောင်အေး နှင့် လူမှုရေးရာဝန်ကြီး ဦးညွှန့်ဝင်းအောင် တို့က လည်းကောင်း အသီးသီး ပေးအပ်ချီးမြှင့်ခဲ့ကြပြီး‌ နောက် အမှတ်တရစုပေါင်းမှတ်တမ်းတင်ဓါတ်ပုံ ရိုက်ကူးကာ အခမ်းအနားကို ရုပ်သိမ်းခဲ့ကြောင်းသိရသည်။

၂၀၂၄-ခုနှစ်၊ စစ်ကိုင်းတိုင်းဒေသကြီး အစိုးရအဖွဲ့ ဝန်ကြီးချုပ် ဖလား ခရိုင်ပေါင်းစုံ အသက်(၂၅)နှစ်အောက် အမျိုးသား ဘောလုံးပြိုင်ပွဲကို ဇန်နဝါရီလ ၃၀ ရက်နေ့မှ ဖေဖော်ဝါရီလ ၁၉ ရက်နေ့အထိ မုံရွာမြို့ ပြည်သူ့အားကစားကွင်းတွင်ကျင်းပရာ တိုင်းဒေသကြီးအတွင်းရှိ ခရိုင် ၁၃ ခရိုင်မှ ပြိုင်ပွဲဝင်အားကစားသမား ၂၈၆ ဦးဝင်ရောက် ယှဉ်ပြိုင်ခဲ့ကြောင်း သိရှိရသည်။

မုံရွာ၊ ဖေဖော်ဝါရီ ၁၇

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် ဖေဖော်ဝါရီလ(၁၆) ရက်နေ့တွင် နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ ဟွေထိုက်ချောင်း၌ လျှပ်စစ်စွမ်းအားဝန်ကြီးဌာန၊ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်(၂)တည်ဆောက်ရေးမှ တာဝန်ယူဆောင်ရွက်နေသော ဟွေထိုက် အသေးစားရေအားလျှပ်စစ်စီမံကိန်းသို့ရောက်ရှိရာ အလျား(၂၉၅)ပေ အမြင့်(၈၂)ပေရှိမည့် ပင်မတမံလုပ်ငန်းဆောင်ရွက်နေမှုအခြေအနေ၊ အလျား(၁၇၈၃)ပေ အကျယ်(၈.၅)ပေနှင့် အမြင့်(၆)ပေ ဖြင့် ဆောင်ရွက်နေသော ရေသွယ်မြောင်းတည်ဆောက်နေမှုလုပ်ငန်း၊‌ ရေလွှဲရေထုတ်ပြွန်လုပ်ငန်းနှင့် ရေယူအဆောက်အအုံလုပ်ငန်းများ၊ရေထိန်းကန်နှင့်အရည်အသွေးထိန်းသိန်းမှုလုပ်ငန်းများ ဆောင်ရွက်နေမှုတို့အပေါ် စီမံကိန်းတာဝန်ခံအရာရှိမှ ရှင်းလင်းတင်ပြရာ ဝန်ကြီးချုပ်မှ စီမံကိန်းအား ဒေသခံပြည်သူများ၏ အကျိုးအတွက် ခန့်မှန်းကုန်ကျငွေကျပ်သန်းပေါင်း (၃၈,၀၈၃,၅၉၇)ဖြင့် တည်ဆောက်ပေးနေခြင်း ဖြစ်ပါကြောင်း ၊စီမံကိန်းပြီးစီးသွားပါက နှစ်စဉ် လျှပ်စစ်ဓာတ်အား (၂၀.၃၈၁)ကီလိုဝပ် နာရီသန်းပေါင်းကို ထုတ်လုပ်နိုင်မှာဖြစ်ပြီး လဟယ်မြို့နှင့် အနီးဝန်းကျင်ကျေးရွာများရှိ အိမ်ထောင်စုပေါင်း (၁,၇၇၈)စုခန့်ကို လျှပ်စစ်ဓာတ်အားဖြန့်ဖြူးပေးနိုင်မှာဖြစ်ကြောင်း၊ စီမံကိန်းလုပ်ငန်းများကို (၂၀၂၅)ခုနှစ်မတ်လတွင် သတ်မှတ်အရည်အသွေးပြည့်မီစွာဖြင့် ပြီးစီးအောင်မြင်အောင် ဆောင်ရွက်ပေးကြစေလိုကြောင်း၊လုပ်ငန်းများဆောင်ရွက်ရာတွင်လည်းသဘာဝပတ်ဝန်းကျင်ကို ထိခိုက်ပျက်စီးမှုအနည်းဆုံးဖြင့်ဆောင်ရွက်ပေးကြစေလိုကြောင်းမှာကြားသည်။

ထို့နောက် ဝန်ကြီးချုပ်သည် နာဂယဉ်ကျေးမှုပြတိုက်အဆောက်အဦးတွင် ဌာနဆိုင်ရာများ၊ ဒေသခံပြည်သူများနှင့် တွေ့ဆုံရာ တစ်ဦးချင်း၏ လူမှုစီးပွားဘဝပြည့်စုံစေရန်၊ စားရေရိက္ခာများပြည့်စုံစေရန်၊ဒေသဖွံ့ဖြိုးတိုးတက်စေရန်နှင့် ဒေသ၏လိုအပ်ချက်များကို ဖြည့်ဆည်းဆောင်ရွက်ပေးလိုသောကြောင့် လာရောက်ခြင်းဖြစ်ပါကြောင်း၊ဒေသတည်ငြိမ်အေးချမ်းမှသာ လူတစ်ဦးချင်းစီ၏ ဘဝတိုးတက်မှုများကို လုပ်ဆောင်ပေးနိုင်မှာဖြစ်သောကြောင့်‌ဒေသခံပြည်သူများအနေဖြင့် တည်ငြိမ်အေးချမ်းမှုကို ဆက်လက်ထိန်းသိမ်းဖို့လိုအပ်ကြောင်း ၊

ရွှေ့ပြောင်းတောင်ယာအတွက် သစ်တောသစ်ပင်ခုတ်ထွင်ရှင်းလင်းခြင်းများအစား ကုန်းမြင့်လယ်ယာများဖော်ဆောင်ပေးခြင်း၊လှေကားထစ် စိုက်ပျိုးမှုစနစ်သို့ပြောင်းလဲစိုက်ပျိုးရန်သက်ဆိုင်ရာ ဌာနများနှင့်ပေါင်းစပ်ကာနည်းပညာပေးသင်တန်းများ၊စက်မှုပိုင်းဆိုင်ရာနှင့်အခြားလိုအပ်သည်များကိုဖြည့်ဆည်းဆောင်ရွက်ပေးလျက်ရှိပါကြောင်း၊တောင်ယာဟောင်းများတွင်လည်းနှစ်ရှည်သီးနှံပင်များစိုက်ပျိုးနိုင်ရန်စီမံပေးထားပါကြောင်း ပြောကြားသည်။

ထို့နောက် တိုင်းဒေသကြီးအစိုးရအဖွဲ့ အတွင်းရေးမှူး ဦးခင်မောင်ဆန်း၊နာဂကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့ ဥက္ကဋ္ဌ ဦးထွန်းထွန်းဝင်းနှင့် ဌာနဆိုင်ရာအသီးသီးမှ တာဝန်ရှိသူများမှလုပ်ငန်းများဆောင်ရွက်နေမှုအခြေအနေများတင်ပြခြင်း ၊ဒေသခံပြည်သူများ၏လိုအပ်ချက် တင်ပြများအပေါ်ဖြည့်ဆည်းဆောင်ရွက်ပေးခဲ့ပြီးနောက် လဟယ်ဒေသတွင်တာဝန်ထမ်းဆောင်နေကြသောဝန်ထမ်းများ၊ နာဂစာပေနှင့်ယဉ်ကျေးမှုအဖွဲ့နှင့် လုံခြုံရေးတပ်ဖွဲ့ဝင်များအတွက်ထောက်ပံ့ငွေများပေးအပ်ခဲ့သည်။ ထို့နောက် ဝန်ကြီးချုပ်မှ နိဂုံးချုပ်စကားပြောကြားပြီးအခမ်းအနားကိုရုတ်သိမ်းခဲ့ကာ ဒေသခံပြည်သူများနှင့်ရင်းရင်းနှီးနှီးတွေ့ဆုံနှုတ်ဆက်ခဲ့သည်။

ဝန်ကြီးချုပ်သည် နံနက်ပိုင်းတွင် ထန်ပါခွေမြို့ရှိ ထေရဝါဒဗုဒ္ဓသာသနာပြုကျောင်းသို့ သွားရောက်ကာ ကျောင်းထိုင်ဆရာတော် ဘဒ္ဒန္တဇေယျာနန္ဒအား ဖူးမျှော်ပြီး သာသနာရေးဆိုင်ရာများဆောင်ရွက်ရာတွင် အသုံးပြုရန် နဝကမ္မအလှူတော်ငွေ(၅)သိန်းကျပ် ဆက်ကပ်လှူဒါန်းခဲ့ကာ ဌာနဆိုင်ရာများမှလည်း သင်္ကန်းကပ်လှူခဲ့ကြသည်။

ထို့နောက် ထန်ပါခွေမြို့ Baptist Charch သို့ ရောက်ရှိပြီး သာသနာရေးဆိုင်ရာများဆောင်ရွက်ရာတွင် အသုံးပြုရန် အလှူတော်ငွေ(၅)သိန်းကျပ် အားပေးအပ်လှူဒါန်းရာ သင်းအုပ်ဆရာတော်ဦးလောင်ဆွေနှင့်အသင်းတော်တာဝန်ရှိသူတို့မှ ပြန်လည် ဆုမွန်ကောင်းတောင်းပေးခဲ့ကြောင်းသိရသည်။

မုံရွာ၊ ဖေဖော်ဝါရီ ၁၇

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် ဖေဖော်ဝါရီလ(၁၆) ရက်နေ့တွင် နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့၊ သီရိမင်္ဂလာမြစေတီတော်ကုန်းတော်တွင် ခရိုင်နှင့်မြို့နယ်အဆင့်ဌာနဆိုင်ရာများ၊တပ်မတော်သားများ၊မြန်မာနိုင်ငံမီးသတ်တပ်ဖွဲ့ဝင်များနှင့်ရပ်ကွက်နေပြည်သူများစုပေါင်းကာ သန့်ရှင်းရေးဆောင်ရွက်နေမှုကို ကြည့်ရှုအားပေးသည်။

ထိုသို့ဆောင်ရွက်ရာတွင် စေတီတော်ကုန်းတော်ပေါ်ရှိ မြက်ပင်များရိတ်ခြင်း၊သစ်ပင်သစ်ကိုင်းများခုတ်ထွင်ရှင်းလင်းခြင်း၊ပေါင်းမြက်များရှင်းလင်းခြင်းနှင့်အမှိုက်ကောက်ခြင်းစသည့် သန့်ရှင်းရေးဆောင်ရွက်ခဲ့ကြပြီး အလားတူ တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသအပါအဝင်ခရိုင်(၁၃)ခရိုင်၊မြို့နယ်ပေါင်း(၁၅)နေရာရှိ နေရာပေါင်း(၁၅)နေရာတွင် ခရိုင်နှင့်မြို့နယ်အဆင့်ဌာနဆိုင်ရာများ၊တပ်မတော်သားများ စုစုပေါင်း အင်အား (၁၈၀၅)ဦးတို့ဖြင့် ဆေးရုံများ၊စာသင်ကျောင်းများ၊ဘုရားပုရဝုဏ်နှင့်စေတီတော်များ၊ဌာနဆိုင်ရာရုံးဝင်းများ၊ ဈေးအတွင်းအပြင်များ၊ လမ်းဘေးဝဲယာများစသည့် အများနှင့်သက်ဆိုင်သောနေရာများတွင် စုပေါင်းသန့်ရှင်းရေးဆောင်ရွက်ခဲ့ကြကြောင်းသိရသည်။