မုံရွာမြို့၊ ဖေဖော်ဝါရီ ၂၆

(၂၆-၂-၂၀၂၄)ရက်နေ့နံနက်(၀၉၀၀)အချိန်၌ စစ်ကိုင်းတိုင်းဒေသကြီးအထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ(၂)တွင် ကျင်းပပြုလုပ်သော အမှုထမ်းဝန်ထမ်းများလုပ်ငန်းခွင်ဝင်သင်းတန်း အမှတ်စဉ်(၁/၂၀၂၄)ဖွင့်ပွဲအခမ်းအနားသို့ စစ်ကိုင်းတိုင်းဒေသကြီးအထွေထွေအုပ်ချုပ်ရေးဦးစီးဌာနမှ တိုင်းအုပ်ချုပ်ရေးမှူး ဦးခင်မောင်ဆန်း တက်ရောက်၍ အဖွင့်အမှာစကားပြောကြားခဲ့ပြီး အဆိုပါ အခမ်းအနားသို့ တိုင်းဒေသကြီးအထွေထွေအုပ်ချုပ်ရေးဦးစီးဌာနမှ ညွှန်ကြားရေးမှူးများ၊ ဒုတိယ ညွှန်ကြားရေးမှူးများ၊ လက်ထောက်ညွှန်ကြားရေးမှူးများနှင့် သင်တန်းသား/သူများ၊ စုစုပေါင်း (၄၁)ဦးတက်ရောက်ခဲ့ပြီး သင်တန်းကာလမှာ (၂၆-၂-၂၀၂၄)ရက်နေ့မှ (၈-၃-၂၀၂၄)ရက်နေ့အထိ ရက်သတ္တ(၂)ပတ်ကြာ ဖွင့်လှစ်သွားမည်ဖြစ်ပါသည်။

မုံရွာ၊ ဖေဖော်ဝါရီ ၂၆
အနောက်မြောက်တိုင်းစစ်ဌာနချုပ် နယ်မြေအတွင်း လုံခြုံရေးတာဝန်ထမ်းဆောင်နေကြ သောတပ်ဖွဲ့ဝင်များအား တိုင်းဒေသကြီးအစိုးရအဖွဲ့၊ ဌာနဆိုင်ရာဝန်ထမ်းများနှင့် အလှူရှင်များမှ စားသောက်ဖွယ်ရာပစ္စည်းများပေးအပ်ခြင်း အခမ်းအနားကို ဖေဖော်ဝါရီလ ၂၆ ရက်နေ့၊ နံနက် ပိုင်းတွင် အနောက်မြောက်တိုင်းစစ်ဌာနချုပ်၊ ဇေယျာသီရိခန်းမတွင် ကျင်းပပြုလုပ်ရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်ချုပ်သန်းထိုက်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ ဝင်များ၊ တပ်မတော်မှအရာရှိကြီးများ၊ တိုင်းဒေသကြီးအဆင့် ဌာနဆိုင်ရာများ၊ အလှူရှင်များနှင့် တာဝန်ရှိသူများ တက်ရောက်ကြသည်။
ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စားသောက်ဖွယ်ရာပစ္စည်းများ ပေးအပ်ရခြင်းနှင့်ပတ်သက်၍ ရှင်းလင်းပြောကြားပြီး အနောက်မြောက်တိုင်းစစ်ဌာနချုပ် တိုင်းမှူး ဗိုလ်ချုပ်သန်းထိုက်က စားသောက်ဖွယ်ရာပစ္စည်းများ ပေးအပ်သည့်အတွက် ကျေးဇူး တင်စကား ပြန်လည်ပြောကြားသည်။
ဆက်လက်ပြီး တိုင်းဒေသကြီး ဝန်ကြီးချုပ်က တိုင်းမှူးထံ စားသောက်ဖွယ်ရာပစ္စည်း များအားပေးအပ်ပြီး စစ်ကိုင်းတိုင်းဒေသကြီးအတွင်းရှိ ဌာနဆိုင်ရာဝန်ထမ်းများနှင့် ပြည်သူများမှ အနောက်မြောက်တိုင်းစစ်ဌာနချုပ်နယ်မြေအတွင်း လုံခြုံရေးတာဝန်ထမ်းဆောင်နေကြသည့် တပ်ဖွဲ့ဝင်များအား စားသောက်ဖွယ်ရာပစ္စည်းများ ပေးအပ်ထောက်ပံ့သည့် မှတ်တမ်း Video Click အားကြည့်ရှုကာ အခမ်းအနားကို ရုပ်သိမ်းခဲ့ကြသည်။
အဆိုပါ အနောက်မြောက်တိုင်းစစ်ဌာနချုပ်နယ်မြေအတွင်း လုံခြုံရေးတာဝန်ထမ်း ဆောင်နေကြသော တပ်ဖွဲ့ဝင်များအား တိုင်းဒေသကြီးအစိုးရအဖွဲ့၊ ဌာနဆိုင်ရာဝန်ထမ်းများနှင့် အလှူရှင်များမှ စားသောက်ဖွယ်ရာပစ္စည်းများပေးအပ်ခြင်း အခမ်းအနားတွင် စုစုပေါင်းတန်ဖိုး ငွေကျပ် ၅၀၀၂၃၄၀၀ ၊ (သိန်း ငါးရာ နှင့် နှစ်သောင်းသုံးထောင့်လေးရာကျပ်) တန်ဖိုးရှိ စားသောက်ဖွယ်ရာပစ္စည်းများအား ပေးအပ်ခဲ့သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် တိုင်းဒေသကြီး အစိုးရအဖွဲ့ ရုံးဝန်းအတွင်းရှိ ချင်းတွင်းခန်းမတွင် ကျင်းပပြုလုပ်သည့် နိုင်ငံ့တာဝန်များအား တစ်ထောင့်တစ်နေရာမှ တာဝန်များထမ်းဆောင်ခဲ့ကြသော အငြိမ်းစားဝန်ထမ်းများ စား သောက်ရေးနှင့်ကျန်းမာရေးစစ်ဆေးမှုများ အဆင်ပြေစေရန်အတွက် စစ်ကိုင်းတိုင်းဒေသကြီး အစိုးရအဖွဲ့၏ကြီးကြပ်မှုဖြင့် တိုင်းဒေသကြီးအတွင်းရှိ အငြိမ်းစားဝန်ထမ်းများအား ကျန်းမာရေး စစ်ဆေးပေးခြင်းနှင့် အခြေခံစားသောက်ကုန်များ(တတိယအကြိမ်)ထောက်ပံ့ ခြင်းအခမ်းအနား သို့ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်များက အခမ်းအနားသို့တက် ရောက်လာကြသော အငြိမ်းစားဝန်ထမ်းများအား ရင်းရင်းနှီးနှီးလိုက်လံနှုတ်ဆက်ခဲ့ကြပြီး အခြေ ခံစားသောက်ကုန်များအား လက်ရောက်ပေးအပ်ကြကာ အငြိမ်းစားဝန်ထမ်းများအား ကျန်းမာ ရေးစစ်ဆေးပေးနေမှုများနှင့် နံနက်ခင်းစာများဖြင့်ဧည့်ခံနေမှုများအား ကြည့်ရှုအားပေးခဲ့ကြပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
မုံရွာမြို့ပေါ်ရှိ အငြိမ်းစားဝန်ထမ်း ၇၂၀၀ ကျော်အား ပင်စင်လစာများထုတ်ယူရာတွင် အဆင်ပြေလွယ်ကူလျင်မြန်စွာဖြင့် ထုတ်ယူနိုင်စေရန်အတွက် မြန်မာစီးပွားရေးဘဏ် အနေ ဖြင့် E ပင်စင်စနစ်၊ Manual စနစ်များဖြင့် ထုတ်ပေးလျက်ရှိပြီး ယနေ့အခမ်းအနားတွင် မုံရွာမြို့ပေါ်ရှိ အငြိမ်းစားဝန်ထမ်းများအား အခြေခံစားသောက်ကုန်များဖြစ်သည့် စားသုံးဆီ နှင့်ကြက်ဥများ ထောက်ပံ့ပေးအပ်ခဲ့ကြပြီး အလားတူဆောင်ရွက်မှုများအား တိုင်းဒေသကြီးအတွင်းရှိ မြို့နယ် များအားလုံးတွင် ဆောင်ရွက်ပေးလျက်ရှိကြောင်း သိရသည်။

မုံရွာ၊ ဖေဖော်ဝါရီ ၂၅

စစ်ကိုင်းတိုင်းဒေသကြီးအစိုးရအဖွဲ့၏ ဒုတိယအကြိမ်မြောက် စုပေါင်းထမနဲထိုးပွဲကို ဖေဖော်ဝါရီလ ၂၄ ရက်၊ တပို့တွဲလပြည့်နေ့၊ ညနေပိုင်းတွင် တိုင်းဒေသကြီးအစိုးရ အဖွဲ့ရုံးဝင်း အတွင်းရှိ ချင်းတွင်းခန်းမအနီး၌ စည်ကားသိုက်မြိုက်စွာ ကျင်းပပြုလုပ်ခဲ့ရာ အခမ်းအနား သို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရအဖွဲ့ဝင်များ ၊ဌာနဆိုင်ရာ တာဝန်ရှိသူများနှင့် အရာထမ်း၊အမှုထမ်းများ တက်ရောက်ကြသည်။

ထမနဲသည် မြန်မာ့ရိုးရာအစားအစာတစ်မျိုးဖြစ်သလို မြန်မာတို့၏ (၁၂)လရာသီပွဲတော် များထဲတွင် တပို့တွဲလ ထမနဲပွဲသည်လည်း ထင်ရှားသော ပွဲတော်တစ်ခုဖြစ်ပြီး ဒါ့အပြင် တစ်ဦး ကောင်းတစ်ယောက်ကောင်းမဟုတ်ပဲ အများစုပေါင်းပြီး စည်းလုံးညီညွတ်စွာဆောင်ရွက်မှ အောင်မြင်သည့်အရာဖြစ်သောကြောင့် မြန်မာ့ယဉ်ကျေးမှုအစဉ်အလာကိုထိန်းသိမ်းခြင်းနှင့် ဝန်ထမ်းအချင်းချင်းစည်းလုံးညီညွတ်စွာဖြင့် အတူတကွ ပူးပေါင်းဆောင်ရွက်ကာ အောင်မြင်မှုသို့ ရောက်ရှိခြင်းဆိုသည့် အဓိပ္ပါယ်များဖြင့် စုပေါင်းထမနဲထိုးပွဲကို ကျင်းပခြင်းဖြစ်သည် ဟုသိရ သည်။

အဆိုပါ စုပေါင်းထမနဲထိုးပွဲတွင် လုံခြုံရေးနှင့်နယ်စပ်ရေးရာ ဝန်ကြီးဌာန၊စီးပွားရေးရာ ဝန်ကြီးဌာန၊ သယံဇာတရေးရာဝန်ကြီးဌာန၊ လူမှုရေးရာဝန်ကြီးဌာန၊ လမ်းပန်းဆက်သွယ်ရေး ဝန်ကြီးဌာန၊ တိုင်းရင်းသားရေးရာဝန်ကြီးဌာန၊ ဥပဒေချုပ်ရုံး၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့မှ အဖွဲ့ ၉ ဖွဲ့ခွဲကာ ပြိုင်ပွဲမဟုတ်သော်လည်း တစ်ဖွဲ့နှင့်တစ်ဖွဲ့ ကောင်းသည်ထက်ကောင်းအောင် အပြိုင်အဆိုင်ထိုးခဲ့ကြပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက လိုက်လံအားပေးကြည့်ရှုခဲ့သည်။

ထို့နောက် ချင်းတွင်းခန်းမအတွင်း၌ တိုင်းဒေသကြီး ဝန်ကြီးချုပ်နှင့် အတူ စုပေါင်းထမနဲ ထိုးပွဲသို့ တက်ရောက်လာသူများမှ ထိုးထားသည့်ထမနဲများအား ချစ်ကြည်ရင်းနှီးစွာ အတူတကွ စားသုံးရင်း ရိုးရာထမနဲပွဲကို ပျော်ရွှင်စွာ ဆင်နွှဲခဲ့ကြကြောင်းသိရသည်။

မုံရွာ၊ ဖေဖော်ဝါရီ ၂၄

စစ်ကိုင်းတိုင်းဒေသကြီး အစိုးရအဖွဲ့မှ ဦးဆောင် ကျင်းပပြုလုပ်သော ၂၂-၁၂-၂ဝ၂၃ ရက်နေ့မှ ၂၄-၂-၂ဝ၂၄ ရက်နေ့အထိ အသံမစဲ ဥပ္ပါတသန္တိပါဠိတော် ရွတ်ဖတ်ပူဇော်ခြင်းအောင်ပွဲနှင့် ဆွမ်းဆန်စိမ်းလောင်းလှူပွဲ မဟာမင်္ဂလာအခမ်းအနား ကို သာသနာတော်နှစ် ၂၅၆၇- ခုနှစ်၊ ကောဇာသက္ကရာဇ် ၁၃၈၅- ခုနှစ်၊ တပို့တွဲ လပြည့်နေ့ ၊စနေနေ့ ဖေဖော်ဝါရီလ ၂၄ ရက်၊ နံနက်(၈ ) နာရီအချိန်က မုံရွာမြို့၊ ရွှေစည်းခုံသာသနာ့ဗိမာန်တော်၌ကျင်းပရာ အခမ်းအနားသို့ နိုင်ငံတော်ဩဝါဒါစရိယ၊ မုံရွာမြို့၊ ဘုရားကြီးရပ်ကွက်၊ မဟာဝိဇ္ဇာသိပ္ပံကျောင်း တိုက်ပဓာနနာယက၊ အဂ္ဂမဟာပဏ္ဍိတ ဆရာတော်ဘုရားကြီးအမှူးပြုသော သံဃာတော်အရှင်သူမြတ်များ၊ တိုင်းဒေသကြီး ဝန်ကြီးချုပ်နှင့်ဇနီး၊ တိုင်းဒေသကြီး တရားလွှတ်တော်တရားသူကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် ဇနီးများ၊တိုင်းဒေသကြီးအစိုးရအဖွဲ့ အတွင်းရေးမှူးနှင့် ဇနီး၊ တိုင်းဒေသကြီး၊ခရိုင်၊မြို့နယ်အဆင့်ဌာနဆိုင်ရာတာဝန်ရှိသူများနှင့် ဝန်ထမ်းများ တက်ရောက်ခဲ့ကြသည်။

ဦးစွာ ဆရာတော်ကြီးများနှင့်တကွ တိုင်းဒေသကြီး ဝန်ကြီးချုပ် ဦးမြတ်ကျော်နှင့်အတူ တက်ရောက်လာကြသူများမှ“ နမောတဿ ”သုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ပေးကြသည်။

ဆက်လက်ပြီး နိုင်ငံတော်ဩဝါဒါစရိယ၊ မုံရွာမြို့၊ ဘုရားကြီးရပ်ကွက်၊ မဟာဝိဇ္ဇာသိပ္ပံကျောင်း တိုက်ပဓာနနာယက၊ အဂ္ဂမဟာပဏ္ဍိတ ဆရာတော်ဘုရားကြီးထံမှ ငါးပါးသီလ ခံယူဆောက်တည်ကြပြီးနောက်သံဃာတော်အရှင်သူမြတ်တို့ ရွတ်ပွားသရဇ္ဈာယ်တော်မူသော မေတ္တသုတ် ပရိတ်တရားတော်များကို နာယူကြည်ညိုခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့က သံဃာတော်အရှင်သူမြတ်တို့အား လှူဖွယ်ဝတ္ထုပစ္စည်းများကို ဆက်ကပ်လှူဒါန်းခဲ့ကြပြီး လှူဒါန်းမှုအစုစုအတွက် မုံရွာမြို့ ၊ ရန်ကင်းကျောင်းတိုက်ပဓာနနာယက၊ အဂ္ဂမဟာပဏ္ဍိတ ဒွိပိဋကဓရ ဒွိပိဋကကောဝိဒ ဆရာတော်ကြီးထံမှ အနုမောဒနာတရား နာယူကြည်ညို၍ ရေစက်သွန်းချ အမျှပေးဝေခဲ့ကြသည်။

ယင်းနောက် မုံရွာမြို့၊ အောင်ချမ်းသာရပ်ကွက်၊ တိပိဋကာလင်္ကာရသာမဏေကျော်ကျောင်း တိုက်ဆရာတော်ဘဒ္ဒန္တကောဝိဒ ( ဂန္ထဝါစကပဏ္ဍိတ )က နတ်ဗြဟ္မာများအား ပြန်လည်ပို့ဆောင်ပေးခဲ့ပြီးနောက် တိုင်းဒေသကြီး ဝန်ကြီးချုပ်နှင့် ဧည့်ပရိသတ်အပေါင်းတို့က“ ဗုဒ္ဓ သာသနံ စိရံ တိဋ္ဌတု ” သုံးကြိမ်ရွတ်ဆို ဆုတောင်း၍ အခမ်းအနား ကို ရုပ်သိမ်းလိုက်ကြောင်းသိရသည်။

ထို့နောက် မုံရွာမြို့ အသံမစဲ ဥပ္ပါတသန္တိပါဠိတော် ရွတ်ဖတ်ပူဇော်ခြင်းအောင်ပွဲအဖြစ် ဆွမ်းဆန်စိမ်းလောင်းလှူပူဇော်ပွဲကို အဆိုပါ မုံရွာမြို့၊ ရွှေစည်းခုံသာသနာ့ဗိမာန်တော်ရှေ့၌ စည်းကားသိုက်မြိုက်စွာ ကျင်းပရာ သံဃာတော်အရှင်သူမြတ်များအား ဆွမ်းဆန်တော်နှင့်လှူဖွယ်ပစ္စည်းများကို တိုင်းဒေသကြီး ဝန်ကြီးချုပ်နှင့်အတူ တက်ရောက်လာကြသူအပေါင်းတို့က ဆက်ကပ်လောင်းလှူခဲ့ကြကြောင်း သတင်းရရှိသည်။

မုံရွာ၊ ဖေဖော်ဝါရီ ၂၃

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး၊ခရိုင်/မြို့နယ် အဆင့်ဌာနဆိုင်ရာများနှင့်အတူ ဖေဖော်ဝါရီလ ၂၃ ရက်နေ့၊ နံနက်ပိုင်းက မုံရွာမြို့၊ သူနာပြုနှင့်သားဖွားသင်တန်းကျောင်း၌ ကျင်းပသော သူနာပြု-သားဖွားဒီပလိုမာ သင်တန်းသား/သူများ၏ အာဟာရပြည့်ဝသောနေ့လယ်စာပြင်ဆင်ချက်ပြုတ် မှုပြိုင်ပွဲသို့ တက်ရောက်အားပေးသည်။

အခမ်းအနားတွင် အစားအသောက်အကဲဖြတ်ရေး ဒိုင်ချုပ်ဖြစ်‌သော တိုင်းဒေသကြီး၊ ပြည်သူ့ကျန်းမာရေးဦးစီးဌာနမှ ဒုတိယညွှန်ကြားရေးမှူး ဒေါက်တာညီညီလွင်မှ ပြည်သူလူထုအတွက် ကျန်းမာရေးနှင့်ညီညွတ်သည့် အာဟာရပြည့်ဝသော အစား အသောက်များ စနစ်တကျပြင်ဆင်ချက်ပြုတ်စားသုံးတတ်စေရန်၊ သင်တန်းသား/သူများ၏ ကာယဉာဏစွမ်းရည်ပြည့်ဝစေရန်နှင့် ပျော်ရွှင်စွာ လက်တွေ့ပညာသင်ယူဆည်းပူးနိုင်စေဖို့ ရည်ရွယ်ပြီး ပြိုင်ပွဲအားစီစဉ်ကျင်းပခြင်းဖြစ်ပါကြောင်း၊ အစားအစာရွေး ချယ်ခြင်း၊ တစ်ကိုယ်ရည်သန့်ရှင်းမှု၊ မီးဖိုချောင်သုံးပစ္စည်းများသန့်ရှင်းမှု၊ အာဟာရများမဆုံးရှုံးအောင် ပြင်ဆင်ချက်ပြုတ်ခြင်း၊ ကယ်လိုရီတွက်ချက်မှုနှင့်ပါဝင်သောအာဟာရများတင်ပြခြင်း အစရှိသည့် အချက်(၁၂)ချက်ဖြင့် အကဲဖြတ်အမှတ်ပေးသွားမည်ဖြစ် ကြောင်း၊ ပြိုင်ပွဲယှဉ်ပြိုင်ချိန်တွင်တစ်နာရီဖြစ်ကြောင်း ရှင်းလင်းပြောကြားသည်။

ထို့နောက် ပြိုင်ပွဲဝင်အဖွဲ့ (၄)ဖွဲ့မှ ယှဉ်ပြိုင်ခဲ့ကြပြီး ပြိုင်ပွဲကျင်းပနေစဉ်အတွင်း မုံရွာ- သူနာပြုနှင့်သားဖွားသင်တန်း ကျောင်းမှ ကျောင်းသား/သူများမှ တေးသီချင်းများဖြင့် ကပြဖျော်ဖြေခဲ့ကြပြီး ပြိုင်ပွဲယှဉ်ပြိုင်ချက်ပြုတ်နေကြသည့် အဖွဲ့များအား တိုင်းဒေသကြီးဝန်ကြီးချုပ်နှင့် တာဝန်ရှိသူများမှ လိုက်လံကြည့်ရှုအားပေးရာ ပြိုင်ပွဲဝင်အဖွဲ့များမှမိမိတို့ချက် ပြုတ်ထားသော ဟင်းတစ်မျိုးစီ၏ ပါဝင်သည့်ကယ်လိုရီ၊ အာဟာရဖြစ်မှုနှင့်ကုန်ကျစရိတ်တို့အား ရှင်းလင်းပြသခဲ့ကြသည်။

ထို့နောက် ဆုများ‌ချီးမြှင့်ပွဲအခမ်းအနားကို ကျင်းပရာ တိုင်းဒေသကြီး ဝန်ကြီးချုပ်မှ‌ ပထမဆုရရှိသော တတိယနှစ် သူနာပြုအဖွဲ့အား ဂုဏ်ပြုဆုငွေများအားလည်းကောင်း၊ တာဝန်ရှိသူများမှ ဒုတိယဆုရရှိသော(ဒုတိယနှစ်သူနာပြု)အဖွဲ့၊ တတိယဆု ရရှိ‌သောပထမနှစ်သူနာပြု (အကြီးတန်း)အဖွဲ့နှင့် နှစ်သိမ့်ဆုရရှိ‌သော ပထမနှစ်သူနာပြု (အကြီးတန်း)အဖွဲ့တို့အား ဂုဏ်ပြုဆု‌ငွေများ အသီးသီး ပေးအပ်ချီးမြှင့်ခဲ့ကြသည်။

ယင်းနောက် မုံရွာမြို့- သူနာပြုနှင့်သားဖွားသင်တန်းကျောင်းအတွက် ထောက်ပံ့ငွေကျပ်(၁၅)သိန်းအား တိုင်းဒေသကြီး အစိုးရအဖွဲ့ စီးပွားရေးရာဝန်ကြီး ဒေါ်ရီရီသန့်မှ ကျောင်းအုပ်ကြီးထံပေးအပ်ခဲ့ပြီး ပြိုင်ပွဲယှဉ်ပြိုင်ချိန် တေးသီချင်းများဖြင့် ဖျော်ဖြေခဲ့ကြသည့် ကျောင်းသား/သူများအား တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးညွန့်ဝင်းအောင်မှ ဆုငွေကျပ် (၅)သိန်းအား ချီးမြှင့်ပေးအပ်ခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့် တိုင်းဒေသကြီးအစိုးရအဖွဲ့ဝင်များသည် သူနာပြုသင်တန်းသား/သူများနှင့်အတူ အမှတ်တရ စုပေါင်းမှတ်တမ်းတင်ဓါတ်ပုံရိုက်ကူးခဲ့ပြီး သင်တန်းသား/သူများ၊ မုံရွာမြို့- သူနာပြုနှင့်သားဖွားသင်တန်းကျောင်း ဝန်ထမ်းများနှင့်မိသားစုနေ့လယ်စာအား ရင်းရင်းနှီးနှီး အတူတကွသုံးဆောင်ခဲ့ကြောင်း သိရသည်။

မုံရွာ၊ ဖေဖော်ဝါရီ ၂၂

စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင်များ၊ ခရိုင်၊မြို့နယ်အဆင့် ဌာနဆိုင်ရာများနှင့် တာဝန်ရှိသူများ လိုက်ပါလျက် ယနေ့ နံနက်ပိုင်းတွင် ကလေးမြို့ မဟာစည်သာသနာ့ရိပ်သာကျောင်းတိုက် ရှိ မြို့နယ် သံဃနာယကအဖွဲ့(သုဓမ္မာ) ဥက္ကဌ ၊ ကံသာယာသာသနာပြုဗဟိုကျောင်းတိုက် ထေရဝါဒဗုဒ္ဓသာသနာပြုဗဟိုဆရာတော်ဘဒ္ဒန္တဇဝန နှင့်မြို့နယ်သံဃနာယကအဖွဲ့ အကျိုးတော်ဆောင်(သုဓမ္မာ)မဟာစည်သာသနာ့ရိပ်သာကျောင်းတိုက်၊မဟာကမ္မဌာနာစရိယဆရာတော်ဘဒ္ဒန္တဓမ္မာနန္ဒ တို့အားသွားရောက်ဖူးမြှော်ကြည်ညို၍ သာသနာရေးဆိုင်ရာများကိုလျှောက်ထားတင်ပြခဲ့ပြီးဆရာတော်ကြီးများထံသို့ ဆွမ်းဆန်တော် နှင့်လှူဖွယ်ပစ္စည်းများအားဆက်ကပ်လှူဒါန်းခဲ့ပြီး ရှေးဟောင်းသမိုင်းဝင်ရွှေဘုံသာစေတီတော်၊ ရာဇမုနိရှစ်မျက်နှာ စေတီတော်နှင့် ဓမ္မာရုံတို့ ရေရှည်တည်တန့်ရေးအတွက်ပြုပြင်ထိန်းသိမ်း ဆောင်ရွက်ရေးလုပ်ငန်းများအားတာဝန်ရှိသူများနှင့်လှ့ည်လည်ကြည့်ရှုစစ်ဆေးခဲ့သည်။

ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့သည် အမှတ် (၁) အခြေခံပညာ အထက်တန်း ကျောင်း နှင့် အမှတ်(၃) အခြေခံပညာအထက်တန်း ကျောင်း တို့သို့ရောက်ရှိကာ ခရိုင်ပညာရေးမှူး၊ ကျောင်းအုပ်ကြီးနှင့် ဌာနဆိုင်ရာတာဝန်ရှိသူများနှင့်အတူ(Grade 5)၊ (Grade 9)ကျောင်းသားကျောင်းသူများ တန်းစဉ်ကူးပြောင်းမှု နှစ်ဆုံးစာမေးပွဲဖြေဆိုနေမှုတို့အား လှည့်လည် ကြည့်ရှုစစ်ဆေးပြီး လိုအပ်သည်များကို ဖြည့်ဆည်း ဆောင်ရွက်ပေးခဲ့ကြောင်း သိရှိရသည်။

၂၀၂၃ - ၂၀၂၄ ပညာသင်နှစ် တန်းစဉ်ကူးပြောင်းမှုနှစ်ဆုံးစာမေးပွဲတွင် ကလေးမြို့နယ် စာစစ်ဌာန (၅၀)ခု၌(Grade 5)ကျောင်းသား/သူ ( ၂၃၃၄ )ဦး နှင့်(Grade 9) ကျောင်းသား/သူ ( ၂၄၂၁ )ဦး စုစုပေါင်း ကျောင်းသား/သူ (၄၇၅၅) ဦး ဖြေဆိုခဲ့ကြောင်း သိရသည်။

တိုင်းဒေသကြီး၊ပြန်/ဆက်။