မုံရွာ၊ မတ် ၁၈

စစ်ကိုင်းတိုင်းဒေသကြီး ပြည်သူ့စစ်မှုထမ်းဆင့်ခေါ်ရေးအဖွဲ့ (ဒုတိယအကြိမ်) လုပ်ငန်းညှိနှိုင်းအစည်းအဝေးကို မတ်လ ၁၈ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်း အဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေ သကြီး အစိုးရအဖွဲ့ဝင်များ၊ တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေးအဖွဲ့ဝင်များနှင့် တာဝန်ရှိသူများ တက်ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ ကသာခရိုင် စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဋ္ဌများမှ Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြည်သူ့စစ်မှုထမ်းဥပဒေအား ပြဌာန်းကျင့်သုံးလာမှုအပေါ် ပြည်ပမီဒီယာများမှ ကောလာဟလသတင်းမျိုးစုံထုတ်လွှင့်ကာ ပြည်သူနှင့်တပ်မတော်အစိုးရအပေါ် အထင်မြင်လွဲမှားသည့် လုပ်ဆောင်လာမှုများအား တွေ့ရှိရ ပါ၍ နိုင်ငံတော်အနေဖြင့် ပြည်သူလူထုအား အခြေအနေမှန်များသိရှိအောင် နည်းလမ်းမျိုးစုံဖြင့် ချပြရှင်းလင်းခဲ့ပြီး အနီးစပ်ဆုံးပြည်သူ့ဝန်ထမ်းများနှင့် နီးစပ်ရာမိသားစု အသိုင်းအဝိုင်းများကို လည်းရှင်းလင်းအသိပေးဆောင်ရွက်လျှက်ရှိပါကြောင်း၊ မြေပြင်တွင်အမှန်တစ်ကယ် လုပ်ဆောင် ကြရမည့် ခရိုင်/မြို့နယ်အဖွဲ့များအနေဖြင့် လုပ်ဆောင်ရမည့်တာဝန်အား သိရှိနားလည်ကာ ရည် မှန်းချက်အောင်မြင်အောင် အစီအမံများစနစ်တကျရေးဆွဲ လုပ်ဆောင်သွားကြရန် လိုအပ်ပါကြောင်း၊ တိုင်းဒေသကြီးအတွင်းရှိ ခရိုင်အုပ်ချုပ်ရေးမှူးများ၊ ကော်မတီအဖွဲ့ဝင်များနှင့် တာဝနှ်ရှိသူ အားလုံးအနေဖြင့် မြို့နယ်/ရပ်ကွက်/ကျေးရွာများရှိ ပြည်သူ့စစ်မှုထမ်းဥပဒေနှင့်အကျူံးဝင်သည့် သူများ၏ စာရင်းကောက်ယူရေးလုပ်ငန်းများအား သက်မှတ်ထားသည့်ကာလတွင် အချိန်မီ ကောက်ယူပြီးစီးရေး အလေးထားဆောင်ရွက်သွားကြရန် လိုအပ်ပါကြောင်း၊ Working Group များအနေဖြင့်လည်း ပေးအပ်ထားသည့်တာဝန်များအား ကြိုးစားဆောင်ရွက်သွားရန်နှင့် ဆက်စပ်ဌာနများတစ်ခုနှင့်တစ်ခု အပြန်အလှန်ပူးပေါင်း ဆောင်ရွက်သွားကြရန် လိုအပ်ပါ ကြောင်း ပြောကြားခဲ့သည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌများက Video Conferencing စနစ်ဖြင့် မိမိတို့ခရိုင်/မြို့နယ်များအတွင်းရှိ ပြည်သူ့စစ်မှုထမ်းဆင့်ခေါ်ရေး စာရင်း ကောက်ယူရေး လုပ်ငန်းများဆောင်ရွက်နေမှုများနှင့် ဆက်လက်ဆောင်ရွက်သွားမည့် လုပ်ငန်း အခြေအနေများအား လည်းကောင်း၊ မုံရွာခရိုင် ဒုတိယအုပ်ချုပ်ရေးမှူးက ခရိုင်အတွင်း ပြည်သူ့ စစ်မှုထမ်းဆင့်ခေါ်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြသည်။

ယင်းနောက် တိုင်းဒေသကြီး/ခရိုင် ပြည်သူ့စစ်မှုထမ်းဆင့်ခေါ်ရေးအဖွဲ့ဝင်များက တိုင်းဒေ သကြီးအတွင်းရှိ ခရိုင်/မြို့နယ်များ၌ မိမိတို့ဌာနများအလိုက် ပြည်သူ့စစ်မှုထမ်းဆင့်ခေါ်ရေး စာရင်းကောက်ယူရေးလုပ်ငန်းများ ဆောင်ရွက်နေမှုနှင့် ဆောင်ရွက်နေသည့် လုပ်ငန်းအခြေအနေများအား ရှင်းလင်းဆွေးနွေးတင်ပြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များမှ တိုင်းဒေသကြီးအတွင်း ပြည်သူ့စစ်မှုထမ်းဆင့်ခေါ်ရေး လုပ်ငန်များဆောင်ရွက်နေမှု အခြေ အနေများနှင့် ပတ်သက်၍ အထွေထွေ ဖြည့်စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ် ဦးမြတ်ကျော်က အစည်းအဝေးသို့ တက်ရောက် လာသူများ၏ အသီးသီးအကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးပြီး နိဂုံးချုပ်စကားပြောကြားခဲ့ကြောင်း သိရသည်။

မုံရွာ၊ မတ် ၁၆
မုံရွာမြို့ရှိ နိုင်ငံ့တာဝန်များထမ်းဆောင်နေကြသည့် ဌာနဆိုင်ရာဝန်ထမ်းများ စိတ်အေး ချမ်းသာစွာဖြင့် နေထိုင်သွားလာနိုင်စေရေး၊ ဝန်းထမ်းနေအိမ်များနှင့်လမ်းများ သန့်ရှင်းသပ်ရပ် စေရေး၊ သစ်ပင်ခြုံနွယ်များ၊ ပေါင်းမြက်များခုတ်ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေရေးတို့အတွက် မတ်လ ၁၆ ရက်နေ့၊ နံနက်ပိုင်း တွင် စစ်ကိုင်းတိုင်းဒေသကြီး၊ မုံရွာမြို့၊ နန္ဒဝန်ရပ်ကွက်၊ နန္ဒဝန်စုပေါင်းအိမ်ရာအနီးရှိ လမ်းဘေး ဝဲ/ယာများအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာန ဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် လူမူရေးအသင်းအဖွဲ့များနှင့် ဌာနဆိုင်ရာ ဝန်ထမ်းများ စုပေါင်း၍ သန့်ရှင်းရေးလုပ်ငန်းများ ဆောင်ရွက်ကြသည်။
အဆိုပါ စုပေါင်းသန့်ရှင်းရေး လုပ်ငန်းများဆောင်ရွက်နေမှုအား တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များနှင့် တာဝနှ်ရှိသူများက လိုက်လံ ကြည့်ရှုအားပေးပြီး ဌာနဆိုင်ရာဝန်ထမ်းများအား ရင်းရင်းနှီးနှီးနှုတ်ဆက်ကာ စုပေါင်းသန့်ရှင်း ရေးလုပ်ငန်းများ ဆောင်ရွက်နေသူများ၊ ရပ်ကွက်နေပြည်သူများနှင့် ဌာနဆိုင်ရာဝန်ထမ်းများ အား တန်ဖိုးသင့်စားသောက်ကုန်များ၊ ဟင်းသီးဟင်းရွက်များနှှင့် စားသုံးဆီများအား စေျးနှုန်း သက်သာစွာဖြင့်ရောင်းချပေးခဲ့ပြီး စုပေါင်းသန့်ရှင်းရေးလုပ်ငန်းများ ဆောင်ရွက်နေကြသူများ အားစားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။
အလားတူ စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၁ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၂၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြောင်း သိရ သည်။

မုံရွာ၊ မတ် ၁၅
ကမ္ဘာ့စားသုံးသူအခွင့်အရေးများနေ့ အခမ်းအနားကို မတ်လ ၁၅ ရက်နေ့၊ နံနက်ပိုင်းတွင် စစ်ကိုင်းတိုင်းဒေသကြီး အစိုးရအဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပရာ အခမ်း အနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ လုပ် ငန်းရှင်များနှင့် ဖိတ်ကြားထားသူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က စားသုံးသူအခွင့်အရေးဆိုသည် လူတိုင်းနှင့်သက်ဆိုင်သည့် ကိစ္စဖြစ်ပါကြောင်း၊ မိမိတို့နေ့စဉ်စားသုံးမည့်၊ အသုံးပြုမည့် အစား အသောက်များ၊ ကုန်စည်များ၊ ဝန်ဆောင်မှုများအားလုံးကို ဝယ်ယူသုံးစွဲသူများဖြစ်၍ မိမိတို့အား လုံးသည် စားသုံးသူများဖြစ်ကြပါကြောင်း၊ စားသုံးသူပြည်သူများအနေဖြင့် မိမိတို့၏ စားသုံးသူ အခွင့်အရေးများ ချိူးဖောက်ခံရပါက အရေးဆိုတိုင်ကြားရန် လိုအပ်ပြီး တိုင်ကြားမှုများဖြစ်ပေါ် ပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်ခြင်းဖြင့် စားသုံးသူများ အတွက် အကာအကွယ်ရမှာဖြစ်ပါကြောင်း၊ သက်ဆိုင်ရာဌာနဆိုင်ရာများမှ စားသုံးသူပြည်သူများ အား စားသုံးသူကာကွယ်ရေးနှင့်ပတ်သက်သည့် သတင်းအချက်အလက်များဖြန့်ဝေရေးနှင့် ထုတ်လုပ်သူများမှစားသုံးသူများအတွက် ကျန်းမာရေးနှင့်ညီတ်ပြီး ဘေးအန္တရာယ်ကင်းရှင်းသည့် အာမခံချက်ပေးနိုင်မည့်ကုန်စည်၊ ဝန်ဆောင်မှုများအား ထုတ်လုပ်ဖြန့်ဖြူးရောင်းချနိုင်ရေး ကြပ် မတ်ဆောင်ရွက်သွားကြရန် လိုအပ်သကဲ့သို့ ဥပဒေနှင့်မညီညွတ်မှုများကိုလည်း ထိရောက်စွာ အရေး ယူဆောင်ရွက်သွားကြရန် မှာကြားလိုပါကြောင်း၊ စားသုံးသူပြည်သူများအနေဖြင့်လည်း နစ်နာမှုများ ကြုံလာရပါက သက်ဆိုင်ရာဌာနသို့ တိုင်ကြားခြင်းဖြင့် မိမိတို့နစ်နာမှုအား ပြန် လည်ကုစားခွင့်တောင်းဆိုခွင့်များ ရရှိလာမှာဖြစ်ပါ၍ လုပ်ငန်းရှင်များအနေဖြင့်လည်း မျှတသည့် စီးပွားရေးပတ်ဝန်း ကျင်ကောင်း တည်ဆောက်ရာ ရောက်မှာဖြစ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး ဝန်ကြီးချုပ်က ကမ္ဘာ့စားသုံးသူအခွင့်အရေးများနေ့ အထိမ်း အမှတ် ဆောင်းပါးပြိုင်ပွဲတွင် စစ်ကိုင်းတိုင်းဒေသကြီးမှ ရေးသားပေးပို့ပြိုင်ပွဲဝင်ခဲ့သည့် ပြိုင်ပွဲဝင် (၃)ဦးကိုယ်စား ပြိုင်ပွဲဝင်(၁)ဦးထံ ဂုဏ်ပြုမှတ်တမ်းလွှာအား ပေးအပ်ချီးမြှင့်ခဲ့သည်။
ဆက်လက်ပြီး တိုင်းဒေသကြီး စားသုံးသူရေးရာကော်မတီ ဥက္ကဌ၊ တိုင်းဒေသကြီး စီးပွား ရေးရာဝန်ကြီး ဒေါ်ရီရီသန်းက ကော်မတီ၏ ဆောင်ရွက်ခဲ့မှုများအား ရှင်းလင်းတင်ပြပြီး တိုင်းဒေ သကြီး၊ စားသုံးသူရေးရာဦးစီးဌာန၊ ညွှန်ကြားရေးမှူးမှ ကမ္ဘာ့စားသုံးသူအခွင့်အရေးများနေ့နှင့် စားသုံးသူကာကွယ်ရေး ဆောင်ရွက်မှုများအား Power Point ဖြင့် ရှင်း လင်းတင်ပြသည်။
ထို့နောက် တိုင်းဒေသကြီး ဝန်ကြီးချုပ်နှင့် အခမ်းအနားသို့ တက်ရောက်လာသူများမှ စားသုံးသူရေးရာဦးစီးဌာန (ရုံးချုပ်)မှပေးပို့သည့် ကမ္ဘာ့စားသုံးသူအခွင့်အရေးများနေ့ အထိမ်း အမှတ် Video Clip အား ကြည့်ရှုအားပေးပြီး တိုင်းဒေသကြီး စားသုံးသူရေးရာဦးစီးဌာနမှ ဝန်ထမ်းများမှ တေးသီချင်းများဖြင့် သီဆိုကပြဖျော်ဖြေကြကာ စုပေါင်းမှတ်တမ်းတင် ဓါတ်ပုံရိုက် ကူးကြသည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက စားသုံးသူရေးရာဦးစီး ဌာန၊ မြန်မာ့ကုန်သွယ်မှုမြှင့်တင်ရေးအဖွဲ့နှင့် အစားသောက်နှင့်ဆေးဝါးကွပ်ကဲရေးဦးစီးဌာနတို့မှ ခင်းကျင်းပြသထား ပြခန်းများအား လိုက်လံကြည့်ရှုခဲ့ကြောင်း သိရသည်။

မုံရွာ၊ မတ် ၁၄
စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် တိုင်းဒေသကြီး အစိုးရအဖွဲ့ဝင် များ၊ မုံရွာတက္ကသိုလ် ပါမောက္ခချုပ်၊ တိုင်ဒေသကြီး/ခရိုင်/မြို့နယ် ပညာရေးမှူးများနှင့် တာဝန် ရှိသူများ လိုက်ပါလျက် မတ်လ ၁၄ ရက်နေ့၊ နံနက်ပိုင်းတွင် မုံရွာမြို့၊ အမှတ်(၂)အခြေခံပညာ အထက်တန်းကျောင်း(အလုံ)နှင့် အမှတ်(၂) အခြေခံပညာအထက်တန်းကျောင်းတို့တွင် ကျောင်း သား၊ကျောင်းသူများ စိတ်အေးချမ်းသာစွာဖြင့် တက္ကသိုလ်ဝင်စာမေးပွဲ ဓာတုဗေဒ/ပထဝီဝင်ဘာ သာရပ်ဖြေဆိုနေမှုအား လိုက်လံကြည့်ရှုစစ်ဆေးခဲ့ကြသည်။
ယင်းနောက် တိုင်းဒေသကြီး ဝန်ကြီးချုပ်က ကျောင်းသား၊ကျောင်းသူများ စိတ်အေးချမ်း သာစွာဖြင့် စာမေးပွဲဖြေဆိုနိုင်ရန်အတွက် ကျန်းမာရေးစောင့်ရှောက်မှုများပေးထားရေး၊ မီးဘေး အန္တရာယ်ကြိုတင်ကာကွယ်ရေး လုပ်ငန်းများဆောင်ရွက်ထားရှိရေးနှင့် လုံခြုံရေးလုပ်ငန်းများ ဆောင်ရွက်ထားရှိမှုများအား တာဝန်ရှိသူများမှ လိုက်လံရှင်းလင်းပြသမှုအပေါ် လိုအပ်သည် များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ပြီး ကြီးကြပ်ရေးမှူးများနှင့် ဆရာ/ဆရာမများအား ရင်းရင်းနှီးနှီးတွေ့ဆုံနှုတ်ဆက်ခဲ့သည်။
စစ်ကိုင်းတိုင်းဒေသကြီးအတွင်း ခရိုင်/မြို့နယ်များရှိ စာစစ်ဌာန(၃၆)ခုတွင် တက္ကသိုလ် ဝင်စာမေးပွဲ ဓာတုဗေဒနှင့်ပထဝီဝင်ဘာသာရပ်ဖြေဆိုသူ ကျောင်းသား/ကျောင်းသူစုစုပေါင်း (၄၄၃၆)ဦး ဖြေဆိုမှုရာခိုင်နှုန်း(၉၃.၈၂)ဖြေဆိုလျက်ရှိကြောင်း သိရသည်။
တိုင်းဒေသကြီး၊ပြန်/ဆက်။

မုံရွာ၊ မတ် ၁၄
စစ်ကိုင်းတိုင်းဒေသကြီး ၁၃၈၅-ခုနှစ်၊ မဟာသင်္ကြန်ပွဲတော် အောင်မြင်စွာကျင်းပရေး လုပ်ငန်းညှိနှိုင်း အစည်းအဝေးကို မတ်လ ၁၄ ရက်နေ့၊ မွန်းလွဲပိုင်းက တိုင်းဒေသကြီးအစိုးရ အဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများနှင့် တာဝန်ရှိသူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ၂၀၂၄-ခုနှစ်၊ မဟာသင်္ကြန်ပွဲ တော်အား စည်းကားသိုက်မြိုက်စွာ ကျင်းပနိုင်ရေးအတွက် သက်ဆိုင်ရာကော်မတီများ ဖွဲ့စည်းတာဝန်ပေး ထားပြီး ဖြစ်ပါကြောင်း၊ တာဝန်ရှိသူအားလုံးအနေဖြင့် ယခင်နှစ်များမှ အတွေ့အကြုံများ၏ အားသာချက်၊အားနည်းချက်များအား သင်ခန်းစာရယူကာ လုပ်ငန်းများကို ပူးပေါင်းဆောင်ရွက် သွားကြရန် မှာကြားလိုပါကြောင်း၊ ကော်မတီအဖွဲ့အသီးသီးမှ တာဝန်ရှိသူများအနေဖြင့် မိမိတို့ တာဝန် ယူဆောင်ရွက်သွားမည့် လုပ်ငန်းများအပေါ် စေတနာပြည့်ဝစွာဖြင့် ဆောင်ရွက်သွား ကြရန် လိုအပ်ပါကြောင်း၊ မဟာသင်္ကြန်ပွဲတော်အား ဖျော်ဖြေရေးအစီအစဉ်အဖြစ် နိုင်ငံကျော် အဆိုတော်၊ ရုပ်ရှင်သရုပ်ဆောင်များဖြင့် စည်စည်ကားကား ကျင်းပဆောင်ရွက်သွားမည် ဖြစ်ပါ ကြောင်း၊ မြန်မာနှစ်ဆန်း ၁ ရက်နေ့တွင်လည်း သက်ကြီးပူဇော်ပွဲ၊ ဇီဝိတငါးလွှတ်ပွဲများ ဆောင် ရွက်သွားနိုင်ရေး တာဝန်ရှိသူများမှ အလေးထားဆောင်ရွက် စီမံဆောင်ရွက်သွားကြရန် လိုအပ်ပါ ကြောင်းနှင့် မိမိတို့တိုင်းဒေသကြီး အစိုးရအဖွဲ့အနေဖြင့်လည်း လိုအပ်သည်များကို ဖြည့်ဆည်း ပေါင်းစပ် ပံ့ပိုးပေးသွားမည် ဖြစ်ပါကြောင်း ပြောကြားခဲ့သည်။
ယင်းနောက် ကျင်းပရေးဦးစီးကော်မတီ ဥက္ကဌ၊ တိုင်းဒေသကြီး လူမှုရေးရာဝန်ကြီး ဦးညွှန့်ဝင်းအောင်က မြန်မာ့ရိုးရာမဟာသင်္ကြန်ပွဲတော် အောင်မြင်စွာကျင်းပနိုင်ရေးအတွက် လုပ်ငန်းများ ဆောင်ရွက်သွားမည့် အခြေအနေများအား ရှင်းလင်းပြောကြားသည်။
ယင်းနောက် တိုင်းဒေသကြီးအဆင့် ဌာနဆိုင်ရာများမှ မိမိတို့ကော်မတီများအလိုက် တာဝန်ယူဆောင်ရွက်သွားမည့် လုပ်ငန်းအခြေအနေများနှင့် ပတ်သက်၍ ရှင်းလင်းတင်ပြကြ သည်။
ဆက်လက်၍ အစည်းအဝေးသို့ တက်ရောက်လာကြသည့် တိုင်းဒေသကြီး အစိုးရအဖွဲ့ဝင် များနှင့် တိုင်းဒေသကြီးအဆင့် ဌာနဆိုင်ရာများက မြန်မာ့ရိုးရာယဉ်ကျေးမှု မဟာသင်္ကြန်ပွဲတော် အောင်မြင်စွာ ကျင်းပနိုင်ရေးအတွက် လိုအပ်သည်များကို အကြံပြုဆွေးနွေး တင်ပြကြသည်။
ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ် ဆောင်ရွက်ပေးပြီး နိဂုံးချုပ်စကား ပြောကြားခဲ့ကြောင်း သိရသည်။

လဟယ်၊ မတ် ၁၃

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့တွင် နာဂဒေသစီမံအုပ်ချုပ်ရေးအဖွဲ့နှင့် ဒေသအဆင့် မြို့နယ်အဆင့်ဌာနဆိုင်ရာများလုပ်ငန်းညှိနှိုင်းအစည်းအဝေး (၆/၂၀၂၄)ကို ယမန်နေ့ မွန်းလွဲ(၁၄)နာရီအချိန် နာဂဒေသစီမံအုပ်ရေးအဖွဲ့ အစည်းအဝေးခန်းမ၌ကျင်းပသည်။

ဦးစွာ နာဂဒေသစီမံအုပ်ချုပ်ရေးအဖွဲ့အတွင်းရေးမှူးဦးလင်းကိုကိုက ‌အဖွင့်အမှာစကားပြောကြားရာတွင်ဌာနအလုိက် ဒေသဖွံ့ဖြိုးရေးလုပ်ငန်းများဆောင်ရွက်နေမှုနှင့်ပတ်သက်၍ ဘဏ္ဍာနှစ်ကုန်တော့မှာဖြစ်တဲ့အတွက် သတ်မှတ်ဘဏ္ဍာနှစ်အတွင်းအချိန်မှီ အပြီးသတ်ဆောင်ရွက်နိုင်ရေး၊ သတ်မှတ်အရည်အသွေးပြည့်မှီရေး ဌာနဆိုင်ရာတာ၀န်ရှိသူများကကြပ်မှတ်ဆောင်ရွက် သွားကြရန် မှာကြားပါသည်။

ထို့နောက် တက်ရောက်လာကြသောဒေသအဆင့်မြို့နယ်အဆင့် ဌာနဆိုင်ရာတာ၀န်ရှိသူများ က မိမိဌာနအလိုက် ဒေသဖွံ့ဖြိုးရေးလုပ်ငန်းဆောင်ရွက်နေမှုနှင့် ဆက်လက်ဆောင်ရွက် မည့်အခြေအနေများအားဆွေးနွေး‌တင်ပြကြရာ ဒေသစီမံအုပ်ချုပ်ရေးအဖွဲ့အတွင်းရေးမှူး နှင့် အဖွဲ့၀င်များ က ပေါင်းစပ်ညှိနှိုင်းပေးခဲ့ကြောင်းသိရသည်။