မုံရွာ၊ မတ် ၁၂

စစ်ကိုင်းတိုင်းဒေသကြီးအတွင်းရှိ ကျေးလက်ဒေသနေပြည်သူများနှင့် တိုင်းရင်းသားပြည် သူများအတွက် အခြေခံစာတက်မြောက်ရေး (ဒုတိယအကြိမ်)လုပ်ငန်းညှိနှိုင်း အစည်းအဝေးကို မတ်လ ၁၂ ရက်နေ့၊ နံနက်ပိုင်းက တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရ အဖွဲ့ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင် ဒုတိယအုပ်ချုပ်ရေးမှူးတို့ တက် ရောက်ကြပြီး တိုင်းဒေသကြီးအတွင်းရှိ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင်၊ ဟုမ္မလင်းခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်း အခြေခံ စာတက်မြောက်ရေးလုပ်ငန်းများ အောင်မြင်စွာဆောင်ရွက်နိုင်ရေးအတွက် ခရိုင်/မြို့နယ်စီမံအုပ် ချုပ်ရေးအဖွဲ့များ၊ ဆက်စပ်ဌာနဆိုင်ရာများ၊ တက္ကသိုလ်၊ဒီဂရီကောလိပ်နှင့် အခြေခံပညာကျောင်း များမှ တာဝန်ရှိသူများအားလုံးအနေဖြင့် မိမိတို့ဒေသရှိ ကျေးလက်နေပြည်သူများနှင့် တိုင်းရင်း သားပြည်သူ စာမတက်သူများ စာတတ်မြောက်ရေးအတွက် ဝိုင်းဝန်းပူးပေါင်း ဆောင်ရွက်သွား ကြရန် လိုအပ်ပါကြောင်း၊ ကော်မတီအဖွဲ့ဝင်များအနေဖြင့် စာသင်သားစာရင်းကောက်ယူခြင်း လုပ်ငန်းများနှင့် စာသင်ဝိုင်းများ ခွဲဝေသက်မှတ်ခြင်းလုပ်ငန်းများအား စနစ်တကျစီမံဆောင်ရွက် သွားကြရန် လိုအပ်ပါကြောင်း၊ ရပ်ကွက်/ကျေးရွာစာသင်ဝိုင်းများတွင် စာသင်ကြားပေးမည့် ဆရာ/ဆရာများအား ပြန်လည်သင်ကြားပို့ချပေးမည့်နည်းပြများကို ဗဟိုသို့အချိန်မီ သင်တန်း တက်ရောက်နိုင်စေရေး တာဝန်ရှိသူများမှ စီစစ်ရွေးချယ်စေလွှတ်ရေးတို့ကို အလေးထားဆောင် ရွက်သွားကြရန် လိုအပ်ပါကြောင်း၊ Video Conferencing စနစ်ဖြင့် တက်ရောက်နေကြသည့် ခရိုင်စီမံအုပ်ချုပ်အဖွဲ့ ဥက္ကဌများမှလည်း မိမိတို့ခရိုင်/မြို့နယ်များအတွင်း အခြေခံစာတတ် မြောက်ရေး လုပ်ငန်းဆောင်ရွက်နေမှုနှင့် ဖြည့်ဆည်းပေးရန်လိုအပ်မှုများအား တင်ပြသွားကြရန်နှင့်လုပ်ငန်းများအောင်မြင်စွာ ပြီးမြောက်စေရေးအတွက် တာဝန်ရှိသူများအားလုံးမှ ပူးပေါင်း ဆောင်ရွက်ပေးသွားကြရန် လိုအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ မြို့နယ် များတွင် ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတတ်မြောက်ရေးလုပ်ငန်းများ ဆောင်ရွက်ထားရှိမှုများနှင့် ဆက်လက်ဆောင်ရွက်သွားမည့်လုပ်ငန်း အခြေအနေများအား ရှင်းလင်းဆွေးနွေးတင်ပြသည်။

ဆက်လက်ပြီး တိုင်းဒေသကြီးအတွင်းရှိ ခရိုင်စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များအတွင်း ကျေးလက်ဒေသနေပြည် သူများနှင့် တိုင်းရင်းသားပြည်သူများအတွက် အခြေခံစာတတ်မြောက်ရေးလုပ်ငန်းများ ဆောင် ရွက်ထားရှိမှုများအား လည်းကောင်း၊ မုံရွာခရိုင် ဒုတိယအုပ်ချုပ်ရေးမှူးက ခရိုင်အတွင်း ကျေး လက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတတ်မြောက်ရေး လုပ်ငန်းများဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြကြ သည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့တက် ရောက်လာသူ များက တိုင်းဒေသကြီးအတွင်း ကျေးလက်ဒေသနေပြည်သူများနှင့် တိုင်းရင်းသားပြည်သူများ အတွက် အခြေခံစာတတ်မြောက်ရေးလုပ်ငန်းများနှင့် ပတ်သက်၍ အထွေထွေဖြည့်စွက်အကြံပြု ဆွေးနွေးတင်ပြကြရာ တိုင်းဒေသကြီး ဝန်ကြီးချုပ်က တင်ပြချက်များအပေါ် လိုအပ်သည်များကို တာဝန်ရှိသူ များနှင့် ဖြည့်ဆည်းပေါင်းစပ်ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၁၁

စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တိုင်းဒေသကြီး လူငယ်ရေးရာ ကော်မတီနှင့် တိုင်းဒေသကြီး လူမှုဝန်ထမ်းဦးစီးဌာနတို့ ပူးပေါင်းဖွင့်လှစ်သည့် အမျိုးသား ဆံသ သင်တန်းနှင့် အမျိုးသမီးအလှပြင်သင်တန်းဖွင့်ပွဲ အခမ်းအနားကို မတ်လ ၁၁ ရက်နေ့၊ နံနက်ပိုင်း တွင် မုံရွာမြို့၊ ပြည်သူ့အားကစားကွင်းအတွင်းရှိ မိုးလုံလေလုံအားကစားခန်းမ တွင်ကျင်းပရာ ဖွင့်ပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီး ချုပ်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ လူငယ်ရေးရာကော်မတီဝင်များ၊ နည်းပြ ဆရာ/ဆရာမများနှင့် သင်တန်းသား/သင်တန်းသူများ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီချုပ် ဦးမြတ်ကျော်က စစ်ကိုင်းတိုင်းဒေသကြီး လူငယ် ရေးရာကော်မတီမှ လူငယ်များအလုပ်အကိုင် ရရှိစေရေးအတွက် လေ့ကျင့်ပြုစုမွေးထုတ်ရေး စီမံကိန်းအရ လုပ်ငန်းခွင်ချိတ်ဆက် ဆောင်ရွက်နိုင်ရန်အတွက် ယခုသင်တန်း(၂)ခုအား ဖွင့်လှစ် ပေးရခြင်းဖြစ်ပါကြောင်း၊ သင်တန်းသို့တက်ရောက်လာကြသည့် သင်တန်းသား/သင်တန်းသူ များအတွက် သင်တန်းတက်ရောက်ပြီးဆုံး၍ မိမိတို့၏နေရပ်ဒေသများတွင် သင်တန်းမှသင် ကြားပေးလိုက်သည့် ပညာရပ်များအား လက်တွေ့အသုံးချနိုင်ရေးအတွက် အမျိုးသားဆံသ အသုံးပြုပစ္စည်း (၈၀၀၀ဝိ/-)တန်ဖိုးဝန်းကျင်ရှိ(Set Box)တစ်လုံးစီနှင့် အမျိုးသမီးအလှပြင်လုပ် ငန်းတို့ဖြင့် အသက်မွေးဝမ်းကြောင်းမှုများ အသုံးချလုပ်ကိုင်နိုင်စေဖို့အတွက် အမျိုးသမီးပွဲထိုင် မိတ်ကပ်အသုံးပြုပစ္စည်း (၁၂၀၀၀ဝိ/-) တန်ဖိုးဝန်းကျင်ရှိ (Makeup Box) တစ်လုံးစီအား ထောက် ပံ့ပေးအပ်ပေး လိုက်မှာဖြစ်ပါကြောင်း၊

သင်တန်းသား/သူများအနေဖြင့် သင်တန်းမှပို့ချပေးမည့် နည်းပညာရပ်များအား စာတွေ့၊ လက်တွေ့ လုပ်ငန်းများဆောင်ရွက်ရာတွင် စိတ်ပါဝင်စားစွာဖြင့် နာယူမှတ်သားကြရန် သင်တန်း မှချမှတ်ထားသည့် စည်းမျဉ်း/စည်းကမ်းများကိုလည်း အပြည့်အဝလိုက်နာကြရန်နှင့် ရက်တိုကာ လသင်တန်းဖြစ်သည့်အတွက် သင်တန်းပျက်ရက်မရှိအောင် တက်ရောက်ပေးသွားကြရန် မှာ ကြားလိုပါကြောင်း၊ တာဝန်ရှိသူအားလုံးအနေဖြင့် တိုင်းဒေသကြီး lလူငယ်ရေးရာကော်မတီ၏ လုပ်ငန်းတာဝန်များအား အပြည့်အဝအကောင်အထည်ဖော် ဆောင် ရွက်နိုင်ရေး အားလုံးဝိုင်းဝန်းပူးပေါင်း ဆောင်ရွက်သွားကြရန် လိုအပ်ပါကြောင်း ပြောကြားခဲ့ သည်။

ယင်းနောက် တိုင်းဒေသကြီး ဝန်ကြီးချုပ်က သင်တန်းနည်းပြဆရာ/ဆရာမများထံ ဂုဏ်ပြုဆုငွေများနှင့် သင်တန်းသား၊သင်တန်းသူများအတွက်စားစရိတ် ငွေကျပ် - ၂၆ သိန်း အားထောက်ပံ့ပေးအပ်ခဲ့ပြီး တိုင်းဒေသကြီး တရားသူကြီးချုပ်က သင်တန်းသား၊သင်တန်း သူများထံ သင်တန်းအထောက်အကူပြုပစ္စည်းများအား ပေးအပ်ခဲ့ကြသည်။

ဆက်လက်ပြီး တိုင်းဒေသကြီး လူငယ်ရေးရာကော်မတီ အတွင်းရေးမှူး၊ တိုင်းဒေသ ကြီး အားကစားနှင့်ကာယပညာဦးစီးဌာနမှ ညွှန်ကြားရေးမှူးက သင်တန်းဖွင့်လှစ်ရခြင်းနှင့် ပတ်သက် ၍ရှင်းလင်းတင်ပြပြီး သင်တန်းသား၊သင်တန်းသူများနှင့်အတူ စုပေါင်းမှတ်တမ်း တင်ဓါတ်ပုံ ရိုက်ကူးခဲ့ကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက အမျိုးသားဆံသသင်တန်း နှင့် အမျိုးသမီးအလှပြင်သင်တန်းများတွင် အသုံးပြုသွားမည့် သင်ထောက်ကူပစ္စည်းများ ခင်း ကျင်းပြသထားရှိမှုများအား လိုက်လံကြည့်ရှု စစ်ဆေးခဲ့ကြသည်။

အဆိုပါ အမျိုးသားဆံသသင်တန်းနှင့် အမျိုးသမီးအလှပြင်သင်တန်းများအား မတ်လ ၁၁ ရက်မှ ၂၂ ထိ စာတွေ့လက်တွေ့ သင်ကြားပို့ချပေးသွားမည်ဖြစ်ပြီး အမျိုးသားဆံသ သင်တန်း တွင် သင်တန်းသား(၃၂)ဦးနှင့် အမျိုးသမီးအလှပြင်သင်တန်းတွင် သင်တန်းသူ(၃၂)ဦး တက် ရောက် သွားမည်ဖြစ်သည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့၊ အမှတ် (၂)အခြေခံပညာအထက်တန်းကျောင်းနှင့် အမှတ်(၂) အခြေခံပညာအထက်တန်းကျောင်း (အလုံ) တို့တွင် ကျောင်းသား၊ကျောင်းသူများ စိတ်အေးချမ်းသာစွာဖြင့် တက္ကသိုလ်ဝင် စာမေးပွဲ မြန်မာ ဘာသာဖြေဆိုနေမှုများ၊ ကျန်းမာရေးစောင့်ရှောက်မှုပေးထားမှုများ၊ မီးဘေး အန္တရာယ်ကြိုတင် ကာကွယ်ရေး ဆောင်ရွက်ထားရှိမှုများနှင့် လုံခြုံရေးလုပ်ငန်းများ ဆောင်ရွက်ထားရှိမှုများအား လိုက်လံကြည့်ရှုစစ်ဆေးခဲ့ကြပြီး တက္ကသိုလ်ဝင်စာမေးပွဲ အောင်မြင်စွာကျင်းပပြီးစီးရေးတို့အား တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

မုံရွာ၊ မတ် ၁၀

စစ်ကိုင်းတိုင်းဒေသကြီး၊ မုံရွာစီးပွားရေးတက္ကသိုလ် (၂၂)ကြိမ်မြောက် ဘွဲ့နှင်းသဘင် အထိမ်းအမှတ် ဂုဏ်ပြုညစာစားပွဲ အခမ်းအနားကို ယမန်နေ့၊ ညနေပိုင်းတွင် အဆိုပါ တက္က သိုလ်ရှိ စိန်ရတုခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာများ၊ ပါမောက္ခချုပ်၊ ဒုတိယပါမောက္ခချုပ်များ၊ ပါမောက္ခ/ဌာနမှူးများနှင့် ဘွဲ့ရမောင် မယ်များ တက်ရောက်ကြသည်။

ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မောင်တို့မယ်တို့ မျှော်မှန်းကြိုး ပမ်းခဲ့ကြသည့် ရည်မှန်းချက်ပန်းတိုင် အသီးသီးအား ကောင်းစွာအောင်မြင်ရောက်ရှိခဲ့ကြပြီး ဖြစ်ပါ၍ မောင်တို့မယ်တို့နှင့်အတူ မိဘဆွေမျိုး၊ ဆရာသမား၊ မိတ်ဆွေများအားလုံးမှလည်း ဝမ်းမြောက်ဂုဏ်ယူနေကြမှာ အမှန်ဖြစ်ပါကြောင်း၊ မိမိတို့တိုင်းဒေသကြီးအစိုးရအဖွဲ့မှလည်း ဘွဲ့ရမောင်မယ်များအတွက် အလွန်ဝမ်းမြောက်ဂုဏ်ယူပါကြောင်း၊ အမိတက္ကသိုလ်ကြီးမှ သင်ကြားပေးလိုက်သည့် စီးပွားရေးပညာရပ်များအား လက်တွေ့ဘဝတွင် ကောင်းစွာအသုံး ချပြီး နိုင်ငံတော်မှအားထားရသည့် စီးပွားရေးပညာရှင်များ အသိပညာအတတ်ပညာရှင်များ ဖြစ်လာ အောင်ကြိုးစားသွားကြရန် မှာကြားလိုပါကြောင်း၊

မောင်တို့မယ်တို့သည် နိုင်ငံ့ဝန်ထမ်းအဖြစ် တာဝန်ထမ်းဆောင်သည်ဖြစ်စေ၊ ကိုယ်ပိုင် စီးပွားရေးလုပ်ငန်းများ လုပ်ဆောင်ကြသည်ဖြစ်စေ နိုင်ငံတော်၏ကျေးဇူးသစ္စာကို စောင့်သိရို သေကာအများနှင့်အတူ ပူးပေါင်းညှိနှိုင်းပြီး အတ္တဟိတပရဟိတမျှတအောင် ဆောင်ရွက်သွား ကြရန် မှာကြားလိုပါကြောင်း၊ မောင်တို့မယ်တို့အားလုံးသည် ဘွဲ့ရခေတ်ပညာ တတ်လူငယ်များ ပီပီ မိမိဘဝ၊ မိမိပတ်ဝန်းကျင်၊ မိမိတိုင်းပြည်အား တိုးတက်မြင့်မားအောင် စေတနာအရင်းခံနှင့် စွမ်းဆောင်ပေးနိုင်သည့် အသိပညာရှင် အတတ်ပညာရှင်များ ဖြစ်လာနိုင်ကြစေရန် ဆုမွန် ကောင်းတောင်းအပ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက မုံရွာစီးပွားရေး တက္ကသိုလ် ပါမောက္ခချုပ် ဒေါက်တာသီတာကြူထံ ငွေကျပ် - ၁၀ သိန်းအား ထောက်ပံ့ပေးအပ် ခဲ့ပြီး မုံရွာစီးပွားရေးတက္ကသိုလ် ပါမောက္ခချုပ်က ကျေးဇူးတင်ဂုဏ်ပြုစကား ပြန်လည်ပြော ကြားသည်။ ဆက်လက်၍ ပြည်သူ့ရေးရာစီမံခန့်ခွဲမှုပညာ မဟာဘွဲ့ MPA ဘွဲ့ရကျောင်းသား တစ်ဦး နှင့်စတုတ္ထနှစ်ကျောင်းသူတစ်ဦးတို့မှ ကျေးဇူးတင်စကား ပြောကြားကြပြီး မုံရွာစီးပွားရေး တက္ကသိုလ်ရှိ ဆရာ/ဆရာမများက တေးသီချင်းများဖြင့် သီဆိုဖျော်ဖြေကြသည်။

ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများက ပါမောက္ခချုပ်၊ ဒုတိယ ပါမောက္ကချုပ်၊ ပါမောက္ခ/ဌာနမှူးများနှင့် ဘွဲ့ရမောင်မယ်များနှင့်အတူ ညစာအတူတကွ သုံး ဆောင်ခဲ့ကြောင်း သိရသည်။

မုံရွာ၊ မတ် ၉

စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများသည် ယနေ့နံနက်ပိုင်းက မုံရွာမြို့၊ မြို့သစ်ရပ် ကွက်ရှိ ဗန္ဓုလ‌ ဈေး တွင် အလျား - ၆၀ ပေ၊ အနံ - ၄၀ ပေ၊ ဈေးရုံ ၄ ရုံနှင့် အလျား - ၄၀ ပေ၊ အနံ -၂၄ ပေရှိ စားသောက်ရုံသစ် ၁ ရုံ တည်ဆောက်ရေးလုပ်ငန်းခွင်သို့ ရောက်ရှိရာ တိုင်းဒေသကြီး စည် ပင်သာယာရေးအဖွဲ့မှ တာဝန်ရှိသူများက ဗန္ဓုလ ဈေး မြေနိမ့်ပိုင်းများအားမြေဖို့ခြင်းနှင့် ကွန်ကရစ်ခင်းခြင်းလုပ်ငန်းများ၊ ဈေးရုံတည်ဆောက်ရေးလုပ်ငန်းများနှင့် အရှေ့ဘက်ကန်သာယာကန် ရှိကွန်ကရစ်ရေပေါ်စင် တည်ဆောက် ရေးလုပ်ငန်းများနှင့် ပတ်သက်၍ ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က တည်ဆောက်ရေးလုပ်ငန်းများ စံချိန်စံညွှန်းမီ အရည်အသွေးကောင်းမွန်စွာ သက်မှတ်ကာလတွင် တည်ဆောက်ပြီးစီးရေးနှင့် လုပ်ငန်းခွင်အန္တ ရာယ်ကင်းရှင်းရေးတို့အား မှာကြားကာ တည်ဆောက်ရေးလုပ်ငန်းများနှင့် ပတ်သက်၍ ရှင်း လင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးပြီး ဈေးရုံအဆောက်အဦများ တည်ဆောက်နေမှုများအား လိုက်လံကြည့်ရှု စစ်ဆေးခဲ့ကြသည်။

ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် မုံရွာမြို့နေပြည် သူများ နွေရာသီတွင်သောက်သုံးရေဖူလုံရေးနှင့် ငါးစားသုံးမှုလုံလောက်စေရေးတို့အတွက် ကွေ့ ကြီးရပ်ကွက်ရှိ ရေစုကန်အမှတ်(၁၈) ၂.၉၆ ဧက၊ တူးဖော်နေမှုနှင့် ရေစုကန်အမှတ်(၁၇) ၁.၇ ဧက၊ တူးဖော်ပြီးစီးမှုများအား ကြည့်ရှုစစ်ဆေးခဲ့ပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြောင်း သိရသည်။

အလားတူ စစ်ကိုင်းတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ယနေ့ နံနက်ပိုင်းက မုံ ရွာမြို့ရှိ ရပ်ကွက်နေပြည်သူများ စိတ်အေးချမ်းသာစွာဖြင့် နေထိုင်သွားလာနိုင်စေရေး၊ လမ်းများ သန့်ရှင်းသပ်ရပ်စေရေး၊ သစ်ပင်ခြုံနွယ်များ၊ ပေါင်းမြက်များခုတ် ထွင်ရှင်းလင်းခြင်း၊ ခြင်များပေါက်ပွားနိုင်သည့် ရေနုတ်မြောင်းများ ရေစီးရေလာကောင်းမွန်စေ ရေးတို့အတွက် မြို့သစ် ရပ်ကွက်၊ စွယ်တော်လမ်းဘေးဝဲ/ယာအား တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာဝန်ထမ်းများ၊ စည်ပင်သာယာရေးအဖွဲ့များနှင့် လူမူရေး အသင်းအဖွဲ့များနှင့် ရပ်ကွက်နေပြည်သူများ စုပေါင်း၍ သန့်ရှင်းရေးလုပ်ငန်းများ ဆောင်ရွက် နေမှုအား လှည့်လည်ကြည့်ရှုခဲ့ကြပြီး ရပ်ကွက်နေပြည်သူများအား ရင်းရင်းနှီးနှီးနှုတ်ဆက်ကာ စုပေါင်းသန့်ရှင်း ရေးလုပ်ငန်းများ ဆောင်ရွက်နေသူများနှင့် ရပ်ကွက်နေပြည်သူများအား တန်ဖိုးသင့်စားသောက် ကုန်များ၊ စားသုံးဆီများအား ဈေးနှုန်းချိုသာစွာရောင်းချပေး နေမှုများကို ကြည့်ရှုအားပေးခဲ့သည်။

စနေနေ့ စုပေါင်းသန့်ရှင်းကို စစ်ကိုင်းတိုင်းဒေသကြီးအတွင်းရှိ နာဂကိုယ်ပိုင်အုပ်ခွင့်ရဒေသနှင့် ခရိုင် ၁၃ ခရိုင်၊ မြို့နယ် ၁၀ မြို့နယ်တို့တွင် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် စည်ပင်သာယာရေးအဖွဲ့များ စုစုပေါင်းအင်အား ၁၀၀၀ ကျော်ဖြင့် မြို့သန့်ရှင်းသာယာလှပရေးလုပ်ငန်းများကို စုပေါင်းဆောင်ရွက်ခဲ့ကြ ကြောင်းသိရသည်။

မုံရွာ၊ မတ် ၈

၂၀၂၄-ခုနှစ်၊ အပြည်ပြည်ဆိုင်ရာအမျိုးသမီးများနေ့ အထိမ်းအမှတ် အခမ်းအနားကို မတ်လ ၈ ရက်နေ့၊ နံနက်ပိုင်းတွင် မုံရွာမြို့၊ စစ်ကိုင်းတိုင်းဒေသကြီး အစိုးရအဖွဲ့ရုံးဝန်း အတွင်းရှိ ချင်းတွင်းခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်နှင့် ဇနီး၊ တိုင်းဒေသကြီး တရားသူကြီးချုပ်နှင့်ဇနီး၊ တိုင်းဒေသကြီး အစိုးရအဖွဲ့ဝင်များနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ တိုင်းဒေသကြီး/ခရိုင်/မြို့နယ် အမျိုးသမီး ကော်မတီအဖွဲ့ဝင်များ၊ လူမှုရေးအသင်းအဖွဲ့များ တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က မျက်မှောက်ခေတ်ကမ္ဘာကြီးတွင် အခွင့်အလမ်းသစ်များ ပေါ်ပေါက်နေသကဲ့သို့ စိန်ခေါ်မှုပေါင်းများစွာနှင့်လည်း ရင်ဆိုင်ကြုံတွေ့ နေရပါကြောင်း၊ မြန်မာ့ရာဇဝင်သမိုင်းကြောင်းအား ပြန်ပြောင်းလေ့လာကြမည်ဆိုပါက ကိုလိုနီ ခေတ်လွတ်လပ်ရေး ကြိုးပမ်းမှုကာလတစ်လျှောက်တွင် အမျိုးသားများနှင့်တန်းတူ လွတ်လပ် ရေးကြိုးပမ်းမှုတွင် ဦးဆောင်ပါဝင်ခဲ့ကြသည့် အမျိုးသမီးခေါင်းဆောင်များအပြင် စာပေ၊ အနု ပညာနယ်ပယ်၊ ဥပဒေရေးရာနယ်ပယ်၊ ဆေးပညာနယ်ပယ်နှင့် အခြားလူမှုရေးနယ်ပယ်များတွင် အမျိုးသမီးခေါင်းဆောင်များပေါ်ထွန်းခဲ့သည်မှာ မြန်မာအမျိုးသမီးထုတစ်ရပ်လုံး ဂုဏ်ယူမဆုံး ဖြစ်သည့် သမိုင်းမှတ်ကျောက်များ ဖြစ်ပါကြောင်း၊ အမျိုးသမီးများနိုင်ငံရေးတွင် တန်းတူညီမျှ ပါဝင်နိုင်ရေးအပြင် စီးပွားရေး၊ လူမှုရေး၊ ဖွံ့ဖြိုးတိုးတက်ရေးဆိုင်ရာ အခွင့်အလမ်းများတွင် တန်း တူညီမျှရရှိရေးအား ကြိုးစားဆောင်ရွက် သွားကြရမှာ ဖြစ်ပါကြောင်း၊

ယနေ့လက်ရှိ နိုင်ငံရေးအခင်းအကျင်းတွင်လည်း ပြည်ထောင်စုဝန်ကြီး တာဝန်ထမ်း ဆောင်နေသည့် အမျိုးသမီးများ၊ ဒုတိယဝန်ကြီးများ၊ အကြံပေးပုဂ္ဂိုလ်များ၊ အဆင့်မြင့်အရာ ရှိကြီးများသည် အုပ်ချုပ်ရေးပြုပြင်ပြောင်းလဲမူများတွင် ဦးဆောင်လုပ်ကိုင်နေကြပြီ ဖြစ်သ လို ဥပဒေပြုရေးဘက်တွင်လည်း အမျိုးသမီးများတက်တက်ကြွကြွ ပါဝင်ဆွေးနွေးနေကြသည်ကို တွေ့မြင်ကြရမှာဖြစ်ပါကြောင်း၊ ခေတ်သစ်ဒီမိုကရေစီ နိုင်ငံတော်အား တည်ဆောက်နေဆဲ အသွင်ကူးပြောင်းစ ကာလအတွင်းမှာပင် မြန်မာအမျိုးသမီးများ၏ အခန်းကဏ္ဍအား တစ်ဆင့်ထက်တစ်ဆင့် မြင့်မားတိုးတက်စေရန်၊ ရသင့်ရထိုက်သည့် အခွင့်အရေးများ တန်းတူညီမျှရရှိစေရန်အတွက် ၂၀၂၄ ခုနှစ်၊ အပြည်ပြည်ဆိုင်ရာအမျိုးသမီးများနေ့ ဦးတည်ချက် ဆောင်ပုဒ်နှင့်အညီ “ အရှိန်အဟုန်ဖြင့်တိုးတက်ရေး အမျိုးသမီးများတွင်မြှုပ်နှံပေး ”ဟူသော နိုင်ငံတော်အစိုးရနှင့်အတူ လက်တွဲပူးပေါင်းဆောင်ရွက်နေကြသည့် ကုလသမဂ္ဂအဖွဲ့အစည်းများ၊ နိုင်ငံတကာအစိုးရမဟုတ်သော အဖွဲ့အစည်းများ၊ အရပ်ဖက်အဖွဲ့အစည်းများ၊ လူမှုရေးအဖွဲ့ အစည်းများ၊ အသိပညာရှင်၊ အတတ်ပညာရှင်များအားလုံးကို ကျေးဇူးဥပကာရ တင်ရှိပါကြောင်း ပြောကြားခဲ့သည်။

ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ကုလသမဂ္ဂအထွေထွေ အတွင်းရေးမှူးချုပ်ထံမှ ပေးပို့သည့် သဝဏ်လွှာနှင့် မြန်မာနိုင်ငံ၏ အမျိုးသမီးများဖွံ့ဖြိုးတိုး တက်ရေးဆိုင်ရာ သမိုင်းမှတ်တိုင်များ၏ Video Clip အား ကြည့်ရှုအားပေးကြသည်။

ထို့နောက် တိုင်းဒေသကြီး အမျိုးသမီးကော်မတီ အတွင်းရေးမှူး၊ တိုင်းဒေသကြီး လူမှုဝန် ထမ်းဦးစီးဌာနမှ ညွှန်ကြားရေးမှူးက ၂၀၂၃-၂၀၂၄ ဘဏ္ဍာရေးနှစ်၊ စစ်ကိုင်းတိုင်းဒေသကြီး အမျိုး သမီးကော်မတီ၏ လုပ်ငန်းဆောင်ရွက်ထားရှိမှုများအား Power Point ဖြင့် ရှင်းလင်းတင်ပြသည်။ ထို့နောက် တိုင်းဒေသကြီး ဝန်ကြီးချုပ်က တာဝန်ရှိသူများနှင့်အတူ စုပေါင်းမှတ်တမ်း တင်ဓါတ်ပုံရိုက်ကူးကြပြီး အခမ်းအနားသို့ တက်ရောက်လာသူများအား ရင်းရင်းနှီးနှီးလိုက် လံနှုတ်ဆက်အားပေးကာ အခမ်းအနားကို ရုပ်သိမ်းခဲ့ကြကြောင်း သိရသည်။

တိုင်းဒေသကြီး၊ပြန်/ဆက်။

မုံရွာ၊ မတ် ၇

စစ်ကိုင်းတိုင်းဒေသကြီး နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှုနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး ညှိနှိုင်းအစည်းအဝေးကို မတ်လ ၇ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပ ရာ အစည်းအဝေးသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ ဝင်များ၊ တိုင်းဒေသကြီးအဆင့် ဌာနဆိုင်ရာများ၊ မုံရွာခရိုင်စီမံအုပ်ချုပ်ရေးအဖွဲ့ ဥက္ကဌတို့ တက် ရောက်ကြပြီး တိုင်းဒေသကြီးအတွင်းရှိ နာဂကိုယ်ပိုင်အုပ်ချုပ်ခွင့်ရဒေသ၊ ကလေးခရိုင်၊ စစ်ကိုင်း ခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌများက Video Conferencing စနစ်ဖြင့် တက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က တိုင်းဒေသကြီးအတွင်းရှိ စိုက်ပျိုးရေး၊ မွေးမြူရေး၊ အသေးစား၊အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်စေရေး အတွက် လုပ်ငန်းရှင်များ၏ လုပ်ငန်းဆောင်ရွက်မှုအား အထောက်အကူပြုရန် နိုင်ငံ့စီးပွားမြှင့် တင်ရေး ရန်ပုံငွေမှငွေကျပ် ၁၀ ဘီလီယံ ထုတ်ချေးပေးထားပါကြောင်း၊ လုပ်ငန်းရှင်များ၏ လုပ်ငန်းလုပ်ဆောင်နိုင်မှု ပမာဏအပေါ်မူတည်၍ ချေးငွေများအား အမှန်တကယ်လုပ်ငန်းလို အပ်ချက်အပေါ် အဆင့်ဆင့်စီစစ်၍ ထုတ်ချေးကာလုပ်ငန်းများဆောင်ရွက်စေလျက် ရှိပါ ကြောင်း၊ ထုတ်ချေးထားငွေများကို အကျိူးရှိစွာအသုံးပြုရေး၊ ထုတ်ပေးငွေများမဆုံးရှုံးစေရေးနှင့် အတိုးငွေများ မှန်မှန်ကန်ကန်ပေးဆပ်ရေးတို့ကို တာဝန်ရှိသူများမှ အမြဲကြီးကြပ်နေရန် လိုအပ် ပါကြောင်း၊ အသေးစား၊ အငယ်စားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး အတွက် တာဝန်ရှိသူများမှလည်း လုပ်ငန်းရှင်များ၏ လိုအပ်ချက်များကို အချီန်မီဖြည့်ဆည်းပံ့ပိုး ပေးခြင်းဖြင့် လုပ်ငန်းများအဆင်ပြေချောမွေ့စွာ ပုံမှန်လည်ပတ်နိုင်အောင် ကူညီဆောင်ရွက်ပေး သွားကာ လိုအပ်ချက်များရှိပါကလည်း တိုင်းဒေသကြီးအစိုးရအဖွဲ့မှ ဖြည့်ဆည်းပံ့ပိုးပေး သွား မည်ဖြစ်ပါကြောင်း ပြောကြားခဲ့သည်။

ယင်းနောက် တိုင်းဒေသကြီးအဆင့် ဌာနဆိုင်ရာများက တိုင်းဒေသကြီးအတွင်းရှိ ခရိုင်/ မြို့နယ်များအတွင်း နိုင်ငံ့စီးပွားမြှင့်တင်ရေးရန်ပုံငွေများ ထုတ်ချေးထားမှုအခြေအနေများနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှုအခြေအနေများနှင့် ပတ်သက်၍ Power Point ဖြင့် အသီးသီး ရှင်းလင်းဆွေး နွေးတင်ပြကြသည်။

ဆက်လက်ပြီး တိုင်းဒေသကြီးအတွင်းရှိ နာဂကိုင်ပိုင်အုပ်ချုပ်ခွင့်ရဒေသ၊ ကလေးခရိုင်၊ စစ်ကိုင်းခရိုင်၊ ရေဦးခရိုင်၊ ရွှေဘိုခရိုင် စီမံအုပ်ချုပ်ရေးအဖွဲ့ ဥက္ကဌ များက Video Conferencing စနစ်ဖြင့် မိမိတို့ခရိုင်များအတွင်းရှိ မြို့နယ်များ၏ နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထား မှုနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်း များဆောင်ရွက်နေမှု အခြေအနေများနှင့် ပတ်သက်၍ အသီးသီး ရှင်းလင်းတင်ပြပြီး မုံရွာခရိုင် စီမံအုပ်ချုပ်ရေးအဖွဲ့ ဥက္ကဌက ခရိုင်အတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှုနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းများ ဆောင်ရွက်နေမှု လုပ်ငန်းများအား ရှင်းလင်းတင်ပြကြသည်။

ယင်းနောက် တိုင်းဒေသကြီး အစိုးရအဖွဲ့ဝင်များနှင့် အစည်းအဝေးသို့ တက်ရောက် လာ သူများက တိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေ ထုတ်ချေးထားမှုနှင့် အသေး စား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းများနှင့် ပတ်သက်၍ ဖြည့် စွက်အကြံပြု ဆွေးနွေးတင်ပြကြသည်။

ထို့နောက် တိုင်းဒေသကြီး ဝန်ကြီးချုပ်က အစည်းအဝေးသို့တက် ရောက်လာသူများ ၏အသီးသီး ဖြည့်စွက်အကြံပြု ဆွေးနွေးတင်ပြချက်များအပေါ် လိုအပ်သည်များကို တာဝန်ရှိ သူများနှင့် ဖြည့်ဆည်းပေါင်းစပ်ဆောင်ရွက်ပေးကာ နိဂုံးချုပ်စကားပြောကြားပြီး အစည်းအဝေး ကိုရုပ်သိမ်းခဲ့ကြောင်း သိရသည်။