မုံရွာ၊ မတ် ၁
စစ်ကိုင်းတိုင်းဒေသကြီး အခြေခံပညာမူလတန်းဆင့်သင်(လုပ်ငန်းခွင်ဝင်စ) ဆရာ/ဆရာ မများ စွမ်းဆောင်ရည်မြင့်မားရေးဆွေးနွေးဖွင့်ပွဲ အခမ်းအနားကို မတ်လ ၁ ရက်နေ့၊ နံနက်ပိုင်း တွင် မုံရွာမြို့၊ အမှတ်(၂) အခြေခံပညာအထက်တန်းကျောင်းရှိ သလ္လာဝတီခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ပညာရေးမှူးများ၊ ဆွေးနွေးပို့ချပေးမည့် ဆရာ/ဆရာမများနှင့် သင်တန်းသား၊သင်တန်းသူများ တက်ရောက်ကြသည်။
ရှေးဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပညာရေးသည် နိုင်ငံတစ်နိုင်ငံ၏ ခေတ်မီဖွံ့ဖြိုးတိုးတက်ရေးအတွက် အခြေခံအုတ်မြစ်ဖြစ်၍ လူသားအရင်းအမြစ် မွေးထုတ်ပေးရာ အခြေခံပညာကျောင်းများရှိ သင်ကြားပေးသူ ဆရာ၊ဆရာမများသည်လည်း သင်ကြားမှုစွမ်းရည် ဖွံ့ဖြိုးလာစေရန် နည်းလမ်းကောင်းများအား အစဉ်တစိုက် လေ့လာသင်ယူနေရမှာ ဖြစ်ပါ ကြောင်း၊ ပညာရေးကဏ္ဍဖွံ့ဖြိုးတိုးတက်ရေးအတွက် ပြောင်းလဲလာသည့် ခေတ်စနစ်နှင့်အညီ လိုက်လျောညီထွေစွာ အချိုးကျပြောင်းလဲလာရန်လည်း လိုအပ်ပါကြောင်း၊ အခြေခံပညာတိုး တက်ပြောင်းလဲရေးတွင် အဓိကပါဝင်သည့် ဆရာ၊ဆရာမများ၏ သင်ကြားမှုအရည်အသွေး၊ ဆရာအတတ်ပညာအရည် အချင်း၊ရုပ်ဝတ္ထုပစ္စည်းဖြစ်သည့် ကျောင်းတွင်း၊ကျောင်းပြင် သန့်ရှင်း သပ်ရပ်ရေးနှင့်ကျောင်း ဥပဓိရုပ်ကောင်းမွန်ရေးတို့ကို အမြဲတစေကြိုးစားနေရမှာ ဖြစ်ပါကြောင်း၊ နိုင်ငံဖွံ့ဖြိုးတိုးတက်ရေး လုပ်ငန်းစဉ်များ၌ လူငယ်များအနေဖြင့် အဓိကစွမ်းအားစု အဖြစ်ပါဝင် နိုင်ရေး ဗလငါးတန်နှင့်ပြည့်စုံသည့် လူငယ်များဖြစ်စေရန် လူငယ်ကဏ္ဍအား မြှင့်တင်ဆောင် ရွက်ရန် လိုအပ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး ဝန်ကြီးချုပ်က ဆွေးနွေးပွဲသို့တက်ရောက်လာကြသည့် ဆရာ/ဆရာမများအတွက် ငွေကျပ် - ၁၀ သိန်းအား ထောက်ပံ့ပေးအပ်ခဲ့ပြီး အခမ်းအနားသို့ တက်ရောက်လာသူများအား ရင်းရင်းနှီးနှီးလိုက်လံနှုတ်ဆက်ကာ ဖွင့်ပွဲအခမ်းအနားကို ရုပ်သိမ်း ခဲ့သည်။
အဆိုပါ အခြေခံပညာမူလတန်းဆင့်သင်(လုပ်ငန်းခွင်ဝင်စ)ဆရာ/ဆရာမများ စွမ်းဆောင် ရည်မြင့် မားရေးဆွေးနွေးပွဲကို မတ်လ ၁ ရက်နေ့မှ ၅ ရက်နေ့အထိ ဆွေးနွေးသွားမည်ဖြစ်ရာ ဗဟိုအဆင့်ဆွေးနွေးပွဲသို့ တက်ရောက်ခဲ့သည့် နည်းပြ - (၃၇)ဦးနှင့် တိုင်းဒေသကြီးအတွင်းရှိ ခရိုင်အဆင့်ပြန်လည်ပို့ချမည့် နည်းပြဆရာ/ဆရာမ(၁၇၁)ဦးမှ ဆွေးနွေးသွားမည်ဖြစ်ကြောင်း သိရသည်။

မုံရွာ၊ မတ် ၁
စစ်ကိုင်းတိုင်းဒေသကြီး၊ အားကစားနှင့်ကာယပညာသိပ္ပံ(မုံရွာ)ရှိ ကျောင်းသား/ကျောင်း သူများအတွက် ထောက်ပံ့ငွေပေးအပ်ပွဲ အခမ်းအနားကို မတ်လ ၁ ရက်နေ့၊ နံနက်ပိုင်းတွင် အဆိုပါကျောင်းရှိ မိုးလုံလေလုံအားကစားခန်းမတွင် ကျင်းပရာ အခမ်းအနားသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ခရိုင်/မြို့နယ် အဆင့်ဌာနဆိုင်ရာများ၊ ကျောင်းအုပ်ကြီးနှင့် နည်းပြများ၊ သင်တန်းသား၊သင်တန်းသူများ တက် ရောက်ကြသည်။
ဦးစွာ တိုင်းဒေသကြီး ဝန်ကြီးချုပ်က သင်တန်းသား၊သင်တန်းသူများအနေဖြင့် အားက စားနှင့်ပညာရေးသာမက ဗလငါးတန်ဘက်စုံထောင့်စုံဖွံ့ ဖြိုးတိုးတက်စေရန်အတွက် စာပေများ ဖတ်ရှုလေ့လာသွားကြရန် လိုအပ်ပါကြောင်း၊ ကျောင်းအုပ်ကြီးနှင့် တာဝန်ရှိသူများ အားလုံးမှ လည်း ကျောင်းသား၊ကျောင်းသူများအတွက် အဘက်ဘက်မှလိုအပ်ချက်မရှိ အောင်ဝိုင်းဝန်းကူ ညီကြိုးပမ်း ဆောင်ရွက်သွားကြရန်မှာ ကြားလိုပါကြောင်း၊ ကျောင်းသား၊ကျောင်းသူများမှလည်း နောင်အနာဂတ်တွင် ထူးချွန်ထက်မြက်ပြီး အရည်အချင်းပြည့်ဝသည့် နိုင်ငံ့ဂုဏ်ဆောင် အားက စားသမားကောင်းများဖြစ်အောင် ကြိုးစားသင်ယူသွား ကြရန်လိုအပ်ပါကြောင်း၊ ကျောင်းမှချ မှတ်ထားသည့် စည်းကမ်းများ၊ အိပ်ဆောင်စည်းကမ်းများနှင့် လေ့ကျင့်ရေးစည်းကမ်းများကို လည်း စနစ်တကျလိုက်နာသွားကြရန်နှင့် ကျန်းမာရေးကိုလည်း အထူးဂရုပြုသွားကြပြီး ကျန်းမာ သန်စွမ်းသည့် အားကစားသမားများအဖြစ် လေ့လာသင်ယူကြိုးစားသွားကြရန် လိုအပ်ပါ ကြောင်း၊ မိမိတို့တိုင်းဒေသကြီးအစိုးရအဖွဲ့ အနေဖြင့်လည်း ကျောင်း၏လိုအပ်သည်များကို ပံ့ပိုး ကူညီဆောင်ရွက်ပေးသွားမည် ဖြစ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး ဝန်ကြီးချုပ်က အားကစားနှင့်ကာယပညာသိပ္ပံ(မုံရွာ) ကျောင်းအုပ်ကြီးထံ ငွေကျပ် - ၁၀ သိန်းအား ထောက်ပံ့ပေးအပ်ခဲ့ပြီး အခမ်းအနားသို့ တက် ရောက်လာသူများအား ရင်းရင်းနှီးနှီးလိုက်လံနှုတ်ဆက်ကာ ဖွင့်ပွဲအခမ်းအနားကို ရုပ်သိမ်းခဲ့ သည်။
ဆက်လက်ပြီး တိုင်းဒေသကြီး ဝန်ကြီးချုပ်နှင့် တာဝနှ်ရှိသူများသည် အားကစားနှင့် ကာယပညာသိပ္ပံ(မုံရွာ)ရှိ ကျောင်းသား/ကျောင်းသူများ၏ ဘောလုံး၊ ပြေးခုန်ပစ်၊ အလေးမ၊ လက်ဝှေ့၊ ကရာတေးဒို၊ ပိုက်ကျော်ခြင်း အားကစားနည်းများ လေ့ကျင့်နေမှုများအား လိုက်လံ ကြည့်ရှုစစ်ဆေးခဲ့ကြပြီး ကျောင်း၏လေ့ကျင့်သင်ကြားရေးအတွက် လိုအပ်သည်များကို တာဝနှ်ရှိ သူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။
ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် အဆိုပါကျောင်းရှိ စားရိပ် သာဆောင်၌ ကျောင်းအုပ်ကြီးနှင့် နည်းပြဆရာ/ဆရာမများ၊ ဝန်ထမ်းများ၊ ကျောင်းသား/ ကျောင်းသူများနှင့်အတူရင်းရင်းနှီးနှီး အထူးနေ့လည်စာ အတူတကွ သုံးဆောင်ခဲ့ကြောင်း သိရ သည်။

၂၀၂၄ ခုနှစ်၊ မတ်လ ၁ ရက်
၁။ (၁-၃-၂၀၂၄)ရက်နေ့ (၀၉၃၀)အချိန်၌ စစ်ကိုင်းတိုင်းဒေသကြီးအစိုးရအဖွဲ့၊ ချင်းတွင်း ခန်းမတွင် ကျင်းပပြုလုပ်သော စစ်ကိုင်းတိုင်းဒေသကြီးအထွေထွေအုပ်ချုပ်ရေးဦးစီးဌာန အရာထမ်း၊ အမှုထမ်းများအား ပြည်သူ့စစ်မှုထမ်းဥပဒေဆိုင်ရာ သိကောင်းစရာများချပြရှင်းလင်းပွဲအခမ်းအနား နှင့်ဝန်ထမ်းဆန္ဒဖော်ထုတ်ပွဲ(ဒါဘာ)အခမ်းအနားတွင် ပထမပိုင်းအစီအစဉ်အနေဖြင့် ပြည်သူ့စစ်မှုထမ်း ဥပဒေဆိုင်ရာသိကောင်းစရာများအား ဒုတိယညွှန်ကြားရေးမှူး ဦးကျော်စိုးမှ ပြည်သူ့စစ်မှုထမ်း ဥပဒေပြဋ္ဌာန်းရခြင်း၏ ရည်ရွယ်ချက်၊ နိုင်ငံတကာမှ ကျင့်သုံးဆောင်ရွက်နေသည့် စစ်မှုမထမ်း မနေရစနစ်များ၊ ပြည်သူ့စစ်မှုထမ်းရမည့် အသက်အရွယ်အပိုင်းအခြား၊ ပြည်သူ့စစ်မှုထမ်းရန်ကာလ၊ ပြည်သူ့စစ်မှုထမ်းတို့၏ ခံစားခွင့်များ၊ ပြည့်သူ့စစ်မှုထမ်းဆောင်ခြင်းမှ ကင်းလွတ်ခွင့်ရသူများ၊ ပြည်သူ့ စစ်မှုထမ်းဆောင်ခြင်းမှ ယာယီရွှေ့ဆိုင်းနိုင်သည့်ပုဂ္ဂိုလ်များ၊ ပြစ်မှုနှင့် ပြစ်ဒဏ်များနှင့်စပ်လျဉ်း၍ ရှင်းလင်းဆွေးနွေးပြီး တိုင်းဒေသကြီးအုပ်ချုပ်ရေးမှူး ဦးခင်မောင်ဆန်းမှ ပြည်သူ့စစ်မှုထမ်းဥပဒေ နှင့်စပ်လျဉ်း၍ ပြည်သူ့စစ်မှုထမ်းဥပဒေ၏ ရည်ရွယ်ချက်၊ ပြည်သူ့စစ်မှုထမ်းရန် အကျုံးဝင်သော အသက်အပိုင်းအခြား၊ ပြည်သူ့စစ်မှုထမ်းခြင်းမှ ကင်းလွတ်ခွင့်ရသူများနှင့်ပတ်သက်၍ ဖြည့်စွက် ရှင်းလင်းဆွေးနွေးခဲ့ပါသည်။
၂။ အခမ်းအနား ဒုတိယပိုင်းအစီအစဉ်အနေဖြင့် ဝန်ထမ်းဆန္ဒဖော်ထုတ်ပွဲ(ဒါဘာ)အခမ်းအနား အား ဆက်လက်ကျင်းပပြုလုပ်ခဲ့ရာ တိုင်းဒေသကြီးအုပ်ချုပ်ရေးမှူး ဦးခင်မောင်းဆန်းမှ ဝန်ထမ်း များနှင့်ပတ်သက်၍ ဆောင်ရန်၊ ရှောင်ရန်များ၊ သက်သာချောင်ချိရေးနှင့်ပတ်သက်၍ ဆောင်ရွက် ထားရှိမှုများအား မှာကြားဆောင်ရွက်ခဲ့ပြီး ဌာနခွဲ၊ ဌာနစုအလိုက်ဝန်ထမ်းများ၏ တင်ပြချက်များ အပေါ် လိုအပ်သည်များ ဖြည့်ဆည်းဆောင်ရွက်နိုင်ရေး ဆွေးနွေးမှာကြားခဲ့ပြီး အဆိုပါအခမ်းအနား သို့ အရာထမ်း၊ အမှုထမ်း (၂၅၀)ဦး တက်ရောက်ခဲ့ပြီး (၁၁၀၅)အချိန် အခမ်းအနားပြီးမြောက် ခဲ့ပါသည်။

မုံရွာ ဖေဖော်ဝါရီ ၂၉

စစ်ကိုင်းတိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး အမှတ်စဉ်(၂/၂၀၂၄)ကို ဖေဖော်ဝါရီလ ၂၉ ရက်နေ့၊ နံနက်ပိုင်းတွင် တိုင်းဒေသကြီး အစိုးရအဖွဲ့ရုံး အစည်းအဝေးခန်းမ တွင်ကျင်းပရာ အစည်းအဝေးသို့ တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီးအစိုးရ အဖွဲ့ဝင်များ၊ တိုင်းဒေသကြီး ရင်းနှီးမြှုပ်နှံမှု ကော်မတီ အဖွဲ့ဝင်များ၊ ကုမ္ပဏီလုပ်ငန်းရှင်များနှင့် တာဝန်ရှိသူများ တက်ရောက်ကြသည်။

ရှေးဦးစွာ တိုင်းဒေသကြီး ရင်းနှီးမြုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့အနေဖြင့် ပြည်တွင်းပြည်ပ ရင်းနှီးမြှုပ်နှံသူများ၏ စီးပွား ရေးလုပ်ငန်းများ တိုးတက်ကောင်းမွန်လာစေရန်အတွက် ကဏ္ဍစုံမှဆောင်ရွက်ပေးလျက်ရှိ ပါကြောင်း၊ တိုင်းဒေသ ကြီးအတွင်း ပြည်တွင်း၊ပြည်ပ ရင်းနှီးမြှုပ်နှံမှုများ တိုးတက်များပြား လာခြင်းနှင့်အတူ တိုင်းဒေသ ကြီးအတွင်းရှိ အသေးစား၊ အငယ်စား၊ အလတ်စားစီးပွားရေး လုပ်ငန်းများလည်း စီးပွားရေးကွင်း ဆက်အလိုက် ကျွဲကူးရေပါဖွံ့ဖြိုးတိုးတက်လာမှာ ဖြစ်ပါကြောင်း၊ တိုင်းဒေသကြီးအတွင်း ရင်းနှီး မြှုပ်နှံမှုလုပ်ငန်းအသစ်များ ဆောင်ရွက်လာစေရန် ရင်းနှီးမြှုပ်နှံမှုမြှင့်တင်ခြင်းဖြင့် ရင်းနှီးမြှုပ်နှံမှု လုပ်ငန်းများဆောင်ရွက်ရန် ခွင့်ပြုမိန့်ရရှိပြီးသည့်နောက်ပိုင်း Investment After Care Services ကိုလည်း ထိထိရောက်ရောက် ဆောင်ရွက်ပေးရမှာ ဖြစ်ပါကြောင်း၊ စီးပွားရေးလုပ်ငန်းများ အဆင်ပြေချောမွေ့လာသည်နှင့်အမျှ တိုင်းဒေသကြီးအတွင်း ရင်းနှီးမြှုပ်နှံမှုလုပ်ငန်းအသစ်များ ဆောင်ရွက်လာကြမှာ ဖြစ်ပါကြောင်း၊ လုပ်ငန်းရှင်များ အနေ ဖြင့်လည်း ဆက်စပ်သည့်အပေါင်းအဖော် လုပ်ငန်းရှင်များအား သတင်းကောင်းပေး ဖိတ်ခေါ်ပေး သွားကြရန် လိုအပ်ပါကြောင်း၊ ကော်မတီအဖွဲ့ဝင်များအနေဖြင့်လည်း တိုင်းဒေသကြီးအတွင်း ရင်းနှီးမြှုပ်နှံမှုပြုလုပ်ရန် စိတ်ပါဝင်စားသည့် ပြည်တွင်း၊ပြည်ပ ရင်းနှီးမြှုပ်နှံသူများအား ဖိတ် ခေါ်ဆွဲဆောင်ရေးနှင့် ဝင်ရောက်ပြီးသည့် ရင်းနှီးမြှုပ်နှံမှုလုပ်ငန်းများ အတွက်လုပ်ငန်းစဉ်များ အားလွယ်ကူချောမွေ့အောင် တာဝန်ရှိသူအားလုံးမှ ပူးပေါင်းကူညီဆောင်ရွက်ပေးသွားကြရန် တိုက်တွန်းပြောကြားခဲ့သည်။

ယင်းနောက် ရင်းနှီးမြှုပ်နှံမှုကော်မတီ အတွင်းရေးမှူး၊ တိုင်းဒေသကြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဒေါ်မေမျိုးဇော်က ယခင်အစည်း အဝေးဆုံး ဖြတ်ချက်များ၏ ဆောင်ရွက်ပြီးစီးမှု လုပ်ငန်းအခြေအနေများနှင့် စစ်ကိုင်းစက်မှုဇုန်တွင် ဆိုင်ခန်း များတည်ဆောက်ခြင်းနှင့် ငှားရမ်းခြင်းဝန်ဆောင်မှုလုပ်ငန်း ဆောင်ရွက်လျက်ရှိသည့် သုံးထပ် စက်ဝိုင်း စက်မှုလုပ်ငန်းကုမ္ပဏီလီမိတက် (Triple Circle Industry C0,Ltd)မှ လုပ်ငန်းရည်ရွယ် ချက်ပြောင်းလဲဆောင်ရွက်ခွင့်ပြုပါရန် တင်ပြလာခြင်းကိစ္စ လုပ်ငန်းများနှင့် ပတ်သက်၍ ရှင်း လင်းတင်ပြသည်။
ယင်းနောက် အစည်းအဝေးသို့ တက်ရောက်လာကြသော တိုင်းဒေသကြီး ရင်းနှီးမြှုပ်နှံမှု ကော်မတီ အဖွဲ့ဝင်များက ရင်းနှီးမြှုပ်နှံမှုလုပ်ငန်းများနှင့် ပတ်သက်၍ အသီးသီးဖြည့်စွက်အကြံ ပြု ဆွေးနွေးတင်ပြကြသည်။
ထို့နောက် တိုင်းဒေသကြီး ရင်းနှီးမြှုပ်နှံမှုကော်မတီ ဥက္ကဌ၊ တိုင်းဒေသကြီး ဝန်ကြီးချုပ်က အစည်းအဝေးသို့ တက်ရောက်လာသူများ၏ အသီးသီးရှင်းလင်း ဆွေးနွေး တင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင် ရွက်ပေးကာ နိဂုံးချုပ်စကား ပြောကြားပြီး အစည်းအဝေးကို ရုပ်သိမ်းခဲ့ကြောင်း သိရသည်။

မုံရွာ ဖေဖော်ဝါရီ ၂၈

စစ်ကိုင်းတိုင်းဒေသကြီး ဒေသဆိုင်ရာခရီးသွား လုပ်ငန်းကော်မတီ (၂/၂၀၂၄) အစည်း အဝေးကို ဖေဖော်ဝါရီလ ၂၈ ရက်နေ့၊ နံနက်ပိုင်းတွင် တိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ကျင်းပရာ အစည်းအဝေးသို့ ဒေသဆိုင်ရာခရီးသွားလုပ်ငန်း ကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်၊ ဒုတိယ ဥက္ကဌ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်း၊ တိုင်းဒေသကြီး ခရီးသွားလုပ်ငန်းကော်မတီ အတွင်းရေးမှူးနှင့် အဖွဲ့ဝင်များ၊ ဟိုတယ်/တည်းခိုရိပ်သာ လုပ်ငန်းရှင်များ တက်ရောက်ကြသည်။

ဦးစွာ ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် ဦးမြတ်ကျော်က မိမိတို့ စစ်ကိုင်းတိုင်းဒေသကြီးသည် ပြည်နယ်နှင့်တိုင်းဒေသကြီးအတွင်း ဒုတိယအကျယ်ဝန်းဆုံး တိုင်းဒေသကြီးတစ်ခုဖြစ်ပြီး သွားလာလည်ပတ်စရာ ရေ၊ မြေ၊ တော တောင်၊ သဘာဝအလှအပများ၊ ရိုးရာယဉ်ကျေးမှုအမွေအနှစ်များနှင့် စိတ်ဝင်စားစရာ ခရီးစဉ် ဒေသအများအပြားရှိပါကြောင်း၊ ယင်းသဘာဝအရင်းအမြစ်များအား ဝိုင်းဝန်းထိန်းသိမ်းစောင့် ရှောက်ကာ ဖော်ထုတ်ကြော်ငြာသည့်လုပ်ငန်းများ လုပ်နိုင်မည်ဆိုပါက ခရီးသွားလုပ်ငန်းဆိုင်ရာ ဆက်စပ်လုပ်ငန်းများဖြစ်သည့် ဟိုတယ်/တည်းခိုရိပ်သာ၊ သယ်ယူပို့ဆောင် ရေးလုပ်ငန်းများနှင့် ဒေသထွက်ကုန်အရောင်းဆိုင်များအပါအဝင် ဖွံ့ဖြိုးတိုးတက်လာမည် ဖြစ်သည့်အတွက် ဒေသ ဆိုင်ရာခရီးသွားလုပ်ငန်း ကော်မတီဝင်များနှင့် ပုဂ္ဂလိကလုပ်ငန်းရှင်များမှ အစဉ်တစိုက်ကြိုးပမ်း ဆောင်ရွက်သွားကြရန် လိုအပ်ပါကြောင်း၊ပြည်တွင်း၊ပြည်ပခရီးသွားများ အဆင်ပြေစေရန်အတွက် တိုင်းဒေသကြီး၏ မြို့တော်ဖြစ်သည့် မုံရွာလေဆိပ်အဝင်အထွက် ဝန်ဆောင်မှုကောင်းမွန်ရေးအတွက် မန္တလေးအပြည်ပြည် ဆိုင်ရာလေဆိပ်အား နမူနာယူပြီး လိုအပ်သည်များကို အတတ်နိုင်ဆုံးဖြည့်ဆည်းစီစဉ်ဆောင် ရွက်လျက်ရှိပါကြောင်း၊ တိုင်းဒေသကြီး၏ အမှတ်တရ (Souvenir) ပစ္စည်းများအား လေဆိပ်တွင် တစ်နေရာတည်း စုံစုံလင်လင်ပြသရောင်းချနိုင်ရေးနှင့် လေယာဉ်စီးခရီးသည်များနှင့် ကြိုပို့သူများမှမြင်လိုက်သည်နှင့် ဝင်ထွက်လေ့လာ ဝယ်ယူချင်စရာကောင်းသည့် Coffee Shop အား သပ်ရပ်လှပတင့်တယ်သည့် ဒီဇိုင်း Decoration များနှင့် ဆောင်ရွက်လျက်ရှိပါကြောင်း၊ တာဝန်ရှိသူများအနေဖြင့် ဟိုတယ်၊တည်းခိုရိပ်သာများ သန့်ရှင်းသာယာလှပရေး၊ စိမ်းလန်းစိုပြည်ရေး၊ သဘာဝပတ်ဝန်းကျင်နှင့် လိုက်လျောညီထွေရှိမှသာ ရေရှည်တည်တံ့ခိုင်မြဲသည့် ခရီးသွားလုပ်ငန်းအဖြစ်အောင်မြင်လာမှာ ဖြစ်ပါကြောင်း၊ ဒေသဆိုင်ရာခရီးသွားလုပ်ငန်း ကော်မတီဝင် များနှင့် ပုဂ္ဂလိကခရီးသွားလုပ်ငန်း ကိုယ်စားလှယ်များ၊ ခရီးသွားနှင့်ဆက်စပ်သည့် ဌာနဆိုင် ရာများအနေဖြင့် တိုင်းဒေသကြီးအတွင်း ခရီးသွားလုပ်ငန်းများ ဖွံ့ဖြိုးတိုးတက်အောင် ဝိုင်းဝန်း ကြိုးပမ်းဆောင်ရွက်သွားကြ ရန်လိုအပ်ပါကြောင်းတိုက်တွန်း ပြောကြားခဲ့သည်။

ယင်းနောက် ဒေသဆိုင်ရာခရီးသွားလုပ်ငန်းကော်မတီ ဒုတိယဥက္ကဌ၊ တိုင်းဒေသကြီး စီးပွားရေးရာဝန်ကြီး ဒေါ်ရီရီသန်းက ဒေသဆိုင်ရာခရီးသွားလုပ်ငန်းဆိုင်ရာများနှင့် ပတ်သက်၍ ရှင်းလင်းပြောကြားပြီး တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ အတွင်းရေး မှူး၊ တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန တိုင်းဒေသကြီးဦးစီးမှူး ဦးမြင့်စိန် က ခရီးသွားလုပ်ငန်းကော်မတီ (၁/၂၀၂၄) ကြိမ်မြောက်အစည်း အဝေးဆုံးဖြတ်ချက်များ အပေါ် ဆောင်ရွက်ထားရှိမှုနှင့် ဆောင်ရွက်ဆဲအခြေအနေများ၊ ယခုအစည်းအဝေးတွင် ဆုံးဖြတ် အတည်ပြုပေးရမည့် ကိစ္စရပ်များနှင့် တိုင်းဒေသကြီးအတွင်း ခရီးသွားဝင်ရောက်မှု အခြေအနေ များအား Power Point ဖြင့် ရှင်းလင်းတင်ပြ သည်။

ဆက်လက်၍ အစည်းအဝေးသို့ တက်ရောက်လာသူများနှင့် ဟိုတယ်လုပ်ငန်းရှင်များက တိုင်းဒေသကြီးအတွင်း ဒေသဆိုင်ရာခရီးသွား လုပ်ငန်းဆိုင်ရာကိစ္စရပ်များ၊ ခရီးသွားဝင်ရောက် မှု၊ ခရီးသွားဒေသများပတ်ဝန်းကျင်တွင် သန့်ရှင်းသာယာလှပရေး ဆောင်ရွက်နေမှု၊ လမ်းပန်း ဆက်သွယ်ရေး၊ လုံခြုံရေးအခြေအနေများနှင့် ပတ်သက်၍ အသီးသီးအကြံပြု ဆွေးနွေးတင်ပြ ကြသည်။

ထို့နောက် ဒေသဆိုင်ရာခရီးသွားလုပ်ငန်းကော်မတီ ဥက္ကဌ၊ တိုင်းဒေသကြီး ဝန်ကြီးချုပ် က အကြံပြုဆွေးနွေးတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်း ပေါင်းစပ်ဆောင်ရွက်ပေးခဲ့ပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းခဲ့ ကြောင်း သိရသည်။

မုံရွာ၊ ဖေဖော်ဝါရီ ၂၇

နိုင်ငံသားတိုင်းသည် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲ ရေးနှင့် အချုပ်အခြာအာဏာတည်တံ့ခိုင်မြဲရေးဟူသည့် ဒို့တာဝန်အရေးသုံးပါးကို စောင့်ထိန်းရန် တာဝန်ရှိသဖြင့် ယင်းတာဝန်ကို ထမ်းဆောင်နိုင်ရေးအလို့ငှာ စစ်ပညာသင်ကြားရန်နှင့် နိုင်ငံ တော်ကာကွယ်ရေးအတွက် စစ်မှုထမ်းဆောင်နိုင်ရန်အတွက် စစ်ကိုင်းတိုင်းဒေသကြီး၊ မုံရွာမြို့၌ ပြည်သူ့စစ်မှုထမ်းဥပဒေဆိုင်ရာ အသိပညာပေးရှင်းလင်းဆွေးနွေးပွဲကို ဖေဖော်ဝါရီလ ၂၇ ရက် နေ့၊မွန်းလွဲပိုင်းတွင် တိုင်းဒေသကြီးအစိုးရ အဖွဲ့ရုံးဝန်းအတွင်းရှိ ချင်းတွင်းခန်းမတွင် ကျင်းပပြု လုပ်ရာ ရှင်းလင်းဆွေးနွေးပွဲသို့ တိုင်းဒေသကြီး ဝန်ကြီးချုပ် ဦးမြတ်ကျော်၊ တိုင်းဒေသကြီး တရားသူကြီးချုပ်၊ တိုင်းဒေသကြီး အစိုးရအဖွဲ့ဝင်များ၊တိုင်း ဒေသကြီး/ခရိုင်/မြို့နယ်အဆင့် ဌာန ဆိုင်ရာများနှင့် တာဝန်ရှိသူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် ဦးမြတ်ကျော်က ပြဋ္ဌာန်းထားသည့်ဥပဒေ၏ အခွင့် အရေးအား နိုင်ငံသားတိုင်းခံစားခွင့်ရှိသကဲ့သို့ ဥပဒေပါတာဝန်များကိုလည်း နိုင်ငံသားတိုင်း လိုက်နာရမည်ဖြစ်ပြီး ပြည်သူ့စစ်မှုထမ်းဥပဒေသည် ယခုမှအတည်ပြုထုတ်ပြန်လိုက်ခြင်း မဟုတ်ဘဲ ၁၉၅၉ ခုနှစ်မှစတင်၍ ပြည်သူ့စစ်မှုထမ်းအက်ဥပဒေဆိုပြီး ရှိခဲ့ပါကြောင်း၊ ၂၀၁၀ ပြည့်နှစ် နိုဝင်ဘာလတွင် ဥပဒေအမှတ်(၂၇/၂၀၁၀)နှင့် ၁၉၅၉ ပြည်သူ့စစ်မှုထမ်း ဥပဒေ အားပြင်ဆင်သတ်မှတ်ခဲ့ပြီး အခုနိုင်ငံတော်စီမံ အုပ်ချုပ်ရေးကောင်စီအစိုးရ လက်ထက်တွင် စတင်အာဏာတည်စေခဲ့ခြင်း ဖြစ်ပါကြောင်း၊ ပြည်သူ့စစ်မှုထမ်းဥပဒေအား မြန်မာနိုင်ငံတွင် သာပြဋ္ဌာန်းခြင်းမဟုတ်ဘဲ ကမ္ဘာ့နိုင်ငံများစွာတွင်လည်း ကျင့်သုံးလျက်ရှိရာ သာဓကအနေ ဖြင့် အရှေ့တောင်အာရှ ဒေသနိုင်ငံများဖြစ်သည့် စင်ကာပူ၊ မလေးရှား၊ လာအို၊ထိုင်းနိုင်ငံနှင့် ဒေသ တွင်းနိုင်ငံများဖြစ်သည့် တောင်ကိုရီးယား၊ ဩစတြေလျနိုင်ငံ များတွင်လည်း ကျင့်သုံးလျက်ရှိပြီး ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေတွင် နိုင်ငံသားတိုင်းသည် ဥပဒေ ပြဌာန်းချက်များနှင့်အညီ စစ်ပညာသင်ကြားရန်နှင့် နိုင်ငံတော်ကာကွယ်ရေး အတွက်စစ်မှု ထမ်းရန် တာဝန်ရှိသည်” ဟုလည်းကောင်း ပြဌာန်းထားပါကြောင်း၊ အချို့သော တိုင်းဒေသကြီးနှင့်ပြည်နယ်များတွင် PDF အကြမ်းဖက်သမားများနှင့် အချို့ သော EAO များသည် တိုင်းပြည်တည်ငြိမ် အေးချမ်းမှုပျက်ပြားအောင် အကြမ်းဖက်လုပ်ငန်းများ လုပ်ဆောင်လျက်ရှိကြောင်း၊ ထိုသို့သောအခြေအနေမျိုးတွင် ပြည်ဖျက် အကြမ်းဖက်သမား များအားပြည်သူအားလုံးပါဝင်မှုဖြင့် ချေမှုန်းသွားရန် လိုအပ်လာပြီဖြစ်ပါကြောင်း၊ ပြည်သူ့စစ်မှု ထမ်းဥပဒေသည် နိုင်ငံတော်ကာကွယ်ရေးတာဝန်အား လူကြီး၊လူငယ်မရွေးတိုင်းရင်းသား ပြည် သူအားလုံးသိနားလည်ရန်၊ ဒို့တာဝန်အရေးသုံးပါးကို ကာကွယ်စောင့်ရှောက်ရန် ရည်ရွယ် ဆောင်ရွက် ခြင်းဖြစ်ပါကြောင်း၊ နိုင်ငံအင်အားအရင်းအမြစ်အနေဖြင့် တပ်မတော်နှင့်ပြည်သူ ဟန်ချက်ညီညီဖြင့် လက်တွဲပါဝင်ဆောင်ရွက်ခြင်းဖြင့် အေးစက်နေသည့် စစ်ဘက်အရပ်ဘက် ဆက်ဆံရေးသည် ပိုမိုအားကောင်းလာမည် ဖြစ်ပါကြောင်း ပြောကြားခဲ့သည်။
ယင်းနောက် တိုင်းဒေသကြီး လူမှုရေးရာဝန်ကြီး ဦးညွှန့်ဝင်းအောင်က ပြည်သူ့စစ်မှု ထမ်းဥပဒေဆိုင်ရာများဖြစ်သည့် နိုင်ငံခြားတိုင်းပြည်များတွင် ဆောင်ရွက်နေသော စစ်မှုမထမ်း မနေရစနစ်များ၊ ပြည်သူ့စစ်မှုထမ်းဥပဒေပြဌာန်းခြင်း၊ ပြည်သူ့စစ်မှုထမ်းရန်ကာလ၊ ပြည်သူ့စစ် မှုထမ်းဥပဒေရည်ရွယ်ချက်၊ ပြည်သူ့စစ်မှုထမ်းတို့၏ခံစားခွင့်များ၊ ပြည်သူ့စစ်မှု ထမ်းဆောင်ခြင်း မှကင်းလွတ်ခြင်း၊ ပြည်သူ့စစ်မှုထမ်းဆောင်ခြင်းမှ ယာယီရွေ့ဆိုင်းနိုင်သည့်ပုဂိ္ဂုလ်များ၊ ပြည်သူ့ စစ်မှုထမ်းဆင့်ခေါ်ရေးအဖွဲ့ အဆင့်ဆင့်ဖွဲ့စည်းခြင်းနှင့် လုပ်ငန်းတာဝန်များ၊ စစ်စည်းရုံးခြင်း၊ ပြစ်မှုနှင့်ပြစ်ဒဏ်များအား Power Point ဖြင့် ရှင်းလင်းတင်ပြပြီး ရှင်းလင်းဆွေးနွေးပွဲကို ရုပ် သိမ်းခဲ့သည်။
ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများက ရှင်းလင်းဆွေးနွေးပွဲ သို့ တက်ရောက်လာသူများအား ရင်းရင်းနှီးနှီးနှုတ်ဆက်ကာ လက်ဘက်ရည်နှင့်မုန့်များ အားအတူ တကွသုံးဆောင်ခဲ့ကြပြီး တိုင်းဒေသကြီးအစိုးရအဖွဲ့မှ ပြည်သူ့စစ်မှုထမ်းဥပဒေ ပြဌာန်းမှုအပေါ် မိဘပြည်သူများ သိရှိလေ့လာနိုင်စေရန်အတွက် လက်ကမ်းစာစောင်များနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ပြည်သူ့စစ်မှုထမ်း ဥပဒေဆိုင်ရာသိကောင်းစရာ သတင်းစကား လက်ကမ်းစာစောင်များအား ဖြန့်ဝေခဲ့ကြသည်။
အလားတူ ပြည်သူ့စစ်မှုထမ်းဥပဒေဆိုင်ရာ အသိပညာပေး ရှင်းလင်းဆွေးနွေးပွဲများအား တိုင်းဒေသကြီးအတွင်းရှိ ကန့်ဘလူ၊ မုံရွာ၊ စစ်ကိုင်း၊ တမူး၊ လေရှီး၊ ဟုမ္မလင်းမြို့နယ်များတွင် ဆောင်ရွက်ခဲ့ပြီးဖြစ်ပြီး ကျန်မြို့နယ်များနှင့် ဆွေးနွေးပွဲသို့တက်ရောက်လာကြသည့် ဌာနဆိုင်ရာ များ၊ တက္ကသိုလ်၊ကောလိပ်များမှလည်း သက်ဆိုင်ရာအလိုက် ဆက်လက်ရှင်းလင်းဆွေးနွေး သွားမည်ဖြစ်ကြောင်း သိရသည်။